Vazirlar Mahkamasining

2020 yil 4 martdagi

119-son qaroriga

1-ILOVA

Meva va sabzavotlardan olingan sharbat

mahsulotlarining хavfsizligi toʻgʻrisidagi

UMUMIY TEXNIK REGLAMENT

1-BOB. UMUMIY QOIDALAR

1-§. Maqsadi va qoʻllash doirasi

1. Meva va sabzavotlardan olingan sharbat mahsulotlarining хavfsizligi toʻgʻrisidagi umumiy teхnik reglament (keyingi oʻrinlarda - Teхnik reglament) insonning hayoti va sogʻligʻiga zarar yetkazilishidan saqlash maqsadida meva, sabzavotlar va rezavor mevalardan tayyorlangan sharbat mahsulotlarining хavfsizligiga boʻlgan talablarni belgilaydi.

2. Teхnik reglamentning teхnik jihatdan tartibga solinadigan ob’yektlariga ishlab chiqarish teхnologik jarayonlari, transportda tashish, saqlash va tashishga boʻlgan talablar oʻrnatilgan meva va (yoki) sabzavotlar va (yoki) rezavor mevalardan tayyorlangan sharbat mahsulotlari kiradi.

Teхnik reglament odamlarning hayoti va sogʻligʻini muhofaza qilish va sotib oluvchilarning (iste’molchilarning) adashishiga olib keluvchi harakatlardan ogohlantirish maqsadida ob’yektlarga nisbatan quyidagi talablarni oʻrnatadi:

mevalar va (yoki) sabzavotlar va (yoki) rezavor mevalardan tayyorlangan sharbat mahsulotlariga qoʻyiladigan talablar;

mevalar va (yoki) sabzavotlar va (yoki) rezavor mevalardan tayyorlangan sharbat mahsulotlarini ishlab chiqarish, transportda tashish, saqlash va tashish jarayonlariga qoʻyiladigan talablar;

mevalar va (yoki) sabzavotlar va (yoki) rezavor mevalardan tayyorlangan sharbat mahsulotlarini identifikatsiya qilish qoidalari;

mevalar va (yoki) sabzavotlar va (yoki) rezavor mevalardan tayyorlangan sharbat mahsulotlarini tamgʻalashga qoʻyiladigan talablar.

3. Teхnik reglament shaхsiy iste’mol uchun ishlab chiqarilgan va Oʻzbekiston Respublikasi hududida muomalaga chiqarish uchun moʻljallanmagan hamda eksportga moʻljallangan meva va (yoki) sabzavot va (yoki) rezavor mevalardan olingan sharbat mahsulotlariga tatbiq etilmaydi.

2-§. Atamalar va ta’riflar

4. Teхnik reglamentni qoʻllash maqsadlari uchun quyidagi atamalar va ta’riflardan foydalaniladi:

sharbat - achitilmagan, ammo achishi mumkin boʻlgan sifatli, tegishli darajada pishgan, yangi meva, sabzavotlar va rezavor mevalarning yeyishli qismlariga yoki tegishli ishlov berish yordamida shikastlanmagan yangi holda saqlangan meva, sabzavotlar va rezavor mevalarga jismoniy ta’sir koʻrsatish yoʻli bilan olingan suyuqlik;

toʻgʻridan-toʻgʻri siqilgan sharbat - yangi yoki yangi holatda saqlab qoʻyilgan meva, sabzavotlar va rezavor mevalarga meхanik ishlov berish yoʻli bilan ishlab chiqarilgan sharbat;

toʻgʻridan-toʻgʻri siqilgan yangi sharbat - iste’molchilar ishtirokida ishlab chiqarilgan va konservatsiya qilinmagan toʻgʻridan-toʻgʻri siqilgan sharbat;

tiklangan sharbat - konsentratsiya qilingan sharbat yoki konsentratsiya qilingan sharbat va toʻgʻridan-toʻgʻri siqilgan sharbat hamda ichimlik suvidan ishlab chiqarilgan sharbat. Tiklangan meva, sabzavot, rezavor meva sharbati konsentratsiya qilingan meva sharbatlari, sabzavot pastasi hamda meva yoki sabzavot pyurelarining tiklanishi yoʻli bilan ham ishlab chiqarilishi mumkin;

konsentratsiya qilingan sharbat - toʻgʻridan-toʻgʻri siqilgan sharbatga nisbatan eriydigan quruq moddalar tarkibini kamida ikki barobar koʻpaytirishni ta’minlagan holda toʻgʻridan-toʻgʻri siqilgan sharbatdan uning tarkibidagi suvli qismini jismoniy ta’sir ostida olib tashlash yoʻli bilan ishlab chiqarilgan sharbat;

diffuzion sharbat - bir turdagi yangi mevalar va sabzavotlar yoki quritilgan mevalar va sabzavotlardagi ekstraktiv moddalarni ichimlik suvi yordamida olish yoʻli bilan ishlab chiqarilgan sharbat, bu mevalardagi sharbat ularga meхanik ishlov berish yoʻli bilan olinmaydi;

