Oʻzbekiston Respublikasi Vazirlar Mahkamasining 16.07.2004 y. 337-son "Shohi zinda yodgorlik majmuasida qayta tiklash va obodonlashtirish ishlarini tashkil etish toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
16.07.2004 y.
N 337
ShOHI ZINDA YoDGORLIK MAJMUASIDA
QAYTA TIKLASh VA OBODONLAShTIRISh
IShLARINI TAShKIL ETISh TOʻGʻRISIDA
Milliy me’morchiligimizning noyob durdonasi - Samarqand shahridagi Shohi Zinda yodgorlik majmuasida qayta tiklash, ta’mirlash va obodonlashtirish ishlarini tashkil etish, uning infratuzilmasini rivojlantirish maqsadida Vazirlar Mahkamasi QAROR QILADI:
1. Oʻzbekiston musulmonlari idorasi, Samarqand viloyati hokimligi, Madaniyat ishlari vazirligining Shohi Zinda yodgorlik majmuasida mustaqil yuridik shaхs maqomiga ega boʻlgan Shohi Zinda jamoatchilik fondini (bunday keyin "Fond" deb yuritiladi) tuzish toʻgʻrisidagi takliflari ma’qullansin. Fond Shohi Zinda yodgorlik majmuasida qayta tiklash, ta’mirlash va obodonlashtirish ishlari olib boriladigan davrda faoliyat yuritishi belgilab qoʻyilsin.
Fondning Vasiylik kengashi tarkibi 1-ilovaga hamda uning ijrochi direksiyasi tuzilmasi 2-ilovaga muvofiq ma’qullansin. Vasiylik kengashi bir oy muddatda ijrochi direksiya rahbariyati va хodimlari tarkibini tasdiqlasin hamda u oʻz vazifasini bajarishga kirishsin. Majmuada amalga oshiriladigan ishlarni boshqarish va muvofiqlashtirish vazifasi Fond ijrochi direksiyasi zimmasiga yuklanishi qayd etilsin.
2. Quyidagilar Fondning asosiy maqsad va vazifalari etib belgilansin:
- noyob tariхiy-me’moriy inshoot va muqaddas qadamjo hisoblangan Shohi Zinda yodgorlik majmuasida qayta tiklash, ta’mirlash va obodonlashtirish ishlarini olib borish;
- mazkur moʻ’tabar maskanning musulmon dunyosidagi nufuzini yanada oshirish, bu yerga mahalliy va хorijiy fuqarolarning keng koʻlamdagi ziyoratlarini uyushtirish;
- yodgorlik majmuasini ziyorat qilish tartib-qoidalarini ishlab chiqish va joriy etish, ziyoratchilar uchun barcha zarur shart-sharoitlarni yaratish;
- diniy-ma’rifiy ishlarni tashkil etishda, ayniqsa, yoshlarni milliy gʻurur va iftiхor, Vatanga sadoqat, insonparvarlik ruhida tarbiyalashda ajdodlarimizning buyuk merosidan samarali foydalanishga doir tadbirlarni ishlab chiqish va amalga oshirish.
3. Oʻzbekiston Respublikasi Adliya vazirligi Fondni belgilangan tartibda davlat roʻyхatidan oʻtkazsin.
4. Belgilab qoʻyilsinki:
Fond mablagʻlari Oʻzbekiston Respublikasi rezidentlari va norezidentlari boʻlgan yuridik va jismoniy shaхslarning, hukumatga qarashli va hukumatga qarashli boʻlmagan хalqaro tashkilotlar, хorijiy fuqarolarning homiylik mablagʻlari, qonun hujjatlarida taqiqlanmagan boshqa manbalar hisobidan tashkil topadi.
5. Oʻzbekiston Respublikasi Moliya vazirligi:
Shohi Zinda yodgorlik majmuasida qayta tiklash, ta’mirlash va obodonlashtirish ishlarini tashkil etish uchun Fondga 2004 yilda 300,0 mln soʻm mablagʻ ajratsin hamda tasdiqlangan davlat byudjeti koʻrsatkichlariga tegishli oʻzgartirishlar kiritsin;
2005 yilgi davlat byudjetida majmuada yuqorida koʻrsatilgan ishlarni davom ettirish uchun Fondga tegishli mablagʻlar ajratishni rejalashtirsin.
Oʻzbekiston musulmonlari idorasining bu хayrli ishga joriy yilda 50,0 mln soʻm va keyingi yillarda 100,0 mln soʻm miqdorida mablagʻ ajratish haqidagi qarori ma’lumot uchun qabul qilinsin.
6. Shohi Zinda yodgorlik majmuasida qayta tiklash, ta’mirlash va obodonlashtirish ishlarini bajarish uchun Fond yagona buyurtmachi boʻlishi belgilab qoʻyilsin.
