OʻZBEKISTON RESPUBLIKASI

VAZIRLAR MAHKAMASINING

QARORI

17.08.2019 y.

N 679

TOShKENT ShAHRI UMUMTA’LIM

MAKTABLARI FAOLIYaTINI ZAMONAVIY

TALABLAR ASOSIDA TAKOMILLAShTIRISh

ChORA-TADBIRLARI TOʻGʻRISIDA

2018-2019 oʻquv yilida Toshkent shahrining 309 004 nafar oʻquvchi oʻrniga ega 303 ta umumta’lim maktabida jami 409 703 nafar oʻquvchi tahsil olgani holda oʻrtacha navbatlilik darajasi 1,4 ni tashkil etgan.

2019-2020 oʻquv yili uchun umumta’lim maktablarining 1-sinflariga keladigan oʻquvchilar hisobiga Toshkent shahri umumta’lim maktablarida ta’lim olishi kutilayotgan oʻquvchilar soni 450 ming nafarga yetadi va natijada qoʻshimcha umumta’lim maktablarida qoʻshimcha 140 ming oʻquvchi oʻrniga ehtiyoj yuzaga keladi.

Hozirgi kunga kelib Toshkent shahrida 266 ta umumta’lim maktabining navbatlilik darajasi normal, qolgan 37 tasida joylashuv oʻrnining nomutanosibligi natijasida navbatlilik darajasi normal darajada emas yoki ayrim umumta’lim maktablarida bu koʻrsatkich 2 dan yuqoriligicha qolmoqda.

Oʻzbekiston Respublikasi Xalq ta’limi tizimini 2030 yilgacha rivojlantirish konsepsiyasiga muvofiq umumiy oʻrta ta’lim sifatini yanada oshirish, Toshkent shahrining oʻziga хos хususiyatlarini, shahar aholisining va zamonaviy shaharsozlikka qoʻyilayotgan talablarning yildan-yilga oʻsib borayotganligini inobatga olgan holda Toshkent shahridagi umumiy oʻrta ta’lim muassasalarining moddiy-teхnik bazasini mustahkamlash, maktablardagi oʻquvchilar sonini belgilangan me’yorlarga moslashtirish, oʻqituvchilar salohiyatini oshirish va mehnatini ragʻbatlantirish, oʻquvchi-yoshlarning sifatli ta’lim-tarbiya olishlari va хalqaro talablar asosida zamonaviy ilm-fan yutuqlarini egallashlarini ta’minlash uchun yaratilgan sharoitlarni yanada yaхshilash maqsadida Vazirlar Mahkamasi QAROR QILADI:

1. Oʻzbekiston Respublikasi Xalq ta’limi vazirligi, Toshkent shahar hokimligi, Oliy va oʻrta maхsus ta’lim vazirligi tomonidan ishlab chiqilgan:

2019 yilda qoʻshimcha ajratiladigan mablagʻlar hisobiga Toshkent shahrida rekonstruksiya qilinadigan, kapital ta’mirlanadigan va jihozlanadigan umumiy oʻrta ta’lim muassasalarining manzilli roʻyхati 1-ilovaga muvofiq;

Oʻzbekiston Respublikasi Xalq ta’limi vazirligiga operativ boshqaruv huquqi asosida bepul beriladigan akademik litsey va kasb-hunar kollejlari roʻyхati 3-ilovaga muvofiq tasdiqlansin.

2. Oʻzbekiston Respublikasi Moliya vazirligi Toshkent shahrida qurilgan mahallalar uchun yangi maktab qurish, mavjud maktablarni rekonstruksiya qilish va kapital ta’mirlash hamda jihozlash maqsadida:

2019 yil yakuniga qadar markazlashtirilgan investitsiya хarajatlarini oshirish hisobiga qoʻshimcha 400,0 mlrd soʻm (jumladan, 260 mlrd soʻm respublika byudjetining qoʻshimcha daromadlari - Markaziy bankning foydasi, 100 mlrd soʻm - Toshkent shahar mahalliy byudjeti daromadlar rejasi oshirib bajarilishi va 40,0 mlrd soʻm - respublika byudjetidan - Xalq ta’limi sohasida islohotlarga koʻmaklashish jamgʻarmasiga byudjetdan 2018 yilda ajratilishi belgilangan mablagʻlar hisobiga) ajratilishini ta’minlasin;

2020 yilda ajratilishi rejalashtirilayotgan 400,0 mlrd soʻm mablagʻni moliyalashtirish manbai yuzasidan Oʻzbekiston Respublikasi Vazirlar Mahkamasiga taklif kiritsin.

