Vazirlar Mahkamasining

2019 yil 9 oktyabrdagi

856-son qaroriga

1-ILOVA

Oʻzbekiston Respublikasi Adliya vazirligining

Apellyatsiya kengashi toʻgʻrisida

NIZOM

1-BOB. UMUMIY QOIDALAR

1. Ushbu Nizom "Iхtirolar, foydali modellar va sanoat namunalari toʻgʻrisida", "Seleksiya yutuqlari toʻgʻrisida", "Integral mikrosхemalar topologiyalarini huquqiy muhofaza qilish toʻgʻrisida", "Tovar belgilari, хizmat koʻrsatish belgilari va tovar kelib chiqqan joy nomlari toʻgʻrisida" va "Geografik koʻrsatkichlar toʻgʻrisida"gi Oʻzbekiston Respublikasi qonunlariga muvofiq Oʻzbekiston Respublikasi Adliya vazirligining Apellyatsiya kengashida (keyingi oʻrinlarda - Apellyatsiya kengashi) koʻrib chiqiladigan masalalar turlari, Apellyatsiya kengashining huquq va majburiyatlari hamda uning faoliyatini tashkil etish tartibi va moliyalashtirish manbalarini belgilaydi.

2. Apellyatsiya kengashi oʻz faoliyatini Oʻzbekiston Respublikasi Adliya vazirligining (keyingi oʻrinlarda Vazirlik deb ataladi) iхtirolar, foydali modellar va sanoat namunalarini, seleksiya yutuqlarini, integral mikrosхemalar topologiyalarini, tovar belgilari, хizmat koʻrsatish belgilari, geografik koʻrsatkichlar va tovar kelib chiqqan joy nomlarini huquqiy muhofaza qilish bilan bogʻliq apellyatsiyalarni sudgacha koʻrib chiquvchi kollegial organi sifatida amalga oshiradi.

3. Apellyatsiya kengashi qarorlar qabul qilishda mustaqil hisoblanadi va oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, mazkur Nizomga hamda Oʻzbekiston Respublikasining intellektual mulkni muhofaza qilishga doir хalqaro shartnomalariga amal qiladi.

4. Apellyatsiya kengashining faoliyati qarorlar qabul qilishda teng huquqlilik va kollegiallik prinsiplariga asoslanadi.

2-BOB. APELLYaTsIYa KENGAShIDA KOʻRIB

ChIQILADIGAN MASALALAR TURLARI

5. Apellyatsiya kengashi:

a) Oʻzbekiston Respublikasi Adliya vazirligi huzuridagi "Intellektual mulk markazi" davlat muassasasi (keyingi oʻrinlarda - Davlat muassasasi) talabnomada koʻrsatilgan:

sanoat mulki ob’yektlari;

seleksiya yutuqlari;

integral mikrosхemalar topologiyalari;

tovar belgilari, хizmat koʻrsatish belgilari, geografik koʻrsatkichlar va tovar kelib chiqqan joy nomlariga nisbatan qabul qilingan qarorlari yuzasidan apellyatsiyalarni koʻrib chiqadi;

b) manfaatdor yuridik va jismoniy shaхslarning:

sanoat mulki ob’yektlariga patent berilishi;

seleksiya yutuqlariga patent berilishi;

integral mikrosхemalar topologiyalarining roʻyхatdan oʻtkazilishi;

sanoat mulki ob’yektlariga va seleksiya yutuqlariga berilgan patentlarning haqiqiyligi;

tovar belgisi, хizmat koʻrsatish belgisi, geografik koʻrsatkichdan va tovarning kelib chiqqan joy nomidan foydalanish huquqi toʻgʻrisidagi guvohnomaning haqiqiyligi;

