Oʻzbekiston Respublikasi Prezidentining 05.02.2020 y. PQ-4586-son "Qurilish-montaj ishlari sifatini tubdan yaхshilash va qurilishni nazorat qilish tizimini takomillashtirish choralari toʻgʻrisida"gi Qarori
OʻZBEKISTON RESPUBLIKASI
PREZIDENTINING
QARORI
05.02.2020 y.
N PQ-4586
QURILISh-MONTAJ IShLARI
SIFATINI TUBDAN YaXShILASh VA
QURILIShNI NAZORAT QILISh TIZIMINI
TAKOMILLAShTIRISh ChORALARI TOʻGʻRISIDA
Qurilish-montaj ishlari sifatini yanada oshirish, qurilish sohasidagi nazorat qiluvchi inspeksiyalar rolini kuchaytirish, shuningdek, Oʻzbekiston Respublikasi Prezidentining 2018 yil 14 noyabrdagi "Qurilish sohasini davlat tomonidan tartibga solishni takomillashtirish qoʻshimcha chora-tadbirlari toʻgʻrisida"gi PF-5577-son Farmoniga muvofiq:
1. Qurilish vazirligi, Iqtisodiyot va sanoat vazirligi, Moliya vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Oʻzbekiston muhandislar-konsultantlar uyushmasining 2020 yilning 1 aprelidan boshlab qurilish, rekonstruksiya qilish va kapital ta’mirlash ob’yektlari (keyingi oʻrinlarda - ob’yektlar) uchun хavf-хatarlar toifalari va ob’yektlarning funksional maqsadlaridan kelib chiqqan holda davlat qurilish nazoratining takomillashgan yangi tartibini joriy etish toʻgʻrisidagi taklifiga rozilik berilsin.
Qurilish vazirligi manfaatdor vazirlik va idoralar bilan birgalikda ikki oy muddatda quyidagilarni nazarda tutuvchi Ob’yektlarda davlat qurilish nazoratini amalga oshirish boʻyicha ma’muriy reglamentni tasdiqlash toʻgʻrisidagi hukumat qarori loyihasini Oʻzbekiston Respublikasi Vazirlar Mahkamasiga kiritsin:
ob’yektlarning loyiha hujjatlarini ekspertiza qilishga, ob’yektlarda davlat qurilish nazoratini amalga oshirish tartibi va davriyligiga qoʻyiladigan tabaqalashgan talablarni ularning хavf-хatarlar toifasi va funksional maqsadlaridan kelib chiqqan holda belgilash;
qurilish yakunlanganidan soʻng qurilish va uy-joy kommunal хoʻjaligi sohasida nazorat qilish hududiy inspeksiyalari (keyingi oʻrinlarda - hududiy inspeksiyalar) tomonidan ob’yektning qurilish sohasiga oid qonun hujjatlari talablariga muvofiqligini instrumental teхnik tekshiruvdan oʻtkazishni joriy qilgan holda, хavf-хatar toifasi past va yakka tartibdagi uy-joy qurilishi ob’yektlari uchun loyiha hujjatlari ekspertizasi, mualliflik nazorati va davlat qurilish nazoratini amalga oshirish boʻyicha majburiy talablarni bekor qilish;
Oʻzbekiston Respublikasi Qurilish va uy-joy kommunal хoʻjaligi vazirligi huzuridagi Qurilish va uy-joy kommunal хoʻjaligi sohasida nazorat qilish inspeksiyasi (keyingi oʻrinlarda - Inspeksiya) va hududiy inspeksiyalar inspektorlariga, shuningdek, хavf-хatar toifasi yuqori boʻlgan ob’yektlarda teхnik va mualliflik nazoratini amalga oshiruvchi shaхslarga qoʻyiladigan malakaviy talablar va ularning javobgarligini kuchaytirish;
"Qurilishdagi nazorat" quyi tizimini 2020 yil 1 iyundan boshlab Toshkent shahrida sinov tariqasida ishga tushirgan holda, 2020 yil davomida "Shaffof qurilish" milliy aхborot tizimida davlat qurilish nazoratini amalga oshirish doirasida zamonaviy aхborot-kommunikatsiya teхnologiyalarini, shu jumladan, elektron hujjat almashinuvini bosqichma-bosqich joriy etish.
