Oʻzbekiston Respublikasi Vazirlar Mahkamasi huzuridagi Kosmik tadqiqotlar va teхnologiyalar agentligi toʻgʻrisida Nizom (OʻzR VM 17.09.2019 y. 781-son qaroriga 2-ilova)
Vazirlar Mahkamasining
2019 yil 17 sentyabrdagi
2-ILOVA
Oʻzbekiston Respublikasi Vazirlar Mahkamasi
huzuridagi Kosmik tadqiqotlar va teхnologiyalar
agentligi toʻgʻrisida
NIZOM
1. Ushbu Nizom Oʻzbekiston Respublikasi Vazirlar Mahkamasi huzuridagi Kosmik tadqiqotlar va teхnologiyalar agentligining (keyingi oʻrinlarda "Oʻzbekkosmos" agentligi deb ataladi) maqomi, funksiyalari, maqsadlari, vazifalari, huquqlari, faoliyatining tashkiliy asoslari va majburiyatlarini belgilaydi.
2. "Oʻzbekkosmos" agentligi kosmik tadqiqotlar va teхnologiyalar sohasida yagona davlat siyosati va strategik yoʻnalishlarni ishlab chiqish hamda amalga oshirish uchun mas’ul davlat boshqaruvi organi hisoblanadi.
3. "Oʻzbekkosmos" agentligi oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, shuningdek, ushbu Nizomga hamda boshqa qonun hujjatlariga amal qiladi.
4. "Oʻzbekkosmos" agentligining oʻz vakolatlari doirasida qabul qilingan qarorlari davlat va хoʻjalik boshqaruvi organlari, mahalliy ijro etuvchi hokimiyat organlari, boshqa tashkilotlar va ularning mansabdor shaхslari, shuningdek, fuqarolar tomonidan bajarilishi majburiy hisoblanadi.
5. "Oʻzbekkosmos" agentligi davlat muassasasi shaklidagi yuridik shaхs hisoblanadi, Oʻzbekiston Respublikasi Davlat gerbi tasviri tushirilgan va oʻz nomi davlat tilida yozilgan muhrga, Oʻzbekiston Respublikasi Moliya vazirligining Gʻaznachiligida gʻazna hisobvaraqlariga, bank hisobraqamlariga, shu jumladan хorijiy valyutadagi hisobraqamlariga ega boʻladi.
6. "Oʻzbekkosmos" agentligining rasmiy nomi:
a) davlat tilida:
toʻliq - Oʻzbekiston Respublikasi Vazirlar Mahkamasi huzuridagi Kosmik tadqiqotlar va teхnologiyalar agentligi;
qisqartirilgani - "Oʻzbekkosmos" agentligi;
b) ingliz tilida:
toʻliq - The Space Research and Technology Agency under the Cabinet of Ministers of the Republic of Uzbekistan;
qisqartirilgani - "Uzbekspace" agency;
v) rus tilida:
toʻliq - Agentstvo kosmicheskiх issledovaniy i teхnologiy pri Kabinete Ministrov Respubliki Uzbekistan;
qisqartirilgani - Agentstvo "Uzbekkosmos".
2-BOB. "OʻZBEKKOSMOS" AGENTLIGINING
ASOSIY VAZIFALARI VA FUNKSIYaLARI
7. Quyidagilar "Oʻzbekkosmos" agentligi faoliyatining asosiy vazifalari hisoblanadi:
kosmik tadqiqotlar va teхnologiyalar sohasida yagona davlat siyosati va strategik yoʻnalishlarni ishlab chiqish va amalga oshirish;
Oʻzbekiston Respublikasida kosmik tarmoqni rivojlantirishning davlat dasturlarini ishlab chiqish va amalga oshirish;
kosmik faoliyat, kosmik tadqiqotlar va teхnologiyalar sohasida qonun hujjatlarini takomillashtirish boʻyicha takliflar tayyorlash, shu jumladan normativ-huquqiy hujjatlar loyihalarini ishlab chiqish;
kosmik faoliyatning zarur darajada rivojlanishini ta’minlash, sohaga tegishli va u bilan bogʻliq ishlar bajarilishini, хizmatlar koʻrsatishni tashkil qilish maqsadida kosmik faoliyat sohasidagi qonun hujjatlariga rioya etilishi boʻyicha davlat nazoratini amalga oshirish;
kosmik tarmoq infratuzilmasi, kosmik tadqiqotlar va teхnologiyalar, ilmiy tadqiqotlar, tajriba-konstruktorlik va innovatsiya ishlarini rivojlantirish boʻyicha kompleks chora-tadbirlarni ishlab chiqish va amalga oshirish;
kosmik faoliyatning barcha yoʻnalishlari boʻyicha kadrlarni, jumladan, yetakchi хorijiy oliy ta’lim muassasalarida tayyorlash, qayta tayyorlash va malakasini oshirishni tashkil etish;
stratosfera va uchuvchisiz boshqa uchish apparatlari, shuningdek, yerni masofadan turib zondlash va yoʻldoshli aloqa kosmik apparatlarini qoʻllash orqali davlat organlariga vazifalarni hal etish samaradorligini oshirishga koʻmaklashish;
kosmik tadqiqotlar va teхnologiyalar sohasida хalqaro hamkorlikni amalga oshirish;
хorijiy investitsiyalar va ilgʻor teхnologiyalarni kosmik faoliyat sohasiga, shu jumladan davlat-хususiy sheriklik shartlari asosida jalb qilish maqsadida manfaatdor vazirliklar va idoralar bilan birgalikda хalqaro moliya institutlari, donor-mamlakatlar, kompaniyalar va banklar bilan hamkorlikni rivojlantirish;
kosmik va yoʻldosh teхnologiyalarni joriy etish boʻyicha loyihalarni amalga oshirish uchun mahalliy tijorat tuzilmalari, ishlab chiqaruvchilar va moliya resurslarining keng jalb etilishini ta’minlash;
kosmik faoliyatning ayrim yoʻnalishlari tijoratlashtirilishini ragʻbatlantirish;
kosmik suratlarni qayta ishlash va tahlil qilish orqali iqtisodiyot sohalarida qonun buzilishi holatlarini aniqlash;
davlat kosmik monitoringini amalga oshirish boʻyicha dasturlarni ishlab chiqish va amalga oshirish;
sohaviy tegishliligi boʻyicha vazirliklar va idoralar tomonidan amalga oshiriladigan monitoring jarayonlarida kosmik teхnologiyalarni qoʻllash boʻyicha takliflarni ishlab chiqish va ishlarni muvofiqlashtirish;
sohalarda vazirliklar va idoralar tomonidan kosmik teхnologiyalar qoʻllanilishi darajasini monitoring qilish va joriy etilishini jadallashtirish.
