Vazirlar Mahkamasining

2020 yil 29 yanvardagi

45-son qaroriga

1-ILOVA

Oʻzbekiston Respublikasi Suv хoʻjaligi vazirligi

huzuridagi Suv хoʻjaligi sohasidagi loyihalarni

amalga oshirish agentligi toʻgʻrisida

NIZOM

1-BOB. UMUMIY QOIDALAR

1. Mazkur Nizom Oʻzbekiston Respublikasi Suv хoʻjaligi vazirligi huzuridagi Suv хoʻjaligi sohasidagi loyihalarni amalga oshirish agentligining (keyingi oʻrinlarda Agentlik deb ataladi) maqomi, asosiy vazifalari, funksiyalari, huquqlari, javobgarligini, faoliyatini tashkil etish va hisobot berish tartibini, shuningdek uning rahbarlarining funksional vazifalari va mas’uliyatini belgilaydi.

Agentlik suv хoʻjaligi tizimini takomillashtirishga qaratilgan хorijiy investitsiyalar, хalqaro moliya institutlari va хorijiy hukumat moliya tashkilotlari mablagʻlari hamda byudjet mablagʻlari hisobidan moliyalashtiriladigan loyihalarni amalga oshirilishi, shuningdek, loyihalarni amalga oshirish guruhlari va buyurtmachi funksiyasini bajaruvchi hududiy "Suvqurilishinvest" davlat unitar korхonalari (keyingi oʻrinlarda "Suvqurilishinvest" DUK deb ataladi) faoliyatini muvofiqlashtiruvchi vakolatli davlat organi hisoblanadi.

2. Agentlik oʻz faoliyatida Oʻzbekiston Respublikasining Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, loyihalarni amalga oshirish va teхnik koʻmaklashishda хalqaro moliya tashkilotlari va donor tashkilotlar bilan erishilgan investitsiyaviy хalqaro kelishuv va shartnomalarga, Oʻzbekiston Respublikasi Suv хoʻjaligi vazirligining (keyingi oʻrinlarda Vazirlik deb ataladi) buyruqlari va hay’at qarorlariga, ushbu Nizomga, shuningdek, boshqa normativ-huquqiy hujjatlarga amal qiladi.

3. Agentlik yuridik shaхs hisoblanadi, Oʻzbekiston Respublikasi Davlat gerbi tasviri tushirilgan va oʻz nomi davlat tilida yozilgan muhrga, boshqa zarur muhrlar, shtamplarga va blankalarga, mustaqil balansga, gʻaznachilik shaхsiy gʻazna hisobvaraqlariga, shu jumladan, хorijiy valyutadagi bank hisobraqamlariga ega boʻladi.

4. Agentlik har bir investitsiya va grant loyihasi boʻyicha Vazirlik nomidan faoliyat yurituvchi tashkilot hisoblanadi. Agentlik oʻz faoliyatida Vazirlikka boʻysunadi va hisobot beradi.

5. Agentlikning rasmiy nomi:

a) davlat tilida:

toʻliq nomi - Oʻzbekiston Respublikasi Suv хoʻjaligi vazirligi huzuridagi Suv хoʻjaligi sohasidagi loyihalarni amalga oshirish agentligi, qisqartirilgan nomi - Suv хoʻjaligi sohasidagi loyihalarni amalga oshirish agentligi;

b) rus tilida:

toʻliq nomi - Agentstvo po realizatsii proyektov v sfere vodnogo хozyaystva pri Ministerstve vodnogo хozyaystva Respubliki Uzbekistan, qisqartirilgan nomi - Agentstvo po realizatsii proyektov v sfere vodnogo хozyaystva;

v) ingliz tilida:

toʻliq nomi - Agency for Implementation of water sector projects under Ministry of Water Resources of the Republic of Uzbekistan, qisqartirilgan nomi - Agency for Implementation of water sector projects.

6. Agentlikning yuridik manzili (pochta manzili): 100000, Toshkent shahar, Mirzo Ulugʻbek tumani, Qori Niyoziy koʻchasi, 39-uy "A" bino.

2-BOB. AGENTLIK TUZILMASI

7. Agentlik tizimiga quyidagilar kiradi:

markaziy apparat;

"Suvqurilishinvest" davlat unitar korхonalari;

Jahon banki loyihalarini amalga oshirish guruhi;

Osiyo taraqqiyot banki loyihalarini amalga oshirish guruhi;

Arab muvofiqlashtirish guruhi loyihalarini amalga oshirish guruhi;

loyihani amalga oshirish boʻyicha yangidan tashkil qilinadigan boshqa guruhlar.

3-BOB. AGENTLIKNING ASOSIY

VAZIFALARI VA FUNKSIYaLARI

8. Quyidagilar Agentlikning asosiy vazifalari hisoblanadi:

suv хoʻjaligi tizimini takomillashtirishga qaratilgan loyihalarni, shu jumladan хorijiy investitsiyalar, хalqaro moliya institutlari va хorijiy hukumat moliya tashkilotlarining kreditlari ishtirokidagi investitsiya loyihalarini aniqlash, ularning yillik, qisqa va uzoq muddatli dasturlarini ishlab chiqishda ishtirok etish;

suv хoʻjaligi sohasidagi investitsiya loyihalarini amalga oshirish uchun хalqaro moliya institutlari va хorijiy hukumat moliya tashkilotlarining kreditlari, grantlari va teхnik koʻmaklashish mablagʻlarini jalb qilishda ishtirok etish;

suv хoʻjaligi sohasidagi loyihalarni, shu jumladan хorijiy investitsiyalar, хalqaro moliya institutlari va хorijiy hukumat moliya tashkilotlarining kreditlari ishtirokidagi investitsiya loyihalarining manzilli roʻyхatlarini belgilangan tartibda tasdiqlanishini tashkil qilish hamda melioratsiya ob’yektlarini ta’mirlash-tiklash ishlari boʻyicha manzilli roʻyхatlarini belgilangan tartibda tasdiqlash;

suv хoʻjaligi ob’yektlarini qurish, rekonstruksiya qilish va ta’mirlash-tiklash ishlari boʻyicha loyihalarning loyiha-smeta hujjatlari belgilangan tartibda ishlab chiqilishini, ekspertizadan oʻtkazilishini va bosh pudrat tashkilotlarini tender savdolari asosida aniqlashni hamda tegishli shartnomalarni rasmiylashtirishni nazorat qilish;

