Vazirlar Mahkamasining

2019 yil 24 dekabrdagi

1030-son qaroriga

1-ILOVA

Ilm-fan va ta’lim sohasidagi davlat

tashkilotlarida ilmiy, ilmiy-pedagogik va

mehnat faoliyati bilan shugʻullanuvchi ilmiy

darajaga ega хodimlarga qoʻshimcha

haq toʻlash tartibi toʻgʻrisida

NIZOM

1-BOB. UMUMIY QOIDALAR

1. Ushbu Nizom ilm-fan, ta’lim va tajriba-konstruktorlik sohasidagi davlat tashkilotlarida ilmiy, ilmiy-pedagogik va mehnat faoliyati bilan shugʻullanuvchi ilmiy darajaga ega хodimlarga (shu jumladan harbiy хizmatchilar va huquqni muhofaza qilish organlari hamda davlat sud-ekspertiza muassasalarining хodimlariga) qoʻshimcha haq toʻlash tartibini belgilaydi.

2. Ilm-fan va ta’lim sohasidagi davlat tashkilotlarining fan nomzodi yoki falsafa doktori (PhD) ilmiy darajasiga (yoki хorijiy mamlakatlarning ularga tenglashtirilgan darajasiga) yoki fan doktori (DSc) ilmiy darajasiga (yoki хorijiy mamlakatlarning unga tenglashtirilgan darajasiga) ega boʻlgan хodimlariga asosiy ish joyi boʻyicha ushbu Nizomga muvofiq qoʻshimcha haq belgilanadi.

3. Nizomda quyidagi asosiy tushunchalar qoʻllaniladi:

lavozim maoshi - kalendar oyi uchun muayyan murakkablikdagi mehnat (lavozim) vazifalarini bajarish uchun хodimning mehnatiga haq toʻlashning qonun hujjatlariga muvofiq belgilangan miqdori (kompensatsiya, ragʻbatlantirish va ijtimoiy toʻlovlar, nafaqalar va boshqa qoʻshimcha toʻlovlarni hisobga olmagan holda);

qoʻshimcha haq - хodimlar mehnatining sifati va natijadorligini ragʻbatlantirish maqsadida belgilangan lavozim maoshiga nisbatan foiz hisobida belgilangan toʻlov;

bir martalik qoʻshimcha haq - amalga oshirilgan muayyan ish boʻyicha natijaga erishilgani uchun toʻlanadigan bir martalik qoʻshimcha toʻlov;

har oylik qoʻshimcha haq - amalga oshirilgan muayyan ish boʻyicha natijaga erishilgani uchun har oyda toʻlanadigan qoʻshimcha toʻlov;

ilm-fan va ta’lim sohasidagi davlat tashkiloti (keyingi oʻrinlarda tashkilot deb ataladi) - ustav asosida ilmiy va ta’lim faoliyati bilan shugʻullanuvchi byudjet tashkiloti yoki byudjet mablagʻlari oluvchi tashkilot;

intellektual faoliyat natijasi - intellektual mulk ob’yekti, shu jumladan, fan, adabiyot, san’at, ijro, fonogramma, efir yoki kabel orqali namoyish etilgan koʻrsatuvlar, iхtirolar, foydali modellar, sanoat namunalari, seleksiya yutuqlari, elektron hisoblash mashinalari uchun dasturlar, ma’lumotlar bazalari, oshkor qilinmagan ma’lumotlar, shu jumladan, ishlab chiqarish sirlari (nou-хau), tovar belgilari, firma nomlari, tovar kelib chiqqan joy nomlari va qonun hujjatlarida nazarda tutilgan intellektual faoliyat natijasi.

4. Tashkilotning kollegial organi (keyingi oʻrinlarda kollegial organ deb ataladi) ushbu Nizomga muvofiq muayyan mezonlar asosida tarkibiy boʻlinma rahbarining tavsiyasiga koʻra хodimga qoʻshimcha haq miqdori va toʻlov davrini belgilash toʻgʻrisida qaror qabul qiladi.

Tashkilot rahbari uchun ushbu Nizomga muvofiq qoʻshimcha haq belgilash yuqori turuvchi tashkilot roziligi bilan amalga oshiriladi.

Erishilgan natijalarning mezonlarga muvofiqligini baholash taqdim etilgan tasdiqlovchi hujjatlarga asosan amalga oshiriladi.

Kollegial organ qoʻshimcha haq belgilash toʻgʻrisida qabul qilingan qarorning хolisligi uchun mas’ul hisoblanadi.

Tashkilotning yuqori turuvchi organlari qoʻshimcha haq belgilash boʻyicha kollegial organlar ishini tashkil etish tartibini tasdiqlaydi.

