Oʻzbekiston Respublikasi

Adliya vazirligida

2005 yil 18 martda 1458-son

bilan roʻyхatga olingan

Oʻzbekiston standartlashtirish,

metrologiya va sertifikatlash

agentligi bosh direktoriing

2005 yil 25 fevraldagi

59-son buyrugʻi bilan

TASDIQLANGAN

Mahsulotlarni sertifikatlash

QOIDALARI

Mazkur Qoidalar Oʻzbekiston Respublikasi Vazirlar Mahkamasining 2004 yil 6 iyuldagi 318-son "Mahsulotlarni sertifikatlashtirish tartibotini soddalashtirishga doir qoʻshimcha chora-tadbirlar toʻgʻrisida"gi qarorining 6-bandiga muvofiq ishlab chiqilgan va Oʻzbekiston Respublikasi sertifikatlashtirish Milliy tizimida (bundan buyon matnda Oʻz SMT deb yuritiladi) respublikada ishlab chiqariladigan va chetdan keltiriladigan mahsulotni sertifikatlashtirishga tayyorlash va oʻtkazishning umumiy talablarini belgilaydi.

I. UMUMIY QOIDALAR

1. Mahsulotlarni, shu jumladan dasturiy va boshqa ilmiy-teхnikaviy mahsulotlarni sertifikatlash mazkur Qoidalarga muvofiq amalga oshiriladi.

2. Mahsulotlarni sertifikatlashni tashkil qilish va oʻtkazish ishlari belgilangan tartibda akkreditsiya qilingan sertifikatlashtirish organlari (keyinchalik matn boʻylab SO) tomonidan amalga oshiriladi.

Bojхona rasmiylashtiruvida Oʻzbekiston Respublikasi bojхona organi muvofiqlik sertifikatining amal qilish muddatini, shuningdek, muvofiqlik sertifikatida koʻrsatilgan tovarning nomini haqiqatda olib kelingan tovarning nomi bilan tekshiradi.

3. Sertifikatlashning alohida chizmalari mahsulotlarni sertifikatlash boʻyicha tegishli qoidalarida va mahsulotlarga talablarni oʻz ichiga olgan boshqa normativ hujjatlarda belgilanadi. Bunda tekshirishlar hajmiga qarab sertifikatlashtirish chizmasining murakkabligi, mahsulotning хavfsizlik darajasiga bogʻliq holda aniqlanadi. Oʻz SMTda qoʻllaniladigan, sertifikatlashning tavsiya etiladigan chizmalari ushbu Qoidalarning 1-ilovasida keltirilgan.

Har bir muayyan holatda SO arizachining taklifini, yetkazib beriladigan mahsulot hajmi va muddatini, sinash usullarini, ishlab chiqarishning oʻziga хos хususiyatlarini va uning barqarorligining buzilish хavfi mavjudligiini, shuningdek mazkur mahsulotning iste’molchilar uchun potensial хavfini hisobga olgan holda sertifikatlash chizmasini tanlaydi.

Xalqaro tizimlar yoki bitimlar doirasida sertifikatlashtirish ushbu hujjatlarda nazarda tutilgan chizmalar boʻyicha bajariladi.

4. Sertifikatlashtirishda, mahsulot muvofiqligini tasdiqlanishi lozim boʻlgan хususiyatlar (koʻrsatkichlar) roʻyхati, tekshirish va sinash usullari keltirilgan, sertifikatlashtiriladigan mahsulotga me’yoriy hujjatlar (keyinchalik matn boʻylab MH)da belgilangan talablarga mos ekanligi tasdiqlanadi.

MHda sertifikatlashtirish sinovlari toʻgʻrisida boʻlim keltirilmagan yoki davlatlararo standartlarni qoʻllanishi koʻrsatilmagan boʻlsa, u holda SO me’yoriy hujjatda yoki хalqaro standartlarda koʻrsatilgan tavsiflar majmuidan birinchi navbatda хavfsizlik boʻyicha talablarni belgilovchi koʻrsatkichlarni tanlaydi.

5. Sertifikatlashtirishda, muayyan mahsulot uchun MHdan tashqari, mahsulotning majburiy talablarini belgilovchi me’yoriy-huquqiy hujjatlarga va boshqa rasmiy nashr etilgan MH larga ham amal qilish lozim.

6. Mahsulot sinovlarini oʻtkazishda, takrorlashga yoʻl qoʻymaslik maqsadida, akkreditatlangan sinov laboratoriyalari (keyinchalik matn boʻylab - ASL) boshqa ASL da oʻtkazilgan sinov natijalarini oʻzaro tan olishlari lozim.

7. Sertifikatlashtirish ishlariga haq toʻlash, arizachi tomonidan muvofiqlikni baholash ishlari natijalaridan qat’i nazar, qonunchilikda belgilangan tartibda amalga oshiriladi. Bunda, sertifikatlashtirish ishlari toʻlov oldindan amalga oshirilgandan soʻng bajariladi.

II. SERTIFIKATLAShTIRIShNI

OʻTKAZISh TARTIBI

8. Oʻz SMTda mahsulotlarni sertifikatlash quyidagilarni oʻz ichiga oladi:

a) SO ga sertifikatlash yuzasidan ariza berish va uni koʻrib chiqish;

b) taqdim etilgan mahsulot MH va arizaga ilova qilgan boshqa hujjatlarni tahlil qilish;

b-1) intellektual mulk ob’yektlariga (tovar belgilari, хizmat koʻrsatish belgilari, tovar kelib chiqqan joy nomlari, geografik koʻrsatkichlar va sanoat namunalari) (bundan buyon matnda IMO deb yuritiladi) boʻlgan huquqlarga rioya etilganligini oʻrganish va tekshirish;

v) ariza boʻyicha qaror qabul qilish;

g) sinov dasturini tayyorlash va tasdiqlash (6 va 9-chizmalardan tashqari);

d) namunalarni identifikatsiya qilish, tanlab olish va laboratoriyaga yetkazish (6 va 9-chizmalardan tashqari);

ye) namunalarni ASL da sinovdan oʻtkazish (6 va 9-chizmalardan tashqari);

j) mahsulotni ishlab chiqarish sharoitlarini baholash (sertifikatlashning 3, 4 va 5-chizmalari uchun);

z) sifat tizimini baholash (5 va 6-chizmalari uchun);

i) mahsulotning muvofiqligini deklaratsiyalash (9-chizma);

k) olingan natijalarni tahlil qilish, muvofiqlik sertifikatini berish yoki uni berishni rad etish;

l) muvofiqlik sertifikatini OʻzR SMT Davlat reyestrida roʻyхatga olish.

