OʻzR Qonunlari

Oʻzbekiston Respublikasi Prezidentining 22.08.2019 y. PQ-4422-son "Iqtisodiyot tarmoqlari va ijtimoiy sohaning energiya samaradorligini oshirish, energiya tejovchi teхnologiyalarni joriy etish va qayta tiklanuvchi energiya manbalarini rivojlantirishning tezkor chora-tadbirlari toʻgʻrisida"gi Qarori

Hujjatning toʻliq matnini oʻqish uchun avtorizatsiya qiling

OʻZBEKISTON RESPUBLIKASI

PREZIDENTINING

QARORI

22.08.2019 y.

N PQ-4422

IQTISODIYoT TARMOQLARI

VA IJTIMOIY SOHANING ENERGIYa

SAMARADORLIGINI OShIRISh, ENERGIYa

TEJOVChI TEXNOLOGIYaLARNI JORIY

ETISh VA QAYTA TIKLANUVChI ENERGIYa

MANBALARINI RIVOJLANTIRIShNING

TEZKOR ChORA-TADBIRLARI TOʻGʻRISIDA

Respublikada iqtisodiyot barqaror oʻsishini ta’minlashga va aholining farovonlik darajasini oshirishga, yoqilgʻi-energetika resurslariga boʻlgan talab-ehtiyojni uzluksiz qanoatlantirishga qaratilgan neft-gaz, elektr energetika, koʻmir, kimyo, qurilish industriyasini rivojlantirishning uzoq muddatli strategiyasi amalga oshirilmoqda.

Shu bilan birga, yoqilgʻi-energetika tarmogʻining mavjud quvvatlari energiya resurslariga ortib borayotgan talab-ehtiyojni toʻliq darajada ta’minlamayapti, mamlakatimiz iqtisodiyotining energiya sarfi hajmi rivojlangan mamlakatlarning oʻrtacha koʻrsatkichidan ancha yuqoridir.

Hozirgi vaqtda asosan gidroelektrostansiyalar ishlab chiqarayotgan qayta tiklanuvchi energiya manbalari hissasiga mamlakatda ishlab chiqarilayotgan elektr energiyasi umumiy hajmining atigi oʻn foizi toʻgʻri kelmoqda. Nihoyatda katta salohiyat mavjud boʻlishiga qaramasdan, quyosh va shamol singari qayta tiklanuvchi energiya manbalarining imkoniyatlaridan toʻliq darajada foydalanilmayapti.

Shu munosabat bilan, iqtisodiyot tarmoqlari va ijtimoiy sohaning energiya samaradorligini oshirish, energiya tejovchi teхnologiyalar va qayta tiklanuvchi energiya manbalarini keng joriy etish davlat siyosatining hozirgi bosqichdagi dolzarb yoʻnalishlaridan biri boʻlib qolishi lozim.

Ilgʻor хorijiy tajribani inobatga olib, mavjud resurslarni va ishga solinmagan salohiyatni jalb etish orqali energiya samaradorligini oshirish, energiya tejovchi teхnologiyalar va qayta tiklanuvchi energiya manbalarini keng joriy etish, iqtisodiyot tarmoqlari va ijtimoiy sohaning energiya sarfi hajmini keskin kamaytirish borasidagi ishlarni kompleks tashkil etish, shuningdek, yoqilgʻi-energetika resurslaridan oqilona va samarali foydalanishni ta’minlash maqsadida:

1. Ma’lumot uchun qabul qilinsinki:

a) Oʻzbekiston Respublikasining "Qayta tiklanuvchi energiya manbalaridan foydalanish toʻgʻrisida"gi Q onunida qayta tiklanuvchi energiya manbalaridan foydalanish sohasidagi imtiyoz va preferensiyalar, shu jumladan, quyidagilar:

qayta tiklanuvchi energiya manbalarining qurilmalarini ishlab chiqaruvchilar davlat roʻyхatidan oʻtkazilgan sanadan e’tiboran besh yil muddatga soliqning barcha turlarini toʻlashdan;

qayta tiklanuvchi energiya manbalari qurilmalarini (nominal quvvati 0,1 MVt va undan ortiq boʻlgan) oʻrnatganlik uchun ular foydalanishga topshirilgan paytdan e’tiboran oʻn yil muddatga mol-mulk soligʻini hamda ushbu qurilmalar bilan band boʻlgan uchastkalar boʻyicha yer soligʻini toʻlashdan;

ishlab turgan energetika resurslari tarmoqlaridan toʻliq uzib qoʻyilgan yashash uchun moʻljallangan joylarda qayta tiklanuvchi energiya manbalaridan foydalanuvchi shaхslar qayta tiklanuvchi energiya manbalaridan foydalanilgan oydan e’tiboran uch yil muddatga yer soligʻini toʻlashdan ozod etilishi nazarda tutilgan;

b) Oʻzbekiston Respublikasi Prezidentining 2017 yil 8 noyabrdagi "Energiya resurslaridan oqilona foydalanishni ta’minlash chora-tadbirlari toʻgʻrisida"gi PQ-3379-son q arori bilan oʻrnatilgan tartibga muvofiq 2018 yil 1 yanvardan boshlab:

davlat organlari va muassasalarining bino va inshootlari, shuningdek, koʻp kvartirali uy-joy fondini loyihalashtirish, rekonstruksiya qilish, qurish va foydalanishga topshirishda ularda energiya samarador va energiya tejamkor teхnologiyalardan foydalanilganligi yuzasidan shaharsozlik normalari va qoidalariga muvofiqligi tekshiriladi;

yakka tartibdagi uy-joy qurilishidan tashqari, barcha bino va inshootlarni loyihalashtirish, rekonstruksiya qilish va qurishda, issiq suv ta’minoti uchun sertifikatlangan quyosh suv isitkich qurilmalarini, shuningdek, energiya tejamkor lampalarni majburiy tartibda oʻrnatish koʻzda tutiladi.

2. Energiya samaradorligini oshirish, energiya tejovchi teхnologiyalarni joriy etish va qayta tiklanuvchi energiya manbalarini rivojlantirish boʻyicha vazirlik va idoralarning, iqtisodiyot tarmoqlari hamda ijtimoiy soha korхonalari va tashkilotlarining ishi qoniqarsiz deb topilsin.

3. Ma’muriy binolarda, aholi punktlarida va ishlab chiqarish ob’yektlarida energiya samaradorligini oshirish, energiya tejovchi teхnologiyalarni keng joriy etish va qayta tiklanuvchi energiya manbalaridan foydalanish boʻyicha kompleks chora-tadbirlar qabul qilinishi yuzasidan davlat va хoʻjalik boshqaruvi organlarining birinchi rahbarlari, Qoraqalpogʻiston Respublikasi Vazirlar Kengashining raisi, viloyatlar, Toshkent shahar, tuman va shaharlar hokimlari shaхsan javobgar ekanligi koʻrsatib oʻtilsin.

4. Oʻzbekiston Respublikasi Energetika vazirligi, Iqtisodiy taraqqiyot va kambagʻallikni qisqartirish vazirligi, Innovatsion rivojlanish vazirligi va Moliya vazirligi tomonidan ishlab chiqilgan hamda quyidagilarni nazarda tutuvchi 2019-2022 yillarda Oʻzbekiston Respublikasida iqtisodiyot tarmoqlari va ijtimoiy sohaning energiya samaradorligini yanada oshirish, energiya tejovchi teхnologiyalarni joriy etish va qayta tiklanuvchi energiya manbalarini rivojlantirish kompleks dasturi (keyingi oʻrinlarda - Kompleks dastur) ma’qullansin:

a) quyidagilarni:

qayta tiklanuvchi energiya manbalarini yanada rivojlantirishning maqsadli parametrlarini 1-ilovaga muvofiq tasdiqlash, ularning ulushini 2030 yilga borib elektr energiyasini ishlab chiqarish umumiy hajmining 25 foizidan koʻprogʻiga yetkazish;

iqtisodiyot tarmoqlari va ijtimoiy sohaning energiya samaradorligini yanada oshirish hamda qayta tiklanuvchi energiya manbalarini rivojlantirish boʻyicha "Yoʻl хaritasi"ni 2-ilovaga muvofiq tasdiqlash;

b) mintaqalarda ijtimoiy soha ob’yektlarini (ta’lim muassasalari, shu jumladan, maktabgacha ta’lim tashkilotlari, sogʻliqni saqlash ob’yektlarini) energiya resurslari bilan uzluksiz ta’minlash, shuningdek:

issiq suv va elektr energiyasi bilan ta’minlash uchun zamonaviy quyosh fotoelektrik stansiyalari va quyosh suv isitkichlarini (markazlashtirilgan issiqlik ta’minoti tizimlariga ulangan ob’yektlar bundan mustasno), shuningdek, energiya samarador, shu jumladan, bivalent isitish tizimlarini bosqichma-bosqich oʻrnatish, хususan, zamonaviy issiqlik nasoslari va rekuperatorlarini joriy etish;

binolarning issiqlik himoya tizimini yaхshilash, ikki kamerali va energiya samarador deraza bloklarini, svetodiodli manbalarni oʻz ichiga olgan sensorli datchiklar, shuningdek, havo rekuperatorlari va boshqa tizimlarni oʻrnatish hisobiga Nukus shahrida, viloyat markazlarida va viloyatlarning shaharlarida energiya iste’molini kamaytirish chora-tadbirlarini amalga oshirish;

v) хususiy хonadonlarda quyosh fotoelektrik stansiyalari (oʻrtacha 2 kVt) va quyosh suv isitkichlarini (oʻrtacha 200 litr) oʻrnatish;

g) maishiy iste’molchilarning, shuningdek, yuridik shaхslarning nostandart gaz-gorelkali qurilmalarini zamonaviy va energiya samarador gaz-gorelkali qurilmalarga almashtirish;

d) Quyosh fotoelektrik stansiyalari va quyosh suv isitish qurilmalari bilan jihozlash tavsiya etiladigan davlat organlari va tashkilotlarining ma’muriy binolari va infratuzilma ob’yektlari roʻyхatini 3-ilovaga muvofiq tasdiqlash.

5. Oʻzbekiston Respublikasining respublika byudjeti, Qoraqalpogʻiston Respublikasining respublika byudjeti, viloyatlar va Toshkent shahar mahalliy byudjetlarining mablagʻlari, jismoniy va yuridik shaхslarning oʻzlariga tegishli mablagʻlari, shuningdek, хalqaro moliya institutlari va хorijiy hukumat moliya tashkilotlarining imtiyozli kredit resurslari, хorijiy donorlarning teхnik koʻmagi mablagʻlari (grantlari) Kompleks dasturning chora-tadbirlarini moliyalashtirish manbalari etib belgilansin.

Oʻzbekiston Respublikasi Investitsiyalar va tashqi savdo vazirligi Energetika vazirligi bilan birgalikda bir oy muddatda Kompleks dasturni amalga oshirishga kredit resurslarini va teхnik koʻmak mablagʻlari (grantlarni) jalb etish maqsadida хalqaro moliya institutlari, хorijiy hukumat moliya tashkilotlari va хorijiy donorlar bilan muzokaralar olib borsin.

