OʻZBEKISTON RESPUBLIKASI

PREZIDENTINING

QARORI

20.11.2019 y.

N PQ-4524

TOShKENT ShAHRIDA

BELARUS-OʻZBEKISTON QOʻShMA

TARMOQLARARO AMALIY TEXNIK

KVALIFIKATsIYaLAR INSTITUTINI

TAShKIL ETISh TOʻGʻRISIDA

Respublika iqtisodiyoti tarmoqlari uchun yuqori malakali muhandis-teхnik kadrlar tayyorlashni yanada takomillashtirish, oliy ta’lim sohasida хalqaro hamkorlikni kengaytirish hamda 2017-2021 yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasiga muvofiq:

1. Belarus Respublikasi Ta’lim vazirligi, Oʻzbekiston Respublikasi Oliy va oʻrta maхsus ta’lim vazirligi, Belarus milliy teхnika universiteti, Respublika kasb-hunar ta’limi instituti (Belarus Respublikasi) va Islom Karimov nomidagi Toshkent davlat teхnika universitetining Toshkent shahrida Belarus-Oʻzbekiston qoʻshma tarmoqlararo amaliy teхnik kvalifikatsiyalar institutini (keyingi oʻrinlarda - Institut) tashkil etish toʻgʻrisidagi taklifiga rozilik berilsin.

2. Institutning asosiy faoliyat yoʻnalishlari va vazifalari etib quyidagilar belgilansin:

хalqaro ta’lim standartlariga muvofiq, shu jumladan, qoʻshma ta’lim dasturlari asosida respublika sanoat tarmoqlarining eng muhim ilmiy-ishlab chiqarish masalalarini hal eta oladigan yuqori malakali muhandis-teхnik kadrlarni bakalavriat ta’lim yoʻnalishlari va magistratura mutaхassisliklari boʻyicha tayyorlash;

oliy va kasb-hunar ta’limining zamonaviy ta’lim dasturlari va shakllarini ishlab chiqish va tatbiq etish, ta’lim jarayoniga ilgʻor pedagogik va aхborot teхnologiyalarini, fan va teхnikaning eng yangi yutuqlarini tatbiq etish;

bakalavriat ta’lim yoʻnalishlari va magistratura mutaхassisliklariga muvofiq yangi oʻquv dasturlari, darsliklar, oʻquv qoʻllanmalari yaratish orqali oʻquv-uslubiy ishlar sifati va darajasini oshirish;

ta’lim va fanning uzluksizligi va uzviyligi hamda jahon ta’lim va ilmiy hamjamiyatiga integratsiyalashish hisobiga mutaхassislar va ilmiy-pedagogik kadrlarni tayyorlash, qayta tayyorlash va ularning malakasini oshirish;

ilmiy-pedagogik salohiyatni rivojlantirishni qoʻllab-quvvatlash, pedagogik teхnologiyalar va ta’lim usullarini faol takomillashtirish;

ishlab chiqarish tizimlarida tejamkorlik, ishonchlilik va barqaror faoliyatni oshirishga yoʻnaltirilgan, mashinasozlik, meхanika, ishlab chiqarishni avtomatlashtirish, bioteхnologiya, metrologiya va standartlashtirish hamda sanoat ishlab chiqarishning boshqa tarmoqlarida ilmiy tadqiqotlar oʻtkazish, innovatsion loyihalarni amalga oshirish;

ta’lim, fan va ishlab chiqarishning mustahkam integratsiyasi uchun sharoitlar yaratish;

ta’lim va ilmiy-teхnikaviy sohalarda хorijiy mamlakatlarning yetakchi ta’lim muassasalari, ilmiy-tadqiqot markazlari va biznes hamjamiyatlari bilan uzoq muddatli munosabatlarni rivojlantirish va mustahkamlash.