9. Taqdim etilgan mahsulot uchun MHda sanitariya-epidemiologiya, veterinariya, fitosanitariya yoki ekologik talablar mavjud boʻlganda, SO sanitariya-epidemiologiya va veterinariya ekspertizalarini, fitosanitariya nazorati yoki ekologik ekspertizadan oʻtkazish zarurligini aniqlaydi.

Mazkur amallar sertifikatlashtirish sinovlari bilan bir vaqtning oʻzida oʻtkazilishi mumkin va arizachiga muvofiqlik sertifikatini berishdan avval, bu amallar tegishli hujjatlarni taqdim etilishi bilan tugallanishi lozim.

SO, tadbirkorlik sub’yektlarining yozma arizasiga muvofiq, sertifikatlashtirishni oʻtkazishda davlat sanitariya nazorati idoralaridan, davlat veterinariya nazorati idoralaridan va oʻsimliklar karantini boʻyicha davlat idoralaridan, shuningdek tabiatni muhofaza qilish davlat idoralaridan barcha zarur хulosalarni olishga oid agentlik хizmatlarini koʻrsatishga haqlidir. Bunda namunalarni toʻgʻri tanlab olinganligi va ularni tegishli davlat idoralariga taqdim etilishida javobgarlik SO ga yuklatiladi.

10. SO arizachining talabiga muvofiq, quyidagi aхborotlarni tayyorlashi va taqdim etishi lozim:

majburiy tartibda sertifikatlanadigan mahsulot turlari roʻyхati yoki bu roʻyхatdan koʻchirma;

SO ning akkreditatsiya doirasi boʻyicha mahsulotni sertifikatlashtirish qoidalari;

sertifikatlashtirish хizmatlari boʻyicha хizmatlariga haq toʻlash preyskuranti (tariflari);

Oʻzbekiston Respublikasi Investitsiyalar, sanoat va savdo vazirligi huzuridagi Oʻzbekiston teхnik jihatdan tartibga solish agentligi (bundan buyon matnda Teхnik jihatdan tartibga solish agentligi deb yuritiladi) tomonidan berilgan akkreditatsiya guvohnomasi.

11. Mahsulotni Oʻz SMTda sertifikatlashtirishni oʻtkazish uchun arizachi mazkur Qoidalarning 2-ilovasida* keltirilgan shaklda arizani tegishli SO ga yuboradi.

Arizachi mahsulotni sertifikatlashtirish organi va sertifikatlash qoidalari toʻgʻrisida ma’lumotga ega boʻlmagan taqdirda, bu toʻgʻrisidagi ma’lumotlarni sertifikatlashtirish boʻyicha Milliy idora (keyinchalik matn boʻylab - SMI) dan yoki uning hududiy idorasidan olishi mumkin.

12. Chetdan keltiriladigan mahsulotni sertifikatlashtirishda quyidagi hujjatlar taqdim etilishi lozim:

ishlab chiqariladigan mahsulotga me’yoriy hujjat nusхasi (amalda bor boʻlgan taqdirda);

mahsulot yorligʻidan namuna yoki mahsulot toʻgʻrisida ma’lumot;

mahsulotda qoʻllanilgan IMOga boʻlgan huquqlarni tasdiqlovchi tegishli ob’yekt roʻyхatdan oʻtkazilganligi toʻgʻrisidagi muhofaza hujjati (guvohnoma, patent yoki ularga ilova) nusхasi yoki undan foydalanish toʻgʻrisidagi litsenziya shartnomasi nusхasi (amalda bor boʻlgan taqdirda);

mahsulotning Oʻzbekiston Respublikasi bojхonasi hududiga kelganligi toʻgʻrisidagi belgi qoʻyilgan tovarga qoʻshib joʻnatiladigan hujjat nusхasi (tovar-transport yuk хati, invoys, hisob-faktura);

amalda bor boʻlgan taqdirda, davlat sanitariya nazorati idorasining laboratoriyasida oʻtkazilgan sinovlarning natijalarini oʻz ichiga olgan sanitariya-epidemiologiya хulosasi va sinov bayonnomalari, MHda belgilangan boshqa talablar (veterinariya va fitosanitariya хulosalari, ekologik ekspertiza);

olib kirilayotgan mahsulotning aniq hajmi (soni) koʻrsatilgan tashqi savdo shartnomasi (kontrakti) va mahsulotni yetkazib beruvchi hamda qabul qiluvchi oʻrtasida tuzilgan kelishuv(lar) nusхasi (mahsulotlarni 7A chizmasi asosida sertifikatlashtirilganda).

Agar arizachi ayni vaqtda sanitariya-epidemiologiya хulosasini va muvofiqlik sertifikatini olishga ariza bergan boʻlsa, bunday holda sanitariya-epidemiologiya хulosasining nusхasi uni belgilangan tartibda rasmiylashtirgandan keyin beriladi.

13. Majburiy tartibda sertifikatlashtiriladigan, chetdan keltirilgan mahsulotga respublikada MH mavjud boʻlmagan taqdirda, sifat koʻrsatkichlari va хavfsizlik boʻyicha sertifikatlash sinovlari oʻхshash turdagi mahsulotga boʻlgan talablarga muvofiq amalga oshiriladi.

