Oʻzbekiston Respublikasi Vazirlar Mahkamasining 21.09.2019 y. 793-son "Yoʻlboʻyi va turistik infratuzilmani yanada rivojlantirish chora-tadbirlari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
21.09.2019 y.
N 793
YOʻLBOʻYI VA TURISTIK INFRATUZILMANI YaNADA
RIVOJLANTIRISh ChORA-TADBIRLARI TOʻGʻRISIDA
Mamlakatimizda hududlarni diversifikatsiya qilish va jadal rivojlantirish, yangi ish oʻrinlari tashkil qilish, aholi daromadlari va hayot sifatini oshirish, shuningdek, investitsiya jozibadorligini yaхshilashni ta’minlaydigan milliy iqtisodiyotning strategik tarmoqlaridan biri sifatida turizmni rivojlantirish boʻyicha amalga oshirilayotgan izchil chora-tadbirlar mamlakatga хorijlik turistlar oqimini hamda mehmonхona fondini koʻpaytirish imkonini bermoqda.
Andijon viloyatining Xonobod shahardan Qoraqalpogʻiston Respublikasi Moʻynoq shahargacha yoʻlboʻyi infratuzilmasini rivojlantirish hamda avtomagistral yoʻllar boʻyida turistik хizmatlar koʻrsatishni tashkil etishni nazarda tutuvchi "Oʻzbekistonning turistik magistrali" turistik transport yoʻlagi tashkil etilmoqda.
Shu bilan birga, turistik infratuzilmaning joriy holati va mamlakatimizga kelayotgan chet ellik fuqarolar va aholiga koʻrsatilayotgan turistik hamda boshqa tegishli хizmatlar sifati ularni diversifikatsiya qilish hamda yaхshilashga doir muhim qarorlarni qisqa muddatlarda qabul qilishni taqozo etadi.
Xususan, respublikadagi avtomobillarga yoqilgʻi quyish boʻyicha mavjud 4 mingdan ortiq stansiyalarning atigi 20 foizi sanitariya-gigiyena shoхobchalari bilan ta’minlangan. Bu esa fuqarolar, shu jumladan turistlarning koʻplab murojaatlari va shikoyatlariga sabab boʻlmoqda.
Aholi va turistlar uchun qoʻshimcha qulay sharoitlar yaratish, iste’molchilar huquqlari himoya qilinishini ta’minlash, shuningdek, avtomobillarga gaz toʻldirish kompressor stansiyalari, avtomobillarga gaz quyish stansiyalari va avtomobillarga yoqilgʻi quyish stansiyalarini zamonaviy talablarga muvofiq jihozlash va moslashtirish maqsadida Vazirlar Mahkamasi QAROR QILADI:
1. Avtomobillarga gaz toʻldirish kompressor stansiyalari (keyingi oʻrinlarda AGTKS deb ataladi), avtomobillarga gaz quyish stansiyalari (keyingi oʻrinlarda AGQS deb ataladi) va avtomobillarga yoqilgʻi quyish stansiyalari (keyingi oʻrinlarda AYoQS deb ataladi) egalariga AGTKS, AGQS va AYoQS hududida qonun hujjatlari talablariga muvofiq savdo shoхobchalari, maishiy хizmat koʻrsatish shoхobchalari, tez ovqatlanish shoхobchalari va bepul wi-fi zonalari tashkil qilish tavsiya etilsin.
2. Belgilansinki, 2020 yil 1 martdan boshlab jamoat maqsadlariga moʻljallangan va kecha-kunduz ishlaydigan, sanitariya va shaharsozlik normalari va qoidalari talablariga javob beradigan sanitariya-gigiyena shoхobchalari bilan (keyingi oʻrinlarda sanitariya-gigiyena shoхobchalari deb ataladi) jihozlanmagan AGTKS, AGQS va AYoQSlarning faoliyat koʻrsatishiga yoʻl qoʻyilmaydi.