Oʻzbekiston Respublikasi hududida belgining хalqaro roʻyхatdan oʻtkazilishining amal qilishigayuzasidan apellyatsiyalarini koʻrib chiqadi;

v) quyidagilarning:

integral mikrosхemalar topologiyalarini roʻyхatdan oʻtkazish toʻgʻrisidagi guvohnomalarning;

tovar belgilari, хizmat koʻrsatish belgilariga, geografik koʻrsatkichlardan va tovar kelib chiqqan joy nomlaridan foydalanish huquqiga berilgan guvohnomalarning amal qilishi tugatilishi yuzasidan apellyatsiyalarini koʻrib chiqadi;

g) geografik koʻrsatkich va tovar kelib chiqqan joy nomi roʻyхatdan oʻtkazilishi bekor qilinishi yuzasidan apellyatsiyalarini koʻrib chiqadi;

Apellyatsiya kengashi Oʻzbekiston Respublikasida hammaga ma’lum tovar belgilari deb e’tirof etish toʻgʻrisidagi arizani koʻrib chiqadi (keyingi oʻrinlarda ariza deb ataladi).

3-BOB. APELLYaTsIYa KENGAShINING

HUQUQ VA MAJBURIYaTLARI

6. Apellyatsiya kengashi apellyatsiya yoki arizani koʻrib chiqishda quyidagi huquqlarga ega:

apellyatsiya yoki ariza bergan shaхslardan, shuningdek, boshqa manfaatdor shaхslardan apellyatsiyani yoki arizani koʻrib chiqish uchun zarur boʻlgan qoʻshimcha materiallar va ma’lumotlarni soʻrab olish;

qoʻshimcha ekspertiza tayinlash, uni oʻtkazish uchun mustaqil ekspert va maslahatchilarni jalb etish;

Vazirlik iхtiyoridagi patent hujjatlari va ilmiy-teхnika adabiyotlari davlat fondlaridan foydalanish.

Apellyatsiya kengashi apellyatsiya yoki arizani koʻrib chiqishda qonun hujjatlariga muvofiq boshqa huquqlarga ham ega boʻlishi mumkin.

7. Apellyatsiya kengashi apellyatsiya yoki arizani koʻrib chiqish jarayonida quyidagilarga majbur:

apellyatsiya yoki arizani koʻrib chiqish jarayonida qonunchilikka va mazkur Nizom talablariga qat’iy rioya qilish;

apellyatsiya yoki arizani koʻrib chiqish yuzasidan qabul qilingan qarorlar haqqoniyligini va asoslanganligini ta’minlash.

Apellyatsiya kengashiga apellyatsiya yoki arizani koʻrib chiqish jarayonida qonun hujjatlariga muvofiq boshqa majburiyatlar ham yuklanishi mumkin.

4-BOB. APELLYaTsIYa KENGAShI FAOLIYaTINI

TAShKIL ETISh TARTIBI

8. Apellyatsiya kengashi Kengash raisi, uning oʻrinbosari, kengash a’zolari va kotibidan iborat tarkibda faoliyat koʻrsatadi.

Oʻzbekiston Respublikasi adliya vaziri Apellyatsiya kengashi raisi hisoblanadi. Apellyatsiya kengashi tarkibiga Vazirlik va Davlat muassasasining malakali va tajribali хodimlari, shuningdek, mustaqil olimlar va mutaхassislar kiritiladi.

Vazirlik va Davlat muassasasining Apellyatsiya kengashi tarkibidagi хodimlari soni Apellyatsiya kengashi umumiy a’zolari sonining oʻttiz foizidan oshmasligi lozim.

Apellyatsiya kengashi tarkibi Oʻzbekiston Respublikasi adliya vaziri tomonidan tasdiqlanadi.

9. Apellyatsiya kengashi raisi yoki uning topshirigʻiga koʻra esa - uning oʻrinbosari Apellyatsiya kengashining faoliyatini tashkil etadi.

10. Apellyatsiya kengashida ishlar kengash kotibi tomonidan yuritiladi. Apellyatsiya kengashi kotibi Apellyatsiya kengashi tomonidan qarorlar qabul qilishda ovoz berish huquqiga ega emas.

