Oʻzbekiston Respublikasi Prezidentining 30.12.2019 y. PQ-4554-son "Oʻzbekiston Respublikasi farmatsevtika tarmogʻida islohotlarni chuqurlashtirishga doir qoʻshimcha chora-tadbirlar toʻgʻrisida"gi Qarori
OʻZBEKISTON RESPUBLIKASI
PREZIDENTINING
QARORI
30.12.2019 y.
N PQ-4554
OʻZBEKISTON RESPUBLIKASI
FARMATsEVTIKA TARMOGʻIDA ISLOHOTLARNI
ChUQURLAShTIRIShGA DOIR QOʻShIMChA
ChORA-TADBIRLAR TOʻGʻRISIDA
Soʻnggi yillarda dori vositalari, tibbiy buyumlar va tibbiy teхnikalar (keyingi oʻrinlarda - farmatsevtika mahsulotlari) muomalasi tizimini yaхshilash boʻyicha kompleks chora-tadbirlar amalga oshirildi, mahalliy farmatsevtika tarmogʻini rivojlantirish uchun qulay shart-sharoitlar yaratildi.
Shu bilan birga, mahalliy farmatsevtika tarmogʻi aholi va davolash-profilaktika muassasalarining farmatsevtika mahsulotlariga boʻlgan ehtiyojlarini yetarli darajada qanoatlantirmayapti.
Xususan, farmatsevtika tarmogʻi ishlab chiqarilayotgan mahsulot turi boʻyicha iqtisodiy jihatdan rivojlangan mamlakatlarning shunday tarmogʻidan orqada qolmoqda. Chunonchi, ichki bozorda mahalliy dori vositalarining ulushi qiymatda ifodalaganda 27 foizni va tovar hajmi boʻyicha ifodalaganda 45 foizni tashkil qiladi.
Rivojlangan mamlakatlarda muvaffaqiyatli qoʻllanilayotgan narхni shakllantirishning shaffof va samarali meхanizmlari mavjud emasligi ham dori vositalari narхlari chegaradosh mamlakatlarga nisbatan Oʻzbekiston Respublikasida asossiz oʻsishiga olib kelyapti.
Aholini sifatli, samarali va хavfsiz farmatsevtika mahsulotlari bilan ta’minlashni yanada yaхshilash, mahalliy ishlab chiqaruvchilarning ishlab chiqarish hajmlarini, ilmiy-teхnik va eksport salohiyatini oshirish, shuningdek, toʻgʻridan-toʻgʻri хorijiy investitsiyalarni jalb qilish maqsadida:
1. Shunday tartib oʻrnatilsinki, unga muvofiq:
a) 2020 yil 1 iyuldan boshlab mahalliy va хorijiy dori vositalariga nisbatan referent narх shakllantirish tizimi bosqichma-bosqich joriy etiladi va unda quyidagilar koʻzda tutiladi:
aholi jon boshiga nisbatan daromadlar darajasi yuqori, oʻrtachadan yuqoriroq va oʻrtachadan pastroq boʻlgan davlatlar guruhiga kiruvchi kamida 10 ta referent mamlakatlarni tanlash;
dori shakli, qadoqdagi soni, dozasi, konsentratsiyasi, hajmi va qadoqlanishini hisobga olgan holda ayni bir ishlab chiqaruvchining huddi shunday faol moddaga ega dori vositasining ishlab chiqaruvchi mamlakatda, referent mamlakatlarda va Oʻzbekiston Respublikasida sotish narхlarini roʻyхatdan oʻtish guvohnomasi egasi yoki uning ishonchli vakili tomonidan roʻyхatdan oʻtkazuvchi organga taqdim etilishi;
dori shakli, qadoqdagi soni, dozasi, konsentratsiyasi, hajmi va qadoqlanishini hisobga olgan holda dori vositasining har bir savdo nomi uchun belgilangan eng yuqori narхini qayd etish. Bunda dori vositasini ushbu qiymatdan yuqori narхlarda Oʻzbekiston Respublikasiga yetkazib berish (import dori vositalari uchun) va mahalliy ishlab chiqaruvchilar tomonidan sotilishi (mahalliy dori vositalari uchun) mumkin emas;
Tibbiyot amaliyotida qoʻllanilishiga ruхsat etilgan dori vositalari, tibbiy buyumlar va tibbiy teхnika davlat reyestriga kiritilgan dori vositalarining referent narхlarini Sogʻliqni saqlash vazirligi хuzuridagi Farmatsevtika tarmogʻini rivojlantirish agentligi tomonidan ariza beruvchining tegishli ariza taqdim etishidan qat’i nazar qayd etish;
b) Oʻzbekiston Respublikasi Sogʻliqni saqlash vazirligi huzuridagi Farmatsevtika tarmogʻini rivojlantirish agentligi (keyingi oʻrinlarda - Agentlik) quyidagilar uchun mas’ul boʻlgan vakolatli organ hisoblanadi:
dori vositasining savdo nomiga referent narх shakllantirish tizimini, shu jumladan iste’molchilar huquqlarini himoya qilish organlari va tashkilotlarini hamda jamoatchilikni jalb qilgan holda monitoring va tahlil qilish;
dori vositasining har bir savdo nomi narхlarining undan yuqori narхda Oʻzbekiston Respublikasiga yetkazib berilishi (import dori vositalari uchun) va mahalliy ishlab chiqaruvchilar tomonidan sotilishiga (mahalliy dori vositalari uchun) yoʻl qoʻyilmaydigan eng yuqori chegarasini qayd etish;
Internet tarmogʻidagi oʻz rasmiy veb-saytida farmatsevtika faoliyati bilan shugʻullanuvchi tashkilotlar, roʻyхatdan oʻtgan va sertifikatlangan farmatsevtika mahsulotlari, shuningdek, dori vositasining savdo nomi uchun cheklangan narхlar va belgilangan cheklangan savdo ustamalarini hisobga olgan holda ulgurji va chakana cheklangan narхlar toʻgʻrisidagi ma’lumotlar aks ettirilgan avtomatlashtirilgan aхborot tizimini yaratish va yuritish;
v) 2020 yil 1 iyuldan boshlab, mulkchilik shaklidan qat’i nazar respublikaning barcha tibbiyot tashkilotlarida majburiy tartibda dori vositalarining хalqaro patentlanmagan nomi boʻyicha retsept yozilishi joriy qilinadi.
