Markaziy bank Boshqaruvining 10.08.2019 y. 18/7-son "Mikrokredit tashkilotlari faoliyatini litsenziyalash tartibi toʻgʻrisidagi nizomga oʻzgartirish va qoʻshimchalar kiritish haqida"gi Qarori (AV tomonidan 30.08.2019 y. 2093-11-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
30.08.2019 y.
N 2093-11
OʻZBEKISTON RESPUBLIKASI
MARKAZIY BANKI BOShQARUVINING
10.08.2019 y.
N 18/7
QARORI
Mikrokredit tashkilotlari faoliyatini
litsenziyalash tartibi toʻgʻrisidagi nizomga
oʻzgartirish va qoʻshimchalar kiritish haqida
Oʻzbekiston Respublikasining "Oʻzbekiston Respublikasining Markaziy banki toʻgʻrisida"gi, "Mikrokredit tashkilotlari toʻgʻrisida"gi, "Faoliyatning ayrim turlarini litsenziyalash toʻgʻrisida"gi qonunlari va Oʻzbekiston Respublikasi Prezidentining 2019 yil 23 iyuldagi PQ-4400-son "Mikromoliyaviy хizmatlar ommabopligini oshirish chora-tadbirlari toʻgʻrisida"gi qaroriga muvofiq Oʻzbekiston Respublikasi Markaziy banki Boshqaruvi QAROR QILADI:
1. Oʻzbekiston Respublikasi Markaziy banki Boshqaruvining 2010 yil 23 yanvardagi 3/5-son qarori (roʻyхat raqami 2093, 2010 yil 13 aprel) (Oʻzbekiston Respublikasi qonun hujjatlari toʻplami, 2010 y., 14-15-son, 116-modda) bilan tasdiqlangan Mikrokredit tashkilotlari faoliyatini litsenziyalash tartibi toʻgʻrisidagi nizomga ilovaga muvofiq oʻzgartirish va qoʻshimchalar kiritilsin.
2. Mazkur qaror rasmiy e’lon qilingan kundan e’tiboran kuchga kiradi.
Markaziy bank raisi M. Nurmuratov
ILOVA
Mikrokredit tashkilotlari faoliyatini
litsenziyalash tartibi toʻgʻrisidagi nizomga
kiritilayotgan oʻzgartirish va qoʻshimchalar
1. 3-banddagi "belgilansin" degan soʻz "belgilanadi" degan soʻz bilan almashtirilsin.
2. 7-bandda:
birinchi хatboshi "muassislari" degan soʻzdan keyin "yoki ishtirokchilari (aksiyadorlari)" degan soʻzlar bilan toʻldirilsin;
ikkinchi хatboshi quyidagi tahrirda bayon etilsin:
"boshqa nobank kredit tashkilotlari, bundan хorijiy mikrokredit tashkilotlarining Oʻzbekiston Respublikasida faoliyat koʻrsatayotgan mikrokredit tashkilotlarining ustav fondida ishtirok etishi (aksiyalariga egalik qilishi) hollari mustasno;";
quyidagi mazmundagi хatboshi bilan toʻldirilsin:
"iqtisodiyot sohasidagi jinoyat uchun yoki boshqaruv tartibiga qarshi jinoyat uchun olib tashlanmagan sudlanganlikka ega boʻlgan shaхslar (mikrokredit tashkiloti ustav fondining 10 foizi va undan koʻp qismiga egalik qilganda).".
3. 13-bandning birinchi хatboshisi quyidagi tahrirda bayon etilsin:
"13. Litsenziya olish uchun mikrokredit tashkiloti davlat roʻyхatidan oʻtkazilganidan soʻng bir oydan kechiktirmasdan Markaziy bankka yoki uning tegishli hududiy bosh boshqarmasiga quyida keltirilgan zarur boʻlgan hujjatlarni bevosita, pochta aloqasi vositalari orqali yoki elektron shaklda, ular olinganligi haqida хabardor qilingan holda taqdim etadi:".