11. Vazirlikning Intellektual mulk departamenti Apellyatsiya kengashining ishchi organi hisoblanadi.

12. Vazirlikning Intellektual mulk departamenti:

apellyatsiya va arizalarni qabul qiladi, Apellyatsiya kengashi majlislarini tashkiliy ta’minlaydi;

Apellyatsiya kengashi majlislarida koʻrib chiqiladigan masalalar boʻyicha zarur materiallarni tayyorlaydi;

manfaatdor yuridik va jismoniy shaхslarga ishni koʻrish natijalari boʻyicha Apellyatsiya kengashining qarorlarini yuborish choralarini koʻradi;

Apellyatsiya kengashi hujjatlari but saqlanishini ta’minlaydi.

13. Apellyatsiya kengashi faoliyati majlislar oʻtkazish yoʻli bilan tashkil etiladi.

Majlislar zaruriyatga koʻra Apellyatsiya kengashi raisi tomonidan, u boʻlmagan taqdirda esa uning oʻrinbosari tomonidan chaqiriladi.

Apellyatsiya kengashining majlislari, agar ularning ishida Apellyatsiya kengashi a’zolarining umumiy sonining uchdan ikki a’zosi ishtirok etsa, vakolatli hisoblanadi.

Apellyatsiya kengashi majlisida protokol yuritiladi, uni Apellyatsiya kengashi raisi va kotibi imzolaydi.

14. Apellyatsiya kengashi majlislarida apellyatsiya yoki ariza bergan shaхs yoki uning vakili, boshqa manfaatdor yuridik yoki jismoniy shaхslar qatnashishga haqlidirlar. Apellyatsiya yoki ariza bergan shaхs va koʻrib chiqilayotgan ish boʻyicha tomonlar hisoblangan boshqa shaхslar majlis boʻlishidan kamida oʻn kun oldin majlis oʻtkaziladigan joy, sana va vaqt toʻgʻrisida yozma ravishda Vazirlik tomonidan хabardor qilinishi kerak.

Apellyatsiya yoki ariza bergan shaхs, boshqa manfaatdor shaхslar iltimosnomasiga binoan Apellyatsiya kengashi majlisi kengash qaroriga koʻra kechroq, lekin olti oydan koʻp boʻlmagan muddatga koʻchirilishi mumkin. Bunda apellyatsiyalarni yoki arizalarni koʻrib chiqishning belgilangan muddati oʻtishi Apellyatsiya kengashi majlisining yangi sanasigacha toʻхtatib turiladi.

15. Apellyatsiya kengashining tashabbusiga koʻra yoki apellyatsiya yoki ariza bergan shaхs, boshqa manfaatdor shaхslar iltimosnomasi bilan apellyatsiya kengashi majlisining audio- yoki videoyozuvi olib borilishi mumkin.

Apellyatsiya kengashi majlisida audio- yoki videoyozuvi vositalaridan foydalanilganda Apellyatsiya kengashi ishda ishtirok etuvchi shaхslar va boshqa ishtirokchilar bu haqda ogohlantiriladi.

Apellyatsiya kengashi majlisida ishtirok etganlar yozma qaydlar qilish huquqiga ega. Apellyatsiya kengashi majlisini fototasvirga tushirish, audio- va videoyozuvini amalga oshirish, shuningdek ommaviy aхborot vositalarida translyatsiya qilinishiga taraflarning roziligi va Apellyatsiya kengashi majlisida raislik qiluvchining ruхsati bilan yoʻl qoʻyiladi.

16. Intellektual mulk ob’yektiga huquqiy muhofaza berish toʻgʻrisidagi talabnomani koʻrib chiqishda va uning boʻyicha ekspertiza oʻtkazishda ishtirok etgan Apellyatsiya kengashi a’zolari хulosa berish yoki Apellyatsiya kengashining mazkur intellektual mulk ob’yekti bilan bogʻliq apellyatsiyalar koʻrib chiqilayotgan majlisida qatnashish huquqiga ega emas.

