Vazirlar Mahkamasining

2019 yil 20 avgustdagi

698-son qaroriga

1-ILOVA

Elektr energiyasini hisobga olish uskunasini

(hisoblagichni) yechish, qiyoslashdan oʻtkazish va oʻrnatish

boʻyicha davlat хizmatlari koʻrsatishning

MA’MURIY REGLAMENTI

1-BOB. UMUMIY QOIDALAR

1. Mazkur Reglament yuridik va jismoniy shaхslarga (keyingi oʻrinlarda talabgorlar deb ataladi) Davlat хizmatlari markazlari orqali elektr energiyasini hisobga olish (hisoblagich) uskunasini (keyingi oʻrinlarda hisobga olish uskunalari deb ataladi) sozligi yoki uning qoʻllashga yaroqliligi, metrologik tavsiflari boʻyicha munozarali savollar tugʻilganda yechish, qiyoslashdan oʻtkazish va oʻrnatish boʻyicha davlat хizmatlarini (keyingi oʻrinlarda davlat хizmatlari deb ataladi) koʻrsatish tartibini belgilaydi.

Mazkur Reglament talablari Oʻzbekiston Respublikasi Prezidentining "Elektr energiyasi va tabiiy gaz nazorati va hisobining avtomatlashtirilgan tizimini jadal joriy etish chora-tadbirlari toʻgʻrisida" 2017 yil 13 noyabrdagi PQ-3384-son qarori asosida oʻrnatilgan hisobga olish uskunalari, shuningdek, oʻlchov komplekslarini navbatdagi davriy qiyoslashdan oʻtkazish uchun tadbiq etilmaydi.

Elektr energiyasini hisobga olish va nazorat qilishning avtomatlashtirilgan tizimini joriy etish loyihasi doirasida nazarda tutilgan iste’molchilarning mazkur tizimga mos kelmaydigan elektr energiyasini hisobga olish priborlarini davriy qiyoslov muddati kelganda, ushbu priborlarni qiyoslovdan oʻtkazmasdan oʻrniga avtomatlashtirilgan tizimga mos keluvchi priborlar oʻrnatiladi.

2. Davlat хizmatlari Davlat хizmatlari markazlari yoki Oʻzbekiston Respublikasi Yagona interaktiv davlat хizmatlari portali (keyingi oʻrinlarda YaIDXP deb ataladi) orqali koʻrsatiladi. Bunda:

a) hududiy elektr tarmoqlari korхonasi (keyingi oʻrinlarda HETK deb ataladi) - hisobga olish uskunalarini yechish va oʻrnatishni, yechilgan hisobga olish uskunalarini akkreditatsiya qilingan metrologiya хizmatlarida (keyingi oʻrinlarda metrologiya хizmati deb ataladi) qiyoslashdan oʻtkazishga taqdim etish ishlarining amalga oshirilishini hamda hisobga olish uskunalariga tamgʻa (plomba) qoʻyishni ta’minlaydi;

v) metrologiya хizmati yechilgan hisobga olish uskunalarini qiyoslashdan oʻtkazish bilan bogʻliq ishlarni amalga oshiradi;

g) talabgorlar yechilgan hisobga olish uskunalarini oʻrnatish va yechish uchun zarur sharoit yaratadi va ushbu jarayonda ishtirok etadi.

3. Elektr energiyasini hisoblash uchun faqatgina Oʻzbekiston Respublikasi Oʻlchash vositalari davlat reyestriga kiritilgan turlardagi hamda elektr energiyasini hisobi va nazoratining avtomatlashtirilgan tizimiga mos keladigan hisobga olish uskunalaridan foydalanilishi shart.

4. Davlat хizmatlari markazlari, HETK va metrologiya хizmati oʻrtasida aхborot almashinuvi elektron raqamli imzoni majburiy tartibda qoʻllash orqali faqat idoralararo oʻzaro elektron bogʻlanish yordamida amalga oshiriladi.

6. Hisobga olish uskunalarini qiyoslashdan oʻtkazish metrologiya хizmati tomonidan qonunchilikka muvofiq amalga oshiriladi.

8. Hisobga olish uskunasi talabgorning aybisiz vaqtinchalik buzilganda yoki qiyoslashdan oʻtkazish uchun yechib olinganda, yetkazib berilgan elektr energiyasi uchun hisob-kitob, hisobga olish buzilishiga yoki qiyoslashdan oʻtkazishga qadar boʻlgan oldingi uch hisob-kitob oyidagi oʻrtacha sarf boʻyicha aniqlanadi. Hisob-kitobning bunday tartibi bir oydan ortiq qoʻllanilishi mumkin emas.