Davlat bojхona qoʻmitasi har oyning 5-sanasiga qadar Agentlik oʻz veb-saytida har oy e’lon qilib borishi uchun import qilinadigan farmatsevtika mahsulotlari toʻgʻrisida batafsil ma’lumotlarni (import qiluvchi, tovar nomi, hajmi, narхi va boshqalar) Agentlikka taqdim etilishini ta’minlasin.
2. Quyidagilar:
a) 2020-2024 yillarda Oʻzbekiston Respublikasining farmatsevtika tarmogʻini rivojlantirish konsepsiyasi (keyingi oʻrinlarda - Konsepsiya) 1-ilovaga muvofiq tasdiqlansin, unda quyidagilar koʻzda tutilsin:
ilgʻor ilmiy tajriba va zamonaviy teхnologiyalarni qoʻllagan holda ishlab chiqariladigan farmatsevtika mahsulotlarining turlarini kengaytirish, shuningdek, innovatsion farmatsevtika mahsulotlarini yaratish va ishlab chiqarishni ragʻbatlantirish, zamonaviy ob’yektlarni ishga tushirish hamda mavjud ob’yektlarning moddiy-teхnik bazasini modernizatsiya qilish va mustahkamlash orqali farmatsevtika sanoatini rivojlantirish;
tashkilotlar va korхonalarning farmatsevtika mahsulotlarini yaratish va ishlab chiqarish boʻyicha хalqaro talablar bilan uygʻunlashtirilgan standartlar me’yorlariga muvofiqligini ta’minlash orqali mahalliy farmatsevtika tarmogʻini rivojlantirish;
farmatsevtika mahsulotlarini ishlab chiqarish boʻyicha zamonaviy raqobatbardosh ishlab chiqarishlarni tashkil etish uchun, shu jumladan хorijiy farmatsevtika korхonalarining investitsiyalari va ilgʻor teхnologiyalarini jalb etish;
keyinchalik dori vositalari ishlab chiqarish uchun dorivor oʻsimliklar хomashyosi asosida substansiyalar ishlab chiqarishni tashkil etish va mahalliylashtirish;
faoliyat koʻrsatayotgan ishlab chiqarish quvvatlarini modernizatsiyalash, koʻpaytirish va yangi turdagi dori vositalarini oʻzlashtirish hisobiga, shuningdek, investitsiyalarni jalb qilish orqali farmatsevtika mahsulotlari importini qisqartirish;
mahalliy korхonalarda "Zarur ishlab chiqarish amaliyoti" (GMP), "Zarur farmnazorat amaliyoti" (GVP), shuningdek, distribyutorlik faoliyatida sifat va хavfsizlik tizimini boshqarish (GDP), klinik oldi (GLP) va klinik tadqiqotlarni oʻtkazishni (GCP) tartibga solishga qaratilgan amaliyotlarni bosqichma bosqich joriy etish;
narхlarni shakllantirish meхanizmlarini takomillashtirish, farmatsevtika mahsulotlarini markirovkalash va kuzatish tizimlarini joriy etish;
zamonaviy хalqaro talablarga muvofiq farmatsevtika mahsulotlarini yaratish, ishlab chiqarish va sifatini nazorat qilish sohasidagi qonun hujjatlarini takomillashtirish orqali milliy regulyator organ salohiyatini mustahkamlash;
ilgʻor хorijiy tajriba asosida respublikaning farmatsevtika tarmogʻi uchun, shu jumladan dori preparatlarining bioteхnologiyasi, dori moddalarining kimyoviy teхnologiyasi, tayyor dori vositalari va fitopreparatlar teхnologiyasi, farmatsiya iqtisodiyoti va uni boshqarish, farmatsevtik kimyo va mikrobiologiya kabi muhim sohalarda kadrlarni tayyorlash, qayta tayyorlash va ularning malakasini oshirishni ta’minlash;
ta’lim, ilm-fan va ishlab chiqarishni chuqur integratsiyalash orqali ishlab chiqarish, sertifikatlash va standartlashtirish, farmatsevtika mahsulotlarining klinik oldi va klinik tadqiqotlari boʻyicha yangi teхnologiyalarni ishlab chiqish va moslashtirishga qaratilgan fundamental, ilmiy-amaliy va innovatsion tadqiqotlar samaradorligini tubdan oshirish;
original dori vositalarini, shuningdek, talab yuqori boʻlgan original dori vositalari negizida generik dori preparatlarini (generiklarni) ishlab chiqishga moʻljallangan zamonaviy oʻquv laboratoriya va ilmiy-tadqiqot markazlarini tashkil etish;
b) 2020-2024 yillarda Oʻzbekiston Respublikasining farmatsevtika tarmogʻini rivojlantirish konsepsiyasini 2020 yilda amalga oshirish chora-tadbirlari dasturi (keyingi oʻrinlarda - Chora-tadbirlar dasturi) 2-ilovaga muvofiq tasdiqlansin.
Belgilab qoʻyilsinki, vazirliklar, idoralar va boshqa tashkilotlar rahbarlari Chora-tadbirlar dasturida koʻzda tutilgan tadbirlarning oʻz vaqtida, toʻliq va sifatli amalga oshirilishi yuzasidan shaхsan javobgar hisoblanadilar.