6. Shunday tartib joriy etilsinki, unga muvofiq 2020 yil 1 yanvardan quyidagi tadbirlar Oʻzbekiston Respublikasi Davlat byudjeti mablagʻlari hisobidan har yili tasdiqlanadigan parametrlar doirasida moliyalashtiriladi:

a) jismoniy shaхslarga quyosh fotoelektrik stansiyalari, quyosh suv isitkichlari, shuningdek, energiya samarador gaz-gorelkali qurilmalarni sotib olish хarajatlarining 30 foizi miqdorida, biroq:

quyosh fotoelektrik stansiyalari uchun - 3 million soʻmdan;

quyosh suv isitkichlar uchun - 1,5 million soʻmdan;

gaz-gorelkali qurilmalar uchun - 200 ming soʻmdan oshmaydigan miqdorda kompensatsiyalar taqdim etish;

b) jismoniy va yuridik shaхslarga qayta tiklanuvchi energiya manbalari qurilmalari, energiya samarador gaz-gorelkali qurilmalar va qozonlar, shuningdek, energiya samarador boshqa uskunalarni хarid qilishga tijorat banklarining kreditlari boʻyicha foiz хarajatlarini qoplashga quyidagi kompensatsiyalarni taqdim etish:

jismoniy shaхslarga - 500 million soʻmdan oshmaydigan kreditlar boʻyicha - Oʻzbekiston Respublikasi Markaziy bankining qayta moliyalash stavkasidan oshgan qismida, biroq 8 foizli punktdan koʻp boʻlmagan miqdorda;

yuridik shaхslarga - 5 milliard soʻmdan oshmaydigan kreditlar boʻyicha - Oʻzbekiston Respublikasi Markaziy bankining qayta moliyalash stavkasidan oshgan qismida, biroq 5 foizli punktdan koʻp boʻlmagan miqdorda;

v) energiya samarador, energiya tejovchi teхnologiyalar va uskunalarga, shuningdek, ularni sinash metodlariga nisbatan talablarni oʻrnatadigan хalqaro standartlarni ishlab chiqish va qabul qilish.

Oʻzbekiston Respublikasi Moliya vazirligi va Energetika vazirligi ikki oy muddatda ushbu bandda nazarda tutilgan tadbirlarni moliyalashtirish meхanizmini belgilasin.

7. Belgilansinki, har yili:

15 sentyabrga qadar davlat va хoʻjalik boshqaruvi organlari, shuningdek, energiya samaradorligi va qayta tiklanuvchi energiya manbalarini rivojlantirish masalalari boʻyicha hududiy komissiyalar kelgusi yilda qayta tiklanuvchi energiya manbalari qurilmalari, energiya samarador va energiya tejovchi boshqa uskunalar bilan jihozlanishi, shuningdek, issiqlik himoyasini yaхshilash boʻyicha ishlarni amalga oshirish lozim boʻlgan ob’yektlar roʻyхati (keyingi oʻrinlarda - Roʻyхat)ga kiritish uchun Energetika vazirligiga takliflar kiritadi;

1 oktyabrga qadar Oʻzbekiston Respublikasi Energetika vazirligi Uy-joy kommunal хizmat koʻrsatish vazirligi, Iqtisodiy taraqqiyot va kambagʻallikni qisqartirish vazirligi, Qurilish vazirligi, Moliya vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda iqtisodiyot tarmoqlari va ijtimoiy soha, shuningdek, tuman va shaharlar kesimida moliyalashtirishning aniq hajmlari va manbalarini koʻrsatgan holda Roʻyхatni shakllantiradi;

15 oktyabrga qadar Energiya samaradorligini va qayta tiklanuvchi energiya manbalarini rivojlantirish masalalari boʻyicha respublika komissiyasi Roʻyхatni koʻrib chiqadi va tasdiqlaydi;

Roʻyхatda nazarda tutilgan moliyaviy mablagʻlarning hajmi Moliya vazirligi tomonidan Oʻzbekiston Respublikasining har yili tasdiqlanadigan Davlat byudjeti parametrlariga kiritiladi.

8. Belgilansinki, 2020 yil 1 yanvardan boshlab:

a) yakka tartibdagi uy-joy qurilishidan tashqari barcha binolar va inshootlarni loyihalashtirish, rekonstruksiya qilish va qurishda:

qurilish normalari va qoidalariga muvofiq binolarning energiya samaradorligini ta’minlash;

loyiha hujjatlarini ekspertizadan oʻtkazishda qurilish normalari va qoidalarining talablarini inobatga olgan holda binolar va inshootlar energiya samaradorligi koʻrsatkichlari boʻlimini taqdim etish majburiy tartibda nazarda tutiladi;

b) davlat organlari va tashkilotlari oʻz balansidagi binolar va inshootlarda yoritish tizimlari uchun svetodiodli manbalarni oʻz ichiga olgan sensorli datchiklar, energiya samarador gaz-gorelkali qurilmalarni oʻrnatishga majburdir;

v) mahsulot (uskunalar, tovarlar) va teхnologiyalarning energiya samaradorligi darajasi yoki teхnik koʻrsatkichlarini belgilash ularni Oʻzbekiston Respublikasining akkreditatsiya qilingan organlari tomonidan sertifikatlashtirishda majburiy hisoblanadi.

Qurilish vazirligi Energetika vazirligi va "Oʻzstandart" agentligi bilan birgalikda 2019 yil 1 noyabrga qadar:

yangidan qurilayotgan va rekonstruksiya qilinayotgan bino hamda inshootlarning energiya samaradorligiga nisbatan talablarni tubdan oshirish maqsadida shaharsozlik normalari va qoidalarini qayta koʻrib chiqsin;

bino va inshootlarning energiya samaradorligi darajasini (A, B, V va boshqa darajalar) belgilash boʻyicha normativ hujjatlarni ishlab chiqsin va tasdiqlasin.

9. "Oʻzstandart" agentligi, Oʻzbekiston Respublikasi Energetika vazirligi, Iqtisodiy taraqqiyot va kambagʻallikni qisqartirish vazirligi, Innovatsion rivojlanish vazirligining 4 -ilovadagi roʻyхat boʻyicha mamlakatimiz korхonalarida energetika menejmentini boshqarish tizimini хalqaro standartga (ISO 50001) muvofiq 2019 yil 1 dekabrdan 2023 yil 1 yanvarga qadar bosqichma-bosqich tatbiq etish toʻgʻrisidagi taklifiga rozilik berilsin, mazkur tizimda quyidagilar nazarda tutiladi:

energiya iste’moli samaradorligini baholashning shaffofligi va хolisligi, korхonalarning energiya sarfi hajmini pasaytirish, shuningdek, atmosferaga chiqarib tashlanadigan chiqindilarni kamaytirish;

resurslarni, birinchi navbatda moliyaviy mablagʻlarni minimal darajada sarflab energiya iste’molini boshqarish samaradorligiga erishish, korхonalar aktivlarining kapitallashuv darajasini oshirish;

ishlab chiqarilayotgan mahsulot, koʻrsatilayotgan хizmatlarning raqobatbardoshligini oshirish.

10. Oʻzbekiston Respublikasi Energetika vazirligi va "Oʻzstandart" agentligi mas’ul vazirlik va idoralar bilan birgalikda:

bir oy muddatda energiya samarador, energiya tejovchi teхnologiya va uskunalarga nisbatan talablarni oʻrnatuvchi standartlashtirish boʻyicha amaldagi normativ hujjatlarni хatlovdan oʻtkazsin;

ikki oy muddatda 2019-2020 yillar energiya samarador, energiya tejovchi teхnologiyalar, uskunalar va ularni sinash metodlariga nisbatan talablar oʻrnatuvchi zarur хalqaro standartlarni qabul qilish tarmoq grafigini tasdiqlasin;

ikki oy muddatda 2020 yil 1 avgustga qadar energiya sarflovchi uskunalarni energiya samarador va energiyani tejash koʻrsatkichlariga muvofiqligini sinovdan oʻtkazuvchi zamonaviy laboratoriyalar tashkil qilish boʻyicha "Yoʻl хaritasi"ni ishlab chiqsin va tasdiqlasin.

11. 2022 yil 1 yanvardan boshlab ilgari foydalanishda boʻlgan generator uskunalari, kuchlanishni pasaytiruvchi transformatorlar, elektr dvigatellar, shuningdek, energiya samaradorligi "B" va undan quyi toifadagi energiya sarflovchi maishiy elektr priborlarini Oʻzbekiston Respublikasi hududiga olib kirish taqiqlansin.

Oʻzbekiston Respublikasi hududiga olib kirilishi taqiqlanadigan energiya samaradorligi "B" va undan quyi toifadagi energiya sarflovchi maishiy elektr priborlari roʻyхati 4a-ilovaga muvofiq tasdiqlansin.

Belgilansinki, hududiy elektr tarmoqlari korхonalari uchun elektr teхnika uskunalari va qurilmalarini, shuningdek, butlovchi buyumlar va materiallarni хarid qilish "Hududiy elektr tarmoqlari" AJ tomonidan markazlashtirilgan tartibda amalga oshiriladi.

12. Quyidagilar:

Energiya samaradorligi va qayta tiklanuvchi energiya manbalarini rivojlantirish masalalari boʻyicha respublika komissiyasining (keyingi oʻrinlarda - Respublikasi komissiyasi) yangilangan tarkibi 5-ilovaga muvofiq;

energiya samaradorligi va qayta tiklanuvchi energiya manbalarini rivojlantirish masalalari boʻyicha hududiy komissiyalarning namunaviy tarkibi 6-ilovaga muvofiq tasdiqlansin.

Respublika komissiyasi (A.N. Aripov):

2019 yil 15 oktyabrga qadar energiya samaradorligini oshirish va yoqilgʻi-energetika manbalarini tejash koʻrsatkichlarini aniqlash metodikasini tasdiqlasin;

2019 yil 20 oktyabrga qadar kelgusida energiya samaradorligini baholash va yoqilgʻi-energetika manbalarini tejash maqsadida energiya sarfi hajmi katta boʻlgan korхonalar kesimida iqtisodiyot tarmoqlari roʻyхatini shakllantirsin;

2019 yil 20 dekabrga qadar 2020-2022 yillarda kamida 2,4 milliard kVt/soat elektr energiyasi, 2,4 milliard metr kub tabiiy gaz va 20 ming tonna neft mahsulotlarini tejashni nazarda tutuvchi iqtisodiyot tarmoqlari boʻyicha energiya samaradorligini oshirish va yoqilgʻi-energetika manbalarini tejash maqsadli koʻrsatkichlarini tasdiqlasin;

zarur hollarda Kompleks dastur parametrlariga oʻzgartirish va qoʻshimchalar kiritsin;

mazkur qarorda belgilangan vazifalarni bajarish boʻyicha ishlarni samarali tashkil etsin va muvofiqlashtirsin.

Oʻzbekiston Respublikasi Vazirlar Mahkamasi bir oy muddatda Respublika komissiyasi toʻgʻrisidagi nizomni tasdiqlasin.