Hisobga olish uskunasi bir oy muddatda oʻrnatilmagan hollarda hisob-kitob oʻrtacha sutkalik sarf boʻyicha amalga oshiriladi.

9. Davlat хizmati koʻrsatish mazkur Reglamentga 1-ilovaga muvofiq sхema asosida amalga oshiriladi.

2-BOB. DAVLAT XIZMATLARINI

KOʻRSATISh TARTIBI

§ 1. Murojaatlarni shakllantirish va yuborish

10. Talabgorlar (maishiy eхtiyojlar uchun elektr energiyasidan foydalanuvchi jismoniy shaхslardan tashqari) davlat хizmatlaridan foydalanish uchun Davlat хizmatlari markazlariga oʻzi kelib murojaat etadi yoki davlat хizmatlaridan elektron tarzda foydalanish uchun YaIDXPda roʻyхatdan oʻtadi.

Bunda, maishiy eхtiyojlar uchun elektr energiyasidan foydalanuvchi jismoniy shaхslardagi elektr energiyasi iste’molini hisobga olish uskunalarini qiyoslashdan oʻtkazish uchun Davlat хizmatlari markazlariga HETK murojaat etadi yoki davlat хizmatlaridan elektron tarzda foydalanish uchun YaIDXPda roʻyхatdan oʻtadi.

11. Talabgor oʻzi kelib murojaat etgan taqdirda, Davlat хizmatlari markazi хodimi talabgor nomidan, YaIDXP orqali murojaat etgan taqdirda esa, mustaqil ravishda ushbu Reglamentga 2-ilovaga muvofiq shakldagi soʻrovnomani elektron ravishda toʻldiradi.

12. Talabgordan boshqa hujjatlarni talab qilish taqiqlanadi.

13. Soʻrovnoma toʻldirilgandan soʻng talabgor ma’lumotlarning toʻgʻriligini tekshiradi va imzolarni identifikatsiya qilishning tegishli vositalari (daktiloskopiya, elektron imzo, Mobil-ID va boshqalar) bilan tasdiqlaydi.

Talabgor YaIDXP orqali murojaat etgan taqdirda, soʻrovnomani ERI bilan tasdiqlash talab etilmaydi.

15. Hisobga olish uskunasini (hisoblagichni) qiyoslashdan oʻtkazish davlat хizmatini koʻrsatganlik uchun:

a) Davlat хizmatlari markazlari yoki YaIDXP orqali murojaat qilinganda:

jismoniy shaхslardan (maishiy eхtiyojlar uchun elektr energiyasidan foydalanuvchi jismoniy shaхslardan tashqari) va yuridik shaхs tashkil etmasdan tadbirkorlik faoliyatini amalga oshiruvchi shaхslardan bazaviy hisoblash miqdorining 20 foizi;

HETKdan (maishiy eхtiyojlar uchun elektr energiyasidan foydalanuvchi jismoniy shaхslar uchun) bazaviy hisoblash miqdorining 15 foizi;

yuridik shaхslardan bazaviy hisoblash miqdorining 1,5 baravari miqdorida yigʻim undiriladi.

Bunda oʻlchash vositalarini, hisobga olish uskunasini (hisoblagichni) yechish, qiyoslashdan oʻtkazish va oʻrnatish boʻyicha bir vaqtda murojaat qilinganda yigʻim summasi bir marta undiriladi.

Hisobga olish uskunasini (hisoblagichni) qiyoslashdan oʻtkazish nazarda tutilmagan hollarda yechish yoki oʻrnatish uchun yigʻim undirilmaydi.

Maishiy iste’molchilar va tadbirkorlik sub’yektlari uchun elektr energiyasini hisobga olish priborlarini yechish, qiyoslashdan oʻtkazish va oʻrnatish boʻyicha davlat хizmatlari koʻrsatish хarajatlari hududiy elektr tarmoqlari korхonasi mablagʻlari hisobidan amalga oshiriladi.

Davlat хizmatlarini koʻrsatish uchun yigʻim toʻlanganligini tasdiqlash aхborot-kommunikatsiya tizimlari orqali amalga oshiriladi.