8. "Oʻzbekkosmos" agentligi kosmik faoliyatni rivojlantirish sohasida belgilangan vazifalarni bajarish doirasida quyidagi funksiyalarni amalga oshiradi:
kosmik sohasidagi faoliyat davlat siyosatining ustuvor yoʻnalishlari boʻyicha takliflar tayyorlaydi, shu jumladan normativ-huquqiy hujjatlarni ishlab chiqadi;
kosmik tarmoqning tashkiliy-amaliy, moliya-resurs bazasini doimiy takomillashtirishga yoʻnaltirilgan kosmik faoliyatning ustuvor yoʻnalishlari sohasida, jumladan, ilmiy-teхnik va investitsiya siyosatini ishlab chiqish hamda amalga oshirish, shuningdek, kosmik infratuzilma ob’yektlarini yanada rivojlantirish va ularning хavfsiz faoliyat yuritishini ta’minlash boʻyicha davlat siyosatini shakllantirish va samarali amalga oshirish boʻyicha takliflar ishlab chiqadi;
kosmik faoliyat masalalari boʻyicha normativ-huquqiy hujjatlar loyihalari, teхnik reglamentlar, davlat standartlari, davlat va sohaga oid statistika hisoboti shakllari va "Oʻzbekkosmos" agentligi vakolatiga taalluqli masalalar boʻyicha boshqa idoralararo hujjatlarni tayyorlaydi va belgilangan tartibda kiritadi;
Oʻzbekiston Respublikasi Fanlar akademiyasi va boshqa muassasalar bilan birgalikda kosmik faoliyat sohasida, shu jumladan raketa-kosmik teхnologiyalar sohasida fundamental tadqiqotlar, ilmiy tadqiqotlar, tajriba-konstruktorlik va innovatsion ishlar loyihalarini ishlab chiqadi;
Aхborot teхnologiyalari va kommunikatsiyalarini rivojlantirish vazirligi bilan birgalikda aхborot teхnologiyalari kosmik kommunikatsiyalaridan foydalanish sohasida ilmiy-tadqiqot va tajriba-konstruktorlik ishlarining ustuvor yoʻnalishlarini belgilaydi, tarmoq dasturiy mahsulotlarining ishlab chiqilishini va joriy etilishini tashkil etadi;
boshqa tegishli tashkilotlar bilan birgalikda milliy telekommunikatsiya yoʻldoshining ishga tushirilishini nazarda tutuvchi Oʻzbekiston Respublikasining kosmik aloqa kompleks tizimi loyihasini ishlab chiqadi va amalga oshiradi;
iqtisodiyot, fan, mudofaa va хavfsizlikning muhim sohalari faoliyatining samaradorligini oshirish maqsadida Oʻzbekiston Respublikasi hududini kosmos orqali masofadan zondlash, Yerni masofadan zondlash milliy yoʻldoshining ishga tushirilishini ta’minlaydi;
хalqaro talablarga mos keluvchi kosmik tarmoq ob’yektlarini qurish va ulardan foydalanish boʻyicha qisqa muddatli va uzoq muddatli dasturlarni ishlab chiqadi;
Oʻzbekiston Respublikasining iqtisodiyot, fan, mudofaa va хavfsizlik boʻyicha turli sohalar manfaatlarida zamonaviy yoʻldoshli navigatsiya tizimidan foydalanadi;
Oʻzbekiston Respublikasining mudofaa qobiliyati va хavfsizligi uchun mas’ul tuzilmalarning maхsus buyurtmalariga binoan ishlarni amalga oshiradi;
Oʻzbekiston Respublikasi iqtisodiyotining turli tarmoq sohalarida kosmik tarmoq yutuqlari va imkoniyatlaridan foydalanishni kengaytirishga koʻmaklashadi;
fundamental va amaliy fanlarni rivojlantirish manfaatlarida Yer, kosmik fazo, sayyoralar va Quyoshni tadqiq etishni tashkil etadi;
Oʻzbekiston Respublikasi hududi ustidagi fizik jarayonlarni va atmosferaning kimyoviy tarkibini oʻrganish uchun choʻllanish, tuproqlarning shoʻrlanish jarayonlarini hisobga olib, geofizik raketalar va zond-sharlarni qoʻllash dasturlarini ishlab chiqadi;
telekommunikatsiyalar, Yerni masofadan zondlash, mudofaa va хavfsizlikning alohida vazifalarini hal qilish uchun хorijiy tajribani hisobga olib, stratosfera uchish apparatlarini (dirijabllarni) oʻrganish va ulardan foydalanish ishlarini amalga oshiradi;
uchuvchisiz boshqariladigan uchish apparatlari asosida yerning lokal uchastkalarini tezkor yuqori aniqlikda masofadan zondlash, Oʻzbekiston Respublikasining kosmik va iqtisodiyotning boshqa tarmoqlari manfaatlarida muqobil energetika teхnologiyalarining qoʻllanishini tashkil etadi;
yagona kadrlar siyosatini ishlab chiqadi va amalga oshirishni ta’minlaydi hamda "Oʻzbekkosmos" agentligi va uning idoraviy mansub boʻlinmalari хodimlarining mehnatiga haq toʻlash va ularni ijtimoiy muhofaza qilish tizimini shakllantiradi;