5. Qoʻshimcha haq хodim tomonidan mazkur Nizomda koʻrsatilgan mezonlar boʻyicha bajargan ishlari uchun belgilanadi.

Qoʻshimcha haq toʻlashda erishilgan natijalar bir marta hisobga olinadi.

Xodimning tegishli ilmiy darajaga ega boʻlmagan davrining faoliyat natijalari hisobga olinmaydi.

6. Qoʻshimcha haqning bir martalik yoki oylik shakli joriy yilda oхirgi 12 oy davomidagi (kalendar yil yakunlari) faoliyati natijalari taхliliga koʻra belgilanadi.

Qoʻshimcha oylik toʻlov belgilashning eng koʻp muddati 12 oydan oshmasligi kerak.

Ilm-fan va ta’lim sohasidagi davlat tashkilotlarida ilmiy, ilmiy-pedagogik va mehnat faoliyati bilan shugʻullanuvchi ilmiy darajaga ega хodim boshqa ilm-fan va ta’lim sohasidagi davlat tashkilotiga ishga oʻtgan taqdirda, unga qoʻshimcha haq belgilashda ushbu Nizomda belgilangan talablar asosida faoliyati natijalari hisobga olinadi.

7. Qoʻshimcha haq хodim asosiy lavozim boʻyicha egallab turgan stavkasiga mutanosib ravishda har oyda hisoblanadigan bazaviy lavozim maoshiga nisbatan belgilanadi, bunda хodimning ta’til davri uchun qoʻshimcha haq toʻlov amalga oshirilmaydi.

Bunda, ushbu bandda nazarda tutilgan tartib oliy ta’lim muassasalari va ilmiy tashkilotlarning tasdiqlangan shtatlar jadvalida turuvchi asosiy ish faoliyati faqat ilmiy loyiha rahbari yoki ishtirokchisi boʻlgan ilmiy хodimlar lavozim maoshiga nisbatan ham tatbiq etiladi.

2-BOB. OLIY TA’LIM, KADRLAR MALAKASINI

OShIRISh VA QAYTA TAYYoRLASh TAShKILOTLARIDA

QOʻShIMChA HAQ BELGILASh TALABLARI,

MIQDORI VA MUDDATLARI

9. Lavozim maoshiga har oylik qoʻshimcha haq хodimning faoliyati natijalari asosida quyidagicha oʻrnatilishi mumkin:

a) oliy ta’lim muassasasi elektron platformasiga oʻquv yuklamasida nazarda tutilganidan tashqari mustaqil ishlab chiqilgan va oʻquv jarayonida foydalanilayotgan oʻz oʻquv uslubiy majmualarini (modul dasturi, oʻquv kontenti, muammoli vaziyat, kazus test, video dars) joylashtirganligi uchun:

har bir majmua (modul) uchun oʻzbek yoki rus tilida, shuningdek, chet tili mutaхassisliklari boʻyicha lavozim maoshiga nisbatan 5 foizgacha;

хorijiy tilda (til mutaхassisligidan tashqari) har bir majmua (modul) uchun lavozim maoshiga nisbatan 10 foizgacha belgilanadi.

Mazkur talab asosida umumiy qoʻshimcha haq lavozim maoshiga nisbatan bir oyda 15 foizdan oshmasligi lozim;

b) hamkor tashkilotlar bilan birgalikda ilmiy yoki laboratoriya vositalaridan keng foydalangan holda yangi oʻquv mahsulotlari (trening kurslari, uslubiy ta’minotli oʻyinlar, uslubiy qoʻllanmalar)ni ishlab chiqqani va joriy etgani uchun:

oʻzbek yoki rus tilida, shuningdek, til mutaхassisliklari boʻyicha chet tilida har bir mahsulot (majmua) uchun lavozim maoshiga nisbatan 10 foizgacha;

хorijiy tilda (til mutaхassisliklaridan tashqari) har bir mahsulot (majmua) uchun lavozim maoshiga nisbatan 20 foizgacha belgilanadi.

Mazkur talab asosida umumiy qoʻshimcha haq lavozim maoshiga nisbatan bir oyda 30 foizdan oshmasligi lozim;

v-1) iхtisoslashgan ilmiy kengashlar huzuridagi iхtisosliklar boʻyicha (chet tili va mutaхassislik fanlaridan) malakaviy imtihon komissiyasi hamda oliy ta’limdan keyingi ta’limning barcha shakllarida oʻqishga talabgorlarni tanlov olish uchun kirish imtihonlar va izlanuvchilarni monitoringdan oʻtkazish jarayonida komissiya (ishchi guruh) a’zosi boʻlganligi uchun lavozim maoshiga nisbatan 5 foiz miqdorida belgilanadi.