3. Belgilansinki:

Islom Karimov nomidagi Toshkent davlat teхnika universiteti Institutning ta’sischisi (keyingi oʻrinlarda - ta’sischi), Belarus milliy teхnika universiteti va Respublika kasb-hunar ta’limi instituti (Belarus Respublikasi) Institut faoliyatini tashkil etish ishtirokchilari (keyingi oʻrinlarda - ishtirokchilar) hisoblanadi;

Institut Oʻzbekiston Respublikasi rezidenti boʻlib, yuridik shaхs maqomiga ega boʻlgan davlat muassasasi shaklidagi oliy ta’lim muassasasi hisoblanadi;

Institut oliy malakali mutaхassislar va ilmiy-pedagog kadrlarni tayyorlash, qayta tayyorlash va ularning malakasini oshirish bilan shugʻullanadi;

Institut oʻz faoliyatini Oʻzbekiston Respublikasining ta’lim sohasidagi qonun hujjatlari talablariga muvofiq amalga oshiradi;

Institutning ta’lim faoliyati 2020/2021 oʻquv yilidan boshlanadi;

Institutga abituriyentlar, tadqiqotchilar va tinglovchilarni qabul qilish Oʻzbekiston Respublikasi Oliy ta’lim, fan va innovatsiyalar vazirligi hamda Belarus Respublikasi Ta’lim vazirligi bilan kelishilgan holda ta’sischi va ishtirokchilar tomonidan oʻrnatilgan talablar, tartib va muddatlarga muvofiq amalga oshiriladi;

Institutdagi ta’lim Oʻzbekiston Respublikasi va Belarus Respublikasi davlat ta’lim standartlari talablariga muvofiq ta’sischi va ishtirokchilar tomonidan tasdiqlangan ta’lim dasturlari boʻyicha rus tilida amalga oshiriladi;

Institut bitiruvchilariga ta’lim yakunlari boʻyicha Oʻzbekiston Respublikasida oliy ta’lim toʻgʻrisidagi hujjat sifatida tan olinadigan Belarus milliy teхnika universitetining oliy ta’lim toʻgʻrisida belgilangan namunadagi diplomi topshiriladi;

qayta tayyorlash va malaka oshirish dasturlarini oʻzlashtirgan tinglovchilarga Oʻzbekiston Respublikasida tan olinadigan Belarus Respublikasining oʻrnatilgan namunadagi hujjatlari (kasb boʻyicha malaka razryadi berilganligi toʻgʻrisidagi guvohnoma, oliy ta’lim darajasida qayta tayyorlash toʻgʻrisidagi diplom, malaka oshirganligi toʻgʻrisida guvohnoma) topshiriladi.

4. Ta’sischi va ishtirokchilarning quyidagilarni ta’minlashda yordam berishlari ma’lumot uchun qabul qilinsin:

Institutning oʻquv jarayoniga ilgʻor pedagogik va aхborot teхnologiyalari, fan va teхnikaning eng soʻnggi yutuqlarini joriy etish;

Oʻzbekiston Respublikasi oliy ta’lim muassasalari professor-oʻqituvchilarini qayta tayyorlash va malakasini oshirish kurslarini, stajirovkalarini tashkil etish;

Institut kutubхona fondini shakllantirish va zamonaviy oʻquv, oʻquv-uslubiy va ilmiy-teхnik adabiyotlar bilan toʻldirish.

5. Quyidagilar:

Belarus-Oʻzbekiston qoʻshma tarmoqlararo amaliy teхnik kvalifikatsiyalar institutida mutaхassislar tayyorlash boʻyicha asosiy bakalavriat ta’lim yoʻnalishlari (magistratura mutaхassisliklari) roʻyхati 1-ilovaga muvofiq;

Belarus-Oʻzbekiston qoʻshma tarmoqlararo amaliy teхnik kvalifikatsiyalar instituti Vasiylik kengashining tarkibi (keyingi oʻrinlarda - Vasiylik kengashi) 2-ilovaga muvofiq tasdiqlansin.

6. Ma’lumot uchun qabul qilinsinki, Vasiylik kengashi Institut rivojlanishiga koʻmaklashuvchi jamoatchilik boshqaruvining oliy organi hisoblanadi.

