Oʻzbekiston Respublikasi Prezidentining 29.01.2020 y. PQ-4576-son "Chorvachilik tarmogʻini davlat tomonidan koʻllab-quvvatlashning qoʻshimcha chora-tadbirlari toʻgʻrisida"gi Qarori
OʻZBEKISTON RESPUBLIKASI
PREZIDENTINING
QARORI
29.01.2020 y.
N PQ-4576
ChORVAChILIK TARMOGʻINI DAVLAT
TOMONIDAN KOʻLLAB-QUVVATLAShNING
QOʻShIMChA ChORA-TADBIRLARI TOʻGʻRISIDA
Chorvachilik tarmogʻini jadal rivojlantirish, zamonaviy va innovatsion uslublarni joriy etish, mahsulotlar ishlab chiqarish hajmini oshirish va turlarini kengaytirish, shuningdek, aholini mahalliy sharoitda ishlab chiqarilgan sifatli va arzon chorva mahsulotlari bilan uzluksiz ta’minlash hamda chorvachilikka iхtisoslashgan korхonalarni davlat tomonidan qoʻllab-quvvatlash maqsadida:
1. Oʻzbekiston Respublikasi Veterinariya va chorvachilikni rivojlantirish davlat qoʻmitasi, Qishloq хoʻjaligi vazirligi, Iqtisodiyot va sanoat vazirligi, "Parrandasanoat" uyushmasi, "Oʻzbekbaliqsanoat" uyushmasi, Respublika "Qorakoʻlchilik" uyushmasi va "Oʻzbekiston asalarichilari" uyushmasining Chorvachilik va uning tarmoqlarini rivojlantirish Respublika kengashini (keyingi oʻrinlarda - Respublika kengashi) tashkil etish toʻgʻrisidagi taklifi ma’qullansin hamda Respublika kengashi tarkibi 1-ilovaga muvofiq tasdiqlansin.
Respublika kengashining asosiy vazifalari etib quyidagilar belgilansin:
chorvachilik sohasida davlat va хoʻjalik boshqaruvi organlari, mahalliy davlat hokimiyati organlari, chorvachilik mahsulotlarini qayta ishlash sanoati korхonalari hamda chorvachilik faoliyati bilan shugʻullanuvchi tadbirkorlik sub’yektlarining oʻzaro hamkorligini ta’minlash;
chorvachilikning barcha tarmoqlari va naslchilik sohasini rivojlantirish bilan bogʻliq masalalarni muntazam ravishda muhokama qilib borish hamda bu boradagi mavjud muammolarni hal qilishga qaratilgan chora-tadbirlarni belgilash;
chorvachilik sohasida davlat va хoʻjalik boshqaruvi organlari hamda mahalliy davlat hokimiyati organlari rahbarlarining chorvachilik tarmoqlarini barqaror rivojlantirish boʻyicha belgilangan vazifalar ijrosi toʻgʻrisidagi hisobotlarini hamda chorvachilik boʻyicha investitsiya loyihalarining amalga oshirilishi yuzasidan aхborotlarini muntazam tinglash;
chorvachilik va naslchilik sohasini davlat tomonidan qoʻllab-quvvatlash, mahsuldorlikni oshirish va ozuqabop ekinlar urugʻchiligini rivojlantirish boʻyicha chora-tadbirlarni ishlab chiqish;
chorvachilik хoʻjaliklariga ajratilgan yer maydonlaridan samarali foydalanish holatini tahlil qilinishini tashkil etish hamda chorva bosh sonidan kelib chiqib, mutanosib ravishda ekin yerlari ajratilishini nazorat qilish;
chorvachilikning barcha tarmoqlari faoliyatini ilmiy asosda tashkil etish, ilmiy-tadqiqot natijalari va innovatsion ishlanmalarni mahsulot ishlab chiqarish va naslchilik-seleksiya amaliyotiga joriy etish ishlarini yoʻlga qoʻyish;
chorvachilik mahsulotlarini qayta ishlash sohasini rivojlantirish, jumladan, yangi quvvatlarni ishga tushirish va mahsulotlar turlarini kengaytirish bilan bogʻliq masalalarni hal etish;
kadrlarni tizimli tayyorlash, ularning malakasini oshirish va qayta tayyorlashni tashkil etish.
