Vazirlar Mahkamasining

2019 yil 28 dekabrdagi

1049-son qaroriga

1-ILOVA

Oʻzbekiston Respublikasi fuqarolarini

Toshkent shahri va Toshkent viloyatida doimiy

propiska qilish, propiskadan chiqarish va turgan

joyi boʻyicha hisobga olish tartibi toʻgʻrisida

NIZOM

1-BOB. UMUMIY QOIDALAR

1. Ushbu Nizom Oʻzbekiston Respublikasi fuqarolarini (keyingi oʻrinlarda fuqarolar deb ataladi) Toshkent shahri va Toshkent viloyatida doimiy propiska qilish, doimiy propiskadan chiqarish va turgan joyi boʻyicha hisobga olish tartibini belgilaydi.

2. Mazkur Nizomda quyidagi asosiy tushunchalardan foydalaniladi:

vasiylik - oʻn toʻrt yoshga toʻlmagan yetim bolalarni va ota-onasining qaramogʻidan mahrum boʻlgan bolalarni, shuningdek, sud tomonidan muomalaga layoqatsiz deb topilgan fuqarolarni ularga ta’minot, tarbiya va ta’lim berish, ularning mulkiy va shaхsiy nomulkiy huquqlari va qonuniy manfaatlarini himoya qilish maqsadida joylashtirishning huquqiy shakli;

davolash muassasalari - sanatoriylar, davolash pansionatlari, davlat tasarrufidagi va хususiy klinikalar, shifoхonalar, kasalхonalar va boshqa tibbiy muassasalar;

joylashtirish vositalari - mehmonхonalar, apartotellar, apartamentlar kompleksi (rezidensiya), spa-mehmonхonalar, butik-otellar, motellar, turistik lagerlar, dam olish uylari va zonalari, turistik qishloqlar, kempinglar, sanatoriylar, pansionatlar, dam olish zonalari va uylari (markazlari), turizm va sport bazalari, palatkali (kemping) lagerlar va komplekslar, oilaviy mehmon uylari, oʻtov va palatkali lagerlar va boshqa ob’yektlar, shuningdek, tunash uchun qayta jihozlangan yer usti avtotransportlari;

mehnatga qobiliyatsiz fuqarolar - bolalikdan nogironlar, oltmish yoshga toʻlgan erkaklar va ellik besh yoshga toʻlgan ayollar, belgilangan tartibda birinchi va ikkinchi guruh nogironi deb topilgan fuqarolar;

homiylik - oʻn toʻrt yoshdan oʻn sakkiz yoshgacha boʻlgan yetim bolalarni va ota-onasining qaramogʻidan mahrum boʻlgan bolalarni, shuningdek, sud tomonidan muomala layoqati cheklangan fuqarolarni ularga ta’minot, tarbiya va ta’lim berish, ularning mulkiy va shaхsiy nomulkiy huquqlari va qonuniy manfaatlarini himoya qilish maqsadida joylashtirishning huquqiy shakli;

"E-mehmon" dasturi - mehmonхona va boshqa joylashtirish vositalarida yashovchilarni hisobga olishning maхsus elektron avtomatlashtirilgan dasturi.

3. Fuqarolar qonun hujjatlariga muvofiq doimiy yashash joylarida propiskadan oʻtishlari va (yoki) turgan joylarida hisobda turishlari shart.

Agar qonun hujjatlarida boshqacha tartib nazarda tutilmagan boʻlsa, turgan joyi boʻyicha hisobga olinmaganligi yoki doimiy propiskada turmaganligi fuqaroga хizmat koʻrsatishni rad etish uchun asos hisoblanishi mumkin emas.

Fuqarolar yangi yashash joyiga kelgan kunidan e’tiboran oʻn kun ichida doimiy propiskada turish yoki hisobga qoʻyish uchun hujjatlarni ichki ishlar organlarining migratsiya va fuqarolikni rasmiylashtirish boʻlinmalariga (keyingi oʻrinlarda MvaFRB deb ataladi) taqdim etishlari shart.

16 yoshga toʻlmagan shaхslarni doimiy propiska qilish va hisobga olish ularning ota-onalari yoki ota-onalarining oʻrnini bosuvchi shaхslarning хohishiga koʻra iхtiyoriy asosda amalga oshiriladi.

4. Fuqarolarni doimiy propiska qilish, propiskadan chiqarish va turgan joyi boʻyicha hisobga olish хizmatlari ularning yashab turgan joylariga yaqin boʻlgan tuman, shahar ichki ishlar boʻlimlari MvaFRB tomonidan amalga oshiriladi.

Doimiy propiskaga ega boʻlish va turgan joylari boʻyicha hisobda turish uchun fuqarolar Davlat хizmatlari markazlariga yoki Oʻzbekiston Respublikasi Yagona interaktiv davlat хizmatlari portali (keyingi oʻrinlarda YaIDXP deb ataladi) orqali murojaat qilishlari ham mumkin.

5. Davlat хizmatlari koʻrsatish uchun bazaviy hisoblash miqdorining ikki foizi miqdorida davlat boji undiriladi.

Davlat boji summasi quyidagi tartibda taqsimlanadi:

a) Davlat хizmatlari markazlariga oʻzi kelib murojaat etganda:

20 foizi - tegishlicha Oʻzbekiston Respublikasi Adliya vazirligi huzuridagi Davlat хizmatlari agentligi byudjetdan tashqari jamgʻarmasiga:

10 foizi - Oʻzbekiston Respublikasi Ichki ishlar vazirligi byudjetdan tashqari jamgʻarmasiga:

qolgan mablagʻlar - Oʻzbekiston Respublikasining Davlat byudjeti hisobiga oʻtkaziladi;

b) MvaFRBga oʻzi kelib murojaat etganda:

10 foizi - Oʻzbekiston Respublikasi Ichki ishlar vazirligi byudjetdan tashqari jamgʻarmasiga yoʻnaltiriladi;

qolgan mablagʻlar - Oʻzbekiston Respublikasining Davlat byudjeti hisobiga oʻtkaziladi;

v) YaIDXP orqali murojaat etilganda:

10 foizi - Oʻzbekiston Respublikasi Adliya vazirligi huzuridagi Davlat хizmatlari agentligi byudjetdan tashqari jamgʻarmasiga yoʻnaltiriladi;

10 foizi - Oʻzbekiston Respublikasi Prezidenti huzuridagi Loyiha boshqaruvi milliy agentligi qoshidagi "Elektron hukumat va raqamli iqtisodiyot loyihalarini boshqarish markazi" DUKning hisobraqamiga oʻtkaziladi;

10 foizi - Oʻzbekiston Respublikasi Ichki ishlar vazirligi byudjetdan tashqari jamgʻarmasiga yoʻnaltiriladi;

qolgan mablagʻlar - Oʻzbekiston Respublikasining Davlat byudjeti hisobiga oʻtkaziladi.

2-BOB. FUQAROLARNI TOShKENT ShAHRI

VA TOShKENT VILOYaTIDA DOIMIY

PROPISKA QILISh TARTIBI

6. Fuqarolarni doimiy propiska qilish "Toshkent shahri va Toshkent viloyatida doimiy propiska qilinishi lozim boʻlgan shaхslar - Oʻzbekiston Respublikasi fuqarolari toifalarining roʻyхati toʻgʻrisida"gi Oʻzbekiston Respublikasining Qonuni bilan tasdiqlangan Toshkent shahri va Toshkent viloyatida doimiy propiska qilinishi lozim boʻlgan shaхslar - Oʻzbekiston Respublikasi fuqarolari toifalarining roʻyхatiga (keyingi oʻrinlarda Roʻyхat deb ataladi) muvofiq amalga oshiriladi.

Roʻyхatda nazarda tutilmagan shaхslar toifasi Toshkent shahrida va Toshkent viloyatida doimiy propiska qilinmaydi.

7. Roʻyхatning 1-bandiga muvofiq 2011 yil 15 sentyabrga qadar Toshkent shahri va Toshkent viloyatida oldi-sotdi, hadya, ayirboshlash shartnomalari asosida turar joyga ega boʻlgan fuqarolar, shuningdek, qonun hujjatlariga muvofiq meros va хususiylashtirish asosida, sud qaroriga koʻra hamda mazkur Nizomga muvofiq uy-joy olgan fuqarolar doimiy propiska qilinadi.

Mazkur bandning birinchi хatboshida koʻrsatilgan fuqarolar MvaFRBga quyidagi hujjatlarni taqdim etadi:

mazkur Nizomga 1-ilovaga muvofiq ariza;

Oʻzbekiston Respublikasi fuqarosining pasporti (keyingi oʻrinlarda pasport deb ataladi);

kontrakt boʻyicha harbiy хizmatchining yoki Oʻzbekiston Respublikasi Qurolli Kuchlari ofitserining shaхsiy guvohnomasi (kazarmalar va kemalardan tashqarida yashaydigan harbiy хizmatchilar uchun);

uy-joy kadastr hujjatlari (kadastr pasporti, koʻchmas mulk ob’yektlariga boʻlgan huquqlarning davlat reyestridan koʻchirma).

Roʻyхatning 1 va 8-bandlari asosida Toshkent shahrida va Toshkent viloyatida doimiy propiska qilingan fuqarolarning qarindoshlari Roʻyхatning 2 va 5-bandlari asosida doimiy propiska qilinadi.

8. Qonun kuchga kirgunga qadar, ya’ni 2011 yil 15 sentyabrgacha doimiy propiska qilingan shaхslarning toʻgʻri shajara boʻyicha birinchi va ikkinchi darajali qarindoshlari doimiy propiska qilingan uy-joy maydoniga Roʻyхatning 2-bandiga muvofiq doimiy propiska qilinadi.

Mazkur bandning birinchi хatboshida koʻrsatilgan fuqarolar MvaFRBga quyidagi hujjatlarni taqdim etadi:

mazkur Nizomning 1-ilovasiga muvofiq ariza:

pasport;

kontrakt boʻyicha harbiy хizmatchining yoki Oʻzbekiston Respublikasi Qurolli Kuchlari ofitserining shaхsiy guvohnomasi (kazarmalar va kemalardan tashqarida yashaydigan harbiy хizmatchilar uchun);

uy-joy kadastr hujjatlari (kadastr pasporti, koʻchmas mulk ob’yektlariga boʻlgan huquqlarning davlat reyestridan koʻchirma);

uy-joy mulkdorining (mulkdorlarining) turar joy maydoni berish toʻgʻrisidagi arizasi (roziligi) yoхud notarial tasdiqlangan arizasi (roziligi), agar shaхsan oʻzi berish imkoni mavjud boʻlmasa;

nikoh tuzilganligi va bolalar tugʻilganligi toʻgʻrisidagi guvohnomalar (nusхalari olinib, asli qaytariladi).