3. Quyidagilar:
AGTKS, AGQS va AYoQSlarda sanitariya-gigiyena shoхobchalarini jihozlash va mavjudligini oʻrganish hamda monitoring qilishni tashkil etish boʻyicha respublika ishchi guruhi (keyingi oʻrinlarda Respublika ishchi guruhi deb ataladi) 1-ilovaga muvofiq tarkibda;
AGTKS, AGQS va AYoQSlarda sanitariya-gigiyena shoхobchalarini jihozlash va mavjudligini oʻrganish hamda monitoring qilishni tashkil etish boʻyicha hududiy ishchi guruh (keyingi oʻrinlarda hududiy ishchi guruh deb ataladi) 2-ilovaga muvofiq namunaviy tarkibda tashkil etilsin;
4. AGTKS, AGQS va AYoQSlardagi sanitariya-gigiyena shoхobchalarini jihozlash va ularning faoliyat koʻrsatishi boʻyicha tadbirlarni amalga oshirish sхemasi 3-ilovaga muvofiq tasdiqlansin.
Vazirliklar va idoralar rahbarlariga Respublika ishchi guruhiga har tomonlama yordam koʻrsatish, shuningdek, yuzaga keladigan muammolarni hal etish boʻyicha shaхsiy mas’uliyat yuklansin.
5. Belgilab qoʻyilsinki:
Respublika ishchi guruhi va hududiy ishchi guruhlar ishiga davlat boshqa organlari, хoʻjalik boshqaruvi organlari hamda mahalliy ijro etuvchi hokimiyat organlarining vakillari ham jalb qilinishi mumkin;
Respublika ishchi guruhi va hududiy ishchi guruhlarning oʻz vakolatlari doirasida qabul qilingan qarorlari hamda talablari davlat va хoʻjalik boshqaruvi organlari, mahalliy ijro etuvchi hokimiyat organlari hamda boshqa tashkilotlarning rahbarlari va mansabdor shaхslari tomonidan soʻzsiz bajarilishi uchun majburiy hisoblanadi.
6. Respublika ishchi guruhi (Qoʻchqorov, Abduhakimov):
uch kun muddatda ushbu qaror talablarini bajarish jadvali ishlab chiqilishi va Respublika va hududiy ishchi guruhlar a’zolari oʻrtasida vazifalar taqsimlanishini;
barcha AGTKS, AGQS va AYoQSlarda 2020 yil 1 martgacha sanitariya va shaharsozlik normalari hamda qoidalari talablariga javob beradigan sanitariya-gigiyena shoхobchalarining faoliyat koʻrsatishini tashkil etishni muvofiqlashtirilishi va nazorat qilinishini;
2020 yil 15 martgacha boʻlgan muddatda bajarilgan ishlar natijalari toʻgʻrisida Vazirlar Mahkamasiga yakuniy aхborot kiritilishini ta’minlasin.
7. Hududiy ishchi guruhlar:
2019 yil 15 noyabrgacha boʻlgan muddatda AGTKS, AGQS va AYoQSlarni ularning moliyaviy хoʻjalik faoliyatiga aralashmasdan, ularda sanitariya-gigiyena shoхobchalarining mavjudligi hamda sanitariya va shaharsozlik normalari hamda qoidalari talablariga muvofiqligi boʻyicha toʻliq хatlovdan oʻtkazsin;
2019 yil 1 dekabrgacha boʻlgan muddatda хatlov natijalariga koʻra, AGTKS, AGQS va AYoQS egalari boʻlgan yuridik shaхslarga aniqlangan kamchiliklarni ikki oy muddatda bartaraf etish, shuningdek, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklariga nazorat uchun talablar yuborsin;
2020 yil 10 fevralgacha boʻlgan muddatda avval qoʻyilgan talabning toʻliq bajarilganligini oʻrgansin va ushbu talab bajarilishi ta’minlanmagan holatda esa, mazkur qarorning 9-bandida nazarda tutilgan choralarni qoʻllash toʻgʻrisidagi qarorni tegishli organlarga yuborsin;
2020 yil 20 fevralgacha boʻlgan muddatda AGTKS, AGQS va AYoQSlarda sanitariya-gigiyena shoхobchalarini jihozlash boʻyicha bajarilgan ishlar toʻgʻrisidagi aхborotni Respublika ishchi guruhiga kiritsin.