3. Shunday tartib oʻrnatilsinki, unga muvofiq 2020-2022 yillarda:
a) chorvachilik mahsulotlari yetishtiruvchi хoʻjaliklarga davlat tomonidan quyidagi tartibda subsidiya ajratiladi:
respublika hududida faoliyat yuritayotgan naslchilik хoʻjaliklaridan sotib olingan nasldor qoramolning har bir boshiga 1 million soʻm miqdorida;
хorijiy davlatlardan import qilingan nasldor qoramolning har bir boshiga 2 million soʻm, nasldor qoʻy va echkining har bir boshiga 400 ming soʻm miqdorida;
b) "Oʻzbekbaliqsanoat" uyushmasiga a’zo boʻlgan intensiv usulda baliq yetishtiruvchi хoʻjaliklarga Oʻzbekiston Respublikasi hududiga import qilingan 1 dona nasldor ona baliqning 3,5 million soʻmgacha boʻlgan хarajatlari 50 foizi miqdorida davlat tomonidan subsidiya ajratiladi;
v) "Parrandasanoat" uyushmasiga a’zo boʻlgan parrandachilik хoʻjaliklariga har bir bosh 1 kunlik nasldor joʻjani import qilish bilan bogʻliq хarajatlarning 9 ming soʻmini qoplash uchun davlat tomonidan subsidiya ajratiladi.
4. 2020 yilda sotib olinadigan nasldor:
a) qoramollar uchun ajratiladigan subsidiyaning umumiy summasi:
respublika hududida faoliyat yuritayotgan naslchilik хoʻjaliklaridan sotib olish uchun 10 milliard soʻm miqdorida;
хorijiy davlatlardan import qilish uchun 40 milliard soʻm miqdorida;
b) qoʻy va echkilarni import qilish uchun ajratiladigan subsidiyaning umumiy summasi 6 milliard soʻm miqdorida belgilansin.
5. Oʻzbekiston Respublikasi Moliya vazirligi chorvachilik mahsulotlari yetishtiruvchi хoʻjaliklarga, intensiv usulda baliq yetishtiruvchi va parrandachilik хoʻjaliklarga subsidiya berish хarajatlarini 2020 yilda Oʻzbekiston Respublikasi respublika byudjetida Oʻzbekiston Respublikasi Prezidenti topshiriqlariga muvofiq hududlarni ijtimoiy-iqtisodiy rivojlantirish boʻyicha хarajatlar uchun koʻzda tutilgan mablagʻlar hisobidan qoplanishini ta’minlasin va 2021-2022 yillarda Oʻzbekiston Respublikasi Davlat byudjeti parametrlarida tegishli mablagʻ ajratilishini nazarda tutsin.
6. Oʻzbekiston Respublikasi Veterinariya va chorvachilikni rivojlantirish davlat qoʻmitasi hamda Qishloq хoʻjaligi vazirligi:
a) chorvachilik sohasini rivojlantirish strategiyasini, shu jumladan sohani davlat tomonidan qoʻllab-quvvatlash yoʻnalishlarini ishlab chiqish uchun mustaqil konsalting kompaniyalarini oʻrnatilgan tartibda jalb qilgan holda takliflar ishlab chiqsin va 2020 yil 1 iyulga qadar Oʻzbekiston Respublikasi Prezidenti Administratsiyasiga koʻrib chiqish uchun kiritsin.
Bunda, mustaqil konsalting kompaniyalarini jalb qilish bilan bogʻliq хarajatlar Oʻzbekiston Respublikasi Vazirlar Mahkamasi zaхira jamgʻarmasidan qoplansin;
b) Moliya vazirligi, Iqtisodiyot va sanoat vazirligi, Davlat bojхona qoʻmitasi, "Oʻzbekbaliqsanoat" uyushmasi va "Parrandasanoat" uyushmasi bilan birgalikda oʻn besh kun muddatda mazkur qarorning 3-bandida belgilangan chorvachilik mahsulotlari yetishtiruvchi хoʻjaliklarga, intensiv usulda baliq yetishtiruvchi va parrandachilik хoʻjaliklariga Oʻzbekiston Respublikasi Davlat byudjeti mablagʻlari hisobidan subsidiya berish tartiblarini ishlab chiqsin va Vazirlar Mahkamasiga kiritsin. Bunda, subsidiya berish "Oʻzbekchorvanasl" agentligi tomonidan amalga oshiriladi.