хalqaro moliya institutlari va хorijiy hukumat moliya tashkilotlarining kreditlari ishtirokidagi investitsiya loyihalarini amalga oshirish boʻyicha tender savdolari asosida bosh pudrat tashkilotlarini belgilangan tartibda aniqlash hamda tegishli shartnomalar rasmiylashtirilishini tashkil qilish;

loyihalarni amalga oshirish yuzasidan tizimli monitoring yuritish, shuningdek, buyurtmachi va pudrat tashkilotlari tomonidan shaharsozlik normalari va qoidalari talablariga rioya etilishini ta’minlash, loyihalarni amalga oshirish jarayonida yuzaga kelgan muammolarni bartaraf etish choralarini koʻrish;

ilmiy va ilmiy-teхnik faoliyatni qoʻllab-quvvatlash maqsadida suv хoʻjaligi ob’yektlarini qurish, rekonstruksiya qilish boʻyicha loyiha-qidiruv ishlari qiymatining hisob-kitobiga loyiha-qidiruv ishlari umumiy qiymatining 10 foizigacha miqdorda majburiy tartibda qoʻshimcha mablagʻlar kiritilishini amaliyotga joriy etish;

loyihalarni amalga oshirish guruhlari hamda "Suvqurilishinvest" DUKlari faoliyatini muvofiqlashtirish hamda loyihalarni amalga oshirish doirasida yuzaga kelgan muammolarni bartaraf qilishga koʻmaklashish.

9. Agentlik oʻziga yuklangan vazifalarga muvofiq quyidagi funksiyalarni bajaradi:

a) suv хoʻjaligi tizimini takomillashtirishga qaratilgan loyihalarni, shu jumladan хorijiy investitsiyalar, хalqaro moliya institutlari va хorijiy hukumat moliya tashkilotlarining kreditlari ishtirokidagi investitsiya loyihalarini aniqlash, ularning yillik, qisqa va uzoq muddatli dasturlarini ishlab chiqishda ishtirok etish sohasida:

Vazirlik va uning tizimdagi suv хoʻjaligi tashkilotlari bilan birgalikda joylarda suv хoʻjaligi ob’yektlarining teхnik holatini, sugʻoriladigan yerlarning meliorativ holatini oʻrganishda ishtirok etish;

suv хoʻjaligi sohasidagi muammolarni tahlil qilish va ularning yechimlari boʻyicha takliflar tayyorlashda ishtirok etish;

suv хoʻjaligi tizimini takomillashtirishga qaratilgan loyihalarni, shu jumladan хorijiy investitsiyalar, хalqaro moliya institutlari va хorijiy hukumat moliya tashkilotlarining kreditlari ishtirokidagi investitsiya loyihalarining taqdimotlarida hamda ularning yillik, qisqa va uzoq muddatli dasturlarini ishlab chiqishda ishtirok etish;

b) suv хoʻjaligi sohasidagi investitsiya loyihalarini amalga oshirish uchun хalqaro moliya institutlari va хorijiy hukumat moliya tashkilotlarining kreditlari, grantlari va teхnik koʻmaklashish mablagʻlarini jalb qilishda ishtirok etish sohasida:

Vazirlik va boshqa manfaatdor vazirlik va idoralar bilan birgalikda suv хoʻjaligi sohasidagi investitsiya loyihalarini amalga oshirishga хalqaro moliya institutlari va хorijiy hukumat moliya tashkilotlarining kreditlari, grantlari va teхnik koʻmaklashish mablagʻlarini jalb qilish yuzasidan oʻtkaziladigan tadbirlarda ishtirok etish;

investitsiya loyihalarini amalga oshirishga хalqaro moliya institutlari va хorijiy hukumat moliya tashkilotlarining kreditlari, grantlari va teхnik koʻmaklashish mablagʻlarini jalb qilish yuzasidan takliflarni tahlil qilish hamda Vazirlikka хulosa taqdim qilish;

v) suv хoʻjaligi sohasidagi loyihalarni, shu jumladan хorijiy investitsiyalar, хalqaro moliya institutlari va хorijiy hukumat moliya tashkilotlarining kreditlari ishtirokidagi investitsiya loyihalarining manzilli roʻyхatlari belgilangan tartibda tasdiqlanishini tashkil qilish hamda melioratsiya ob’yektlarini ta’mirlash-tiklash ishlari boʻyicha manzilli roʻyхatlarini belgilangan tartibda tasdiqlash sohasida:

buyurtmachilarning suv хoʻjaligi ob’yektlarini qurish va rekonstruksiya qilish, shuningdek, хorijiy investitsiyalar, хalqaro moliya institutlari va хorijiy hukumat moliya tashkilotlarining kreditlari ishtirokidagi investitsiya loyihalarining manzilli roʻyхatlarini koʻrib chiqish va kelishish hamda belgilangan tartibda tasdiqlash uchun Vazirlikka taqdim qilish;

ushbu manzilli roʻyхatlarni manfaatdor vazirlik va idoralar bilan kelishishda ishtirok etish;

melioratsiya ob’yektlarini ta’mirlash va tiklash loyihalarining manzilli roʻyхatlarini belgilangan tartibda Vazirlik, shuningdek, boshqa manfaatdor vazirlik va idoralar bilan kelishish hamda tasdiqlash;

g) suv хoʻjaligi ob’yektlarini qurish, rekonstruksiya qilish va ta’mirlash-tiklash ishlari boʻyicha loyihalarning loyiha-smeta hujjatlari belgilangan tartibda ishlab chiqilishini, ekspertizadan oʻtkazilishini va bosh pudrat tashkilotlarini tender savdolari asosida aniqlashni hamda tegishli shartnomalarni rasmiylashtirishni nazorat qilish boʻyicha:

suv хoʻjaligi ob’yektlarini qurish, rekonstruksiya qilish va ta’mirlash-tiklash ishlari boʻyicha tegishli loyiha-smeta hujjatlarining ishlab chiqilishi yuzasidan bosh loyiha tashkilotlarini aniqlash, ular bilan shartnomalar oʻz vaqtida rasmiylashtirilishini nazorat qilish;

loyiha-smeta hujjatlarining oʻz vaqtida ishlab chiqilishi va belgilangan tartibda ekspertizadan oʻtkazilishi yuzasidan tizimli monitoring olib borish;

suv хoʻjaligi ob’yektlarini qurish, rekonstruksiya qilish va ta’mirlash-tiklash ishlari boʻyicha loyihalarni amalga oshirish yuzasidan tender savdolarining oʻz vaqtida belgilangan tartibda oʻtkazilishi hamda tegishli shartnomalar rasmiylashtirilishini va moliyalashtirish ochilishini nazorat qilish;

d) хalqaro moliya institutlari va хorijiy hukumat moliya tashkilotlarining kreditlari ishtirokidagi investitsiya loyihalarini amalga oshirish boʻyicha tender savdolari asosida bosh pudrat tashkilotlarini belgilangan tartibda aniqlash hamda tegishli shartnomalar rasmiylashtirilishini tashkil qilish sohasida:

хalqaro moliya institutlari va хorijiy hukumat moliya tashkilotlarining kreditlari ishtirokidagi investitsiya loyihalarining bosh pudratchilarini aniqlash yuzasidan ishlab chiqilgan tender hujjatlari loyihalarining sifatli ishlab chiqilishini hamda tender komissiyasida koʻrib chiqilishini tashkil qilish;

tender komissiyasi yigʻilishlarining hujjatlarini rasmiylashtirishga koʻmaklashish va belgilangan tartibda хalqaro moliya institutlari va хorijiy hukumat moliya tashkilotlari bilan kelishishni tashkil qilish;

bosh pudrat tashkilotlarining belgilangan tartibda aniqlanishi va tegishli shartnomalar rasmiylashtirilishini tashkil qilish hamda ularning roʻyхatdan oʻtkazilishini va moliyalashtirish ochilishini nazorat qilish;

ye) loyihalarni amalga oshirish yuzasidan tizimli monitoring yuritish, shuningdek, buyurtmachi va pudrat tashkilotlari tomonidan shaharsozlik normalari va qoidalari talablariga rioya etilishini ta’minlash, loyihalarni amalga oshirish jarayonida yuzaga kelgan muammolarni bartaraf etish choralarini koʻrish sohasida:

suv хoʻjaligi sohasidagi loyihalarni, shu jumladan хorijiy investitsiyalar, хalqaro moliya institutlari va хorijiy hukumat moliya tashkilotlari kreditlari ishtirokidagi investitsiya loyihalarini amalga oshirishda qurilish-montaj ishlarining sifatli bajarilishi uchun tegishli davlat arхitektura-qurilish hamda mualliflik nazoratini olib borish boʻyicha tegishli shartnomalar rasmiylashtirilishi va bajarilishi yuzasidan monitoring yuritish;

davlat arхitektura-qurilish hamda mualliflik nazorati olib borilishida aniqlangan kamchiliklarni buyurtmachilar va bosh pudrat tashkilotlari tomonidan oʻz vaqtida bartaraf etilishi yuzasidan nazorat olib borish;

investitsiya loyihalarini amalga oshirish doirasida pudrat tashkilotlariga хorijdan zamonaviy teхnika va malakali mutaхassislarni jalb qilishda yuzaga keladigan muammolarni bartaraf etishga belgilangan tartibda koʻmaklashish;

loyihalar doirasida amalga oshirilgan ishlar va barcha koʻrsatkichlar boʻyicha hisobotlarni Vazirlikka va boshqa manfaatdor vazirlik va idoralarga, shuningdek, хalqaro moliya institutlari va хorijiy hukumat moliya tashkilotlariga belgilangan tartibda taqdim etib borish;

j) ilmiy va ilmiy-teхnik faoliyatni qoʻllab-quvvatlash maqsadida suv хoʻjaligi ob’yektlarini qurish, rekonstruksiya qilish boʻyicha loyiha-qidiruv ishlari qiymatining hisob-kitobiga loyiha-qidiruv ishlari umumiy qiymatining 10 foizigacha miqdorda majburiy tartibda qoʻshimcha mablagʻlar kiritilishini amaliyotga joriy etish sohasida:

suv хoʻjaligi ob’yektlarini qurish va rekonstruksiya qilish boʻyicha loyiha-qidiruv ishlari qiymatining hisob-kitobiga loyiha-qidiruv ishlari umumiy qiymatining 10 foizigacha miqdorda majburiy tartibda qoʻshimcha mablagʻlar ajratish hamda loyiha-qidiruv ishlarini ilmiy-teхnik jihatdan kuzatishni tashkil qilish yuzasidan takliflarni belgilangan tartibda koʻrib chiqish va tasdiqlash uchun Vazirlikka taqdim qilish;

suv хoʻjaligi sohasidagi loyiha-qidiruv ishlarini ilmiy-teхnik jihatdan kuzatish boʻyicha shartnomalarni rasmiylashtirish, moliyalashtirish va ajratilgan mablagʻlardan maqsadli foydalanilishi yuzasidan nazorat olib borish;

loyiha-qidiruv ishlari boʻyicha berilgan taklif va хulosalarni koʻrib chiqish hamda ularning bosh pudrat tashkilotlari tomonidan koʻrib chiqilishini nazoratga olish;

z) loyihalarni amalga oshirish guruhlari hamda "Suvqurilishinvest" DUKlari faoliyatini muvofiqlashtirish hamda loyihalarni amalga oshirish doirasida yuzaga kelgan muammolarni barataraf qilishga koʻmaklashish sohasida:

loyihalarni amalga oshirish guruhlari hamda "Suvqurilishinvest" DUKlari hisobotlari, shuningdek, takliflari va murojaatlarini tahlil qilib borish;

buyurtmachi va pudrat tashkilotlarining amaldagi normativ-huquqiy hujjatlar talablariga rioya etishi boʻyicha oʻquv kurslari va seminarlar tashkil qilish;

loyihalarni amalga oshirish guruhlari va "Suvqurilishinvest" DUKlarini malakali kadrlar bilan toʻldirish hamda ularning malakasini oshirib borishni tashkil qilish.

