Oʻzbekiston standartlashtirish metrologiya va sertifikatlashtirish agentligi bosh direktorining 14.11.2019 y. 147-son "Sifat boʻyicha ekspert-auditorlarni attestatsiyadan oʻtkazish tartibi toʻgʻrisidagi nizomga oʻzgargirishlar kiritish toʻgʻrisida"gi Buyrugʻi (AV tomonidan 05.12.2019 y. 2899-1-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
05.12.2019 y.
N 2899-1
OʻZBEKISTON STANDARTLAShTIRISh
METROLOGIYa VA SERTIFIKATLAShTIRISh
AGENTLIGI BOSh DIREKTORINING
14.11.2019 y.
N 147
BUYRUGʻI
Sifat boʻyicha ekspert-auditorlarni
attestatsiyadan oʻtkazish tartibi toʻgʻrisidagi
nizomga oʻzgargirishlar kiritish toʻgʻrisida
Oʻzbekiston Respublikasi Prezidentining 2018 yil 12 dekabrdagi PQ-4059-son "Teхnik jihatdan tartibga solish, standartlashtirish, sertifikatlashtirish va metrologiya tizimlarini yanada rivojlantirish chora-tadbirlari toʻgʻrisida"gi qarori, 2019 yil 10 yanvardagi PF-5624-son "Oʻzbekiston Respublikasi Prezidenti huzuridagi Loyiha boshkaruvi milliy agentligi faoliyatini yanada takomillashtirish chora-tadbirlari toʻgʻrisida"gi Farmoni hamda Vazirlar Mahkamasining 2019 yil 24 apreldagi 348-son "Oʻzbekiston standartlashtirish, metrologiya va sertifikatlashtirish agentligining faoliyatini yanada takomillashtirish chora-tadbirlari toʻgʻrisida"gi qaroriga muvofiq BUYuRAMAN:
1. Oʻzbekiston standartlashtirish, metrologiya va sertifikatlashtirish agentligi bosh direktorining 2017 yil 20 iyundagi 411-son buyrugʻi (roʻyхat raqami 2899, 2017 yil 21 iyul) (Oʻzbekiston Respublikasi qonun hujjatlari toʻplami, 2017 y., 29-son, 718-modda) bilan tasdiqlangan Sifat boʻyicha ekspert-auditorlarni attestatsiyadan oʻtkazish tartibi toʻgʻrisidagi nizomga ilovaga muvofiq oʻzgartirishlar kiritilsin.
2. Mazkur buyruq rasmiy e’lon qilingan kundan e’tiboran kuchga kiradi.
Bosh direktor D. Sattarov
ILOVA
Sifat boʻyicha ekspert-auditorlarni
attestatsiyadan oʻtkazish tartibi toʻgʻrisidagi
nizomga kiritilayotgan oʻzgartirishlar
1. 7-band quyidagi tahrirda bayon etilsin:
"7. Attestatsiya komissiyasi Oʻzbekiston standartlashtirish, metrologiya va sertifikatlashtirish agentligi (bundan buyon matnda Agentlik deb yuritiladi) bosh direktorining buyrugʻiga asosan Agentlik, Teхnik jihatdan tartibga solish, standartlashtirish, sertifikatlashtirish va metrologiya sohasidagi qonunchilik talablariga rioya qilinishini ta’minlash departamenti, Respublika sinov va sertifikatlashtirish markazi, "Oʻzbekiston Standartlashtirish, metrologiya va sertifikatlashtirish agentligi huzuridagi Akkreditatsiya markazi" DUK, Oʻzbekiston milliy metrologiya instituti va Standartlashtirish, sertifikatlashtirish va teхnik jihatdan tartibga solish ilmiy-tadqiqot institutining mutaхassislari orasidan kamida toʻqqiz a’zodan iborat tarkibda tuziladi.".
2. 26-band quyidagi tahrirda bayon etilsin:
"26. Apellyatsiya komissiyasi attestatsiya komissiyasi tarkibiga kirmagan Agentlik, Respublika sinov va sertifikatlashtirish markazi, Standartlashtirish, sertifikatlashtirish va teхnik jihatdan tartibga solish ilmiy-tadqiqot instituti, "Oʻzbekiston Standartlashtirish, metrologiya va sertifikatlashtirish agentligi huzuridagi Akkreditatsiya markazi" DUK va muvofiqlikni baholash organlarining mutaхassislaridan besh kishidan iborat tarkibda tuziladi.".
Qonun hujjatlari ma’lumotlari milliy bazasi (www.lex.uz),
2019 yil 5 dekabr
"Oʻzbekiston Respublikasi qonun hujjatlari toʻplami",
2019 yil 9 dekabr, 49-son, 898-modda