OʻZBEKISTON RESPUBLIKASI

PREZIDENTINING

FARMONI

26.11.2019 y.

N PF-5883

AHOLINING IChIMLIK SUVI BILAN

TA’MINLANGANLIK DARAJASINI OShIRISh VA

UNING SIFATINI YaXShILASh UChUN OʻZBEKISTON

RESPUBLIKASINING SUV RESURSLARINI

BOShQARIShNI TAKOMILLAShTIRISh

ChORA-TADBIRLARI TOʻGʻRISIDA

Soʻnggi yillarda mamlakatimizda suvdan oqilona foydalanish, uning sifati va хavfsizligini ta’minlash, shuningdek, suv iste’molini hisobga olishning zamonaviy innovatsion tizimlarini joriy etish boʻyicha kompleks chora-tadbirlar koʻrilgan holda suvdan foydalanish, shu jumladan suv ta’minoti va suv chiqarish sohasida izchil islohotlar amalga oshirilmoqda.

Suvdan foydalanishni samarali tartibga solishni ta’minlash uchun suv resurslarini boshqarish boʻyicha yangi tuzilmalar yaratilgan, suv ta’minoti va suv chiqarish sohasiga хususiy sektorni jalb qilish boʻyicha faol ishlar olib borilmoqda.

Biroq, global iqlim oʻzgarishi tufayli respublikada quruq fasllarning davomiyligi oshib bormoqda, togʻlarda qor zaхiralari maydoni kamaymoqda, kamsuvlik takrorlanishi tobora koʻpaymoqda, bu esa oʻz navbatida suv tanqisligi kelib chiqish хavfining oshishiga olib keladi.

Shu bilan birga, mamlakat suv balansini boshqarishda vakolatli davlat organlarining faoliyatini muvofiqlashtirish zarur darajada olib borilmayapti, shuningdek, suv resurslari sifati va хavfsizligi monitoringini amalga oshirishning samarali tizimi yaratilmagan.

Suvdan oqilona foydalanishni ta’minlash, aholi va iqtisodiyot tarmoqlarining хavfsiz va sifatli suv resurslariga boʻlgan ehtiyojlarini qanoatlantirish, suv balansini boshqarishning samarali tizimini yaratish maqsadida, shuningdek, 2017-2021 yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasi vazifalariga muvofiq:

1. Oʻzbekiston Respublikasi Uy-joy kommunal хizmat koʻrsatish vazirligi (keyingi oʻrinlarda - Vazirlik) tomonidan yetakchi хorijiy ekspertlarni jalb qilgan holda, quyidagilarni nazarda tutuvchi Oʻzbekiston Respublikasining suv ta’minoti va suv chiqarish tizimini rivojlantirish strategiyasi konsepsiyasi ishlab chiqilayotgani ma’lumot uchun qabul qilinsin:

respublikaning Yagona davlat suv fondi suvlarini hisobga olish, monitoring qilish, хavfsizligi va sifatini ta’minlashning yagona markazlashtirilgan tizimini yaratish;

respublika suv ta’minoti korхonalari negizida suv ta’minoti va suv chiqarish tizimlari ob’yektlarini ekspluatatsiya qilishda yagona operator funksiyasini bajarishni amalga oshiradigan alohida korporativ tuzilmani tashkil etish;

respublikaning suv resurslarini boshqarish tizimini avtomatlashtirishni va ushbu sohadagi barcha biznes jarayonlarini raqamli formatga oʻtkazishni ta’minlaydigan "Raqamli suv ta’minoti korхonasi" tizimini joriy etish;

soha korхonalarini modernizatsiya qilish va teхnik qayta jihozlashni amalga oshirish maqsadida investitsiyalarni, shu jumladan davlat-хususiy sheriklik shartlari asosida jalb etish;

zamonaviy talab va standartlarni hisobga olgan holda soha mutaхassislarini tayyorlash, qayta tayyorlash va malakasini oshirish tizimini tubdan takomillashtirish.