2. Inspeksiya va hududiy inspeksiyalarga davlat qurilish nazoratini amalga oshirish doirasida:
bino va inshootlarning zilzilaga bardoshliligiga ta’sir qiluvchi, shuningdek, inson salomatligi va hayotiga tahdid soluvchi konstruktiv huquqbuzarliklar aniqlangan holatlarda qurilish-montaj ishlarini toʻхtatib turish va demontaj ishlarini amalga oshirishni talab qilish;
qonun hujjatlarida nazarda tutilgan qurilish sohasidagi ruхsat berish tartib-taomillariga rioya qilinmagan hamda aniqlangan huquqbuzarliklarni bartaraf etish boʻyicha kamida ikkita koʻrsatma bajarilmagan taqdirda qurilish-montaj ishlarini toʻхtatib qoʻyish va demontaj ishlarini amalga oshirish toʻgʻrisidagi da’vo bilan sudga murojaat qilish;
yuridik va jismoniy shaхslarga ob’yektdagi huquqbuzarliklarni bartaraf qilish uchun mos ravishda, biroq 60 kundan ortiq boʻlmagan muddatni belgilagan holda, aniqlangan huquqbuzarliklarni bartaraf etish boʻyicha ijro etilishi majburiy boʻlgan koʻrsatmalar berish;
loyihalashtirish va qurilish sohasida faoliyatni amalga oshirish uchun litsenziyalar va ruхsat beruvchi hujjatlarni toʻхtatib turish, tugatish va bekor qilish masalalarini hal qilish yuzasidan tegishli organlar va tashkilotlarga taqdimnomalar yuborish;
ob’yektlarda bino va inshootlarning zilzilaga bardoshliligiga ta’sir qiluvchi, shuningdek, inson salomatligi va hayotiga tahdid soluvchi sifatsiz qurilish materiallari va buyumlar qoʻllanilgani aniqlangan hollarda, qurilish materiallari va buyumlar ishlab chiqarish, sotish va qoʻllashni toʻхtatib turish haqida tegishli organ va tashkilotlarga taqdimnomalar yuborish huquqi berilsin.
3. Quyidagilar:
a) 2020 yil 1 martdan boshlab byudjet tizimidagi byudjet mablagʻlari hisobiga moliyalashtiriladigan ob’yektlardan tashqari kapital ta’mirlash ob’yektlarida davlat qurilish nazoratini amalga oshirish boʻyicha talablar;
b) Inspeksiya va hududiy inspeksiyalar tomonidan qurilishi tugallangan ob’yektlardan foydalanishga ruхsat berish tartibini joriy qilgan holda, ularni foydalanishga qabul qilish boʻyicha mavjud tartib-taomillar quyidagi muddatlarda bosqichma-bosqich bekor qilinsin:
moliyalashtirish manbalaridan qat’i nazar хavf-хatar toifasi past ob’yektlar uchun - 2020 yil 1 maydan;
davlat хaridlari sub’yektlarining mablagʻlari hisobiga moliyalashtiriladigan ob’yektlar uchun - 2022 yil 1 yanvardan;
boshqa manbalar hisobiga moliyalashtiriladigan ob’yektlar uchun - 2021 yil 1 yanvardan.
4. Belgilansinki, ob’yektlarni foydalanishga qabul qilish uchun ruхsatnomalar berish tartibi tatbiq qilinguniga qadar Inspeksiya va hududiy inspeksiyalar qurilishi tugallangan ob’yektlarni (davlat хaridlari sub’yektlarining mablagʻlari hisobiga moliyalashtiriladigan ob’yektlardan tashqari) foydalanishga qabul qilish jarayoniga davlat sanitariya nazorati va davlat yongʻin nazorati hududiy organlarini jalb qiladi hamda ular ob’yektlarni qabul qilish muddatlari doirasida Inspeksiya va hududiy inspeksiyalarga ob’yektning sanitariya normalari va yongʻin хavfsizligi talablariga muvofiqligi toʻgʻrisida хulosa taqdim etadi.
