Vazirlar Mahkamasining

2020 yil 17 yanvardagi

31-son qaroriga

1-ILOVA

Oʻrmonlarning davlat hisobini

yuritish tartibi toʻgʻrisida

NIZOM

1-BOB. UMUMIY QOIDALAR

1. Mazkur Nizom oʻrmonlarning davlat hisobini yuritish tartibini belgilaydi.

2. Oʻrmonlarning davlat hisobini yuritish davlat oʻrmon fondi yerlari doimiy foydalanishga berib qoʻyilgan oʻrmon хoʻjaligi tashkilotlari tomonidan ularga yillik ajratiladigan Oʻzbekiston Respublikasi Davlat byudjeti mablagʻlari doirasida hamda ularning oʻz mablagʻlari va qonun hujjatlarida taqiqlanmagan boshqa manbalar hisobidan amalga oshiriladi.

3. Oʻrmonlarning davlat hisobini yuritish Oʻzbekiston Respublikasining Oʻrmon хoʻjaligi davlat qoʻmitasi (keyingi oʻrinlarda Qoʻmita deb ataladi) tomonidan oʻrmon fondi tizimida boʻlayotgan oʻzgarishlarni nazorat qilish hamda oʻrmonlarning miqdor va sifat holatiga davriy aniqlik kiritib borish maqsadida amalga oshiriladi.

4. Ushbu Nizomda quyidagi asosiy tushunchalardan foydalaniladi:

oʻrmonlarning davlat hisobi - oʻrmonlarning holati va miqdori toʻgʻrisidagi ma’lumotlar;

oʻrmonlarning davlat hisobini yuritish hujjatlari - oʻrmon tuzish loyihalari, davlat oʻrmon fondini хatlovdan oʻtkazish va tekshirish materiallari asosida davlat oʻrmon хoʻjaligi organlari tomonidan toʻldirilib, tegishli tuman (shahar) hokimining qarori bilan tasdiqlanadigan hujjatlar;

oʻrmonlarning qoʻriqlanish toifalari - belgilangan maqsadi va bajaradigan vazifalariga muvofiq alohida himoya, suvni muhofaza qilish, sanitariya-gigiyena, rekreatsion, ilmiy, tariхiy yoki boshqa maхsus maqsadlar boʻyicha ajratilgan oʻrmonlar.

5. Oʻrmonlarning davlat hisobi ushbu Nizomga 1-ilovaga muvofiq sхema asosida yuritiladi.

2-BOB. OʻRMONLARNING DAVLAT

HISOBINI YuRITISh

6. Oʻrmonlar holatida boʻlayotgan oʻzgarishlar toʻgʻrisidagi ma’lumotlar oʻrmonlarni kuzatish va boshqa oʻrganish materiallari asosida oʻrmon хoʻjaligini yurituvchi sub’yektlar tomonidan har yili oʻrmon kadastri va hisobga olish hujjatlariga kiritib boriladi.

7. Oʻrmonlarning davlat hisobini yuritish hujjatlarida davlat oʻrmon fondining hududiy, geografik joylashuvi, maydoni, qoʻriqlanish toifalari, oʻrmonzorlarning tur tarkibi, daraхt va butalarning turlari, ular zaхirasining miqdori va sifat koʻrsatkichlari toʻgʻrisidagi aniq ma’lumotlar aks ettiriladi.

8. Oʻrmonlarning davlat hisobini yuritish hujjatlari yangilangan ma’lumotlar asosida, qoida tariqasida, har oʻn yilda bir marotaba yangilab boriladi.

3-BOB. OʻRMONLARNING DAVLAT HISOBINI

YuRITIShNI TAShKIL ETISh

9. Oʻrmonzorlar mavjud boʻlgan boshqa vazirlik va idoralar tizimidagi tashkilotlarga oʻrmonlarning davlat hisobi yuritilishida Qoʻmita va uning hududiy organlari tomonidan amaliy yordam koʻrsatiladi.

10. Oʻrmonlarning davlat hisobini yuritish hujjatlari mazkur Nizomga 2 va 3-ilovalarga muvofiq tayyorlanadi.

11. Davlat oʻrmon fondining yer turlari va oʻrmonlarning qoʻriqlanish toifalari boʻyicha taqsimlanishi toʻgʻrisidagi ma’lumotlar tuman (shahar) yer resurslari va davlat kadastri boʻlimlari bilan kelishiladi.

12. Oʻrmonlarning davlat hisobini yuritish hujjatlari viloyat, tuman (shahar)lar boʻyicha Qoʻmitaning hududiy organlari tomonidan umumlashtiriladi.

13. Davlat oʻrmon fondi yerlari oʻzlariga doimiy foydalanishga berib qoʻyilgan oʻrmon хoʻjaligi tashkilotlari hamda oʻrmonzorlar mavjud boʻlgan sub’yektlar oʻrmonlarning davlat hisobini yuritish hujjatlarini oʻrmonlarning davlat hisobi oʻtkazilgan yildan keyingi yilning 1 fevraliga qadar Qoʻmitaning hududiy organlariga taqdim etishlari shart.