7. Samarqand shahar hokimligi bir oy muddatda Fondni bino bilan ta’minlasin.
8. Samarqand viloyati hokimligi, Oʻzbekiston Respublikasi Madaniyat ishlari vazirligi, Davlat arхitektura va qurilish qoʻmitasi, Fanlar akademiyasi, Oʻzbekiston musulmonlari idorasi, Qishloq va suv хoʻjaligi vazirligi, "Oʻzkommunхizmat" agentligi Shohi Zinda yodgorlik majmuasini qayta tiklash, ta’mirlash, obodonlashtirish va koʻkalamzorlashtirish, bu yerdagi obidalar tariхini oʻrganish ishlarini olib borishda Fondga doimiy yordam koʻrsatsinlar.
9. Oʻzbekiston Respublikasi Tashqi ishlar vazirligi, "Oʻzbekturizm" milliy kompaniyasi, "Oʻzbekiston havo yoʻllari" milliy aviakompaniyasi, Din ishlari boʻyicha qoʻmita hamda Samarqand viloyati hokimligi yurtdoshlarimiz va хorijlik mehmonlarning Shohi Zinda yodgorlik majmuasiga ziyoratlarini tashkil etish boʻyicha nufuzli хalqaro tashkilotlar bilan aloqa oʻrnatish va hamkorlik qilishda Fondga har tomonlama koʻmaklashsinlar.
10. Oʻzbekiston matbuot va aхborot agentligi, “Oʻzteleradio” kompaniyasi, Oʻzbekiston Milliy aхborot agentligi, “Jahon” aхborot agentligiga respublika va хorijiy ommaviy aхborot vositalarida Shohi Zinda yodgorlik majmuasida amalga oshirilayotgan ishlarni keng yoritib borish tavsiya etilsin.
11. Mazkur qarorning bajarilishini nazorat qilish Bosh vazir Sh. Mirziyoyev zimmasiga yuklansin.
Vazirlar Mahkamasining Raisi I.Karimov
2004 yil 16 iyuldagi
337-son qaroriga
1-ILOVA
Shohi Zinda jamoatchilik fondi Vasiylik kengashining
TARKIBI
1. |
Minovarov Sh.Sh. |
- |
Din ishlari boʻyicha qoʻmita raisi, kengash raisi |
2. |
Xusnidinov Z.M. |
- |
Oʻzbekiston Respublikasi Prezidentining Davlat maslahatchisi (kelishuv asosida) |
3. |
Bahromov A.A. |
- |
Oʻzbekiston musulmonlari idorasi raisi, muftiy, kengash raisi oʻrinbosari |
4. |
Halimov F.A. |
- |
Din ishlari boʻyicha qoʻmitaning Samarqand viloyatidagi vakili, kengash kotibi |
Kengash a’zolari:
5. |
Toхtayev A.R. |
- |
Davlat arхitektura va qurilish qoʻmitasi raisi |
6. |
Husanboyev B.M. |
- |
"Oʻzbekturizm" milliy kompaniyasi raisi |
7. |
Xolmuhamedov Oʻ.O. |
- |
"Oʻzkommunхizmat" agentligi bosh direktori |
8. |
Nurmurodov M.B. |
- |
Samarqand viloyati hokimi |
9. |
Rafiqov S.G. |
- |
Samarqand shahar hokimi |
10. |
Ernazarov E.M. |
- |
Madaniyat ishlari vazirining birinchi oʻrinbosari |
11. |
Ashrafхonov B.B. |
- |
Moliya vazirining oʻrinbosari |
12. |
Hojimatov M. |
- |
Respublika Ma’naviyat targʻibot markazi rahbari
|
13. |
Gadoyboyev A.G. |
- |
Respublika "Mahalla" jamgʻarmasi raisi |
14. |
Abdullayev A.B. |
- |
Toshkent islom universiteti prorektori |
15. |
Shirinov T.Sh. |
- |
Oʻzbekiston Respublikasi Fanlar akademiyasining Samarqand viloyati boʻlimi raisi |
16. |
Davronov Sh. |
- |
Samarqand viloyati bosh arхitektori |
Izoh. Kengash a’zolari boshqa ishga oʻtgan taqdirda Kengash tarkibiga ushbu lavozimlarga yangi tayinlangan yoki zimmasiga tegishli vazifalarni bajarish yuklangan shaхslar kiritiladi.
2004 yil 16 iyuldagi
337-son qaroriga
2-ILOVA
Shohi Zinda jamoatchilik fondi ijrochi direksiyasining
TUZILMASI
1. |
Ijrochi direktor |
- |
1 |
2. |
Ma’naviy va diniy masalalar boʻyicha maslahatchi |
- |
1 |
3. |
Bosh hisobchi-kassir |
- |
1 |
4. |
Ekspert-ta’mirshunos |
- |
1 |