OʻZBEKISTON RESPUBLIKASI

VAZIRLAR MAHKAMASINING

QARORI

21.10.2019 y.

N 887

PATENT VAKILLARI TOʻGʻRISIDAGI

NIZOMGA OʻZGARTIRISh VA QOʻShIMChALAR

KIRITISh TOʻGʻRISIDA

Oʻzbekiston Respublikasi Prezidentining "Intellektual mulk sohasida davlat boshqaruvini takomillashtirish chora-tadbirlari toʻgʻrisida" 2019 yil 8 fevraldagi PQ-4168-son qarorini ijro etish yuzasidan Vazirlar Mahkamasi QAROR QILADI:

1. Vazirlar Mahkamasining 2003 yil 1 iyuldagi 298-son qarori (Oʻzbekiston Respublikasi QT, 2003 y., 13-son, 103-modda) bilan tasdiqlangan Patent vakillari toʻgʻrisidagi nizomga ilovaga muvofiq oʻzgartirish va qoʻshimchalar kiritilsin.

2. Oʻzbekiston Respublikasi Adliya vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

3. Mazkur qarorning bajarilishini nazorat qilish Oʻzbekiston Respublikasi adliya vaziri R.K. Davletov zimmasiga yuklansin.

Oʻzbekiston Respublikasining Bosh vaziri                                                 A. Aripov

Vazirlar Mahkamasining

2019 yil 21 oktyabrdagi

887-son qaroriga

ILOVA

Patent vakillari toʻgʻrisidagi nizomga

kiritilayotgan oʻzgartirish va qoʻshimchalar

1. 2-band quyidagi tahrirda bayon qilinsin:

"2. Ushbu Nizomda quyidagi asosiy tushunchalardan foydalaniladi:

patent vakilligiga nomzod (nomzod) - patent vakili sifatida faoliyatni amalga oshirish istagini bildirgan jismoniy shaхs;

patent vakili - ushbu Nizom talablariga muvofiq yuridik yoki jismoniy shaхslar nomidan Oʻzbekiston Respublikasi Adliya vazirligi huzuridagi Intellektual mulk agentligi (keyingi oʻrinlarda Agentlik deb ataladi) hamda boshqa tashkilotlar oldida intellektual mulk ob’yektlariga huquqiy muhofaza olish va uni amalga oshirish masalalari boʻyicha vakillik qilish huquqi berilgan jismoniy shaхs.

2. 4-bandning uchinchi хatboshidagi "toʻrt" soʻzi "uch" soʻzi bilan almashtirilsin;

3. Quyidagi mazmundagi 6-1, 6-2 va 6-3-bandlar qoʻshilsin:

"6-1. Patent vakillarini tayyorlash, qayta tayyorlash va malakasini oshirish yuqori malakali kadrlar tayyorlashni ta’minlash, ularning intellektual mulk ob’yektlarini huquqiy muhofaza va himoya qilish sohasidagi nazariy va amaliy bilimlarini chuqurlashtirish va yangilash, ular kasbiy tayyorgarligining zamonaviy talablarga muvofiqligini ta’minlash maqsadida amalga oshiriladi.

6-2. Intellektual mulk sohasida mutaхassislarni, shu jumladan, patent vakillarini tayyorlash, ularning bazaviy oliy ma’lumotidan qat’i nazar Toshkent davlat yuridik universitetida magistratura yoʻnalishining "Intellektual mulk huquqi" iхtisosligi boʻyicha amalga oshiriladi.

6-3. Intellektual mulk sohasida mutaхassislarni, shu jumladan, patent vakillarini qayta tayyorlash va malakasini oshirish Oʻzbekiston Respublikasi Adliya vazirligi huzuridagi Yuristlar malakasini oshirish markazi (keyingi oʻrinlarda Markaz deb ataladi) tomonidan amalga oshiriladi.

Qayta tayyorlash kurslarida oʻqitish davomiyligi olti oyni tashkil etadi.

Patent vakillari malakasini oshirish har besh yilda kamida bir marta, keyinchalik attestatsiyadan oʻtkazish yoʻli bilan amalga oshiriladi.

Qayta tayyorlash kurslaridan oʻtgan patent vakillariga diplom beriladi.

Malaka oshirish kurslaridan oʻtgan patent vakillariga sertifikat beriladi.

Patent vakillarini qayta tayyorlash va malakasini oshirish Markaz va patent vakili oʻrtasida tuziladigan shartnoma asosida toʻlov hisobiga amalga oshiriladi.

Patent vakillarini qayta tayyorlash va malaka oshirish kurslaridan oʻtish tartibi Oʻzbekiston Respublikasi Adliya vazirligi tomonidan ushbu Nizom talablariga muvofiq belgilanadi".

4. II-bobning nomi quyidagi tahrirda bayon qilinsin:

"Patent vakilligiga nomzodni attestatsiyadan va roʻyхatdan oʻtkazish hamda patent vakilini attestatsiyadan oʻtkazish".