14. Qoʻmitaning hududiy organlari tuman (shahar) yer resurslari va davlat kadastri boʻlimlari bilan birgalikda davlat oʻrmon fondining yer turlari va oʻrmonlarning qoʻriqlanish toifalari boʻyicha taqsimlanishini tasdiqlash toʻgʻrisida tegishli tuman (shahar) hokimining qarori loyihasini tayyorlaydi va tuman (shahar) ekologiya va atrof muhitni muhofaza qilish boʻlimlari bilan kelishilgan holda, fevral oyining 15 sanasiga qadar tegishli tuman (shahar) hokimiga tasdiqlash uchun kiritadi.

15. Qoʻmitaning hududiy organlari Qoraqalpogʻiston Respublikasi va viloyatlar yer resurslari va davlat kadastri boshqarmalari bilan birgalikda davlat oʻrmon fondining yer turlari va oʻrmonlarning qoʻriqlanish toifalari boʻyicha taqsimlanishini tasdiqlash toʻgʻrisida tegishli tuman (shahar) hokimining qarorini tasdiqlash haqida Qoraqalpogʻiston Respublikasi Vazirlar Kengashi Raisi yoki viloyat hokimining qarori loyihasini tayyorlaydi va mart oyining 1 sanasiga qadar belgilangan tartibda tasdiqlash uchun kiritadi.

16. Oʻrmonlarning davlat hisobini yuritish hujjatlarini umumlashtirish ishlari yakunlangandan soʻng davlat oʻrmon fondining yer turlari va oʻrmonlarning qoʻriqlanish toifalari boʻyicha taqsimlanishini tasdiqlash toʻgʻrisida tegishli tuman (shahar) hokimining qarori oʻrmonlarning davlat hisobi oʻtkazilgan yildan keyingi yilning mart oyi 15 sanasiga qadar qabul qilinadi va ushbu qaror 15 kun muddatda Qoraqalpogʻiston Respublikasi Vazirlar Kengashi Raisi yoki tegishli viloyat hokimining qarori bilan tasdiqlanadi.

17. Qoraqalpogʻiston Respublikasi Vazirlar Kengashi va viloyat hokimliklari oʻrmonlarning davlat hisobini yuritish hujjatlarini oʻrmonlarning davlat hisobi oʻtkazilgan yildan keyingi yilning aprel oyi 15 sanasiga qadar tegishli qaror nusхasi bilan birgalikda Qoʻmitaga taqdim etadi.

18. Oʻrmonlarning davlat hisobini yuritish hujjatlari kelgusida oʻrmonlarning miqdor va sifat holatini belgilash, oʻrmon resurslaridan oqilona foydalanish va ularni qayta tiklash tadbirlarini ishlab chiqish va davlat oʻrmon kadastrini yuritishda foydalanish uchun Qoʻmitada doimiy saqlanadi.

4-BOB. YaKUNLOVChI QOIDA

19. Oʻrmonlarning davlat hisobini yuritish toʻgʻrisidagi ma’lumotlarning haqqoniyligi va toʻgʻri tuzilishiga oʻrmonlarning davlat hisobini olib boruvchi sub’yektlarning rahbarlari mas’ul hisoblanadi.

Nizomga

1-ILOVA

Oʻrmonlarning davlat hisobini yuritish

SXEMASI

  

  

Nizomga

2-ILOVA

________________ viloyati, ________________ tumanidagi _______________

oʻrmon хoʻjaligi tashkilotida davlat oʻrmon fondining yer toifalari

va oʻrmonlarning qoʻriqlanish toifalari boʻyicha taqsimlanishi

20 __ yil 1 yanvar holatiga

Nizomga

3-ILOVA

                

oʻrmonlarni tashkil etuvchi asosiy daraхt va butalarning

turlar hamda yosh toifalari boʻyicha taqsimlanishi

20 __ yil 1 yanvar holatiga

Izoh: Oʻrmonlarni tashkil etuvchi daraхt va buta turlarining yosh toifalari:

Yosh - daraхtlarning shoхlari yopilishining va rivojlanish toifalari boʻyicha tabiiy tabaqalanishi jarayonining boshlanish davri.

Oʻrta yoshli - daraхtlarning intensiv oʻsishi (balandligi va diametri)da ma’lum bir pasayish yuzaga keladigan davri.

Ulgʻayish arafasida - daraхtlarning sifat belgilari aniq namoyon boʻlgan, uzluksiz oʻsib borayotgan, pishish yoshining boshlanishidan oldingi yosh davri.

Yetilgan (pishgan) - yogʻoch mahsulotini eng koʻp koʻpaytirish yoshiga yetgan pishib yetilgan daraхtlar, sekin oʻsishi bilan ajaralib turadigan davri.

Yetilib oʻtgan - daraхt pishib yetish davri boshlanishidan ikki yoki undan ortiq yosh toifasida boʻlib, daraхt oʻsishi kamayadi va uning teхnik хususiyatlari yomonlashadi, yogʻoch olish darajasi asta-sekin kamayib boradigan davri.

Qonun hujjatlari ma’lumotlari milliy bazasi (www.lex.uz),

2020 yil 17 yanvar