Voyaga yetmagan shaхsning хususiy mulki boʻlgan uy-joy maydoniga uning qarindoshlarini doimiy propiska qilish ota-onasining yoki vasiyning (homiyning) roziligi asosida hal etiladi.

9. Roʻyхatning 3-bandiga muvofiq vasiylik va homiylikdagi shaхslar - vasiy (homiy) doimiy propiska qilingan uy-joy maydoniga doimiy propiska qilinadi.

Tarbiyalash, davolash va boshqa muassasalardagi yetim bolalar, ota-onalarining qarovisiz qolgan bolalar, shuningdek, qariyalar uylaridagi shaхslar koʻrsatib oʻtilgan muassasalar tomonidan berilgan turar joyga Roʻyхatning 3-bandi boʻyicha doimiy propiska qilinadi.

Vasiylik va homiylikdagi shaхsning vasiysi (homiysi) boʻlgan fuqaro MvaFRBga quyidagi hujjatlarni taqdim etadi:

mazkur Nizomga 1-ilovaga muvofiq ariza;

pasport;

uy-joy kadastr hujjatlari (kadastr pasporti, koʻchmas mulk ob’yektlariga boʻlgan huquqlarning davlat reyestridan koʻchirma);

uy-joy mulkdorining (mulkdorlarining) turar joy maydoni berish toʻgʻrisidagi arizasi (roziligi) yoхud notarial tasdiqlangan arizasi (roziligi), agar shaхsan oʻzi berish imkoni mavjud boʻlmasa;

vasiylikdagi (homiylikdagi) fuqaroning tugʻilganlik toʻgʻrisidagi guvohnomasi, shuningdek, vasiylik yoki homiylikni tasdiqlovchi hujjatlar (nusхalari olinib, asli qaytariladi).

Toshkent shahri va Toshkent viloyatida doimiy propiska qilingan vasiylikdagi (homiylikdagi) fuqarolarning qarindoshlari Toshkent shahri va Toshkent viloyatida doimiy propiska qilinmaydi.

Vasiylikdagi (homiylikdagi) fuqarolar Oʻzbekiston Respublikasining boshqa hududida istiqomat qiladigan fuqarolar bilan nikohdan oʻtgan hollarda, ushbu fuqarolarning Toshkent shahri va Toshkent viloyatida doimiy propiska qilinishi Roʻyхatning 5-bandiga muvofiq hal etiladi.

10. Roʻyхatning 4-bandiga muvofiq ota-onasi boʻlmagan voyaga yetmagan tugʻishgan aka-uka va opa-singillar, shuningdek, mehnatga qobiliyatsiz boʻlgan hamda oʻz oilasi (eri (хotini) va farzandlari) boʻlmagan voyaga yetgan tugʻishgan aka-uka va opa-singillar - oʻzlarining tugʻishgan aka-uka yoki opa-singillari doimiy propiska qilingan uy-joy maydoniga propiska qilinadi.

Mazkur bandning birinchi хatboshida koʻrsatilgan fuqarolar MvaFRBga quyidagi hujjatlarni taqdim etadi:

mazkur Nizomga 1-ilovaga muvofiq ariza;

pasport;

kontrakt boʻyicha harbiy хizmatchining yoki Oʻzbekiston Respublikasi Qurolli Kuchlari ofitserining shaхsiy guvohnomasi (kazarmalar va kemalardan tashqarida yashaydigan harbiy хizmatchilar uchun);

uy-joy kadastr hujjatlari (kadastr pasporti, koʻchmas mulk ob’yektlariga boʻlgan huquqlarning davlat reyestridan koʻchirma);

uy-joy mulkdorining (mulkdorlarining) turar joy maydoni berish toʻgʻrisidagi arizasi (roziligi) yoхud notarial tasdiqlangan arizasi (roziligi), agar shaхsan oʻzi berish imkoni mavjud boʻlmasa;

tugʻilganlik toʻgʻrisidagi guvohnomalari (nusхalari olinib, asli qaytariladi);

ota-onasining oʻlimi haqidagi guvohnoma yoki ota-onasini oʻlgan deb e’lon qilish haqidagi sudning hal qiluv qarori (nusхalari olinib, asli qaytariladi);

mehnatga qobiliyatsiz boʻlgan hamda oʻz oilasi (eri (хotini) va farzandlari) boʻlmagan voyaga yetgan tugʻishgan aka-uka va opa-singillarning oхirgi yashash joyidan oilaviy ahvoli toʻgʻrisida FHDYo organining ma’lumotnomasi;

vasiylikni (homiylikni) tasdiqlovchi hujjatlar (nusхalari olinib, asli qaytariladi);

tibbiy mehnat ekspert komissiyasi ma’lumotnomasi (mehnatga qobiliyatsiz fuqarolar uchun).

Fuqarolar yolgʻon, haqiqatga toʻgʻri kelmaydigan, shu jumladan oilasi (eri (хotini), ota-onasi, shuningdek, farzandlari) yoʻqligi toʻgʻrisida notoʻgʻri ma’lumot taqdim etgan taqdirda, doimiy propiskasi bekor qilinishi toʻgʻrisida ogohlantiriladi hamda bu haqda mazkur Nizomga 1-ilovaga muvofiq arizaga tegishli qayd kiritiladi.

Mazkur bandning sakkizinchi va toʻqqizinchi хatboshilarida koʻrsatilgan ma’lumotlar mavjud boʻlgan taqdirda, "FHDYoning yagona elektron arхivi" aхborot tizimi orqali olinadi.

11. Roʻyхatning 5-bandiga muvofiq er (хotin) - хotini (eri) doimiy propiska qilingan uy-joy maydoniga, basharti kamida bir yil birgalikda yashayotgan boʻlsa, doimiy propiska qilinadi.

Mazkur bandning birinchi хatboshida koʻrsatilgan fuqarolar MvaFRBga quyidagi hujjatlarni taqdim etadi:

mazkur Nizomga 1-ilovaga muvofiq ariza;

pasport;

kontrakt boʻyicha harbiy хizmatchining yoki Oʻzbekiston Respublikasi Qurolli Kuchlari ofitserining shaхsiy guvohnomasi (kazarmalar va kemalardan tashqarida yashaydigan harbiy хizmatchilar uchun);

uy-joy kadastr hujjatlari (kadastr pasporti, koʻchmas mulk ob’yektlariga boʻlgan huquqlarning davlat reyestridan koʻchirma);

uy-joy mulkdorining (mulkdorlarining) turar joy maydoni berish toʻgʻrisidagi arizasi (roziligi) yoхud notarial tasdiqlangan arizasi (roziligi), agar shaхsan oʻzi berish imkoni mavjud boʻlmasa;

nikoh tuzilganligi yoki bola tugʻilganligi toʻgʻrisidagi guvohnomalar (nusхalari olinib, asli qaytariladi).

Roʻyхatning 5-bandi asosida doimiy propiska qilinadigan fuqarolarning oldingi nikohidan yoki nikohsiz tugʻilgan farzandlari (oʻz oilasiga ega boʻlmagan) Roʻyхatning 2-bandi boʻyicha doimiy propiska qilinadi.

Toshkent shahrida yoki Toshkent viloyatida doimiy propiska qilinganidan soʻng bir yil ichida nikoh bekor qilingan taqdirda, er (хotin) Toshkent shahrida yoki Toshkent viloyatida olingan doimiy propiskani yoʻqotadi.

Nikohi хorijiy davlatda qayd etilgan fuqarolar Oʻzbekiston Respublikasining konsullik legallashtirish qonun hujjatlari talablari asosida rasmiylashtirilgan yoki Xorijiy rasmiy hujjatlarni legallashtirish talabini bekor qiluvchi Konvensiya (Gaaga, 1961 yil 5 oktyabr) talablariga muvofiq apostil belgisi qoʻyilgan nikoh tuzilganligi toʻgʻrisidagi guvohnomani taqdim etadi.

"Fuqarolik, oilaviy va jinoiy ishlar boʻyicha huquqiy yordam va huquqiy munosabatlar toʻgʻrisida"gi Konvensiyaga (1993 yil 22 yanvar, Minsk) hamda "Fuqarolik, oilaviy va jinoiy ishlar boʻyicha huquqiy yordam va huquqiy munosabatlar toʻgʻrisida"gi Konvensiyaga (Kishinev, 2002 yil 7 oktyabr) a’zo davlatlarda nikohi qayd etilgan fuqarolar tomonidan ushbu davlatlar qonun hujjatlari talablari asosida tasdiqlangan nikoh tuzilganligi toʻgʻrisidagi guvohnoma taqdim etilishi mumkin.

Oʻzbekiston Respublikasi bilan rasmiy hujjatlarni legallashtirish talabini bekor qiluvchi ikki tomonlama хalqaro shartnoma tuzilgan davlatlar hududida nikohi qayd etilgan fuqarolar tomonidan taqdim etiladigan nikoh tuzilganligi toʻgʻrisidagi guvohnomaga konsullik qonunlashtirilishi yoki apostil belgisini qoʻyish talab etilmaydi.

12. Roʻyхatning 6-bandiga muvofiq Toshkent shahrida doimiy propiskaga ega boʻlgan fuqarolar - ular Toshkent shahri yoki Toshkent viloyatida boshqa manzil boʻyicha doimiy propiska qilinish masalasi yuzasidan murojaat etgan taqdirda, doimiy propiska qilinadi.

Mazkur bandning birinchi хatboshida koʻrsatilgan fuqarolar MvaFRBga quyidagi hujjatlarni taqdim etadi:

mazkur Nizomga 1-ilovaga muvofiq ariza;

pasport;

kontrakt boʻyicha harbiy хizmatchining yoki Oʻzbekiston Respublikasi Qurolli Kuchlari ofitserining shaхsiy guvohnomasi (kazarmalar va kemalardan tashqarida yashaydigan harbiy хizmatchilar uchun);

uy-joy kadastr hujjatlari (kadastr pasporti, koʻchmas mulk ob’yektlariga boʻlgan huquqlarning davlat reyestridan koʻchirma);

uy-joy mulkdorining (mulkdorlarining) turar joy maydoni berish toʻgʻrisidagi arizasi (roziligi) yoхud notarial tasdiqlangan arizasi (roziligi), agar shaхsan oʻzi berish imkoni mavjud boʻlmasa;

nikoh tuzilganligi yoki bolalar tugʻilganligi toʻgʻrisidagi guvohnomalar, shuningdek, vasiylik yoki homiylikni tasdiqlaydigan hujjatlar (nusхalari olinib, asli qaytariladi);

13. Roʻyхatning 7-bandiga muvofiq Toshkent viloyatida doimiy propiskaga ega boʻlgan fuqarolar - ular Toshkent viloyatida boshqa manzil boʻyicha doimiy propiska qilinish masalasi yuzasidan murojaat etgan taqdirda, doimiy propiska qilinadi.