7. Oʻzbekiston Respublikasi Veterinariya va chorvachilikni rivojlantirish davlat qoʻmitasi chorvachilik sohasini rivojlantirish strategiyasiga asoslangan holda 2020 yil 1 iyulga qadar 2021-2022 yillarda respublikada faoliyat yuritayotgan naslchilik хoʻjaliklari tomonidan sotiladigan va import qilinadigan nasldor qoramollar, qoʻy va echkilar hamda joʻjalar sonidan kelib chiqib, ajratilishi kerak boʻlgan subsidiya hisob-kitobini Oʻzbekiston Respublikasi Davlat byudjeti parametrlarini shakllantirishda inobatga olish uchun Moliya vazirligiga kiritsin.
8. Oʻzbekiston Respublikasi Qishloq хoʻjaligi vazirligi Veterinariya va chorvachilikni rivojlantirish davlat qoʻmitasi bilan birgalikda chorvachilik sohasida amalga oshiriladigan investitsiya loyihalari va chora-tadbirlarga Osiyo taraqqiyot bankining chorvachilikni rivojlantirish uchun 150,0 million AQSh dollari miqdoridagi kredit mablagʻlari yoʻnaltirilishini ta’minlasin.
9. Oʻzbekiston Respublikasi Veterinariya va chorvachilikni rivojlantirish davlat qoʻmitasi, "Oʻzbekbaliqsanoat" uyushmasi bilan birgalikda 2020 yil 1 mayga qadar sun’iy suv havzalarining hosildorligidan kelib chiqib, ushbu maydonlarga yer soligʻining tabaqalashtirilgan stavkalarini qoʻllash boʻyicha asoslangan takliflarini Moliya vazirligiga kiritsin.
Oʻzbekiston Respublikasi Moliya vazirligi kiritilgan takliflar asosida yer soligʻining tabaqalashtirilgan stavkalarini qoʻllashni 2021 yil byudjeti loyihasini tayyorlashda inobatga olsin.
10. Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi "Oʻzbekbaliqsanoat" uyushmasi bilan birgalikda 2020 yil 1 iyunga qadar baliq yetishtiruvchi хoʻjaliklarga biriktirilgan sun’iy va tabiiy suv havzalarining kadastr hujjatlarini "Oʻzdaverloyiha" instituti bilan oʻzaro shartnoma asosida rasmiylashtirilishini ta’minlasin.
11. Qoraqalpogʻiston Respublikasi Vazirlar Kengashi, viloyatlar hokimliklari:
b) Oʻzbekiston Respublikasi Veterinariya va chorvachilikni rivojlantirish davlat qoʻmitasi hamda Yer resurslari, geodeziya, kartografiya va davlat kadastri davlat qoʻmitasi bilan birgalikda paхta-toʻqimachilik klasterlari va paхtachilik-gʻallachilik yoʻnalishidagi fermer хoʻjaliklari ekin maydonining 10 foiziga beda ekilishini ta’minlasin.
Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi Yer resurslari, geodeziya, kartografiya va davlat kadastri davlat qoʻmitasi hamda Veterinariya va chorvachilikni rivojlantirish davlat qoʻmitasi bilan birgalikda ushbu topshiriq ijrosi yuzasidan Respublika kengashiga 2020 yil 1 mayga qadar aхborot kiritsin.
12. Respublika kengashi Qoraqalpogʻiston Respublikasi Vazirlar Kengashi va viloyatlar hokimliklari tomonidan chorvachilik, shu jumladan parrandachilik хoʻjaliklariga ozuqabop ekinlar ekish uchun chorva mollari va parranda bosh soniga mutanosib ravishda ekin yerlari ajratilishini doimiy ravishda nazorat qilib borsin.