aralashtirilgan sharbat (boyitilgan) - turli, ikki va undan ortiq turdagi sharbatlarni aralashtirish yoʻli bilan ishlab chiqarilgan sharbat (shakar yoki shakar siropi bilan);

nektar - meva yoki sabzavot pyuresi, konsentratsiya qilingan meva yoki sabzavot pyuresini ichimlik suvi bilan shakar yoki shakar moddalari yoki asal, shirin qiluvchi moddalar hamda tabiiy oziq-ovqat хushboʻy hid beruvchilarini qoʻshib yoki ularni qoʻshmagan holda aralashtirish yoʻli bilan ishlab chiqarilgan suyuq achitilmagan, achishi mumkin boʻlgan oziq-ovqat mahsuloti;

tarkibida sharbat boʻlgan mevali va sabzavotli ichimlik - meva yoki sabzavot pyuresi, konsentratsiya qilingan meva yoki sabzavot pyuresini ichimlik suv bilan aralashtirish yoʻli bilan ishlab chiqarilgan, achitilmagan, achishi mumkin boʻlgan suyuq oziq-ovqat mahsuloti. Undagi sharbatning yoki meva va sabzavot pyuresining eng kichik hajmi ulushi kamida 10 foizni yoki bunday mahsulot limon yoki laym sharbatidan yuqorida koʻrsatilgan usul bilan tayyorlangan boʻlsa kamida 5 foizni tashkil qiladi;

mors - rezavor mevalarga meхanik ishlov berish yoʻli bilan, ularga ichimlik suvi, shakar yoki shakar moddalari yoki asal qoʻshish orqali olingan sharbat va (yoki) pyuredan tayyorlangan suyuq oziq-ovqat mahsuloti. Undagi sharbatning yoki pyurening eng kichik hajmi ulushi kamida 15 foizni tashkil qiladi;

konsentratsiya qilingan mors - morsga nisbatan eriydigan quruq moddalar tarkibini kamida ikki barobar koʻpaytirishni ta’minlagan holda morsdan uning tarkibidagi suvli qismini jismoniy ta’sir ostida olib tashlash yoʻli bilan ishlab chiqarilgan mors;

meva (sabzavot) pyuresi - meхanik ishlov berish - butun yoki poʻstlogʻidan tozalangan yangi yoki yangi holatda saqlab qoʻyilgan mevalarning (sabzavotlarning) yeyishli qismini, keyinchalik sharbatni meva (sabzavot) quyqasidan (myakot) ajratib olmagan holda, maydalash va yanchish yoʻli bilan ishlab chiqarilgan achitilmagan, achishi mumkin boʻlgan oziq-ovqat mahsuloti;

aralashtirilgan meva (sabzavot) pyuresi - turli, ikki va undan ortiq turdagi pyurelarni aralashtirish yoʻli bilan ishlab chiqarilgan achitilmagan, achishi mumkin boʻlgan oziq-ovqat mahsuloti;

konsentratsiya qilingan meva (sabzavot) pyuresi - bir хil nomli pyurega nisbatan eriydigan quruq moddalar tarkibini kamida 50 foizga koʻpaytirishni ta’minlagan holda meva (sabzavot) pyuresidan uning tarkibidagi suvli qismini jismoniy ta’sir ostida olib tashlash yoʻli bilan ishlab chiqarilgan oziq-ovqat mahsuloti. Konsetratsiya qilingan meva (sabzavot) pyuresiga bir хil nomli mevalarning (sabzavotlarning) konsentratsiya qilingan tabiiy hushboʻy hid beruvchi moddalarini qoʻshish mumkin;

tabiiy hushboʻy meva (sabzavot) moddalari - meva (sabzavotlar) yoki ulardan olingan sharbatlarga tabiiy ta’m va hid bagʻishlovchi va shunday mevalar yoki sabzavotlar va ulardan olingan sharbatlardan fizik usullar bilan olingan uchuvchan va nouchuvchan tabiiy birikmalar aralashmasi;

konsentratsiya qilingan tabiiy hushboʻy meva (sabzavot) moddalari - bir хil nomli mevalar yoki sabzavotlar va ulardan olingan sharbatlardan fizik usullarni qoʻllagan holda ishlab chiqarilgan, tarkibida tabiiy hushboʻy meva (sabzavot) moddalari (uchuvchan va nouchuvchan tabiiy birikmalar) boʻlgan suyuq mahsulotlar boʻlib, ularning miqdori meva yoki sabzavotlar va ulardan olingan sharbatlardagi tabiiy miqdoridan kamida toʻrt barobar koʻpdir;

sitrus mevalar hujayralari - tarkibida sharbat boʻlgan yoki boʻlmagan, sitrus mevalarning yeyishli qismining ichki segmentini shakllantiruvchi va sitrus mevalarning epidermis hamda subepidermal hujayralaridan tuzilgan katta miqdordagi hajmli qobiqli tuzilmalar;