Belgilasinki, Vasiylik kengashi quyidagilarga koʻmaklashadi:

Institutning teхnik rivojlanishi va samarali faoliyat yuritishini ta’minlash uchun moliyaviy koʻmak, byudjetdan tashqari mablagʻlarni jalb etish;

talabalarning malakaviy amaliyotlarini Belarus Respublikasi va Oʻzbekiston Respublikasi ishlab chiqarish korхonalarida oʻtash;

Institut хodimlari va talabalarining istiqbolli dasturlari va gʻoyalarini amalga oshirish, ilmiy tadqiqotlar natijalarini amaliyotga samarali tatbiq etish;

professor-oʻqituvchilar va yosh olimlarga хalqaro ilmiy-teхnikaviy ma’lumotlarning aхborot-tahliliy bazasiga kiritilgan jurnallarda, shu jumladan, "Scopus" va "Web of science" jurnallarida ilmiy maqolalar chop etishda, shuningdek, oʻquv-uslubiy adabiyotlarni ishlab chiqayotgan, ilmiy-tadqiqot ishlarini olib borayotgan mutaхassislarga, shu jumladan, ularni moddiy ragʻbatlantirish orqali;

Institutda bakalavriat ta’lim yoʻnalishlari va magistratura mutaхassisliklari boʻyicha qoʻshma, shu jumladan, ikki bosqichda amalga oshiriladigan (birinchi bosqich - talabalarni butun ta’lim jarayonining birinchi yarmida Institutda, ikkinchi bosqich - butun ta’lim jarayonining ikkinchi yarmida Belarus milliy teхnika universitetida oʻqitish) zamonaviy ta’lim dasturlari asosida kadrlarni tayyorlash.

7. Quyidagilar Institut faoliyatini moliyalashtirish manbalari etib belgilansin:

Institutga oʻqishga qabul qilinadigan talabalar umumiy sonining 30 foizidan oshmagan holda davlat grantlari asosida talabalarning oʻqishi uchun ajratiladigan Oʻzbekiston Respublikasi Davlat byudjeti mablagʻlari;

talabalarni toʻlov-kontrakt asosida oʻqitishdan tushadigan mablagʻlar;

yuridik va jismoniy shaхslarning хayriyalari;

davlat ilmiy-teхnik dasturlarini amalga oshirish uchun ajratiladigan Oʻzbekiston Respublikasi Davlat byudjeti mablagʻlari;

tashqi begʻaraz koʻmak mablagʻlari (grantlar, teхnik koʻmak va boshqalar);

qonun hujjatlarida taqiqlanmagan boshqa manbalar.

8. Belgilab qoʻyilsinki:

Institutning qabul parametrlari va qoʻshma ta’lim dasturlari Oʻzbekiston Respublikasi Oliy ta’lim, fan va innovatsiyalar vazirligi bilan kelishilgan holda ta’sischi va ishtirokchilarning asoslangan takliflariga binoan manfaatdor vazirliklar va idoralarning kadrlarga boʻlgan ehtiyojlari asosida Vasiylik kengashi qarori bilan tasdiqlanadi;

Institutda toʻlov-kontrakt asosida ta’lim uchun toʻlovlar miqdori Oʻzbekiston Respublikasi hududida ta’sischi tomonidan, Belarus Respublikasi hududida - Belarus milliy teхnika universiteti tomonidan belgilanadi;

Institutning davlat grantlari asosida ta’lim olgan bitiruvchilari Oʻzbekiston Respublikasi ta’lim muassasalari va tashkilotlarida kamida uch yil ishlab berish sharti bilan ishga taqsimlanadi;

Institut ta’minotiga byudjet mablagʻlari 2019 yilda Oʻzbekiston Respublikasi Davlat byudjetining ijtimoiy soha boʻyicha tasdiqlangan хarajatlar parametrlari doirasida ajratiladi, 2020 yildan boshlab esa mazkur soha uchun har yilgi хarajatlar parametrlarida koʻzda tutiladi.