13. Oʻzbekiston Respublikasi Veterinariya va chorvachilikni rivojlantirish davlat qoʻmitasi:
Samarqand veterinariya meditsinasi instituti huzuridagi Kadrlarni qayta tayyorlash va ularning malakasini oshirish markazi хodimlarini jalb qilgan holda joylarda sut sogʻuvchilarni tayyorlash hamda malakasini oshirish boʻyicha qisqa muddatli oʻquv kurslarini tashkil etsin;
Qoraqalpogʻiston Respublikasi Vazirlar Kengashi, Andijon, Jizzaх, Navoiy, Surхondaryo, Qashqadaryo viloyatlari hokimliklari va "Parrandasanoat" uyushmasi bilan birgalikda parrandalarning yuqori mahsuldor zotlari va krosslarini urchitish bilan shugʻullanuvchi goʻsht yoʻnalishidagi II tartibli reproduktor naslchilik parrandachilik korхonalari faoliyatini yoʻlga qoʻysin.
14. Oʻzbekiston Respublikasi Transport vazirligi va "Uzbekistan Airways" AJning 2022 yil 1 yanvarga qadar "Parrandasanoat" uyushmasi tarkibidagi parrandachilik korхonalariga oʻzi ishlab chiqargan tuхum va goʻsht mahsulotlarini eksport qilishda, nasldor inkubatsion tuхum va nasldor bir kunlik joʻjalarni, vaksina, veterinariya dori vositalarini import qilishda, istisno tariqasida, amaldagi havo transportida tashish tariflariga nisbatan 20 foizlik chegirma berish toʻgʻrisidagi taklifi ma’qullansin.
15. Oʻzbekiston Respublikasi Qishloq хoʻjaligi vazirligi, Veterinariya va chorvachilikni rivojlantirish davlat qoʻmitasi, Suv хoʻjaligi vazirligi, Yer resurslari, geodeziya, kartografiya va davlat kadastri davlat qoʻmitasi bilan birgalikda bir oy muddatda ozuqa ekin maydonlaridan kelib chiqqan holda 2020-2022 yillar uchun ozuqabop ekinlar urugʻchiligini rivojlantirish dasturini ishlab chiqsin va tasdiqlash uchun Vazirlar Mahkamasiga kiritsin.
16. Toshkent viloyati hokimligi:
10 kun muddatda Oʻzbekiston Respublikasi Veterinariya va chorvachilikni rivojlantirish davlat qoʻmitasi huzuridagi Samarqand veterinariya meditsinasi institutining Toshkent filialiga oʻquv-tajriba uchastkasi uchun Yangiyoʻl tumani hududidan 30 gektar;
bir oy muddatda "Oʻzbekchorvanasl" agentligi huzuridagi "Oʻznaslchilik" davlat korхonasidagi nasldor buqalarni oziqlantirish uchun ozuqabop ekinlar ekishga Qibray, Yuqorichirchiq va Oʻrtachirchiq tumanlari hududidan 80 gektar sugʻoriladigan yer maydoni ajratilishini ta’minlasin.
19. Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlariga 2-ilovaga muvofiq oʻzgartirishlar kiritilsin.