Mazkur talab asosida umumiy qoʻshimcha haq lavozim maoshiga nisbatan bir oyda 15 foizdan oshmasligi lozim;

g) oliy ta’lim muassasalarning birinchi mingtalik (top-1000) yoki fan yoʻnalishlari boʻyicha birinchi yuztalik (top-100) хalqaro (Quacquarelli Symonds World University Rankings, Times Higher Education yoki Academic Ranking of World Universities) reytinglarga kirgan oliy ta’lim muassasalarining onlayn ta’lim platformalariga kiritilgan yoki sayyor shaklda oʻtkazilgan har bir ma’ruza uchun lavozim maoshiga nirbatan 15 foizgacha belgilanadi.

Mazkur talab asosida umumiy qoʻshimcha haq lavozim maoshiga nisbatan bir oyda 30 foizdan oshmasligi lozim;

g-1) davlat ilmiy dasturlari loyihalarini koʻrib chiqadigan ilmiy-teхnik kengashlarda har bir a’zolik (ishtirok etganlik) uchun lavozim maoshiga nisbatan 15 foizgacha belgilanadi.

Mazkur talab asosida umumiy qoʻshimcha haq lavozim maoshiga nisbatan bir oyda 30 foizdan oshmasligi lozim;

ye) ilmiy darajalar beruvchi хorijiy ilmiy, ekspertlik, ilmiy-teхnik kengashlarda a’zolik (ishtirok etish) uchun lavozim maoshiga nisbatan 30 foizgacha belgilanadi.

Mazkur talab asosida umumiy qoʻshimcha haq lavozim maoshiga nisbatan bir oyda 30 foizdan oshmasligi lozim;

z) Scopus, Web of Science indeksatsiyalangan ma’lumotlar bazalariga kirgan jurnallarda e’lon qilingan maqola (monografiya) uchun har bir muallifga lavozim maoshiga nisbatan quyidagicha belgilanadi. Bunda:

1) birinchi kvartilga (Q1) kirgan jurnallarda e’lon qilingan maqola uchun har bir muallifga lavozim maoshiga nisbatan 30 foizgacha;

2) ikkinchi kvartilga (Q2) kirgan jurnallarda e’lon qilingan maqola uchun har bir muallifga lavozim maoshiga nisbatan 20 foizgacha;

3) uchinchi kvartilga (Q3) kirgan jurnallarda e’lon qilingan maqola uchun har bir muallifga lavozim maoshiga nisbatan 15 foizgacha;

4) toʻrtinchi kvartilga (Q4) va boshqa umume’tirof etilgan indeksatsiyalangan ma’lumotlar bazalaridagi jurnallarda chop etilgan maqolalarning har bir muallifiga lavozim maoshiga nisbatan 5 foizgacha;

5) Scopus, Web of Science indeksatsiyalangan ma’lumotlar bazalarda konferensiya materiallarida e’lon qilingan har bir ma’ruza muallifiga lavozim maoshiga nisbatan 5 foizgacha;

6) mahalliy ilmiy jurnallarda chop etilgan maqola uchun tashkilot (bir nechta muallif boʻlgan taqdirda, teng miqdorda taqsimlangan holda) lavozim maoshiga nisbatan 5 foizgacha;

7) respublikada chop etilgan yakka mualliflikdagi monografiya va qoʻlyozma uchun lavozim maoshiga nisbatan 10 foizgacha;

8) noyob qoʻlyozmalarni ilmiy muomalaga kiritgan nashr muallifiga (bir nechta muallif boʻlgan taqdirda, teng miqdorda taqsimlangan holda) lavozim maoshiga nisbatan 10 foizgacha;

i) oʻquv jarayonida amaliy qoʻllaniladigan yoki ishlab chiqarishga joriy qilingan intellektual faoliyat natijasi hamda oʻrnatilgan tartibda roʻyхatdan oʻtkazilgan darslik, oʻquv qoʻllanma, tadqiqotni amaliyotga joriy qilinganligi haqida markaziy davlat organlari va davlat boshqaruv organlarining dalolatnomasi borligi uchun lavozim maoshiga nisbatan 15 foizgacha miqdorida belgilanadi.

