Davlat soliq qoʻmitasining 2019-52-son, Moliya vazirligining 94-son, Markaziy bank Boshqaruvining 352-V-son "Tijorat banklari tomonidan davlat soliq хizmati organlariga taqdim etiladigan moliyaviy hisobot shakllarini tasdiqlash toʻgʻrisida"gi 14.08.2019 y. Qarori (AV tomonidan 29.08.2019 y. 3178-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
29.08.2019 y.
N 3178
OʻZBEKISTON RESPUBLIKASI DAVLAT SOLIQ QOʻMITASINING 14.08.2019 y. N 2019-52 |
OʻZBEKISTON RESPUBLIKASI MOLIYa VAZIRLIGINING 14.08.2019 y. N 94 |
OʻZBEKISTON RESPUBLIKASI MARKAZIY BANKI BOShQARUVINING 14.08.2019 y. N 352-V |
|
QARORI
Tijorat banklari tomonidan davlat
soliq хizmati organlariga taqdim etiladigan
moliyaviy hisobot shakllarini tasdiqlash toʻgʻrisida
Oʻzbekiston Respublikasining "Buхgalteriya hisobi toʻgʻrisida"gi va "Oʻzbekiston Respublikasining Markaziy banki toʻgʻrisida"gi qonunlariga muvofiq Oʻzbekiston Respublikasi Davlat soliq qoʻmitasi, Moliya vazirligi va Markaziy banki Boshqaruvi QAROR QILADI:
1. Tijorat banklari tomonidan davlat soliq хizmati organlariga taqdim etiladigan quyidagi moliyaviy hisobot shakllari tasdiqlansin:
"Tijorat bankining buхgalteriya balansi" shakli 1-ilovaga muvofiq;
"Tijorat bankining foyda va zararlar toʻgʻrisida hisoboti" shakli 2-ilovaga muvofiq.
2. Tijorat banklari choraklik va yillik moliyaviy hisobotlarni telekommunikatsiya kanallari orqali elektron hujjat tarzida quyidagi muddatlarda taqdim etadilar:
choraklik moliyaviy hisobotlar uchun hisobot davri tugagandan keyingi oyning 25 kuniga qadar;
yillik moliyaviy hisobotlar uchun hisobot yilidan keyingi yilning 15 fevralidan kechiktirmay.
3. Mazkur qaror rasmiy e’lon qilingan kundan e’tiboran kuchga kiradi.
Davlat soliq qoʻmitasi raisi
|
B. Musayev |
Moliya vaziri
|
D. Kuchkarov |
Markaziy bank raisi |
M. Nurmuratov |
Qonun hujjatlari ma’lumotlari milliy bazasi (www.lex.uz),
2019 yil 30 avgust
"Oʻzbekiston Respublikasi qonun hujjatlari toʻplami",
2019 yil 31 avgust, 35-son, 647-modda
Telegram kanali 