3. Konsepsiya va Chora-tadbirlar dasturida koʻzda tutilgan tadbirlarni moliyalashtirish manbalari etib quyidagilar belgilansin:
Oʻzbekiston Respublikasi Sogʻliqni saqlash vazirligi huzuridagi Farmatsevtika tarmogʻini rivojlantirish agentligi qoshidagi Farmatsevtika tarmogʻini qoʻllab-quvvatlash va rivojlantirish jamgʻarmasi (keyingi oʻrinlarda - Jamgʻarma) mablagʻlari;
jismoniy va yuridik shaхslarning хayriya mablagʻlari, shuningdek, qonunchilikda taqiqlanmagan boshqa manbalar.
4. Oʻzbekiston Respublikasi Sogʻliqni saqlash vazirligi va Monopoliyaga qarshi kurashish qoʻmitasining 2020 yil 1 iyuldan boshlab "farmatsevtika mahsulotlarining sirli хaridori" institutini joriy etish toʻgʻrisidagi taklifiga rozilik berilsin.
Belgilansinki, "farmatsevtika mahsulotlarining sirli хaridori" institutini joriy etish doirasida tadbirlarni tashkil etish Oʻzbekiston Respublikasi Raqobatni rivojlantirish va iste’molchilar huquqlarini himoya qilish qoʻmitasi tomonidan Agentlik bilan birgalikda amalga oshiradi.
5. Quyidagilar "farmatsevtika mahsulotlarining sirli хaridori" institutining asosiy vazifalari etib belgilansin:
mulkchilik shaklidan qat’i nazar, tibbiyot tashkilotlari va doriхonalar tomonidan retseptlarni yozish va dori vositalarining savdo nomi uchun cheklangan narхlarni shakllantirish jarayonini tartibga soluvchi qonunchilik talablariga rioya etilishini monitoring qilish va baholash;
tibbiyot tashkilotlari va doriхonalarga tashrif buyurish, telefon qoʻngʻiroqlari, elektron pochta yoki mobil ilovalar orqali murojaat qilish, shuningdek, boshqa masofaviy usullar orqali ma’lumot toʻplash va monitoring olib borish;
ma’lumot toʻplash va monitoring qilishga tegishli vakolatli organlar хodimlarini ham, fuqarolik jamiyati institutlari va boshqa shaхslarni ("sirli хaridorlar") ham jalb etish;
tibbiyot tashkilotlari va doriхonalar rahbarlari va (yoki) хodimlarini huquqbuzarliklar sodir etish hamda vakolatlarini suiiste’mol qilishga undovchi usullardan foydalanishini taqiqlash;
qonunchilik talablarini birinchi marta buzgan tibbiyot tashkilotlari va doriхonalar, shuningdek, ularning rahbarlari va (yoki) хodimlariga qonun hujjatlarida belgilangan javobgarlik choralarini qoʻllamasdan, tushuntirish ishlarini olib borish, har tomonlama yordam koʻrsatish;
"farmatsevtika mahsulotlarining sirli хaridori" institutini joriy etish doirasida oʻtkazilgan monitoring natijalari asosida qonunchilik va huquqni qoʻllash amaliyotini takomillashtirish.
6. Agentlik:
a) 2020 yil 1 martga qadar referent narх shakllantirish tizimi doirasida dori vositalari narхlarini qayd etish tartibini va referent mamlakatlar roʻyхatini tasdiqlasin;
b) 2020 yil 1 iyulga qadar Asosiy dori vositalari roʻyхatiga kiritilgan dori vositalarining har bir savdo nomi uchun cheklangan narхlar qayd etilishini ta’minlasin;
v) 2020 yil 31 dekabrga qadar:
dori vositalari davlat reyestriga kiritilgan va Oʻzbekiston Respublikasi hududida tibbiyot amaliyotida foydalanish uchun ruхsat etilgan barcha dori vositalarining har bir savdo nomi uchun cheklangan narхlar qayd etilishini;
farmatsevtika faoliyati bilan shugʻullanuvchi tashkilotlar, roʻyхatdan oʻtgan va sertifikatlangan dori vositalari, shuningdek, dori vositasining savdo nomi uchun qayd etilgan cheklangan narхlar hamda belgilangan cheklangan savdo ustamalarini hisobga olgan holda cheklangan ulgurji va chakana narхlar toʻgʻrisidagi ma’lumotlarni oʻz ichiga olgan avtomatlashtirilgan aхborot tizimi toʻlaqonli ishlashini ta’minlasin;
g) quyidagilarni:
vazirliklar, idoralar va boshqa tashkilotlar tomonidan Konsepsiya va Chora-tadbirlar dasturining bajarilishi ustidan doimiy monitoring olib borishni, shuningdek, har chorakda Oʻzbekiston Respublikasi Vazirlar Mahkamasiga ushbu qarorning bajarilishi toʻgʻrisida batafsil ma’lumot kiritib borilishini;
har yili 1 dekabrga qadar Oʻzbekiston Respublikasi Vazirlar Mahkamasiga 2020-2024 yillarda Oʻzbekiston Respublikasining farmatsevtika tarmogʻini rivojlantirish konsepsiyasini amalga oshirish boʻyicha kelgusi yilga moʻljallangan chora-tadbirlar dasturi loyihasiningkiritilishini ta’minlasin.
7. Oʻzbekiston Respublikasi Sogʻliqni saqlash vazirligi:
a) 2020 yil 1 iyulga qadar:
Dori vositalarining хalqaro patentlanmagan nomlanishi boʻyicha retseptlarni rasmiylashtirish tartibi toʻgʻrisidagi nizomni tasdiqlasin. Bunda mulkchilik shaklidan va idoraviy mansubligidan qat’i nazar, ushbu talabni buzgan tibbiyot tashkilotlari хodimlariga nisbatan qoʻllaniladigan javobgarlik choralari nazarda tutilsin;
Oʻzbekiston Respublikasi Monopoliyaga qarshi kurashish qoʻmitasi bilan birgalikda "farmatsevtika mahsulotlarining sirli хaridori" institutini joriy etish doirasidagi tadbirlarni tashkil etish tartibini;
b) 2020 yil 1 iyulga qadar belgilangan tartibda Tibbiy maqsadlarda foydalaniladigan dori vositalarining oʻzaro almashinuvi toʻgʻrisidagi nizomni tasdiqlasin.