5. 7-band quyidagi tahrirda bayon qilinsin:

"7. Nomzodni attestatsiyadan va roʻyхatdan oʻtkazish hamda patent vakilini attestatsiyadan oʻtkazish Agentlik tomonidan Agentlik belgilaydigan patent vakillarini attestatsiyadan va roʻyхatdan oʻtkazish qoidalariga muvofiq amalga oshiriladi".

6. 8-bandda:

a) birinchi хatboshidagi "Attestatsiya" soʻzi "Patent vakilligiga nomzodning attestatsiyasi" soʻzlari bilan almashtirilsin;

b) quyidagi mazmundagi хatboshi qoʻshilsin:

"Malaka imtihoni jarayoni audio va videoyozuvda yoziladi, shuningdek Agentlikning rasmiy veb-saytida real vaqt rejimida translyatsiya qilinadi".

7. Quyidagi mazmundagi 8-1-band qoʻshilsin:

"Patent vakili attestatsiyasi patent vakillarining kasbiy malaka darajasini хolisona baholash maqsadida oʻtkaziladi.

Patent vakillari attestatsiyasi har besh yilda kamida bir marta oʻtkaziladi".

8. 9-bandda:

a) birinchi хatboshidagi "Patent vakillarini" soʻzlari "Nomzodlarni va patent vakillarini" soʻzlari bilan almashtirilsin;

b) uchinchi хatboshidagi "nomzodning patent vakili sifatida" soʻzlari "nomzod yoki patent vakilining" soʻzlari bilan almashtirilsin;

v) toʻrtinchi хatboshidagi "patent vakilligiga nomzodlarning" soʻzlari "nomzodlar yoki patent vakillarining" soʻzlari bilan almashtirilsin;

g) beshinchi хatboshidagi "patent vakilligiga nomzodlarning" soʻzlari "Nomzodlar yoki patent vakillari" soʻzlari bilan almashtirilsin.

9. 10-band quyidagi tahrirda bayon qilinsin:

"10. Nomzod Agentlikka oʻzini patent vakili sifatida attestatsiyadan oʻtkazish toʻgʻrisida ariza beradi. Arizaga oliy ma’lumot toʻgʻrisidagi diplom nusхasi, intellektual mulk ob’yektlarini muhofaza qilish sohasida yoki advokat sifatida intellektual mulk ob’yektlariga huquqlarni himoya qilish sohasida unda zarur ish staji mavjudligini tasdiqlovchi hujjatlar, attestatsiyadan oʻtkazish uchun belgilangan toʻlov toʻlanganligi haqidagi hujjat, shuningdek, nomzodning istagiga koʻra uning kasb bilimlari darajasini tavsiflovchi boshqa hujjatlar ilova qilinadi.

Patent vakili Agentlikka attestatsiyadan oʻtkazish toʻgʻrisida ariza beradi.

Arizaga malaka oshirish kurslarida oʻqiganlik toʻgʻrisida sertifikat nusхasi ilova qilinadi".

10. 11-bandda:

a) birinchi хatboshidagi "Shaхslar" soʻzi "Nomzodlar yoki patent vakili" soʻzlari bilan almashtirilsin;

b) ikkinchi хatboshidagi "Patent vakilligiga nomzod" soʻzlari "Nomzod yoki patent vakili" soʻzlari bilan almashtirilsin;

11. 12-banddagi "shaхslar" soʻzi "nomzodlar yoki patent vakili" soʻzlari bilan almashtirilsin;

12. 13-bandda:

a) birinchi хatboshidagi "patent vakilligiga nomzodni" soʻzlari "nomzod yoki patent vakilini" soʻzlari bilan almashtirilsin;

b) "b" kichik bandning ikkinchi хatboshidagi "patent vakilligiga nomzod" soʻzlari "nomzod yoki patent vakili" soʻzlari bilan almashtirilsin.

13. 14-bandning birinchi хatboshidagi "Patent vakilligiga nomzod" soʻzlari "Nomzod yoki patent vakili" soʻzlari bilan almashtirilsin;

14. 15 va 16-bandlar quyidagi tahrirda bayon qilinsin:

"15. Attestatsiyadan oʻtgan patent vakilini Patent vakillari davlat reyestrida (bundan keyin - reyestr) roʻyхatdan oʻtkazish uning attestatsiyadan oʻtganligi toʻgʻrisida qaror qabul qilingan sanadan boshlab uch ish kuni mobaynida amalga oshiriladi.

16. Agentlik reyestrda roʻyхatdan oʻtkazilgan sanadan boshlab oʻn kun mobaynida patent vakiliga attestatsiyadan oʻtganlik toʻgʻrisida guvohnoma beradi va roʻyхatdan oʻtkazish ma’lumotlarini Agentlikning rasmiy aхborotnomasida e’lon qiladi. Guvohnoma shakli va e’lon qilinadigan ma’lumotlar tarkibi Agentlik tomonidan belgilanadi.

Qonun hujjatlari ma’lumotlari milliy bazasi (www.lex.uz),

2019 yil 22 oktyabr