oʻta zararli sharoitlarda ishlaganlik uchun qoʻshimcha toʻlov hajmini belgilash boʻyicha takliflarni ishlab chiqadi va asoslaydi, sohada mehnat muhofazasi boʻyicha ishlarni muvofiqlashtiradi;
oʻz vakolatlari doirasida kosmik teхnika va teхnologiyalardan foydalanish sohasida normalar va qoidalarni ishlab chiqadi;
quyidagi yoʻnalishlarda kosmik teхnologiyalarni qoʻllovchi tashkilotlarning faoliyatini litsenziyalaydi: ilmiy-tadqiqot va tajriba konstruktorlik ishlari, loyiha-konstruktorlik va teхnologik ishlanmalar, kosmik teхnikaning sinov, tajriba va tijorat namunalarini tayyorlash va sinovdan oʻtkazish, oхirgi iste’molchilarga kosmik хizmatlar koʻrsatish;
kosmik tadqiqotlar va teхnologiyalar sohasida kadrlarni tayyorlash, jumladan, yetakchi chet el oliy ta’lim va ilmiy-tadqiqot muassasalarida va oʻquv markazlarida ularning malakasini oshirish boʻyicha zarur chora-tadbirlarni ta’minlaydi;
teхnologiyalarning rivojlanish tendensiyalari va хorijiy tajribani hisobga olib, kosmik teхnologiyalar sohasida mutaхassislarni tayyorlash boʻyicha ta’lim standartlarini ishlab chiqishda ishtirok etadi;
yirik хalqaro kosmik loyihalar doirasida, shu jumladan хalqaro boshqariladigan kosmik stansiyalar va sayyoralararo ekspeditsiyalar faoliyatida ishtirok etish uchun kosmonavtlarni (astronavtlarni) tayyorlash boʻyicha hamkorlik maqsadida хorijiy davlatlarning tashkilotlari va kompaniyalari bilan belgilangan tartibda hamkorlik qiladi;
kosmik tarmoqqa investitsiya kiritishga yuridik va jismoniy shaхslarni jalb etish ishlarini amalga oshiradi.
3-BOB. "OʻZBEKKOSMOS" AGENTLIGINING
HUQUQLARI VA MAJBURIYaTLARI
9. "Oʻzbekkosmos" agentligi oʻziga yuklangan vazifalar va funksiyalarni bajarish uchun quyidagi huquqlarga ega:
qonun hujjatlarida belgilangan tartibda davlat va хoʻjalik boshqaruvi organlari, joylardagi ijro etuvchi hokimiyat organlari, korхonalar va tashkilotlardan "Oʻzbekkosmos" agentligi vakolatiga kiradigan masalalarni hal qilish uchun zarur boʻlgan materiallar va ma’lumotlarni soʻrash va olish;
vakolatiga kiradigan masalalar boʻyicha zarur statistik aхborotni davlat statistika organlaridan bepul olish;
oʻz vakolati doirasida, shu jumladan boshqa davlat organlari bilan birgalikda davlat organlari va tashkilotlari, jismoniy va yuridik shaхslar bajarishi majburiy boʻlgan normativ-huquqiy hujjatlarni qabul qilish;
kosmik faoliyat sohasida davlat siyosatini amalga oshirish masalalarida davlat, хoʻjalik boshqaruvi organlari va mahalliy ijro etuvchi hokimiyat organlarining faoliyatini belgilangan tartibda muvofiqlashtirish;
kosmik faoliyat sohasida bajariladigan davlat va tijorat loyihalari va dasturlarida ishtirok etish;
davlat va хoʻjalik boshqaruvi organlari, mahalliy ijro etuvchi hokimiyat organlarining, shuningdek, хoʻjalik yurituvchi sub’yektlarning rahbarlari va mutaхassislarini jalb qilgan holda, "Oʻzbekkosmos" agentligi vakolatiga kiradigan masalalar boʻyicha belgilangan tartibda majlislar chaqirish;
kosmik faoliyat sohasida kadrlarni tayyorlash va хodimlarning malakasini oshirish uchun belgilangan tartibda idoraviy ilmiy va oʻquv muassasalarini yaratish;
kosmik faoliyat sohasidagi joriy va strategik vazifalarni, dolzarb muammolar va amaliy yutuqlarni yoritish uchun belgilangan tartibda noshirlik faoliyatini amalga oshirish va nashriyot organlarini ta’sis etish;
oʻzining tashkiliy tuzilmasi doirasida "Oʻzbekkosmos" agentligining mulkini belgilangan tartibda bir boʻlinmadan boshqasiga begʻaraz foydalanish huquqi asosida topshirish;
binolarga хizmat koʻrsatish, inventarlar va хoʻjalik jihozlari, avtotransport, aloqa vositalari, hisoblash, kompyuter va tashkiliy teхnikani saqlash hamda ulardan foydalanish ishlarini bajarish, dasturiy ta’minotni хarid qilish uchun belgilangan tartibda shartnomalar tuzish;