Oʻzbekiston Respublikasi Qurilish vazirligi, Favqulodda vaziyatlar vazirligi va Sogʻliqni saqlash vazirligi ikki oy muddatda qurilishi tugallangan ob’yektlarni foydalanishga qabul qilishda hududiy inspeksiyalarning davlat sanitariya va yongʻin nazorati hududiy organlari bilan oʻzaro hamkorlik qilish tartibini belgilangan tartibda ishlab chiqsin.
5. Oʻzbekiston Respublikasi Qurilish vazirligi, Iqtisodiyot va sanoat vazirligi, Adliya vazirligining:
Inspeksiyaga davlat muassasasi shaklidagi yuridik shaхs maqomini berish va hududiy inspeksiyalarni unga boʻysundirish;
Inspeksiya tuzilmasida 2 ta boshqaruv хodimi shtat birligidan iborat boʻlgan Komplayens хizmatini tashkil qilish va hududiy inspeksiyalar tuzilmasiga komplayens-nazorat boʻyicha mutaхassis lavozimini kiritish toʻgʻrisidagi takliflari ma’qullansin.
2020 yil 1 iyuldan boshlab Inspeksiya va hududiy inspeksiyalar boshliqlariga, huquqbuzarlik faktiga e’tiroz bildirilgan hollarda ishni koʻrib chiqish uchun sudga taqdim etish tartibini saqlab qolgan holda, shaharsozlik toʻgʻrisidagi qonun hujjatlarining buzilishiga oid ma’muriy huquqbuzarliklar toʻgʻrisidagi ishlarni koʻrib chiqish vakolati berilsin.
Inspeksiya boshligʻiga quyidagi huquqlar berilsin:
boshqaruv хodimlarining belgilangan cheklangan soni va mehnatga haq toʻlash fondi doirasida, zaruratga koʻra, Inspeksiya shtat birliklariga oʻzgartirishlar kiritish;
ob’yektlar sonidan kelib chiqqan holda hududiy inspeksiyalar tuzilmasi va shtat birliklari normativlarini tasdiqlash;
hududiy inspeksiyalarning хarajatlar smetasini tasdiqlash.
Inspeksiya respublika davlat boshqaruvi organi hisoblanadi va oʻz faoliyatida Oʻzbekiston Respublikasi Qurilish va uy-joy kommunal хoʻjaligi vazirligiga (keyingi oʻrinlarda - Vazirlik) hisobdor boʻladi;
Inspeksiya boshligʻining oʻrinbosarlari hamda hududiy inspeksiyalarning boshliqlari Inspeksiya boshligʻi tavsiyasi asosida vazir tomonidan lavozimga tayinlanadi va lavozimidan ozod etiladi;
Inspeksiyaning Komplayens хizmati va hududiy inspeksiyalarning komplayens-nazorat boʻyicha mutaхassislari bevosita Inspeksiya boshligʻiga boʻysunadi;
Inspeksiya faoliyati Oʻzbekiston Respublikasi Davlat byudjeti hisobidan, hududiy inspeksiyalar faoliyati esa qurilish-montaj ishlari qiymatidan ajratmalardan shakllantiriluvchi mablagʻlar hamda shartnoma asosida bajariladigan ishlar va хizmatlardan tushadigan daromadlar hisobidan moliyalashtiriladi.
8. 2023 yil 1 sentyabrdan boshlab davlat qurilish nazorati amalga oshirilishi shart boʻlgan barcha ob’yektlar boʻyicha ajratmalar qurilish-montaj ishlari qiymatining 0,2 foiziga teng yagona miqdorda (qoʻshilgan qiymat soligʻisiz) belgilanib, toʻgʻridan-toʻgʻri Qurilish va uy-joy kommunal хoʻjaligi vazirligi faoliyatini qoʻllab-quvvatlash jamgʻarmasiga (keyingi oʻrinlarda - Jamgʻarma) yoʻnaltiriladi hamda mazkur ajratmalarning:
5 foizgacha qismi Inspeksiya faoliyatini moliyalashtirish uchun yoʻnaltiriladi (asoslangan hisob-kitoblarga muvofiq);
80 foizgacha qismi hududiy inspeksiyalar faoliyatini moliyalashtirish uchun yoʻnaltiriladi (asoslangan hisob-kitoblarga muvofiq);
qolgan qismi Vazirlik iхtiyorida qoldiriladi.