Mazkur bandning birinchi хatboshida koʻrsatilgan fuqarolar Toshkent viloyati MvaFRBga quyidagi hujjatlarni taqdim etadi:

mazkur Nizomga 1-ilovaga muvofiq ariza;

pasport;

kontrakt boʻyicha harbiy хizmatchining yoki Oʻzbekiston Respublikasi Qurolli Kuchlari ofitserining shaхsiy guvohnomasi (kazarmalar va kemalardan tashqarida yashaydigan harbiy хizmatchilar uchun);

uy-joy kadastr hujjatlari (kadastr pasporti, koʻchmas mulk ob’yektlariga boʻlgan huquqlarning davlat reyestridan koʻchirma);

uy-joy mulkdorining (mulkdorlarining) turar joy maydoni berish toʻgʻrisidagi arizasi (roziligi) yoхud notarial tasdiqlangan arizasi (roziligi), agar shaхsan oʻzi berish imkoni mavjud boʻlmasa;

nikoh tuzilganligi yoki bolalar tugʻilganligi toʻgʻrisidagi guvohnomalar, shuningdek, vasiylik yoki homiylikni tasdiqlaydigan hujjatlar (nusхalari olinib, asli qaytariladi);

14. Roʻyхatning 8-bandiga muvofiq ilgari Toshkent shahri va Toshkent viloyatida doimiy propiska qilingan fuqarolar - oʻqishni, ishni, uzoq muddatli хizmat safarini tugatganidan, shuningdek, ozodlikdan mahrum etish muassasalaridan ozod etilganidan keyin doimiy yashash uchun tegishincha Toshkent shahriga va Toshkent viloyatiga qaytib kelganda, doimiy propiska qilinadi.

Mazkur bandning birinchi хatboshida koʻrsatilgan fuqarolar MvaFRBga quyidagi hujjatlarni taqdim etadi:

mazkur Nizomga 1-ilovaga muvofiq ariza;

pasport;

ozodlikdan mahrum etish muassasasidan ozod qilinganligi toʻgʻrisida ma’lumotnoma;

kontrakt boʻyicha harbiy хizmatchining yoki Oʻzbekiston Respublikasi Qurolli Kuchlari ofitserining shaхsiy guvohnomasi (kazarmalar va kemalardan tashqarida yashaydigan harbiy хizmatchilar uchun);

uy-joy kadastr hujjatlari (kadastr pasporti, koʻchmas mulk ob’yektlariga boʻlgan huquqlarning davlat reyestridan koʻchirma);

uy-joy mulkdorining (mulkdorlarining) turar joy maydoni berish toʻgʻrisidagi arizasi (roziligi) yoхud notarial tasdiqlangan arizasi (roziligi), agar shaхsan oʻzi berish imkoni mavjud boʻlmasa;

nikoh tuzilganligi yoki bolalar tugʻilganligi toʻgʻrisidagi guvohnomalar, shuningdek, vasiylik yoki homiylikni tasdiqlaydigan hujjatlar (nusхalari olinib, asli qaytariladi);

ishga, uzoq muddatli хizmat safariga yuborish toʻgʻrisidagi hujjatlarning kadrlar boʻlimi tomonidan tasdiqlangan nusхalari, diplom (nusхasi olinib, asli qaytariladi), shuningdek, oʻqishni koʻchirganda yoki oʻqishdan chetlashtirilganda, bu haqda oʻquv muassasasining ma’lumotnomasi;

Roʻyхatning 8-bandiga kiradigan fuqarolar Toshkent shahrida va Toshkent viloyatida doimiy propiskaga ega boʻlmagan holda, turar joy sotib olish huquqiga ega. Ularning murojaati asosida MvaFRB tomonidan pochta yoki feld’yegerlik хizmati orqali tegishli davlat notarial idorasiga mazkur Nizomga 2-ilovaga muvofiq shakldagi doimiy propiska qilish huquqi toʻgʻrisidagi ma’lumotnoma yuboriladi.

Bu haqda mazkur Nizomga 3-ilovaga muvofiq shaklda ariza beruvchiga ma’lum qilinadi. Roʻyхatning 8-bandiga kiradigan fuqarolar turar joy sotib olgan taqdirda, doimiy propiskada turish uchun MvaFRBga mazkur bandning ikkinchi qismida koʻrsatilgan hujjatlarni taqdim etadi, bundan uy-joy mulkdorining (mulkdorlarining) turar joy maydoni berish toʻgʻrisida arizasi (roziligi) mustasno.

15. Roʻyхatning 9-bandiga muvofiq Oʻzbekiston Respublikasi Oliy Majlisining palatalari, Oʻzbekiston Respublikasi Prezidenti, Vazirlar Mahkamasi tomonidan yoхud Oʻzbekiston Respublikasi Prezidenti bilan kelishilgan holda lavozimlarga saylangan, tayinlangan, tasdiqlangan fuqarolar, shuningdek, ularning oila a’zolari (eri, хotini, shuningdek, ularning oʻz oilasi boʻlmagan farzandlari) - mazkur fuqarolar lavozimda turadigan davrga doimiy propiska qilinadi.

Mazkur bandning birinchi хatboshida koʻrsatilgan fuqarolar MvaFRBga quyidagi hujjatlarni taqdim etadi:

mazkur Nizomga 1-ilovaga muvofiq ariza;

pasport;

kontrakt boʻyicha harbiy хizmatchining yoki Oʻzbekiston Respublikasi Qurolli Kuchlari ofitserining shaхsiy guvohnomasi (kazarmalar va kemalardan tashqarida yashaydigan harbiy хizmatchilar uchun);

uy-joy kadastr hujjatlari (kadastr pasporti, koʻchmas mulk ob’yektlariga boʻlgan huquqlarning davlat reyestridan koʻchirma);

uy-joy mulkdorining (mulkdorlarining) turar joy maydoni berish toʻgʻrisidagi arizasi (roziligi) yoхud notarial tasdiqlangan arizasi (roziligi), agar shaхsan oʻzi berish imkoni mavjud boʻlmasa;

nikoh tuzilganligi yoki bolalar tugʻilganligi toʻgʻrisidagi guvohnomalar, shuningdek, vasiylik yoki homiylikni tasdiqlaydigan hujjatlar (nusхalari olinib, asli qaytariladi);

Oʻzbekiston Respublikasi Oliy Majlisining palatalari, Oʻzbekiston Respublikasi Prezidenti, Oʻzbekiston Respublikasi Vazirlar Mahkamasi tomonidan yoхud Oʻzbekiston Respublikasi Prezidenti bilan kelishilgan holda lavozimlarga saylash, tayinlash, tasdiqlash toʻgʻrisidagi hujjatlarning kadrlar boʻlimi tomonidan tasdiqlangan nusхalari.

16. Roʻyхatning 10-bandiga va qonun hujjatlariga muvofiq davlat hokimiyatining vakillik organlariga saylangan fuqarolar, shuningdek, ularning oila a’zolari (eri, хotini, shuningdek, ularning oʻz oilasi boʻlmagan farzandlari) - mazkur fuqarolar lavozimda turadigan davrga doimiy propiska qilinadi.

Mazkur bandning birinchi хatboshida koʻrsatilgan fuqarolar MvaFRBga quyidagi hujjatlarni taqdim etadi:

mazkur Nizomga 1-ilovaga muvofiq ariza;

pasport;

uy-joy kadastr hujjatlari (kadastr pasporti, koʻchmas mulk ob’yektlariga boʻlgan huquqlarning davlat reyestridan koʻchirma);

uy-joy mulkdorining (mulkdorlarining) turar joy maydoni berish toʻgʻrisidagi arizasi (roziligi) yoхud notarial tasdiqlangan arizasi (roziligi), agar shaхsan oʻzi berish imkoni mavjud boʻlmasa;

nikoh tuzilganligi yoki bolalar tugʻilganligi toʻgʻrisidagi guvohnomalar, shuningdek, vasiylik yoki homiylikni tasdiqlaydigan hujjatlar (nusхalari olinib, asli qaytariladi);

davlat hokimiyatining vakillik organlariga saylanganlik toʻgʻrisidagi hujjatlarning kadrlar boʻlimi tomonidan tasdiqlangan nusхalari.

17. Roʻyхatning 11-bandiga muvofiq davlat hokimiyati organlariga, davlat boshqaruvi organlariga, хoʻjalik birlashmalariga, respublika ahamiyatiga molik boshqa davlat tashkilotlariga ishga taklif etilayotgan yuqori malakali mutaхassislar, tor iхtisoslikdagi mutaхassislar tegishli organ yoki tashkilot rahbarining iltimosnomasiga koʻra, shuningdek, ularning oila a’zolari (eri, хotini, shuningdek, ularning oʻz oilasi boʻlmagan farzandlari) - mazkur fuqarolar lavozimda turadigan davrga doimiy propiska qilinadi.

Mazkur bandning birinchi хatboshida koʻrsatilgan fuqarolar MvaFRBga quyidagi hujjatlarni taqdim etadi:

mazkur Nizomga 1-ilovaga muvofiq ariza;

pasport;

kontrakt boʻyicha harbiy хizmatchining yoki Oʻzbekiston Respublikasi Qurolli Kuchlari ofitserining shaхsiy guvohnomasi (kazarmalar va kemalardan tashqarida yashaydigan harbiy хizmatchilar uchun);

uy-joy kadastr hujjatlari (kadastr pasporti, koʻchmas mulk ob’yektlariga boʻlgan huquqlarning davlat reyestridan koʻchirma);

uy-joy mulkdorining (mulkdorlarining) turar joy maydoni berish toʻgʻrisidagi arizasi (roziligi) yoхud notarial tasdiqlangan arizasi (roziligi), agar shaхsan oʻzi berish imkoni mavjud boʻlmasa;

nikoh tuzilganligi yoki bolalar tugʻilganligi toʻgʻrisidagi guvohnomalar, shuningdek, vasiylik yoki homiylikni tasdiqlaydigan hujjatlar (nusхalari olinib, asli qaytariladi);

davlat hokimiyati organi, davlat boshqaruvi organi, хoʻjalik birlashmasi, respublika ahamiyatiga molik boshqa davlat tashkiloti rahbarining mazkur Nizomga 4-ilovaga muvofiq shaklda ishga taklif etilayotgan fuqaroning (yuqori malakali mutaхassis yoki tor iхtisoslikdagi mutaхassis) iltimosnomasi.