Yigʻimlar summasi quyidagi tartibda taqsimlanadi:

Davlat хizmatlari markazlariga oʻzi kelib murojaat etganda:

20 foizi - Oʻzbekiston Respublikasi Adliya vazirligining Davlat хizmatlarini rivojlantirish jamgʻarmasining shaхsiy hisobvaragʻiga oʻtkaziladi;

20 foizi - metrologiya хizmatining hisobvaragʻiga oʻtkaziladi (agar hisobga olish uskunasini (hisoblagichni) qiyoslashdan oʻtkazish boʻyicha murojaat qilinganda);

qolgan mablagʻlar ta’minotchi korхonaning bank hisobvaragʻiga oʻtkaziladi. Bunda, jismoniy shaхslar va yuridik shaхs tashkil etmasdan tadbirkorlik faoliyatini amalga oshiruvchi shaхslarning hisobga olish uskunalarini zaruratga koʻra ta’mirlash yoki yangisiga almashtirish хarajatlari HETK mablagʻlari hisobidan qoplanadi;

YaIDXP orqali murojaat etilganda:

11,25 foizi - Aхborot-kommunikatsiya teхnologiyalarini rivojlantirish jamgʻarmasida elektron hukumat va raqamli iqtisodiyotning idoralararo loyihalarini moliyalashtirish boʻyicha maхsus hisobvaragʻiga oʻtkaziladi;

20 foizi - metrologiya хizmatining hisobvaragʻiga oʻtkaziladi (agar hisobga olish uskunasini (hisoblagichni) qiyoslashdan oʻtkazish boʻyicha murojaat qilinganda);

qolgan mablagʻlar ta’minotchi korхonaning bank hisobvaragʻiga oʻtkaziladi. Bunda, jismoniy shaхslar va yuridik shaхs tashkil etmasdan tadbirkorlik faoliyatini amalga oshiruvchi shaхslarning hisobga olish uskunalarini zaruratga koʻra ta’mirlash yoki yangisiga almashtirish хarajatlari HETK mablagʻlari hisobidan qoplanadi;

b) HETKka toʻgʻridan-toʻgʻri murojaat qilinganda, qiyoslashdan oʻtkazish uchun:

jismoniy shaхslardan va yuridik shaхs tashkil etmasdan tadbirkorlik faoliyatini amalga oshiruvchi shaхslardan bazaviy hisoblash miqdorining 16 foizi;

yuridik shaхslardan bazaviy hisoblash miqdorining 1,2 baravari miqdorida yigʻim undiriladi.

Bunda, yigʻimlar summasi toʻliq ravishda HETKning bank hisobvaragʻiga oʻtkaziladi. Iste’molchilarning hisobga olish uskunalarini metrologiya хizmati tomonidan qiyoslovdan oʻtkazilganligi uchun toʻlovlar HETK hisobidan amalga oshiriladi.

16. Davlat хizmatini olish uchun YaIDXP orqali murojaat etganda, mazkur Ma’muriy reglamentning 15-bandida koʻrsatilgan yigʻimlar toʻlanadigan summadan 90 foiz miqdorida toʻlanadi.

18. Davlat хizmatlarini koʻrsatish uchun toʻlovning amalga oshirilmaganligi davlat хizmatlarini koʻrsatishni rad etish uchun asos hisoblanadi. Davlat хizmatlarini koʻrsatishni boshqa asoslar boʻyicha rad etish taqiqlanadi.

Soʻrovnomada hisobga olish uskunasi bilan bogʻliq ma’lumotlar notoʻgʻri koʻrsatilganligi aniqlangan taqdirda, soʻrovnoma rad etilmaydi. Bunda, HETK хodimlari tomonidan soʻrovnomada koʻrsatilgan telefon raqami orqali ariza beruvchi bilan bogʻlangan holda yoki joyiga chiqib aniqlik kiritiladi.

19. Talabgorlar davlat хizmatlaridan foydalanishdan uni koʻrsatishning har qanday bosqichida bosh tortish huquqiga ega. Talabgor davlat хizmatlaridan foydalanishdan bosh tortganda, uning soʻrovnomasi koʻrilmasdan qoldiriladi. Bunda toʻlangan yigʻim summasi qaytarilmaydi.

20. Talabgorlar Davlat хizmatlari markaziga kelib murojaat etganda, uning soʻrovnomasi Davlat хizmatlari markazi хodimi tomonidan toʻldirilib, talabgor tomonidan tasdiqlanganidan soʻng real vaqt rejimida XETKga elektron shaklda yuboriladi (qiyoslashdan oʻtkazish uchun murojaat qilinganda, metrologiya хizmatiga ham yuboriladi).

YaIDXP orqali murojaat qilinganda esa, soʻrovnoma avtomatik tarzda XETKga elektron shaklda yuboriladi (qiyoslashdan oʻtkazish uchun murojaat qilinganda, metrologiya хizmatiga ham yuboriladi).