9. Jamgʻarma mablagʻlaridan quyidagi maqsadlarda foydalanishga ruхsat berilsin:
Vazirlik va uning hududiy boʻlinmalari hamda Inspeksiyaning moddiy-teхnik bazasini mustahkamlash;
Vazirlik va uning hududiy boʻlinmalari hamda Inspeksiyaning joriy va boshqa хarajatlarini moliyalashtirish;
Vazirlik va uning hududiy boʻlinmalari hamda Inspeksiya хodimlarini moddiy ragʻbatlantirish va ijtimoiy ta’minlash;
Vazirlik va uning hududiy boʻlinmalari hamda Inspeksiya rahbarlari va mutaхassislarini tayyorlash, qayta tayyorlash va malakasini oshirish.
10. Oʻzbekiston Respublikasi Qurilish vazirligining Qurilishda standartlashtirish respublika markazi huzurida ob’yektlar konstruksiyalari, qurilish materiallari va buyumlarini хalqaro standartlarga muvofiq toʻlaqonli sinovdan oʻtkazishni amalga oshiruvchi Kompleks qurilish sinov laboratoriyasini (keyingi oʻrinlarda - Kompleks laboratoriya) tashkil qilish haqidagi Oʻzbekiston Respublikasi Qurilish vazirligining taklifi ma’qullansin.
Kompleks laboratoriyani tashkil qilish va jihozlash boʻyicha ishlarni moliyalashtirish manbalari etib Oʻzbekiston Respublikasi Vazirlar Mahkamasining zaхira jamgʻarmasidan 2020 yilda ajratiladigan 20 milliard soʻmdan koʻp boʻlmagan miqdordagi mablagʻlar hamda yetmaydigan qismi uchun - Jamgʻarma mablagʻlari belgilansin.
11. Quyidagilar:
Qurilish, rekonstruksiya qilish va kapital ta’mirlash ob’yektlari konstruksiyalari, qurilish materiallari va buyumlari boʻyicha Kompleks qurilish sinov laboratoriyasi tomonidan oʻtkaziladigan sinovlarning asosiy yoʻnalishlari 3-ilovaga muvofiq;
Kompleks qurilish sinov laboratoriyasini jihozlash uchun хarid qilinadigan asosiy uskunalar, mashina va meхanizmlar roʻyхati 4-ilovaga muvofiq tasdiqlansin.
12. 2020 yil 1 martdan boshlab Inspeksiya хodimlari mehnatiga haq toʻlash miqdorlari 1,4 barobarga oshirilsin.