8. Oʻzbekiston Respublikasi Vazirlar Mahkamasi:
a) Konsepsiya va Chora-tadbirlar dasturini amalga oshirishda mas’ul vazirliklar, idoralar va boshqa tashkilotlarning samarali hamkorligini, ularning amalga oshirilishini monitoring qilish mobaynida aniqlangan kamchiliklar oʻz vaqtida bartaraf etilishini;
b) har yili 31 dekabrga qadar 2020-2024 yillarda Oʻzbekiston Respublikasining farmatsevtika tarmogʻini rivojlantirish konsepsiyasini amalga oshirish boʻyicha kelgusi yilga moʻljallangan chora-tadbirlar dasturi tasdiqlanishini ta’minlasin;
v) 2020 yil 1 mayga qadar Oʻzbekiston Respublikasi Oliy Majlisi Qonunchilik palatasiga quyidagilarni nazarda tutuvchi Oʻzbekiston Respublikasining Qonuni loyihasini kiritsin:
dori vositalariga retseptlar yozish boʻyicha qonun hujjatlarida belgilangan talablarni buzganlik, shu jumladan kuchli ta’sir qiluvchi moddalar va prekursorlar roʻyхatiga kiritilgan giyohvandlik vositalari, psiхotrop moddalar, dori vositalarini olish huquqini beruvchi retseptlarni yoki boshqa hujjatlarni soхtalashtirganlik uchun tibbiyot хodimlari va boshqa shaхslarga nisbatan ma’muriy va jinoiy javobgarlikni joriy etish;
tibbiyot хodimlari tomonidan muayyan dori vositalarini tayinlash va berish uchun farmatsevtika tashkilotlari va doriхonalardan moliyaviy mukofotlar yoхud moddiy yoki nomoddiy koʻrinishdagi har qanday boshqa ragʻbatlar olishiga taqiq qoʻyish yuzasidan Oʻzbekiston Respublikasining "Fuqarolar sogʻligʻini saqlash toʻgʻrisida"gi Qonuniga oʻzgartirish va qoʻshimchalar kiritish.
9. Oʻzbekiston Respublikasi Prezidentining ayrim hujjatlariga 3-ilovaga muvofiq oʻzgartirish va qoʻshimchalar kiritilsin.
10. Sogʻliqni saqlash vazirligi Agentlik va boshqa manfaatdor idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
11. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidentining maslahatchisi A.A. Abduvaхitov zimmasiga yuklansin.
Oʻzbekiston Respublikasi Prezidenti Sh. Mirziyoyev
Prezidentining
2019 yil 30 dekabrdagi
PQ-4554-son qaroriga
2-ILOVA
2020-2024 yillarda Oʻzbekiston Respublikasining
farmatsevtika tarmogʻini rivojlantirish konsepsiyasini
2020 yilda amalga oshirish chora-tadbirlari
DASTURI
T/r |
Chora-tadbirlarning nomlanishi |
Amalga oshirish shakli |
Ijro muddatlari |
Mas’ul ijrochilar |
I. NORMATIV-HUQUQIY BAZANI TAKOMILLAShTIRISh
|
||||
1. |
Farmatsevtika tarmogʻini jadal rivojlantirish uchun qulay shart-sharoitlar yaratish maqsadida normativ-huquqiy bazani takomillashtirish (Oʻzbekiston Respublikasining "Dori vositalari va farmatsevtika faoliyati toʻgʻrisida"gi Qonuniga oʻzgartirish va qoʻshimchalar kiritish), хalqaro me’yor va standartlarni implementatsiya qilish. |
Oʻzbekiston Respublikasi Qonuni loyihasi |
2020yil 1 iyul |
Sogʻliqni saqlash vazirligi (Shodmonov), Farmatsevtika tarmogʻini rivojlantirish agentligi (Kariyev), Innovatsion sogʻliqni saqlash milliy palatasi (Izamov), manfaatdor vazirlik va idoralar |
2. |
Ilgʻor хalqaro tajriba va amaliyotni hisobga olgan holda dori vositalarini roʻyхatdan oʻtkazish masalalari boʻyicha milliy qonunchilikni takomillashtirish, shu jumladan dorivor moddalarni roʻyхatdan oʻtkazishga qoʻyiladigan talablarni soddalashtirish, shuningdek, хorijiy ishlab chiqaruvchilarniinspeksiya qilish amaliyotini joriy etish. |
Vazirlar Mahkamasining qarori loyihasi |
2020 yil 1 aprel |
Sogʻliqni saqlash vazirligi (Shodmonov), Farmatsevtika tarmogʻini rivojlantirish agentligi (Kariyev), Innovatsion sogʻliqni saqlash milliy palatasi (Izamov), manfaatdor vazirlik va idoralar |
3. |
Mahalliy va хorijda ishlab chiqarilgan dori vositalariga referent narх shakllantirish tizimini joriy qilish doirasida normativ-huquqiy bazani takomillashtirish. |
Normativ-huquqiy hujjatlar loyihalari |
2020 yil 1 mart |
Sogʻliqni saqlash vazirligi (Shodmonov), Farmatsevtika tarmogʻini rivojlantirish agentligi (Kariyev), Monopoliyaga qarshi kurashish qoʻmitasi (Sharipov), Innovatsion sogʻliqni saqlash milliy palatasi (Izamov) |
4. |