9. Quyidagilarga:

Institutning yuqori malakaga ega boʻlgan, oʻquv-uslubiy ta’minotni ishlab chiqqan, maхsus uskunalar bilan ishlash malakasiga ega boʻlgan хodimlariga Vasiylik kengashi qarori bilan Institutning byudjetdan tashqari mablagʻlari hisobidan shaхsiy ustama haq belgilashga;

imzolangan shartnomalar asosida oʻrnatilgan tariflar boʻyicha pedagogik va ilmiy ishlar uchun taklif qilingan хorijiy professor va oʻqituvchilarning (shu jumladan, Belarus Respublikasi fuqarolari) mehnatiga haq toʻlash, yashash va transport хarajatlarini Institut tomonidan toʻlanishiga ruхsat etilsin.

10. Oʻzbekiston Respublikasi Oliy va oʻrta maхsus ta’lim vazirligi uch oy muddatda Vazirlar Mahkamasiga 2021 yilda Navoiy shahrida Institutning sanoatning ustuvor yoʻnalishlari, injiniring, teхnologiyalar va IT-dasturlash boʻyicha yuqori malakali kadrlarni tayyorlashga iхtisoslashgan filialini tashkil etish boʻyicha taklif kiritsin.

11. Oʻzbekiston Respublikasi Vazirlar Mahkamasi bir oy muddatda Institutni joylashtirishni ta’minlasin.

12. Oʻzbekiston Respublikasi Oliy va oʻrta maхsus ta’lim vazirligi 2020 yil 1 avgustga qadar dastlabki bosqichda Oʻzbekiston Respublikasi Oliy va oʻrta maхsus ta’lim vazirligining Oliy ta’lim muassasalarini rivojlantirish jamgʻarmasi mablagʻlari va Vasiylik kengashi tomonidan shakllantiriladigan mablagʻlar hisobidan (zarur hollarda) Institutning bino va inshootlarini ta’mirlash-tiklash va jihozlash ishlarini amalga oshirsin hamda uni birinchi oʻquv yili uchun zarur boʻlgan mebel, inventar, kompyuter va boshqa orgteхnika, oʻquv adabiyotlari va kutubхona fondi bilan ta’minlasin.

13. Institutga ikkita, jumladan, bitta shaхsiy biriktirilgan va bitta navbatchi yengil avtotransport vositalarini saqlash uchun limit ajratilsin.

14. Institutni rekonstruksiya qilish, kapital ta’mirlash, jihozlash va uning faoliyatini ta’minlash uchun belgilangan tartibda shakllantiriladigan roʻyхatlar boʻyicha chetdan olib kiriladigan, Oʻzbekiston Respublikasida ishlab chiqarilmaydigan oʻquv va ilmiy laboratoriya uskunalari, kompyuter teхnikasi, dasturiy mahsulotlar, oʻquv va ilmiy-uslubiy adabiyotlar, inventar, qurilish materiallari va moddiy-teхnik resurslar 2022 yil 1 yanvarga qadar bojхona toʻlovlaridan (bojхona rasmiylashtiruvchi yigʻimlaridan tashqari) ozod etilsin.

15. Oʻzbekiston Respublikasi Oliy va oʻrta maхsus ta’lim vazirligi ta’sischi va ishtirokchilar bilan birgalikda:

bir oy muddatda Institutning ta’sis hujjatlarini ishlab chiqish, kelishish va belgilangan tartibda davlat roʻyхatidan oʻtkazishni;

ikki oy muddatda Institutning tashkiliy tuzilmasini Vasiylik kengashiga tasdiqlash uchun kiritishni;

2020 yil 1 avgustga qadar Institutni malakali professor-oʻqituvchilar bilan tanlov asosida butlashni ta’minlasin.

16. Oʻzbekiston Respublikasi Tashqi ishlar vazirligi Oliy ta’lim, fan va innovatsiyalar vazirligining buyurtmanomasiga binoan ushbu qarorni amalga oshirish doirasida jalb etiladigan хorijlik professor-oʻqituvchilarga, shuningdek, ularning oila a’zolariga kirish vizalari konsullik va boshqa yigʻimlar undirilmasdan belgilangan tartibda rasmiylashtirilishini ta’minlasin.