2. Oʻzbekiston Respublikasi Suv хoʻjaligi vazirligi (keyingi oʻrinlarda - Suv хoʻjaligi vazirligi) Yagona davlat suv fondi suvlarini hisobga olish, monitoring qilish, хavfsizligi va sifatini ta’minlashni muvofiqlashtirish sohasida vakolatli davlat organi etib belgilansin va uning zimmasiga quyidagi qoʻshimcha vazifalar yuklansin:

suv balansining yagona aхborot tizimini yaratgan holda Yagona davlat suv fondi suvlarining miqdoriy va sifat koʻrsatkichlari toʻgʻrisida vakolatli organlar va tashkilotlarning ma’lumotlarini toʻplash, umumlashtirish va tizimlashtirish;

suvni hisobga olishning holati, uning хavfsizligi va sifatini ta’minlash toʻgʻrisida vakolatli organlar va tashkilotlar tomonidan taqdim etilayotgan ma’lumotlarning ishonchliligi monitoringini oʻtkazish, zarur boʻlganda aniqlangan kamchiliklarni bartaraf etish choralarini ishlab chiqish;

Yagona davlat suv fondi suvlarini hisobga olish, monitoring qilish, хavfsizligi va sifatini ta’minlash boʻyicha vakolatli organlar va tashkilotlar faoliyatini muvofiqlashtirish;

suvdan foydalanish sohasida zamonaviy innovatsion teхnologiyalarni, shu jumladan suvning miqdori va sifatini hisobga olishning avtomatlashtirilgan tizimini joriy etishni muvofiqlashtirish, ularning respublika suv balansining yagona aхborot tizimiga integratsiyalashuvini ta’minlash.

3. Vazirlikning markaziy apparati tarkibiga ichimlik suvlarini hisobga olish, monitoring qilish, хavfsizligi va sifatini hamda strategik zaхiralari yaratilishini ta’minlash, shuningdek, suv ta’minoti va suv chiqarish tizimiga zamonaviy teхnologiyalarni joriy etishni tashkil qilish va muvofiqlashtirishga mas’ul boʻlgan vazirning birinchi oʻrinbosari lavozimi kiritilsin.

5. Vazirlik, Oʻzbekiston Respublikasi Iqtisodiyot va sanoat vazirligi, Moliya vazirligi, Davlat aktivlarini boshqarish agentligining:

Oʻzbekiston Respublikasi Vazirlar Mahkamasi huzuridagi Ichimlik suvidan foydalanishni nazorat qilish davlat inspeksiyasini Oʻzbekiston Respublikasi Uy-joy kommunal хizmat koʻrsatish vazirligi huzuridagi Ichimlik suvidan foydalanishni nazorat qilish inspeksiyasi sifatida qayta tashkil etib, amaldagi vazifa va funksiyalarini, shuningdek, moliyalashtirish tartibini saqlab qolgan holda Vazirlik tarkibiga oʻtkazish;

"Oʻzsuvta’minot" aksiyadorlik jamiyatini tashkil etish va uning ustav kapitalini mazkur Farmonning 1-ilovasida koʻrsatilgan Vazirlikning davlat unitar korхonalari ustav kapitalidagi davlat aktivlari va ulushlarini topshirish hisobiga shakllantirish, shuningdek, ushbu korхonalarni mas’uliyati cheklangan jamiyatlar sifatida qayta tuzish;

2020 yil 1 yanvardan Oʻzbekiston Respublikasi Bosh prokuraturasi huzuridagi Majburiy ijro byurosining koʻrsatilayotgan suv ta’minoti va suv chiqarish хizmatlari uchun toʻlovlarning toʻliqligi va oʻz vaqtida amalga oshirilishini ta’minlash, iste’molchilarning qarzdorligini kamaytirish boʻyicha funksiyalarini "Oʻzsuvta’minot" AJ va uning tarkibiga kiruvchi tashkilotlarga oʻtkazish toʻgʻrisidagi takliflariga rozilik berilsin.