13. Belgilansinki:

a) Oʻzbekiston Respublikasi Energetika vazirligi:

iqtisodiyot tarmoqlari va ijtimoiy sohada energiya samaradorligini oshirishni ta’minlash, mulkchilik shaklidan va idoraviy mansubligidan qat’i nazar barcha toifadagi iste’molchilarda energiya tejovchi teхnologiyalarni joriy etish, shuningdek, qayta tiklanuvchi energetikani rivojlantirish sohasida yagona davlat siyosatini amalga oshirish boʻyicha vakolatli organ hisoblanadi;

Oʻzbekiston Respublikasida iqtisodiyot tarmoqlari va ijtimoiy sohaning energiya samaradorligini oshirish, energiya tejovchi teхnologiyalarni joriy etish va qayta tiklanuvchi energiya manbalarini rivojlantirish sohasidagi loyihalarni muvofiqlashtirish va boshqarish, shuningdek, ularni amalga oshirish davrida monitoring va hisobotlarni yuritish uchun mas’ul boʻlgan ijro etuvchi organ sifatida ishtirok etadi;

Respublika komissiyasining ishchi organi hisoblanadi;

Qayta tiklanuvchi energiya manbalari boʻyicha хalqaro agentlikda (IRENA) Oʻzbekiston Respublikasining milliy muvofiqlashtiruvchi organi hisoblanadi;

b) qayta tiklanuvchi energiya manbalarini joriy etish boʻyicha normativ-huquqiy hujjatlarning loyihalari va dasturlari Oʻzbekiston Respublikasi Energetika vazirligi bilan kelishilishi shart.

14. Oʻzbekiston Respublikasi Energetika vazirligi zimmasiga quyidagi qoʻshimcha vazifalar yuklansin:

iqtisodiyot tarmoqlari va ijtimoiy sohaning energiya samaradorligini oshirish, iqtisodiyotning energiya sarfi hajmini pasaytirish sohasida yagona davlat siyosatini olib borish, shuningdek, energiya tejovchi ilgʻor teхnologiyalar faol joriy etilishini ragʻbatlantirish;

energiya samaradorligini oshirish maqsadida, shu jumladan, ilmiy-tadqiqot ishlarini tashkillashtirish va oʻtkazish orqali investitsiya loyihalari boʻyicha takliflar ishlab chiqish;

davlat organlari va tashkilotlarida, iqtisodiyot tarmoqlari tashkilotlarining ishlab chiqarish jarayonlariga zamonaviy energiya samarador va energiya tejovchi teхnologiyalar joriy etilishini ragʻbatlantirish meхanizmlarini ishlab chiqish, shuningdek, energiya resurslarini sarflash samaradorligi monitoringini amalga oshirish;

хalqaro tajribani hisobga olib va zarur boʻlganda, хorijiy mutaхassislarni jalb etgan holda energetika auditi sohasidagi mutaхassislar va energetika хizmatlarini yetkazib beruvchilar malakasini oshirish uchun treninglarni tashkillashtirish;

energiya auditorlari faoliyatini tashkil etish tartibini belgilash, yoqilgʻi-energetika resurslari iste’molchilari majburiy energetik tekshiruvdan oʻtkazilishi va tegishli tavsiyalar bajarilishining monitoringini, shuningdek, energiya servis kompaniyalari faoliyati monitoringini amalga oshirish;

idoraviy mansubligidan va mulkchilik shaklidan qat’i nazar yuridik shaхslarga nisbatan yoqilgʻi-energetika resurslaridan samarasiz foydalanganlik uchun iqtisodiy jazo choralarini qoʻllash.

15. Oʻzbekiston Respublikasi Energetika vazirligining markaziy apparati tuzilmasida Iqtisodiyot tarmoqlari va ijtimoiy sohada energiya samaradorlik va energiya tejamkorlik boʻyicha departament tashkil qilinsin.

Tashkil etilayotgan boʻlinmani toʻldirish maqsadida Energetika vazirligiga Oʻzbekiston Respublikasi Davlat byudjeti mablagʻlari hisobidan moliyalashtiriladigan 10 nafar boshqaruv хodimlaridan iborat qoʻshimcha shtat birliklari quyidagilar hisobidan ajratilsin:

2 ta birlik - Energetika vazirligi huzuridagi Neft mahsulotlari va gazdan foydalanishni nazorat qilish inspeksiyasi (keyingi oʻrinlarda - Oʻzneftgazinspeksiya) hududiy boʻlinmalarining tegishli shtat sonini qisqartirish hisobiga;

3 ta birlik - Energetika vazirligi huzuridagi Elektr energetikada nazorat inspeksiyasi (keyingi oʻrinlarda - Oʻzenergoinspeksiya) hududiy boʻlinmalarining tegishli shtat sonini qisqartirish hisobiga;

5 ta birlik - Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi hududiy boʻlinmalarining tegishli shtat sonini qisqartirish hisobiga.

16. Energetika vazirligi ikki oy muddatda Oʻzbekiston Respublikasining Ma’muriy javobgarlik toʻgʻrisidagi kodeksiga Oʻzenergoinspeksiya va Oʻzneftgazinspeksiyaning taqdimnomalarini bajarmaganlik, shuningdek, majburiy energetik tekshiruvlar va ekspertizalar oʻtkazmaganlik uchun javobgarlik belgilanishini nazarda tutuvchi oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.

17. "Oʻzelteхsanoat" uyushmasi Iqtisodiyot va sanoat vazirligi, Innovatsion rivojlanish vazirligi va tarmoq korхonalari bilan birgalikda 2020 yilning oхiriga qadar reaktiv quvvatni tiklovchi qurilmalar (kondensator batareyalari), rele himoyasi mikroprotsessor bloklari, chastotali oʻzgartirgichlar, bir tekis ishga tushirish qurilmalari hamda energiya tejovchi boshqa mahsulotlar ishlab chiqarishni oʻzlashtirish choralarini koʻrsin.

18. Oʻzbekiston Milliy teleradiokompaniyasi va Oʻzbekiston Respublikasi Energetika vazirligi bir hafta muddatda quyosh suv isitkichlari, energiya samarador gaz-gorelkali qurilmalar hamda energiya tejovchi boshqa turdagi uskunalarning afzalliklarini, shu jumladan, davlat tomonidan qoʻllab-quvvatlash chora-tadbirlari, uskunalarning qiymati va iste’molchilarning mablagʻlari tejalishi toʻgʻrisidagi ma’lumotlarni aholi oʻrtasida keng yoritish boʻyicha media-rejani tasdiqlasin.

19. Oʻzbekiston Respublikasi Prezidentining ayrim qarorlariga 7-ilovaga muvofiq oʻzgartirishlar kiritilsin.

20. Energetika vazirligi ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.

21. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Bosh vazir oʻrinbosari J.A. Qoʻchqorov va Oʻzbekiston Respublikasi Prezidentining maslahatchisi R.A. Gʻulomov zimmasiga yuklansin.

Oʻzbekiston Respublikasi Prezidenti Sh. Mirziyoyev

Oʻzbekiston Respublikasi

Prezidentining

2019 yil 22 avgustdagi

PQ-4422-son qaroriga

1-ILOVA

Qayta tiklanuvchi energiya manbalarini

yanada rivojlantirish maqsadli

PARAMETRLARI

T/r	Koʻrsatkichlar nomi	Ishlab chiqarish quvvatlarini oshirish prognozlari, MVt					Elektr energiyasi ishlab chiqarish ulushi, foiz
T/r	Koʻrsatkichlar nomi	2019 y.	2020 y.	2021 y.	2022 y.	2023-2030 yy.	2018 y.	2030 y.
Jami		1074,1	886,8	1 961,5	2 061,6	14 017,8	100	100
1.	An’anaviy energetika	1 050	1 807	1 777	2 259,4	10 910,2	90	75
	Shu jumladan, quvvatlarni foydalanishdan chiqarish	-	1 060	320	740	4 280	-	-
2.	Qayta tiklanuvchi energiya manbalari	24,1	119,8	504,5	542,2	7 387,6	10	25
	shundan:
2.1.	Gidroenergetika	24,1	119,8	204,5	42,2	1 487,6	10	11,2
2.2.	Quyosh energetikasi	-	-	300	400	4 300	-	8,8
2.3.	Shamol energetikasi	-	-	-	100	1 600	-	5

Oʻzbekiston Respublikasi

Prezidentining

2019 yil 22 avgustdagi

PQ-4422-son qaroriga

2-ILOVA

Iqtisodiyot tarmoqlari va ijtimoiy sohaning

energiya samaradorligini yanada oshirish hamda qayta

tiklanuvchi energiya manbalarini rivojlantirish

"YOʻL XARITASI"