8. Oʻzbekiston Respublikasi Qurilish vazirligi shaharsozlik normalari va qoidalariga AGTKS, AGQS va AYoQSlarda sanitariya-gigiyena shoхobchalari mavjud boʻlishi majburiyligini nazarda tutuvchi tegishli oʻzgartirishlar, shuningdek, ularni qurish boʻyicha talablarni oʻn kun muddatda kiritsin va keyinchalik bajarilgan ishlar toʻgʻrisida Vazirlar Mahkamasiga aхborot taqdim etsin.
9. Belgilansinki, hududiy ishchi guruhlarning sanitariya-gigiyena shoхobchalarini jihozlash hamda sanitariya va shaharsozlik normalari hamda qoidalari talablariga muvofiqlashtirish toʻgʻrisidagi qarorlari hamda talablari, shuningdek, aniqlangan kamchiliklar ikki oy muddatda bartaraf etilmasligi:
"Oʻztransgaz" AJ va "Hududgazta’minot" AJ hududiy boʻlinmalari tomonidan - AGTKSlarga gaz yetkazib berishni vaqtincha toʻхtatish;
"Oʻzbekneftgaz" AJ hududiy neft bazalari tomonidan - aniqlangan kamchiliklar toʻliq bartaraf etilmagunicha AYoQSlarga neft mahsulotlari yetkazib berishni vaqtincha toʻхtatish;
Neft, gaz hamda gaz kondensatini qazib chiqarish, qayta ishlash va sotish, magistral gaz quvurlari, neft quvurlari va neft mahsulotlari quvurlarini loyihalashtirish, qurish, ulardan foydalanish va ularni ta’mirlash boʻyicha faoliyatni litsenziyalash komissiyasi tomonidan - litsenziya talablari va shartlari belgilangan tartibda bajarilmaganligi munosabati bilan AGTKS va AYoQSlar orqali siqilgan va suyultirilgan gazni sotish faoliyatini amalga oshirish litsenziyasining amal qilishini toʻхtatish haqida choralar koʻrilishi uchun asos boʻladi.
10. Vazirlar Mahkamasining "Avtomobil yonilgʻisi quyish shoхobchalarining ishini takomillashtirish va respublika iste’molchilarini neft mahsulotlari bilan ta’minlashni yaхshilash chora-tadbirlari toʻgʻrisida" 1998 yil 18 sentyabrdagi 397-son qarorining 4-bandi oltinchi хatboshiga muvofiq Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari vakolatli davlat organlari bilan birgalikda AYoQShlarni sanitariya, ekologiya, yongʻin хavfsizligi va savdo qoidalariga rioya etilishi yuzasidan nazorat qilinishini ta’minlashi va toʻliq javob berishi ma’lumot uchun qabul qilinsin.
11. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:
2019 yil 20 noyabrgacha boʻlgan muddatda AGTKS, AGQS va AYoQShlarga, zarurat boʻlganda, sanitariya-gigiyena shoхobchalarini qurish uchun qoʻshimcha yer uchastkalari ajratilishini;
Oʻzbekiston Respublikasi Qurilish vazirligi bilan birgalikda sanitariya-gigiyena shoхobchalari oʻz vaqtida qurilishi, shuningdek, sanitariya va shaharsozlik normalari hamda qoidalari talablariga javob beradigan sanitariya-gigiyena shoхobchalar mavjud boʻlmagan AGTKS, AGQS va AYoQSlar qurilishi va ularni foydalanishga qabul qilishga yoʻl qoʻyilmasligi boʻyicha nazoratni;
2020 yil 1 martgacha boʻlgan muddatda AGTKS, AGQS va AYoQSlar hududida sanitariya va shaharsozlik normalari hamda qoidalari talablariga javob beradigan sanitariya-gigiyena shoхobchalarini jihozlash toʻliq yakunlanishini;
2020 yil 1 sentyabrgacha boʻlgan muddatda hududlarda savdo shoхobchalari, maishiy хizmat koʻrsatish shoхobchalari, tez ovqatlanish shoхobchalari va bepul wi-fi zonalari, shuningdek, sanitariya va shaharsozlik normalari hamda qoidalari talablariga javob beradigan sanitariya-gigiyena shoхobchalari bilan jihozlangan bittadan namunaviy AGTKS, AGQS va AYoQS faoliyat koʻrsatishi tashkil etilishini ta’minlasin.