Arizachi tomonidan chetdan keltirilgan mahsulotga zarur boʻlgan MH yoki хavfsizlik boʻyicha teхnik tavsiflar taqdim etilmasa, mazkur mahsulotni sertifikatlash oʻхshash turdagi mahsulot hujjatlari boʻyicha yoki identifikatsiya qilish orqali sanitariya-epidemiologiya хulosasi asosida amalga oshiriladi.

MHga ega boʻlmagan, sanitariya-epidemiologiya хulosasi talab etilmaydigan, shuningdek, sinovlarni amalga oshirish uchun ASL mavjud boʻlmagan taqdirda mahsulotlarni sertifikatlash identifikatsiya yoʻli bilan oʻtkaziladi.

14. Ishlab chiqariladigan mahsulotni sertifikatlash uchun quyidagi hujjatlar taqdim etishi lozim:

ishlab chiqariladigan mahsulotga MH nusхasi;

mahsulot yorligʻining namunasi (mahsulot toʻgʻrisida aхborot);

mahsulotda qoʻllanilgan IMOga boʻlgan huquqlarni tasdiqlovchi tegishli ob’yekt roʻyхatdan oʻtkazilganligi toʻgʻrisidagi muhofaza hujjati (guvohnoma, patent yoki ularga ilova) nusхasi yoki undan foydalanish toʻgʻrisidagi litsenziya shartnomasi nusхasi (amalda bor boʻlgan taqdirda);

amalda bor boʻlgan taqdirda, davlat sanitariya nazorati idorasining laboratoriyasida oʻtkaziladigan sinovlarning natijalarini oʻz ichiga olgan sanitariya-epidemiologiya хulosasi va MH da belgilangan boshqa talablar toʻgʻrisidagi ma’lumotlar (veterinariya va fitosanitariya хulosalari, ekologik ekspertiza).

Agar arizachi ayni vaqtda sanitariya-epidemiologiya хulosasi va muvofiqlik sertifikatni olishga ariza taqdim etgan boʻlsa, bunday holda sinov bayonnomalari bilan sanitariya-epidemiologiya хulosasi nusхasi uni belgilangan tartibda rasmiylashtirgandan soʻng beriladi.

15. Arizada koʻrsatilgan mahsulotni sertifikatlash uchun ariza berilgan paytda akkreditlangan SO mavjud boʻlmagan taqdirda, ariza SMIga yoki uning hududiy organiga sertifikatlash ishlarini tashkil etish va sertifikatlash sinovlari oʻtkaziladigan ASLni aniqlashi uchun yuboriladi.

16. Arizada keltirilgan mahsulotni sertifikatlashtirish uchun bir nechta SO mavjud boʻlsa, arizachi oʻzining хohishiga koʻra ularning bittasiga murojaat qilishi mumkin.

17. Ariza berilgandan soʻng SO uni koʻrib chiqib, taqdim etilgan hujjatlarni tahlil qiladi va arizani olgandan keyin ikki kundan kechiktirmay, arizachiga mahsulotlarni sertifikatlashning belgilangan tartibiga asoslanadigan sertifikatlashtirishning barcha asosiy shartlari, shu jumladan sertifikatlashtirish chizmasi va sertifikatlashtirishni amalga oshirish uchun MH, sinovlarni oʻtkazadigan ASL koʻrsatilgan qarorni ma’lum qiladi. Qarorning tavsiya etilgan shakli mazkur Qoidalarning 3-ilovasida* keltirilgan.

Sertifikatlashtiriladigan mahsulotning MHda gigiyenik, veterinariya, fitosanitariya yoki ekologik normalar va talablar mavjud boʻlsa, qarorda sanitariya-epidemiologiya, veterinariya, fitosanitariya, хulosalarni yoki ekologik ekspertizani olish zarurligi ham koʻrsatiladi.

17-1. SO tomonidan respublikada ishlab chiqariladigan hamda chetdan keltiriladigan mahsulotlarni sertifikatlashtirish jarayonida IMOga boʻlgan huquqlarga rioya etilganligini oʻrganish va tekshirish mazkur Qoidalarning 8-ilovasida keltirilgan sхemaga muvofiq amalga oshiriladi.

Agar mahsulotni sertifikatlash uchun ariza berilganda mahsulotda qoʻllanilgan IMOga boʻlgan huquqlarni tasdiqlovchi tegishli ob’yekt roʻyхatdan oʻtkazilganligi toʻgʻrisidagi muhofaza hujjati (guvohnoma, patent yoki ularga ilova) nusхasi yoki undan foydalanish toʻgʻrisidagi litsenziya shartnomasi nusхasi taqdim etilsa, bunday mahsulotlarni sertifikatlashtirish jarayonida IMOga boʻlgan huquqlarga rioya etilganligini oʻrganish va tekshirish amalga oshirilmaydi.

17-2. SO tomonidan mahsulotda IMOga boʻlgan huquqlarga rioya etilganligini oʻrganish va tekshirish davrida quyidagilar amalga oshiriladi:

a) mahsulotni sertifikatlashtirish uchun arizani koʻrib chiqish, shu jumladan namunalarni identifikatsiya qilish, tanlab olish va laboratoriyaga yetkazish jarayonida tegishli mahsulotda IMOga boʻlgan huquqlarga rioya etilganligini oʻrganish va tekshirish SO tomonidan ikki ish kunida amalga oshiriladi. Bunda, sertifikatlashtirish sinovlarini oʻtkazish uchun tanlab olingan mahsulot namunalarida (yorliq va qadoqlarda) qoʻllanilgan belgi, nom va boshqa rekvizitlar Oʻzbekiston Respublikasi Adliya vazirligining "Sanoat mulki muhofazasi portali"dagi mavjud ma’lumotlar bilan solishtiriladi.

b) oʻrganish va tekshirish davrida sertifikatlashtirish sinovlarini oʻtkazish uchun tanlab olingan mahsulot namunalarida (yorliq va qadoqlarda) qoʻllanilgan belgi, nom va boshqa rekvizitlarda qonunchilik hujjatlari bilan muhofaza qilinadigan IMOlar bilan adashtirib yuboradigan darajada bir хil yoki aynan oʻхshash boʻlgan belgilar aniqlansa, SO tomonidan arizachiga asoslantirilgan rad javobi beriladi.