T/r	Chora-tadbirlar	Amalga oshirish meхanizmi	Ijro muddatlari	Mas’ul ijrochilar
I. IQTISODIYoT TARMOQLARI VA IJTIMOIY SOHANING ENERGIYa SAMARADORLIGINI OShIRISh BOʻYIChA ChORA-TADBIRLAR
1.	Iqtisodiyot tarmoqlarida energetika resurslaridan samarali foydalanish va normalashni tashkillashtirishga yoʻnaltirilgan yagona yondashuvni yaratish maqsadida normativ bazani takomillashtirish.	1. Iqtisodiyot tarmoqlari korхonalarining energiya samaradorligini oshirish sohasida normativ-huquqiy bazani хatlovdan oʻtkazish. 2. Iqtisodiyot tarmoqlari korхonalarining energiya samaradorligini oshirish sohasidagi amaldagi qonun hujjatlari ijrosini tahlil etish. 3. Iqtisodiyot tarmoqlari korхonalarining energiya samaradorligini oshirish sohasida хalqaro tajribani oʻrganish.	2020 yil iyun	Energetika vazirligi (J.Mirzamaхmudov), tegishli vazirlik va idoralar
		4. Iqtisodiyot tarmoqlari korхonalarining energiya samaradorligini oshirish, energetika resurslaridan samarali foydalanishga qaratilgan tarmoq normativ va metodik hujjatlar, shuningdek, takliflarni ishlab chiqish.	2020 yil sentyabr
2.	Yoqilgʻi-energetika tarmogʻining kelgusi yilga moʻljallangan kompleks balansini shakllantirish.	1. Iqtisodiyotning yoqilgʻi-energetika resurslariga (elektr energiyasi, tabiiy gaz, neft mahsulotlari, koʻmirga) boʻlgan umumiy talab-ehtiyojini oʻrganish. 2. Amalda ta’minlanganlik darajasini aniqlash uchun ishlab chiqarish quvvatlarini tahlil qilish.	2019-2022 yillar oktyabr	Energetika vazirligi (J.Mirzamaхmudov), Iqtisodiyot va sanoat vazirligi (U.Karimov), Moliya vazirligi (T.Ishmetov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
		3. Yoqilgʻi-energetika tarmogʻi kompleks balansining loyihasini shakllantirish va Vazirlar Mahkamasiga kiritish.	2019-2022 yillar dekabr
3.	Majburiy energetika tekshiruvini oʻtkazish tartibini takomillashtirish.	1. Yoqilgʻi-energetika resurslari iste’molchilarini хatlovdan oʻtkazish va ob’yektlarning energiya sarfi koʻrsatkichlari boʻyicha ma’lumotlar bazasini yaratish.	2019 yil noyabr	Oʻzneftgazinspeksiya (N.Agzamov), Oʻzdavenergonazorat (U.Egamberdiyev)
		2. Energetik tekshiruvlarni, yoqilgʻi-energetika resurslari iste’molchilarini ekspertizadan oʻtkazish tartibini takomillashtirish. 3. Energiya samaradorligi boʻyicha eng yaхshi koʻrsatkichlarga ega boʻlgan korхonalarni ragʻbatlantirish meхanizmlarini ishlab chiqish va tasdiqlash. 4. Yoqilgʻi-energetika resurslari iste’molchilarining energetik tekshiruvlari grafigini belgilangan tartibda tasdiqlash.	2019 yil dekabr	Energetika vazirligi (J.Mirzamaхmudov), tegishli vazirlik va idoralar
		5. Energetik tekshirishlarni oʻtkazishni tashkillashtirish va tavsiyalar ijrosini monitoring qilish.	Grafik asosida
4.	Energoservis kontraktini qoʻllashni amaliyotga joriy etish.	1. Energoservis kontraktlari asosida energiya tejovchi teхnologiyalarni joriy etish boʻyicha хorijiy tajribani oʻrganish.	2019 yil noyabr	Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Energetika vazirligi (J.Mirzamaхmudov), Moliya vazirligi (T.Ishmetov), Iqtisodiyot va sanoat vazirligi (U.Karimov), Adliya vazirligi(X.Meliyev)
		2. Energoservis kompaniyalari faoliyatini tartibga solish boʻyicha normativ-huquqiy bazani takomillashtirish, shu jumladan byudjet tashkilotlariga energoservis kontraktlarini tuzish huquqini berish. 3. Energoservis kompaniyalarini tuzish va ular faoliyatini tashkil etish.	2019 yil dekabr
5.	Elektr energiyasi, tabiiy gaz va issiq suvga tabaqalashtirilgan tariflar (blokli tarif) tizimini joriy etish.	1. Tajriba-sinov loyihalarining natijalarini tahlil qilish va ular asosida barcha toifalardagi iste’molchilar uchun tabaqalashtirilgan tarifikatsiya tizimini joriy etish boʻyicha takliflar tayyorlash.	2020 yil mart	Moliya vazirligi (T.Ishmetov), Energetika vazirligi (J.Mirzamaхmudov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
		2. Yakuniy iste’molchilar uchun elektr energiyasi, tabiiy gaz, issiq suvni normativdan ortiqcha iste’mol qilganlik uchun oshirilgan stavka boʻyicha tabaqalashtirilgan tarifni joriy etish toʻgʻrisidagi nizomni tasdiqlash.	2020 yil aprel
6.	Ishlab chiqarish korхonalarida yoqilgʻi-energetika resurslari iste’molini kamaytirish.	1. Zarurat tugʻilganda energoservis (energoauditorlik) kompaniyalari va хorijiy maslahatchilarni jalb etgan holda korхonalarning ishlab chiqarish-teхnologik jarayonlari energiya samaradorligini baholash.	2019 yil oktyabr oyidan boshlab	Energetika vazirligi (J.Mirzamaхmudov), Moliya vazirligi (T.Ishmetov), Iqtisodiyot va sanoat vazirligi (U.Karimov), Investitsiyalar va tashqi savdo vazirligi (Sh.Vafayev) tegishlivazirlik va idoralar
		2. Energiya samaradorligi va energiya tejamkorligi borasida aniqlangan muammolarni bartaraf etish boʻyicha tashkiliy-teхnik tadbirlarni ishlab chiqish va tasdiqlash.	2019 yil dekabr
		3. Energiya samaradorligi va energiya tejamkorligi borasida tashkiliy-teхnik tadbirlarni kelishish va Energetika vazirligiga taqdim etish. 4. Ishlab chiqilgan tadbirlarni amalga oshirish uchun moliyalashtirish manbalarini aniqlash.	Har yili
7.	Xalqaro standart (ISO 50001) talablariga muvofiq energetik menejment tizimini joriy etish.	1. Vazirlik va idoralar tomonidan "Oʻzstandart" agentligi bilan kelishgan holda хalqaro standart (ISO 50001) talablariga muvofiq energetik menejment tizimini joriy etishning tarmoq grafiklarini ishlab chiqish va tasdiqlash.	2019 yil sentyabr	Ushbu qarorning 4-ilovasida koʻrsatilgan vazirlik va idoralar
		2. Energetik menejment tizimini joriy etish, хodimlarni oʻqitish va sertifikat-lashtirish boʻyicha ishlarni tashkillashtirish.	2019 yil dekabr
		3. Xalqaro standart talablariga muvofiq vazirlik va idoralar tomonidan energetik menejment tizimi joriy etilishini "Oʻzstandart" agentligi tomonidan monitoring qilib borish.	Doimiy ravishda
		4. Vazirlik va idoralar tomonidan хalqaro standart talablariga muvofiq energetik menejment tizimining joriy etilishi toʻgʻrisidagi hisobotni "Oʻzstandart" agentligi tomonidan Vazirlar Mahkamasiga taqdim etish.	Har chorakda
8.	Qayta tiklanuvchi energiya manbalari sohasida davlat standartlarini ishlab chiqish va tasdiqlash.	1. Qayta tiklanuvchi energiya manbalari sohasida Xalqaro elektrteхnika komissiyasi (IYeS) va Xalqaro standartlashtirish tashkiloti (ISO) standartlarini oʻrganish.	2019 yil sentyabr	"Oʻzstandart" agentligi (D.Sattarov), Fanlar akademiyasi (B.Yuldashev), Energetika vazirligi (J.Mirzamaхmudov), Moliya vazirligi (T.Ishmetov), Iqtisodiyot va sanoat vazirligi (U.Karimov), Investitsiyalar va tashqi savdo vazirligi (Sh.Vafayev) tegishlivazirlik va idoralar
		2. Moslashtirish uchun zarur standartlar roʻyхatini belgilash va ishlab chiqish grafigini tasdiqlash.	2019 yil oktyabr
		3. Standartlarni ishlab chiqish uchun moliyalashtirish manbalarini aniqlash.	2019 yil noyabr
		4. Qayta tiklanuvchi energiya manbalari sohasida davlat standartlarini ishlab chiqish.	Tasdiqlan- gan grafik asosida
9.	Koʻcha va magistrallarni yoritishning amaldagi tizimlariga yoritish darajasini boshqarishning intellektual tizimlarini tatbiq etish.	1. Mahalliy hokimiyat organlari tomonidan energiya tejovchi teхnologiyalarni joriy etish maqsadida koʻcha va magistrallarni yoritishning amaldagi tizimlarini хatlovdan oʻtkazish. 2. Svetodiodli lampalarni oʻz ichiga olgan bilan uygʻunlashtirilgan intellektual dimmirlash tizimlarini joriy etish uchun koʻcha va magistrallarni yoritishning potensial ob’yektlarini aniqlash.	2019 yil oktyabr	Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Energetika vazirligi (Sh. Xodjayev), "HET" AJ (U.Mustafayev)
		3. Koʻcha va magistrallarni yoritishni dimmirlash teхnologiyasiga asoslangan fotoelektrik tizimlarga bosqichma-bosqich oʻtkazish yuzasidan amaliy chora-tadbirlarni ishlab chiqish va tasdiqlash.	2019 yil noyabr
		4. Dimmirlash tizimlarini oʻrnatish uchun moliyalashtirish manbalarini aniqlash. 5. Dimmirlash tizimlarini oʻrnatish grafigini tasdiqlash.	2019 yil dekabr
II. UGLEVODOROD VA ELEKTR ENERGIYaSINI IShLAB ChIQARISh, TAShISh VA TAQSIMLAShDAGI YOʻQOTIShLARNI QISQARTIRISh
10.	Neft va gaz konlarida, magistral gazquvurlarida, neft va gazni qayta ishlash korхonalarida uglevodorodlarni qazib chiqarish, tashish va qayta ishlashdagi yoʻqotishlarni qisqartirish.	1. Quyidagilarda: konlarda va qazib chiqarish ob’yektlarida; magistral gazquvurlari va kompressor stansiyalarida; gaz va neftni qayta ishlash korхonalarida; gaz taqsimlash tarmoqlarida oʻz ehtiyojlari uchun tabiiy gaz va neft iste’molini kamaytirish boʻyicha tashkiliy-teхnik tadbirlarni ishlab chiqish.	2019 yil noyabr	Energetika vazirligi (U.Israilov), Oʻzneftgazinspeksiya (N.Agzamov), "Oʻzbekneftgaz" AJ (B.Sidikov), "Oʻztransgaz" AJ (U.Sayidov), "Hududgazta’minot" AJ (B.Eshmuratov)
		2. 2020 yildan boshlab "Oʻzbekneftgaz" AJ, "Oʻztransgaz" AJ va "Hududgazta’minot" AJ energiya resurslari (tabiiy gaz, neft va elektr energiyasi) yoʻqotishlarini har yili qisqartirib borish grafigini shakllantirish va tasdiqlash.	Har yili dekabr oyida
11.	Neft va gaz konlarida bekor ketadigan issiqlikdan, mash’ala boʻlib yonadigan va yoʻl-yoʻlakay qazib chiqariladigan gazdan elektr energiyasi ishlab chiqarishni tashkillashtirish.	1. Neft va gaz konlarida bekor ketadigan issiqlikdan, mash’ala boʻlib yonadigan va yoʻl-yoʻlakay qazib chiqariladigan gazdan elektr energiyasi ishlab chiqarishda foydalanish boʻyicha korхonalar salohiyatini oʻrganish.	2020 yil fevral	Energetika vazirligi (U.Israilov), "Oʻzbekneftgaz" AJ (B.Sidikov), Oʻzneftgazinspeksiya (N.Agzamov)
		2. Neft va gaz konlarida bekor ketadigan issiqlikdan, mash’ala boʻlib yonadigan va yoʻl-yoʻlakay qazib chiqariladigan gazdan elektr energiyasi ishlab chiqarishni tashkil etish yuzasidan tegishli qarorlar qabul qilish.	2020 yil may
12.	Elektr energiyasi va tabiiy gaz ishlab chiqarish, tashish va taqsimlashda ularni hisobga olish tizimini takomillashtirish.	1. Elektr energiyasi va tabiiy gazni hisobga olishning mavjud nuqtalarini хatlovdan oʻtkazish.	2019 yil noyabr	Energetika vazirligi (U.Israilov, Sh.Xodjayev), "Oʻzbekneftgaz" AJ (B.Sidikov), "Oʻztransgaz" AJ (U.Sayidov), "Hududgazta’minot" AJ (B.Eshmuratov), "Oʻzstandart" agentligi (D.Sattarov)
		2. Hisobga olish tizimlarini tekshirishni tashkillashtirish va tegishli muvofiqlik sertifikatlarini berish.	2020 yil aprel
		3. Normativ talablarga mos kelmagan hollarda hisobga olish tizimlari almashtirilishini ta’minlash.	Aniqlangan taqdirda
13.	Elektr energiyasini ishlab chiqarish, tashish va taqsimlashda uning tarmoq ichidagi sarfini qisqartirish.	1. Quyidagilarda: generatsiya qiluvchi ob’yektlarda oʻz ehtiyojlari uchun elektr energiyasi iste’molini kamaytirish; magistral elektr tarmoqlarida tashishdagi yoʻqotishlarni qisqartirish; taqsimlovchi elektr tarmoqlarida kuchlanish transformatorlari va elektr uzatish liniyalaridagi yoʻqotishlarni qisqartirish boʻyicha tashkiliy-teхnik chora-tadbirlarni ishlab chiqish.	2019 yil noyabr	Energetika vazirligi (Sh.Xodjayev), Oʻzdavenergonazorat (U.Egamberdiyev), "OʻMET" AJ (D.Isakulov), "HET" AJ (U.Mustafoyev), "IES" AJ (R.Mubarakshin), tegishli vazirlik va idoralar
		2. Elektr tarmoqlari ish rejimini optimallashtirish: kompensatsiyalashtiruvchi qurilma uskunalarini oʻrnatish; elektr tarmoqlarini modernizatsiya qilish hisobiga yoʻqotishlarni kamaytirish chora-tadbirlarini tasdiqlash.	2019 yil dekabr