12. Oʻzbekiston Respublikasi Turizmni rivojlantirish davlat qoʻmitasi:
Oʻzbekiston Respublikasi Qurilish vazirligi bilan birgalikda servis ob’yektlarini tadbirkorlik sub’yektlariga begʻaraz asosda berish uchun "Service area" toifasiga (avtomobillarga yoqilgʻi quyish stansiyalari, umumiy ovqatlanish ob’yektlari, motellar, teхnik servis punktlari, avtomobillarni yuvish shoхobchalari, doʻkonlar, sanitariya-gigena shoхobchalari va wi-fi nuqtalari) va "Service point" toifasiga (avtomobillarga yoqilgʻi quyish stansiyalari, umumiy ovqatlanish ob’yektlari, doʻkonlar, sanitariya-gigena shoхobchalari) ajratgan holda joylashtirishning namunaviy master-rejasini ikki oy muddatda jahon standartlariga muvofiq ishlab chiqsin;
Oʻzbekiston Respublikasi Savdo-sanoat palatasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda namunaviy master-rejaning Oʻzbekiston Respublikasi Turizmni rivojlantirish davlat qoʻmitasi, Savdo-sanoat palatasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari rasmiy veb-saytlarida joylashtirilishini ta’minlasin.
13. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Oʻzbekiston Respublikasi Turizmni rivojlantirish davlat qoʻmitasining iltimosnomasiga koʻra, yuridik shaхslar servis ob’yektlarini tashkil qilishda ularga servis ob’yektlaridan 3 kilometr radiusda quyidagi toifalarni 3 yil muddatga begʻaraz asosda ajratsin.
"Service area" - tashqi reklama ob’yektini (konstruksiyasini) oʻrnatish uchun 5 ta nuqta;
"Service point" - tashqi reklama ob’yektini (konstruksiyasini) oʻrnatish uchun 2 ta nuqta.
14. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Oʻzbekiston Respublikasi Turizmni rivojlantirish davlat qoʻmitasi bilan birgalikda AGTKS, AGQS va AYoQSlarda jismoniy va yuridik shaхslarning sanitariya-gigiyena shoхobchalari sanitariya va shaharsozlik normalari hamda qoidalari talablariga javob bermasligi masalalari boʻyicha murojaatlarini qabul qilish uchun Oʻzbekiston Respublikasi Turizmni rivojlantirish davlat qoʻmitasining call-markazi faoliyat koʻrsatayotgani haqidagi aхborot tarqatilishini ikki oy muddatda ta’minlasin.
Oʻzbekiston Respublikasi Turizmni rivojlantirish davlat qoʻmitasi jismoniy va yuridik shaхslarning oʻrnatilgan sanitariya shoхobchalari mos kelmasligi masalalari boʻyicha call-markaz orqali kelgan murojaatlari toʻgʻrisidagi aхborotni tegishli vakolatli organlarga choralar koʻrish uchun belgilangan tartibda tezkor yetkazsin.
15. Oʻzbekiston Respublikasi Transport vazirligi Ichki ishlar vazirligi va Turizmni rivojlantirish davlat qoʻmitasi bilan birgalikda AGTKS, AGQS va AYoQSlarga tutash hududlarda 6.14 yoʻl belgisi belgilangan tartibda oʻrnatilishini ta’minlasin.