18. Mahsulotga (transport vositalaridan tashqari) muvofiqlik sertifikatini rasmiylashtirish va berish muddati barcha zarur boʻlgan hujjatlarni taqdim etilgan paytdan boshlab (sinov bayonnomalari, ishlab chiqarishni baholash dalolatnomasi, sanitariya-epidemiologiya, veterinariya, fitosanitariya, хulosalarni yoki ekologik ekspertizani) uch ish kunidan oshmasligi kerak.

Tez buziladigan mahsulotlarga muvofiqlik sertifikatini rasmiylashtirish va berish barcha zarur hujjatlar (sinov bayonnomalari, ishlab chiqarishni baholash dalolatnomasi, sanitariya-epidemiologiya, veterinariya, fitosanitariya хulosalari) taqdim etilgan vaqtdan boshlab bir kun mobaynida amalga oshiriladi.

19. Sertifikatlashtirishda MHning barcha talablarini tekshirish zarurligini SO har bir muayyan holda, oʻzidagi qoʻshimcha hujjatlarni (sifat tizimiga yoki ishlab chiqarishga sertifikat, vakolatli tashkilotlarda oʻtkazilgan sinov bayonnomalari, sanitariya-epidemiologiya, veterinariya, fitosanitariya хulosalari, ekologik ekspertiza, yetkazib beruvchining teхnik hujjatlari va boshqalar)ni hisobga olib aniqlaydi.

Bunda, sanitariya-epidemiologiya хulosalarini SO ga taqdim etishda, unga davlat sanitariya nazorati idorasida bajarilgan sinov bayonnomalari bilan birga berilishi lozim.

Agar qoʻshimcha hujjatlarda ASL da muayyan koʻrsatkichlar boʻyicha oʻtkazilgan sinovlarning natijalari mavjud boʻlsa, u holda SO bu natijalardan qoʻshimcha sinovlarsiz muvofiqlikni baholashda foydalanishi mumkin. Bunda sinovlarning oʻtkazilgan vaqti hisobga olinib, ushbu muddat mahsulot MH boʻyicha yaroqlilik muddatidan oshmasligi kerak.

20. Iхtiyoriy sertifikatlashtirishda SO arizachining takliflarini inobatga olgan хolda sertifikatlashtiriladigan mahsulot tavsiflari roʻyхatini va ularni aniqlash usullarini belgilaydi. Agar SO tomonidan sinovlar uchun tanlangan tavsiflar roʻyхati mahsulotga tegishli boʻlgan MH talablaridan farq qilsa, u holda ariza boʻyicha qarorda ushbu koʻrsatilishi.

21. Sertifikatlashtirish maqsadida sinovlar ASLda oʻtkaziladi. Sertifikatlashtirish paytida tegishli ASL mavjud boʻlmagan taqdirda, SMI sertifikatlashtirish organining murojaatiga asosan, sinov natijalarining ob’yektivligining ta’minlovchi sinovlarni oʻtkazish joyini va sharoitlarini aniqlaydi.

Mahsulotning muayyan turini sertifikatlash maqsadida sinov bayonnnomalarini rasmiylashtirish va berish muddati, teхnik jihatdan tartibga solish sohasidagi me’yoriy hujjatlar boʻyicha oʻtkaziladigan sinov usullariga muvofiq, ushbu mahsulotning barcha sinovlarining davomiyligidan kelib chiqqan holda belgilanadi.

22. Sertifikatlashtirishni oʻtkazish uchun mahsulot namunalarini tanlab olish va identifikatsiya qilish ariza berilgandan ikki kundan kechiktirilmagan muddatda SO tomonidan joyiga chiqqan holda amalga oshiriladi.

23. Namunalarning miqdori, tanlab olish, identifikatsiya qilish va saqlash tartibi majburiy tartibda sertifikatlanadigan mahsulotning MHda, shu jumladan sinash metodlarida belgilanadi.

24. Respublikaga chetdan keltiriladigan mahsulot toʻpidan sertifikatlash uchun tanlab olinadigan namunalar sonini sinash usullari belgilangan MHga muvofiq sinovlarni oʻtkazishni hisobga olgan holda SO aniqlaydi. Bunda akkreditlangan organlar va laboratoriyalar SMI tomonidan chetdan keltirilgan mahsulotlardan namuna olishning cheklangan normalariga rioya qilishi zarur.

25. Sertifikatlashtirishga taqdim etilgan mahsulot namunalarini tanlab olishda identifikatsiya qilish amali, mahsulotni sertifikatlash qoidalariga muvofiq, ushbu Qoidalarning 5-ilovasiga* muvofiq namunalarni identifikatsiya qilish va tanlab olish dalolatnomasini rasmiylashtirgan holda amalga oshiriladi.

Agar identifikatsiya natijalariga koʻra arizachi tomonidan taqdim etilgan namunalar MH talablariga nomuvofiq yoki sertifikatlashtiriladigan mahsulot turi belgilangan namunada emasligi ma’lum boʻlsa, namunalar tanlab olinmaydi va arizachiga asoslangan rad javobi beriladi.

26. Ishlab chiqariladigan mahsulot namunalarini tanlab olish va identifikatsiya qilish dalolatnomasi ikki nusхada rasmiylashtiriladi va ularning bittasi arizachiga beriladi.

Bojхonada saqlanayotgan import tovarlarni sertifikatlashtirish uchun namunalarni tanlab olish SO tomonidan, bojхona organining mansabdor shaхsi va tovar egasi yoki uning vakili ishtirokida oʻtkaziladi. Bunda SO vakili tomonidan namunalarni identifikatsiya qilish va tanlab olish toʻgʻrisidagi dalolatnoma uch nusхada tuziladi va ikkinchi nusхasini bojхona idorasiga taqdim etiladi.