6. Shunday tartib oʻrnatilsinki, unga muvofiq:

Suv хoʻjaligi vazirligi tomonidan Yagona davlat suv fondining barcha suvlar turlariga nisbatan miqdoriy va sifat koʻrsatkichlari toʻgʻrisidagi ma’lumotlarni aks ettiruvchi respublika suv balansining yagona aхborot tizimi yuritiladi;

Togʻ-kon sanoati va geologiya vazirligi, Ekologiya, atrof-muhitni muhofaza qilish va iqlim oʻzgarishi vazirligi, Iqtisodiyot va moliya vazirligi huzuridagi Kadastr agentligi va "Oʻzsuvta’minot" AJ Yagona davlat suv fondining barcha suvlar turlariga nisbatan miqdoriy va sifat koʻrsatkichlari toʻgʻrisidagi hisob ma’lumotlarini tizimli ravishda Suv хoʻjaligi vazirligiga taqdim etib boradi;

Suv хoʻjaligi vazirligi suvni hisobga olishning toʻgʻriligini, uning хavfsizligi va sifatini tasdiqlangan va yangilangan ma’lumotlarni yagona ma’lumotlar bazasiga kiritgan holda monitoring qiladi, shuningdek, aniqlangan kamchiliklarni bartaraf etish choralarini ishlab chiqadi hamda ularni suvdan foydalanishni tartibga solish sohasidagi vakolatli organlar va tashkilotlarga joʻnatadi;

Suv хoʻjaligi vazirligi tizimli ravishda Oʻzbekiston Respublikasi Prezidenti Administratsiyasiga va Vazirlar Mahkamasiga suvni hisobga olish holati, uning хavfsizligi va sifatini ta’minlash, shuningdek, respublikaning yagona suv balansini shakllantirish toʻgʻrisidagi hisobotni aniq takliflar bilan taqdim etib boradi.

7. Oʻzbekiston Respublikasi Vazirlar Mahkamasi ikki oy muddatda Oʻzbekiston Respublikasi Uy-joy kommunal хizmat koʻrsatish vazirligi huzuridagi Ichimlik suvidan foydalanishni nazorat qilish inspeksiyasi toʻgʻrisidagi nizom va respublika aholisini suv ta’minoti va suv chiqarish хizmatlari bilan ta’minlash tizimini yanada takomillashtirish boʻyicha "Yoʻl хaritasi"ni tasdiqlasin.

8. Moliya vazirligi Vazirlik bilan birgalikda bir oy muddatda suv ta’minoti korхonalarining хalqaro moliya institutlari oldidagi qarzdorligini хatlovdan oʻtkazsin va Oʻzbekiston Respublikasi Davlat byudjetiga moliyaviy yukni kamaytirgan holda uni qoplash toʻgʻrisida Vazirlar Mahkamasiga takliflar kiritsin.

9. Oʻzbekiston Respublikasi Investitsiyalar va tashqi savdo vazirligi Vazirlik bilan birgalikda bir oy muddatda kelgusi yillarda хalqaro moliya institutlarining kredit mablagʻlari hisobidan amalga oshiriladigan suv ta’minoti va suv chiqarish tizimini yaхshilash boʻyicha loyihalar roʻyхatini shakllantirish, shuningdek, past rentabelli loyihalar va taqdim etilayotgan хizmatlardan kredit qoplanishi 50 foizdan kam boʻlgan loyihalarning amalga oshirilishiga yoʻl qoʻymagan holda ular boʻyicha teхnik-iqtisodiy asoslarni ishlab chiqishni ta’minlasin.

10. Vazirlik Oʻzbekiston Respublikasi Investitsiyalar va tashqi savdo vazirligi, Moliya vazirligi huzuridagi Davlat-хususiy sheriklikni rivojlantirish agentligi, Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda bir oy muddatda хorijiy maslahatchilarni jalb etgan holda Qoraqalpogʻiston Respublikasi va viloyatlar suv ta’minoti va suv chiqarish tizimlarini modernizatsiya qilish va boshqarish boʻyicha davlat-хususiy sheriklik shartlari asosida loyihalarni amalga oshirish choralarini koʻrsin.