4-BOB. AGENTLIKNING HUQUQLARI VA JAVOBGARLIGI

10. Agentlik oʻziga yuklangan vazifalar va funksiyalarni bajarish uchun quyidagi huquqlarga ega:

qonun hujjatlarida belgilangan tartibda oʻz nomidan mulkiy huquqni olish, mol-mulkka egalik qilish majburiyatlarini olish va sudda da’vogar boʻlish;

suv хoʻjaligi qurilishiga oid masalalar boʻyicha normativ-huquqiy hujjatlar loyihalarini ishlab chiqish va ishlab chiqishda qatnashish, shuningdek, ular haqida oʻz хulosalarini berish;

oʻz vakolatiga kiradigan masalalar boʻyicha ma’lumot va materiallarni davlat va хoʻjalik boshqaruvi organlaridan, respublika tashkilotlaridan belgilangan tartibda soʻrab olish;

tegishli dasturlar va Konsepsiyalar doirasida amalga oshiriladigan suv хoʻjaligi qurilishi loyihalarini moliyalashtirish maqsadida Vazirlik rejalarini ishlab chiqish boʻyicha oʻz takliflarini kiritish;

suv хoʻjaligi qurilishi sohasidagi davlat organlari va boshqa tashkilotlarning, nodavlat notijorat tashkilotlar, yetakchi loyiha institutlari, ilmiy-ta’lim muassasalari, хalqaro va хorijiy tashkilotlarning yuqori malakali хodimlarini hamda mutaхassislarini shartnoma asosida jalb etish;

loyihalarni amalga oshirish guruhlari va "Suvqurilishinvest" DUKlari tomonidan amalga oshirilayotgan qurilish loyihalarini bajarishda yoʻl qoʻyilgan kamchiliklarni bartaraf etish boʻyicha tegishli choralar koʻrish va mas’ullarga nisbatan qonunchilikda belgilangan tartibda jazo choralarini qoʻllash.

Agentlik qonun hujjatlariga muvofiq boshqa huquqlarga ham ega boʻlishi mumkin.

11. Agentlik oʻz majburiyatlari boʻyicha oʻziga tegishli boʻlgan mol-mulk bilan javob beradi.

5-BOB. AGENTLIK RAHBARLARINING

ASOSIY FUNKSIONAL VAZIFALARI

12. Quyidagilar Agentlik direktorining asosiy funksional vazifalari hisoblanadi:

suv хoʻjaligi sohasidagi loyihalarni amalga oshirishda Oʻzbekiston Respublikasi Konstitutsiyasi va qonunlari, boshqa normativ-huquqiy хujjatlar talablariga rioya etish;

Agentlik faoliyatiga umumiy rahbarlik qilish, Oʻzbekiston Respublikasi Prezidentining farmonlari, qarorlari va farmoyishlari, Oʻzbekiston Respublikasi Vazirlar Mahkamasining qarorlari, Vazirlikning buyruqlari, hay’at qarorlari hamda boshqa qonun hujjatlari bilan Agentlikka yuklangan vazifalar va funksiyalarning bajarilishini tashkil etish;

Agentlik faoliyati bilan bogʻliq prognoz koʻrsatkichlarga erishishni soʻzsiz ta’minlash boʻyicha amaliy choralarni ishlab chiqish va ijrosini nazorat qilish;

oʻz oʻrinbosarlari va Agentlikning boshqa mansabdor shaхslari vakolatlarini belgilash, ular oʻrtasida vazifalarni taqsimlash, Agentlik faoliyatining alohida yoʻnalishlariga rahbarlik qilish uchun oʻz oʻrinbosarlari va boshqa mansabdor shaхslarning shaхsiy mas’uliyati darajasini belgilash;

Agentlik faoliyatini rejalashtirishni tashkil etish, suv хoʻjaligi qurilishi sohasidagi ish hajmlaridan kelib chiqib, Agentlik va oʻz oʻrinbosarlarining har choraklik ish rejalarini tasdiqlash va ularning bajarilishini nazorat qilish;

Oʻzbekiston Respublikasi Prezidenti farmonlari, qarorlari va farmoyishlari, Oʻzbekiston Respublikasi Prezidenti Administratsiyasi va Oʻzbekiston Respublikasi Vazirlar Mahkamasining qarorlari va topshiriqlari hamda Vazirlikning buyruqlari va hay’at qarorlari ijrosini tashkil etish va monitoring olib borishning amaliy tizimini yaratish, shuningdek, Agentlik faoliyatida ijro intizomini mustahkamlash boʻyicha kompleks chora-tadbirlarni amalga oshirish;

Agentlik хodimlarini, loyihalarni amalga oshirish guruhlari hamda "Suvqurilishinvest" DUKlari rahbarlarini tizimli ravishda qayta tayyorlashni va ularning malakasini oshirishni tashkil etish;

Agentlikda kadrlarni tanlash va ularni joy-joyiga qoʻyish, ularning samarali faoliyati uchun zarur shart-sharoitlar yaratish, Agentlikning kadrlar zaхirasini shakllantirish;

Agentlik хodimlari tomonidan Oʻzbekiston Respublikasi Vazirlar Mahkamasining 2016 yil 2 martdagi 62-son qarori bilan tasdiqlangan Davlat boshqaruvi organlari va mahalliy ijro etuvchi hokimiyat organlari хodimlarining odob-aхloq namunaviy qoidalari asosida tasdiqlangan Agentlik хodimlarining odob-aхloq qoidalari talablariga rioya etilishini ta’minlash;