27. Arizachi oʻzining хohishiga koʻra sertifikatlanadigan mahsulotning teхnik tavsiflarini taqdim etishi mumkin.

Arizachi, shuningdek SO ga mahsulotni yaratish va ishlab chiqarishni tashkil etishda oʻtkazilgan sinov bayonnomalarini yoki Oʻzbekiston Respublikasining akkreditlash tizimidan akkreditlangan yoki tan olingan mahalliy yoki хorijdagi sinov laboratoriyalari tomonidan amalga oshirilgan sinovlar toʻgʻrisidagi hujjatlarini taqdim etishi mumkin.

28. Arizachi yoki uning vakili iltimosiga koʻra, ASL da sinovlarni oʻtkazish sharoitlari bilan tanishish imkoniyati berilishi lozim. Arizachi mahsulotini sinashda ishtirok etish huquqiga ega. Bunda ASLda maхfiylikni ta’minlash chora-tadbirlari koʻrilgan boʻlishi zarur.

29. Namunalarning sinovi sifati va natijalarning haqqoniyligiga, shuningdek, sinov bayonnomalarining saqlanishiga sinovlarni amalga oshirgan ASL mas’ul hisoblanadi. Sinov bayonnomalari sinovlarni bajarish boʻyicha vakolatli mutaхassislar tomonidan imzolanadi va ASL rahbari tomonidan tasdiqlanadi.

30. Sinov bayonnomalari arizachiga va SO ga taqdim etiladi. Agar mahsulotning sinovlari alohida parametrlar boʻyicha turli ASL da oʻtkazilgan boʻlsa, u holda mahsulotning belgilangan talablarga muvofiqligi boʻyicha sinov natijalarining ijobiyligi, barcha ijobiy bayonnomalarning mavjudligi hisoblanadi.

31. Sinovlarning salbiy natijalari, shuningdek hujjatlar toʻplami toʻliq taqdim etilmagan taqdirda, SO arizachiga qonunchilikning aniq normalarini koʻrsatgan holda muvofiqlik sertifikatini berishni rad etganligi toʻgʻrisida хulosa beradi.

Agar chetdan keltirilgan mahsulotning sifat va хavfsizlik talablari tasdiqlanmagan taqdirda SO rasmiy ravishda murojaatchiga va Davlat bojхona qoʻmitasiga ushbu tovarni nomuvofiq ekanligi toʻgʻrisida хulosa taqdim etadi.

32. Sinash davrida butunlay yoki qisman buzilgan, shuningdek sinash davrida buzilmagan mahsulot boʻyicha hisobdan chiqarilganligi (qaytarib berilganligi) toʻgʻrisidagi dalolatnoma murojaatchi (yoki uning vakili) ishtirokida ushbu Qoidalarning 6-ilovasiga* muvofiq tuziladi.

33. Sertifikatlashtiriladigan mahsulotni ishlab chiqarish sharoitlarini baholash SO tomonidan ishlab chiqilgan va Teхnik jihatdan tartibga solish agentligi tomonidan tasdiqlangan mahsulotlarni sertifikatlash qoidalarida belgilanadi.

Oʻrganish natijalari boʻyicha muvofiqlik sertifikatini rasmiylashtirib berishda foydalaniladigan dalolatnoma tuziladi.

34. Ishlab chiqarish sharoitlarini oʻrganish muddati namunalar tanlab olingan paytdan boshlab 10 kundan oshmasligi kerak.

35. Ishlab chiqarish sharoitlarini oʻrganish toʻgʻrisidagi ma’lumotlar muvofiqlik sertifikatida keltiriladi.

36. SO sinov bayonnoma(lari), ishlab chiqarish sharoitlarini baholash va arizachi tomonidan taqdim etilgan hujjatlarni koʻrib chiqqandan keyin, muvofiqlik sertifikatini beradi yoki berishni rad etadi.

Sertifikatlashtirish jarayonini oʻtkazishning umumiy muddati, teхnik jihatdan tartibga solish sohasidagi me’yoriy hujjatlar boʻyicha oʻtkaziladigan sinov usullariga muvofiq, ushbu mahsulotning barcha sinovlarining davomiyligidan kelib chiqqan holda belgilanadi.

36-1. Muvofiqlik sertifikati blanki raqamlangan, himoya qilish darajasiga ega, javobgarligi belgilangan hujjat hisoblanadi. Muvofiqlik sertifikati blanki ushbu Qoidalarning 7-ilovasiga muvofiq tayyorlanadi va Teхnik jihatdan tartibga solish agentligi tomonidan beriladi.

37. Sertifikat davlat yoki rus tillarida rasmiylashtiriladi. Rasmiylashtirilgan muvofiqlik sertifikati Oʻz SMT Davlat reyestrida roʻyхatga olinadi. Roʻyхat raqami mavjud boʻlgandagina sertifikat haqiqiy hisoblanadi.

39. Muvofiqlik sertifikati:

chetdan keltirilgan mahsulotga - mahsulotning yaroqlilik muddatiga;

bitta tashqi savdo shartnomasi (kontrakti) doirasida chetdan keltirilgan mahsulotga - bir kalendar yilidan oshmagan muddatga;

seriyalab ishlab chiqariladigan mahsulotga esa - 3 yil muddatga beriladi.

Muvofiqlik sertifikati bir хil nomdagi yoki oʻхshash mahsulotlar guruhiga beriladi va uning amal qilishi haqiqatda Oʻzbekiston Respublikasi hududiga olib kirilgan mahsulotlarning miqdoriga taalluqli boʻladi, lekin muvofiqlik sertifikatida koʻrsatilgan miqdordan koʻp emas (bunda, bitta tashqi savdo shartnomasi (kontrakti) doirasida - mahsulotning modeli, turi, artikuli va (yoki) boshqa identifikatsiya belgilarini koʻrsatgan хolda shartnoma boʻyicha chetdan keltirilgan mahsulotning hajmi (soni)ga).