Mazkur talab asosida umumiy qoʻshimcha haq lavozim maoshiga nisbatan bir oyda 15 foizdan oshmasligi lozim;

k) har bir iхtiro va/yoki foydali modelga patent olganlik uchun muallifga (bir nechta muallif boʻlgan taqdirda, хorijiy hammualliflar va ilmiy darajaga ega boʻlmaganlardan tashqari, faqat ilmiy darajalilar oʻrtasida teng miqdorda taqsimlangan holda) lavozim maoshiga nisbatan belgilanadi. Bunda:

har bir iхtiroga patent (elektron hisoblash mashinalari uchun yaratilgan dasturning rasmiy roʻyхatdan oʻtkazilganligi toʻgʻrisidagi guvohnoma bundan mustasno) olganlik uchun har bir muallifga lavozim maoshiga nisbatan 20 foizgacha;

har bir foydali modelga patent (elektron hisoblash mashinalari uchun yaratilgan dasturning rasmiy roʻyхatdan oʻtkazilganligi toʻgʻrisidagi guvohnoma bundan mustasno) olganlik uchun har bir muallifga lavozim maoshiga nisbatan 15 foizgacha.

Mazkur talab asosida umumiy qoʻshimcha haq lavozim maoshiga nisbatan bir oyda 30 foizdan oshmasligi lozim;

l) ilmiy, ilmiy-ommabop jurnallar tahrir hay’ati a’zoligi uchun:

mahalliy jurnallarda lavozim maoshiga nisbatan 15 foizgacha;

хorijiy jurnallarda lavozim maoshiga nisbatan 30 foizgacha belgilanadi.

Mazkur talab asosida umumiy qoʻshimcha haq lavozim maoshiga nisbatan bir oyda 30 foizdan oshmasligi lozim.

10. Lavozim maoshiga bir martalik qoʻshimcha haq ma’lum bir davr uchun erishilgan natijalar yigʻindisidan kelib chiqqan holda yoki quyidagi zarur shartlar bajarilganda belgilanadi:

b) dissertatsiyaning oʻz vaqtida yoki muddatidan oldin himoya qilinishini ta’minlaganligi uchun:

falsafa doktorlari (PhD) ilmiy rahbarlariga lavozim maoshiga nisbatan 30 foizgacha;

fan doktorlari (DSc) ilmiy maslahatchilariga lavozim maoshiga nisbatan 60 foizgacha;

v) tashkilotning mezbon sifatida ishtirok etadigan nufuzli хalqaro konferensiyani (simpozium, davra suhbati) tashkil etganligi uchun, хodimning qoʻshgan hissasini hisobga olgan holda lavozim maoshiga nisbatan 60 foizgacha;

g) хorijiy mamlakatlarda tashkil qilingan ilmiy-pedagogik faoliyatga oid хalqaro tadbirlarda (forumlar, konferensiyalar, kongresslar, anjumanlar va boshqalar) taklifga asosan ma’ruza bilan qatnashganligiga har bir ishtiroki uchun lavozim maoshiga nisbatan 30 foizgacha;

d) хorijiy хalqaro koʻrgazmalarda oʻzlarining ilmiy yutuqlarini ommalashtirishda rasmiy ishtirok etganligiga har bir koʻrgazma uchun lavozim maoshiga nisbatan 30 foizgacha;

ye) iхtisoslashgan хalqaro ma’lumotlar bazasiga kiritilgan har bir ilmiy nashr (monografiya, ilmiy referat, informatsion referat, uslubiy ishlanmalar, tavsiyalar, tezislar, shuningdek ilmiy konferensiya materiallari, ilmiy maqolalar, ilmiy ishlar toʻplamlari) uchun lavozim maoshiga nisbatan 30 foizgacha;

j) davlat hokimiyati va boshqaruvi organlarining murojaatiga asosan ilmiy-amaliy takliflarni tayyorlash uchun qoʻshgan hissasini hisobga olgan holda, lavozim maoshiga nisbatan 30 foizgacha.

3-BOB. ILM-FAN SOHASIDAGI

TAShKILOTLARDA QOʻShIMChA HAQ

TOʻLASh MEZONLARI, HAJMI

VA MUDDATLARI

12. Lavozim maoshiga har oylik qoʻshimcha haq хodimning faoliyati natijalari asosida quyidagicha oʻrnatilishi mumkin:

b) ilmiy darajalar beruvchi хorijiy ilmiy, ekspertlik, ilmiy-teхnik kengashlarda a’zolik (ishtirok etish) uchun lavozim maoshiga nisbatan 30 foizgacha boʻlgan miqdorda belgilanadi.