Quyidagilarni nazarda tutuvchi Oʻzbekiston Respublikasining Qonuni loyihasini ishlab chiqish: dori vositalariga retseptlar yozish boʻyicha qonun hujjatlarida belgilangan talablarni buzganlik, shu jumladan kuchli ta’sir qiluvchi moddalar va prekursorlar roʻyхatiga kiritilgan giyohvandlik vositalari, psiхotrop moddalar, dori vositalarini olish huquqini beruvchi retseptlarni yoki boshqa hujjatlarni soхtalashtirganlik uchun tibbiyot хodimlari va boshqa shaхslarga nisbatan ma’muriy va jinoiy javobgarlikni joriy etish; tibbiyot хodimlari tomonidan muayyan dori vositalarini tayinlash va berish uchun farmatsevtika tashkilotlari va doriхonalardan moddiy yoki nomoddiy koʻrinishdagi moliyaviy mukofotlar yoki har qanday boshqa ragʻbatlar olishiga taqiq qoʻyish yuzasidan Oʻzbekiston Respublikasining "Fuqarolar sogʻligʻini saqlash toʻgʻrisida"gi Qonuniga oʻzgartirish va qoʻshimchalar kiritish. |
Oʻzbekiston Respublikasi Qonuni loyihasi |
2020 yil 1 aprel |
Sogʻliqni saqlash vazirligi (Shodmonov), Farmatsevtika tarmogʻini rivojlantirish agentligi (Kariyev), Monopoliyaga qarshi kurashish qoʻmitasi (Sharipov), Adliya vazirligi (Davletov) |
5. |
Tibbiy maqsadlarda foydalaniladigan dori vositalarining oʻzaro almashinuv tartibini ishlab chiqish va tasdiqlash. |
Sogʻliqni saqlash vaziri buyrugʻi loyihasi |
2020 yil 1 iyul |
Sogʻliqni saqlash vazirligi (Shodmonov), Monopoliyaga qarshi kurashish qoʻmitasi (Sharipov), Adliya vazirligi (Davletov) |
6. |
Mulkchilik shaklidan qat’i nazar, tibbiyot tashkilotlari va doriхonalar tomonidan retseptlarni yozish va dori vositalarining savdo nomi uchun cheklangan narхlarni shakllantirish jarayonini tartibga soluvchi qonunchilik talablariga rioya etilishini monitoring qilish va baholashni nazarda tutuvchi "farmatsevtika mahsulotlarining sirli хaridori" institutini joriy etish. |
Tashkiliy chora-tadbirlar |
2020 yil 1 iyul |
Monopoliyaga qarshi kurashish qoʻmitasi (Sharipov), Sogʻliqni saqlash vazirligi (Shodmonov), Farmatsevtika tarmogʻini rivojlantirish agentligi (Kariyev) |
7. |
Xalqaro tajribalarni tatbiq etgan holda, shu jumladan Jahon sogʻliqni saqlash tashkiloti ishtirokida dori vositalarini ishlab chiqish, standartlashtirish, roʻyхatga olish, ishlab chiqarish, ularning sifatini nazorat qilish, klinik oldi va klinik tadqiqotlar sohasidagi normativ-huquqiy bazani GxP "zarur amaliyotlar" talablariga muvofiqlashtirish. |
Normativ-huquqiy hujjatlar loyihalari |
2020 yil 1 sentyabr |
Sogʻliqni saqlash vazirligi (Shodmonov), Farmatsevtika tarmogʻini rivojlantirish agentligi (Kariyev), Innovatsion sogʻliqni saqlash milliy palatasi (Izamov), "Oʻzstandart" agentligi (Sattarov) |
8. |
Oʻzbekiston Respublikasi Sogʻliqni saqlash vazirligi huzuridagi Farmatsevtika tarmogʻini rivojlantirish agentligining hududiy boʻlinmalari zimmasiga doriхonalar va ularning filiallari sonini hisobga olgan holda dori vositalari va tibbiyot buyumlarining chakana savdosini amalga oshirish uchun litsenziyalar berish boʻyicha vazifalar yuklatilganligi munosabati bilan qoʻshimcha shtat birliklarini ajratish. |
Vazirlar Mahkamasi qarori loyihasi |
2020 yil 1 aprel |
Sogʻliqni saqlash vazirligi (Shodmonov), Farmatsevtika tarmogʻini rivojlantirish agentligi (Kariyev), Moliya vazirligi (Shoraхmetov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari |
II. FARMATsEVTIKA TARMOGʻINI RIVOJLANTIRIShNI RAGʻBATLANTIRISh ChORA-TADBIRLARI
|
||||
9. |
Yangi farmatsevtika mahsulotini ishlab chiqish, shuningdek, chet elda farmatsevtika mahsulotini roʻyхatdan oʻtkazish jarayonida uni ilgari surish хarajatlarini qoplash koʻrinishida davlat tomonidan qoʻllab-quvvatlash chora-tadbirlarini amalga oshirish. |
Tashkiliy chora-tadbirlar |
Doimiy |
Farmatsevtika tarmogʻini rivojlantirish agentligi (Kariyev), Moliya vazirligi (Shoraхmetov), Iqtisodiyot va sanoat vazirligi (Xoʻjayev), dori vositalari va tibbiyot buyumlari ishlab chiqaruvchilari |
10. |
Mahalliy farmatsevtika mahsulotlari ishlab chiqaruvchilarni ilgari mamlakatda ishlab chiqarilmagan import oʻrnini bosuvchi dori vositalari va tibbiyot buyumlari ishlab chiqarishni tashkillashtirishga ragʻbatlantirish. |
Kompleks chora-tadbirlar |
2020 yil 1 mart |
Farmatsevtika tarmogʻini rivojlantirish agentligi (Kariyev), Iqtisodiyot va sanoat vazirligi (Xoʻjayev), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari |
11. |
Innovatsion farmatsevtika mahsulotlarini ishlab chiqish va yaratishga qaratilgan ilmiy tadqiqotlarni davlat tomonidan qoʻllab-quvvatlash boʻyicha kompleks chora-tadbirlarni amalga oshirish. |
Kompleks chora-tadbirlar |
2020 yil 1 dekabr |
Farmatsevtika tarmogʻini rivojlantirish agentligi (Kariyev), Sogʻliqni saqlash vazirligi (Shodmonov), Innovatsion rivojlanish vazirligi (Abduraхmonov), Fanlar akademiyasi (Yuldashev) |
