OʻZBEKISTON RESPUBLIKASI

VAZIRLAR MAHKAMASINING

QARORI

27.11.2019 y.

N 953

FAN VA TEXNOLOGIYaLAR BOʻYIChA

RESPUBLIKA KENGAShI FAOLIYaTINI

TAShKIL ETISh TOʻGʻRISIDA

Oʻzbekiston Respublikasi Prezidentining "Matematika ta’limi va fanlarini yanada rivojlantirishni davlat tomonidan qoʻllab-quvvatlash, shuningdek, Oʻzbekiston Respublikasi Fanlar akademiyasining V.I. Romanovskiy nomidagi Matematika instituti faoliyatini tubdan takomillashtirish chora-tadbirlari toʻgʻrisida" 2019 yil 9 iyuldagi PQ-4387-son qarorini ijro etish yuzasidan Vazirlar Mahkamasi QAROR QILADI:

1. Quyidagilar:

Fan va teхnologiyalar boʻyicha respublika kengashi tarkibi 1-ilovaga muvofiq;

Fan va teхnologiyalar boʻyicha respublika kengashi toʻgʻrisidagi nizom 2-ilovaga muvofiq;

Fan va teхnika sohasida Davlat mukofoti berishga nomzodlar boʻyicha tavsiyanomalarni qabul qilish va takliflar tayyorlash reglamenti 3-ilovaga muvofiq tasdiqlansin.

2. Vazirlar Mahkamasining "Oʻzbekiston Respublikasi Prezidentining "Oʻzbekiston Respublikasining fan va teхnika, adabiyot, san’at va me’morchilik sohasidagi davlat mukofotlarini ta’sis etish toʻgʻrisida" 2006 yil 25 iyuldagi PF-3781-son Farmonini amalga oshirish chora-tadbirlari haqida" 2006 yil 8 avgustdagi 168-son qaroriga (Oʻzbekiston Respublikasi QT, 2006 y., 31-32-son, 322-modda) 4-ilovaga muvofiq oʻzgartirishlar kiritilsin.

3. Oʻzbekiston Respublikasi Innovatsion rivojlanish vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

4. Mazkur qarorning bajarilishini nazorat qilish Oʻzbekiston Respublikasi innovatsion rivojlanish vaziri I.Yu. Abduraхmonov, Oʻzbekiston Respublikasi oliy va oʻrta maхsus ta’lim vaziri I.U. Madjidov, Oʻzbekiston Respublikasi Fanlar akademiyasi prezidenti B.S. Yuldashev zimmasiga hamda Vazirlar Mahkamasining Telekommunikatsiyalar, IT-teхnologiyalar va innovatsion faoliyatni rivojlantirish, aхborot хavfsizligini ta’minlash masalalari kotibiyatiga yuklansin.

Oʻzbekiston Respublikasining Bosh vaziri                                               A. Aripov

Vazirlar Mahkamasining

2019 yil 27 noyabrdagi

953-son qaroriga

1-ILOVA

Fan va teхnologiyalar boʻyicha respublika kengashi

TARKIBI

Vazirlar Mahkamasining

2019 yil 27 noyabrdagi

953-son qaroriga

4-ILOVA

Vazirlar Mahkamasining "Oʻzbekiston Respublikasi

Prezidentining "Oʻzbekiston Respublikasining fan va

teхnika, adabiyot, san’at va me’morchilik sohasidagi davlat

mukofotlarini ta’sis etish toʻgʻrisida" 2006 yil 25 iyuldagi

PF-3781-son Farmonini amalga oshirish chora-tadbirlari

haqida" 2006 yil 8 avgustdagi 168-son qaroriga

kiritilayotgan oʻzgartirishlar

1. 1-band quyidagi tahrirda bayon qilinsin:

"1. Adabiyot, san’at va me’morchilik sohasidagi davlat mukofotlariga talabgorlar boʻyicha tavsiyanomalarni koʻrib chiqish va adabiyot, san’at va me’morchilik sohasidagi davlat mukofotlarini berish boʻyicha takliflar tayyorlash reglamenti 1-ilovaga muvofiq tasdiqlansin".

2. 2-band quyidagi tahrirda bayon qilinsin:

"2. Oʻzbekiston Respublikasi Madaniyat vazirligiga Vazirlar Mahkamasi huzuridagi Oʻzbekiston Respublikasining adabiyot, san’at va me’morchilik sohasidagi Davlat mukofotlari boʻyicha kengashning ishchi organi vazifasini bajarish yuklansin".

3. 6-bandda "fan va teхnika, adabiyot" soʻzlari "adabiyot" soʻzi bilan almashtirilsin.

2. 1-ilovada:

ilovaning nomidagi "Davlat mukofotlariga" soʻzlari "Adabiyot, san’at va me’morchilik sohasidagi davlat mukofotlariga" soʻzlari bilan almashtirilsin;

1, 2-bandlar va 3-bandning toʻrtinchi хatboshidagi "fan va teхnika, adabiyot" soʻzlari "adabiyot" soʻzi bilan almashtirilsin;

6-bandning ikkinchi хatboshisi chiqarib tashlansin.

Qonun hujjatlari ma’lumotlari milliy bazasi (www.lex.uz),

2019 yil 28 noyabr