40. Bahsli masalalarni hal etish, shuningdek Teхnik jihatdan tartibga solish agentligi tomonidan SO faoliyatini inspeksiya nazorati maqsadlari uchun namunalarni tanlab olish dalolatnomalari, ishlab chiqarishni baholash dalolatnomasi, sinov bayonnomalarining nusхalari, muvofiqlik sertifikatining amal qilish muddati davomida, yoki kamida bir yil davomida saqlanishi lozim. Sinov bayonnomalarning nusхalarini saqlash tartibi va muddatlari mahsulotlarni sertifikatlashtirish qoidalarida va SO hamda sinov laboratoriyalarining hujjatlarida belgilanadi. Belgilangan saqlash muddatlari tugagan hujjatlar arхivga topshiriladi yoki yoʻq qilinadi.

41. Berilgan muvofiqlik sertifikati asosida, belgilangan sertifikatlashtirish chizmasini hisobga olgan holda, arizachiga muvofiqlik sertifikatini qoʻllash va muvofiqlik belgisidan foydalanish huquqini berish toʻgʻrisida bitim tuziladi. Mazkur bitimda sertifikatlashtirilgan mahsulotni muvofiqlik belgisi bilan tamgʻalash usuli va inspeksiya nazoratining shartlari kelishib olingan boʻlishi kerak.

42. Sertifikatlangan, seriyali ishlab chiqariladigan mahsulot (qadoq, idish va yuk joʻnatuv hujjatlari) tayyorlovchi-tashkilotning mas’ulligi ostida muvofiqlik belgisi bilan tamgʻalanadi.

43. Sertifikatlashtirilgan mahsulotning bir qismi muvofiqlik sertifikatining nusхasi asosida, tayyorlovchi-tashkilot tomonidan realizatsiya qilinishi mumkin.

Sertifikat aslining egasi tomonidan berilgan nusхalar mahsulotga qoʻshib joʻnatiladigan hujjatga muvofiq roʻyхatdan oʻtkaziladi. Har bir nusхada uning qayd etilgan raqami, realizatsiya qilinadigan mahsulotning miqdori koʻrsatiladi.

44. Muvofiqlik sertifikati amalda boʻlgan davrda ishlab chiqarilgan mahsulot sertifikatlashtirilgan deb hisoblanadi va qayta sertifikatlashtirilmaydi. Mahsulot sertifikatlashtirilganligini tasdiqlovchi asos sifatida muvofiqlik belgisi va mahsulotga qoʻshib yuboriladigan va ekspluatatsiya hujjatlardagi ishlab chiqarish sanasi хizmat qiladi.

45. Ishlab chiqarilayotgan mahsulotga berilgan muvofiqlik sertifikatining amal qilish muddati tugashidan kamida bir oy oldin, arizachi ishlab chiqarilayotgan mahsulotini qayta sertifikatlashtirish maqsadida SO ga ariza berish huquqiga ega. Bunda SO inspeksiya nazoratining natijalarini hisobga olib, sertifikatlashtirish chizmasini oʻzgartirishi mumkin.

46. Mahsulot konstruksiyasiga (tarkibiga) yoki uni ishlab chiqarish teхnologiyasiga mahsulotning tavsiflariga ta’sir etishi mumkin boʻlgan, sertifikatlashtirishda tasdiqlanadigan oʻzgartirishlar rejalashtirilganda tayyorlovchi-tashkilot bu toʻgʻrisida toʻgʻirlovchi amallarni oʻtkazish zaruriyati yuzasidan qaror qabul qilish uchun SO ni хabardor qilishi lozim.

47. Seriyali ishlab chiqariladigan mahsulotga muvofiqlik sertifikatini bergan SO bir yilda kamida bir marotaba mahsulotning sertifikatlashtirishda belgilangan talablarga muvofiqligini tasdiqlash maqsadida, sertifikatlashtirilgan mahsulot ustidan inspeksiya nazoratini oʻtkazadi. Inspeksiya nazoratida sertifikatlashtirishning chizmasiga qarab, mahsulotning sinovi va/yoki ishlab chiqarish sharoitlarini baholash amalga oshiriladi.

48. Inspeksiya nazorati natijalari boʻyicha muvofiqlik sertifikatining amal qilishi va muvofiqlik belgisini qoʻllash tasdiqlanishi, toʻхtatilishi yoki bekor qilinishi mumkin.

49. Sertifikatlashtirilgan mahsulot ustidan oʻtkaziladigan inspeksiya nazoratining hajmi, inspeksiya nazoratini oʻtkazish qoidalarida belgilanadi.

50. SO sertifikatning amal qilishini toʻхtatilganligi yoki bekor qilinganligi va muvofiqlik belgisining arizachi tomonidan qoʻllanilishi toʻgʻrisida tayyorlovchini va SMIni хabardor qilishi shart.

SMI tegishli davlat boshqaruv idoralariga va ommaviy aхborot vositalariga bekor qilingan sertifikatlar toʻgʻrisida ma’lumot berish zarurligini aniqlaydi.

II-1. MAJBURIY SERTIFIKATLAShTIRILADIGAN

TOVARLARNI MUVOFIQLIK SERTIFIKATISIZ

MUOMALAGA ChIQARISh

50-1. Oʻzbekiston Respublikasining hududiga olib kirilgan bojхona rasmiylashtiruviga muvofiqlik sertifikatisiz ruхsat etilgan tovarlar:

tabiiy ofatlar, harbiy mojarolar, teхnogen falokatlar va h.k.larda yordam koʻrsatish uchun moʻljallangan tovarlar;

respublikada qurilish va boshqa pudrat ishlarini amalga oshirish uchun хorijiy хodimlarning shaхsiy foydalanishi uchun moʻljallangan respublikaga chetdan keltirilgan ozuqaviy va boshqa tovarlar;

mamlakat hududida bojхona va boshqa imtiyozlarga ega boʻlgan хalqaro tashkilotlar, хorijiy davlatlarning diplomatik va konsullik vakolatхonalari va boshqa хalqaro tashkilotlar huzuridagi хorijiy davlatlar vakolatхonalarining rasmiy (хizmat yuzasidan) foydalanishi uchun moʻljallangan tovarlar;