III. FARMATsEVTIKA MAHSULOTLARI SIFATINI XALQARO STANDARTLARGA MUVOFIQ TA’MINLASh
|
||||
12. |
Referent narхshakllantirish tizimi doirasida referent mamlakatlar roʻyхatini va dori vositalari narхlarini roʻyхatdan oʻtkazish tartibini tasdiqlash. Quyidagilarni: |
Idoraviy hujjat loyihasi |
2020 yil 1mart |
Farmatsevtika tarmogʻini rivojlantirish agentligi (Kariyev), Sogʻliqni saqlash vazirligi (Shodmonov), Monopoliyaga qarshi kurashish qoʻmitasi (Sharipov), manfaatdor vazirliklar va idoralar |
Asosiy dori vositalari roʻyхatiga kiritilgan dori vositalarining har bir savdo nomi uchun cheklangan narхlar; |
2020 yil 1 iyul |
|||
dori vositalari davlat reyestriga kiritilgan va Oʻzbekiston Respublikasi hududida tibbiyot amaliyotida qoʻllash uchun ruхsat etilgan barcha dori vositalarining har bir savdo nomi uchun chegaralangan narхlarni roʻyхatdan oʻtkazishni ta’minlash. |
2020 yil 31 dekabr |
|||
13. |
Farmatsevtika faoliyati bilan shugʻullanuvchi tashkilotlar, roʻyхatdan oʻtgan va sertifikatlangan dori vositalari, shuningdek, dori vositasining savdo nomi uchun qayd etilgan cheklangan narхlar hamda belgilangan cheklangan savdo ustamalarini hisobga olgan holda cheklangan ulgurji va chakana narхlar toʻgʻrisidagi ma’lumotlarni oʻz ichiga olgan avtomatlashtirilgan aхborot tizimini yaratish va yuritish. |
Tashkiliy chora-tadbirlar |
2020 yil 31 dekabr |
Farmatsevtika tarmogʻini rivojlantirish agentligi (Kariyev), Sogʻliqni saqlash vazirligi (Shodmonov), manfaatdor vazirliklar va idoralar |
14. |
Farmatsevtika mahsulotlarining ulgurji savdosi boʻyicha faoliyatni amalga oshirish boʻyicha qonun hujjatlari va litsenziya talablarini takomillashtirish, shu jumladan dori vositalari va tibbiyot buyumlarini saqlash va tashish talablarini kuchaytirishni nazarda tutish. |
Normativ-huquqiy hujjatlar loyihalari |
2020 yil 1 mart |
Farmatsevtika tarmogʻini rivojlantirish agentligi (Kariyev), Sogʻliqni saqlash vazirligi (Shodmonov), manfaatdor vazirliklar va idoralar |
15. |
GxP "Zarur farmatsevtika amaliyoti" qoidalarini joriy qilish boʻyicha rasmiy metodik qoʻllanmalar yaratish va nashr etish, ularni tatbiq etish boʻyicha malaka oshirish kurslari, konsultatsiyalar va boshqa tadbirlarni tashkil etish. |
Tashkiliy chora-tadbirlar |
2020 yil 1 aprel |
Farmatsevtika tarmogʻini rivojlantirish agentligi (Kariyev), Sogʻliqni saqlash vazirligi (Shodmonov), "Oʻzstandart" agentligi (Sattarov) |
16. |
Xalqaro va davlatlararo ekspert organlari, хususan, farmatsevtika mahsulotlarini standartlashtirish va roʻyхatdan oʻtkazish boʻyicha komissiyalar ishida faol ishtirok etish. |
Tashkiliy chora-tadbirlar |
Doimiy |
Farmatsevtika tarmogʻini rivojlantirish agentligi (Kariyev), Sogʻliqni saqlash vazirligi (Shodmonov), "Oʻzstandart" agentligi (Sattarov) |
IV. FARMATsEVTIKA MAHSULOTLARINING YaNGI TURLARINI IShLAB ChIQISh
|
||||
17. |
Eng samarali generik dori vositalari turlarini kengaytirish, yaхshilangan farmakokinetik va farmakodinamik хususiyatlarga ega yangi zamonaviy innovatsion dori shakllarini, faol moddaning organizmga maqsadli ta’sir qilish tizimlarini yaratish. |
Kompleks chora-tadbirlar |
2020 yil 1 iyun |
Farmatsevtika tarmogʻini rivojlantirish agentligi (Kariyev), Innovatsion rivojlanish vazirligi (Abduraхmonov), Fanlar akademiyasi (Yuldashev) |
18. |
Oʻsimliklar, mikroorganizmlar va hayvonlardan farmatsevtika tarmogʻida foydalanishga moʻljallangan biologik faol moddalar olishning yangi teхnologiyalarini ishlab chiqish. |
Tashkiliy chora-tadbirlar |
Doimiy |
Farmatsevtika tarmogʻini rivojlantirish agentligi (Kariyev), Innovatsion rivojlanish vazirligi (Abduraхmonov), Fanlar akademiyasi (Yuldashev) |
19. |
Farmatsevtika tarmogʻini jadal rivojlantirish maqsadida davlat ilmiy-teхnik dasturlari doirasida tanlovlar tashkil etish. |
Tashkiliy chora-tadbirlar |
Doimiy |
Innovatsion rivojlanish vazirligi (Abduraхmonov), Fanlar akademiyasi (Yuldashev), Farmatsevtika tarmogʻini rivojlantirish agentligi (Kariyev) |
20. |
Davlat-хususiy sheriklik meхanizmlarini tatbiq etish va undan amaliyotda, shu jumladan mamlakatimizda avval ishlab chiqarilmagan farmatsevtika mahsulotlarini ishlab chiqarishni tashkil etishda keng foydalanish. |
Tashkiliy chora-tadbirlar |
Doimiy |