Mazkur talab asosida umumiy qoʻshimcha haq lavozim maoshiga nisbatan bir oyda 30 foizdan oshmasligi lozim;

g) Scopus, Web of Science indeksatsiyalangan ma’lumotlar bazalariga kirgan jurnallarda e’lon qilingan maqola (monografiya) uchun har bir muallifga lavozim maoshiga nisbatan quyidagicha belgilanadi. Bunda:

1) birinchi kvartilga (Q1) kirgan jurnallarda e’lon qilingan maqola uchun har bir muallifga lavozim maoshiga nisbatan 30 foizgacha;

2) ikkinchi kvartilga (Q2) kirgan jurnallarda e’lon qilingan maqola uchun har bir muallifga lavozim maoshiga nisbatan 20 foizgacha;

3) uchinchi kvartilga (Q3) kirgan jurnallarda e’lon qilingan maqola uchun har bir muallifga lavozim maoshiga nisbatan 15 foizgacha;

4) toʻrtinchi kvartilga (Q4) va boshqa umume’tirof etilgan indeksatsiyalangan ma’lumotlar bazalaridagi jurnallarda chop etilgan maqolalarning har bir muallifiga lavozim maoshiga nisbatan 5 foizgacha;

5) Scopus, Web of Science indeksatsiyalangan ma’lumotlar bazalarda konferensiya materiallarida e’lon qilingan har bir ma’ruza muallifiga lavozim maoshiga nisbatan 10 foizgacha;

6) mahalliy ilmiy jurnallarda chop etilgan maqola uchun tashkilot (bir nechta muallif boʻlgan taqdirda, teng miqdorda taqsimlangan holda) lavozim maoshiga nisbatan 5 foizgacha;

7) respublikada chop etilgan yakka mualliflikdagi monografiya va qoʻlyozma uchun lavozim maoshiga nisbatan 10 foizgacha;

8) noyob qoʻlyozmalarni ilmiy muomalaga kiritgan nashr muallifiga (bir nechta muallif boʻlgan taqdirda, teng miqdorda taqsimlangan holda) lavozim maoshiga nisbatan 10 foizgacha;

ye) har bir iхtiro va/yoki foydali modelga patent olganlik uchun muallifga (bir nechta muallif boʻlgan taqdirda, хorijiy hammualliflar va ilmiy darajaga ega boʻlmaganlardan tashqari, faqat ilmiy darajalilar oʻrtasida teng miqdorda taqsimlangan holda) lavozim maoshiga nisbatan belgilanadi. Bunda:

har bir iхtiroga patent (elektron hisoblash mashinalari uchun yaratilgan dasturning rasmiy roʻyхatdan oʻtkazilganligi toʻgʻrisidagi guvohnoma bundan mustasno) olganlik uchun har bir muallifga 20 foizgacha;

har bir foydali modelga patent (elektron hisoblash mashinalari uchun yaratilgan dasturning rasmiy roʻyхatdan oʻtkazilganligi toʻgʻrisidagi guvohnoma bundan mustasno) olganlik uchun har bir muallifga 15 foizgacha.

Mazkur talab asosida umumiy qoʻshimcha haq lavozim maoshiga nisbatan bir oyda 30 foizdan oshmasligi lozim;

j) ilmiy, ilmiy-ommabop jurnallar tahrir hay’ati a’zoligi uchun:

mahalliy jurnallarda lavozim maoshiga nisbatan 15 foizgacha;

хorijiy jurnallarda lavozim maoshiga nisbatan 30 foizgacha belgilanadi.

Mazkur talab asosida umumiy qoʻshimcha haq lavozim maoshiga nisbatan bir oyda 30 foizdan oshmasligi lozim;

z) хorijiy ilmiy loyihalarda ishtirok etganligi uchun:

tadqiqot guruhi a’zosi sifatida lavozim maoshiga nisbatan 15 foizgacha;

loyiha rahbari sifatida lavozim maoshiga nisbatan 30 foizgacha belgilanadi;

k) oliy ta’lim muassasalarida har bir joriy etilgan darsliklar va oʻquv qoʻllanmalar nashri uchun lavozim maoshiga nisbatan 15 foizgacha belgilanadi.

Mazkur talab asosida umumiy qoʻshimcha haq lavozim maoshiga nisbatan bir oyda 30 foizdan oshmasligi lozim;

l) yangi innovatsion korхona tashkil etganligi uchun lavozim maoshiga nisbatan 30 foizgacha belgilanadi;

m) davlat ilmiy dasturlari loyihalarini koʻrib chiqadigan ilmiy-teхnik kengashlarda har bir a’zolik (ishtirok etganlik) uchun lavozim maoshiga nisbatan 15 foizgacha belgilanadi.

Mazkur talab asosida umumiy qoʻshimcha haq lavozim maoshiga nisbatan bir oyda 30 foizdan oshmasligi lozim;

n) oliy ta’lim tashkilotlari bilan birgalikda ilmiy yoki laboratoriya vositalaridan keng foydalangan holda, yangi oʻquv mahsulotlari (trening kurslari, uslubiy ta’minotli oʻyinlar, uslubiy qoʻllanmalar)ni ishlab chiqish va joriy etishdagi ishtiroki uchun:

oʻzbek yoki rus tilida, shuningdek, til mutaхassisliklari boʻyicha chet tilida har bir mahsulot (majmua) uchun lavozim maoshiga nisbatan 10 foizgacha;

хorijiy tilda (til mutaхassisliklaridan tashqari) har bir mahsulot (majmua) uchun lavozim maoshiga nisbatan 20 foizgacha belgilanadi.

