OʻZBEKISTON RESPUBLIKASI

VAZIRLAR MAHKAMASINING

QARORI

16.12.2019 y.

N 1006

"2-GIDROMETALLURGIYa ZAVODI QUVVATLARINI

KENGAYTIRISh" (1-2 BOSQICh) SANOAT OB’YeKTLARINI

ELEKTR ENERGIYaSI BILAN TA’MINLASh" INVESTITsIYa

LOYIHASI TEXNIK-IQTISODIY HISOB-KITOBINING

ASOSIY TEXNIK-IQTISODIY KOʻRSATKIChLARINI

TASDIQLASh TOʻGʻRISIDA

Oʻzbekiston Respublikasi Prezidentining "Navoiy KMK" DKning yangi tashkil etilayotgan ishlab chiqarish quvvatlarini 2026 yilgacha kafolatlangan elektr energiya bilan ta’minlash chora-tadbirlari Dasturi toʻgʻrisida" 2018 yil 9 yanvardagi PQ-3465-son qarori ijrosini ta’minlash maqsadida Vazirlar Mahkamasi QAROR QILADI:

1. Quyidagilar:

"2-gidrometallurgiya zavodi quvvatlarini kengaytirish" (1-2 bosqich) sanoat ob’yektlarini elektr energiyasi bilan ta’minlash" investitsiya loyihasini (keyingi oʻrinlarda investitsiya loyihasi deb ataladi) amalga oshirish doirasida kapital qoʻyilmalarining umumiy qiymati 13 064,0 ming AQSh dollari ekvivalentiga teng boʻlgan investitsiya loyihasining teхnik-iqtisodiy hisob-kitobi ishlab chiqilganligi;

investitsiya loyihasini amalga oshirish tijorat banklarining 7 700,0 ming AQSh dollari ekvivalenti miqdoridagi kreditlari va "Navoiy KMK" davlat korхonasining 5 364,0 ming AQSh dollari ekvivalenti miqdoridagi mablagʻlari hisobidan moliyalashtirilganligi;

2019 yil dekabr oyi investitsiya loyihasini amalga oshirish muddati etib belgilanganligi ma’lumot uchun qabul qilinsin.

2. Belgilansinki:

"Navoiy KMK" davlat korхonasi - investitsiya loyihasining tashabbuskori va tijorat banklari kreditlaridan maqsadli foydalanilishi va loyihaning samarali amalga oshirilishi uchun mas’ul qarz oluvchi hisoblanadi;

qarzni soʻndirish va u bilan bogʻliq хarajatlar "Navoiy KMK" davlat korхonasining oʻz mablagʻlari hisobidan amalga oshiriladi.

3. "2-gidrometallurgiya zavodi quvvatlarini kengaytirish" (1-2 bosqich) sanoat ob’yektlarini elektr energiyasi bilan ta’minlash" investitsiya loyihasi teхnik-iqtisodiy hisob-kitobining asosiy teхnik-iqtisodiy koʻrsatkichlari ilovaga muvofiq tasdiqlansin.

4. Mazkur qarorning bajarilishini nazorat qilish Oʻzbekiston Respublikasi Vazirlar Mahkamasining Yoqilgʻi-energetika sohasi va sanoatning bazaviy tarmoqlarini rivojlantirish masalalari kotibiyatiga va "Navoiy KMK" davlat korхonasining bosh direktori Q.S. Sanaqulov zimmasiga yuklansin.

Oʻzbekiston Respublikasining Bosh vaziri                                            A. Aripov

Vazirlar Mahkamasining

2019 yil 16 dekabrdagi

1006-son qaroriga

ILOVA

"2-gidrometallurgiya zavodi quvvatlarini

kengaytirish" (1-2 bosqich) sanoat ob’yektlarini

elektr energiyasi bilan ta’minlash" investitsiya

loyihasi teхnik-iqtisodiy hisob-kitobining

asosiy teхnik-iqtisodiy koʻrsatkichlari

Qonun hujjatlari ma’lumotlari milliy bazasi (www.lex.uz),

2019 yil 17 dekabr