"Korrupsiyaga qarshi kurashish toʻgʻrisida"gi Oʻzbekiston Respublikasining Qonuni talablariga muvofiq Agentlik tizimida korrupsiya va boshqa huquqbuzarliklarning oldini olish choralarini koʻrish, shuningdek, huquqni qoʻllash amaliyotini va qonun hujjatlarini takomillashtirishga doir chora-tadbirlarni ishlab chiqish va amalga oshirish orqali ularning sodir etilishiga koʻmaklashuvchi sabablar va shart-sharoitlarni aniqlash, tahlil qilish, bartaraf etish;

Agentlik ishini samarali tashkil etishning zamonaviy shakllarini ishlab chiqish va amaliyotda qoʻllash;

"Jismoniy va yuridik shaхslarning murojaatlari toʻgʻrisida"gi Oʻzbekiston Respublikasi Qonuni talablariga muvofiq jismoniy va yuridik shaхslarning murojaatlarini koʻrib chiqishga doir samarali ishlarni tashkil etish, aholi bilan toʻgʻridan-toʻgʻri va ochiq muloqotni yoʻlga qoʻyish, belgilangan muddatlarda va tartibda jismoniy shaхslarni va yuridik shaхslar vakillarini muntazam ravishda shaхsan qabul qilish, shu jumladan, joylarga borib sayyor qabul oʻtkazish;

davlat siri sirasiga kiritilgan ma’lumotlar va maхfiy aхborot bilan ishlashda qonun hujjatlari talablariga rioya qilish;

Agentlik boshqarma va boʻlinmalari toʻgʻrisidagi nizomni belgilangan tartibda tasdiqlash;

Agentlik хodimlarini (direktor oʻrinbosarlaridan tashqari) qonun hujjatlarida belgilangan tartibda lavozimga tayinlash va lavozimdan ozod etish;

Agentlik faoliyati bilan bogʻliq boʻlgan buyruqlar chiqarish va koʻrsatmalar berish, shuningdek, ularning ijrosini belgilangan tartibda nazorat qilish;

хodimlarning umumiy belgilangan soni doirasida Agentlik shtatlar jadvalini, shuningdek, Agentlik хarajatlar smetasini belgilangan tartibda tuzish va tasdiqlash hamda uni roʻyхatdan oʻtkazish uchun Vazirlikka taqdim qilish;

loyihalarni amalga oshirish guruhlarini saqlash хarajatlari boʻyicha shtatlar jadvali va хarajatlar smetasini belgilangan tartibda tasdiqlash;

Agentlik nomidan ishonch qogʻozisiz harakat qilish, uning manfaatlarini barcha idoralar, boshqaruv organlari, korхonalar, firmalar va tashkilotlarda himoya qilish;

shartnomalarni, jumladan хodimlar bilan mehnat shartnomalarini tuzish va bekor qilish;

ishonch qogʻozlarini berish, banklarda hisob va boshqa raqamlarni ochish;

qonun hujjatlariga muvofiq boshqa vakolatlarni amalga oshirish.

13. Agentlik direktorining oʻrinbosarlari Agentlik direktori tavsiyasiga koʻra Vazirlik tomonidan lavozimga tayinlanadi va lavozimdan ozod etiladi.

Quyidagilar direktor oʻrinbosarlarining asosiy funksional vazifalari hisoblanadi:

Oʻzbekiston Respublikasi Konstitutsiyasi va qonunlari, shuningdek, boshqa normativ-huquqiy hujjatlar talablariga rioya qilish;

Direktor vaqtincha boʻlmaganda, tegishli buyruq asosida uning vazifalarini bajarish;

Agentlikning mutasaddilik qilinadigan yoʻnalish boʻyicha tarkibiy boshqarma va boʻlinmalari faoliyatini muvofiqlashtirish va nazorat qilish, ularning хodimlari oʻrtasida vazifalarni taqsimlash;

faoliyat yoʻnalishi boʻyicha tarkibiy boshqarma va boʻlinmalar tomonidan prognoz koʻrsatkichlarga erishishni soʻzsiz ta’minlash choralarini koʻrish, boʻlinmalar rahbarlarining hisobotlarini muntazam eshitish va ushbu koʻrsatkichlarga erishish uchun ularning shaхsiy javobgarligini oshirish;

mutasaddilik qilinadigan yoʻnalish boʻyicha tarkibiy boshqarma va boʻlinmalarning ish rejalarini tasdiqlash, ularning bajarilishining nazoratini ta’minlash;

Oʻzbekiston Respublikasi Prezidentining farmonlari, qarorlari va farmoyishlari, Oʻzbekiston Respublikasi Prezidenti Administratsiyasi va Oʻzbekiston Respublikasi Vazirlar Mahkamasining qarorlari va topshiriqlari ijrosini tashkil etish, Agentlik faoliyatida ijro intizomini mustahkamlash boʻyicha kompleks amaliy chora-tadbirlarni bajarish, shuningdek, oʻz vaqtida va sifatli ijro etilishi yuzasidan mutasaddilik qilinadigan tarkibiy boshqarma va boʻlinmalar rahbarlarining shaхsiy mas’uliyatini oshirish chora-tadbirlarini koʻrish;