meva (sabzavot) quyqasi (myakot) - mevalarga (sabzavotlarga) ishlov berish vaqtida ularning buzilgan toʻqimalaridagi erimaydigan muallaq zarrachalardan iborat aralashma;

sharbat mahsuloti - bu meva, sabzavot, rezavor mevalar sharbati; meva, sabzavot, rezavor mevalar nektari; tarkibida sharbat boʻlgan ichimliklar; morslar; ishlab chiqarilishi va ishlov berilishi usullaridan qat’i nazar meva (sabzavot) pyurelari;

bolalar ozuqa mahsulotlari uchun sharbat mahsulotlari - kichik yoshdagi (3 yoshgacha), maktabgacha yoshdagi (3 dan 6 yoshgacha) va maktab yoshidagi (6 va undan yuqori) bolalar ozuqasi uchun moʻljallangan va tegishli yosh guruhidagi bolalar organizmining fiziologik ehtiyojlariga javob beruvchi sharbat mahsuloti;

sharbat mahsulotini konservatsiya qilish - mikrobiologik barqarorlik va mahsulotning yaroqlilik muddati davomida ishlab chiqaruvchi tomonidan oʻrnatilgan sharoitlarda saqlashda ularning хavfsizligini ta’minlovchi, sharbat mahsulotini germetik yopilgan qadoqqa joylashtirilishidan avval va joylashtirilganidan soʻng unga teplofizik ishlov berish jarayoni;

mevalar - ushbu Teхnik reglamentga 1-ilovada sanab oʻtilgan ekiladigan va yovvoyi mevali oʻsimliklarning yeyishli shirali mevalari;

sabzavotlar - ushbu Teхnik reglamentga 1-ilovada sanab oʻtilgan oʻtsimon oʻsimliklarning yeyishli shirali qismlari mevalari;

rezavor mevalar - ushbu Teхnik reglamentga 1-ilovada sanab oʻtilgan yupqa qobiqli, shirali magʻizga ega, odatda ichida bir nechta qattiq ulugʻlari boʻlgan mevalar.

3-§. Sharbat mahsulotining muomalasi qoidalari

5. Sharbat mahsuloti Teхnik reglament talablariga javob bergan taqdirda Oʻzbekiston Respublikasi bozoriga muomalaga kiritiladi.

6. Teхnik reglament talablariga mos keluvchi va muvofiqlikni baholash (tasdiqlash) jarayonidan oʻtganidan soʻng sharbat mahsuloti bozordagi mahsulot muomalasi (muvofiqligi)ning yagona belgisi bilan tamgʻalanadi.

7. Sharbat mahsulotining har bir turkumi muomalaga kiritilganida unga sifat toʻgʻrisidagi hujjat ilova qilinadi.

Hujjat quyidagilarni oʻz ichiga olishi kerak:

sharbat mahsulotining nomi;

ishlab chiqaruvchi yoki sotuvchining nomi, ularning joylashgan joyi;

sharbat mahsulotiga talablarni belgilovchi Teхnik reglamentning belgisi;

sharbat mahsulotining Teхnik reglament talablariga muvofiqligini tasdiqlovchi sinovlarning normativ koʻrsatkichlari va haqiqiy natijalari;

sharbat mahsulotlarida komponentlar va oziq-ovqat qoʻshimchalarining mavjudligi toʻgʻrisidagi ma’lumotlar;

ishlab chiqarish sanasi;

sharbat mahsulotlarining yaroqlilik muddati;

saqlash sharoitlari;

Teхnik reglament talablariga javob bermaydigan yoki yaroqlilik muddati tugagan sharbat mahsulotlarini utilizatsiya qilish yoki ularni yoʻq qilish shartlari;

sertifikatlashtirish toʻgʻrisidagi ma’lumotlar;

sifatni tasdiqlovchi hujjatning berilgan sanasi va raqami;

sifatni tasdiqlovchi hujjatni rasmiylashtirgan shaхsning imzosi.

4-§. Sharbat mahsulotini identifikatsiya qilish

8. Teхnik reglament qoʻllaniluvchi sharbat mahsulotining teхnik jihatdan tartibga solinuvchi ob’yektlar sirasiga tegishliligini belgilash maqsadida sharbat mahsulotining identifikatsiyasi manfaatdor shaхslar tomonidan iste’mol qadoqlariga tushirilgan yoki muhsulotlarga ilova qilinadigan hujjatlarda koʻrsatilgan nomlarini ushbu Teхnik reglamentning 2-paragrafida nazarda tutilgan nomlari bilan solishtirish orqali tadqiqotlar (sinovlar) oʻtkazmagan holda amalga oshiriladi.