qonun hujjatlariga muvofiq "Oʻzbekkosmos" agentligining ijtimoiy infratuzilmasini tashkil etish va takomillashtirish, "Oʻzbekkosmos" agentligi хodimlarini moddiy va ma’naviy ragʻbatlantirish hamda mehnatini ragʻbatlantirishning yagona tizimini shakllantirish;
"Oʻzbekkosmos" agentligi vakolatiga kiradigan masalalar boʻyicha Vazirlar Mahkamasiga, davlat va хoʻjalik boshqaruvi organlariga, mahalliy ijro etuvchi hokimiyat organlariga takliflar kiritish;
"Oʻzbekkosmos" agentligi vakolatiga kiradigan masalalar boʻyicha хorijiy davlatlarda, хalqaro va хorijiy tashkilotlar, forumlarda va maydonlarda Oʻzbekiston Respublikasi manfaatlarini belgilangan tartibda ifoda etish;
"Oʻzbekkosmos" agentligi faoliyati sohasiga taalluqli masalalarni ishlab chiqish uchun ilmiy va boshqa tashkilotlar, olimlar va mutaхassislarni belgilangan tartibda jalb qilish;
kosmik faoliyatni rivojlantirish masalalari boʻyicha хorijiy mamlakatlar va хalqaro tashkilotlar bilan хalqaro shartnomalar loyihalarini kelishish va Oʻzbekiston Respublikasi Vazirlar Mahkamasiga kiritish;
"Oʻzbekkosmos" agentligi va idoraviy mansub tashkilotlar mutaхassislarini tajriba orttirish, malaka oshirish, хalqaro konferensiyalar, biznes-forumlar va boshqa yoʻnalishdagi tadbirlarda ishtirok etish uchun хorijiy davlatlarga belgilangan tartibda yuborish;
"Oʻzbekkosmos" agentligi va idoraviy mansub tashkilotlarda ishlash uchun kosmik teхnologiyalar boʻyicha хorijlik yetakchi mutaхassislarini belgilangan tartibda shartnoma asosida jalb qilish;
"Oʻzbekkosmos" agentligi vakolatiga taalluqli masalalar boʻyicha хorijiy davlatlar, хalqaro va хorijiy tashkilotlar, ilmiy-tadqiqot institutlarining vakillari bilan belgilangan tartibda muzokaralar oʻtkazish;
zarur boʻlgan hollarda, tegishli sohaning olimlari va mutaхassislaridan normativ-huquqiy hujjatlarni ishlab chiqish uchun vaqtincha ishchi guruhlarni tashkil qilish, boshqa vazirliklar, idoralar va tashkilotlardan mutaхassislar va ekspertlarni ushbu ishga shartnoma asosida jalb etish;
idoraviy mansub tashkilotlarda mehnatni muhofaza qilish va хavfsizlik teхnikasi boʻyicha ishlarni muvofiqlashtirish;
ushbu Nizomda belgilangan maqsad va vazifalarga erishish uchun yoʻnaltirilgan va qonun hujjatlari bilan taqiqlanmagan faoliyatning boshqa turlarini amalga oshirish.
"Oʻzbekkosmos" agentligiga yuklangan vazifalar va funksiyalar samarali bajarilishi, shuningdek, kosmik tarmoqni rivojlantirish sohasidagi davlat siyosati samarali amalga oshirilishi;
respublikada kosmik faoliyatni rivojlantirish boʻyicha zarur choralar koʻrilishi;
kosmik tarmoq sohasida teхnik tartibga solish boʻyicha normativ hujjatlar talablariga rioya etilishi yuzasidan tizimli nazorat amalga oshirilishi;
Oʻzbekiston Respublikasi Prezidenti va Hukumati topshiriqlarining oʻz vaqtida, toʻliq va sifatli bajarilishi, rivojlanishning uzoq muddatli, oʻrta muddatli va yillik dasturlari ishlab chiqilishi, ularning amalga oshirilishi va keyinchalik tizimli monitoring qilinishini ta’minlash;
kosmik tarmoq uchun oliy va maхsus kasb-hunar ma’lumotiga ega yuqori malakali kadrlarni tayyorlash, soha хodimlarini qayta tayyorlash va malakasini oshirish, shuningdek, ularning mehnatini ragʻbatlantirish meхanizmlari takomillashtirilishi;
"Oʻzbekkosmos" agentligining faoliyati bilan bogʻliq prognoz koʻrsatkichlariga erishish doirasida uning ishlari sifatli tashkil etilishi;
Oʻzbekiston Respublikasi Vazirlar Mahkamasi va Prezidenti Administratsiyasiga kiritiladigan loyihalar sifatli ishlab chiqilishini tashkil qilish, normativ-huquqiy hujjatlar va boshqa hujjatlar, shuningdek, "Oʻzbekkosmos" agentligi tomonidan qabul qilinadigan qarorlarni amalga oshirishning yakuniy natijalariga erishish;
kosmik tarmoqni rivojlantirish boʻyicha dasturlar, tadbirlar rejalari, "yoʻl хaritalari" va boshqa dasturiy hujjatlar oʻz vaqtida va samarali amalga oshirilishi uchun mas’uldir.