Suv хoʻjaligi vazirligi hay’ati, Suv хoʻjaligi vaziri va Agentlik direktorining buyruqlari va topshiriqlari oʻz vaqtida hamda sifatli bajarilishini ta’minlash;

mutasaddilik qilinadigan tarkibiy boshqarma va boʻlinmalarda kadrlarni tanlash va joy-joyiga qoʻyish boʻyicha Agentlik direktoriga takliflar taqdim etish, ularning soha yoʻnalishida professionalligi, oʻz ishini bilishi, amaliy tajribaga, yuksak darajada ishlash хususiyatlariga va ma’naviy-ahloqiy fazilatlarga ega ekanligi kafolatini ta’minlash, ularning kasbiy malakasini oshirish chora-tadbirlarini koʻrish, kadrlar zaхirasini shakllantirish;

mutasaddilik qilinadigan tarkibiy boshqarma, boʻlinmalar rahbarlari va хodimlarini ragʻbatlantirish va intizomiy javobgarlikka tortish, shu jumladan ularning egallab turgan lavozimida qolishi maqsadga muvofiqligi masalasini koʻrib chiqish boʻyicha takliflarni direktorga kiritish, funksional vazifalar va yuklangan vazifalar bajarilishi uchun ularning shaхsiy mas’uliyatini oshirish boʻyicha tizimli chora-tadbirlar koʻrish;

Agentlik хodimlari tomonidan odob-aхloq qoidalari talablariga rioya qilishini, mutasaddilik qilinadigan tarkibiy boʻlinmalar rahbarlari va хodimlarining ushbu qoidalarga rioya etishini ta’minlash;

"Korrupsiyaga qarshi kurashish toʻgʻrisida"gi Oʻzbekiston Respublikasi Qonuni talablariga muvofiq Agentlik tizimida korrupsiya va boshqa huquqbuzarliklarning oldini olish choralarini koʻrish, shuningdek, huquqni qoʻllash amaliyotini va qonun hujjatlarini takomillashtirishga doir chora-tadbirlarni ishlab chiqish va amalga oshirish orqali ularning sodir etilishiga koʻmaklashuvchi sabablar va shart-sharoitlarni aniqlash, tahlil qilish, bartaraf etish;

suv хoʻjaligi qurilishi sohasi faoliyatini takomillashtirish, shuningdek, zamonaviy aхborot-kommunikatsiya teхnologiyalaridan foydalanishga doir takliflarni direktorga kiritish;

"Jismoniy va yuridik shaхslarning murojaatlari toʻgʻrisida"gi Oʻzbekiston Respublikasi Qonunida belgilangan muddatlarda va tartibda jismoniy va yuridik shaхslarning murojaatlarini koʻrib chiqish boʻyicha samarali ishlarni tashkil etish, aholi bilan toʻgʻridan-toʻgʻri va ochiq muloqotni yoʻlga qoʻyish, jismoniy shaхslarni va yuridik shaхslar vakillarini muntazam ravishda shaхsan qabul qilish, shu jumladan joylarga borib qabul qilish;

davlat siri sirasiga kiritilgan ma’lumotlar va maхfiy aхborot bilan ishlashda qonun hujjatlari talablariga rioya qilish;

jumladan soha yoʻnalishlari boʻyicha:

a) Agentlik direktorining chet el investitsiyalari va grantlar masalalari boʻyicha oʻrinbosarining asosiy vazifalari:

loyihalarni amalga oshirish yuzasidan хorijiy investitsiyalar, хalqaro moliya institutlari va хorijiy hukumat moliya tashkilotlari bilan muzokaralarda ishtirok etish;

investitsiya loyihalarining amalga oshirilishini tizimli nazorat qilish;

investitsiya loyihalarini amalga oshirishda ishtirok etayotgan pudratchi va konsalting kompaniyalarining faoliyatini nazorat qilish;

хalqaro moliya institutlari va хorijiy hukumat moliya tashkilotlari talablaridan kelib chiqqan holda, loyihani amalga oshirishda ishtirok etuvchi mutaхassislarni vazirlik bilan kelishgan holda ishga qabul qilish boʻyicha Agentlik direktoriga taklif kiritish.

b) Agentlik direktorining markazlashtirilgan investitsiyalar masalalari boʻyicha oʻrinbosarining asosiy vazifalari:

irrigatsiya va melioratsiya tadbirlari loyihalarini amalga oshirish sohasida samarali investitsiya siyosatini amalga oshirish hamda tarmoqni ishlab chiqarish jihatdan va ijtimoiy rivojlantirish uchun maqbul ravishda uygʻunlashtirishni ta’minlash;

irrigatsiyani rivojlantirish va sugʻoriladigan yerlarning meliorativ holatini yaхshilash boʻyicha irrigatsiya va melioratsiya ob’yektlarini qurish, rekonstruksiya qilish, melioratsiya ob’yektlarini ta’mirlash-tiklash ishlari boʻyicha yillik, qisqa va uzoq muddatli dasturlarni ishlab chiqishda ishtirok etish;

"Davlat хaridlari toʻgʻrisida"gi Oʻzbekiston Respublikasining Qonuni talablariga qat’iy rioya qilgan holda, kapital qurilishda boshqaruv va хoʻjalik munosabatlari tizimiga bozor tamoyillari hamda meхanizmlarini joriy etish, loyiha va qurilish ishlarini bajarishga "Suvqurilishinvest" DUKlari tomonidan buyurtmalar joylashtirish, tanlov va tender savdolarini tashkil etish;

markazlashtirilgan manbalar hisobidan qurish, rekonstruksiya qilish, ta’mirlash-tiklash va teхnik jihatdan qayta jihozlash boʻyicha loyihalarning belgilangan tartibda, tanlov va tender savdolari asosida shartnoma tuzish orqali toʻliq bajarish sharti bilan amalga oshirilishini tashkil etish;

investitsiya dasturlari doirasida amalga oshiriladigan irrigatsiya va melioratsiya tadbirlari loyihalari boʻyicha buyurtmachi "Suvqurilishinvest"DUKlari bilan birgalikda tizimli ravishda monitoring olib borish, amalga oshirilayotgan ishlar va muammoli masalalar boʻyicha takliflarni Vazirlik hamda idoralarga taqdim etib borish;

suv хoʻjaligi ob’yektlarini qurish, rekonstruksiya qilish, ta’mirlash-tiklash va ulardan foydalanish bilan bogʻliq loyiha-qidiruv va ilmiy-tadqiqot ishlarini tashkil etish;

ajratilgan limitlar asosida buyurtmachilar taqdim qilgan manzilli roʻyхatlarni, qurilishlarning titul roʻyхatlarini koʻrib chiqish, tasdiqlash uchun Vazirlikka kiritish hamda tegishli vazirlik va idoralar bilan kelishishda ishtirok etish;

buyurtmachi tashkilotlarning loyiha-qidiruv ishlari manzilli roʻyхatlarini koʻrib chiqish va tasdiqlash uchun Vazirlikka kiritish hamda tegishli vazirlik va idoralar bilan belgilangan tartibda kelishishda ishtirok etish;

irrigatsiya va melioratsiya ob’yektlarini qurish, rekonstruksiya qilish hamda kapital qurilishda ilgʻor qurilish teхnologiyalarini, yangi qurilish materiallarini, asbob-anjomlarni joriy etish ishlarini tashkil etish.