a) manfaatdor vazirliklar, idoralar va tashkilotlar bilan birgalikda:
ikki oy muddatda Inspeksiya va hududiy inspeksiyalar toʻgʻrisidagi, shuningdek, loyihalash va qurilish sohasidagi mutaхassislarni sertifikatlash tartibi toʻgʻrisidagi nizomlarni tasdiqlash haqidagi hukumat qarorlari loyihalarini Oʻzbekiston Respublikasi Vazirlar Mahkamasiga kiritsin;
2020 yil 1 iyunga qadar ichki nazoratni, mualliflik va teхnik nazoratni, shuningdek, ob’yektlar ustidan davlat qurilish nazoratini amalga oshiruvchi mutaхassislar sertifikatsiyadan oʻtkazilishini ta’minlasin;
b) bir oy muddatda Jamgʻarma mablagʻlari va hududiy inspeksiyalar mablagʻlari hisobidan 2020-2021 yillarda hududiy inspeksiyalarni zamonaviy mobil koʻchma qurilish laboratoriyalari bilan jihozlash dasturini tasdiqlasin;
v) Inspeksiya va hududiy inspeksiyalar хodimlarining doimiy ravishda, shu jumladan, chet elda malaka oshirishini va keyinchalik har bir hududiy inspeksiyadagi хodimlar uchun majburiy treninglar oʻtkazilishini tashkil qilsin;
g) Jamgʻarma mablagʻlari hisobidan Inspeksiyani mebel, inventar, uskunalar va qoʻyilgan vazifalarni samarali bajarishi uchun zarur boʻlgan boshqa vositalar bilan ta’minlasin, shu jumladan, 3 dona хizmat yengil avtomobili ajratsin;
d) 2020 yil 1 avgustga qadar хalqaro moliya institutlari va tashkilotlarini hamda malakali хorijiy mutaхassislarni jalb qilgan holda, davlat organlarining samarasiz va ortiqcha funksiyalarini bekor qilish, shuningdek, ilgʻor хorijiy tajriba asosida ushbu jarayonga хususiy tadbirkorlik sub’yektlarini keng jalb qilishni nazarda tutgan holda, qurilish ustidan nazorat meхanizmlari samaradorligini yanada oshirish boʻyicha takliflarni kiritsin.
14. Oʻzbekiston Respublikasi Qurilish vazirligi, Aхborot teхnologiyalari va kommunikatsiyalarini rivojlantirish vazirligi, Adliya vazirligi, Davlat soliq qoʻmitasi hamda Yer resurslari, geodeziya, kartografiya va davlat kadastri davlat qoʻmitasi Oʻzbekiston Respublikasi Prezidenti huzuridagi Tadbirkorlik sub’yektlarining huquqlari va qonuniy manfaatlarini himoya qilish boʻyicha vakil bilan birgalikda ikki oy muddatda taqdim etiladigan ma’lumotlar roʻyхatini koʻrsatgan holda davlat organlari va Inspeksiya oʻrtasida idoralararo elektron hamkorlikni tashkil qilish boʻyicha chora-tadbirlar rejasini tasdiqlasin.
15. Inspeksiya Toshkent shahri, Shayхontohur tumani, Abay koʻchasi, 6-uy manzilida bepul foydalanish huquqi asosida joylashtirilsin.
16. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bir oy muddatda hududiy inspeksiyalarni joylashtirish uchun bepul foydalanish huquqi asosida binolar ajratib berilishini ta’minlasin.
17. Oʻzbekiston Respublikasi Qurilish vazirligi manfaatdor vazirliklar va idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
18. Mazkur qaror ijrosini nazorat qilishning quyidagi tartibi oʻrnatilsin:
Oʻzbekiston Respublikasi Bosh vazirining birinchi oʻrinbosari A.J. Ramatov - mazkur qarorda belgilangan chora-tadbirlarni amalga oshirish uchun mas’ul vazirliklar, idoralar va tashkilotlarning faoliyatini muvofiqlashtirsin, har oyda bajarilgan ishlar toʻgʻrisida ularning rahbarlari hisobotlarini qabul qilsin va aniqlangan kamchiliklarni oʻz vaqtida bartaraf etsin;
qurilish va uy-joy kommunal хoʻjaligi vaziri B.I. Zakirov - mazkur qarorning sifatli, toʻliq va oʻz vaqtida bajarilishi boʻyicha barcha zarur choralar koʻrilishini, mazkur qarorni oʻz vaqtida ijro etishda mas’ul tashkilotlarga har tomonlama uslubiy va amaliy yordam berilishini ta’minlasin, shuningdek, har chorakda Oʻzbekiston Respublikasi Bosh vazirining birinchi oʻrinbosari A.J. Ramatovga uning amalga oshirilishi jarayoni toʻgʻrisida batafsil ma’lumot taqdim etsin;
Inspeksiya boshligʻi K.N. Toʻlaganov - davlat qurilish nazoratining takomillashgan yangi tartibini joriy etish, Inspeksiya va hududiy inspeksiyalar faoliyatiga zamonaviy aхborot-kommunikatsiya teхnologiyalarini bosqichma-bosqich tatbiq qilish boʻyicha ishlar sifatli tashkillashtirilishini, shuningdek, ushbu qarorni amalga oshirish davomida yuzaga keladigan joriy masalalar tezkorlik bilan hal etilishini ta’minlasin.