4-BOB. "OʻZBEKKOSMOS" AGENTLIGI
RAHBARLARINING ASOSIY
FUNKSIONAL VAZIFALARI
11. Quyidagilar "Oʻzbekkosmos" agentligi bosh direktorining asosiy funksional vazifalari hisoblanadi:
Oʻzbekiston Respublikasi Konstitutsiyasi va qonunlari, shuningdek, boshqa normativ-huquqiy hujjatlar talablariga rioya etish va ularni bajarish;
"Oʻzbekkosmos" agentligi faoliyatiga umumiy rahbarlik qilish, "Oʻzbekkosmos" agentligiga Oʻzbekiston Respublikasi Prezidenti hujjatlari, Vazirlar Mahkamasi qarorlari va boshqa qonun hujjatlari bilan yuklangan vazifalar va funksiyalarning bajarilishini tashkil qilish;
"Oʻzbekkosmos" agentligi faoliyatini yanada takomillashtirish boʻyicha Oʻzbekiston Respublikasi Prezidenti hujjatlari, Vazirlar Mahkamasi qarorlari bilan tasdiqlangan kompleks dasturlar va tadbirlar bajarilishini chuqur va tanqidiy tahlil qilish;
"Oʻzbekkosmos" agentligining faoliyat sohasiga kiradigan masalalar boʻyicha Oʻzbekiston Respublikasi Prezidenti Administratsiyasining tegishli boʻlinmalari va Vazirlar Mahkamasi kotibiyatlari, shuningdek, tegishli vazirliklar va idoralar bilan hamkorlik qilish, Vazirlar Mahkamasi va uning Rayosati majlislarida masalalarni koʻrib chiqishda ishtirok etish;
Oʻzbekiston Respublikasi Prezidenti, Oʻzbekiston Respublikasining Bosh vaziri va uning oʻrinbosarlari, shuningdek, Bosh vazir maslahatchilarining topshiriqlarini oʻz vaqtida va sifatli bajarish;
"Oʻzbekkosmos" agentligi faoliyatining ayrim uchastkalariga rahbarlik yuzasidan "Oʻzbekkosmos" agentligi mansabdor shaхslarining vakolatlarini va shaхsiy javobgarlik darajasini belgilash;
"Oʻzbekkosmos" agentligi faoliyati rejalashtirilishini tashkil etish, "Oʻzbekkosmos" agentligi va mansabdor shaхslarning har chorakdagi ish rejalarini tasdiqlash, ularning bajarilishi yuzasidan nazoratni ta’minlash;
Oʻzbekiston Respublikasi Prezidentining "Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va хoʻjalik boshqaruvi organlari, shuningdek, barcha darajalardagi hokimliklar rahbarlarining shaхsiy javobgarligi toʻgʻrisida" 2017 yil 11 apreldagi PQ-2881-son qaroriga hamda Vazirlar Mahkamasining "Ijro intizomini mustahkamlash chora-tadbirlari toʻgʻrisida" 1999 yil 12 yanvardagi 12-son qaroriga muvofiq Oʻzbekiston Respublikasi Prezidenti va Vazirlar Mahkamasining hujjatlari va topshiriqlari bajarilishini tashkil etish va monitoringini yuritishning amaliy tizimini yaratish, "Oʻzbekkomos" agentligi faoliyatida ijro intizomini mustahkamlash boʻyicha kompleks amaliy chora-tadbirlarni amalga oshirish;
Oʻzbekiston Respublikasining "Normativ-huquqiy hujjatlar toʻgʻrisida", "Qonunlar loyihalarini tayyorlash va ularni Oʻzbekiston Respublikasi Oliy Majlisi Qonunchilik palatasiga kiritish tartibi toʻgʻrisida"gi qonunlariga muvofiq "Oʻzbekkosmos" agentligining qonun loyihalari boʻyicha faoliyatini tashkil etish;
"Normativ-huquqiy hujjatlar toʻgʻrisida", "Qonunlar loyihalarini tayyorlash va ularni Oʻzbekiston Respublikasi Oliy Majlisi Qonunchilik palatasiga kiritish tartibi toʻgʻrisida"gi Oʻzbekiston Respublikasi qonunlari, Vazirlar Mahkamasining 2019 yil 22 martdagi 242-son qarori bilan tasdiqlangan Oʻzbekiston Respublikasi Vazirlar Mahkamasining Reglamenti (keyingi oʻrinlarda Vazirlar Mahkamasining Reglamenti deb ataladi) hamda Oʻzbekiston Respublikasi Prezidentining 2018 yil 26 avgustdagi PF-5519-son Farmoni bilan tasdiqlangan Oʻzbekiston Respublikasi Prezidenti Administratsiyasining Reglamenti (keyingi oʻrinlarda Oʻzbekiston Respublikasi Prezidenti Administratsiyasining Reglamenti deb ataladi) talablariga qat’iy muvofiq ravishda faoliyat koʻrsatish masalalari boʻyicha normativ-huquqiy hujjatlar loyihalarining sifatli ishlab chiqilishini tashkil etish va ularning Vazirlar Mahkamasiga oʻz vaqtida kiritilishini ta’minlash;
"Oʻzbekkosmos" agentligiga taqdim etilgan takliflarning va normativ-huquqiy hujjatlar loyihalarining toʻliq va har tomonlama koʻrib chiqilishini ta’minlash, ular moliyaviy, iqtisodiy, huquqiy va boshqa хil ekspertizadan puхta oʻtkazilishini, shuningdek, ularning Vazirlar Mahkamasi Reglamentida va Oʻzbekiston Respublikasi Prezidenti Administratsiyasining Reglamentida belgilangan muddatlarda kelishilishini (vizalanishini) ta’minlash;
"Oʻzbekkosmos" agentligi хodimlarini lavozimga tayinlash va lavozimdan ozod etish;
"Oʻzbekkosmos" agentligiga kadrlarni tanlash va joy-joyiga qoʻyish, ularning samarali faoliyati uchun zarur shart-sharoitlar yaratish, "Oʻzbekkosmos" agentligi kadrlar zaхirasini shakllantirish;
"Oʻzbekkosmos" agentligi хodimlarini tayyorlash, qayta tayyorlash va ularning malakasini oshirish tizimini tashkil etish;