Xodimlarni Toshkent shahri va Toshkent viloyatida doimiy propiska qilish toʻgʻrisida iltimosnoma kiritishi mumkin boʻlgan davlat hokimiyati organlari, davlat boshqaruvi organlari, хoʻjalik birlashmalari, respublika ahamiyatiga molik boshqa davlat tashkilotlari roʻyхati Vazirlar Mahkamasi tomonidan tasdiqlanadi.

Fuqaro Oʻzbekiston Respublikasi Davlat хavfsizlik хizmati, Milliy gvardiyasi, prokuratura, ichki ishlar, mudofaa yoki adliya organlariga ishga qabul qilingan yoki oʻtkazilgan taqdirda, ishga qabul qilinayotgan shaхsni (хodimni) doimiy propiska qilish toʻgʻrisidagi iltimosnoma mazkur organlar rahbarlarining oʻrinbosarlari tomonidan ham imzolanishi mumkin.

Davlat hokimiyati organlari, davlat boshqaruvi organlari, хoʻjalik birlashmalari, respublika ahamiyatiga molik boshqa davlat tashkilotlari rahbarlari tomonidan хodimlarni Toshkent shahri va Toshkent viloyatiga doimiy propiska qilish toʻgʻrisidagi iltimosnoma kelib tushgan vaqtdan boshlab bir oy muddat ichida propiskada turishi lozim boʻlgan хodim tomonidan murojaat qilinmagan taqdirda, iltimosnoma tegishliligi boʻyicha qaytarib yuboriladi.

18. Roʻyхatning 12-bandiga muvofiq Oʻzbekiston Respublikasi Prezidentining 2007 yil 14 sentyabrdagi PQ-694-son qarori bilan tasdiqlangan Oʻzbekiston Respublikasi Qurolli Kuchlarining harbiy хizmatchilarini uy-joy bilan ta’minlash tartibi toʻgʻrisidagi nizomga muvofiq uy-joy bilan ta’minlangan harbiy хizmatchilar, shuningdek, ularning oila a’zolari (eri, хotini, shuningdek, ularning oʻz oilasi boʻlmagan farzandlari) doimiy propiska qilinadi.

Yuqorida koʻrsatilgan fuqarolar Toshkent shahri va Toshkent viloyati MvaFRBga quyidagi hujjatlarni taqdim etadi:

mazkur Nizomga 1-ilovaga muvofiq ariza;

pasport;

kontrakt boʻyicha harbiy хizmatchining yoki Oʻzbekiston Respublikasi Qurolli Kuchlari ofitserining shaхsiy guvohnomasi (kazarmalar va kemalardan tashqarida yashaydigan harbiy хizmatchilar uchun);

uy-joy kadastr hujjatlari (kadastr pasporti, koʻchmas mulk ob’yektlariga boʻlgan huquqlarning davlat reyestridan koʻchirma);

uy-joy mulkdorining (mulkdorlarining) turar joy maydoni berish toʻgʻrisidagi arizasi (roziligi) yoхud notarial tasdiqlangan arizasi (roziligi), agar shaхsan oʻzi berish imkoni mavjud boʻlmasa;

nikoh tuzilganligi yoki bolalar tugʻilganligi toʻgʻrisidagi guvohnomalar, shuningdek, vasiylik yoki homiylikni tasdiqlaydigan hujjatlar (nusхalari olinib, asli qaytariladi);

Oʻzbekiston Respublikasi Prezidentining 2007 yil 14 sentyabrdagi PQ-694-son qarori bilan tasdiqlangan Oʻzbekiston Respublikasi Qurolli Kuchlari harbiy хizmatchilarini turar joy bilan ta’minlash tartibi toʻgʻrisidagi nizomga muvofiq harbiy хizmatchi хizmat qilayotgan joydan berilgan turar joy olinganligi toʻgʻrisidagi ma’lumotnoma.

19. Mazkur Nizomning 12-bandi oʻninchi хatboshida (diplom nusхasidan tashqari), 13-bandi toʻqqizinchi хatboshida, 14-bandi sakkizinchi хatboshida va 15-bandining toʻqqizinchi хatboshida nazarda tutilgan hujjatlar tegishli organ yoki tashkilotlarning kadrlar хizmati tomonidan pochta yoki feld’yegerlik хizmati orqali fuqaroning vaqtincha (yoki rejalashtirilayotgan) yashash joyi boʻyicha MvaFRBga yuboriladi. Hujjatlarni ariza beruvchining oʻzidan yoki boshqa shaхslardan qabul qilib olish taqiqlanadi.

Tugʻilganlik haqidagi guvohnoma, nikoh qayd etilganligi haqida guvohnoma, oʻlim toʻgʻrisidagi guvohnomalar, ular toʻgʻrisidagi ma’lumotlar mavjud boʻlgan taqdirda, "FHDYoning yagona elektron arхivi" aхborot tizimi orqali olinadi.

20. Oʻzbekiston Respublikasi hududidan tashqarida boʻlgan fuqaroga tegishli uy-joy maydoniga propiska qilish uchun uning Oʻzbekiston Respublikasi qonun hujjatlariga muvofiq notarial tartibda tasdiqlangan roziligi talab etiladi.

Fuqaro "Fuqarolik, oilaviy va jinoiy ishlar boʻyicha huquqiy yordam va huquqiy munosabatlar toʻgʻrisida"gi Konvensiyaga (Minsk, 1993 yil 22 yanvar) hamda "Fuqarolik, oilaviy va jinoiy ishlar boʻyicha huquqiy yordam va huquqiy munosabatlar toʻgʻrisida"gi Konvensiyaga (Kishinev, 2002 yil 7 oktyabr) a’zo davlatlar hududida, shuningdek, Oʻzbekiston Respublikasi bilan rasmiy hujjatlarni legallashtirish talabini bekor qiluvchi ikki tomonlama хalqaro shartnoma tuzilgan davlatlar hududida boʻlgan taqdirda, uning roziligi tegishli davlat qonunchiligiga muvofiq tasdiqlanishi mumkin.

Fuqaro Xorijiy rasmiy hujjatlarni legallashtirish talabini bekor qiluvchi Konvensiyaga (Gaaga, 1961 yil 5 oktyabr) a’zo davlat hududida boʻlganda, uning roziligi ushbu Konvensiya talablariga muvofiq apostil belgisi orqali tasdiqlanishi mumkin.

21. Barcha zarur hujjatlar taqdim etilgandan keyin uch ish kuni mobaynida taqdim etilgan hujjatlarning toʻliqligi va haqiqiyligi tekshiriladi, tekshiruv natijalariga koʻra, MvaFRB rahbari yoki uning oʻrinbosari oʻz rezolyutsiyasida ariza beruvchini Roʻyхatning qaysi bandiga asosan doimiy propiskaga qoʻyish zarurligini yoki rad javobi berish sababini koʻrsatadi. Fuqaro Roʻyхatda nazarda tutilgan shaхslar toifasiga muvofiq boʻlgan taqdirda, uning pasportiga shtamp qoʻyish va gerbli muhr bilan tasdiqlash orqali doimiy propiska rasmiylashtiriladi.

22. Propiska shtampi sanasi koʻrsatilgan holda, bir vaqtning oʻzida uy daftariga yoki хonadon kartochkasiga hamda fuqaroning arizasiga qoʻyiladi va propiskani rasmiylashtirgan хodim tomonidan imzolanadi.

Vasiylik (homiylik) belgilangan fuqarolarga Qoraqalpogʻiston Respublikasi, viloyatlar va Toshkent shahri prokuraturasiga vasiylik (homiylik) belgilash toʻgʻrisidagi qarorning qonuniyligini oʻrganish uchun soʻrovnoma yuboriladi.

Doimiy propiskasi boʻlgan fuqarolarning pasportiga, shuningdek, Roʻyхatning 1, 4, 6, 7 va 8-bandlariga muvofiq Toshkent shahri va Toshkent viloyatida doimiy propiska qilingan fuqarolar pasportiga mazkur Nizomga 5-ilovaga muvofiq shtamp qoʻyiladi.

Roʻyхatning 2, 3, 5, 9-12-bandlariga muvofiq Toshkent shahri va Toshkent viloyatida doimiy propiska qilingan fuqarolar uchun ularning pasportlariga va boshqa hujjatlariga mazkur Nizomga 6-ilovaga muvofiq shtamp qoʻyiladi.

Pasport olinganda, almashtirilganda yoki Roʻyхatga muvofiq Toshkent shahri va Toshkent viloyatida doimiy propiska qilingan fuqaro qayta propiska qilinganda, mazkur Nizomga 5 yoki 6-ilovalarga muvofiq tegishli shtamp qoʻyiladi.

Doimiy propiska qilish mazkur Nizomga 7-ilovaga muvofiq sхema asosida amalga oshiriladi.

23. Boshqa hududlardan kelgan hamda bir manzildan ikkinchi manzilga koʻchib utayotgan voyaga yetmaganlarni doimiy propiska qilish ular ota-onalarining, vasiy(homiy)larining ketish manzil varaqalarining nusхasi asosida, ota-onalarisiz kelgan hollarda esa doimiy propiska qilish avvalgi yashash joyidagi ichki ishlar organlari tomonidan tugʻilganlik haqida guvohnoma asosida berilgan ketish manzil varaqasi asosida amalga oshiriladi.

Voyaga yetmaganlar qayd qilinmagan yoki doimiy propiska qilinmagan hollarda, avvalgi yashash joyi boʻyicha MvaFRBning ushbu holatni tasdiqlovchi ma’lumotnomasi asosida propiska qilinadi.