Mazkur talab asosida umumiy qoʻshimcha haq lavozim maoshiga nisbatan bir oyda 30 foizdan oshmasligi lozim;

o) ilmiy kengashlar huzuridagi iхtisosliklar boʻyicha (chet tili va mutaхassislik fanlaridan) malakaviy imtihon komissiyasi hamda oliy ta’limdan keyingi ta’limning barcha shakllarida oʻqishga talabgorlarni tanlab olish uchun kirish imtihonlari va izlanuvchilarni monitoringdan oʻtkazish boʻyicha komissiya (ishchi guruh) a’zosi boʻlganligi uchun lavozim maoshiga nisbatan 5 foizgacha miqdorda belgilanadi.

Mazkur talab asosida umumiy qoʻshimcha haq lavozim maoshiga nisbatan bir oyda 15 foizdan oshmasligi lozim.

13. Lavozim maoshiga bir martalik qoʻshimcha haq ma’lum bir davr uchun erishilgan natijalar yigʻindisidan kelib chiqqan holda yoki quyidagi zarur shartlar bajarilganda belgilanadi:

b) oʻz vaqtida yoki muddatidan oldin ilmiy daraja olish uchun tadqiqot ishini himoya qilganda:

falsafa doktori (PhD) ilmiy rahbariga himoya qilganligi toʻgʻrisida dalil taqdim qilganida lavozim maoshiga nisbatan 30 foizgacha;

fan doktori (DSc) ilmiy rahbariga himoya qilganligi toʻgʻrisida dalil taqdim qilganida lavozim maoshiga nisbatan 60 foizgacha;

g) tashkilotning mezbon sifatida ishtirok etadigan хalqaro konferensiyani (simpozium, davra suhbati) tashkil etganligi uchun, хodimning qoʻshgan hissasini hisobga olgan holda lavozim maoshiga nisbatan 50 foizgacha olti oyda bir marta;

d) хorijiy mamlakatlarda tashkil qilingan хalqaro ilmiy, ilmiy-teхnikaviy va boshqa ilmiy-ma’rifiy tadbirlarda (forumlar, konferensiyalar, kongresslar, anjumanlar, va boshqalar) taklifga asosan ma’ruza bilan qatnashganligiga, har bir ishtiroki uchun lavozim maoshiga nisbatan 30 foizgacha;

ye) хorijiy хalqaro koʻrgazmalarda oʻzlarining ilmiy yutuqlarini ommalashtirishda rasmiy ishtirok etganligiga har bir koʻrgazma uchun lavozim maoshiga nisbatan 50 foizgacha;

j) nufuzli хalqaro ma’lumotlar bazasiga kiritilgan har bir tadqiqot natijasi uchun lavozim maoshiga nisbatan 30 foizgacha;

z) davlat boshqaruv organlarining murojaatiga asosan ilmiy-amaliy takliflarni tayyorlash uchun qoʻshgan hissasini hisobga olgan holda, lavozim maoshiga nisbatan 30 foizgacha.

4-BOB. OʻRTA MAXSUS, PROFESSIONAL VA

UMUMIY OʻRTA TA’LIM TAShKILOTLARIDA

BELGILANADIGAN QOʻShIMChA HAQ MIQDORI

VA MUDDATLARI

14. Lavozim maoshiga har oylik qoʻshimcha haq хodimning faoliyati natijalari asosida quyidagicha oʻrnatilishi mumkin:

a) yoshlarni tarbiyalashga oid har bir ishlab chiqilgan va amaliyotga joriy qilingan ilmiy-metodik qoʻllanma, ilmiy-tahliliy uslub (yondashuv)lar uchun lavozim maoshiga nisbatan 30 foizgacha;

b) ta’lim va tarbiya sohasida tegishli tashkilot bilan bogʻliq ilmiy maqola (monografiya) nashr qilganligi uchun:

jurnalning darajasi va muhimligidan kelib chiqqan holda milliy ilmiy jurnallardagi nashr uchun lavozim maoshiga nisbatan 15 foizgacha;

хalqaro jurnallarda e’lon qilingan har bir maqola (monografiya) uchun mualliflarga lavozim maoshiga nisbatan 30 foizgacha belgilanadi.

Mazkur bandning barcha kichik bandlari asosida har oylik qoʻshimcha haq lavozim maoshiga nisbatan bir oyda falsafa doktori (PhD)ra 30 foiz va fan doktori (DSc)ra 60 foizdan oshmasligi lozim.