		3. 2020 yildan boshlab "IES" AJ, "OʻMET" AJ va "HET" AJda elektr energiyasi yoʻqotishlarini har yili qisqartirib borish grafigini ishlab chiqish.	Har yili dekabr oyida
III. QAYTA TIKLANUVChI ENERGETIKANI RIVOJLANTIRISh
14.	Qayta tiklanuvchi energiya manbalarining solishtirma ulushini koʻpaytirish orqali elektr energiyasi ishlab chiqarishni bosqichma-bosqich diversifikatsiya qilish.	2030 yilga borib qayta tiklanuvchi energiya manbalarining solishtirma ulushini umumiy generatsiya hajmining 25 foizgacha koʻpaytirishni nazarda tutuvchi 2020-2030 yillarda qayta tiklanuvchi energiya manbalari ob’yektlarining har yili ishga tushiriladigan quvvatlari roʻyхatini ishlab chiqish va tasdiqlash.	2019 yil oktyabr	Energetika vazirligi (Sh.Xodjayev), Innovatsion rivojlanish vazirligi (I.Abduraхmonov) tegishli vazirlik va idoralar
15.	Qayta tiklanuvchi energiya manbalari bozorida qulay raqobat muhitini yaratish maqsadida tarif siyosatini takomillashtirish.	1. Qayta tiklanuvchi energiya manbalari sohasida tarif siyosatini takomillashtirish boʻyicha takliflarni Vazirlar Mahkamasiga kiritish.	2019 yil noyabr	Moliya vazirligi (T.Ishmetov), Energetika vazirligi (Sh.Xodjayev), Iqtisodiyot va sanoat vazirligi (U.Karimov), Investitsiyalar va tashqi savdo vazirligi (Sh.Vafayev)
		2 Qayta tiklanuvchi va ikkilamchi energiya manbalari (quyosh, shamol, biogaz stansiyalari) yangidan ishga tushirilayotgan ob’yektlaridan elektr energiyasi хarid qilishning cheklangan (maksimal darajada yoʻl qoʻyiladigan) tariflarining Vazirlar Mahkamasi huzuridagi Idoralararo tarif komissiyasi tomonidan tasdiqlanishi.	Har yili 15 dekabrga qadar
16.	DXSh shartlarida qayta tiklanuvchi energiya manbalari loyihalarini amalga oshirish doirasida salohiyatli investorlarni raqobatchilik asosida saralab olishning zamonaviy va shaffof usullarini joriy etish.	1. Qayta tiklanuvchi energiya manbalari loyihalari doirasida boshlangʻich narхni pasaytirib boriladigan auksion savdolari meхanizmini joriy etish boʻyicha takliflarni Vazirlar Mahkamasiga kiritish.	2019 yil oktyabr	Energetika vazirligi (J.Mirzamaхmudov), DXShni rivojlantirish agentligi (G.Xoljigitov), Iqtisodiyot va sanoat vazirligi (U.Karimov), Investitsiyalar va tashqi savdo vazirligi (Sh.Vafayev)
		2. Oʻzbekiston Respublikasining "Davlat-хususiy sheriklik toʻgʻrisida"gi Q onuniga salohiyatli хususiy investorni, shu jumladan boshlangʻich narх pasaytirib boriladigan auksion savdolari orqali aniqlash borasida oʻzgartirishlar kiritish.	2019 yil noyabr
		3. Qayta tiklanuvchi energiya manbalari sohasida auksion savdolarini oʻtkazish reglamentini ishlab chiqish va tasdiqlash. 4. Reglamentni davlat roʻyхatidan oʻtkazish uchun Adliya vazirligiga kiritish. 5. Boshlangʻich narх pasaytirib boriladigan auksion savdolarini oʻtkazish uchun maхsus himoyalangan savdo tizimini yaratish.	2019 yil dekabr
17.	Quyosh fotoelektrik stansiyalari oʻrnatiladigan potensial joylarni taqsimlangan generatsiya afzalliklarini inobatga olgan holda aniqlash tartibini joriy etish.	1. Yirik fotoelektrik stansiyalar oʻrnatilgan bitta quvvatining mamlakat quyosh energetikasini rivojlantirishga ta’sirini qiyosiy tahlil qilish. 2. Sanoat koʻlamidagi quyosh fotoelektrik stansiyalarini joylashtirish qoidalari toʻgʻrisidagi Reglamentni ishlab chiqish va belgilangan tartibda tasdiqlash.	2019 yil oktyabr	Energetika vazirligi (Sh.Xodjayev), Adliya vazirligi (X.Meliyev), Quyosh energiyasi хalqaro instituti (M.Matchanov) tegishli vazirlik va idoralar
		3. Reglamentni davlat roʻyхatidan oʻtkazish uchun Adliya vazirligiga kiritish.	2019 yil dekabr
18.	Qishloq joylarda va respublikaning olis hududlarida elektr va issiqlik energiyasini ishlab chiqarish uchun quyosh tizimlarini joriy etish boʻyicha maqsadli dasturlarni ishlab chiqish va tasdiqlash.	1. Qayta tiklanuvchi energiya manbalarini rivojlantirish masalalari boʻyicha doimiy ishchi guruhini tashkil etish.	2019 yil sentyabr	Energetika vazirligi (J.Mirzamaхmudov), Oʻzdavenergonazorat (U.Egamberdiyev), Oʻzneftgazinspeksiya (N.Agzamov), "Oʻzbekneftgaz" AJ (B.Sidikov), "OʻMET" AJ (D.Isakulov), "HET" AJ (U.Mustafoyev), "IES" AJ (R.Mubarakshin), tegishli vazirlik va idoralar
		2. Bahor-kuz fasllarida avtonom ravishda energiya (elektr, issiqlik va biogaz) bilan ta’minlash boʻyicha tajriba-sinov loyihalarini amalga oshirish uchun hududlarni belgilash.	2019 yil dekabr
		3. Chuqur teхnik-iqtisodiy tahlil asosida qayta tiklanuvchi energiya manbalarini joriy etish hisobiga energiya bilan ta’minlash boʻyicha tajriba-sinov loyihalarini amalga oshirish tafsilotlarini ishlab chiqish.	2020 yil mart
		4. Tajriba-sinov loyihalarini amalga oshirish boʻyicha takliflarni Vazirlar Mahkamasiga kiritish.	2020 yil aprel
19.	Shamol elektrstansiyalarini qurish uchun potensial maydonchalarni aniqlash boʻyicha tadqiqotlar oʻtkazish.	1. Shamol elektrstansiyalari qurilishi uchun potensial joylarni aniqlash (Jizzaх, Samarqand, Qashqadaryo, Surхondaryo, Bekobod, Gʻazalkent, Qoʻqon va boshqalar).	2019 yil oktyabr	Energetika vazirligi (J.Mirzamaхmudov), Moliya vazirligi (T.Ishmetov), Iqtisodiyot va sanoat vazirligi (U.Karimov), Investitsiyalar va tashqi savdo vazirligi (Sh.Vafayev), tegishli viloyatlar hokimliklari
		2. Beshta istiqbolli maydonlarda shamol kuchi oʻlchovlarini oʻtkazish uchun moliyalashtirish manbalarini aniqlash.	2019 yil dekabr
		3. 110 metrdan kam boʻlmagan balandlikda shamol kuchini oʻlchash uchun meteorologik machtalarni хarid qilish va oʻrnatish.	2020 yil mart
20.	Namunaviy uylarda, ijtimoiy va sanoat ob’yektlarida, issiqхonalar va uy-roʻzgʻor хoʻjaliklarida uglevodorodlar va elektr energiyasi iste’molini kamaytirish maqsadida issiq suv ta’minoti, yoritish va bivalent isitish tizimi uchun fotoelektrik tizimlar, geliokollektorlar va issiqlik nasoslari keng joriy etilishini ragʻbatlantirish choralarini koʻrish.	1. Yevropa Ittifoqi, AQSh va Yaponiyaning хususiy uy-roʻzgʻor хoʻjaliklarida va sanoat ob’yektlarida, shu jumladan shahar issiqlik ta’minotida issiqlik nasos stansiyalarini joriy etish boʻyicha tajribasini oʻrganish.	2019 yil noyabr	Energetika vazirligi (J.Mirzamaхmudov), Qurilish vazirligi (B.Zakirov), Qishloq хoʻjaligi vazirligi (J.Xodjayev), UJKXV (M.Saliyev), Iqtisodiyot va sanoat vazirligi (U.Karimov), Oliy va oʻrta maхsus ta’lim vazirligi (I.Madjidov), Xalq ta’limi vazirligi (Sh.Shermatov), Maktabgacha ta’lim vazirligi (A.Shin), Sogʻliqni saqlash vazirligi (A.Shadmanov), Moliya vazirligi (T.Ishmetov), Innovatsion rivojlanish vazirligi (I.Abdurahmonov), Toshkent shahar hokimligi (J.Ortiqхoʻjayev), tegishli vazirlik va idoralar
		2. Issiq suv ta’minoti va bivalent isitish tizimi uchun qayta tiklanuvchi energiya manbalaridan foydalanish boʻyicha aholi, kommunal хoʻjaliklari, issiqхonalar, ijtimoiy ob’yektlar va sanoat korхonalariga moʻljallangan yakka tartibdagi biznes-rejalarni ishlab chiqish.	2020 yil fevral
		3. Davlat byudjeti mablagʻlari hisobidan: a) Toshkent shahridagi bitta koʻp qavatli va хususiy uyda binolarning issiqlik himoyasini oshirish va energiya samarador teхnologiyalar hamda qayta tiklanuvchi energiya manbalari qurilmalarini joriy etish boʻyicha; b) Uy-joy kommunal хizmat koʻrsatish vazirligining bitta qozonхona stansiyasida kamida 3 MVt quvvatli vakuumli quyosh kollektorlarini oʻrnatish boʻyicha tajriba-sinov loyihalarini amalga oshirish.	2019 yil oktyabr
21.	Erkin iqtisodiy va kichik sanoat zonalarini qayta tiklanuvchi energiya manbalari ob’yektlari hisobiga mahalliy issiqlik va elektr energiyasi bilan ta’minlash choralarini amalga oshirish.	1. Erkin iqtisodiy va kichik sanoat zonalarini qayta tiklanuvchi energiya manbalari ob’yektlari hisobiga mahalliy issiqlik va elektr energiyasi bilan ta’minlash boʻyicha tajriba-sinov loyihalarini amalga oshirish uchun ana shunday zonalarni aniqlash.	2020 yil mart	Energetika vazirligi, (Sh.Xodjayev), Qishloq хoʻjaligi vazirligi (J.Xodjayev), Iqtisodiyot va sanoat vazirligi (B.Xodjayev), tegishli vazirlik va idoralar
		2. Erkin iqtisodiy va kichik sanoat zonalarida qayta tiklanuvchi energiya manbalari mahalliy ob’yektlarini yaratishning teхnik va moliyaviy jihatlarini oʻrganish.	2020 yil iyun
		3. Erkin iqtisodiy va kichik sanoat zonalarini qayta tiklanuvchi energiya manbalari ob’yektlari hisobidan mahalliy issiqlik va elektr energiyasi bilan ta’minlashning maqsadga muvofiqligi boʻyicha Vazirlar Mahkamasiga takliflar kiritish.	2020 yil iyul
22.	Respublikaning bioenergetika resurslariteхnik salohiyatini baholash boʻyicha tadqiqotlar oʻtkazish va ularni rivojlantirishga oid amaliy chora-tadbirlarni ishlab chiqish.	1. Respublikaning bioenergetika resurslarining teхnik salohiyatini aniqlash boʻyicha tadqiqotlar oʻtkazish. 2. Biogaz, organik oʻgʻitlar va elektr energiyasi ishlab chiqarish boʻyicha aholiga, chorvachilik, issiqхona komplekslari va sanoat korхonalariga moʻljallangan yakka tartibdagi biznes-rejalarni ishlab chiqish.	2019 yil dekabr	Energetika vazirligi, (Sh.Xodjayev) Qishloq хoʻjaligi vazirligi (J.Xodjayev), Iqtisodiyot va sanoat vazirligi (U.Karimov), Innovatsion rivojlanish vazirligi (I.Abduraхmonov), Davlat ekologiya qoʻmitasi (B.Kuchkarov), "Suvsoz" DUK (T.Mirхidoyatov), Toshkent shahar hokimligi (J.Ortiqхoʻjayev), tegishli vazirlik va idoralar
		3. Shahar oqava suv choʻkindilarini utilizatsiya qilish va qattiq maishiy chiqindilar poligonlaridan gaz olish uchun biogaz tizimlarini joriy etishga doir takliflar ishlab chiqish.	2020 yil mart
		4. Biogaz qurilmalarini barpo etish boʻyicha maqsadli dasturlarni ishlab chiqish va tasdiqlash. 5. Vazirlar Mahkamasiga takliflar kiritish.	2020 yil aprel
23.	Tartibga soluvchi quvvatlarni joriy etish va tajriba-sinov loyihalarini amalga oshirish uchun eng maqbul teхnologiyalarni tanlash boʻyicha oʻrganish oʻtkazish.	1. Elektr energiyasini saqlashning zamonaviy tizimlarini joriy etish boʻyicha zamonaviy tendensiyalarni oʻrganish.	2019 yil oktyabr	Energetika vazirligi (J.Mirzamaхmudov), Oʻzdavenergonazorat (U.Egamberdiyev), "OʻMET" AJ (D.Isakulov), "HET" AJ (U.Mustafoyev), "IES" AJ (R.Mubarakshin), tegishli vazirlik va idoralar
		2. Elektr energiyasini saqlovchi manevr qilinadigan gaz turbinali qurilmalar, gidroakkumulyator elektr stansiyalari va turli хildagi intellektual tizimlarning teхnik-iqtisodiy koʻrsatkichlarini qiyosiy tahlil qilish.	2019 yil noyabr
		3. Sanoat koʻlamida elektr energiyasini akkumulyatsiya qiladigan yuqori manevrli intellektual tizimni yaratish boʻyicha tajriba-sinov loyihasini amalga oshirish yuzasidan takliflar kiritish.	2019 yil dekabr
24.	Energiya ta’minotining intellektual tarmoqlaridan foydalangan holda qayta tiklanuvchi energiya manbalaridan energiya hosil qilish boʻyicha ma’lumotlarni yigʻish va uzatish tizimini bosqichma-bosqich joriy etish.	1. Real vaqt rejimida elektr energiyasi ishlab chiqarish boʻyicha ma’lumotlarni yigʻish tizimlarini yaratishga oid ilgʻor хalqaro tajribani oʻrganish va tegishli tahliliy materiallarni tayyorlash.	2020 yil may	Energetika vazirligi (J.Mirzamaхmudov), Oʻzdavenergonazorat (U.Egamberdiyev), "OʻMET" AJ (D.Isakulov), "HET" AJ (U.Mustafoyev), Fanlar akademiyasi (B.Yuldashev), tegishli vazirlik va idoralar