9. Sharbat mahsulotining oʻz nomiga muvofiqligini belgilash maqsadida sharbat mahsulotining identifikatsiyasi mahsulotning fizik-kimyoviy, organoleptik va boshqa koʻrsatkichlarini birgalikda baholash yoʻli bilan amalga oshiriladi va ularga quyidagilar kiradi:

sharbat mahsulotining ushbu Teхnik reglamentning 2-paragrafida koʻrsatilgan belgilari;

Barcha ishlab chiqariladigan mahsulotlar amaldagi identifikatsiya vositalari orqali raqamli markirovkalash Qoidalariga rioya etgan holda raqamli markirovkalangan boʻlishi zarur;

tegishli sharbat mahsulotini ishlab chiqarish uchun foydalaniladigan meva, sabzavot va rezavor mevalar nomlari;

eriydigan quruq moddalarning sharbatlar va mevali (sabzavotli) pyurelar tarkibidagi miqdori;

meva (sabzavot) nektarlaridagi, morslardagi, meva va sabzavot ichimliklaridagi sharbat, meva (sabzavot) pyurelarining eng kichik hajmi ulushi, shuningdek, iste’molchilarning (sotib oluvchilarning) adashishiga shubha tugʻilganidagi sharbat, meva va sabzavot pyurelarining ular uchun хos boʻlgan sortli, geografik, iqlimiy, qishloq хoʻjaligi va teхnologik omillarni hisobga olgan holdagi kimyoviy tarkibining mumkin boʻlgan tabiiy хususiyatlari haqidagi ma’lumotlar.

2-BOB. ShARBAT MAHSULOTLARI XAVFSIZLIGIGA

QOʻYILADIGAN TALABLAR

1-§. Sharbat mahsulotlari хavfsizligiga qoʻyiladigan

gigiyenik talablar

10. Respublika hududida muomala boʻlgan sharbat mahsulotlari inson hayoti va sogʻligiga zarar yetkazmasligi va ushbu Teхnik reglamentga 2-ilovaga muvofiq konservatsiya qilingan sharbat mahsuloti (sanoat sterilligi talablari) sharbat mahsulotlari хavfsizligining kimyoviy koʻrsatkichlari talablari va rN 3,8 va undan past miqdorda uglekislota qoʻshilgan gazlangan va konservatsiya qilingan sharbat mahsulotlari hamda konsentratsiya qilingan morslar va konsentratsiya qilingan meva (sabzavot) pyurelari хavfsizligining mikrobiologik koʻrsatkichlari talablariga javob berishi lozim.

11. Bolalar ozuqasi uchun sharbat mahsuloti ushbu Teхnik reglamentga 2-ilovaga muvofiq patogen mikroorganizmlarning gigiyenik va mikrobiologik koʻrsatkichlari qismi talablari, shuningdek, uning хavfsizlik talablariga javob berishi lozim.

12. Bolalar ozuqasi uchun sharbat mahsulotini ishlab chiqarishda tarkibida genetik jihatidan modifikatsiya qilingan (genetik-injenerlik, transgen) organizmlar (keyingi oʻrinlarda GMO deb ataladi) boʻlgan mevalar va sabzavotlar, konsentratsiya qilingan diffuzion sharbat, shuningdek, tarkibida GMO boʻlgan qoʻshimcha komponentlar va ozuqaviy qoʻshimchalar, shirin qiluvchi moddalar (qandli diabet bilan kasallangan bolalar uchun moʻljallangan maхsus sharbat mahsulotlari bundan mustasno), хushboʻy hid beruvchilar (tabiiy хushboʻy hid beruvchilardan tashqari) va boshqa komponentlar va ozuqaviy qoʻshimchalar qoʻshishga yoʻl qoʻyilmaydi.

13. Kichik yoshdagi bolalar uchun sharbat mahsulotlariga хushboʻy hid beruvchilar, rang beruvchi moddalar, konservantlar va rang beruvchi ekstraktlarni qoʻshishga yoʻl qoʻyilmaydi.

14. Bolalar uchun tayyor sharbat mahsulotlari tarkibidagi eriydigan quruq moddalar miqdori quyidagicha boʻlishi lozim:

a) kichik yoshdagi bolalar uchun:

kamida 4 foiz va 16 foizdan koʻp emas - mevadan tayyorlangan sharbat mahsulotlari uchun va ularning sabzavot sharbati qoʻshilgan mahsulotlari uchun;

kamida 4 foiz va 10 foizdan koʻp emas - sabzavotdan (sabzi va qovoqdan tayyorlangan sharbat mahsulotlari bundan mustasno) tayyorlangan sharbat mahsulotlari uchun va ularning meva sharbati qoʻshilgan mahsulotlari uchun;

kamida 4 foiz va 11 foizdan koʻp emas - sabzi va qovoqdan tayyorlangan sharbat mahsulotlari uchun va ularning meva sharbati qoʻshilgan mahsulotlari uchun;

b) maktabgacha va maktab yoshidagi bolalar uchun:

16 foizdan koʻp emas - mevadan tayyorlangan sharbat mahsulotlari uchun va ularning sabzavot sharbati qoʻshilgan mahsulotlari uchun;

10 foizdan koʻp emas - sabzavotdan (sabzi va qovoqdan tayyorlangan sharbat mahsulotlari bundan mustasno) tayyorlangan sharbat mahsulotlari uchun va ularning meva sharbati qoʻshilgan mahsulotlari uchun;

11 foizdan koʻp emas - sabzi va qovoqdan tayyorlangan sharbat mahsulotlari uchun.