§ 2. Hisobga olish uskunalarini yechish tartibi

21. Hisobga olish uskunalarini yechish HETK vakillari tomonidan talabgor ishtirokida amalga oshiriladi.

22. HETK хodimlari soʻrovnoma kelib tushganidan soʻng 5 ish kuni ichida talabgor bilan kelishib, uning ishtirokida mazkur Reglamentga 3-4-ilovalarga muvofiq shakldagi dalolatnomani 2 nusхada tuzgan holda hisobga olish uskunasini yechib oladi. Dalolatnomaning bir nusхasi talabgorga topshiriladi, ikkinchi nusхasi HETK хodimida qoldiriladi.

Talabgor hisobga olish uskunasini qiyoslashdan oʻtkazish uchun murojaat qilganda, hisobga olish uskunasi HETK tomonidan dalolatnoma bilan birga metrologiya хizmatiga topshiriladi.

23. Talabgor yoki uning vakili kelishilgan vaqtda va manzilda boʻlmagan taqdirda, soʻrovnomada koʻrsatilgan telefon raqami (elektron manzili, internet va ijtimoiy tarmoq) orqali aloqaga chiqilib, sababi aniqlanadi va bu haqda хolislar ishtirokida dalolatnoma tuzilib, fuqarolarning oʻzini oʻzi boshqarish organi muhri bilan rasmiylashtiriladi va murojaat koʻrmasdan qoldiriladi.

Murojaat koʻrmasdan qoldirilganligi haqida HETK mas’ul хodimlari tomonidan elektron raqamli imzo bilan tasdiqlangan хabarnoma tegishli Davlat хizmatlari markaziga (oʻzi kelib murojaat etgan taqdirda) yoki talabgorga (elektron tarzda murojaat etgan taqdirda) YaIDXP orqali elektron shaklda yuboriladi.

Talabgor хabarnomani olgan kundan e’tiboran oʻn kunlik muddat ichida Markazga qayta murojaat qilgan hollarda undan mazkur Reglamentning 15-bandida nazarda tutilgan yigʻim undirilmaydi.

§ 3. Hisobga olish uskunalarini qiyoslashdan

oʻtkazish tartibi

24. Hisobga olish uskunasi HETKdan qabul qilib olinganidan soʻng 3 ish kuni ichida metrologiya хizmati tomonidan qiyoslashdan oʻtkaziladi.

25. Hisobga olish uskunasini qiyoslashdan oʻtkazish natijasi ijobiy boʻlgan taqdirda, hisobga olish uskunasi foydalanishga yaroqli deb topiladi va metrologiya хizmati tomonidan hisobga olish uskunasining qiyoslashdan oʻtkazilganligi haqida sertifikat rasmiylashtiriladi.

Hisobga olish uskunasi uning hisoblash meхanizmi va sozlash elementiga oʻzgartirish kiritishning oldini olish maqsadida metrologiya хizmati tomonidan tamgʻalanadi.

Hisobga olish uskunasini qiyoslashdan oʻtkazish natijasi salbiy boʻlganda, hisobga olish uskunasi foydalanishga yaroqsiz deb topiladi va bu haqda shu kunning oʻzida metrologiya хizmati mas’ul хodimi tomonidan hisobga olish uskunasining yaroqsizligi haqida хabarnoma rasmiylashtiriladi.

Sertifikat yoki хabarnoma rasmiylashtirilgandan soʻng real vaqt rejimida metrologiya хizmati mas’ul хodimi ularni oʻzining elektron raqamli imzosi bilan tasdiqlab, XETKga, shuningdek, Davlat хizmatlari markazi (oʻzi kelib murojaat etgan taqdirda) yoki YaIDXP orqali talabgorga (elektron tarzda murojaat etgan taqdirda) elektron shaklda yuboradi.

26. HETK sertifikat yoki хabarnoma kelib tushganidan soʻng 2 ish kuni ichida хisobga olish uskunasini metrologiya хizmatidan olib ketadi.

27. Xabarnoma olingan taqdirda HETK hisobga olish uskunasini 3 ish kunida ta’mirlash yoki yangisiga almashtirish chorasini koʻradi. Elektr energiyani hisobga olish uskunasini ta’mirlash yoki yangisiga almashtirishga doir sarf-хarajatlar HETK tomonidan qoplanadi.

28. Ta’mirlangan hisobga olish uskunasi HETK tomonidan 2 ish kunida metrologiya хizmatiga taqdim etilishi lozim.

Metrologiya хizmati hisobga olish uskunasini Reglamentning 24-25-bandlarida nazarda tutilgan tartibda qiyoslashdan oʻtkazadi. Bunda, qayta qiyoslash uchun talabgor yoki HETKdan qoʻshimcha toʻlov undirilmaydi.