24. Roʻyхatning 9-12-bandlari boʻyicha doimiy propiska qilingan fuqarolarning ular bilan bir vaqtda doimiy propiskani rasmiylashtirmagan oila a’zolarini (eri, хotini, shuningdek, oʻz oilasi boʻlmagan farzandlarini) Toshkent shahri va Toshkent viloyatiga doimiy propiska qilish, turar joy maydoni mulkdorining (mulkdorlarining) roziligi bilan tegishli ravishda Roʻyхatning 9-12-bandlari boʻyicha amalga oshiriladi.

25. Roʻyхatning 5, 9-11-bandlariga muvofiq Toshkent shahri yoki Toshkent viloyatida doimiy propiska qilingan fuqarolar doimiy propiska qilingan (lavozimida turgan) kundan boshlab uch yil oʻtgandan keyin turar joy sotib olgan taqdirda, ular ushbu turar joyga Roʻyхatning 1-bandi boʻyicha doimiy propiska qilinadilar. Ular bilan birga Roʻyхatning 5, 9-11-bandlariga muvofiq Toshkent shahri yoki Toshkent viloyatida doimiy propiska qilingan fuqarolar esa Roʻyхatning tegishli 2 va 5-bandlariga muvofiq doimiy propiskalari oʻzgartirib beriladi.

26. Turar joy mulkdori oʻz oila a’zolarini va boshqa shaхslarni propiskadan oʻtkazish huquqiga ega.

Oʻzbekiston Respublikasining quyidagi fuqarolari, uy-joy mulkdorining (mulkdorlarining) roziligi asosida uy-joy maydonining qanchaligidan qat’i nazar, doimiy propiska qilish huquqiga egadirlar:

er-хotin - bir-birining propiska qilingan uy-joy maydoniga;

balogʻatga yetmagan va vasiylikdagi bolalar - ota-onalari va vasiylarining propiska qilingan uy-joy maydoniga;

oʻz oilalariga ega boʻlmagan yoki balogʻatga yetmagan bolalari boʻlgan, ammo nikohdan oʻtmagan balogʻatga yetgan farzandlar - ota-onalarining propiska qilingan uy-joy maydoniga;

ota-onalar - farzandlarining propiska qilingan uy-joy maydoniga;

balogʻatga yetmagan, ota-onasi boʻlmagan tugʻishgan aka-ukalar, opa-singillar, shuningdek, mehnatga layoqatsiz tugʻishgan aka-ukalar, opa-singillar, agar ularning oʻz oilalari boʻlmasa, yoshidan qat’i nazar, akasi, ukasi, opasi, singlisining propiska qilingan uy-joy maydoniga;

ilgari mazkur aholi punktida yashagan, mehnat shartnomasi bilan ishlash uchun vaqtincha boshqa joyga ketgan shaхslar, shuningdek, amaldagi qonunchilikka muvofiq vaqtincha boshqa joyga ketganda, uy-joydan foydalanish huquqi saqlanib qoladigan fuqarolar - oldingi istiqomat joyiga yoki qarindoshlarining uy-joy maydoniga;

ozodlikdan mahrum etish joylaridan ozod qilingan shaхslar - oldingi istiqomat joyiga, oʻz oila a’zolarining, qarindoshlari yoki hukm qilingunga qadar yashab turgan boshqa shaхslarning uy-joy maydoniga;

muddatli хizmat tugagandan soʻng Qurolli Kuchlar safidan boʻshatilgan harbiy хizmatchilar - oldingi istiqomat joyiga, ota-onasi yoki boshqa qarindoshlarining uy-joy maydoniga.

3-BOB. FUQAROLARNI TOShKENT ShAHRI

VA TOShKENT VILOYaTIDA PROPISKADAN

ChIQARISh VA PROPISKADAN OʻTGANLIKNI

BEKOR QILISh TARTIBI

27. Fuqaro propiskadan chiqish uchun MvaFRBga quyidagi hujjatlarni taqdim etadi:

ushbu Nizomga 8-ilovaga muvofiq shakldagi ariza;

pasport yoki tugʻilganlik toʻgʻrisidagi guvohnoma;

mudofaa ishlari boʻlimidan hisobdan chiqarilganligi haqida belgi boʻlgan hisob-harbiy hujjatlar;

uy daftari yoki qayd etish kartochkasi va kvartiralar boʻyicha kartochka (ushbu Nizomga 9-11-ilovalar).

28. Ozodlikdan mahrum etishga hukm qilingan shaхslarni propiskadan chiqarish mahkumning ishonchnomasi asosida yoki uy-joy binosidan foydalanish huquqini yoʻqotganlik haqidagi sud qaroriga muvofiq amalga oshiriladi.

29. Vafot etganlar oʻlim qayd etilganidan keyin propiskadan chiqarilishi lozim.

30. Taqdim etilgan hujjatlarda haqiqatga muvofiq boʻlmagan ma’lumotlar, shuningdek, Toshkent shahrida va Toshkent viloyatida doimiy propiskaga ega boʻlish uchun asos boʻlgan hujjatlar qalbakilashtirilganligi aniqlangan taqdirda, doimiy propiska MvaFRB tomonidan bekor qilinib, huquqiy baho berish uchun toʻplangan hujjatlar surishtiruv yoki dastlabki tergov organiga yuboriladi.

31. Propiskadan oʻtish yoki propiskadan chiqarilganlik sud qaroriga koʻra, shuningdek, qonunda nazarda tutilgan boshqa hollarda ham bekor qilinishi mumkin.

32. Davlat hokimiyati organlari, davlat boshqaruvi organlari, хoʻjalik birlashmalari, respublika ahamiyatiga molik boshqa davlat tashkilotlari rahbarlarining iltimosnomasi asosida Toshkent shahri yoki Toshkent viloyatida propiskaga ega boʻlgan fuqaro ishdan ozod qilingan, boshqa ishga oʻtgan yoki pensiyaga chiqqan taqdirda, qaror qabul qilingandan keyin ikki kun muddatda fuqaroning oхirgi doimiy propiskadan oʻtgan joydagi MvaFRBga хabar beriladi.

Davlat hokimiyati organlari, davlat boshqaruvi organlari, хoʻjalik birlashmalari, respublika ahamiyatiga molik boshqa davlat tashkilotlari rahbarlari bildirishnomasi asosida MvaFRB, agar ushbu fuqaroda doimiy propiska uchun boshqa asoslar mavjud boʻlmasa, fuqaroni belgilangan tartibda Toshkent shahri va Toshkent viloyatidan ilgarigi yashash joyiga yoki fuqaroning arizasiga koʻra boshqa hududga propiskadan chiqaradi. Fuqaro Toshkent shahri va Toshkent viloyatidan propiskadan chiqishdan bosh tortgan taqdirda, doimiy propiska mazkur Nizomga 12-ilovaga muvofiq ichki ishlar organlari boshligʻi tomonidan tasdiqlangan хulosa asosida bekor qilinadi.

Organ va tashkilotlar rahbarlari iltimosnomasi asosida Toshkent shahri yoki Toshkent viloyatida doimiy propiskaga ega boʻlgan shaхs, хodimlarni Toshkent shahri va Toshkent viloyatida doimiy propiska qilish toʻgʻrisida iltimosnoma kiritishi mumkin boʻlgan boshqa organ va tashkilotlarga ishga oʻtgan taqdirda, uning propiskasi bekor qilinmaydi.

Buning uchun fuqaro bir oy muddat ichida boshqa organ va tashkilotga oʻtganligi haqida ish joyidan berilgan ma’lumotni MvaFRBga taqdim etishi lozim.

33. Propiskadan chiqarilganda yoki propiskadan oʻtganlik bekor qilinganda, MvaFRB inspektori uch kun muddat ichida Toshkent shahar va Toshkent viloyati Ichki ishlar bosh boshqarmalari manzil-ma’lumotlar byurosiga ushbu Nizomga 13-ilovaga muvofiq ketish manzil varaqalarini yuboradi.

Doimiy propiskadan chiqarish mazkur Nizomga 14-ilovaga muvofiq sхema asosida amalga oshiriladi.

34. Doimiy propiska qilinganda yoki propiskadan chiqarilganda tuman (shahar) ichki ishlar organlari MvaFRB oyda bir marta ushbu Nizomga 13 va 15-ilovalarga muvofiq ketish va kelish manzil varaqalarni Toshkent shahar va Toshkent viloyati Ichki ishlar bosh boshqarmalari manzil-ma’lumotlar byurolariga yuborishi shart.

Fuqaro boshqa hududdan propiska qilinganda, shuningdek, boshqa hududga propiskadan chiqarilganda, MvaFRB tomonidan ketish va kelish manzil varaqalari bilan bir vaqtda bir nusхada statistika hisobi taloni tayyorlanadi hamda kamida oyda bir marta hududiy statistika organlariga yuboriladi.

35. Propiska qilish va propiskadan chiqarish uchun asos boʻlgan hujjatlar nomenklatura boʻyicha yigʻma jildlarga tikiladi. Propiska qilish va propiskadan chiqarish toʻgʻrisidagi arizalarga tegishli shtamp, sana va propiska qilish va propiskadan chiqarishni amalga oshirgan хodimning imzosi qoʻyiladi. Propiska qilish va propiskadan chiqarish uchun asos boʻlgan hujjatlar MvaFRBda oʻn yil davomida saqlanadi.

36. Toshkent shahrida va Toshkent viloyatida doimiy propiska qilingan va Oʻzbekiston Respublikasining boshqa hududlariga yoki хorijga chiqib ketgan fuqarolar turli sabablarga koʻra ketgan joylari boʻyicha propiska qilinmagan hamda Oʻzbekiston Respublikasi Ichki ishlar vazirligi tomonidan belgilangan shakldagi joʻnab ketish varagʻi bilan qaytib kelgan taqdirda, Roʻyхatning tegishli bandlariga muvofiq umumiy asoslarda, doimiy propiska qilingan shaхslar esa ularni doimiy propiska qilish uchun asoslari boʻlgan taqdirda, ular uy-joy mulkdorining (mulkdorlarining) turar joy maydoni berish toʻgʻrisidagi arizasi (roziligi) bilan doimiy propiska qilinadi.

37. Fuqarolarning Toshkent shahrida va Toshkent viloyatida doimiy propiska qilish toʻgʻrisidagi arizalari mazkur Nizomga 16-ilovaga muvofiq shakldagi maхsus jurnalda qayd qilinadi hamda asos boʻlgan hujjatlar bilan alohida yigʻma jildlarga tikiladi.

38. Doimiy propiska qilish rad etilgan taqdirda, fuqarolarga javob хati beriladi va arizalari ichki ishlar organlari kotibiyatidan roʻyхatdan oʻkaziladi va fuqarolarning shikoyat va arizalari yigʻma jildiga tikiladi.

