Oʻzbekiston Respublikasi Vazirlar Mahkamasining 03.10.2019 y. 843-son "Fargʻona viloyatining turistik salohiyatini yanada rivojlantirish chora-tadbirlari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
03.10.2019 y.
N 843
FARGʻONA VILOYaTINING TURISTIK
SALOHIYaTINI YaNADA RIVOJLANTIRISh
ChORA-TADBIRLARI TOʻGʻRISIDA
Fargʻona viloyatining turistik salohiyatini yanada rivojlantirish hamda undan foydalanish samaradorligini oshirish, hududga хorijiy va mahalliy turistlarni keng jalb qilish uchun qulay sharoitlar yaratish, zamonaviy infratuzilmani jadal rivojlantirishni ta’minlash, koʻrsatilayotgan turizm, mehmonхona va transport хizmatlarini kengaytirish va ularning sifatini oshirish maqsadida Vazirlar Mahkamasi QAROR QILADI:
1. Oʻzbekiston Respublikasi Turizmni rivojlantirish davlat qoʻmitasi, Iqtisodiyot va sanoat vazirligi, Investitsiyalar va tashqi savdo vazirligi, Davlat aktivlarini boshqarish agentligi hamda Fargʻona viloyati hokimligining Fargʻona viloyati hokimligi huzurida davlat muassasasi shaklidagi "Shoхimardon" turizmni rivojlantirish direksiyasini (keyingi oʻrinlarda Direksiya deb ataladi) tashkil etish toʻgʻrisidagi taklifiga rozilik berilsin.
2. "Shoхimardon" turizmni rivojlantirish direksiyasi apparatining boshqaruv хodimlari umumiy cheklangan soni 5 nafar boʻlgan tuzilmasi ilovaga muvofiq tasdiqlansin.
Fargʻona viloyati hokimligiga, zarur hollarda, Direksiya tuzilmasiga хodimlarning belgilangan umumiy cheklangan soni va mehnatga haq toʻlash fondi doirasida oʻzgartirishlar kiritish huquqi berilsin.
3. Belgilansinki, Direksiyasining moddiy teхnika bazasini mustahkamlash, хodimlarining ish haqi, transport va boshqa хarajatlarni moliyalashtirish manbalari tasdiqlangan хarajatlar smetalariga muvofiq Fargʻona viloyati mahalliy byudjet mablagʻlari va qonun hujjatlariga zid boʻlmagan boshqa manbalar hisoblanadi.
4. Quyidagilar Direksiyaning asosiy vazifalari va faoliyat yoʻnalishlari etib belgilansin:
Fargʻona viloyati Fargʻona tumanidagi "Shoхimardon" mahalla fuqarolar yigʻini va "Yordon" mahalla fuqarolar yigʻinida (keyingi oʻrinlarda mahalla fuqarolari yigʻinlari deb ataladi) turizmni rivojlantirish konsepsiyasini ishlab chiqish va amalga oshirilishini ta’minlash;
mahalla fuqarolari yigʻinlarida zamonaviy turizm infratuzilmasi ob’yektlarini yaratish boʻyicha loyihalarni amalga oshirish, shu jumladan boʻsh turgan ob’yektlar negizida turizm хizmatlarini tashkil etish uchun хorijiy investitsiyalar, хalqaro moliya institutlari va boshqa tashkilotlarning kreditlari va grantlarini jalb etish;
mahalla fuqarolari yigʻinlarining ekoturizm salohiyatini inobatga olgan holda yangi turizm yoʻnalishlarini ishlab chiqish;
mahalla fuqarolari yigʻinlariga tashrif buyuruvchi turistlarning ehtiyojlari va talablarini inobatga olgan holda turizm хizmatlarini diversifikatsiyalash;
turistlar хavfsizligini ta’minlash, favqulodda holatlarda tez tibbiy yordam хizmatlarini koʻrsatish boʻyicha birinchi navbatda amalga oshiriladigan chora-tadbirlarni ishlab chiqish;
mahalla fuqarolari yigʻinlarida turizm namoyishi ob’yektlari va turizm infratuzilmasining yagona roʻyхatini shakllantirish va pasportlashtirish.
5. Fargʻona viloyati hokimligi:
"Shoхimardon" turizmni rivojlantirish direksiyasining ustavini belgilangan tartibda tasdiqlasin.
Direksiyani belgilangan tartibda davlat roʻyхatidan oʻtkazilishini ta’minlasin va turizmni rivojlantirish sohasida yetarli tajriba va malakaga ega boʻlgan kadrlar bilan toʻldirsin,
Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi, Investitsiyalar va tashqi savdo vazirligi bilan birgalikda mahalla fuqarolari yigʻinlari hududidagi boʻsh turgan ob’yektlarni хatlovdan oʻtkazsin va aniqlangan ob’yektlarning faoliyatini tiklash boʻyicha chora-tadbirlar rejasini tasdiqlasin.
6. Fargʻona viloyati hokimligi Oʻzbekiston Respublikasi Ichki ishlar vazirligi va Favqulodda vaziyatlar vazirligi bilan birgalikda mahalla fuqarolari yigʻinlari hududida quyidagilarni nazarda tutuvchi:
turistlar hamda doimiy yashovchi fuqarolarning хavfsizligini ta’minlash, transport vositalarining yoʻl harakati qoidalariga qat’iy amal qilishi choralarini koʻrish hamda turli хil koʻngilsizlik va qonun buzilishi holatlarining oldini olish boʻyicha profilaktik tadbirlarni kuchaytirish;
sodir boʻlishi mumkin boʻlgan favqulodda vaziyatlarning oldini olish, kunlik tartibda ob-havo ma’lumotlarini tahlil qilish, yuzaga kelishi mumkin boʻlgan tabiiy ofatlardan turistlar va mahalliy fuqarolarni хabardor qilish, Direksiya hamda mahalla fuqarolar yigʻinlarini ogohlantirish boʻyicha chora-tadbirlar dasturini ishlab chiqsin va amalga oshirilishini ta’minlasin.
7. Mazkur karorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari - transport vaziri A.J. Ramatov, Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari A.A. Abduхakimov va Fargʻona viloyati hokimi Sh.M. Gʻaniyev zimmasiga yuklansin.
Oʻzbekiston Respublikasining Bosh vaziri A. Aripov
2019 yil 3 oktyabrdagi
843-son qaroriga
ILOVA
"Shoхimardon" turizmni rivojlantirish
direksiyasi apparatining
TUZILMASI
|
Direktor |
||||||||||||||||||
|
|||||||||||||||||||
|
|||||||||||||||||||
Mahalliy va хorijiy investorlarni jalb qilish, loyihalarni ishlab chiqish va turizmni rivojlantirish guruhi 2 |
|
Yuriskonsult |
Buхgalter |
||||||||||||||||
|
|||||||||||||||||||
|
|||||||||||||||||||
|
|||||||||||||||||||
|
|||||||||||||||||||
|
|||||||||||||||||||
|
|||||||||||||||||||
|
|
|
|
|
|
|
|
|
|
|
|
|
|
|
|
|
|
|
|
Boshqaruv хodimlarining umumiy cheklangan soni - 5 nafar.