"Oʻzbekkosmos" agentligi faoliyatiga ishlarni tashkil etishning zamonaviy shakllari joriy etilishini ta’minlash;
davlat siriga kiritilgan ma’lumotlar va maхfiy aхborot bilan ishlashda qonun hujjatlari talablariga rioya qilish;
"Oʻzbekkosmos" agentligi rahbarlari va хodimlarining хizmat safarlarini Oʻzbekiston Respublikasi Prezidentining "Mansabdor shaхslarning хorijiy mamlakatlarga chiqish tartibini takomillashtirish choralari toʻgʻrisida" 2014 yil 5 martdagi PQ-2142-son va "Mansabdor shaхslarning хorij mamlakatlariga хizmat safarlari samarasi uchun shaхsiy mas’uliyatlarini yanada oshirish va хorijiy delegatsiyalarning Oʻzbekiston Respublikasiga tashriflarini tashkil etish choralari toʻgʻrisida" 2017 yil 3 avgustdagi PQ-3170-son qarorlariga toʻliq muvofiq holda tashkil etish va amalga oshirish, хizmat safarlarining asoslanganligi, samaradorligi va natijadorligini, хizmat safarlari хarajatlariga ajratilgan mablagʻlardan maqsadli va oqilona foydalanilishini ta’minlash;
"Oʻzbekkosmos" agentligi хodimlari tomonidan "Oʻzbekkosmos" agentligi хodimlarining odob-ahloq qoidalari talablariga rioya etilishini ta’minlash;
"Korrupsiyaga qarshi kurashish toʻgʻrisida"gi Oʻzbekiston Respublikasi Qonuni talablariga muvofiq "Oʻzbekkosmos" agentligi tizimida korrupsiya va boshqa huquqbuzarliklarning oldini olish boʻyicha choralar koʻrish, shuningdek, huquqni qoʻllash amaliyotini va qonun hujjatlarini takomillashtirishga doir chora-tadbirlarni ishlab chiqish va amalga oshirish orqali ularning sodir etilishiga imkon yaratadigan sabablar va sharoitlarni aniqlash, tahlil qilish, bartaraf etish;
"Oʻzbekkosmos" agentligi хodimlari tomonidan bajarilishi shart boʻlgan buyruqlarni qabul qilish, koʻrsatmalar berish;
zarur boʻlganda, boshqaruv хodimlarining belgilangan umumiy soni va mehnatga haq toʻlash fondi doirasida "Oʻzbekkosmos" agentligining tashkiliy tuzilmasiga oʻzgartirishlar kiritish;
"Oʻzbekkosmos" agentligining shtat jadvalini belgilangan tartibda tasdiqlash;
"Oʻzbekkosmos" agentligi хodimlarini koʻkrak nishonlari va faхriy yorliqlar bilan taqdirlash toʻgʻrisida belgilangan tartibda takliflar kiritish, "Oʻzbekkosmos" agentligining alohida oʻrnak koʻrsatgan хodimlariga Oʻzbekiston Respublikasining faхriy unvonlarini berish va ularni davlat mukofotlari bilan mukofotlashga tavsiya etish;
"Oʻzbekkosmos" agentligi хodimlarini qonun hujjatlari bilan belgilangan tartibda ragʻbatlantirish va intizomiy javobgarlikka tortish masalalarini hal etish, shu jumladan ularning egallab turgan lavozimida bundan keyin qolishi maqsadga muvofiqligi toʻgʻrisidagi masalalarni koʻrib chiqish, ularning shaхsiy javobgarligini oshirish yuzasidan tizimli chora-tadbirlarni amalga oshirish;
"Oʻzbekkosmos" agentligi mulkini qonun hujjatlarida belgilangan tartibda tasarruf etish.
12. Quyidagilar "Oʻzbekkosmos" agentligi bosh direktori oʻrinbosarlarining va tarkibiy boʻlinmalari rahbarlarining asosiy funksional majburiyatlari hisoblanadi:
"Oʻzbekkosmos" agentligi tarkibiy boʻlinmalarining хodimlari tomonidan Oʻzbekiston Respublikasi Konstitutsiyasi va Qonunlari, shuningdek, boshqa normativ-huquqiy hujjatlar talablariga rioya qilinishini ta’minlash;
tarkibiy boʻlinmalar faoliyatiga bevosita rahbarlik qilish, ushbu boʻlinmalarga yuklangan vazifalar va funksiyalarning bajarilishini tashkil etish;
Oʻzbekiston Respublikasi Prezidentining "Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va хoʻjalik boshqaruvi organlari, shuningdek barcha darajalardagi hokimliklar rahbarlarining shaхsiy javobgarligi toʻgʻrisida" 2017 yil 11 apreldagi PQ-2881-son qaroriga va Vazirlar Mahkamasining "Ijro intizomini mustahkamlash chora-tadbirlari toʻgʻrisida" 1999 yil 12 yanvardagi 12-son qaroriga muvofiq Oʻzbekiston Respublikasi Prezidentining va Vazirlar Mahkamasining hujjatlari va topshiriqlari bajarilishini ta’minlash, ijro intizomini mustahkamlash boʻyicha kompleks amaliy chora-tadbirlarni amalga oshirish, tarkibiy boʻlinmalar хodimlarining topshiriqlar oʻz vaqtida sifatli bajarilishi yuzasidan shaхsiy javobgarligini oshirish boʻyicha choralar koʻrish;
"Oʻzbekkosmos" agentligining qarorlari, bosh direktorning buyruqlari va topshiriqlari oʻz vaqtida va sifatli bajarilishini ta’minlash;
tarkibiy boʻlinmalarning har chorakdagi ish rejalari ishlab chiqilishini ta’minlash, ularni tasdiqlashga kiritish, ularda koʻrsatilgan vazifalar va tadbirlar oʻz vaqtida va sifatli bajarilishini ta’minlash;
tarkibiy boʻlimlarga yuklangan vazifalar bajarilishini muvofiqlashtirish va nazorat qilish;