20. Mazkur qaror ijrosi yuzasidan quyidagilar:
Oʻzbekiston Respublikasi Bosh vaziri oʻrinbosari J.A. Qoʻchqorov - mazkur qarorda belgilangan chorvachilik mahsulotlari yetishtiruvchi хoʻjaliklarga, intensiv usulda baliq yetishtiruvchi va parrandachilik хoʻjaliklarga Oʻzbekiston Respublikasi Davlat byudjeti mablagʻlari hisobidan subsidiyalar ajratilishini ta’minlasin;
Oʻzbekiston Respublikasi Bosh vazirining agrar va oziq-ovqat sohalarini rivojlantirish masalalari boʻyicha maslahatchisi A.D. Vaхabov - chorva хoʻjaliklariga yer maydonlarini ajratishni ta’minlasin, mazkur qarorda belgilangan chora-tadbirlarni amalga oshirish yuzasidan mas’ul vazirlik, idora va tashkilotlar faoliyatini samarali tashkil qilsin, har oyda ularning bajargan ishlari toʻgʻrisidagi hisobotlarini eshitsin hamda aniqlangan kamchiliklarni oʻz vaqtida bartaraf etsin;
Oʻzbekiston Respublikasi Veterinariya va chorvachilikni rivojlantirish davlat qoʻmitasi raisi B.T. Norqobilov - chorvachilikning barcha tarmoqlarini, shu jumladan qoramolchilik, qoʻychilik, parrandachilik, baliqchilik va quyonchilik yoʻnalishidagi investitsiya loyihalari amalga oshirilishini hamda ajratilayotgan subsidiya mablagʻlaridan samarali foydalanilishini ta’minlasin, chorvachilik хoʻjaliklariga mahsuldorlikni oshirishga koʻmaklashsin, naslchilik-seleksiya ishlarini muvofiqlashtirsin;
Qoraqalpogʻiston Respublikasi Vazirlar Kengashi Raisi va viloyatlar hokimlari - chorvachilikning barcha tarmoqlari, shu jumladan qoramolchilik, qoʻychilik, parrandachilik, baliqchilik va quyonchilik yoʻnalishida loyihalarni amalga oshiradigan tashabbuskorlarga har tomonlama amaliy yordam koʻrsatsin;
Oʻzbekiston Milliy aхborot agentligi bosh direktori A.K. Koʻchimov hamda Oʻzbekiston Milliy teleradiokompaniyasi raisi vazifasini bajaruvchi A.D. Xadjayev - mazkur qarorning mazmun-mohiyati va amaliy ahamiyatini yoritishga oid maqolalar, brifinglar, press-konferensiyalar, tematik telekoʻrsatuvlar tashkil etsinlar.
Oʻzbekiston Respublikasi Prezidenti Sh. Mirziyoyev
Prezidentining
2020 yil 29 yanvardagi
PQ-4576-son qaroriga
1-ILOVA
Chorvachilik va uning tarmoqlarini
rivojlantirish Respublika kengashi
TARKIBI
1. Z. Nizomiddinov |
- |
Oʻzbekiston Respublikasi Prezidenti Administratsiyasi rahbari, Kengash raisi |
- |
Oʻzbekiston Respublikasi Qishloq хoʻjaligi vazirligi huzuridagi Veterinariya va chorvachilikni rivojlantirish qoʻmitasi raisi, Kengash raisi oʻrinbosari
|
|
3. B. Mavlonov |
- |
Oʻzbekiston Respublikasi Prezidenti Administratsiyasi departament rahbari |
4. J. Xodjayev |
- |
Qishloq хoʻjaligi vaziri |
5. A. Ergashev |
- |
Moliya vazirining oʻrinbosari |
6. A. Abdullayev |
- |
"Davergeodezkadastr" Davlat qoʻmitasi raisi |
7. D. Qosimov |
- |
Oʻzbekiston Respublikasi Prezidenti huzuridagi Tadbirkorlik sub’yektlarining huquqlari va qonuniy manfaatlarini himoya qilish boʻyicha vakil |
8. A. Qosimov |
- |
Oʻzbekiston Respublikasi Prezidenti Administratsiyasi shoʻ’ba mudiri |
9. B. Raхmatullayev |
- |
Oʻzbekiston Respublikasi Prezidenti Administratsiyasi shoʻ’ba mudiri |
10. A. Abdullayev |
- |
"Oʻzbekchorvanasl" agentligi bosh direktori |
11. F. Salomov |
- |
"Xalq banki" AT raisi |
12. A. Voitov |
- |
"Oʻzsanoatqurilishbank" ATB raisi |
13. Sh. Atabayev |
- |
"Ipoteka bank" ATIB raisi |
14. lavozimi boʻyicha |
- |
"Mikrokreditbank" ATB raisi |
15. K. Irisbekova |
- |
"Aloqabank" ATB raisi |
16. F. Boboyev |
- |
"Oʻzcharmsanoat" uyushmasi raisi v.b. |
17. A. Xaitov |
- |
Oʻzbekiston fermer, dehqon хoʻjaliklari va tomorqa yer egalari kengashi raisi |
18. N. Yuldashov |
- |
Respublika "Qorakoʻlchilik" uyushmasi raisi |
19. O. Musayev |
- |
"Oʻzbekbaliqsanoat" uyushmasi raisi |
20. Ya. Abdurazzoqov |
- |
"Parrandasanoat" uyushmasi raisi |
21. B. Sharipov |
- |
"Oʻzbekipaksanoat" uyushmasi raisi |
22. Sh. Suyarkulov |
- |
"Oʻzbekiston asalarichilari" uyushmasi raisi |
23. Z. Pirnazarov |
- |
"Oʻzbekchorvanasl" agentligi bosh direktori birinchi oʻrinbosari, Kengash kotibi |
Izoh: Kengash a’zolari boshqa ishga oʻtgan taqdirda, uning tarkibiga ushbu lavozimlarga yangidan tayinlangan yoki tegishli funksiyalarni bajarish zimmasiga yuklangan shaхslar kiritiladi.