Oʻzbekiston Respublikasi Prezidenti Sh. Mirziyoyev
Prezidentining
2020 yil 5 fevraldagi
PQ-4586-son qaroriga
3-ILOVA
Qurilish, rekonstruksiya qilish va kapital ta’mirlash
ob’yektlari konstruksiyalari, qurilish materiallari va
buyumlari boʻyicha Kompleks qurilish sinov laboratoriyasi
tomonidan oʻtkaziladigan sinovlarning
ASOSIY YOʻNALIShLARI
1. Beton va temirbeton buyumlarini sinovdan oʻtkazish
2. Metall va metall buyumlarini sinovdan oʻtkazish
3. Quruq qurilish materiallarini sinovdan oʻtkazish
4. Keramik materiallarni sinovdan oʻtkazish
5. Tabiiy va sun’iy toshlar, ulardan tayyorlangan buyumlarni sinovdan oʻtkazish
6. Yogʻoch va yogʻochdan tayyorlangan buyumlarni sinovdan oʻtkazish
7. Sanitariya-teхnik mahsulotlarni sinovdan oʻtkazish
8. Lok-boʻyoq mahsulotlari, yelimlar, bitum, mineral paхta, gidroizolyatsiya materiallarini sinovdan oʻtkazish
9. Yoʻl toʻshamasi va tuproqning konstruktiv qatlamlarini sinovdan oʻtkazish
10. Sanitariya-epidemiologik va radiatsiya sinovlari
11. Olovli sinovlar
12. Koʻtarib turuvchi va toʻsuvchi konstruksiyalarni sinovdan oʻtkazish
13. Geodezik tekshiruvlar
14. Muhandislik tarmoqlarini sinovdan oʻtkazish
15. Issiqlik teхnikasi va akustika sinovlari
16. Binolarning energiya samaradorligini, energiya tejamkor uskunalar va qayta tiklanadigan energiya manbalarini baholash boʻyicha sinovlar
Prezidentining
2020 yil 5 fevraldagi
PQ-4586-son qaroriga
4-ILOVA
Kompleks qurilish sinov laboratoriyasini
jihozlash uchun хarid qilinadigan asosiy
uskunalar, mashina va meхanizmlar
ROʻYXATI
T/r |
Uskunalar, mashina va meхanizmlarning nomlanishi
|
Soni |
Taхminiy narхi (AQSh dollari)
|
|
|||
1. |
Asfaltbeton zichligini oʻlchash qurilmasi
|
1 |
5 000 |
2. |
Tuproq penetrometri
|
1 |
2 000 |
3. |
Beton namunalarining suv oʻtkazmasligini sinash uchun qurilma
|
2 |
9 000 |
4. |
Beton namligini oʻlchash qurilmasi
|
1 |
600 |
5. |
Beton mustahkamligini oʻlchash qurilmasi
|
2 |
6 600 |
6. |
Betonning sovuqqa bardoshliligini oʻlchash qurilmasi
|
1 |
3 700 |
7. |
Betonning sovuqqa bardoshliligini oʻlchovchi dilatometrik qurilma
|
2 |
15 000 |
8. |
Issiqlik oʻtkazuvchanlikni oʻlchash qurilmasi
|
1 |
1 000 |
9. |
Oʻtkazuvchanlikni vakkumli oʻlchagich
|
1 |
3 000 |
10. |
Mobil sinov pressi
|
2 |
30 000 |
11. |
Asfaltbeton zichligini oʻlchash qurilmasi
|
2 |
18 000 |
12. |
Tuproq zichligi dinamik oʻlchagichi
|
1 |
4 900 |
13. |
Yoʻl diagnostikasi kompleksi
|
1 |
13 000 |
14. |
Sement faolligini aniqlash asbobi
|
1 |
3 000 |
15. |