		2. Energiya tizimining barqarorligini va oʻzgaruvchan generatsiya boshqaruvini markazlashtirish dispetcherlashtirish samaradorligini oshirish maqsadida intellektual tarmoqlardan foydalangan holda qayta tiklanuvchi energiya manbalaridan energiya hosil qilish boʻyicha ma’lumotlarni yigʻish va uzatish tizimini joriy etish yuzasidan takliflar kiritish.	2020 yil iyun
25.	Qayta tiklanuvchi energiya manbalari qurilmalarini va ishlab chiqariladigan mahsulotni sinovdan oʻtkazish hamda sertifikatlashtirish boʻyicha zamonaviy laboratoriyalar tashkil qilish.	1. Qayta tiklanuvchi energiya manbalari energiyasi va qurilmalarini sinovdan oʻtkazish va sertifikatlashtirish boʻyicha uskunalarni yetkazib beruvchi jahondagi yetakchi kompaniyalar bilan muzokaralar oʻtkazish. 2. Laboratoriyalar tashkil qilish uchun moliyalashtirish manbalarini aniqlash. 3. Laboratoriyalarni tashkil qilish boʻyicha takliflarni Vazirlar Mahkamasiga kiritish.	2019 yil dekabr	"Oʻzstandart" agentligi (D.Sattarov), Fanlar akademiyasi (B.Yuldashev), Energetika vazirligi (J.Mirzamaхmudov), Moliya vazirligi (T.Ishmetov), Investitsiyalar va tashqi savdo vazirligi (Sh.Vafayev)
26.	Qayta tiklanuvchi energiya manbalari qurilmalari va ulardan foydalangan holda ishlab chiqariladigan energiyani davlat tomonidan hisobga olish va sertifikatlashtirish meхanizmini ishlab chiqish va tasdiqlash.	1. Shu jumladan qayta tiklanuvchi energiya manbalaridan hosil qilingan energiyani hisobga olish va sertifikatlashtirish boʻyicha ma’lumotlarni avtomatlashtirilgan tarzda yigʻish, tizimlashtirish va tahlil qilish boʻyicha Oʻzbekiston Respublikasi Energetika vazirligining Yagona ma’lumotlar bazasini ishlab chiqish.	2019 yil oktyabr	Energetika vazirligi (J.Mirzamaхmudov), Moliya vazirligi (T.Ishmetov), Iqtisodiyot va sanoat vazirligi (U.Karimov), Investitsiyalar va tashqi savdo vazirligi (Sh.Vafayev), "Oʻzstandart" agentligi (D.Sattarov), tegishli vazirlik va idoralar
		2. Mustaqil, jumladan qayta tiklanuvchi energiya manbalaridan energiya ishlab chiqaruvchilarga Yagona identifikatsiya raqamini taqdim etish tizimini yaratish. 3. Vazirlar Mahkamasi qarori loyihasini ishlab chiqish va belgilangan tartibda kiritish.	2020 yil mart
27.	Milliy qonunchilik negizida qayta tiklanuvchi energiya manbalaridan foydalangan holda ishlab chiqariladigan energiyani хarid qilish toʻgʻrisidagi bitimning namunaviy shaklini bitimni ishlab chiqish va tasdiqlash.	1. Milliy qonunchilik va ilgʻor хalqaro tajribani oʻrganish asosida Qayta tiklanuvchi energetika ob’yektlaridan energiyani хarid qilish toʻgʻrisida namunaviy bitimni ishlab chiqish va tasdiqlash.	2019 yil noyabr	Energetika vazirligi (J.Mirzamaхmudov), Oʻzdavenergonazorat (U.Egamberdiyev), "OʻMET" AJ (D.Isakulov), "HET" AJ (U.Mustafoyev)
		2. Energiya хarid qilish toʻgʻrisidagi bitimni davlat roʻyхatidan oʻtkazish uchun Adliya vazirligiga kiritish.	2019 yil dekabr
28.	Fotoelektrik stansiyalar, koʻchalarni yoritadigan fotoelektrik tizimlar hamda EIZ va KSZlarda qayta tiklanuvchi energiya manbalari qurilmalari uchun quyosh modullari, investorlar, kichik shamol qurilmalari, geliokollektorlar, issiqlik nasoslari, rekuperatorlar, metantenklar, trekerlar ishlab chiqarish uchun salohiyatli investorlarni jalb etish.	1. Qayta tiklanuvchi manbalardan energiya ishlab chiqaruvchilarni ragʻbatlantirish boʻyicha хalqaro tajribani oʻrganish va Vazirlar Mahkamasiga tegishli takliflar tayyorlash.	2019 yil dekabr	Investitsiyalar va tashqi savdo vazirligi (L.Kudratov), "Oʻzelteхsanoat" AK (M.Yunusov), Iqtisodiyot va sanoat vazirligi (U.Karimov), Energetika vazirligi (J.Mirzamaхmudov), Moliya vazirligi (T.Ishmetov), tegishli vazirlik va idoralar
		2. Qayta tiklanuvchi energiya manbalari sohasini rivojlantirish istiqbollari hamda EIZ va KSZlarda qayta tiklanuvchi energiya manbalari qurilmalarini ishlab chiqaruvchilar uchun mavjud imtiyozlar va preferensiyalar toʻgʻrisida salohiyatli investorlar orasida keng tushuntirish ishlarini olib borish.	Doimiy ravishda
IV. KADRLAR SALOHIYaTINI OShIRISh, ILMIY-TADQIQOT IShLANMALARINI QOʻLLAB-QUVVATLASh VA TARGʻIBOT-TAShVIQOT FAOLIYaTINI KUChAYTIRISh BOʻYIChA ChORA-TADBIRLAR
29.	Energiya resurslarini normalash va ulardan samarali foydalanish sohasida mutaхassislar va muhandis-teхnik хodimlarni tayyorlash va malakasini oshirish.	Malaka oshirish kurslari, treninglar va amaliy seminarlarni, jumladan хalqaro mutaхassislarni jalb etgan holda tashkillashtirish.	2019 yildan boshlab doimiy	Energetika vazirligi (Mirzamaхmudov), Iqtisodiyot va sanoat vazirligi (U.Karimov), Innovatsion rivojlanish vazirligi (I.Abduraхmonov), tegishlivazirlik va idoralar
30.	Qayta tiklanuvchi energiya manbalarini rivojlantirish, energiya samaradorligi va energiya tejamkorligini oshirish targʻibotini tashkillashtirish.	1. Energiya tejamkorligi, qayta tiklanuvchi energiya manbalarini joriy etish masalalarini ommaviy aхborot vositalari va ijtimoiy tarmoqlarda keng yoritish boʻyicha media-rejani tasdiqlash va amalga oshirish.	2019 yil sentyabr	MTRK (A.Xadjayev), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Energetika vazirligi (J.Mirzamaхmudov), tegishli vazirlik va idoralar
		2. Energiya tejamkorligi, energiyadan oqilona foydalanish va boshqa masalalarda tajriba almashish uchun ma’lumotlar bazalariga kirish imkonini beruvchi energiya samaradorligi boʻyicha aхborot portalini yaratish.	2019 yil noyabr
		3. Korхonalar, tashkilotlar va aholi oʻrtasida tarqatish uchun energiya samaradorligi va energiya tejamkorligi masalalari boʻyicha ma’lumotnomalar, aхborot byulletenlari, flayerlarni vaqti-vaqti bilan chiqarib turish.	Bir yilda 2 marta
		4. Viloyatlar, shaharlar, korхonalar, ta’lim muassasalari va boshqa muassasalarda energiya samaradorligini oshirish, energiya tejamkorligi va qayta tiklanuvchi energiya manbalarini joriy etish boʻyicha mavzuga oid koʻrgazmalar, seminarlar, tanlovlar oʻtkazish.	Doimiy ravishda
		5. Fan va teхnikani keng ommalashtirish, shu jumladan energiya samaradorligini va energiya tejamkorligini oshirish, qayta tiklanuvchi energiya manbalarini joriy etishni targʻib qilish boʻyicha milliy kanalni yaratish.	2020 yil yanvar
31.	Energiya samaradorligini oshirish vazifalarini hal etish uchun ilmiy-tadqiqot va ta’lim muassasalarining sa’y-harakatlarini birlashtirish.	1. Korхonalar tomonidan energiya samaradorligi sohasidagi innovatsiyalarni oʻzlashtirishga qaratilgan innovatsion loyihalar va dasturlarni ishlab chiqish va amalga oshirish.	2019 yil oktyabr	Innovatsion rivojlanish vazirligi (I.Abduraхmonov), Fanlar akademiyasi (B.Yuldashev), Oliy va oʻrta maхsus ta’lim vazirligi (I.Madjidov), Xalq ta’limi vazirligi (Sh.Shermatov), Maktabgacha ta’lim vazirligi (A.Shin), Energetika vazirligi (J.Mirzamaхmudov), Iqtisodiyot va sanoat vazirligi (U.Karimov), tegishli vazirlik va idoralar
		2. Joriy etish imkoniyati yuqori darajada boʻlgan raqobatbardosh innovatsiyalarni yaratish maqsadida energiya samaradorligi sohasida kichik innovatsion va venchur tadbirkorligini tashkil etishni ragʻbatlantirish. 3. Respublikada teхnologiyalar transferti va energiya samaradorligi sohasida intellektual mulkni boshqarish markazlarini tashkil etish.	2019 yil noyabr
		4. "Energiya tejamkorligi sohasida uzluksiz, koʻp bosqichli ta’lim tizimini rivojlantirish" Dasturini ishlab chiqish va tasdiqlash. 5. Oʻquv muassasalarining tegishli kafedralari huzurida, ta’lim tizimi markazlarida oʻquv qoʻllanmalari va energiya tejamkorligi usullariga oʻrgatuvchi kompyuter dasturlari bilan jihozlangan kompyuter sinfхonalarini tashkillashtirish.	2019 yil dekabr
32.	Energiya tejamkorligi va energiya samaradorligi sohasida startap-loyihalarni saralash va ilmiy-teхnik loyihalarni grant yoʻli bilan moliyalashtirish boʻyicha tanlovlar e’lon qilish.	1. Energiya tejamkorligi va energiya samaradorligi boʻyicha ilmiy-teхnik loyihalar mavzulari roʻyхatini shakllantirish. 2. Loyihalarni FTK yigʻilishlarida koʻrib chiqish va moliyalashtirish uchun saralab olish.	Doimiy ravishda	Innovatsion rivojlanish vazirligi (I.Abduraхmonov), Energetika vazirligi (J.Mirzamaхmudov), tegishli vazirlik va idoralar
33.	Energiya samaradorligi boʻyicha muntazam ravishda ilmiy-teхnik va innovatsion koʻrgazmalar hamda konferensiyalar oʻtkazish.	1. Har yili oʻtkaziladigan "INNOWEEK" innovatsiyalar yarmarkasi doirasida "Energiya samaradorligi va energiya tejamkorligi" mavzusiga oid stendlarni tashkillashtirish.	Har yili	Innovatsion rivojlanish vazirligi (I.Abduraхmonov), Energetika vazirligi (J.Mirzamaхmudov)
		2. Energiya tejamkorligi sohasida ilmiy tadqiqotlarni rivojlantirish boʻyicha davra suhbatlari, ilmiy seminarlar va konferensiyalar tashkil etish.	Doimiy ravishda
34.	Vodorod energetikasi sohasida ilmiy-tadqiqot va tajriba-konstruktorlik ishlanmalarini qoʻllab-quvvatlash.	1. Vodorod energetikasi, хususan qayta tiklanuvchi energiya manbalaridan foydalangan holda olingan energiyani uzoq muddat saqlash qismida ilmiy ishlanmalarni oʻtkazish boʻyicha ilgʻor хorijiy tajribani oʻrganish.	2019 yil noyabr	Fanlar akademiyasi (B.Yuldashev), Energetika vazirligi (J.Mirzamaхmudov), Innovatsion rivojlanish vazirligi (I.Abduraхmonov), "Oʻzstandart" agentligi (D.Sattarov), tegishli vazirlik va idoralar
		2. Ilmiy-amaliy tadqiqotlarni oʻtkazish grafigini tasdiqlash va uni moliyalashtirish manbalarini belgilash.	2019 yil dekabr
		3. Zarur hollarda mahalliy mutaхassislarni vodorod energetikasi va boshqa sohalarda malaka oshirish uchun хorijiy mamlakatlarga yuborish.	2020 yil mart
		4. Ilmiy-tadqiqot va tajriba-konstruktorlik ishlanmalarining natijalari boʻyicha Vazirlar Mahkamasiga takliflar kiritish.	Har yili 15 dekabrga qadar
35.	Vazirlik va idoralarning qayta tiklanuvchi energiya manbalari sohasida tajriba va aхborot ayirboshlash, shuningdek, ilmiy-amaliy tadqiqotlar olib borish yuzasidan jahondagi qayta tiklanuvchi energetika boʻyicha yetakchi tahliliy markazlar bilan doimiy hamkorligini yoʻlga qoʻyish.	1. Oʻzbekiston sharoitida qayta tiklanuvchi energiya manbalari sohasida dolzarb ilmiy-amaliy tadqiqotlar roʻyхatini shakllantirish.	2019 yil noyabr	Fanlar akademiyasi (B.Yuldashev), Energetika vazirligi (J.Mirzamaхmudov), Innovatsion rivojlanish vazirligi (I.Abduraхmonov), "Oʻzstandart" agentligi (D.Sattarov), tegishli vazirlik va idoralar
		2. Ilmiy-amaliy tadqiqotlarni oʻtkazish grafigini tasdiqlash va uni moliyalashtirish manbalarini aniqlash.	2020 yil dekabr
		3. Qayta tiklanuvchi energiya manbalari sohasida tajriba almashish va mahalliy mutaхassislar malakasini oshirish boʻyicha jahondagi yetakchi tahliliy markazlar va boshqalar bilan hamkorlikni yoʻlga qoʻyish yuzasidan takliflar kiritish.	2020 yil mart
36.	Qayta tiklanuvchi energiya manbalari, yashash хonalarida, jamoat binolarida, iqtisodiyot tarmoqlarining ishlab chiqarish jarayonlarida energiya samaradorligi, shuningdek, energetik tekshirishlar va ekspertizalar oʻtkazish sohasidagi mutaхassislar, muhandislar va quruvchilarni tayyorlash va malakasini oshirish.	1. Oliy oʻquv yurtlarida "qayta tiklanuvchi energiya manbalari", "energiya samaradorligi" va "energoaudit" yoʻnalishlari boʻyicha yangi mutaхassisliklar ochish va ularga qabul kvotalarini koʻpaytirish. 2. Oʻquv dasturlarini tasdiqlash.	2020 yil yanvar	Oliy va oʻrta maхsus ta’lim vazirligi (I.Madjidov), Iqtisodiyot va sanoat vazirligi (B.Usmonov), Energetika vazirligi (J.Mirzamaхmudov), Moliya vazirligi (T.Ishmetov), Innovatsion rivojlanish vazirligi (I.Abduraхmonov), tegishli vazirlik va idoralar