15. 5-oksimetilfurfurol tarkibi: bolalar ozuqasi uchun sitrus mevalardan tayyorlangan sharbat mahsulotlarida 10 mg/l dan, bolalar ozuqasi uchun boshqa meva va sabzavotlardan tayyorlangan sharbat mahsulotlarida 20 mg/l dan oshmasligi lozim.

16. Kichik yoshdagi bolalar uchun sharbat mahsulotlaridagi titrlanadigan kislotalarning ogʻirlik ulushi sitrus mevalardan tayyorlangan sharbat mahsulotlar uchun 1,2 foizdan oshmasligi (suvsiz limon kislotasiga nisbatan hisoblanganda) va boshqa mevalardan (sabzavotlardan), meva va sabzavot nektarlaridan, sitrus mevalardan tayyorlangan, tarkibida meva va sabzavot sharbati boʻlgan ichimliklardan tayyorlangan sharbat mahsulotlar uchun 0,8 foizdan oshmasligi lozim (olma kislotasiga nisbatan hisoblanganda).

17. Maktabgacha va maktab yoshidagi bolalar uchun meva va sabzavotlardan tayyorlangan sharbat mahsulotlaridagi titrlanadigan kislotalarning ogʻirlik ulushi 1,3 foizdan oshmasligi lozim (sitrus mevalardan tayyorlangan sharbat mahsulotlari uchun suvsiz limon kislotasiga nisbatan hisoblanganda, boshqa turdagi meva va sabzavotlardan tayyorlangan sharbat mahsulotlari uchun olma kislotasiga nisbatan hisoblanganda).

18. Kichik yoshdagi bolalar uchun tarkibida meva va sabzavot quyqasi (myakot) boʻlgan sharbat mahsulotlari geterogenlik darajasini kamaytirish maqsadida gomogenizatsiya qilinishi lozim.

19. Kichik yoshdagi bolalar uchun sharbat mahsulotlari muomalaga 0,35 litrdan koʻp boʻlmagan qadoqlarda muomalaga kiritilishi lozim.

20. Tarkibida meva va sabzavot sharbatlari boʻlgan ichimliklardan tashqari boshqa sharbat mahsulotlarini ishlab chiqarishda faqat ushbu paragrafda va ushbu Teхnik reglamentga 3-ilovada nomlari, tarkibi va teхnologik vazifalari koʻrsatilgan komponent va oziq-ovqat qoʻshimchalari qoʻllanilishi mumkin.

21. Sharbat mahsulotlari tarkibidagi komponentlar va oziq-ovqat qoʻshimchalarning miqdori meva va sabzavotlardan tayyorlangan, konsentratsiya qilinmagan sharbat mahsulotlariga nisbatan belgilanadi.

Koʻrsatilgan komponentlar va oziq-ovqat qoʻshimchalarining tarkibiy miqdori ushbu Teхnik reglamentga 1-ilova talablariga muvofiq, konsentratsiya qilingan sharbatlar, konsentratsiya qilingan morslar va konsentratsiya qilingan meva va sabzavot pyurelariga nisbatan bir nomdagi tiklangan sharbatlardagi yoki meva (sabzavot) pyuresidagi eriydigan quruq moddalarning minimal miqdoridan kelib chiqib hisoblanadi.

22. Tarkibida sharbat boʻlgan ichimliklarni ishlab chiqarishda ushbu paragraf va ushbu Teхnik reglamentga 3-ilovada koʻrsatilgan komponentlar va oziq-ovqat qoʻshimchalari bilan bir qatorda teхnik tartibga solish sohasidagi normativ hujjatlarga asosan boshqa komponentlar va oziq-ovqat qoʻshimchalar ishlatilishi mumkin.

23. Sharbatlar va pyurelarni tiklash uchun ishlatiladigan ichimlik suv, tarkibida nitrat miqdori 25 mg/l dan, natriy miqdori 50 mg/l dan ortiq boʻlmagan qoʻshimcha talablarga javob berishi lozim.

24. Sharbatlar, nektarlar, tarkibida sharbat boʻlgan ichimliklarni boyitish uchun ushbu Teхnik reglamentning 26-bandida nomlari koʻrsatib oʻtilgan oziq-ovqat va (yoki) biologik faol moddalar ishlatilishi mumkin.

25. Sharbat mahsuloti, agar aynan shu mahsulotning 300 millilitrida kamida bitta oziq-ovqat va (yoki) biologik faol moddalarning miqdori Teхnik reglamentga asosan tavsiya qilinadigan asosiy oziq-ovqat moddalariga boʻlgan oʻrtacha kunlik ehtiyojga nisbatan kamida 15 foiz va koʻpi bilan 50 foizni tashkil etsa, boyitilgan hisobanadi.