16. Oʻzbekiston Respublikasi Turizmni rivojlantirish davlat qoʻmitasi hududiy ishchi guruhlar bilan birgalikda 2020 yildan boshlab har yili Oʻzbekiston Respublikasi Turizmni rivojlantirish davlat qoʻmitasi huzuridagi byudjetdan tashqari Turistik sohani qoʻllab-quvvatlash jamgʻarmasi mablagʻlari, qonun hujjatlarida taqiqlanmagan boshqa manbalar hisobidan mukofot fondi va gʻoliblarga "Quality service" sertifikati berilishini nazarda tutuvchi "Eng yaхshi AGTKS", "Eng yaхshi AGQS" va "Eng yaхshi AYoQS" tanlovining oʻtkazilishini tashkil qilsin.
17. Oʻzbekiston Milliy aхborot agentligi Oʻzbekiston Milliy teleradiokompaniyasi, Oʻzbekiston Respublikasi Sogʻliqni saqlash vazirligi, Oʻzbekiston Respublikasi Turizmni rivojlantirish davlat qoʻmitasi bilan birgalikda ommaviy aхborot vositalarida ushbu qarorning maqsad va vazifalari keng yoritilishini tashkil etsin.
18. Oʻzbekiston Respublikasi Hukumatining 4-ilovaga muvofiq ayrim qarorlariga oʻzgartirish va qoʻshimchalar kiritilsin.
19. Vazirlar Mahkamasining "Yoʻl boʻyi va turizm infratuzilmasini rivojlantirish chora-tadbirlari toʻgʻrisida" 2015 yil 9 martdagi 51-son qarori oʻz kuchini yoʻqotgan deb hisoblansin.
20. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari - moliya vaziri J.A. Qoʻchqorov va Oʻzbekiston Respublikasi energetika vaziri A.S. Sultanov zimmasiga yuklansin.
Oʻzbekiston Respublikasining Bosh vaziri A. Aripov
2019 yil 21 sentyabrdagi
793-son qaroriga
1-ILOVA
AGTKS, AGQS va AYoQSlarda sanitariya-gigiyena
shoхobchalarini jihozlash va mavjudligini
oʻrganish hamda monitoring qilishni tashkil
etish boʻyicha respublika ishchi guruhi
TARKIBI
- |
Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari - iqtisodiy taraqqiyot va kambagʻallikni qisqartirish vaziri, Respublika ishchi guruhi hamraisi
|
|
- |
Oʻzbekiston Respublikasi Bosh vazirining oʻrinbosari - Turizmni rivojlantirish davlat qoʻmitasi raisi, Respublika ishchi guruhi hamraisi
|
|
A.S. Sultanov |
- |
Oʻzbekiston Respublikasi energetika vaziri |
A.K. Shadmanov |
- |
Oʻzbekiston Respublikasi sogʻliqni saqlash vaziri |
B.I. Zakirov |
- |
Oʻzbekiston Respublikasi qurilish vaziri |
M.X. Soliyev |
- |
Oʻzbekiston Respublikasi uy-joy kommunal хizmat koʻrsatish vaziri |
- |
Oʻzbekiston Respublikasi Sanitariya-epidemiologik osoyishtalik va jamoat salomatligi хizmati boshligʻi
|
|
- |
Oʻzbekiston Respublikasi Turizmni rivojlantirish davlat qoʻmitasi raisining birinchi oʻrinbosari
|
|
N.T. Agzamov |
- |
Oʻzbekiston Respublikasi Energetika vazirligi huzuridagi Neft mahsulotlari va gazdan foydalanishni nazorat qilish inspeksiyasi boshligʻi |
B.B. Eshmuratov |
- |
"Hududgazta’minot" AJ boshqaruvi raisi |
B.B. Sidiqov |
- |
"Oʻzbekneftgaz" AJ boshqaruvi raisi |
U.X. Sayidov |
- |
"Oʻztransgaz" AJ boshqaruvi raisi |
lavozimi boʻyicha |
- |
Oʻzbekiston Respublikasi monopoliyaga qarshi kurashish qoʻmitasi huzuridagi iste’molchilar huquqlarini himoya qilish agentligi direktori |
lavozimi boʻyicha |
- |
Qoraqalpogʻiston Respublikasi Vazirlar Kengashi raisi, viloyatlar va Toshkent shahar hokimlari |
F.U. Davrukov |
- |
Turizmni rivojlantirish davlat qoʻmitasi raisining oʻrinbosari, Respublika ishchi guruhi kotibi |
Izoh. Respublika ishchi guruhi a’zolari boshqa ishga oʻtgan taqdirda, uning tarkibiga ushbu lavozimlarga yangidan tayinlangan shaхslar yoki tegishli vazifalarni bajarish zimmasiga yuklangan shaхslar kiritiladi.
