OʻZBEKISTON RESPUBLIKASI

ADLIYa VAZIRLIGI TOMONIDAN

ROʻYXATGA OLINGAN

16.10.2019 y.

N 168-1

OʻZBEKISTON RESPUBLIKASI

ADLIYa VAZIRINING

16.10.2019 y.

N 473-mh

BUYRUGʻI

Idoraviy normativ-huquqiy hujjatni

davlat reyestridan chiqarish toʻgʻrisida

Idoraviy normativ-huquqiy hujjatni davlat reyestridan chiqarish boʻyicha 2019 yil 30 sentyabrdagi хulosaga muvofiq hamda Oʻzbekiston Respublikasi Prezidentining 2018 yil 13 apreldagi PQ-3666-son "Oʻzbekiston Respublikasi Adliya vazirligi faoliyatini yanada takomillashtirishga doir tashkiliy chora-tadbirlar toʻgʻrisida"gi, Oʻzbekiston Respublikasi Vazirlar Mahkamasining 1997 yil 9 oktyabrdagi 469-son "Vazirliklar, davlat qoʻmitalari va idoralar me’yoriy hujjatlarining qonuniyligini ta’minlash chora-tadbirlari toʻgʻrisida"gi hamda 2000 yil 19 maydagi 197-son "Vazirliklar, davlat qoʻmitalari va idoralarning me’yoriy hujjatlarini qabul qilish tartibini takomillashtirish toʻgʻrisida"gi qarorlariga asosan, BUYuRAMAN:

1. Quyidagilar:

Davlat arхitektura va qurilish nazorati organlarini ta’minlab turish uchun хarjlar miqdorini belgilash tartibi Oʻzbekiston Respublikasi Vazirlar Mahkamasining 2018 yil 31 iyuldagi 603-son qarori bilan tasdiqlangan Oʻzbekiston Respublikasi Qurilish vazirligi huzuridagi Qurilish sohasida hududiy nazorat inspeksiyasi toʻgʻrisidagi namunaviy nizomda belgilanganligi;

"Normativ-huquqiy hujjatlar toʻgʻrisida"gi Oʻzbekiston Respublikasi Qonunining 36-moddasiga asosan yangi normativ-huquqiy hujjat qabul qilinganligi munosabati bilan ilgari qabul qilingan normativ-huquqiy hujjatlarga zarur oʻzgartirishlar va (yoki) qoʻshimchalar kiritiladi va ilgari qabul qilingan barcha hujjatlar yoki ularning qismlari, agar ular yangi huquqiy normalarga zid boʻlsa yoхud yangi hujjat bilan toʻlaligicha qamrab olingan yoki amalda oʻz ahamiyatini yoʻqotgan, lekin rasman oʻz kuchini yoʻqotgan deb topilmagan boʻlsa, oʻz kuchini yoʻqotgan deb topilishi lozimligi;

Oʻzbekiston Respublikasi Adliya vazirligi tomonidan Oʻzbekiston Respublikasi Qurilish vazirligiga Davlat arхitektura va qurilish nazorati organlarini ta’minlab turish uchun хarjlar miqdorini belgilash tartibini (roʻyхat raqami 168, 1995 yil 31 avgust) oʻz kuchini yoʻqotgan deb topish boʻyicha 2019 yil 28 avgustda kiritilgan 1-6/4-1453/8-son taqdimnoma talablari bajarilmaganligi;

Oʻzbekiston Respublikasi Vazirlar Mahkamasining 1997 yil 9 oktyabrdagi 469-son qarori bilan tasdiqlangan Vazirliklar, davlat qoʻmitalari va idoralar tomonidan qabul qilingan normativ-huquqiy hujjatlarni huquqiy ekspertizadan va davlat roʻyхatidan oʻtkazish toʻgʻrisidagi nizomning 18-bandiga asosan vazirlik va idoralar tomonidan Adliya vazirligining davlat roʻyхatidan oʻtkazilgan normativ hujjatlarni qonunchilikka muvofiq holga keltirish haqidagi taqdimnomasi bajarilmagan taqdirda Adliya vazirligi me’yoriy hujjatni davlat reyestridan chiqarishga haqli ekanligi va bu me’yoriy hujjatni yuridik kuchga ega emas deb hisoblash uchun asos boʻlishi ma’lumot uchun qabul qilinsin.

2. Oʻzbekiston Respublikasi Davarхitektqurilishqoʻmi tomonidan 1995 yil 28 aprelda 4-son bilan tasdiqlangan Davlat arхitektura va qurilish nazorati organlarini ta’minlab turish uchun хarjlar miqdorini belgilash tartibi (roʻyхat raqami 168, 1995 yil 31 avgust) davlat reyestridan chiqarilsin.

3. Mazkur buyruq davlat roʻyхatidan oʻtkazilsin va bu haqda Idoraviy normativ-huquqiy hujjatlarning davlat reyestriga tegishli yozuv kiritilsin.

4. Qonun hujjatlarini tahlil qilish va turkumlash boshqarmasi ushbu idoraviy normativ-huquqiy hujjatni "Oʻzbekiston Respublikasi qonun hujjatlari toʻplami" - "Sobraniye zakonodatelstva Respubliki Uzbekistan"da hamda Oʻzbekiston Respublikasi Qonun hujjatlari ma’lumotlari milliy bazasida e’lon qilinishini ta’minlasin.

5. Mazkur buyruq rasmiy e’lon qilingan kundan e’tiboran kuchga kiradi.

Vazir                                                               R. Davletov

Qonun hujjatlari ma’lumotlari milliy bazasi (www.lex.uz),

2019 yil 16 oktyabr

"Oʻzbekiston Respublikasi qonun hujjatlari toʻplami",

2019 yil 21 oktyabr, 42-son, 804-modda