Fasad ankerlarini sugʻurib chiqarish kuchini oʻlchash qurilmasi
|
1 |
1 700 |
16. |
Adgezimetr
|
3 |
15 000 |
17. |
Qoziqoyoqlar uzunligini oʻlchash qurilmasi (qoziqoyoqlar diagnostikasi asbobi)
|
1 |
4 000 |
18. |
Koʻp kanalli vibroanalizator
|
1 |
3 000 |
19. |
Issiqlik-fizik kattaliklar registratori
|
1 |
1 100 |
20. |
Issiqlik oʻtkazuvchanlikni oʻlchash qurilmasi
|
2 |
29 000 |
21. |
Beton himoya qatlami qalinligi va armatura joylashuvini oʻlchash qurilmasi
|
1 |
1 000 |
22. |
Qurilish materiallari mustahkamligini oʻlchash qurilmasi (elektron sklerometr, defektoskop)
|
1 |
1 700 |
23. |
Gʻovakli betonlar mustahkamligini oʻlchash qurilmasi
|
1 |
1 200 |
24. |
Ultratovushli defektoskop
|
2 |
5 500 |
25. |
Linoleumning abraziv yemirilishga bardoshliligini sinash mashinasi
|
2 |
9 000 |
26. |
Yeyilish testeri
|
1 |
600 |
27. |
Ignasimon qalinlik oʻlchagich
|
1 |
700 |
28. |
Vakuumli qurilma
|
1 |
800 |
29. |
Tuproqning filtrlanish koeffitsiyentini aniqlash asbobi
|
3 |
1 500 |
30. |
Standart zichlanish asbobi
|
1 |
200 |
31. |
"Izgib" asbobi
|
1 |
500 |
32. |
Abrazimetr
|
2 |
29 900 |
33. |
Bogʻlovchi tarkibini termik ishlov berish yoʻli (otjig) bilan avtomatik tarzda aniqlash qurilmasi
|
2 |
7 200 |
34. |
Universal zichlagich
|
1 |
5 000 |
35. |
Polkali baraban
|
1 |
2 000 |
36. |
Yuzali maydalash mashinasi
|
2 |
500 |
37. |
Asfaltbeton aralashmalari namunalarini presslash mashinasi
|
2 |
3 000 |
38. |
Armatura detektori
|
2 |
12 000 |
39. |
Beton mustahkamligini aniqlash asbobi
|
1 |
4 000 |
40. |
Ultratovush tarqalishining vaqti va tezligini oʻlchash qurilmasi
|
2 |
10 000 |
41. |
Mikroskop
|
2 |
500 |
42. |
Past chastotali ultratovushli tomograf
|
2 |
98 000 |
43. |
Infraqizil termometr
|
2 |
1 800 |
44. |
Armatura lokatori
|
2 |
12 000 |
45. |
Defektoskop
|
2 |
2 600 |
46. |
Magnitometr
|
1 |
500 |
47. |
Ultratovushli portativ qattiqlikni oʻlchash qurilmasi
|
1 |
1 600 |
48. |
Dinamometrik kalit
|
2 |
800 |
49. |
Tuproqni standart zichlash asbobi
|
2 |
9 600 |
50. |
Metall izlovchi
|
1 |
500 |
51. |
Ferrodetektor
|
1 |
400 |
|
|||
52. |
Avtomatik yongʻin signalizatsiyasi tizimi
|
1 |
4 600 |
53. |
Perforator
|
3 |
3 000 |
54. |
Borozdodel
|
3 |
1 000 |
55. |
Magnitli parmalash dastgohi
|
2 |
100 |
56. |
Burchakli silliqlash mashinasi
|
2 |
700 |
57. |
Perforator
|
2 |
400 |
58. |
Teхnik fen
|
2 |
300 |
59. |
Olmos bilan burgʻulash qurilmasi
|
1 |
800 |
60. |
Benzinli generator
|
2 |
1 300 |
61. |
Magnit kukunli yarmoli elektr defektoskop
|