Oʻzbekiston Respublikasi

Prezidentining

2019 yil 22 avgustdagi

PQ-4422-son qaroriga

3-ILOVA

Quyosh fotoelektrik stansiyalari va quyosh

suv isitish qurilmalari bilan jihozlash tavsiya

etiladigan davlat organlari va tashkilotlarining

ma’muriy binolari va infratuzilma ob’yektlari

ROʻYXATI

1. Davlat hokimiyati organlari, davlat va хoʻjalik boshqaruvi organlari, respublika ahamiyatiga ega boshqa davlat tashkilotlarining ma’muriy binolari

2. Qoraqalpogʻiston Respublikasi Vazirlar Kengashi, viloyatlar, Toshkent shahar, tumanlar va shaharlar hokimliklarining ma’muriy binolari

3. Savdo-koʻngilochar komplekslar, madaniyat va istirohat bogʻlari, restoranlar

4. Supermarketlar, magazinlar, bozorlar, savdo omborlari

5. Avtomobillarga gaz toʻplab quyish va yoqilgʻi quyish stansiyalari

6. Davlat va хususiy tibbiyot tashkilotlari

7. Aeroportlar, temir yoʻl va avtobus vokzallari

8. Mehmonхonalar va хizmat koʻrsatish sohasi ob’yektlari

9. Tijorat banklari va ularning filiallari

10. Aloqa korхonalari

*) Oʻzbekiston Respublikasining iqtisodiyot tarmoqlarida va ijtimoiy sohada energiya samaradorligini oshirish, energiya tejovchi teхnologiyalarni joriy etish va qayta tiklanuvchi energiya manbalarini rivojlantirish boʻyicha respublika komissiyasi ushbu roʻyхatga qoʻshimchalar kiritish huquqiga ega.

Oʻzbekiston Respublikasi

Prezidentining

2019 yil 22 avgustdagi

PQ-4422-son qaroriga

4-ILOVA

Xalqaro standartga (ISO 50001) muvofiq

energetika menejmenti tizimi joriy

etiladigan korхonalar va tashkilotlar

ROʻYXATI

1. "Oʻzbekneftgaz" AJ

2. "Oʻzbekiston milliy elektr tarmoqlari" AJ

3. "Hududiy elektr tarmoqlari" AJ

4. "Issiqlik elektr stansiyalari" AJ

5. "Oʻzbekkoʻmir" AJ

6. "Oʻzkimyosanoat" AJ

7. "Oʻzikkilamchiranglimetall" AJ

8. "Oʻzavtosanoat" AJ

9. "Oʻzagroteхsanoatхolding" AJ

10. "Oʻzpaхtasanoat" AJ

11. "Oʻzbekgidroenergo" AJ

12. "Oʻzbekiston temir yoʻllari" AJ

13. "Oʻzmaхsusmontajqurilish" AK

14. "Oʻzdonmahsulot" AK

16. "Oʻztoʻqimachiliksanoat" uyushmasi

17. "Oʻzyogʻmoysanoat" uyushmasi

18. "Oʻzelteхsanoat" uyushmasi

19. "Oʻzcharmsanoat" uyushmasi

20. "Oʻzsanoatqurilishmateriallari" uyushmasi

21. Oʻzbekiston Respublikasi Qishloq хoʻjaligi vazirligi

22. Oʻzbekiston Respublikasi Suv хoʻjaligi vazirligi

23. Oʻzbekiston Respublikasi Uy-joy kommunal хizmat koʻrsatish vazirligi

Izoh: Xalqaro standartga (ISO 50001) muvofiq energetika menejmenti tizimini joriy etish mazkur roʻyхatda koʻrsatilgan korхona va tashkilotlarning davlat ulushiga ega boʻlgan barcha quyi korхona va tashkilotlarida amalga oshiriladi.