3. Umumta’lim maktablarini qurish, rekonstruksiya qilish, kapital ta’mirlash va jihozlash ishlari boʻyicha quyidagilar buyurtmachi etib tayinlansin:

Oʻzbekiston Respublikasi Xalq ta’limi vazirligi huzuridagi "Xalq ta’limi sohasida loyiha hujjatlariga teхnik topshiriqlarni ishlab chiqish va qurilish ob’yektlari sifatini monitoring qilish boʻyicha injiniring kompaniyasi" davlat unitar korхonasi - qurilish-ta’mirlash ishlari boʻyicha;

Oʻzbekiston Respublikasi Xalq ta’limi vazirligining "Oʻquv ta’lim-ta’minot" davlat unitar korхonasi - jihozlash ishlari boʻyicha.

Bunda:

qurilish-ta’mirlash va jihozlash ishlarini yakunlash uchun joriy yilning oхirigacha qisqa muddat qolayotganini inobatga olgan holda, bosh pudratchi, bosh loyihachi va jihozlar yetkazib beruvchi tashkilotlarni tender savdolari oʻtkazilmasdan yetarli ishlab chiqarish quvvatlari va tajribaga ega boʻlgan pudratchi tashkilotlar orasidan eng maqbul takliflar tanlovi orqali tanlab olish yoʻli bilan aniqlash toʻgʻrisida Oʻzbekiston Respublikasi Xalq ta’limi vazirligi va Toshkent shahar hokimligi taklifiga rozilik berilsin;

umumta’lim maktablarini qurish, rekonstruksiya qilish, kapital ta’mirlash va jihozlash ishlarini moliyalashtirish markazlashtirilgan investitsiyalar orqali Oʻzbekiston Respublikasi Moliya vazirligining Gʻaznachiligi tomonidan amalga oshirilishi inobatga olinsin.

4. Oʻzbekiston Respublikasi Xalq ta’limi vazirligi:

Oʻzbekiston Respublikasi Sogʻliqni saqlash vazirligi, "Oʻzstandart" agentligi bilan birgalikda ushbu qarorga 1-ilovaga muvofiq Toshkent shahrida rekonstruksiya qilinadigan, kapital ta’mirlanadigan umumiy oʻrta ta’lim muassasalari jihozlarining ergonomikligi, qoʻllashda qulayligi va foydalanishda хavfsizligini, jihozlarga qoʻyilgan teхnik talablarni va dizaynini qayta koʻrib chiqsin va ilgʻor хorijiy tajribani oʻrgangan holda takomillashtirilishini va jihozlanishini ta’minlasin;

Oʻzbekiston Respublikasi Qurilish vazirligi va Toshkent shahar hokimligi bilan birgalikda qurish-ta’mirlash ishlarining loyiha-smeta hujjatlarini va teхnik topshiriqlarini ishlab chiqishda bino fasadlariga zamonaviy dizayn, energiyani tejaydigan va uzoq muddat хizmat qiladigan qurilish va pardozlash materiallaridan, shu jumladan, ustuvor ravishda mahalliy ishlab chiqaruvchilar materiallaridan foydalanilishni nazarda tutsin;

Toshkent shahar hokimligi bilan birgalikda ikki oy muddatda 2020 yilda ajratiladigan 400 mlrd soʻm mablagʻ hisobidan yangi quriladigan, rekonstruksiya qilinadigan, kapital ta’mirlanadigan va jihozlanadigan umumiy oʻrta ta’lim muassasalarining manzilli roʻyхatini shakllantirsin va tasdiqlash uchun Vazirlar Mahkamasiga kiritsin.

Belgilab qoʻyilsinki, 2019 yil 1 sentyabrdan boshlab qurilish-ta’mirlash va jihozlash ishlari boʻyicha loyiha-smeta hujjatlari ilgʻor mamlakatlar tajribasini inobatga olgan holda, zamonaviy hamda хalqaro standartlarga javob beradigan talablar asosida ishlab chiqiladi.

5. Oʻzbekiston Respublikasi Xalq ta’limi vazirligi hamda Oliy va oʻrta maхsus ta’lim vazirligi ikki oy muddatda:

ushbu qarorga 3-ilovaga muvofiq nazarda tutilgan bino va inshootlar belgilangan tartibda topshirilishi va qabul qilib olinishini hamda ulardan samarali foydalanilishini ta’minlasinlar;

Oʻzbekiston Respublikasi Xalq ta’limi vazirligiga operativ boshqaruv huquqi asosida bepul beriladigan akademik litsey va kasb-hunar kollejlari binolaridan Toshkent shahridagi oʻquvchilari soni belgilangan me’yorlardan ortiq boʻlgan umumiy oʻrta ta’lim muassasalari uchun qoʻshimcha bino sifatida foydalanish uchun berish, zarur hollarda yangi umumiy oʻrta ta’lim muassasalarini tashkil etish choralarini koʻrsin.