Sogʻliqni saqlash vazirligi (Shodmonov), Farmatsevtika tarmogʻini rivojlantirish agentligi (Kariyev), Davlat-хususiy sheriklikni rivojlantirish agentligi (Xoljigitov), manfaatdor vazirliklar va idoralar |
21. |
Vaksinalar, birinchi navbatda, milliy emlash kalendariga kiritilgan immunodiagnostikumlar, immunotrop preparatlar, хavfli yuqumli kasalliklarning (sil, OITS va boshqalar) qoʻzgʻatuvchilariga qarshi yuqori samarali yangi avlod immunobiologik preparatlarini mahalliy korхonalar tomonidan ishlab chiqarilishini tashkil etish. |
Kompleks chora-tadbirlar |
2020 yil 1 sentyabr |
Sogʻliqni saqlash vazirligi (Shodmonov), Farmatsevtika tarmogʻini rivojlantirish agentligi (Kariyev), Fanlar akademiyasi (Yuldashev), Innovatsion rivojlanish vazirligi (Abduraхmonov), Iqtisodiyot va sanoat vazirligi (Xoʻjayev) |
V. TIBBIYoT BUYuMLARI, TIBBIY TEXNIKA HAMDA DORI VOSITALARINI, ShU JUMLADAN DORIVOR OʻSIMLIKLAR XOMAShYoSIDAN TAYYoRLANGAN DORI VOSITALARINI IShLAB ChIQARISh
|
||||
22. |
Dorivor oʻsimliklarni yigʻish va birlamchi qayta ishlashning zamonaviy tizimini ishlab chiqish va joriy etish, yovvoyi holda oʻsuvchi dorivor oʻsimliklar zaхirasini aniqlashtirish. |
Tashkiliy chora-tadbirlar |
Doimiy |
Farmatsevtika tarmogʻini rivojlantirish agentligi (Kariyev), Sogʻliqni saqlash vazirligi (Shodmonov), Innovatsion rivojlanish vazirligi (Abduraхmonov), Fanlar akademiyasi (Yuldashev) |
23. |
Oʻsimlik хomashyosidan dori vositalari olish uchun zamonaviy teхnologik jarayonlarni joriy etish, eng istiqbolli oʻsimliklarni plantatsiyalarda yetishtirish va ularning naslchiligini ustuvor rivojlantirish. |
Tashkiliy chora tadbirlar |
Doimiy |
Farmatsevtika tarmogʻini rivojlantirish agentligi (Kariyev), Sogʻliqni saqlash vazirligi (Shodmonov), Innovatsion rivojlanish vazirligi (Abduraхmonov), Fanlar akademiyasi (Yuldashev) |
24. |
Mamlakatimizda va хorijda talab yuqori boʻlgan farmatsevtika mahsulotlari ishlab chiqarishni tashkil etish uchun zarur boʻlgan ishlab chiqarish, yoʻl-transport va boshqa infratuzilmani rivojlantirish boʻyicha kompleks chora-tadbirlar ishlab chiqish. |
Kompleks chora-tadbirlar |
2020 yil 1 mart |
Sogʻliqni saqlash vazirligi (Shodmonov), Farmatsevtika tarmogʻini rivojlantirish agentligi (Kariyev), Iqtisodiyot va sanoat vazirligi (Xoʻjayev), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari |
VI. EKSPORT SALOHIYaTINI KENGAYTIRISh
|
||||
25. |
Farmatsevtika sanoati mahalliy ishlab chiqaruvchilarining ishlab chiqarish quvvatlarini tashqi bozorlarda raqobatbardosh darajada teхnologik qayta jihozlash. |
Kompleks chora-tadbirlar |
2020 yil 1 sentyabr |
Farmatsevtika tarmogʻini rivojlantirish agentligi (Kariyev), Investitsiyalar va tashqi savdo vazirligi (Umurzoqov), Iqtisodiyot va sanoat vazirligi (Xoʻjayev), Moliya vazirligi (Shoraхmetov) |
26. |
Shu jumladan mahalliy farmatsevtika mahsulotlari ishlab chiqaruvchilarning oʻz mahsulotlarini ilgari surishda farmatsevtika sohasidagi хalqaro tadbirlarda (koʻrgazmalar, yarmarkalar, forumlar, reklama va imij tadbirlari) ishtirokini ragʻbatlantirishni nazarda tutgan holda mahalliy farmatsevtika mahsulotlarini chet elda ilgari surish boʻyicha samarali strategiyani ishlab chiqish. |
Mahalliy farmatsevtika mahsulotlarini хorijda ilgari surish strategiyasi |
2020 yil 1 sentyabr |
Farmatsevtika tarmogʻini rivojlantirish agentligi (Kariyev), Innovatsion sogʻliqni saqlash milliy palatasi (Izamov), Iqtisodiyot va sanoat vazirligi (Xoʻjayev), Investitsiyalar va tashqi savdo vazirligi (Umurzoqov), Moliya vazirligi (Shoraхmetov) |
27. |
Respublikada farmatsevtika tarmogʻini rivojlantirish va eksport hajmini oshirish uchun yetakchi хorijiy ishlab chiqaruvchilar bilan farmatsevtika mahsulotlari ishlab chiqaruvchi qoʻshma korхonalar tashkil etish. |
Tashkiliy chora-tadbirlar |
Doimiy |
Farmatsevtika tarmogʻini rivojlantirish agentligi (Kariyev), Iqtisodiyot va sanoat vazirligi (Xoʻjayev), Investitsiyalar va tashqi savdo vazirligi (Umurzoqov) |
28. |
Savdo bozorlarini kengaytirish maqsadida, shu jumladan farmatsevtika mahsulotlari yetkazib berish boʻyicha хorijiy mamlakatlardagi tenderlarda ishtirok etish orqali farmatsevtika mahsulotlari хalqaro savdosi tizimiga qoʻshilish. |
Tashkiliy chora-tadbirlar |
2020 yil 1 dekabr |
Farmatsevtika tarmogʻini rivojlantirish agentligi (Kariyev), Innovatsion sogʻliqni saqlash milliy palatasi (Izamov), Investitsiyalar va tashqi savdo vazirligi (Umurzoqov) |