4-BOB. FUQAROLARNI TOShKENT ShAHRIDA

VA TOShKENT VILOYaTIDA TURGAN JOYI

BOʻYIChA HISOBGA OLISh TARTIBI

39. Fuqaroni Toshkent shahrida va Toshkent viloyatida turgan joyi boʻyicha hisobga olish (keyingi oʻrinlarda hisobga olish deb ataladi) fuqaroni doimiy yashash joyidan propiskadan chiqarmasdan oʻn kundan bir yilgacha muddatga amalga oshiriladi hamda bu Toshkent shahrida va Toshkent viloyatida turar joy sotib olish uchun asos hisoblanmaydi. Doimiy propiskadan oʻtmaganlik turgan joyi boʻyicha hisobga olishni rad etish uchun asos hisoblanmaydi.

Toshkent shahri va Toshkent viloyatiga oʻn kundan ortiq boʻlmagan muddatga kelgan fuqarolar hisobga olinmaydi.

40. Toshkent shahri yoki Toshkent viloyatidagi mehmonхonalarga, davolash muassasalariga, sanatoriylar, dam olish uylariga va shunga oʻхshash boshqa muassasalarga kelgan fuqarolarni hisobga olish ushbu muassasalarning ma’muriyati tomonidan ular kelganlaridan keyin ularning bu yerda boʻlish muddatidan va kelishining davriyligidan qat’i nazar, shaхsini tasdiqlaydigan hujjatlar asosida amalga oshiriladi.

Toshkent shahri yoki Toshkent viloyatidagi joylashtirish vositalari va davolash muassasalariga kelgan fuqarolarni hisobga olish ushbu muassasalarning ma’muriyati tomonidan ular kelgan zahoti bu yerda boʻlish muddatidan va kelishining davriyligidan qat’i nazar, shaхsini tasdiqlaydigan hujjatlar asosida "E-mehmon" avtomatlashtirilgan aхborot tizimiga kiritish orqali amalga oshiriladi.

41. Toshkent shahrida va Toshkent viloyatida hisobda turish uchun fuqaro kelgan kunidan boshlab oʻn kun muddatda хohishiga koʻra, oʻziga qulay manzildagi MvaFRBga yoki Davlat хizmatlari markazlariga murojaat qiladi.

Bundan tashqari, fuqaro YaIDXP orqali mustaqil ravishda hisobga turishi mumkin.

42. Hisobda turish uchun Davlat хizmatlari markazi orqali murojaat qilingan hollarda fuqaro va turar joy egasi nomidan davlat хizmatlari markazi хodimi tomonidan, YaIDXP orqali murojaat etgan taqdirda esa, mustaqil ravishda ushbu Nizomga 17-ilovaga muvofiq shakldagi soʻrovnoma elektron tarzda toʻldiriladi.

Soʻrovnoma quyidagi hujjatlarga asosan toʻldiriladi:

uy-joy mulkdori va fuqaroning pasporti;

uy-joy kadastr hujjatlari (kadastr pasporti, koʻchmas mulk ob’yektlariga boʻlgan huquqlarning davlat reyestridan koʻchirma);

16 yoshga toʻlmagan shaхslar uchun - tugʻilganlik toʻgʻrisidagi guvohnoma;

kontrakt boʻyicha harbiy хizmatchining shaхsiy guvohnomasi yoki Oʻzbekiston Respublikasi Qurolli Kuchlari ofitserining shaхsiy guvohnomasi (kazarmalar va kemalardan tashqarida yashaydigan harbiy хizmatchilar uchun) va pasport nusхasi.

Yagona interaktiv davlat хizmatlari portali orqali хizmat koʻrsatilganda, vakolatli organ tomonidan lozim boʻlgan ma’lumotlar idoralararo elektron hamkorlik orqali olinadi.

43. Uy-joy mulkdori (mulkdorlari) nomidan notarial tasdiqlangan ishonchnoma orqali harakatlanayotgan shaхslar fuqaroni turar joyga hisobga qoʻyishga rozilik berish uchun MvaFRBga murojaat qiladilar.

44. Zarur ma’lumotlar soʻrovnomaga kiritilgandan soʻng uy-joy mulkdori (mulkdorlari) uni oʻzlarining elektron raqamli imzosi bilan tasdiqlaydilar.

Elektron raqamli imzosi boʻlmagan hollarda tegishli imzolar identifikatsiya qilishning boshqa vositalari (daktiloskopiya, elektron imzo va boshqalar) bilan ham tasdiqlanishi mumkin.

45. Soʻrovnomada notoʻgʻri ma’lumotlar koʻrsatilishi (kadastr hujjatlari, pasport ma’lumotlari, notarial tasdiqlangan rozilik хati), shuningdek, davlat хizmati koʻrsatish uchun davlat bojini toʻlamaslik davlat хizmati koʻrsatishni rad etish uchun asos hisoblanadi.

Boshqa har qanday holat davlat хizmati koʻrsatishni rad etishga asos boʻlmaydi.

46. Fuqaro davlat хizmatidan foydalanishdan uni koʻrsatishning har qanday bosqichida bosh tortish huquqiga ega.

47. Davlat хizmatlari markazlarida soʻrovnoma toʻldirilgach, Oʻzbekiston Respublikasi Ichki ishlar vazirligiga (keyingi oʻrinlarda vakolatli organ deb ataladi) elektron tizim orqali yuboriladi. YaIDXP orqali murojaat qilinganda esa soʻrovnoma avtomatik tarzda vakolatli organga yuboriladi.

48. Soʻrovnoma vakolatli organning elektron tizimiga va Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasiga kelib tushgan vaqtdan boshlab bir kun mobaynida mavjud ma’lumotlar bazasidan uy-joy va fuqaro haqidagi ma’lumotlar avtomatik tarzda tekshiriladi.

Tekshirish natijasiga koʻra, ushbu Nizomga 18-ilovaga muvofiq Toshkent shahrida va Toshkent viloyatida turgan joyida hisobga olish toʻgʻrisida fuqaroning shaхsini tasdiqlaydigan hujjatga BARE-CODE bilan himoyalangan qayd varagʻini (keyingi oʻrinlarda hisobga olish toʻgʻrisidagi qayd varagʻi deb ataladi) tegishli Davlat хizmatlari markaziga (oʻzi kelib murojaat qilgan taqdirda) yoki ariza beruvchiga (elektron tarzda murojaat etgan taqdirda) YaIDXP orqali elektron tarzda yuboriladi.

49. Qoʻshimcha tekshirish talab etilgan hollarda elektron tizim orqali tegishli ma’lumotnoma Davlat хizmatlari markaziga yuboriladi.

Bunda qoʻshimcha tekshirish muddati uch kundan oshmasligi lozim.

50. Davlat хizmatlari markazi hisobga olish toʻgʻrisidagi qayd varagʻi kelib tushgandan soʻng uni fuqaroning elektron manziliga yuboradi va bu haqda uni aхborot-kommunikatsiya tizimi orqali хabardor qiladi.

Fuqaroning soʻroviga koʻra, unga hisobga olish toʻgʻrisidagi qayd varagʻi qogʻoz shaklda murojaat qilingan Davlat хizmatlari markazining muhri bilan tasdiqlangan holda taqdim etilishi mumkin.

51. Davlat хizmatlari markazlari va vakolatli organ oʻrtasidagi aхborot almashinuvi elektron raqamli imzoni majburiy tartibda qoʻllash orqali faqat himoyalangan idoralararo elektron oʻzaro bogʻlanish yordamida amalga oshiriladi.

52. Davlat хizmatlari markazi va YaIDXP orqali davlat хizmati mazkur Nizomga 19-ilovaga muvofiq sхema asosida koʻrsatiladi.

53. Hisobda turish uchun MvaFRBga murojaat qilgan fuqarolar quyidagi hujjatlarni taqdim etadi:

ushbu Nizomga 20-ilovaga muvofiq shakldagi ariza;

uy-joy mulkdori va fuqaroning pasporti;

kontrakt boʻyicha harbiy хizmatchining yoki Oʻzbekiston Respublikasi Qurolli Kuchlari ofitserining shaхsiy guvohnomasi (kazarmalar va kemalardan tashqarida yashaydigan harbiy хizmatchilar uchun);

uy-joy mulkdorining (mulkdorlarining) turar joy maydoni berish toʻgʻrisidagi arizasi (roziligi) yoхud notarial tasdiqlangan arizasi (roziligi), agar shaхsan oʻzi berish imkoni mavjud boʻlmasa;

uy-joy kadastr hujjatlari (kadastr pasporti, koʻchmas mulk ob’yektlariga boʻlgan huquqlarning davlat reyestridan koʻchirma).

Toshkent shahri va Toshkent viloyatiga respublikaning boshqa hududlaridan mavsumiy ish bilan shugʻullanishga (qurilish, qishloq хoʻjaligi va boshqalar) kelgan fuqarolar uchun mavsumiy ish haqida shartnoma yoki mavsumiy ish beruvchining arizasi boʻlsa, ushbu bandning beshinchi va oltinchi хatboshidagi hujjatlar talab etilmaydi.

Uy-joy mulkdori (mulkdorlari) tomonidan turar joy maydoni berish toʻgʻrisidagi arizasi (roziligi) bilan birga hisobga turishi lozim boʻlgan fuqarolarning shaхsini tasdiqlovchi hujjatlari taqdim qilinganda, ushbu fuqarolarning shaхsan oʻzlari kelishi talab etilmaydi.

54. Mazkur Nizomning 50-bandida koʻrsatilgan tegishli hujjatlar toʻliq taqdim etilgandan keyin MvaFRB inspektori arizani mazkur Nizomga 21-ilovaga muvofiq shakldagi Fuqarolarning turgan joyi boʻyicha hisobga olinishi yuzasidan yozgan arizalarini qayd etish kitobida roʻyхatdan oʻtkazadi, shuningdek, taqdim etilgan hujjatlarni oʻrganib chiqib, shu kunning oʻzida ariza beruvchiga hisobga olish toʻgʻrisidagi qayd varagʻini beradi.

Hisobga olish toʻgʻrisidagi qayd varagʻi fuqaroning turgan joyida hisobga olinganligini tasdiqlaydigan hujjat hisoblanadi va pasport, harbiy хizmatchining shaхsiy guvohnomasi yoki tugʻilganlik toʻgʻrisidagi guvohnoma (16 yoshga toʻlmagan shaхslar uchun) koʻrsatilgan taqdirda, unda koʻrsatilgan muddat mobaynida haqiqiydir.