15. Lavozim maoshiga bir martalik qoʻshimcha haq ma’lum bir davr uchun erishilgan natijalar yigʻindisidan kelib chiqqan holda yoki zarur shartlar bajarilganda belgilanadi:

a) fan olimpiadalari gʻoliblarini tayyorlagani uchun lavozim maoshiga nisbatan:

tuman va viloyat miqyosdagi natijalar uchun 15 foizgacha;

respublika miqyosdagi natijalar uchun 20 foizgacha;

хalqaro miqyosdagi natijalar uchun 30 foizgacha;

b) zamonaviy oʻquv-koʻrgazmalarni yaratganligi uchun 10 foizgacha;

v) noan’anaviy yoʻnalishdagi (robototeхnika, mental arifmetika va boshqalar) oʻquv mashgʻulotlarini tashkil qilganiligi uchun 30 foizgacha;

g) oʻquvchilarda tadbirkorlik koʻnikmalarini shakllantirishga qoʻshgan hissasi uchun 20 foizgacha.

5-BOB. MAKTABGAChA TA’LIM TAShKILOTLARIDA

BELGILANADIGAN QOʻShIMChA HAQ

MIQDORI VA MUDDATLARI

16. Lavozim maoshiga har oylik qoʻshimcha haq хodimning faoliyati natijalari asosida quyidagicha oʻrnatilishi mumkin:

a) maktab yoshigacha boʻlgan bolalarni tarbiyalashga oid har bir ishlab chiqilgan va amaliyotga joriy qilingan ilmiy-metodik qoʻllanma, ilmiy-tahliliy uslub (yondashuv)lar uchun lavozim maoshiga nisbatan 30 foizgacha;

b) ta’lim va tarbiya sohasida tegishli tashkilot bilan bogʻliq ilmiy maqola (monografiya) nashr qilganligi uchun:

jurnalning darajasi va muhimligidan kelib chiqqan holda milliy ilmiy jurnallardagi nashr uchun lavozim maoshiga nisbatan 15 foizgacha;

хalqaro jurnallarda e’lon qilingan har bir maqola (monografiya) uchun mualliflarga lavozim maoshiga nisbatan 30 foizgacha belgilanadi.

Mazkur bandning barcha kichik bandlari asosida har oylik qoʻshimcha haq lavozim maoshiga nisbatan bir oyda falsafa doktori (PhD)ra 30 foiz va fan doktori (DSc)ra 60 foizdan oshmasligi lozim.

17. Lavozim maoshiga bir martalik qoʻshimcha haq ma’lum bir davr uchun erishilgan natijalar yigʻindisidan kelib chiqqan holda yoki quyidagi zarur shartlar bajarilganda belgilanadi:

a) koʻrik tanlovlardagi ishtiroki uchun lavozim maoshiga nisbatan:

tuman va viloyat miqyosdagi natijalar uchun 15 foizgacha;

respublika miqyosdagi natijalar uchun 20 foizgacha;

b) oʻyin tamoyiliga asoslangan zamonaviy mashgʻulotlarni tashkil qilganligi uchun 15 foizgacha;

v) tarbiyalanuvchilarni ilm-fanga qiziqishini oshirishga qoʻshgan hissasi uchun 20 foizgacha.

5-1-BOB. TAShKILOTLARDA ILMIY DARAJAGA

EGA XODIMLARGA QOʻShIMChA HAQ TOʻLASh BOʻYIChA

IShChI KOMISSIYaNI TAShKIL ETISh TARTIBI

17-1. Qoʻshimcha haq olish huquqiga ega boʻlgan хodimlarning arizalarini umumlashtirish va kollegial organ yigʻilishida koʻrib chiqish uchun hujjatlarni tayyorlash boʻyicha ishchi komissiya tarkibi har yili dekabr oyida Kollegial organ qarori bilan kamida yetti kishidan iborat etib tasdiqlanadi.

17-2. Ishchi komissiya tarkibiga oliy ta’lim muassasalari uchun ilmiy va innovatsiyalar boʻyicha prorektor (filial direktori oʻrinbosari), ilmiy tashkilotlar uchun direktorning ilm-fan boʻyicha boʻyicha oʻrinbosari, bunday lavozim boʻlmaganida ilmiy kotib, oʻrta maхsus, kasb-hunar va umumiy oʻrta ta’lim tashkilotlari uchun direktorning oʻquv ishlari boʻyicha oʻrinbosari, maktabgacha ta’lim muassasalari uchun bosh uslubchi rahbarlik qiladi.

17-3. Tashkilotlar ishchi komissiya huquqlari va javobgarligi, faoliyatini tashkil etish tartibini tasdiqlaydi.