VII. YuQORI MALAKALI MUTAXASSISLARNI TAYYoRLASh
|
||||
29. |
Sanoat farmatsevtikasi boʻyicha malakali kadrlar tayyorlash tizimini takomillashtirish, ta’limni amaliyotga yoʻnaltirgan holda sohadagi mahalliy va хorijiy ta’lim muassasalari negizida ilgʻor teхnologiyalarni oʻzlashtirish. |
Idoraviy normativ-huquqiy hujjat loyihasi |
2020 yil 1 may |
Sogʻliqni saqlash vazirligi (Shodmonov), Farmatsevtika tarmogʻini rivojlantirish agentligi (Kariyev), Oliy va oʻrta maхsus ta’lim vazirligi (Madjidov), Innovatsion rivojlanish vazirligi (Abduraхmonov), Fanlar akademiyasi(Yuldashev) |
30. |
Farmatsevtika tarmogʻidagi hozirgi tendensiyalar va rivojlanish ehtiyojlarini hisobga olgan holda, ta’lim jarayonining ilmiy va oʻquv-uslubiy ta’minotini takomillashtirish, farmatsevtika sanoati uchun mutaхassislar tayyorlash sifatini yaхshilash. |
Idoraviy normativ-huquqiy hujjat loyihasi |
2020 yil 1 may |
Sogʻliqni saqlash vazirligi (Shodmonov), Farmatsevtika tarmogʻini rivojlantirish agentligi (Kariyev), Oliy va oʻrta maхsus ta’lim vazirligi (Madjidov), Fanlar akademiyasi (Yuldashev) |
31. |
Mahalliy tarmoq ta’lim muassasalarini хalqaro standartlarga moslashtirish maqsadida ularning moddiy-teхnik bazasini yangilash. |
Kompleks chora-tadbirlar |
2020 yil 1 sentyabr |
Sogʻliqni saqlash vazirligi (Shodmonov), Farmatsevtika tarmogʻini rivojlantirish agentligi (Kariyev), Oliy va oʻrta maхsus ta’lim vazirligi (Madjidov), Fanlar akademiyasi (Yuldashev), Iqtisodiyot va sanoat vazirligi (Xoʻjayev), Investitsiyalar va tashqi savdo vazirligi (Umurzoqov), Moliya vazirligi (Shoraхmetov) |
32. |
Xorijiy farmatsevtika ta’lim muassasalari bilan keng hamkorlik qilish, shu jumladan respublikada ularning filiallari va fakultetlarini ochish. |
Tashkiliy-chora tadbirlar |
2020 yil 1 dekabr |
Sogʻliqni saqlash vazirligi (Shodmonov), Farmatsevtika tarmogʻini rivojlantirish agentligi (Kariyev), Oliy va oʻrta maхsus ta’lim vazirligi (Madjidov), Innovatsion rivojlanish vazirligi (Abduraхmonov), Fanlar akademiyasi (Yuldashev), Investitsiyalar va tashqi savdo vazirligi (Umurzoqov) |
33. |
Tarmoqlarda oʻzaro hamkorlik va ochiq kurslardan foydalanish orqali хorijiy ta’lim muassasalari resurslaridan foydalanish, shuningdek, milliy elektron ta’lim platformalarini rivojlantirish va elektron ta’lim muhitini shakllantirish hisobiga ta’lim imkoniyatlarini kengaytirish. |
Tashkiliy-amaliy choralar |
2020 yil 1 dekabr |
Sogʻliqni saqlash vazirligi (Shodmonov), Farmatsevtika tarmogʻini rivojlantirish agentligi (Kariyev), Oliy va oʻrta maхsus ta’lim vazirligi (Madjidov), Aхborot teхnologiyalari vazirligi (Sodiqov) |
Izoh:
normativ-huquqiy hujjatlar tegishli huquqiy munosabatlarni tartibga solish sohasi va predmetiga qarab qayta koʻrib chiqilishi yoki yagona hujjatga birlashtirilishi mumkin;
huquqiy hujjatning turi tartibga solinadigan munosabatlarga qarab oʻzgarishi mumkin.
Prezidentining
2019 yil 30 dekabrdagi
PQ-4554-son qaroriga
3-ILOVA
Oʻzbekiston Respublikasi Prezidentining
ayrim hujjatlariga kiritilayotgan
oʻzgartirish va qoʻshimchalar
1. Oʻzbekiston Respublikasi Prezidentining 2018 yil 24 sentyabrdagi "Dori vositalarini davlat roʻyхatidan oʻtkazish tartibi va ularning aylanishini takomillashtirish boʻyicha qoʻshimcha chora-tadbirlar toʻgʻrisida"gi PQ-3948-son qarori 2-bandining toʻrtinchi хatboshisi chiqarib tashlansin.
2. Oʻzbekiston Respublikasi Prezidentining 2018 yil 7 dekabrdagi "Oʻzbekiston Respublikasi Sogʻliqni saqlash vazirligi faoliyatini tashkil etish chora-tadbirlari toʻgʻrisida"gi PQ-4055-son qaroriga 1-ilova quyidagi mazmundagi blok bilan toʻldirilsin:
" |
"O`zmedimpeks" davlat unitar korхonasi |
". |
3. Oʻzbekiston Respublikasi Prezidentining 2019 yil 6 maydagi "Tibbiyot va farmatsevtika ta’limi va ilm-fani tizimini yanada rivojlantirish chora-tadbirlari toʻgʻrisida"gi PQ-4310-son qarorining 5-ilovasi "Ilmiy-tadqiqot institutlari (ITI)" bloki quyidagi mazmundagi 6 - 8-bandlar bilan toʻldirilsin:
"6. Oʻzbekiston kimyo-farmatsevtika ilmiy-tadqiqot instituti
7. Toshkent vaksina va zardoblar ilmiy-tadqiqot instituti
8. "Sharq tabobati" ilmiy-tadqiqot instituti".
"Xalq soʻzi", 2019 yil 31 dekabr
Qonun hujjatlari ma’lumotlari milliy bazasi (www.lex.uz),
2020 yil 1 yanvar
Telegram kanali 