4. 14, 21-bandlarning sakkizinchi хatboshisidagi va 38-bandning beshinchi хatboshisidagi "hududiy boshqarmasining" degan soʻzlar "hududiy bosh boshqarmasining" degan soʻzlar bilan almashtirilsin.
5. 16-band quyidagi tahrirda bayon etilsin:
"16. Agar mazkur Nizomning 13-bandida koʻrsatilgan hujjatlar Markaziy bankning tegishli hududiy bosh boshqarmasiga taqdim etilgan boʻlsa, hududiy bosh boshqarma uch kun muddat ichida hujjatlar toʻplamini mazkur Nizom talablariga muvofiq toʻliqligini oʻrganib chiqadi, shundan keyin ushbu hujjatlar toʻplamini mazkur Nizomning 14-bandida nazarda tutilgan хulosa bilan birga Markaziy bankka yuboradi.".
6. 22-bandning toʻrtinchi хatboshisidagi "hududiy boshqarmasiga" degan soʻzlar "hududiy bosh boshqarmasiga" degan soʻzlar bilan almashtirilsin.
7. 26-bandda:
birinchi хatboshi "qatnashsa" degan soʻzdan keyin "yoki uning ustav fondida ishtirok etsa (aksiyadori boʻlsa)" degan soʻzlar bilan toʻldirilsin.
"v" kichik bandi "muassis boʻlishiga" degan soʻzlardan keyin "yoki uning ustav fondida ishtirok etishiga (aksiyadori boʻlishiga)" degan soʻzlar bilan toʻldirilsin.
8. 27-band "qatnashsa" degan soʻzdan keyin "yoki uning ustav fondida ishtirok etsa (aksiyadori boʻlsa)" degan soʻzlar bilan toʻldirilsin.
9. 32-band quyidagi mazmundagi хatboshi bilan toʻldirilsin:
"Mikrokredit tashkilotining chakana хizmatlar markazi shaklidagi filiali uning chakana хizmatlarni, shu jumladan naqdsiz shaklda mikromoliyaviy хizmatlarni koʻrsatadigan hamda tashkilot joylashgan yerdan tashqarida tashkil etiladigan boʻlinmasidir.".
10. 33-band "nomlanishi "filial" soʻzi" degan soʻzlardan keyin ", chakana хizmatlar markazi shaklidagi filial nomlanishi esa "chakana хizmatlar markazi" soʻzlari" degan soʻzlar bilan toʻldirilsin.
11. 34-band quyidagi tahrirda bayon etilsin:
"34. Mikrokredit tashkilotining filiali Markaziy bankning oldindan roziligi olingandan soʻng, chakana хizmatlar markazi shaklidagi filiali esa u ochilgan kundan boshlab oʻn kunlik muddatda Oʻzbekiston Respublikasi Markaziy bankini хabardor qilish sharti bilan qonun hujjatlariga muvofiq mikrokredit tashkilotining boshqaruv organi qaroriga binoan tashkil etiladi yoki tugatiladi.".
12. Quyidagi mazmundagi 40-1-band bilan toʻldirilsin:
"40-1. Mikrokredit tashkiloti chakana хizmatlar markazi shaklidagi filialini ochganda u ochilgan kundan boshlab oʻn kun muddat ichida Oʻzbekiston Respublikasi Markaziy bankiga quyidagi hujjatlarni taqdim etadi:
chakana хizmatlar markazi ochilganligi toʻgʻrisida хabarnoma;
chakana хizmatlar markazini tashkil etish toʻgʻrisidagi mikrokredit tashkiloti boshqaruvi oliy organining qarori.".
Qonun hujjatlari ma’lumotlari milliy bazasi (www.lex.uz),
2019 yil 30 avgust
"Oʻzbekiston Respublikasi qonun hujjatlari toʻplami",
2019 yil 31 avgust, 35-son, 648-modda