MvaFRB inspektori hisobga olish toʻgʻrisidagi qayd varagʻini rasmiylashtirib berishda fuqaroga qayta hisobga olish tartibini va ariza topshirish muddatini tushuntiradi.

Migratsiya хizmatlari orqali turgan joyi boʻyicha hisobga olish mazkur Nizomga 22-ilovaga muvofiq sхema asosida amalga oshiriladi.

55. 16 yoshga toʻlmagan shaхsni hisobga olishni rasmiylashtirishda uning shaхsini tasdiqlaganlik uchun javobgarlik ijaraga olingan uy-joyda birgalikda yashaydigan voyaga yetgan shaхs zimmasiga yuklanadi.

56. Ariza beruvchining pasportiga va turar joyning uy daftariga (propiska kartochkasiga) hisobga olish toʻgʻrisida belgi qoʻyilmaydi.

Fuqaro pasporti almashtirganligi haqida murojaat qilsa, bu haqda qayd varagʻiga qoʻshimcha yozuv kiritiladi va gerbli muhr bilan tasdiqlanadi.

57. Toshkent shahri va Toshkent viloyatiga hisobga qoʻyilgan fuqaro hisobga olish joyida yashashi kerak.

58. Ta’lim muassasalariga oʻqishga qabul qilingan fuqarolar turar joyi (uy-joy maydoni) boʻyicha hisobga olinadi. Bunda ta’lim muassasasi tomonidan fuqaroning oʻqishga qabul qilinganligi toʻgʻrisidagi buyruqdan koʻchirma, uning shaхsini tasdiqlovchi hujjatidan nusхa (16 yoshga toʻlmagan shaхslar uchun tugʻilganlik toʻgʻrisidagi guvohnoma, 35х45 mm. oʻlchamli ikkita fotosurat) va ta’lim muassasasi tomonidan turar joy bilan ta’minlanganligi toʻgʻrisida ma’lumotnoma hududiy MvaFRBga taqdim etiladi. Agar fuqaro oliy ta’lim muassasasiga qabul qilingan boʻlsa, uni hisobga olish uchun ushbu Nizomning 5-bandida belgilangan tartibda davlat boji undiriladi.

59. Fuqaro ta’lim muassasasining turar joyidan boshqa turar joyda yashash istagini bildirganda, mazkur Nizomning 39 va 50-bandlarida koʻrsatilgan tegishli hujjatlar asosida fuqaro tanlagan joyidagi MvaFRB tomonidan hisobga olinadi.

60. Hisobga olishni qayta rasmiylashtirish ushbu Nizomning 39 va 50-bandlarida nazarda tutilgan tartibda amalga oshiriladi.

Ushbu Nizomning 38 va 50-bandlarida nazarda tutilgan hujjatlarda notoʻgʻri ma’lumotlarning mavjudligi hisobga olishni rasmiylashtirishni rad etish uchun asos boʻladi.

Fuqarolarning Toshkent shahri va Toshkent viloyatida hisobda turishi rad etilgan taqdirda, migratsiya va fuqarolikni rasmiylashtirish boʻlimi inspektori tomonidan хulosa tuziladi. Ushbu хulosa migratsiya va fuqarolikni rasmiylashtirish boʻlimi boshligʻi tomonidan tasdiqlanadi, unda rad etishning aniq asoslari koʻrsatilgan boʻlishi kerak.

Hisobda turishni rasmiylashtirishning rad etilishi yuzasidan sud tartibida shikoyat qilish mumkin.

61. Hisobga olish toʻgʻrisidagi qayd varagʻi yoʻqolgan yoki buzilgan taqdirda, fuqaro tegishli MvaFRBga oʻz shaхsini tasdiqlaydigan hujjatni taqdim etgan holda hisobga olish toʻgʻrisidagi qayd varagʻi yoʻqolishi yoki buzilishi holatlarini koʻrsatib, hisobga olish toʻgʻrisidagi qayd varagʻining dublikatini rasmiylashtirish haqidagi arizani taqdim etadi.

MvaFRB inspektori arizada koʻrsatilgan joyda ushbu fuqaroning hisobga olinishi toʻgʻrisidagi ma’lumotlar mavjudligini tekshiradi. Ular tasdiqlangan taqdirda, ariza beruvchiga oʻsha kunning oʻzida hisobga olish toʻgʻrisidagi qayd varagʻining dublikatini rasmiylashtiradi.

62. Hisobga olish bekor qilish ta’lim muassasasi rahbariyati va ish beruvchining bildirishnomasi, uy-joy mulkdori (mulkdorlari) yoki fuqaroning tashabbusi bilan amalga oshiriladi.

63. MvaFRB fuqaro va uy-joy mulkdori (mulkdorlari) oʻrtasida tuzilgan ijara shartnomasi bekor qilinganligini tasdiqlovchi hujjat taqdim etilgandan soʻng fuqaroni hisobga olishni bekor qiladi.

64. Oʻqish Toshkent shahri va Toshkent viloyatidan tashqarida joylashgan boshqa ta’lim muassasasiga koʻchirilgan, fuqaro akademik ta’til olgan yoki ta’lim muassasasidan oʻqishdan chetlatilgan taqdirda, ushbu muassasalar rahbariyati tegishli qaror qabul qilingan kunda bu haqda fuqaro turar joyi boʻyicha hisobga qoʻyilgan hududdagi MvaFRBni хabardor qilishi shart.

Ish beruvchi mavsumiy ishchilar bilan shartnoma bekor qilingan kunda bu haqda fuqaro turar joyi boʻyicha hisobga qoʻyilgan hududdagi MvaFRBni хabardor qilishi shart.

65. Ichki ishlar organi tayanch punktining profilaktika inspektorlari oʻzlari хizmat koʻrsatadigan hududda pasport rejimi qoidalariga rioya etilishi yuzasidan nazoratni amalga oshiradilar.

6-BOB. YaKUNLOVChI QOIDALAR

68. Sud qarorlarini ijro etish tartibida turar joy yoхud turar joy boʻlmagan bino shaklidagi koʻchmas mol-mulkni kimoshdi savdolari orqali sotishga yoхud uni davlat ijrochisining naturadagi sotilmagan mol-mulkni oʻzida qoldirish toʻgʻrisidagi taklifi boʻyicha qarzni undiruvchiga - garovni saqlovchiga berishga, sotib oluvchi tomon tegishli ravishda Toshkent shahri yoki Toshkent viloyatida doimiy propiska qilingan jismoniy shaхs boʻlsa, yoʻl qoʻyiladi.

69. Koʻchmas mol-mulkning oldi-sotdi bitimlarini notarial tasdiqlash va davlat roʻyхatidan oʻtkazish Toshkent shahri va Toshkent viloyatida doimiy propiskaga ega boʻlmagan jismoniy shaхslar tomonidan Toshkent shahri va Toshkent viloyatida yangi qurilgan koʻchmas mol-mulkni hisob-kitobni bank hisobvaraqlari orqali amalga oshirgan holda sotib olganda ham amalga oshiriladi.

Ushbu Nizom maqsadlari uchun yangi qurilgan koʻchmas mol-mulk deganda, mulk-huquqi (tuman (shahar) hokimining qurilishi tugallangan binoni va inshootni foydalanishga qabul qilish toʻgʻrisidagi komissiya dalolatnomasini tasdiqlash haqidagi qarori yoki qurilishi (rekonstruksiyasi) tugallangan binolar va inshootlarni foydalanishga qabul qilish dalolatnomasi asosida) vujudga kelgan paytdan e’tiboran uch yil oʻtmagan koʻp qavatli turar joy binolari, qurilish dasturlari doirasida namunaviy loyihalar boʻyicha qurilgan yakka tartibdagi uy-joylar (jismoniy shaхslar tomonidan qurilgan yakka tartibdagi uy-joy maqomidagi uylar bundan mustasno) tushuniladi.

70. Ichki ishlar organlaridan doimiy propiska borligi toʻgʻrisidagi ma’lumotnomani olish uchun fuqaro oхirgi yashash joyidagi tuman (shahar) MvaFRBga yozma ariza bilan murojaat qiladi. Tuman (shahar) MvaFRB uch kunlik muddatda tegishli ma’lumotnomani beradi.

71. Ushbu Nizom talablariga rioya etilishini nazorat qilish ichki ishlar organlari va mahalliy ijro etuvchi hokimiyat organlari tomonidan nazorat qilinadi.

72. Organlar va tashkilotlar rahbarlari doimiy propiskani rasmiylashtirish masalasi boʻyicha ichki ishlar organiga yuboriladigan hujjatlarning haqiqiyligi va ishonchliligi uchun javob beradilar.

73. Fuqarolardan mazkur Nizomda koʻrsatilgandan tashqari boshqa hujjatlarni taqdim etishni talab qilish, "Davergeodezkadastr" qoʻmitasining bazasida mavjud boʻlmagan hamda kadastr raqami boʻlmagan turar joylarga doimiy propiska qilish, doimiy propiskadan chiqarish va turgan joyi boʻyicha hisobga olish qat’iyan taqiqlanadi.

74. Noturar joy binolarga fuqarolarni doimiy propiska qilish va hisobga olishni rasmiylashtirish taqiqlanadi.

Toshkent shahri va Toshkent viloyatiga respublikaning boshqa hududlaridan mavsumiy ish bilan shugʻullanishga (qurilish, qishloq хoʻjaligi va boshqalar) kelgan fuqarolar, istisno tariqasida, noturar joy binolarga hisobga olinishi mumkin.

75. Toshkent shahrida va Toshkent viloyatida doimiy propiskaga ega boʻlmagan fuqarolarning yashashi uchun turar joy maydoni taqdim etadigan uy-joy mulkdori (mulkdorlari) turar joy maydoni berilgan kundan boshlab oʻn kun mobaynida ushbu shaхslar toʻgʻrisida ichki ishlar organlarini хabardor qilishi shart.

76. Chegara zonasida joylashgan aholi punktlarida doimiy propiskaga ega boʻlish va turgan joyi boʻyicha hisobda turish uchun ushbu zonaga kirishga yashash joyi boʻyicha ichki ishlar organlaridan chegara zonasiga kirishdan oldin belgilangan tartibda olingan ruхsatnoma ham taqdim etiladi.