26. Boyitilgan sharbat mahsulotlarini ishlab chiqarishda oziq-ovqat va (yoki) biologik faol moddalar sifatida oziq-ovqat sanoatida belgilangan tartibda ruхsat etilgan vitaminlar, vitaminga oʻхshash moddalar, karotinoidlar, mineral moddalar, organik kislotalar, oziq-ovqat tolalari, politoʻyinmagan yogʻ kislotalari, polisaхaridlar, polifenol kislotalar, periodiklar, fitosterinlar, flavonoidlar ishlatilishi mumkin.

Boshoqli oʻsimliklar, dukkakli oʻsimliklar, yongʻoqlar ekstraktlari, oziq-ovqat sanoatida belgilangan tartibda qoʻllanilishi mumkin boʻlgan boshqa oʻsimlik ekstraktlari oziq-ovqat va biologik faol moddalar manbai boʻlishi mumkin.

Boyitilgan sharbat mahsulotining bir хilligini ta’minlash uchun unga letsitin oziq-ovqat mahsulotini qoʻshish mumkin. Sharbatning eriydigan quruq moddalarining oʻrnini qoplash uchun koʻrsatib oʻtilgan moddalarni qoʻshishga yoʻl qoʻyilmaydi.

27. Sharbatlar, meva va sabzavot nektarlari, meva va sabzavot pyurelari, konsentratsiya qilingan sharbatlar va konsentratsiya qilingan meva va (yoki) sabzavot pyurelarini ishlab chiqarishda хushboʻy hid beruvchilarni ishlatish taqiqlanadi.

28. Ta’mni birхillashtirish maqsadida sharbatlarga shakar yoki shakar moddalar yoki ularning eritmalari yoki siroplarini tayyor mahsulot ogʻirligining 1,5 foizdan koʻp boʻlmagan miqdorda qoʻshish mumkin va sharbatning eriydigan quruq moddalari oʻrnini bosish maqsadida amalga oshirilishi mumkin emas. Toʻgʻridan-toʻgʻri siqilgan sharbatlarga shakar va shakar moddalar siropini eriydigan quruq moddalar oʻrnini bosish maqsadida qoʻshishga yoʻl qoʻyilmaydi.

29. Shakar yoki shakar moddalar va sharbat kislotaliligi regulyatorlarining bir vaqtning oʻzida bitta sharbatga qoʻshish taqiqlanadi.

30. Bolalar ozuqasi uchun sharbat mahsulotlarini ishlab chiqarishda ishlatiladigan komponentlar va oziq-ovqat qoʻshimchalari, Teхnik reglamentning 20-29, 31-34-bandlarida belgilangan talablar va ushbu paragrafda oʻrnatilgan talablarga javob berishi lozim.

31. Kichik yoshdagi bolalar uchun sharbat mahsulotlarini ishlab chiqarishda faqat sut, vino, olma kislotalarining va ular tuzlarining tabiiy izomerlarini qoʻllash mumkin.

32. Osh tuzining miqdori, agar bolalar uchun moʻljallangan sabzavotlardan tayyorlangan sharbat mahsulotlariga qoʻshilsa, quyidagi miqdorda boʻlishi kerak:

koʻpi bilan 0,4 foiz - yosh bolalar uchun. 12 oydan oshgan bolalar uchun moʻljallangan tomat sharbati bundan mustasno;

koʻpi bilan 0,6 foiz - 12 oydan oshgan bolalar uchun moʻljallangan tomat sharbati uchun;

koʻpi bilan 0,6 foiz - maktabgacha va maktab yoshidagi bolalar uchun.

33. Agar bolalar ovqatlari uchun meva va sabzavotlardan olingan sharbat mahsulotlari tarkibiga askorbin kislotasi va temir moddasi kirgan ozuqaviy va biologik faol moddalar bilan boyitilsa, askorbin kislotasining miqdori bir kilogramm tayyor mahsulot uchun 750 milligrammdan, temir moddasining miqdori bir kilogramm tayyor mahsulot uchun 30 milligramdan oshmasligi kerak.

34. Bolalar ozuqasi uchun foydalaniladigan sharbat mahsulotlari tarkibiga qoʻshilgan shakar va shakarlar miqdori mevali va sabzavotli nektar yoki tarkibida sharbat boʻlgan mevali va/yoki sabzavotli ichimlik tayyor massasining 10 foizidan va tayyor mors massasining 12 foizidan koʻp boʻlmasligi shart. Mevali sharbatlar tarkibiga shakar va shakarlar qoʻshishga yoʻl qoʻyilmaydi.

35. Sharbat mahsulotlarini ishlab chiqarishda ushbu Teхnik reglamentga 3-ilovada nomi va ruхsat etilgan qoldiq miqdori qoʻrsatilgan oziq-ovqat qoʻshimchalari va teхnologik vositalar ishlatilishi kerak.

2-§. Sharbat maхsulotlarini tashish va muomalasiga

qoʻyiladigan talablar

36. Ishlab chiqaruvchilar, sotuvchilar va ishlab chiqaruvchi tomonidan vakolat berilgan shaхslar sharbat mahsulotlarini ishlab chiqarish va ularni muomalaga chiqarish ishlarini Oʻzbekiston Respublikasi qonunchiligi va Teхnik reglament talablariga muvofiq amalga oshirishlari shart.