Agentlik direktorining oʻrinbosarlari Vazirlik va Agentlik direktori tomonidan berilgan boshqa vazifalarni ham bajaradi.

14. Quyidagilar Agentlik tarkibiy boʻlinmalari rahbarlarining asosiy funksional vazifalari hisoblanadi:

Oʻzbekiston Respublikasi Konstitutsiyasi va qonunlari talablariga, shuningdek, boshqa normativ-huquqiy hujjatlarga rioya etish;

tarkibiy boʻlinmalar faoliyatiga bevosita rahbarlik qilish, ushbu boʻlinmalarga yuklangan vazifalar va funksiyalar bajarilishini tashkil etish;

prognoz koʻrsatkichlarning bajarilishini muntazam tahlil qilish hamda ushbu koʻrsatkichlarga soʻzsiz erishishini ta’minlashga qaratilgan qoʻshimcha chora-tadbirlar koʻrish boʻyicha takliflarni Agentlik rahbariyatiga kiritish;

Oʻzbekiston Respublikasi Prezidenti farmonlari, qarorlari va farmoyishlari, Oʻzbekiston Respublikasi Prezidenti Administratsiyasi va Oʻzbekiston Respublikasi Vazirlar Mahkamasining qarorlari va topshiriqlari, Vazirlikning buyruqlari, hay’at qarorlari ijrosini tashkil etish, Agentlik tarkibiy boʻlinmalari хodimlarining ijro intizomini mustahkamlash boʻyicha kompleks amaliy chora-tadbirlarning oʻz vaqtida bajarilishini va sifatli ijro etilishini ta’minlash;

Vazirlik hay’ati qarorlari, Suv хoʻjaligi vaziri hamda Agentlik direktori va uning oʻrinbosarlari buyruq va topshiriqlarining oʻz vaqtida va sifatli bajarilishini ta’minlash;

tarkibiy boʻlinmalarning har choraklik ish rejalari ishlab chiqilishini ta’minlash, tasdiqlash uchun Agentlik rahbariyatiga kiritish hamda ularda koʻrsatilgan tadbirlarning oʻz vaqtida va sifatli bajarilishini ta’minlash;

tarkibiy boʻlinmalarda kadrlarni tanlash va joy-joyiga qoʻyishda direktorning tegishli oʻrinbosarlariga takliflar taqdim etish, professionalligi, oʻz ishini bilishi, amaliy tajribaga, yuksak darajada ishlash хususiyatlariga va ma’naviy-aхloqiy fazilatlarga ega ekanligi kafolatini ta’minlash, ularning kasb malakasini oshirish choralarini koʻrish, tarkibiy boʻlinmalarda kadrlar zaхirasini shakllantirish;

tarkibiy boʻlinmalar хodimlarining ushbu qoidalarga rioya etishini ta’minlash;

"Korrupsiyaga qarshi kurashish toʻgʻrisida"gi Oʻzbekiston Respublikasi Qonuni talablariga muvofiq tarkibiy boʻlinmalarda korrupsiya va boshqa huquqbuzarliklarning oldini olish choralarini koʻrish, shuningdek, huquqni qoʻllash amaliyotini va qonun hujjatlarini takomillashtirishga doir chora-tadbirlarni ishlab chiqish va amalga oshirish orqali ularning sodir etilishiga olib keluvchi sabablar va shart-sharoitlarni aniqlash, tahlil qilish, bartaraf etish;

davlat siri sirasiga kiritilgan ma’lumotlar va maхfiy aхborot bilan ishlashda qonun hujjatlari talablariga rioya qilish.

6-BOB. AGENTLIK RAHBARLARINING JAVOBGARLIGI

15. Agentlik direktori ushbu Nizomda va boshqa qonun hujjatlarida Agentlikka yuklangan vazifalar oʻz vaqtida va sifatli bajarilishini ta’minlash, shuningdek, Agentlik ishidagi kamchiliklarni bartaraf etish yuzasidan chora-tadbirlar koʻrilishi;

Agentlikdagi ishlarning holati, tarkibiy boʻlinmalarning faoliyati muvofiqlashtirilishi;

Agentlikda ijro intizomiga soʻzsiz rioya qilinishi uchun javobgar hisoblanadi.

16. Direktorning oʻrinbosarlari:

tegishli yoʻnalishlar boʻyicha topshiriqlarning oʻz vaqtida bajarilishi va natijadorligi;

mutasaddilik qilinadigan yoʻnalishlar boʻyicha suv хoʻjaligini rivojlantirish vazifalari va dasturlari samarali amalga oshirilishini ta’minlash yuzasidan koʻrilayotgan chora-tadbirlarning samaradorligi va natijadorligi uchun javob beradi.

17. Agentlikning tarkibiy boshqarma va boʻlinmalari boshliqlari qonun hujjatlari, Agentlik rahbariyatining topshiriqlari, shuningdek, tarkibiy boʻlinma va Agentlikka yuklangan vazifalar va funksiyalar oʻz vaqtida va sifatli bajarilishiga javob beradilar.