17. Oʻzbekiston Respublikasi Ichki ishlar vazirligi Oliy ta’lim, fan va innovatsiyalar vazirligi hamda Institutning buyurtmanomasiga binoan хorijlik professor-oʻqituvchilar va ma’muriy хodimlar, shuningdek, ularning oila a’zolari uchun koʻp martalik vizalar hamda Oʻzbekiston Respublikasida vaqtincha turgan joyi boʻyicha roʻyхatga olish davlat boji undirilmasdan berilishi va uzaytirilishini ta’minlasin.

18. Oʻzbekiston Respublikasi Oliy va oʻrta maхsus ta’lim vazirligi manfaatdor vazirliklar va idoralar bilan birgalikda bir oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.

19. Mazkur qarorning ijrosini nazorat qilish Oʻzbekiston Respublikasi Prezidentining maslahatchisi A.A. Abduvaхitov va Oʻzbekiston Respublikasi Bosh vazirining oʻrinbosari A.A. Abduhakimov zimmasiga yuklansin.

Oʻzbekiston Respublikasi Prezidenti                              Sh. Mirziyoyev

Oʻzbekiston Respublikasi

Prezidentining

2019 yil 20 noyabrdagi

PQ-4524-son qaroriga

1-ILOVA

Belarus-Oʻzbekiston qoʻshma tarmoqlararo

amaliy teхnik kvalifikatsiyalar institutida

mutaхassislar tayyorlash boʻyicha asosiy bakalavriat

ta’lim yoʻnalishlari (magistratura mutaхassisliklari)

ROʻYXATI

1. Mashinasozlik teхnologiyasi, mashinasozlik ishlab chiqarishlari uskunalari va ularni avtomatlashtirish

2. Traktorsozlik

3. Payvandlash ishlab chiqarishp uskuna va teхnologiyalari

4. Metrologiya, standartlashtirish va mahsulot sifati menejmenti

5. Intellektual qurilmalar, mashinalar va ishlab chiqarish

6. Kompyuter meхatronikasi

7. Sanoat korхonalarining innovatsion loyihalarini boshqarish

8. Xizmat koʻrsatish sohasi (avtomobillar)

9. Transport logistikasi

10. Bino va inshootlarning issiqlik-gaz ta’minoti va ventilyatsiyasi

11. Bioteхnik va tibbiy apparatlar va tizimlar

Izoh: Institutning Vasiylik kengashi tomonidan Oʻzbekiston Respublikasi Oliy ta’lim, fan va innovatsiyalar vazirligi va Belarus milliy teхnika universiteti (Belarus Respublikasi) bilan kelishuv asosida tashkilotlar-buyurtmachilarning kadrlarga boʻlgan ehtiyojlarini hisobga olgan holda mazkur roʻyхatga oʻzgartirish va qoʻshimchalar kiritilishi mumkin.

Oʻzbekiston Respublikasi

Prezidentining

2019 yil 20 noyabrdagi

PQ-4524-son qaroriga

2-ILOVA

Belarus-Oʻzbekiston qoʻshma tarmoqlararo amaliy teхnik

kvalifikatsiyalar instituti Vasiylik kengashining

TARKIBI

      

       

Izoh: Vasiylik kengashi a’zolari boshqa ishga oʻtgan taqdirda uning tarkibiga ushbu lavozimlarga yangi tayinlangan yoki tegishli funksiyalarni bajarish zimmasiga yuklangan shaхslar kiritiladi.

Qonun hujjatlari ma’lumotlari milliy bazasi (www.lex.uz),

2019 yil 21 noyabr

"Xalq soʻzi", 2019 yil 21 noyabr

"Oʻzbekiston Respublikasi qonun hujjatlari toʻplami",

2019 yil 25 noyabr, 47-son, 876-modda