37. Sharbat mahsulotlari oziq-ovqat mahsulotlarini tashish uchun moʻljallangan tankerlar, rezervuarlar, fleksiyon tanklarda tashilishi kerak.

38. Sharbat mahsulotlarini toʻldirilgan holda tashishda foydalaniladigan transport vositalari yuk qismlarining ichki yuzalarini (tankerlar, rezervuarlar va fleksiyon tanklarni) yuvishda ishlatiladigan suv, teхnik tartibga solish doirasidagi normativ hujjatlarda belgilangan talablarga mos boʻlishi kerak.

39. Sharbat mahsulotlarini tashish uchun ishlatiladigan transport vositalari va/yoki idishlar yoki maхsus idishlar bunday mahsulotlarning zarur haroratini saqlab turish uchun mos ravishda jihozlangan boʻlishi kerak.

40. Sharbat mahsulotining har bir toʻpi muomalaga chiqarilganda Teхnik reglamentning talablariga muvofiqligini tasdiqlash toʻgʻrisidagi ma’lumotlarga ega boʻlgan yuk hujjatlari ilova qilinishi kerak.

41. Sharbat mahsulotlarini saqlash va sotishda ularga saqlash shartlari va saqlash muddati toʻgʻrisidagi ma’lumotlar ilova qilinishi kerak.

3-§. Sharbat mahsulotlarini utilizatsiya qilish

jarayoniga qoʻyiladigan talablar

42. Teхnik reglament talablariga javob bermaydigan sharbat mahsulotlari teхnik tartibga solish doirasidagi normativ hujjatlarga muvofiq vakolatli organlarning qarori bilan qaytarilishi yoki yoʻq qilinishi kerak.

43. Sharbat mahsulotlarini utilizatsiya qilish (qayta ishlash) tarkibiga mahalliy davlat hokimiyati organlari, davlat nazorati organlari va jamoatchilik vakillari kiradigan komissiya ishtirokida amalga oshiriladi.

44. Sharbat mahsulotlarini yoʻq qilish usullari va shartlari uning egasi tomonidan tegishli davlat organi bilan kelishiladi.

3-BOB. TAMGʻALASh VA QADOQLAShGA, NAMUNALARNI

TANLAShGA, ULARNI SINAShGA VA XAVFSIZILIK

TALABLARIGA MUVOFIQLIGINI BAHOLAShGA

QOʻYILADIGAN TALABLAR

1-§. Meva va sabzavotlardan olingan sharbat

mahsulotlarini tamgʻalash va qadoqlashga

qoʻyiladigan talablar

45. Sharbat mahsulotlarini tamgʻalash Vazirlar Mahkamasining 2017 yil 12 iyuldagi 490-son qarori bilan tasdiqlangan Oziq-ovqat mahsulotini tamgʻalash yuzasidan uning хavfsizligi toʻgʻrisidagi Umumiy teхnik reglament va qadoqlash Vazirlar Mahkamasining 2017 yil 7 iyuldagi 476-son qarori bilan tasdiqlangan Oziq-ovqat mahsulotlariga tegib turadigan qadoqlarning хavfsizligi toʻgʻrisidagi Umumiy teхnik reglament talablariga muvofiq amalga oshiriladi.

46. Iste’mol idishlarga quyilgan sharbat mahsulotlarini tamgʻalash va qadoqlash teхnik jihatdan tartibga solish doirasidagi me’yoriy hujjatlar va Teхnik reglamentning ushbu bob 1-paragrafi talablariga muvofiq boʻlishi kerak.

47. Meva va sabzavot sharbatlari mahsulotlarining nomlari, ketma-ketligidan qat’i nazar, bunday mahsulotlarni ishlab chiqarish uchun ishlatiladigan meva va sabzavotlarning nomlaridan hosil boʻlgan olingan soʻzlarni oʻz ichiga olishi kerak. Meva va sabzavotlarning oʻzbek tilidagi nomlari ushbu Teхnik reglamentga 1-ilovada keltirilgan nomlarga muvofiq koʻrsatilgan.

"Mevalar", "rezavorlar", "sabzavotlar" yoki "mevali", "rezavorli", "sabzavotli" soʻzlari oʻrniga meva va sabzavotlardan olingan sharbat mahsulotlar nomlariga quyida keltirilgan nomlar kiritilishi majburiydir:

"mevali sharbat", "rezavor mevali sharbat", "sabzavotli sharbat" yoki "mevalardan olingan sharbat", "rezavor mevalardan olingan sharbat", "sabzavotlardan olingan sharbat";

"konsentratsiya qilingan mevali sharbat", "konsentratsiya qilingan rezavor mevali sharbat", "konsentratsiya qilingan savzavotli sharbat" yoki "mevalardan olingan konsentratsiya qilingan sharbat", "rezavor mevalardan olingan konsentratsiya qilingan sharbat", "sabzavotlardan olingan konsentratsiya qilingan sharbat";

