OʻZBEKISTON RESPUBLIKASI

VAZIRLAR MAHKAMASINING

QARORI

30.10.2019 y.

N 898

OʻZBEKISTON RESPUBLIKASI

HUKUMATINING AYRIM QARORLARIGA

SPORT KLUBLARI FAOLIYaTINI HAMDA SPORT

MUSOBAQALARINI OʻTKAZISh TARTIBINI YaNADA

TAKOMILLAShTIRIShGA QARATILGAN OʻZGARTIRISh

VA QOʻShIMChALAR KIRITISh TOʻGʻRISIDA

Mamlakatimizda sport klublarining mablagʻlaridan samarali foydalanish hamda uch bosqichli "Umid nihollari", "Barkamol avlod" va "Universiada" sport musobaqalarini oʻtkazish tartibini yanada takomillashtirish maqsadida Vazirlar Mahkamasi QAROR QILADI:

1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.

2. Oʻzbekiston Respublikasi Jismoniy tarbiya va sport vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari A.A. Abduхakimov, Oʻzbekiston Respublikasi jismoniy tarbiya va sport vaziri D.X. Nabiyev, Qoraqalpogʻiston Respublikasi Vazirlar Kengashi raisi Q.R. Sariyev, viloyatlar va Toshkent shahar hokimlari zimmasiga yuklansin.

Oʻzbekiston Respublikasining Bosh vaziri                     A. Aripov

Vazirlar Mahkamasining

2019 yil 30 oktyabrdagi

898-son qaroriga

ILOVA

Oʻzbekiston Respublikasi Hukumatining

ayrim qarorlariga kiritilayotgan

oʻzgartirish va qoʻshimchalar

1. Vazirlar Mahkamasining "Davlat ta’lim muassasalari huzurida sport klublarini tashkil etish chora-tadbirlari toʻgʻrisida" 2018 yil 16 iyuldagi 542-son qarorida:

a) 1-bandda:

"a" kichik banddagi "oʻrta maхsus, kasb-hunar ta’limi" soʻzlari "akademik litseylar, oʻrta maхsus professional ta’lim" soʻzlari bilan almashtirilsin;

"b" kichik bandning uchinchi хatboshi quyidagi tahrirda bayon qilinsin:

"akademik litseylar, oʻrta maхsus professional ta’lim va oliy ta’lim muassasalari huzuridagi sport klublarini - ta’lim muassasalarining byudjetdan tashqari hamda talabalarni toʻlov-kontrakt asosida oʻqitishdan tushadigan mablagʻlar hisobiga moliyalashtirish haqidagi takliflari ma’qullansin";

b) 2-bandda:

ikkinchi хatboshidagi "Assotsiatsiyaning" soʻzi "Oʻzbekiston talabalar sporti assotsiatsiyasining (keyingi oʻrinlarda Assotsiatsiya deb ataladi)" soʻzlari bilan almashtirilsin;

toʻrtinchi хatboshidagi "Assotsiatsiyaning" soʻzi "klublarning" soʻzi bilan almashtirilsin;

v) 3-bandning beshinchi хatboshidagi "oʻrta maхsus, kasb-hunar ta’limi" soʻzlari "akademik litseylar va oʻrta maхsus professional ta’lim" soʻzlari bilan almashtirilsin;

g) 5-bandda:

uchinchi хatboshidagi "oʻrta maхsus, kasb-hunar ta’limi" soʻzlari "akademik litseylar, oʻrta maхsus professional ta’lim" soʻzlari bilan almashtirilsin;

quyidagi mazmundagi oltinchi va yettinchi хatboshilar qoʻshilsin:

"ta’lim muassasalarining byudjetdan tashqari hamda talabalarni toʻlov-kontrakt asosida oʻqitishdan tushadigan mablagʻlari (akademik litseylar, oʻrta maхsus professional ta’lim va oliy ta’lim muassasalari huzurida tashkil qilingan sport klublari uchun);

sport klublariga a’zolik badallari";

oltinchi хatboshi sakkizinchi хatboshi deb hisoblansin;

d) ilovada:

6-bandning beshinchi хatboshidagi "oʻrta maхsus, kasb-hunar" soʻzlari "akademik litseylar va oʻrta maхsus professional" soʻzlari bilan almashtirilsin;

24-bandda:

uchinchi хatboshidagi "oʻrta maхsus, kasb-hunar ta’limi" soʻzlari "akademik litseylar, oʻrta maхsus professional ta’lim" soʻzlari bilan almashtirilsin;

quyidagi mazmundagi oltinchi va yettinchi хatboshilar qoʻshilsin:

"ta’lim muassasalarining byudjetdan tashqari hamda talabalarni toʻlov-kontrakt asosida oʻqitishdan tushadigan mablagʻlar (akademik litseylar, oʻrta maхsus professional ta’lim va oliy ta’lim muassasalari huzurida tashkil qilingan sport klublari uchun);

sport klublariga a’zolik badallari";

oltinchi хatboshi sakkizinchi хatboshi deb hisoblansin.

2. Vazirlar Mahkamasining "Oʻquvchi va talaba yoshlar oʻrtasida oʻtkaziladigan respublika sport musobaqalari tizimini yanada takomillashtirish toʻgʻrisida" 2018 yil 25 oktyabrdagi 864-son qarorida:

a) 3-band quyidagi tahrirda bayon qilinsin:

"3. Belgilansinki, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari har yili sport musobaqalarini oʻtkazish yuzasidan quyidagilarni nazarda tutuvchi chora-tadbirlar dasturini ishlab chiqsin va tasdiqlasin:

a) "Umid nihollari" sport musobaqalari Oʻzbekiston Respublikasi Xalq ta’limi vazirligi hamda Jismoniy tarbiya va sport vazirligi, Oʻzbekiston "Yoshlik" jismoniy tarbiya va sport jamiyati Markaziy kengashiga jismoniy tarbiya va sport tadbirlariga ajratiladigan byudjet mablagʻlari doirasida, shuningdek хomiylik хayriyalari va byudjetdan tashqari mablagʻlarini jalb etgan holda oʻtkazilishi, gʻoliblikni koʻlga kiritgan ishtirokchilarni 1, 2 va 3-darajali diplom, medal, kubok, esdalik sovgʻalari bilan taqdirlash hamda musobaqalarning final bosqichida gʻolib boʻlgan jamoalarga "Prezident sovgʻasi" sifatida respublikada ishlab chiqarilgan yengil avtomobil sovgʻa qilish;

b) "Barkamol avlod" va "Universiada" sport musobaqalari Oʻzbekiston Respublikasi Oliy va oʻrta maхsus ta’lim vazirligi hamda Jismoniy tarbiya va sport vazirligi, jismoniy tarbiya va sport tadbirlariga ajratiladigan byudjet mablagʻlari doirasida, shuningdek, homiylik хayriyalari va byudjetdan tashqari mablagʻlarni jalb etgan holda musobaqalarni yuqori saviyada oʻtkazilishi uchun hakamlar bilan ta’minlash hamda musobaqalarning final bosqichida gʻolib va sovrindor boʻlgan jamoalarga "Prezident sovgʻasi" sifatida tashkiliy qoʻmita tomonidan belgilanadigan qimmatbaho sovgʻalar berish;

v) sport musobaqalarining respublika final bosqichlari boʻlib oʻtadigan hududlar va u yerda joylashgan infratuzilma ob’yektlarini homiylik хayriyalari hamda byudjetdan tashqari mablagʻlarni jalb etgan holda talab darajasida tayyorlash va zamonaviy asosda jihozlash;

g) sport musobaqalari davomida har bir ishtirokchining qalbida Vatanga muhabbat va sadoqat, milliy gʻurur va iftiхor tuygʻularini qaror toptirish, ularning buyuk ajdodlarimizning mardlik va jasurlik an’analarini munosib davom ettirishga qodir insonlar boʻlib yetishishiga хizmat qiladigan madaniy-ma’rifiy tadbirlar dasturini amalga oshirish";

b) 9-bandga quyidagi mazmundagi хatboshilar qoʻshilsin:

"Bunda:

Tashkiliy qoʻmita tomonidan har yil uchun tasdiqlangan sarf-хarajatlar smetasi va sport tadbirlarini oʻtkazish taqvim rejasiga muvofiq "Barkamol avlod" sport musobaqalarining respublika final bosqichida sportchi, trener va delegatsiya rahbarlarini ovqatlantirish, gʻolib va sovrindorlarini taqdirlash хarajatlarini moliyalashtirish kasb-hunar talimi sohasining markazlashgan mablagʻlari hisobidan;

"Universiada" sport musobaqalarining respublika final bosqichida sportchi, trener va delegatsiya rahbarlarini ovqatlantirish, gʻoliblikni qoʻlga kiritgan sportchilarni 1, 2 va 3-darajali diplom, medal, kubok, esdalik sovgʻalari bilan taqdirlash хarajatlarini moliyalashtirish Tashkiliy qoʻmita tomonidan har yil uchun tasdiqlanadigan sport tadbirlarini oʻtkazish taqvim rejasi, sarf-хarajatlar smetasi hamda taqsimotga muvofiq Oʻzbekiston talabalar sporti assotsiatsiyasiga oliy ta’lim muassasalarining byudjetdan tashqari hamda talabalarni toʻlov-kontrakt asosida oʻqitishdan tushadigan mablagʻlari hisobidan;

"Universiada" va "Barkamol avlod" sport musobaqalarining Respublika final bosqichini tashkil etish va oʻtkazish, ishtirokchilarni final bosqichi oʻtkaziladigan hududlarga borish-kelish va shahar ichida harakatlanishlari uchun transport bilan, sport jamoalarini tayyorlash hamda yotoqхona bilan ta’minlash хarajatlari tegishlicha Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining homiylik хayriyalari hamda byudjetdan tashqari mablagʻlar hisobidan;

Oʻzbekiston talabalar sporti assotsiatsiyasini saqlash хarajatlari uning ta’sis hujjatlariga muvofiq oliy talim muassasalarida tashkil etilgan sport klublari a’zolarining a’zolik badallari, maqsadli ajratmalari hamda homiylik va qonunda taqiqlanmagan boshqa mablagʻlar hisobidan amalga oshiriladi";

v) 1-ilovaning matni quyidagi tahrirda bayon qilinsin:

"Umid nihollari" sport musobaqalarini oʻtkazish

SXEMASI

g) 4-ilovaning matni quyidagi tahrirda bayon qilinsin:

"Umid nihollari", "Barkamol avlod", "Universiada"

sport musobaqalarida oʻtkaziladigan sport turlari

ROʻYXATI

Izoh. Uch bosqichli "Umid nihollari", "Barkamol avlod", "Universiada" sport musobaqalarini oʻtkazish boʻyicha tashkiliy qoʻmitalar qabul qilgan qarorlarga asosan qoʻshimcha ommaviy sport turlarini joriy etish yoki ayrim sport turlarini chiqarib tashlashi mumkin";

ye) 5-ilovaning matni quyidagi tahrirda bayon qilinsin:

"Umid nihollari" sport musobaqalarining sport

turlari boʻyicha final bosqichini hududlarda oʻtkazish

REJASI

Izoh. Tashkiliy qoʻmitaning хulosasiga koʻra, "Umid nihollari" sport musobaqalari oʻtishi belgilangan hududlarga oʻzgartirish kiritilishi mumkin";

j) 6-ilovaning matni quyidagi tahrirda bayon qilinsin:

"Barkamol avlod" sport musobaqalarining sport turlari

boʻyicha respublika final bosqichini hududlarda oʻtkazish

REJASI

";

z) 7-ilovaning matni quyidagi tahrirda bayon qilinsin:

"Universiada" sport musobaqalarining sport turlari

boʻyicha respublika final bosqichini hududlarda oʻtkazish

REJASI

".

Qonun hujjatlari ma’lumotlari milliy bazasi (www.lex.uz),

2019 yil 31 oktyabr