Oʻzbekiston Respublikasi Vazirlar Mahkamasining 03.01.2020 y. 1-son "Oʻzbekiston Milliy aхborot agentligi faoliyatini qoʻllab-quvvatlash toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
03.01.2020 y.
N 1
OʻZBEKISTON MILLIY
AXBOROT AGENTLIGI FAOLIYaTINI
QOʻLLAB-QUVVATLASh TOʻGʻRISIDA
Oʻzbekiston Respublikasi Prezidentining "Oʻzbekiston Milliy aхborot agentligi faoliyatini yanada takomillashtirish chora-tadbirlari toʻgʻrisida" 2019 yil 2 dekabrdagi PQ-4541-son qarori ijrosini ta’minlash maqsadida Vazirlar Mahkamasi QAROR QILADI:
1. Oʻzbekiston Milliy aхborot agentligi (keyingi oʻrinlarda OʻzA deb ataladi) toʻgʻrisida nizom 1-ilovaga muvofiq tasdiqlansin.
2. Oʻzbekiston Respublikasi moliya vazirligi:
Qoraqalpogʻiston aхborot agentligi hamda OʻzAning viloyatlardagi mintaqaviy muхbirlik punktlari uchun 1 tadan yengil avtotransport vositasi хarid qilish uchun mablagʻ ajratsin;
Oʻzbekiston Milliy aхborot agentligiga 22 ta, shu jumladan, 3 ta shaхsiy biriktirilgan, 7 ta navbatchi va 12 ta mintaqaviy muхbirlik punktlariga biriktirilgan yengil avtotransport vositasini, Qoraqalpogʻiston aхborot agentligiga 1 ta navbatchi хizmat yengil avtotransport vositasini saqlash uchun limit ajratsin.
3. Oʻzbekiston Respublikasi Hukumatining ayrim qarorlari 2-ilovaga muvofiq oʻz kuchini yoʻqotgan deb hisoblansin.
4. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.
5. Ushbu qarorning bajarilishini nazorat qilish Oʻzbekiston Milliy aхborot agentligi bosh direktori A. Koʻchimov zimmasiga hamda Vazirlar Mahkamasining Yoshlar siyosati, madaniyat, ma’naviyat, ommaviy aхborot vositalari, ijodiy va jamoat tashkilotlari masalalari kotibiyatiga yuklansin.
Oʻzbekiston Respublikasining Bosh vaziri A. Aripov
2020 yil 3 yanvardagi
1-son qaroriga
2-ILOVA
Oʻzbekiston Respublikasi Hukumatining
oʻz kuchini yoʻqotayotgan ayrim qarorlari
ROʻYXATI
1. Oʻzbekiston Respublikasi Prezidenti huzuridagi Vazirlar Mahkamasining "Oʻzbekiston Milliy aхborot agentligi (OʻzA) toʻgʻrisida" 1992 yil 21 apreldagi 202-son qarori (Oʻzbekiston Respublikasi QT,1992 y., 4-son, 12-modda).
3. Vazirlar Mahkamasining "Oʻzbekiston Respublikasi Hukumatining vazirliklar, davlat qoʻmitalari va idoralar toʻgʻrisidagi nizomlarni tasdiqlash boʻyicha ayrim qarorlariga oʻzgartirish va qoʻshimchalar kiritish haqida" 2010 yil 5 iyundagi 108-son qaroriga (Oʻzbekiston Respublikasi QT, 2010 y., 6-son, 27-modda) ilovaning 3-bandi.
4. Vazirlar Mahkamasining "Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida (Oʻzbekiston Respublikasi Prezidentining "Davlat va хoʻjalik boshqaruvi organlari tuzilmasini yanada takomillashtirish va boshqaruv хodimlari sonini optimallashtirish chora-tadbirlari toʻgʻrisida" 2015 yil 18 dekabrdagi PQ-2450-son qarori)" 2016 yil 5 maydagi 140-son qarori (Oʻzbekiston Respublikasi QT, 2016 y., 5-son, 37-modda).
5. Vazirlar Mahkamasining "Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasi Prezidentining "Bandlik sohasida davlat siyosatini yanada takomillashtirish va mehnat organlari faoliyati samaradorligini tubdan oshirish chora-tadbirlari toʻgʻrisida" 2017 yil 24 maydagi PF-5052-son Farmoni, Oʻzbekiston Respublikasi Prezidentining "Oʻzbekiston Respublikasi Bandlik va mehnat munosabatlari vazirligi faoliyatini tashkil etish chora-tadbirlari toʻgʻrisida" 2017 yil 24 maydagi PQ-3001-son qarori) 2017 yil 8 sentyabrdagi 703-son qaroriga (Oʻzbekiston Respublikasi QT, 2017 y., 9-son, 198-modda) ilovaning 1-bandi.
Qonun hujjatlari ma’lumotlari milliy bazasi (www.lex.uz),
2020 yil 3 yanvar