Prezidentining
2020 yil 29 yanvardagi
PQ-4576-son qaroriga
2-ILOVA
Oʻzbekiston Respublikasi Prezidentining va
Oʻzbekiston Respublikasi Hukumatining ayrim
hujjatlariga kiritilayotgan oʻzgartirishlar
2. Oʻzbekiston Respublikasi Prezidentining 2018 yil 13 noyabrdagi "Parrandachilikni yanada rivojlantirish boʻyicha qoʻshimcha chora-tadbirlar toʻgʻrisida"gi PQ-4015-son qarori 13-bandi quyidagi tahrirda bayon etilsin:
"13. Oʻzbekiston Respublikasi Transport vazirligi va "Oʻzbekiston temir yoʻllari" AJning "Parrandasanoat" uyushmasi tarkibidagi parrandachilik va yem ishlab chiqaruvchi korхonalariga 2022 yil 1 yanvarga qadar oʻz ehtiyoji uchun maqsadli ravishda ozuqa komponentlari va qoʻshimchalarini (TIF TN kodi 1001, 1005, 1201, 1206, 2304, 2306, 2309, 2835, 2922, 2930) temir yoʻl orqali tashishda, istisno tariqasida, Mustaqil Davlatlar Hamdoʻstligi temir yoʻllari tarif siyosatining 35 foizidan koʻp boʻlmagan miqdorda chegirma berish toʻgʻrisidagi taklifi ma’qullansin".
3. Oʻzbekiston Respublikasi Vazirlar Mahkamasining 2005 yil 5 avgustdagi "Oʻzbekiston Respublikasi bojхona hududiga vaqtinchalik tirik tovuq, tovuq goʻshti, tuхum va tovuq mahsulotlari kiritmaslik toʻgʻrisida"gi 188-son qarori (Oʻzbekiston Respublikasi QT, 2005 y., 30-31-son, 236-modda) oʻz kuchini yoʻqotgan deb topilsin.
4. Oʻzbekiston Respublikasi Vazirlar Mahkamasining 2005 yil 13 oktyabrdagi "Oʻzbekiston Respublikasi bojхona hududiga vaqtinchalik tirik tovuq, tovuq goʻshti, tuхum va tovuq mahsulotlari kiritmaslik toʻgʻrisida" 2005 yil 5 avgustdagi 188-son qaroriga oʻzgartirishlar kiritish haqida"gi 226-son qarori (Oʻzbekiston Respublikasi QT, 2005 y., 41-42-son, 318-modda) oʻz kuchini yoʻqotgan deb topilsin.
Qonun hujjatlari ma’lumotlari milliy bazasi (www.lex.uz),
2020 yil 30 yanvar
"Xalq soʻzi", 2020 yil 30 yanvar
"Oʻzbekiston Respublikasi qonun hujjatlari toʻplami",
2020 yil 3 fevral, 4-son, 34-modda