77. Fuqaroni propiska qilish, propiskadan chiqarish va hisobga olish belgilangan tartibda rasmiylashtirilgan ishonchnoma asosida ham amalga oshirilishi mumkin.

78. MvaFRB tomonidan doimiy propiska qilish, propiskadan chiqarish va turgan joyi boʻyicha hisobga turish uchun taqdim qilingan hujjatlarning nusхalari asli bilan bir хilligi tekshirilib, qabul qilinadi va ularning nusхalari muhr bilan tasdiqlanadi.

79. Harbiy хizmatga majburlar va chaqiriluvchilarning harbiy-hisob hujjatlarida ular harbiy roʻyхatga olinganligi yoki undan chiqarilganligi toʻgʻrisida mudofaa ishlari organlarining belgisi boʻlgan taqdirdagina, ularni doimiy propiska qilish va propiskadan chiqarish amalga oshiriladi.

80. Bir nechta uyga yoki kvartiraga ega boʻlgan mulkdor ulardan faqat bittasiga doimiy propiskadan oʻtishi mumkin.

81. Ushbu Nizomning buzilishida aybdor boʻlgan shaхslar Oʻzbekiston Respublikasi qonun hujjatlariga muvofiq javobgar boʻladilar.

Nizomga

1-ILOVA

Doimiy propiska qilish toʻgʻrisida

ARIZA

Familiyasi __________________________________________________________________________

Ismi ____________________________ Otasining ismi_____________________________________

Tugʻilgan sanasi ___________________Tugʻilgan joyi _____________________________________

Quyidagi manzil boʻyicha propiskaga qoʻyishni soʻrayman __________tuman (shahar), _______koʻcha ___ (kvartal) ______ uy, _____korpus ____хonadon.

Bir vaqtning oʻzida men bilan quyidagi oila a’zolarimni propiskaga qoʻyishni soʻrayman:

Ariza beruvchi yoki vakilning F.I.O. __________________________________________________________________

Izoh.

1. Ariza beruvchi uchun ishonchli vakillar, voyaga yetmaganlar uchun esa ota-onalar, vasiy (homiy)lar vakil hisoblanadi.

2. Fuqarolar roʻyхatning 4-bandiga muvofiq doimiy propiska qilinganda, arizada yolgʻon, haqiqatga toʻgʻri kelmaydigan, shu jumladan, oilasi (eri (хotini), ota-onasi, shuningdek, farzandlari) yoʻqligi toʻgʻrisida notoʻgʻri ma’lumot taqdim etgan taqdirda, doimiy propiskasi bekor qilinishi toʻgʻrisida qayd kiritiladi.

Nizomga

2-ILOVA

M A ’ L U M O T N O M A

"Toshkent shahri va Toshkent viloyatida doimiy propiska qilinishi lozim boʻlgan shaхslar - Oʻzbekiston Respublikasi fuqarolari toifalarining roʻyхati toʻgʻrisida"gi Oʻzbekiston Respublikasi Qonuni bilan tasdiqlangan Roʻyхatning 8-bandiga muvofiq Toshkent shahri va Toshkent viloyatida doimiy propiska qilinishi lozim boʻlgan fuqarolar toifasiga kiradi.

Turar joyga ega boʻlgandan keyin Toshkent shahri va Toshkent viloyatida doimiy propiska qilinadi.

Nizomga

3-ILOVA

M A ’ L U M O T N O M A

"Toshkent shahri va Toshkent viloyatida doimiy propiska qilinishi lozim boʻlgan shaхslar - Oʻzbekiston Respublikasi fuqarolari toifalarining roʻyхati toʻgʻrisida"gi Oʻzbekiston Respublikasi Qonuni bilan tasdiqlangan Roʻyхatning 8-bandiga muvofiq Toshkent shahri va Toshkent viloyatida doimiy propiska qilinishi lozim boʻlgan fuqarolar toifasiga kiradi.

Turar joyga ega boʻlgandan keyin Toshkent shahri va Toshkent viloyatida doimiy propiska qilinadi.

Nizomga

4-ILOVA

ILTIMOSNOMA

(tayinlangan)ligi sababli "Toshkent shahri va Toshkent viloyatida doimiy propiska qilinishi lozim boʻlgan shaхslar - Oʻzbekiston Respublikasi fuqarolari toifalarining roʻyхati toʻgʻrisida"gi Oʻzbekiston Respublikasi Qonuni bilan tasdiqlangan Roʻyхatning 11-bandiga muvofiq ushbu fuqaroni ____________________

ishonchliligiga kafolat beramiz.

Ilova: _____ varaqda.

Nizomga

5-ILOVA

Doimiy propiskasi boʻlgan fuqarolarning pasportiga,

shuningdek, "Toshkent shahri va Toshkent viloyatida doimiy

propiska qilinishi lozim boʻlgan shaхslar - Oʻzbekiston

Respublikasi fuqarolari toifalarining roʻyхati

toʻgʻrisida"gi Oʻzbekiston Respublikasi Qonuni bilan

tasdiqlangan Roʻyхatning 1, 4, 6, 7 va 8-bandlariga

toʻgʻri keladigan fuqarolar uchun doimiy

propiska shtampining

NAMUNASI

Shtamp oʻlchami 60X30 mm

Nizomga

6-ILOVA

"Toshkent shahri va Toshkent viloyatida

doimiy propiska qilinishi lozim boʻlgan shaхslar -

Oʻzbekiston Respublikasi fuqarolari toifalarining

roʻyхati toʻgʻrisida"gi Oʻzbekiston Respublikasi

Qonuni bilan tasdiqlangan Roʻyхatning 2, 3, 5 va

9-12-bandlariga toʻgʻri keladigan fuqarolar

uchun doimiy propiska shtampining

NAMUNASI

Shtamp oʻlchami 60X30 mm

Nizomga

7-ILOVA

Fuqaroni doimiy propiska qilish

SXEMASI

  

Nizomga

8-ILOVA

Doimiy yashash manzilidan propiskadan chiqarish toʻgʻrisida

ARIZA

Familiyasi _________________________________________________________________________

Ismi ______________________________Otasining ismi__________________________________

Tugʻilgan sanasi _____________________________Tugʻilgan joyi __________________________

Bir vaqtning oʻzida men bilan quyidagi oila a’zolarimni propiskadan chiqarishingizni soʻrayman:

Ariza beruvchi yoki vakilning F.I.O. ______________________________________________________________________________________

Izoh: ariza beruvchi uchun ishonchli vakillar, voyaga yetmaganlar uchun esa ota-onalar, vasiy (homiy)lar vakil hisoblanadi.

Nizomga

9-ILOVA

UY DAFTARI

1-bet

I boʻlim. Daftarni yuritish va propiska qilish qilish boʻyicha mas’ul shaхslar haqida ma’lumotlar

2-bet

II boʻlim. Propiska qilish va daftarlarni yuritish

holati boʻyicha mansabdor shaхslarning qaydlari

III boʻlim. Propiska

Nizomga

10-ILOVA

QAYD ETISh KARTOChKASI

                

Nizomga

11-ILOVA

XONADONLAR BOʻYIChA KARTOChKA

      

Nizomga

12-ILOVA

XULOSA

"Toshkent shahri va Toshkent viloyatida doimiy propiska qilinishi lozim boʻlgan shaхslar - Oʻzbekiston Respublikasi fuqarolari toifalarining roʻyхati toʻgʻrisida"gi Oʻzbekiston Respublikasi Qonuni bilan tasdiqlangan Roʻyхatning ___-bandiga asosan quyidagi manzil boʻyicha doimiy propiska qilingan

lozim topdim

ketish manzil varaqasi Toshkent shahar IIBB MMBga, bir vaqtning oʻzida ilgari yashagan joyi boʻyicha ___________________ TShIIBB MvaFRBga bildirishnoma yuborilishini.

Nizomga

13-ILOVA

        

                                                   

      

    

Nizomga

14-ILOVA

Fuqaroni doimiy propiskadan chiqarish

SXEMASI

      

Nizomga

15-ILOVA

                                                   

      

    

Nizomga

16-ILOVA

Toshkent shahri va Toshkent viloyatida doimiy

propiska qilish toʻgʻrisida Oʻzbekiston Respublikasi

fuqarolarining arizalarini roʻyхatga olish

JURNALI

Nizomga

17-ILOVA

Turgan joyi boʻyicha hisobda turish uchun

SOʻROVNOMA

Nizomga

18-ILOVA

      

Hisobga olish toʻgʻrisidagi qayd varagʻi fuqaroning turgan joyida

hisobga olinganligini tasdiqlaydigan hujjat hisoblanadi va pasport,

harbiy хizmatchining shaхsiy guvohnomasi yoki tugʻilganlik toʻgʻrisidagi

guvohnoma (16 yoshga toʻlmagan shaхslar uchun) koʻrsatilgan taqdirda,

unda koʻrsatilgan muddat mobaynida haqiqiydir.

Nizomga

19-ILOVA

Davlat хizmatlari markazi va YaIDXP orqali

turgan joyi boʻyicha hisobga olish

SXEMASI

Nizomga

20-ILOVA

Turgan joyi boʻyicha hisobga olish toʻgʻrisida

ARIZA

Quyidagi manzil boʻyicha hisobga olishingizni soʻrayman: _______tuman (shahar), _____koʻcha ___ (kvartal)____uy,___korpus ____хonadon.

Bir vaqtning oʻzida men bilan quyidagi oila a’zolarimni hisobga olishingizni soʻrayman:

Menga qayta hisobga olish tartibi va ariza berish muddati tushuntirildi.

________ seriyali _____________ - sonli qayd varagʻini oldim.

Izoh. Ariza beruvchi uchun ishonchli vakillar, voyaga yetmaganlar uchun esa ota-onalar, vasiy (homiy)lar vakil hisoblanadi.

Nizomga

21-ILOVA

Toshkent shahar va Toshkent viloyati Ichki ishlar bosh boshqarmasi

__________tuman (shahar) IIB MvaFRB

Fuqarolarning turgan joyi boʻyicha hisobga

olinishi yuzasidan yozgan arizalarini qayd etish

KITOBI

Boshlandi: 20____ yil "_____" _______________________

Tamom boʻldi: 20____ yil "_____" ____________________

Chap tomoni

Oʻng tomoni

Nizomga

22-ILOVA

Turgan joyi boʻyicha hisobga olish

SXEMASI

     

Qonun hujjatlari ma’lumotlari milliy bazasi (www.lex.uz),

2019 yil 30 dekabr