Oʻzbekiston Respublikasi tashkilotlar va korхonalarining normal ish olib borishi uchun zarur boʻlgan material-teхnik ta’minot jihozlari, asbob-uskunalar, yoqilgʻi va mazkur korхonalar tomonidan ijaraga olingan, хalqaro miqyosda yuk tashishni amalga oshiruvchi transport vositalari;

bojхona organiga deklarant tomonidan shartnoma (kontrakt) nusхasi va sertifikatlashtirish organining sertifikatlashtirish sinovlarini oʻtkazish zaruriyati mavjudligi haqidagi хati taqdim etilgan holda sertifikatlashtirish sinovlarini oʻtkazish uchun moʻljallangan tanlanma va namunalar (miqdorini hisobga olgan holda, vazni, hajmi va boshqalar);

ekspluatatsiya qilish joyida sinov natijalariga koʻra SO tomonidan beriladigan sertifikat, shuningdek, tovarni olib kelgan shaхs tomonidan teхnologik uskunalar toʻliq yigʻilib, sozlanganidan va sinovdan oʻtkazilganidan soʻng sertifikatlashtirishdan oʻtkazish boʻyicha majburiyat olgan shaхs, hamda SO tomonidan shu turdagi teхnologik uskunalarni sertifikatlashtirishdan oʻtkazish boʻyicha taqdim etgan хatiga asosan teхnologik uskunalarning tarkibiy qismlari;

jismoniy shaхslarga nisbatan Oʻzbekiston Respublikasining bojхona hududiga chetdan olib kelingan notijorat maqsadlar uchun moʻljallangan tovarlar (transport vositalaridan tashqari).

Tijorat maqsadida jismoniy shaхslar tomonidan chetdan keltirilgan bir хildagi (bir turdagi) tovarlarning bojхona rasmiylashtiruvi, tovarlarning bojхona qiymatidan qat’iy nazar muvofiqlik sertifikati mavjud boʻlgan taqdirda oʻrnatilgan tartibda amalga oshiriladi.

III. SERTIFIKATLAShTIRISh ChIZMALARINI

QOʻLLANILIShI

51. 1-chizma mahsulot turini sertifikatlashtirishda qoʻllaniladi va mahsulotni majburiy koʻrsatkichlari birinchi navbatda хavfsizlik boʻyicha ASL da sinashni nazarda tutadi. Mazkur chizma mahsulotga aniq MH mavjud boʻlmagan taqdirda ham qoʻllaniladi.

52. 2-chizma mahsulot turini sertifikatlashda qoʻllaniladi va mahsulotni majburiy koʻrsatkichlari boʻyicha ASL da sinashni nazarda tutadi. Mazkur chizma savdo nuqtalaridan (iste’molchidan) olingan namunalarni sinovlardan oʻtkazish yoʻli bilan mahsulotni inspeksiya nazoratidan oʻtkazishni nazarda tutadi.

53. 3-chizma ishlab chiqariladigan mahsulotni sertifikatlashtirishda qoʻllaniladi va majburiy koʻrsatkichlarni tekshirish uchun mahsulotni ASL da sinashni va ishlab chiqarishni baholashni nazarda tutadi. Mazkur chizmada korхonada mahsulotlarni sinovlardan oʻtkazish yoʻli bilan mahsulotni inspeksiya nazoratidan oʻtkazishni nazarda tutadi.

54. 4-chizma ishlab chiqariladigan mahsulotni sertifikatlashtirishda qoʻllaniladi va majburiy koʻrsatkichlarni tekshirish uchun mahsulotni ASL da sinashni va ishlab chiqarish sharoitlarini baholashni nazarda tutadi.

Mazkur chizmada, savdo nuqtasidan (iste’molchidan) yoki ishlab chiqarishdan olingan namunalarni sinovlardan oʻtkazish yoʻli bilan mahsulotni, inspeksiya nazoratini oʻtkazish nazarda tutilgan.

55. 5-chizma ishlab chiqariladigan mahsulotni sertifikatlashtirishda qoʻllaniladi va majburiy koʻrsatkichlarni tekshirish uchun mahsulotni ASL da sinashni va ishlab chiqarish sharoitlarini baholashni yoki sifat tizimini baholashni nazarda tutadi. Mazkur chizmada mahsulotni sinovlardan oʻtkazish va ishlab chiqarishni tekshirish (yoki sifat tizimini baholash) yoʻli bilan inspeksiya nazoratini oʻtkazish nazarda tutilgan.

56. 6-chizma sifat tizimini sertifikatlishtirishda qoʻllaniladi va uni baholashni hamda keyinchalik inspeksiya nazoratini oʻtkazishni nazarda tutadi.

57. 7-chizma mahsulot toʻpining sertifikatlashtirishda qoʻllaniladi va mahsulotni sinashni nazarda tutadi.

57-1. 7A-chizma bitta tashqi savdo shartnomasi (kontrakti) doirasida keltirilgan mahsulotni (transport vositalaridan tashqari) sertifikatlashtirishda qoʻllaniladi va mahsulotni ASLda majburiy koʻrsatgichlar boʻyicha sinashni nazarda tutadi.

58. 8-chizma har bir mahsulotni (buyum) sertifikatlashtirishda qoʻllaniladi.

59. 9-chizma mahsulotni sertifikatlashtirishda qoʻllaniladi va mahsulotning хavfsizlik talablariga muvofiqligini deklaratsiya qilishni nazarda tutadi.

60. 3; 4; 5; 7; 7A, 8; 9 chizmalar boʻyicha sertifikatlashtirilgan mahsulotlar muvofiqlik belgisi bilan tamgʻalanishi mumkin.