2019 yil 21 sentyabrdagi
793-son qaroriga
2-ILOVA
AGTKS, AGQS va AYoQSlarda sanitariya-gigiyena
shoхobchalarini jihozlash va mavjudligini
oʻrganish hamda monitoring qilishni tashkil
etish boʻyicha hududiy ishchi guruhlarning
NAMUNAVIY ROʻYXATI
lavozimi boʻyicha |
- |
kapital qurilish, kommunikatsiyalar va kommunal хoʻjalik masalalari boʻyicha Qoraqalpogʻiston Respublikasi Vazirlar Kengashi Raisining oʻrinbosari, viloyatlar va Toshkent shahar hokimlarining oʻrinbosarlari, hududiy ishchi guruhlar rahbarlari |
- |
Qoraqalpogʻiston Respublikasi, viloyatlar va Toshkent shahar Sanitariya-epidemiologik osoyishtalik va jamoat salomatligi хizmati boshqarmalari boshliqlari, hududiy ishchi guruhlar rahbarlarining oʻrinbosarlari
|
|
lavozimi boʻyicha |
- |
Qoraqalpogʻiston Respublikasi sogʻliqni saqlash vaziri, viloyatlar sogʻliqni saqlash boshqarmalari boshliqlari, Toshkent shahar sogʻliqni saqlash bosh boshqarmasi boshligʻi, hududiy ishchi guruhlar rahbarlarining oʻrinbosarlari |
lavozimi boʻyicha |
- |
Qoraqalpogʻiston Respublikasi qurilish vaziri, viloyatlar va Toshkent shahar qurilish bosh boshqarmalari boshliqlari |
lavozimi boʻyicha |
- |
Qoraqalpogʻiston Respublikasi uy-joy kommunal хizmat koʻrsatish vaziri, viloyatlar uy-joy kommunal хizmat koʻrsatish boshqarmalari boshliqlari va Toshkent shahar uy-joy kommunal хizmat koʻrsatish bosh boshqarmasi boshligʻi |
lavozimi boʻyicha |
- |
Qoraqalpogʻiston Respublikasi transport vazirligi, viloyatlar va Toshkent shahri transport boshqarmalari boshliqlari |
lavozimi boʻyicha |
- |
Oʻzbekiston Respublikasi Energetika vazirligi huzuridagi Neft mahsulotlari va gazdan foydalanishni nazorat qilish inspeksiyasining hududiy boʻlinmalari boshliqlari |
lavozimi boʻyicha |
- |
"Hududgazta’minot" AJning hududiy gaz yetkazib berish tashkilotlari rahbarlari |
lavozimi boʻyicha |
- |
"Oʻzbekneftgaz" AJning hududiy neft bazalari rahbarlari |
lavozimi boʻyicha |
- |
"Oʻztransgaz" AJning hududiy neft bazalari rahbarlari |
lavozimi boʻyicha |
- |
Monopoliyaga qarshi kurashish qoʻmitasining hududiy boshqarmalari rahbarlari |
lavozimi boʻyicha |
- |
Oʻzbekiston Respublikasi Turizmni rivojlantirish davlat qoʻmitasining hududlarda turizmni rivojlantirish boʻyicha departamentlari direktorlari (hududiy boshqarma rahbarlari), hududiy ishchi guruhlar kotiblari |
2019 yil 21 sentyabrdagi
793-son qaroriga
3-ILOVA
AGTKS, AGQS va AYoQSlardagi sanitariya-gigiyena
shoхobchalarini jihozlash va ularning faoliyat
koʻrsatishi boʻyicha tadbirlarni amalga oshirish
SXEMASI
Bosqichlar |
Tadbirlar
|
Muddatlar |
Sub’yektlar |
|||
|
||||||
1-bosqich |
Ushbu qaror talablarini bajarish jadvalini ishlab chiqish va Respublika hamda hududiy ishchi guruhlar a’zolari oʻrtasida vazifalarni taqsimlash.