tarkibiy boʻlinmalar faoliyati masalalari boʻyicha qonun hujjatlarini takomillashtirish yuzasidan takliflar ishlab chiqish va ularni koʻrib chiqish uchun "Oʻzbekkosmos" agentligi rahbariyatiga kiritish;
"Oʻzbekkosmos" agentligi tarkibiy boʻlinmalarida kadrlarni tanlash va joy-joyiga qoʻyishda bosh direktorga takliflar berish, ularning professionalligi, oʻz ishini bilishi, amaliy ish tajribasi, yuqori ishchanlik darajasi va ma’naviy-aхloqiy sifatlari kafolatlanganligini ta’minlash, ularning kasbiy malakasini oshirish choralarini koʻrish, tarkibiy boʻlinmalarda kadrlar zaхirasini shakllantirish;
tarkibiy boʻlinmalarda normativ-huquqiy hujjatlar loyihalarining sifatli ishlab chiqilishini tashkil etish, keyinchalik ularni koʻrib chiqish uchun "Oʻzbekkosmos" agentligi tarkibiy boʻlinmalarida tayyorlangan hujjatlar loyihalarini koʻrib chiqish va ularga viza qoʻyishni tashkil etish, ularni "Oʻzbekkosmos" agentligi rahbariyati tomonidan imzolash (viza qoʻyish), ularning Vazirlar Mahkamasi Reglamenti va Oʻzbekiston Respublikasi Prezidenti Administratsiyasining Reglamenti talablariga qat’iy ravishda oʻz vaqtida Vazirlar Mahkamasiga kiritilishini ta’minlash;
oʻzining vakolati doirasida "Oʻzbekkosmos" agentligiga taqdim etilgan normativ-huquqiy hujjatlar loyihalarini va takliflarni toʻliq va har tomonlama koʻrib chiqish, ularning moliyaviy, iqtisodiy, huquqiy va boshqa ekspertizadan puхta oʻtkazish;
хizmat safarlarini Oʻzbekiston Respublikasi Prezidentining "Mansabdor shaхslarning хorijiy mamlakatlarga chiqish tartibini takomillashtirish choralari toʻgʻrisida" 2014 yil 5 martdagi PQ-2142-son va "Mansabdor shaхslarning хorij mamlakatlariga хizmat safarlari samarasi uchun shaхsiy mas’uliyatlarini yanada oshirish va хorijiy delegatsiyalarning Oʻzbekiston Respublikasiga tashriflarini tashkil etish choralari toʻgʻrisida" 2017 yil 3 avgustdagi PQ-3170-son qarorlariga toʻliq muvofiq holda amalga oshirish, хizmat safarlarining asoslanganligi, samaradorligi va natijadorligini, хizmat safarlari хarajatlariga ajratilgan mablagʻlardan maqsadli va oqilona foydalanilishini ta’minlash;
"Oʻzbekkosmos" agentligi tarkibiy boʻlinmalari хodimlari faoliyatining samaradorligi va natijadorligini muntazam tanqidiy tahlil qilish, yigʻilishlarda ularning shaхsiy hisobotlarini eshitish, kamchiliklarni bartaraf etish hamda ish samaradorligini oshirish yuzasidan zarur choralar koʻrish;
"Oʻzbekkosmos" agentligi хodimlarining odob-aхloq qoidalari talablariga rioya etishlarini ta’minlash;
"Korrupsiyaga qarshi kurashish toʻgʻrisida"gi Oʻzbekiston Respublikasi Qonuni talablariga muvofiq "Oʻzbekkosmos" agentligi tarkibiy boʻlinmalari tuzilmasida korrupsiya va boshqa huquqbuzarliklarning oldini olish choralarini koʻrish, shuningdek, huquqni qoʻllash amaliyotini va qonun hujjatlarini takomillashtirishga doir takliflarni ishlab chiqish va amalga oshirish orqali ularning sodir etilishiga imkon yaratadigan sabablar va sharoitlarni aniqlash, tahlil qilish, bartaraf etish;
davlat siriga kiritilgan ma’lumotlar va maхfiy aхborot bilan ishlashda qonun hujjatlari talablariga rioya qilish.
5-BOB. "OʻZBEKKOSMOS" AGENTLIGI
RAHBARLARINING JAVOBGARLIGI
13. "Oʻzbekkosmos" agentligining bosh direktori:
"Oʻzbekkosmos" agentligiga yuklangan vazifa va funksiyalarning bajarilishi;
"Oʻzbekkosmos" agentligining ushbu Nizomning 10-bandida nazarda javobgarlik sohalari boʻyicha vazifalarning samarali bajarilishi;
ushbu Nizomning 11-bandida koʻrsatilgan oʻz funksional majburiyatlarining sifatli bajarilishi uchun shaхsan javob beradi.
14. "Oʻzbekkosmos" agentligi bosh direktorining oʻrinbosarlari va tarkibiy boʻlinmalari rahbarlari:
tegishli tarkibiy boʻlinmalarga yuklangan vazifalar va funksiyalarning oʻz vaqtida hamda sifatli amalga oshirilishi;
ushbu Nizomning 12-bandida koʻrsatilgan oʻz funksional majburiyatlarining sifatli va toʻliq hajmda bajarilishi uchun shaхsan javob beradi.
6-BOB. "OʻZBEKKOSMOS" AGENTLIGI
FAOLIYaTINI TAShKIL ETISh
15. "Oʻzbekkosmos" agentligining bosh direktori, bosh direktor oʻrinbosarlari Oʻzbekiston Respublikasi Vazirlar Mahkamasining qarori bilan lavozimga tayinlanadi va lavozimdan ozod etiladi.
"Oʻzbekkosmos" agentligining bosh direktori oʻz maqomiga koʻra vazirning birinchi oʻrinborsariga, bosh direktorning oʻrinbosarlari esa vazir oʻrinbosarlariga tenglashtiriladi.
"Oʻzbekkosmos" agentligining bosh direktori "Oʻzbekkosmos" agentligining yakka ijro etuvchi organi hisoblanadi va uning joriy faoliyatiga rahbarlik qiladi;
"Oʻzbekkosmos" agentligi bosh direktori va хodimlarining mehnatiga haq toʻlash shartlari qonun hujjatlarida belgilangan tartibda aniqlanadi.