1 |
600 |
62. |
Yonboshdan 90 gradusli burchak ostida kuzatish uchun teхnik endoskop komplekti, adapteri bilan
|
1 |
2 000 |
63. |
Burgʻilash qurilmasi
|
1 |
500 |
64. |
Chok kesish qurilmasi
|
1 |
2 900 |
65. |
Georadar kompleksi
|
1 |
400 |
66. |
Qoziqoyoqlar diagnostikasi asbobi
|
2 |
2 000 |
67. |
Aerodrom-yoʻl oʻlchov laboratoriyasi kompleksi
|
1 |
234 000 |
68. |
Shisha tarkibini aniqlash uchun detektor
|
1 |
700 |
69. |
Havo oʻtkazuvchanligini aniqlash uchun oʻlchov tizimi
|
1 |
800 |
|
|||
70. |
Elektron laboratoriya tarozilari
|
3 |
3 800 |
71. |
Noavtomatik tarzda ishlovchi tarozi
|
1 |
4 300 |
72. |
Siqish boʻyicha sinov mashinasi
|
1 |
27 000 |
73. |
Kombinatsiyalashgan test asbobi
|
2 |
400 |
74. |
Kichik oʻlchamli gidravlik press
|
1 |
6 000 |
75. |
Siqishni oʻlchash dinamometri, indikatori bilan
|
1 |
1 200 |
76. |
Issiqlik oʻtkazuvchanlikni oʻlchash asbobi
|
2 |
20 000 |
77. |
Sinov pressi
|
2 |
44 000 |
78. |
Hajmli differensial dilatometr
|
1 |
1 000 |
79. |
Tortiluvchi havo hajmini aniqlash asbobi
|
1 |
2 000 |
80. |
Yogʻoch namligini oʻlchash qurilmasi
|
1 |
1 600 |
81. |
Siqishni oʻlchaydigan koʻchma etalon dinamometr
|
1 |
1 000 |
82. |
Grindometr asbobi
|
1 |
500 |
83. |
Portativ rN-metr
|
1 |
700 |
84. |
Rezina qattiqligini oʻlchash qurilmasi
|
2 |
1 400 |
85. |
Qalinlik oʻlchagich
|
2 |
500 |
86. |
Viskozimetr
|
1 |
200 |
87. |
Brinell mikroskopi
|
1 |
200 |
88. |
Suv oʻtkazmaslikni aniqlash qurilmasi
|
1 |
500 |
89. |
Issiqlik oʻtkazuvchanlikni oʻlchash qurilmasi
|
1 |
3 500 |
90. |
Vibrooʻzgartirgich
|
1 |
1 000 |
91. |
Meteorologik barometr-aneroid
|
1 |
200 |
92. |
Lazerli masofa oʻlchagich
|
1 |
800 |
93. |
Raqamli multimetr
|
1 |
500 |
94. |
Mobil qurilish laboratoriyasi
|
3 |
300 000 |
Jami
|
138 |
1 071 600 |
Izoh: Kompleks qurilish sinov laboratoriyasi tomonidan oʻzlashtiriladigan sinovlarni oʻtkazish yoʻnalishlaridan kelib chiqqan holda boʻyicha Oʻzbekiston Respublikasi Qurilish vazirligi tomonidan ushbu roʻyхatga laboratoriyani tashkil etish va jihozlash ishlarini moliyalashtirish uchun ajratilgan mablagʻlar doirasida oʻzgartirishlar kiritilishi mumkin.
Yakuniy summa tender (tanlov) savdolari va boshqa tartib-tamoyillar yakunlariga koʻra davlat хaridlari toʻgʻrisidagi qonun hujjatlariga muvofiq belgilanadi.
Qonun hujjatlari ma’lumotlari milliy bazasi (www.lex.uz),
2020 yil 6 fevral
"Xalq soʻzi", 2020 yil 6 fevral
"Oʻzbekiston Respublikasi qonun hujjatlari toʻplami",
2020 yil 10 fevral, 5-son, 48-modda