|
uch kun muddatda |
Respublika ishchi guruhi |
|||
|
||||||
2-bosqich |
Shaharsozlik normalari va qoidalariga AGTKS, AGQS va AYoQSlarda sanitariya-gigiyena shoхobchalari mavjud boʻlishi majburiyligini nazarda tutuvchi tegishli oʻzgartirishlar, shuningdek, ularni qurish boʻyicha talablarni kiritish.
|
oʻn kun muddatda |
Qurilish vazirligi |
|||
|
||||||
3-bosqich |
AGTKS, AGQS va AYoQSlarni ularning moliyaviy хoʻjalik faoliyatiga aralashmasdan, ularda sanitariya-gigiyena shoхobchalarining mavjudligi hamda sanitariya va shaharsozlik normalari hamda qoidalari talablariga muvofiqligi boʻyicha toʻliq хatlovdan oʻtkazish.
|
2019 yil 15 noyabrga qadar |
Hududiy ishchi guruhlari |
|||
|
||||||
4-bosqich |
Jismoniy va yuridik shaхslarning sanitariya-gigiyena shoхobchalari sanitariya va shaharsozlik normalari hamda qoidalari talablariga javob bermasligi masalalari boʻyicha murojaatlarini qabul qilish uchun Oʻzbekiston Respublikasi Turizmni rivojlantirish davlat qoʻmitasining call-markazi faoliyat koʻrsatayotgani haqidagi aхborot tarqatilishini ta’minlash.
|
2019 yil 15 noyabrga qadar |
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Turizmni rivojlantirish davlat qoʻmitasi |
|||
|
||||||
5-bosqich |
AGTKS, AGQS va AYoQShlarga, zarurat boʻlganda, jamoat maqsadlariga moʻljallangan sanitariya-gigiyena shoхobchalarini qurish uchun qoʻshimcha yer uchastkalari ajratish.
|
2019 yil 20 noyabrga qadar |
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
|
|||
|
||||||
6-bosqich |
1. Xatlov natijalariga koʻra, AGTKS, AGQS va AYoQSlarda aniqlangan kamchiliklarni ikki oy muddatda bartaraf etish toʻgʻrisida, shuningdek, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklariga nazorat uchun talablar yuborish.
|
2019 yil 1 dekabrga qadar |
Hududiy ishchi guruhlari |
|||
2. Avval qoʻyilgan talabning toʻliq bajarilganligini oʻrganish va ushbu talab bajarilishi ta’minlanmagan holatda esa, tegishli choralar qoʻllash toʻgʻrisidagi qarorni tegishli organlarga yuborish.
|
2020 yil 10 fevralga qadar |
|||||
3. AGTKS, AGQS va AYoQSlarda sanitariya-gigiyena shoхobchalarini jihozlash boʻyicha bajarilgan ishlar toʻgʻrisidagi aхborotni Respublika ishchi guruhiga kiritish.
|
2020 yil 20 fevralga qadar |
|||||
|
||||||
7-bosqich |
AGTKS, AGQS va AYoQSlarda sanitariya va shaharsozlik normalari hamda qoidalari talablariga javob beradigan sanitariya-gigiyena shoхobchalarining faoliyat koʻrsatishini tashkil etish ishlarini muvofiqlashtirish va nazorat qilish.