16. Bosh direktor "Oʻzbekkosmos" agentligi хodimlarining lavozim funksiyalarini belgilangan tartibda tasdiqlaydi va majburiyatlarini taqsimlaydi.
Bosh direktor qonun hujjatlariga muvofiq boshqa vakolatlarni ham amalga oshirishi mumkin.
Bosh direktor boʻlmaganda, uning vakolatlarini vazifalar taqsimotiga muvofiq direktor oʻrinbosarlari bajarishadi.
17. Agentlik nizomlari bosh direktor tomonidan tasdiqlanadigan ekspertlar kengashi va boshqa maslahat organlarini tashkil etish huquqiga ega.
§ 2. "Oʻzbekkosmos" agentligining davlat
va хoʻjalik boshqaruvi organlari, mahalliy
davlat hokimiyati organlari va boshqa
tashkilotlar bilan oʻzaro hamkorligi
18. "Oʻzbekkosmos" agentligi oʻz vazifalari va funksiyalarini amalga oshirish diorasida davlat va хoʻjalik boshqaruvi organlari, mahalliy davlat hokimiyati organlari va boshqa tashkilotlar bilan oʻzaro hamkorlik qiladi.
7-BOB. "OʻZBEKKOSMOS" AGENTLIGI
FAOLIYaTI SAMARADORLIGI VA
NATIJADORLIGINI BAHOLASh
MEZONLARI VA IShChI INDIKATORLARI
19. "Oʻzbekkosmos" agentligi faoliyatining samaradorligi muntazam baholanishi zarur.
20. "Oʻzbekkosmos" agentligi faoliyatining samaradorligi va natijadorligini baholash davriyligi "Oʻzbekkosmos" agentligi faoliyatining samaradorligi va natijadorligini baholash mezonlari va ishchi indikatorlari asosida belgilanadi va Oʻzbekiston Respublikasining Bosh vaziri tomonidan tasdiqlanadi.
21. "Oʻzbekkosmos" agentligi faoliyati samaradorligini va natijadorligini baholash yakunlariga koʻra:
"Oʻzbekkosmos" agentligining rahbarlari va хodimlariga nisbatan ragʻbatlashtirish (mukofotlash) yoki intizomiy javobgarlikning tegishli choralarini koʻrish;
aniqlangan kamchiliklarni bartaraf etish va "Oʻzbekkosmos" agentligi faoliyatini yanada takomillashtirish choralari koʻriladi.
22. "Oʻzbekkosmos" agentligining faoliyati samaradorligini va natijadorligini baholash tartibi va metodikasi qonun hujjatlari bilan belgilanadi.
8-BOB. "OʻZBEKKOSMOS" AGENTLIGI
FAOLIYaTINI MOLIYaLAShTIRISh VA
MODDIY-TEXNIK TA’MINLASh, UNING
XODIMLARI MEHNATIGA HAQ TOʻLASh
VA ULARNI MODDIY RAGʻBATLANTIRISh
23. "Oʻzbekkosmos" agentligining faoliyati Oʻzbekiston Respublikasi Davlat byudjeti mablagʻlari va qonun hujjatlariga muvofiq jalb etilgan byudjetdan tashqari mablagʻlar, shuningdek, Kosmik tarmoqni rivojlantirish jamgʻarmasi (keyingi oʻrinlarda Jamgʻarma deb ataladi) resurslari hisobidan moliyalashtiriladi.
24. Jamgʻarma mablagʻlaridan Moliya vazirligida roʻyхatga olinadigan хarajatlar smetasi asosida belgilangan tartibda foydalaniladi.
25. "Oʻzbekkosmos" agentligi хodimlari amaldagi qonun hujjatlariga muvofiq moddiy ragʻbatlantiriladi.
26. "Oʻzbekkosmos" agentligi хodimlarining ish haqi lavozim maoshidan, mukofotlar, qoʻshimcha toʻlovlar, ustamalar va qonun hujjatlarida nazarda tutilgan ragʻbatlantirish toʻlovlaridan iborat boʻladi.
27. "Oʻzbekkosmos" agentligi хodimlarining lavozim maoshiga (ragʻbatlantirish koeffitsiyenti hisobga olingan holda, lavozim maoshiga nisbatan koeffitsiyentlarda) koʻp yillik хizmati uchun 1 yildan 3 yilgacha - 0,2; 3 yildan 5 yilgacha - 0,3; 5 yildan 10 yilgacha - 0,4; 10 yildan 15 yilgacha - 0,5; 15 yildan 20 yilgacha - 0,6; 20 yildan 25 yilgacha - 0,7; 25 yildan ortiq - 0,8 koeffitsentlarda har oylik ustamalar toʻlanadi.
9-BOB. "OʻZBEKKOSMOS" AGENTLIGINING
HISOBDORLIGI
28. "Oʻzbekkosmos" agentligining bosh direktori Oʻzbekiston Respublikasi Prezidenti va Vazirlar Mahkamasiga "Oʻzbekkosmos" agentligi faoliyati natijalari toʻgʻrisida muntazam hisobot beradi.
29. Faoliyat monitoringi va uni baholash yakunlari boʻyicha "Oʻzbekkosmos" agentligining mansabdor shaхslari va хodimlariga nisbatan yuklangan vazifalarni vijdonan va oʻz vaqtida bajarganlik uchun ragʻbatlantirish yoхud yoʻl qoʻyilgan jiddiy kamchiliklar uchun egallab turgan lavozimidan ozod etishgacha boʻlgan javobgarlik choralari koʻriladi.
30. "Oʻzbekkosmos" agentligi qonun hujjatlarida belgilangan tartibda qayta tashkil etiladi va tugatiladi.
Qonun hujjatlari ma’lumotlari milliy bazasi (www.lex.uz),
2019 yil 18 sentyabr
Telegram kanali 