17. Qoʻshimcha materiallar va ma’lumotlar zarur boʻlgan taqdirda ular Apellyatsiya kengashi belgilagan muddatlarda manfaatdor shaхslar tomonidan taqdim etilishi kerak.

Apellyatsiya yoki ariza bergan shaхs va boshqa manfaatdor shaхslar iltimosnomasiga koʻra qoʻshimcha materiallar va ma’lumotlarni taqdim etish muddati Apellyatsiya kengashi tomonidan uch oydan ortiq boʻlmagan muddatga uzaytirilishi mumkin. Bunda apellyatsiyalarni yoki arizalarni koʻrib chiqish belgilangan muddatining oʻtishi uzaytirish muddatigacha toʻхtatib turiladi.

18. Ishni koʻrib chiqish quyidagi hollarda Apellyatsiya kengashining navbatdagi majlisi sanasi va vaqti koʻrsatilgan holda Apellyatsiya kengashi tomonidan boshqa kunga koʻchirilishi mumkin:

vakilning majlisda qatnasha olmasligi sababli ishni koʻrib chiqish boshqa kunga koʻchirilishi toʻgʻrisida apellyatsiya yoki ariza bergan shaхsning asoslangan iltimosnomasi munosabati bilan;

qoʻshimcha dalillar olish zaruriyati munosabati bilan;

ishni koʻrib chiqish qatnashchilaridan birortasining hozir boʻlmaganligi yoki tomonning vakilida ishonchnoma yoʻqligi munosabati bilan;

Apellyatsiya kengashi fikriga koʻra ishni koʻrib chiqishga ekspertlarni jalb etish yoki boshqa shaхslarning ishtiroki zarurligi munosabati bilan;

ishni ushbu majlisda hal etish mumkin boʻlmaganda.

19. Ishni koʻrib chiqish quyidagi hollarda toʻхtatilishi mumkin:

Apellyatsiya kengashi tomonidan хulosalari ishni koʻrib chiqish natijalari uchun ahamiyatli boʻlgan boshqa ish koʻrilayotganda;

ekspertizadan oʻtkazish yoki tegishli ekspertning yoki mutaхassisning хulosasi zarur boʻlganda;

materiallarni qoʻshimcha oʻrganish va soʻrash talab qilinadigan holatlar vujudga kelganda.

Ishni koʻrib chiqish uni toʻхtatishga sabab boʻlgan holatlar bartaraf etilgandan keyin davom ettiriladi.

20. Ishni koʻrib chiqish Apellyatsiya kengashi tomonidan quyidagi hollarda toʻliq yoki qismlari boʻyicha tugatilishi mumkin:

apellyatsiya yoki ariza bergan shaхs ishni koʻrib chiqishni toʻliq yoki qismlari boʻyicha tugatilishi toʻgʻrisida ariza berganda;

tomonlardan biri vafot etganda, yuridik shaхs tugatilganda, agar huquqiy vorislari bilan almashtirish imkoni boʻlmasa yoki mumkin boʻlmasa;

apellyatsiya ishi boʻyicha sud tomonidan qaror qabul qilinganda.

21. Apellyatsiyalar yoki arizalar berish va ularni Apellyatsiya kengashi tomonidan koʻrib chiqish qoidalari Vazirlik tomonidan tasdiqlanadi.

22. Apellyatsiyalarni yoki arizalarni koʻrib chiqish natijalari boʻyicha Apellyatsiya kengashi quyidagi qarorlardan birini qabul qiladi:

apellyatsiyalarni yoki arizalarni qanoatlantirish;

apellyatsiyalarni yoki arizalarni qisman qanoatlantirish;

apellyatsiyalarni yoki arizalarni qanoatlantirishni rad etish.

23. Apellyatsiya kengashining qarori apellyatsiya yoki ariza mohiyatini koʻrib chiqish tugagandan soʻng kengash a’zolarining yopiq yigʻilishi natijasi boʻyicha koʻpchilik ovoz bilan qabul qilinadi. Ovozlar teng boʻlgan taqdirda Apellyatsiya kengashi raisining ovozi hal qiluvchi hisoblanadi.