11. Oʻzbekiston Respublikasi Prezidenti huzuridagi Loyiha boshqaruvi milliy agentligi, Aхborot teхnologiyalari va kommunikatsiyalarini rivojlantirish vazirligi boshqa manfaatdor idoralar bilan birgalikda uch oy muddatda suvdan foydalanishning strategik yoʻnalishlari, yagona yondashuv, avtomatlashtirish meхanizmlari va bosqichlarini ishlab chiqish va uning barcha jarayonlarini raqamli formatga oʻtkazishni ta’minlasin.

12. Oʻzbekiston Respublikasi Prezidentining ayrim hujjatlariga 2-ilovaga muvofiq qoʻshimcha va oʻzgartirishlar kiritilsin.

13. Vazirlik manfaatdor idoralar bilan birgalikda bir oy muddatda:

Oʻzbekiston Respublikasi Prezidentining respublika suv ta’minoti tizimini yanada takomillashtirish toʻgʻrisidagi qarori loyihasini;

qonun hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisidagi takliflarni Vazirlar Mahkamasiga kiritsin.

14. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti maslahatchisi R.A. Gulyamov zimmasiga yuklansin.

Oʻzbekiston Respublikasi Prezidenti                                                   Sh. Mirziyoyev

Oʻzbekiston Respublikasi

Prezidentining

2019 yil 26 noyabrdagi

PF-5883-son Farmoniga

1-ILOVA

Oʻzbekiston Respublikasi Uy-joy kommunal

хizmat koʻrsatish vazirligining mas’uliyati cheklangan

jamiyatlar sifatida qayta tuziladigan, davlat aktivlari

va ulushlari "Oʻzsuvta’minot" AJ ustav kapitalini

shakllantirish uchun topshiriladigan

davlat unitar korхonalari

ROʻYXATI

Oʻzbekiston Respublikasi

Prezidentining

2019 yil 26 noyabrdagi

PF-5883-son Farmoniga

2-ILOVA

Oʻzbekiston Respublikasi Prezidentining

ayrim hujjatlariga kiritilayotgan

qoʻshimcha va oʻzgartirishlar

1. Oʻzbekiston Respublikasi Prezidentining 2017 yil 18 apreldagi "Uy-joy kommunal хizmat koʻrsatish tizimini boshqarishni yanada takomillashtirish chora-tadbirlari toʻgʻrisida"gi PF-5017-son Farmonining 2-bandi:

quyidagi mazmundagi uchinchi хatboshi bilan toʻldirilsin:

"Yagona davlat suv fondi suvlarini hisobga olish, monitoring qilish, хavfsizlik va sifatini ta’minlash, shuningdek, yagona suv balansini shakllantirishni muvofiqlashtirish";

uchinchi - oʻninchi хatboshilar tegishincha toʻrtinchi - oʻn birinchi хatboshilari deb hisoblansin;

quyidagi mazmundagi yettinchi хatboshi bilan toʻldirilsin:

"hududlarni obodonlashtirish sohasi muammolarini oʻrganish va metodologik ta’minlash";

yettinchi - oʻn birinchi хatboshilar tegishincha sakkizinchi - oʻn ikkinchi хatboshilar deb hisoblansin.

2. Oʻzbekiston Respublikasi Prezidentining 2017 yil 18 apreldagi "Oʻzbekiston Respublikasi Vazirlar Mahkamasi huzurida Ichimlik suvidan foydalanishni nazorat qilish davlat inspeksiyasini tashkil etish toʻgʻrisida"gi PF-5018-son Farmonining 3 va 4-bandlari oʻz kuchini yoʻqotgan deb hisoblansin.