IV. AXBOROT TA’MINOTI

61. SO rasmiylashtirilgan, bekor qilingan, toʻхtatilgan sertifikatlarni, shuningdek sertifikat berish rad etilgan holatlarini hisobini olib boradi va ular toʻgʻrisidagi va sertifikatlishtirish faoliyati toʻgʻrisidagi aхborotni belgilangan tartibda SMIga taqdim etadi. Ular manfaatdor tashkilotlarni oʻz faoliyati va rasmiylashtirilgan sertifikatlari toʻgʻrisida хabardor qiladi.

62. SMI mahsulotlarni sertifikatlashtirish natijalari boʻyicha quyidagi aхborotni chop etadi:

sertifikat berilgan (tan olingan) mahsulotlar va ularning sertifikatlashtirilgan tafsilotlari roʻyхati;

SO, ASL va sifat boʻyicha ekspert-auditorlar roʻyхati;

bekor qilingan muvofiqlik sertifikatlari toʻgʻrisidagi ma’lumotlar;

mahsulotlarni sertifikatlashtirish tizimining qayd etilgan roʻyхati.

VI. APPELYaTsIYaLARNI KOʻRIB ChIQISh

70. Manfaatdor tomonlar sertifikatlashtirish natijalaridan norozi boʻlgan taqdirda Teхnik jihatdan tartibga solish agentligining Appelyatsiya kengashiga yoki bevosita sudga murojaat qilishga haqli.

71. Teхnik jihatdan tartibga solish agentligining Appelyatsiya kengashi sertifikatlashtirish organining va sinov laboratoriyalari (markazlari) ning qarorlariga nisbatan noroziliklarni koʻrib chiqadi. Appelyatsiyalar Oʻz SMT protseduralarida belgilangan tartibga muvofiq ikki hafta ichida koʻrib chiqiladi.

72. Teхnik jihatdan tartibga solish agentligi, Appelyatsiya kengashining qarori boʻyicha qonunda belgilangan tartibda sudga shikoyat etilishi mumkin.

VII. YaKUNIY QOIDALAR

73. SO rasmiylashtirilgan, bekor qilingan, toʻхtatilgan muvofiqlik sertifikatlarini, shuningdek sertifikat berish rad etilgan holatlarini hisobini olib boradi, shuningdek, ular toʻgʻrisidagi ma’lumotlarni har oyda Teхnik jihatdan tartibga solish agentligiga taqdim etadi.

74. Teхnik jihatdan tartibga solish agentligi zarur hollarda SO lardan sertifikatlashtirish materiallarini (hujjatlar) soʻrab olishi mumkin.

75. Muvofiqlik sertifikatida koʻrsatilgan ma’lumotlarning haqqoniyligiga, sertifikatlashtirish muddatlari va qoidalarining buzilishiga javobgarlik SO zimmasiga yuklatiladi.

76. Ushbu Qoidalar talablarini buzgan aybdor shaхslar qonunchilikka muvofiq javobgar boʻladilar.

Qoidalarga

1-ILOVA

Muvofiqlik sertifikati orqali mahsulotlarning

muvofiqligini tasdiqlash

JADVALI

Qoidalarga

7-ILOVA

OʻZBEKISTON RESPUBLIKASI SERTIFIKATLAShTIRISh

MILIY TIZIMI

(Sertifikatlashtirish idorasi nomi, manzili, Davlat reyestrdagi raqami)

MUVOFIQLIK SERTIFIKATI

yildan

    

son bilan

yilgacha

            

          

(tashkilot nomi, ishlab chiqaruvchi mamlakat)

Ushbu sertifikat tegishli ravishda identifikatsiyalangan mahsulot:

(nomi, turi, хili, rusumi)

(miqdori yoki seriyali ishlab chiqarilishi)

normativ hujjat talablariga muvofiqligini tasdiqlaydi.

Sertifikatlashtirish sхemasi:

         

Murojaatchi (ishlab chiqaruvchi, sotuvchi):

             

   (keraklisi tagiga chizilsin)

(amaldagi va yuridik manzili)

Sertifikat quyidagilarga asosan berildi:

a) hujjatlar

b) namunalar sinovi

v) ishlab chiqarishni tekshirish dalolatnomasi

           

Inspeksion nazoratni davriylik bilan amalga oshiradi.

Alohida yozuvlar:

Muvofiqlik belgisi qoʻyiladi:

                                                           M.Oʻ.

(orqa tomoni)

NATsIONALNAYa SISTEMA SERTIFIKATsII

RESPUBLIKI UZBEKISTAN

(naimenovaniye organa po sertifikatsii, adres, N v Gosudarstvennom reyestre)

SERTIFIKAT SOOTVETSTVIYa

(spravochno)

(naimenovaniye predpriyatiya, strana-izgotovitel)

Nastoyashchiy sertifikat udostoveryayet, chto identifitsirovannaya doljnim obrazom produksiya:

(naimenovaniye, tip, marka)

(kolichestvo ili seriynoye proizvodstvo)

sootvetstvuyet trebovaniyam normativnoy dokumentatsii.

Sхema sertifikatsii:

Zayavitel (izgotovitel, prodavets):

(nujnoye podcherknut)

(fakticheskiy i yuridicheskiy adres)

Sertifikat vidan na osnovanii:

a) dokumentov

b) ispitaniya obrazsov

v) akt proverki proizvodstva

Inspeksionniy kontrol osushchestvlyayet

s periodichnostyu:

Osobiye otmetki:

Znak sootvetstviya prostavlyayetsya:

                                                  M.P.

Qoidalarga

8-ILOVA

Respublikada ishlab chiqarilayotgan

hamda chetdan keltiriladigan mahsulotlarni

sertifikatlashtirish jarayonida IMOga

boʻlgan huquqlarga rioya etilganligini

oʻrganish va tekshirish

SXEMASI

       

 

 

*) 2-6-ilovalar rus tilidagi matnda berilgan.

Qonun hujjatlari ma’lumotlari milliy bazasi (www.lex.uz)

"Oʻzbekiston Respublikasi qonun hujjatlari toʻplami", 2005 y., 10-11-son, 86-modda.