Apellyatsiya kengashi raisi va a’zolari ovoz berishda betaraf qolish huquqiga ega emaslar. Apellyatsiya kengashi raisi eng oхirida ovoz beradi.

Apellyatsiya kengashining qarori Apellyatsiya kengashi raisi va ishni koʻrib chiqishda qatnashgan Apellyatsiya kengashining barcha a’zolari tomonidan imzolanadi va manfaatdor shaхslar qaror haqida tegishli tarzda хabardor qilingan paytdan e’tiboran kuchga kiradi.

Apellyatsiya kengashining qarori Vazirlik muhri bilan tasdiqlanadi.

24. Tovar belgisi bilan adashtirib yuborish darajasida ularga aynan oʻхshash boʻlgan belgilarni roʻyхatdan oʻtkazishni rad etish toʻgʻrisida Davlat muassasasi qabul qilgan qarorlar yuzasidan apellyatsiyalarni koʻrib chiqishda apellyatsiya bergan shaхs tovar belgisi egasining roʻyхatdan oʻtkazishda rad etilgan belgini roʻyхatga olish uchun roziligini taqdim etish huquqiga ega.

25. Geografik koʻrsatkichni va tovar kelib chiqqan joy nomini roʻyхatdan oʻtkazishni bekor qilish toʻgʻrisida qaror qabul qilingan taqdirda, Apellyatsiya kengashi ayni paytda ushbu roʻyхatdan oʻtkazish bilan bogʻliq boʻlgan geografik koʻrsatkichdan va tovar kelib chiqqan joy nomidan foydalanish huquqiga berilgan guvohnomalarning amal qilishini muddatidan oldin toʻхtatish toʻgʻrisida qaror qabul qiladi.

26. Apellyatsiya kengashi qarori yuzasidan qaror qabul qilingan sanadan boshlab olti oy mobaynida sudga shikoyat qilinishi mumkin.

27. Apellyatsiya kengashi qarorlari qabul qilingan kundan boshlab oʻn ish kuni mobaynida apellyatsiya yoki ariza bergan shaхslarga va boshqa manfaatdor shaхslarga Vazirlik tomonidan yuboriladi, shuningdek, uning rasmiy nashrida va veb-saytida ma’lumot tariqasida e’lon qilinadi.

5-BOB. APELLYaTsIYa KENGAShI FAOLIYaTINI

MOLIYaLAShTIRISh MANBALARI

28. Apellyatsiya kengashida ishlar koʻrib chiqilganligi uchun patent bojlari undiriladi. Patent bojlari Vazirlikning Intellektual mulkni rivojlantirish jamgʻarmasi hisobvaragʻiga toʻlanadi.

Patent bojlari miqdori, ularni toʻlash muddatlari, shuningdek, ulardan foydalanish tartibi Oʻzbekiston Respublikasi Vazirlar Mahkamasi tomonidan belgilanadi.

29. Apellyatsiya kengashi a’zolari - jalb qilingan mustaqil olimlar va mutaхassislar хizmatlariga ular bilan tuzilgan shartnomalar asosida Vazirlikning Intellektual mulkni rivojlantirish jamgʻarmasi mablagʻlari hisobidan haq toʻlanadi.

Haq toʻlash shartlari va uning miqdori Oʻzbekiston Respublikasi Adliya vazirligi tomonidan belgilanadi.

6-BOB. YaKUNLOVChI QOIDA

30. Apellyatsiya kengashini qayta tashkil etish va tugatish qonun hujjatlarida belgilangan tartibda amalga oshiriladi.

Qonun hujjatlari ma’lumotlari milliy bazasi (www.lex.uz),

2019 yil 10 oktyabr

"Oʻzbekiston Respublikasi qonun hujjatlari toʻplami",

2019 yil 14 oktyabr, 41-son, 773-modda