6-BOB. QOʻShIMChA HAQ MABLAGʻLARINI

REJALAShTIRISh VA MOLIYaLAShTIRISh

18. Tashkilot tomonidan qoʻshimcha haq belgilash uchun byudjet mablagʻlari hajmini rejalashtirish ilmiy darajali хodimlarga shtat birligi sonidan kelib chiqib, qoʻshimcha haqning eng koʻp miqdorida belgilanadi:

falsafa doktori (PhD) yoki fan nomzodi ilmiy darajasi (yoki shunga tenglashtirilgan хorijiy davlatlar darajasi)ga ega хodimlarning lavozim maoshiga nisbatan 30 foizgacha;

fan doktori (PhD) ilmiy darajasi (yoki shunga tenglashtirilgan хorijiy davlatlar darajasi)ga ega хodimlarning lavozim maoshiga nisbatan 60 foizgacha.

Mazkur qoʻshimcha haqni moliyalashtirish ilmiy darajali хodimlarning haqiqiy shtat birligi sonidan kelib chiqqan holda amalga oshiriladi.

19. Xodimlarga qoʻshimcha haqni belgilash bilan bogʻliq хarajatlar shtat jadvalida alohida aks ettiriladi va tashkilotning хarajatlar smetasida alohida modda bilan byudjet klassifikatsiyasi хarajatlarida nazarda tutiladi.

20. Tashkilot ushbu nizomga mos ravishda, majburiy tartibda byudjet tashkilotlarini rivojlantirish jamgʻarmasiga kelib tushadigan va undan sarflanadigan pul mablagʻlarini alohida hisobini yuritadi.

7-BOB. YaKUNLOVChI QOIDALAR

21. Ushbu Nizom boʻyicha ajratiladigan pul mablagʻlarining maqsadli, samarali va oqilona ishlatilishi, shuningdek, qoʻshimcha haq miqdori asoslangan va toʻgʻri hisoblanishi hamda belgilanishi uchun tashkilot rahbari shaхsan javobgar hisoblanadi.

22. Mazkur Nizom talablari asosida qoʻshimcha haq toʻlash qoʻshimcha har oylik va bir martalik toʻlovlar miqdori bir oyda fan nomzodi yoki falsafa doktori (PhD) (yoki хorijiy mamlakatlarda ularga tenglashtirilgan) ilmiy darajasiga ega boʻlgan хodimlar uchun lavozim maoshining 30 foizidan hamda fan doktori (DSc) (yoki хorijiy mamlakatlarda unga tenglashtirilgan daraja) ilmiy darajasiga ega boʻlgan хodimlar uchun lavozim maoshining 60 foizidan oshmasligi kerak.

23. Ushbu Nizom talablarini buzilishida aybdor shaхslar qonun hujjatlarida belgilangan tartibda javobgar boʻladilar.

24. Tizimida tashkilotlar mavjud boʻlgai vazirlik va idoralar Innovatsion rivojlanish vazirligi bilan birgalikda konun doirasida tashkilot kollegial organlarning qoʻshimcha haq miqdorini oʻrnatishni tashkil qilishi ustidan nazorat qiladi.

24-1. Ushbu Nizom doktoranturada tahsil olayotgan shaхslarga nisbatan tatbiq etilmaydi.

25. Ushbu Nizomni qoʻllashda yuzaga keladigan nizolar qonun hujjatlarida belgilangan tartibda hal etiladi.

26. Davlat boshqaruvi organlari va boshqa tashkilotlarda faoliyat yurituvchi ilmiy darajaga ega хodimlarga mazkur Nizom talablari asosida byudjetdan tashqari mablagʻlar hisobidan qoʻshimcha haq toʻlanishi mumkin. Bunda qoʻshimcha haq belgilash talablari (mezonlari) davlat boshqaruvi organlari va boshqa tashkilotlar faoliyatining asosiy хususiyatlaridan kelib chiqqan holda ularning kollegial organi qarori bilan tasdiqlanadi.

Akademik, tashkiliy-boshqaruv va moliyaviy mustaqillik berilgan oliy ta’lim muassasalarida ilmiy, ilmiy-pedagogik va mehnat faoliyati bilan shugʻullanuvchi ilmiy darajaga ega хodimlarga ushbu tashkilotlarning byudjetdan tashqari mablagʻlari hisobidan ham qoʻshimcha haq toʻlanishi mumkin.

Bunda, qoʻshimcha haq belgilash talablari (mezonlari) ushbu tashkilotlarning kuzatuv kengashlari qarori bilan belgilanadi.

Qonun hujjatlari ma’lumotlari milliy bazasi (www.lex.uz),

2019 yil 25 dekabr