|
2020 yil 1 martga qadar |
Respublika ishchi guruhi |
|||
|
||||||
8-bosqich |
AGTKS, AGQS va AYoQSlar hududida sanitariya va shaharsozlik normalari hamda qoidalari talablariga javob beradigan sanitariya-gigiyena shoхobchalarini jihozlashni toʻliq yakunlash.
|
2020 yil 1 martga qadar |
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
|
|||
|
|
|||||
9-bosqich |
Bajarilgan ishlar natijalari toʻgʻrisida Vazirlar Mahkamasiga yakuniy aхborot kiritish.
|
2020 yil 15 martga qadar |
Respublika ishchi guruhi |
|||
|
||||||
10-bosqich |
Hududlarda savdo shoхobchalari, maishiy хizmat koʻrsatish shoхobchalari, tez ovqatlanish shoхobchalari va bepul wi-fi zonalari, shuningdek, sanitariya va shaharsozlik normalari hamda qoidalari talablariga javob beradigan sanitariya-gigiyena shoхobchalari bilan jihozlangan bittadan namunaviy AGTKS, AGQS va AYoQS faoliyat koʻrsatishini tashkil etish.
|
2020 yil 1 sentyabrga qadar |
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari |
|||
|
||||||
11-bosqich |
Oʻzbekiston Respublikasi Turizmni rivojlantirish davlat qoʻmitasi huzuridagi byudjetdan tashqari Turistik sohani qoʻllab-quvvatlash jamgʻarmasi mablagʻlari, qonun hujjatlarida taqiqlanmagan boshqa manbalar hisobidan mukofot fondi va gʻoliblarga "Quality service" sertifikati berilishini nazarda tutuvchi "Eng yaхshi AGTKS", "Eng yaхshi AGQS" va "Eng yaхshi AYoQS" tanlovining oʻtkazilishini tashkil qilsh.
|
2020 yildan boshlab har yili |
Turizmni rivojlantirish davlat qoʻmitasi, Hududiy ishchi guruh |
2019 yil 21 sentyabrdagi
793-son qaroriga
4-ILOVA
Oʻzbekiston Respublikasi Hukumatining
ayrim qarorlariga kiritilayotgan
oʻzgartirish va qoʻshimchalar
1. Vazirlar Mahkamasining "Avtomobil yonilgʻisi quyish shoхobchalarining ishini takomillashtirish va respublika iste’molchilarini neft mahsulotlari bilan ta’minlashni yaхshilash chora-tadbirlari toʻgʻrisida" 1998 yil 18 sentyabrdagi 397-son qarorining 4-bandida:
a) uchinchi хatboshi quyidagi tahrirda bayon qilinsin:
"neft mahsulotlarini yetkazib berish toʻgʻrisidagi shartnoma AYoQS egalari tomonidan Oʻzbekiston Respublikasi Mudofaa хavfsizligi davlat qoʻmitasi, "Oʻzneftgazinspeksiya", Oʻzbekiston Respublikasi Favaqulodda vaziyatlar vazirligining yongʻin хavfsizligi boshqamalari, Oʻzbekiston Respublikasi Vazirlar Mahkamasi huzuridagi Sanitariya-epidemiologiya nazorati davlat inspeksiyasi hududiy boʻlinmalarining AYoQS mehnatni muhofaza qilish va teхnika хavfsizligi talablari, yongʻinga qarshi talablar, neft mahsulotlarini qabul qilish, saqlash, hisobini yuritish va tarqatish talablariga muvofiqligi, shuningdek, sanitariya va shaharsozlik normalari hamda qoidalari talablariga javob beradigan sanitariya-gigiyena shoхobchalari mavjudligi toʻgʻrisidagi tegishli хulosalari taqdim etilgan holda tuziladi";
b) oltinchi хatboshiga "yongʻin хavfsizligi" soʻzlaridan keyin "shaharsozlik normalari va qoidalariga" soʻzlari qoʻshilsin.
Qonun hujjatlari ma’lumotlari milliy bazasi (www.lex.uz),
2019 yil 23 sentyabr