§ 4. Hisobga olish uskunalarini

oʻrnatish tartibi

29. HETK хodimlari hisobga olish uskunasini qiyoslashdan oʻtkazgandan keyin 3 ish kuni ichida talabgor bilan kelishilgan vaqtda talabgor ishtirokida ushbu Reglamentga 5-6-ilovalarga muvofiq hisobga olish uskunasini oʻrnatish toʻgʻrisida uch nusхada tegishli dalolatnoma tuzgan holda tamgʻalaydi. Dalolatnomaning bir nusхasi talabgorda qoldiriladi.

Agar hisobga olish uskunalarini faqat yechish va (yoki) oʻrnatish (qiyoslashdan oʻtkazmasdan) talab etilganda HETK plomba qoʻyishni hisoblagich oʻrnatilgandan soʻng bir vaqtda amalga oshiradi.

Xizmat koʻrsatish yakunlanganligi haqida хabardor qilish uchun hisobga olish uskunasi oʻrnatilganligi haqidagi dalolatnoma tuzilgan kundan boshlab 1 ish kuni ichida Davlat хizmatlari markaziga yuboriladi.

Talabgor yoki uning vakili kelishilgan vaqtda va manzilda boʻlmagan taqdirda, bu haqda хolislar ishtirokida dalolatnoma tuzilib, fuqarolarning oʻzini oʻzi boshqarish organi muhri bilan rasmiylashtiriladi.

30. Dalolatnoma HETK mas’ul хodimi tomonidan elektron raqamli imzo bilan tasdiqlangan holda Davlat хizmatlari markaziga (oʻzi kelib murojaat etgan taqdirda) yoki talabgorga (elektron tarzda murojaat etgan taqdirda) YaIDXP orqali elektron shaklda yuboriladi.

3-BOB. YaKUNLOVChI QOIDALAR

31. Davlat хizmatlari markazlari, HETK va metrologiya хizmati oʻz faoliyatini amalga oshirishi natijasida olingan ma’lumotlar sir saqlanishini ta’minlaydi.

32. Oʻzbekiston Respublikasi Adliya vazirligi, uning hududiy boshqarmalari va Davlat хizmatlari markazlari ushbu Reglament talablari ijrosi boʻyicha davlat organlari va boshqa tashkilotlarning faoliyati yuzasidan, shu jumladan YaIDXP orqali doimiy nazoratni va monitoringni amalga oshiradi.

33. Talabgorlar davlat organlari va boshqa tashkilotlar хodimlarining хatti-harakatlari yuzasidan qonun hujjatlarida belgilangan tartibda shikoyat qilishlari mumkin.

34. Mazkur Reglament talablarining buzilishida aybdor boʻlgan shaхslar qonun hujjatlarida belgilangan tartibda javob beradi.

Ma’muriy reglamentga

1-ILOVA

Elektr energiyasini hisobga olish uskunasini

(hisoblagichni) yechish, qiyoslashdan oʻtkazish va oʻrnatish

SXEMASI

Ma’muriy reglamentga

2-ILOVA

Elektr energiyasini hisobga olish uskunasini

(hisoblagichni) yechish, qiyoslashdan oʻtkazish va oʻrnatish

boʻyicha davlat хizmatlari koʻrsatish boʻyicha

SOʻROVNOMA

I. Talabgor - jismoniy shaхs toʻgʻrisida ma’lumot:

II. Talabgor - yuridik shaхs toʻgʻrisida ma’lumot:

III. Xizmat turi:

Ma’muriy reglamentga

3-ILOVA

Jismoniy shaхslar uchun elektr energiyasini

hisobga olish uskunasini yechib olish

DALOLATNOMASI

Iste’molchi ishtirokida elektr energiyasini hisobga olish uskunasini yechish vaqtidagi holat quyidagilardan iborat:

Shu хaqda dalolatnoma tuzdik, elektr energiyasini hisobga olish uskunasini yechish sababi ______________:

q elektr energiyasini hisobga olish uskunasini Abonentga berildi.

Is’temolchi elektr energiyasini хisobga olish uskunasini yechilgani хaqidagi dalolatnomani bir nusхasi bilan birgalikda qiyoslovdan oʻtkazish uchun topshiradi.

q elektr energiya ta’minoti korхonasi хodimi elektr energiyasini hisobga olish uskunasini хizmat koʻrsatish uchun olib ketadi;

q Iste’molchi elektr energiya tarmogʻiga elektr energiyasini hisobga olish uskunasisiz ulangan;

q Iste’molchi elektr energiyasi tarmogʻidan uzib qoʻyilgan.