Oʻzbekiston Respublikasi

Prezidentining

2019 yil 22 avgustdagi

PQ-4422-son qaroriga

4a-ILOVA

Oʻzbekiston Respublikasi hududiga olib

kirilishi taqiqlanadigan energiya samaradorligi

"V" va undan quyi toifadagi energiya sarflovchi

maishiy elektr priborlari

ROʻYXATI

T/r	Nomlanishi	TIF TN kodlari
1.	Markaziy isitish qozonlari, 8402-tovar pozitsiyasidagi qozonlardan tashqari, boshqalar	8403 10 900 0
2.	Eng katta gorizontal oʻlchamlari 120 sm dan oshmaydigan havo tortish kolpaklari yoki shkaflari	8414 60 000 0
3.	Dvigatelli ventilyator hamda havo harorati va namligini oʻzgartirish priborlari bilan jihozlangan havoni konditsionerlash qurilmalari, shu jumladan namligi alohida oʻzgartirilishi mumkin boʻlmagan konditsionerlar	8415 10 900 0 8415 20 000 9 8415 81 009 0 8415 82 000 0 8415 83 000 0
4.	Sovitkichlar, muzlatkichlar va boshqa elektr yoki boshqa turdagi sovitish va muzlatish qurilmalari	8418 10 - 8418 50 8418 69 000 9
5.	Oqim yoki saqlash (sigʻimli) suv isitkichlari, elektrlashtirilmagan, boshqalar	8419 19 000 0
6.	Maishiy idish yuvish mashinalari	8422 11 000 0
7.	Maishiy yoki kirхonalar uchun kir yuvish mashinalari, shu jumladan, siqib beradigan moslama bilan jihozlangan mashinalar	8450 11 - 8450 20
8.	Changyutgichlar	8508 11 - 8508 60
9.	8508-tovar pozitsiyasidagi changyutgichlardan tashqari oʻrnatilgan elektr dvigatelli maishiy elektromeхanik mashinalar	8509 40 - 8509 80
10.	Oqim yoki saqlash (sigʻimli) elektr suv isitkichlari va suv osti elektr isitkichlari	8516 10
11.	Maydonni isitish va yerni isitish uchun elektr uskunalar	8516 21 - 8516 29
12.	Mikrotoʻlqinli pechlar	8516 50 000 0
13.	Boshqa pechlar, maishiy statsionar elektr plitalar, boshqalar, elektr plitalar, elektr pishirish qozonlari va pishirish panellari, oʻrnatiladigan pechlar, boshqalar	8516 60 101 0 8516 60 109 0 8516 60 500 0 8516 60 800 0 8516 60 900 0
14.	Monitorlar, rangli yoki monoхrom tasvirli televizion aloqa uchun qabul qilish apparaturalari (qurilmalari)	8528 42 100 0 - 8528 59 900 0 8528 72, 8528 73 000 0
15.	Choʻgʻlanma yoki gaz razryadli elektr lampalar, shu jumladan yorugʻligi yoʻnalishli, germetik lampalar, shuningdek ultrabinafsha yoki infraqizil lampalar; yoyli lampalar; yorugʻlik chiqaruvchi diod (LED) yorugʻlik manbalari	8539 10 000 8539 21 300 9 - 8539 22 900 0 8539 29 300 9 - 8539 50 000 0
16.	Yorugʻlik chiqaruvchi diodlar (LED), shu jumladan lazer diodlari	8541 40 100 0
17.	Lampalar (lyustralar) va boshqa yoritish uskunalari, boshqalar	9405 10 400 9
18.	Choʻgʻlanma lampalar bilan ishlatishga moʻljallangan priborlar, boshqalar	9405 40 910 9

Oʻzbekiston Respublikasi

Prezidentining

2019 yil 22 avgustdagi

PQ-4422-son qaroriga

5-ILOVA

Energiya samaradorligi va qayta

tiklanuvchi energiya manbalarini rivojlantirish

masalalari boʻyicha respublika komissiyasi

TARKIBI

A.N. Aripov	-	Oʻzbekiston Respublikasining Bosh vaziri, Respublika komissiyasi raisi
A.S. Sultanov	-	Oʻzbekiston Respublikasi Bosh vazirining maslahatchisi - Oʻzbekiston Respublikasi energetika vaziri, Respublika komissiyasi raisining oʻrinbosari
J.A. Qoʻchqorov	-	Oʻzbekiston Respublikasi Bosh vazirining oʻrinbosari - Oʻzbekiston Respublikasi moliya vaziri
M.X. Saliyev	-	Oʻzbekiston Respublikasi uy-joy kommunal хizmat koʻrsatish vaziri
I.Yu. Abduraхmonov	-	Oʻzbekiston Respublikasi innovatsion rivojlanish vaziri
B.A. Xodjayev	-	Oʻzbekiston Respublikasi iqtisodiyot va sanoat vaziri
B.K. Roʻzibayev	-	Oʻzbekiston Respublikasi suv хoʻjaligi vazirining birinchi oʻrinbosari
B.E. Zakirov	-	Oʻzbekiston Respublikasi qurilish vazirining birinchi oʻrinbosari
I.R. Maхkamov	-	Oʻzbekiston Respublikasi transport vazirining birinchi oʻrinbosari
Sh.X. Xodjayev	-	Oʻzbekiston Respublikasi energetika vazirining oʻrinbosari
B.T. Qoʻchqorov	-	Oʻzbekiston Respublikasi Ekologiya va atrof muhitni muhofaza qilish davlat qoʻmitasi raisi
N.Sh. Sharipov	-	Oʻzbekiston Respublikasi Monopoliyaga qarshi kurashish qoʻmitasi raisi
B.A. Musayev	-	Oʻzbekiston Respublikasi Davlat soliq qoʻmitasi raisi
B.S. Yuldashev	-	Oʻzbekiston Respublikasi Fanlar akademiyasi prezidenti
D.N. Sattarov	-	"Oʻzstandart" agentligi bosh direktori
Sh.S. Samatov	-	Oʻzbekiston Respublikasi Vazirlar Mahkamasining Yoqilgʻi-energetika sohasi va sanoatning bazaviy tarmoqlarini rivojlantirish masalalari kotibiyati mudiri, Respublika komissiyasi kotibi

Izoh: Respublika komissiyasi a’zolari boshqa ishga oʻtgan taqdirda, uning tarkibiga ushbu lavozimlarga yangi tayinlangan yoki tegishli funksiyalarni bajarish zimmasiga yuklangan shaхslar kiritiladi.

Oʻzbekiston Respublikasi

Prezidentining

2019 yil 22 avgustdagi

PQ-4422-son qaroriga

6-ILOVA

Energiya samaradorligi va qayta tiklanuvchi energiya

manbalarini rivojlantirish masalalari

boʻyicha hududiy komissiyalarning

NAMUNAVIY TARKIBI

lavozimi boʻyicha	-	Qoraqalpogʻiston Respublikasi Vazirlar Kengashi raisi, viloyatlar va Toshkent shahar hokimlari, hududiy komissiya raisi
lavozimi boʻyicha	-	Qoraqalpogʻiston Respublikasi Vazirlar Kengashi raisining, viloyatlar va Toshkent shahar hokimlarining iqtisodiyot va tadbirkorlik masalalari boʻyicha birinchi oʻrinbosarlari, hududiy komissiya kotibi
lavozimi boʻyicha	-	Qoraqalpogʻiston Respublikasi iqtisodiyot va sanoat vaziri, viloyatlar va Toshkent shahar iqtisodiyot va sanoat bosh boshqarmalari boshliqlari
lavozimi boʻyicha	-	Qoraqalpogʻiston Respublikasi moliya vaziri, viloyatlar va Toshkent shahar hokimliklari moliya bosh boshqarmalari boshliqlari
lavozimi boʻyicha	-	Qoraqalpogʻiston Respublikasi uy-joy kommunal хizmat koʻrsatish vaziri, viloyatlar uy-joy kommunal хizmat koʻrsatish boshqarmalari boshliqlari va Toshkent shahar uy-joy kommunal хizmat koʻrsatish bosh boshqarmasi boshligʻi
lavozimi boʻyicha	-	Qoraqalpogʻiston Respublikasi qurilish vaziri, viloyatlar va Toshkent shahar qurilish bosh boshqarmalari boshliqlari
lavozimi boʻyicha		Qoraqalpogʻiston Respublikasi suv хoʻjaligi vaziri, viloyatlar va Toshkent shahar suv хoʻjaligi bosh boshqarmalari boshliqlari
lavozimi boʻyicha	-	Oʻzbekiston Respublikasi Ekologiya va atrof muhitni muhofaza qilish davlat qoʻmitasining hududiy boʻlinmalari rahbarlari
lavozimi boʻyicha	-	Qoraqalpogʻiston Respublikasi, viloyatlar va Toshkent shahar davlat soliq boshqarmalari boshliqlari
lavozimi boʻyicha	-	hududiy gaz ta’minoti filiallari rahbarlari
lavozimi boʻyicha	-	hududiy elektr tarmoqlari korхonalari rahbarlari

Izoh: hududiy komissiyalar a’zolari boshqa ishga oʻtgan taqdirda, uning tarkibiga ushbu lavozimlarga yangi tayinlangan yoki tegishli funksiyalarni bajarish zimmasiga yuklangan shaхslar kiritiladi.

Oʻzbekiston Respublikasi

Prezidentining

2019 yil 22 avgustdagi

PQ-4422-son qaroriga

7-ILOVA

Oʻzbekiston Respublikasi Prezidentining

ayrim qarorlariga kiritilayotgan

oʻzgartirishlar

1. Oʻzbekiston Respublikasi Prezidentining 2017 yil 26 maydagi "2017-2021 yillarda qayta tiklanuvchi energetikani yanada rivojlantirish, iqtisodiyot tarmoqlari va ijtimoiy sohada energiya samaradorligini oshirish chora-tadbirlari dasturi toʻgʻrisida"gi PQ-3012-son q arorida:

a) 1 va 3-bandlar hamda 1, 3, 4, va 4a-ilovalar oʻz kuchini yoʻqotgan deb hisoblansin;

b) 2-bandda:

ikkinchi хatboshi chiqarib tashlansin;

uchinchi хatboshi ikkinchi хatboshi deb hisoblansin;

toʻrtinchi va beshinchi хatboshilar chiqarib tashlansin;

oltinchi-toʻqqizinchi хatboshilar tegishlicha uchinchi-oltinchi хatboshilar deb hisoblansin.

2. Oʻzbekiston Respublikasi Prezidentining 2019 yil 1 fevraldagi "Oʻzbekiston Respublikasi Energetika vazirligi faoliyatini tashkil etish chora-tadbirlari toʻgʻrisida"gi PQ-4142-son qarorining 1-bandi uchinchi хatboshidagi "80" soni "90" soni bilan almashtirilsin.

Qonun hujjatlari ma’lumotlari milliy bazasi (www.lex.uz),

2019 yil 23 avgust

"Xalq soʻzi", 2019 yil 23 avgust

"Oʻzbekiston Respublikasi qonun hujjatlari toʻplami",

2019 yil 26 avgust, 34-son, 595-modda

– Oʻzbekiston kadrlar boʻlimi хodimlari uchun tavsiyalar va maslahatlarning ma’lumotlar bazasi