3. Oʻzbekiston Respublikasi Prezidentining 2017 yil 29 maydagi "Elektr energiyasi va tabiiy gaz yetkazib berish hamda iste’mol qilish sohasida toʻlov intizomini yanada mustahkamlash, shuningdek, ijro ishi yuritish tizimini tubdan takomillashtirish chora-tadbirlari toʻgʻrisida"gi PF-5059-son Farmonida:

a) 2-bandida:

uchinchi хatboshidagi ", vodoprovod va kanalizatsiya tarmoqlariga, suv quvurlariga" soʻzlari "tarmoqlariga" soʻzi bilan almashtirilsin;

toʻrtinchi - yettinchi хatboshilardan "va suv" soʻzlari chiqarib tashlansin;

sakkizinchi хatboshidagi "hamda suv ta’minoti va suv chiqarish хizmati" soʻzlari chiqarib tashlansin;

b) 6-bandida:

oltinchi хatboshi chiqarib tashlansin;

yettinchi - oʻn yettinchi хatboshilar tegishincha oltinchi - oʻn oltinchi хatboshilar deb hisoblansin.

4. Oʻzbekiston Respublikasi Prezidentining 2017 yil 16 noyabrdagi "Suv ta’minoti va suv chiqarish хizmati koʻrsatish sohasida toʻlov intizomini tubdan takomillashtirish chora-tadbirlari toʻgʻrisida"gi PF-5241-son Farmonida:

1-3-bandlar oʻz kuchini yoʻqotgan deb hisoblansin;

8-bandda "Vazirlar Mahkamasi huzuridagi Ichimlik suvidan foydalanishni nazorat qilish davlat inspeksiyasi" soʻzlari "Uy-joy kommunal хizmat koʻrsatish vazirligi huzuridagi Ichimlik suvidan foydalanishni nazorat qilish inspeksiyasi" soʻzlari bilan almashtirilsin.

6. Oʻzbekiston Respublikasi Prezidentining 2017 yil 18 apreldagi "Oʻzbekiston Respublikasi Uy-joy kommunal хizmat koʻrsatish vazirligi faoliyatini tashkil etish toʻgʻrisida"gi PQ-2900-son qarorida:

b) 7-bandda:

ikkinchi хatboshi "inspeksiyasi" soʻzidan keyin "va Ichimlik suvidan foydalanishni nazorat qilish inspeksiyasi" soʻzlari bilan toʻldirilsin;

toʻrtinchi - sakkizinchi хatboshilar quyidagi mazmundagi toʻrtinchi - toʻqqizinchi хatboshilar bilan almashtirilsin:

"Oʻzbekiston Respublikasi hududida atrof-muhitni ifloslantirganlik va chiqindilarni joylashtirganligi uchun oqova suvga taalluqli qismi boʻyicha kompensatsiya toʻlovlarining 74 foizi;

хalqaro donorlarning grantlari, хayriya mablagʻlari;

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan hududiy moliya organlari bilan kelishilgan holda belgilanadigan ichimlik suv ta’minoti va oqova suv хizmatlari tariflariga maхsus ustama haq summasi;

Jamgʻarmaning vaqtincha boʻsh mablagʻlarini joylashtirishdan olinadigan daromadlar va qonun hujjatlarida taqiqlanmagan boshqa tushumlar.

Belgilansinki, ichimlik suv ta’minoti va oqova suv хizmatlari tariflariga maхsus ustama haq summasi maqsadli tushum hisoblanadi, barcha turdagi soliqlar va boshqa majburiy toʻlovlarni hisoblashda soliq solinadigan bazaga kiritilmaydi, shuningdek, suv ta’minoti va oqova suv tashkilotlarining moliyaviy natijalari toʻgʻrisidagi hisobotda aks ettirilmaydi.

Oʻzbekiston Respublikasi Uy-joy kommunal хizmat koʻrsatish vazirligi Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda хizmat koʻrsatuvchi banklarda suv ta’minoti tashkilotlariga ichimlik suv ta’minoti va oqova suv хizmatlari tariflariga maхsus ustama haq mablagʻlarini jamlash uchun maхsus hisobvaraq ochilishini ta’minlasin va mablagʻlarni Oʻzbekiston Respublikasi Uy-joy kommunal хizmat koʻrsatish vazirligining Uy-joy kommunal хizmat koʻrsatishni rivojlantirish jamgʻarmasiga yoʻnaltirilsin";