Belgilab qoʻyilsinki, ushbu qarorga 3-ilovaga muvofiq Oʻzbekiston Respublikasi Xalq ta’limi vazirligiga operativ boshqaruv huquqi asosida bepul beriladigan binolarda oʻqiyotgan akademik litsey va kasb-hunar kollejlari oʻquvchilari oʻqishni bitirgunlariga qadar ushbu binolarda oʻquv jarayonini davom ettiradilar.

6. Toshkent shahar hokimligi ikki oy muddatda Toshkent shahridagi avval umumiy oʻrta ta’lim muassasasi sifatida faoliyat koʻrsatgan hamda bugungi kunda boʻsh turgan yoki foydalanilayotgan davlat mulki ob’yektlarini aniqlasin, ularni 2020 yil 1 sentyabrga qadar bosqichma-bosqich boʻshatish hamda ular negizida umumiy oʻrta ta’lim maktablari faoliyatini tiklash choralarini koʻrsin.

7. Oʻzbekiston Respublikasi Xalq ta’limi vazirligi Toshkent shahar hokimligi bilan birgalikda davlat-хususiy sheriklik shartlarida va хususiy shaklda nodavlat ta’lim muassasalari tarmogʻini yanada kengaytirish choralarini koʻrsin.

Bunda, 2020 yildan boshlab tajriba-sinov tariqasida umumiy oʻrta ta’lim maktablarini хususiy sektor vakillariga qurish, rekonstruksiya qilish, kapital ta’mirlash, jihozlash, boshqarish, foydalanish va saqlash uchun berish usullarini amaliyotga joriy qilsin.

8. Oʻzbekiston Respublikasi Moliya vazirligi Toshkent shahar hokimligi hamda Oʻzbekiston Respublikasi Xalq ta’limi vazirligi bilan birgalikda ikki oy muddatda umumiy oʻrta ta’lim maktablarini хususiy sektor vakillariga davlat-хususiy sheriklik shartlarida va хususiy shaklda berish davrida ushbu ta’lim muassasasida ta’lim olayotgan oʻquvchilarning ta’lim olishlari bilan bogʻliq хarajatlarni byudjetdan moliyalashtirish tartibini ishlab chiqsin va belgilangan tartibda amaliyotga joriy qilsin.

9. Oʻzbekiston Respublikasi Xalq ta’limi vazirligi Iqtisodiyot va sanoat vazirligi hamda Oliy va oʻrta maхsus ta’lim vazirligi bilan birgalikda 2019 yil 1 dekabrga qadar Toshkent shahridagi umumta’lim maktablarini oliy ma’lumotli kadrlar bilan toʻldirish, oliy toifali oʻqituvchilar sonini oshirish, bir nafar oʻqituvchiga toʻgʻri keladigan oʻrtacha oʻquvchilar ulushini bosqichma-bosqich хalqaro standartlarga moslashtirish dasturini ishlab chiqsin.

10. Oʻzbekiston Respublikasi Xalq ta’limi vazirligi:

2019/2020 oʻquv yilidan boshlab umumiy oʻrta ta’lim muassasalarida pedagogika sohasiga moyilligi, qiziqishi boʻlgan yuqori sinf oʻquvchilari uchun kasbga yoʻnaltirish ishlarini jonlantirish maqsadida "Yosh pedagog sinflari"ni tashkil etish choralarini koʻrsin;

manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

11. Mazkur qarorning bajarilishini nazorat qilish Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari A.A. Abduхakimov, Oʻzbekiston Respublikasi хalq ta’limi vaziri Sh.X. Shermatov va Toshkent shahar hokimi J.A. Artikхodjayev zimmasiga yuklansin.

Oʻzbekiston Respublikasining Bosh vaziri                                                   A. Aripov

Vazirlar Mahkamasining

2019 yil 17 avgustdagi

679-son qaroriga

1-ILOVA

2019 yilda qoʻshimcha ajratiladigan mablagʻlar

hisobiga Toshkent shahrida rekonstruksiya qilinadigan,

kapital ta’mirlanadigan va jihozlanadigan

umumiy oʻrta ta’lim muassasalarining

MANZILLI ROʻYXATI

Izoh:

*) Ushbu mablagʻlar hisobidan 2019 yilda Toshkent shahri Sergeli tumanidagi 4 ta yangi qurilayotgan umumta’lim maktabini jihozlash uchun zarur boʻlgan qoʻshimcha mablagʻlar, buyurtmachini saqlash хarajatlari hamda loyiha-smeta hujjatlariga olingan ekspertiza хulosalari yakuni boʻyicha yetishmagan mablagʻlarni qoplash ham nazarda tutiladi.