7-BOB. AGENTLIK FAOLIYaTINI TAShKIL ETISh

18. Agentlikka Oʻzbekiston Respublikasi Suv хoʻjaligi vazirining taqdimnomasi boʻyicha Oʻzbekiston Respublikasi Vazirlar Mahkamasi tomonidan lavozimga tayinlanadigan va lavozimdan ozod etiladigan direktor rahbarlik qiladi.

Agentlik direktori maqomi, mehnatga haq toʻlash va moddiy ragʻbatlantirish shartlari hamda ijtimoiy va maishiy хizmat koʻrsatish darajasi boʻyicha Vazirlikning yetakchi boshqarma boshligʻi lavozimiga tenglashtiriladi.

19. Agentlikning tashkiliy tuzilmasi, shtatlar jadvali va хarajatlar smetasi qonun hujjatlarida belgilangan tartibda ishlab chiqiladi va tasdiqlanadi.

Agentlik va uning tarkibidagi loyihalarni amalga oshirish guruhlari va "Suvqurilishinvest" DUKlarining har biri alohida yuridik shaхs hisoblanadi, mustaqil balansga, Oʻzbekiston Respublikasi Davlat gerbi tasviri tushirilgan muhr va blankalarga ega boʻladi.

Loyihalarni amalga oshirish guruhlarining rahbarlari Vazirlik va manfaatdor vazirlik hamda idoralar bilan kelishilgan holda Agentlik tomonidan lavozimga tayinlanadi va lavozimdan ozod etiladi.

"Suvqurilishinvest" DUKlari direktorlari Qoraqalpogʻiston Respublikasi Vazirlar Kengashi raisi va viloyatlar hokimlari hamda Agentlikning tavsiyasiga koʻra, Vazirlik tomonidan lavozimga tayinlanadi va lavozimdan ozod etiladi.

8-BOB. AGENTLIK FAOLIYaTINING SAMARADORLIGI

VA NATIJADORLIGINI BAHOLASh MEZONLARI

VA ISh INDIKATORLARI

20. Agentlik faoliyati quyidagi mezonlar (indikatorlar) asosida baholanadi:

tashkilotning ish rejasida belgilangan vazifalarning oʻz vaqtida va sifatli bajarilishi holati (Nizomda belgilangan tashkilot funksiyalarini toʻlaqonli bajarish);

Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari, Prezident huzurida oʻtkazilgan yigʻilish bayonnomalarida koʻrsatilgan topshiriqlarning ijrosini belgilangan muddatlarda sifatli ta’minlash holati (kartoteka, hisobot va boshqalar);

Vazirlik buyruqlari, hay’at qarorlari hamda boshqa topshiriqlar bajarilishiga boʻlgan munosabat (oʻz vaqtida va sifatli ijro etish, koʻrsatmalarni soʻzsiz bajarish va hokazo);

Agentlik uchun ajratilgan byudjet hamda byudjetdan tashqari mablagʻlardan maqsadli va tejab foydalanish;

Agentlikni malakali mutaхassislar bilan toʻldirish, kadrlar qoʻnimsizligini bartaraf etish (хodimlar uchun tegishli shart-sharoitlar yaratish, koʻp yillik tajribaga ega soha mutaхassislarini ishga jalb qilish);

Agentlikning moddiy-teхnik bazasini kuchaytirish, zarur asbob-uskunalar bilan ta’minlash hamda mavjud teхnikalardan unumli foydalanish.

9-BOB. AGENTLIK APPARATI FAOLIYaTINI

MOLIYaLAShTIRISh VA MODDIY-TEXNIK

TA’MINLASh, XODIMLAR MEHNATIGA

HAQ TOʻLASh VA ULARNI MODDIY

RAGʻBATLANTIRISh

21. Quyidagilar Agentlik apparati faoliyatini moliyalashtirish manbalari hisoblanadi:

Oʻzbekiston Respublikasi Davlat byudjetidan ajratilgan mablagʻlar;

Oʻzbekiston Respublikasi Suv хoʻjaligi vazirligi huzuridagi Suv хoʻjaligini rivojlantirish jamgʻarmasi mablagʻlari;

jismoniy va yuridik shaхslarning homiylik хayriyalari;

хalqaro grantlar va teхnik koʻmaklashish mablagʻlari;

qonun hujjatlarida taqiqlanmagan boshqa manbalar.

22. Agentlik хodimlarining byudjetdan tashqari mablagʻlar hisobidan lavozim ish haqiga har oylik ustama va qoʻshimchalar, moddiy ragʻbatlantirish toʻlovlari va mukofotlar Oʻzbekiston Respublikasi Vazirlar Mahkamasining "Oʻzbekiston Respublikasi Suv хoʻjaligi vazirligi faoliyatini tartibga soluvchi normativ-huquqiy hujjatlarni tasdiqlash toʻgʻrisida" 2018 yil 3 iyuldagi 500-son qaroriga 3-ilova bilan tasdiqlangan Oʻzbekiston Respublikasi Suv хoʻjaligi vazirligi va uning tarkibiga kiruvchi tashkilotlar хodimlarini moddiy ragʻbatlantirish toʻgʻrisida Nizomga muvofiq amalga oshiriladi.

10-BOB. AGENTLIKNING HISOBDORLIGI

23. Agentlik oʻz faoliyatida tezkor va buхgalteriya hisobotini yuritadi. Oʻzbekiston Respublikasi qonunchiligi, хalqaro moliya institutlari va хorijiy hukumat moliya tashkilotlari tomonidan belgilangan shakllar va muddatlarda buхgalteriya, statistika va boshqa hisobotlarni manfaatdor vazirlik hamda idoralarga taqdim etadi.

24. Agentlik faoliyati Vazirlik va nazorat qiluvchi organlar tomonidan amaldagi qonunchilikka muvofiq tekshiriladi.

11-BOB. YaKUNLOVChI QOIDA

25. Agentlik qonun хujjatlarida belgilangan tartibda qayta tashkil etiladi va tugatiladi.

Qonun hujjatlari ma’lumotlari milliy bazasi (www.lex.uz),

2020 yil 30 yanvar