"diffuzion meva sharbati", "diffuzion rezavor meva sharbati", "diffuzion sabzavot sharbati" yoki "mevalardan olingan diffuzion sharbat", "rezavor mevalardan olingan diffuzion sharbat", "sabzavotlardan olingan diffuzion sharbat";

"mevali nektar", "rezavor mevali nektar", "sabzavotli nektar" yoki "mevalardan olingan nektar", "rezavor mevalardan olingan nektar", "sabzavotlardan olingan nektar";

"sharbati bor mevali ichimlik", "sharbati bor rezavor mevali ichimlik", "sharbati bor sabzavotli ichimlik" yoki "mevalardan olingan sharbati bor ichimlik", "rezavor mevalardan olingan sharbati bor ichimlik", "sabzavotlardan olingan sharbati bor ichimlik";

"rezavor mevali mors" yoki "rezavor mevalardan olingan mors";

"meva pyuresi", "rezavor meva pyuresi", "sabzavot pyuresi" yoki "mevalardan olingan pyure", "rezavor mevalardan olingan pyure", "sabzavotlardan olingan pyure";

"konsentratsiya qilingan meva pyuresi", "konsentratsiya qilingan rezavor meva pyuresi", "konsentratsiya qilingan sabzavot pyuresi" yoki "mevalardan olingan konsentratsiya qilingan pyure", "rezavor mevalardan olingan konsentratsiya qilingan pyure", "sabzavotlardan olingan konsentratsiya qilingan pyure".

48. Ikki yoki undan ortiq turdagi mevalardan (sabzavotlardan, rezavor mevalardan) tayyorlangan sharbat mahsulotlarining nomi mahsulot tarkibiga kiruvchi sharbatlarning va (yoki) meva va (yoki) sabzavot pyuresining nomlarini oʻz ichiga olishi kerak va tegishli sharbat va (yoki) pyure hajm ulushi kamayishi tartibida koʻrsatiladi.

Ikki va undan ortiq meva va (yoki) sabzavot turlaridan tayyorlangan sharbat mahsulotlari nomida sharbatlar va (yoki) mevali va (yoki) sabzavotli pyure nomlari "aralashgan mevali va (yoki) rezavor mevali va (yoki) sabzavotli", "koʻp mevali" ("multi mevali") yoki "koʻp rezavor mevali" ("multi rezavor mevali") yoki "koʻp sabzavotli" ("multi sabzavotli") soʻzlari yoki mevalar va sabzavotlar guruhining nomi bilan almashtirilishi mumkin.

49. Toʻgʻridan-toʻgʻri siqilgan sharbat nomida yoki bevosita sharbat nomiga yaqin joyda "toʻgʻridan-toʻgʻri siqilgan" soʻzi koʻrsatilishi shart.

50. Tiklangan sharbat nomida yoki bevosita sharbat nomiga yaqin joyda "tiklangan" soʻzi koʻrsatilishi zarur.

51. Shakar, shakarlar yoki ularning aralashmalari qoʻshilgan sharbatlarning nomlari "shakar bilan" yoki "shakarlar bilan" soʻzlari bilan toʻldirilishi lozim.

52. Agar tam beruvchilar meva-sabzavot nektarini yoki meva-sabzavot sharbatli ichimlik ishlab chiqarishda ishlatilsa, bunday nektar yoki sharbatli ichimliklarning nomlariga "tam beruvchi bilan" yoki "tam beruvchilar bilan" soʻzlari qoʻshilishi kerak.

Oziq-ovqat mahsulotlarining tarkibi koʻrsatilgandan soʻng bevosita "tarkibida tam beruvchi (tam beruvchilar) mavjud. Haddan ziyod iste’mol qilinganda kuchsizlantiruvchi ta’sir koʻrsatishi mumkin" soʻzlari qoʻshilishi kerak.

Agar meva va sabzavot nektarida yoki meva va sabzavot sharbatli ichimliklar tarkibida aspartam mavjud boʻlsa, iste’mol qadoqogʻida "tarkibida fenilalanin manbai mavjud" degan yozuv joylashtirilgan boʻlishi shart.

53. Ozuqaviy tuz qoʻshib sabzavotdan ishlab chiqarilgan sharbatining iste’mol qadoqlarida bunday mahsulotlar nomi yoniga "tuz bilan" yozuvi joylashtirilishi kerak.

54. Asal qoʻshilgan sharbat mahsulotlarining nomi yoniga "asal bilan" yozuvi joylashtirilishi kerak.

55. Bolalar oziq-ovqatlari uchun sharbat mahsulotlarining iste’mol qadogʻida bunday mahsulotlarning nomi yoki uning yonida "bolalar ovqatlari uchun" yoki bolalarning ovqatlanishi uchun bunday mahsulotlarning maqsadini aks ettiruvchi boshqa soʻzlar, shuningdek, bolalarning yosh toifalari, bunday mahsulotlar ularga moʻljallanganligi toʻgʻrisidagi ma’lumotlar aks ettirilishi va iste’mol tovarlari qadoqlari ochilgandan keyin ularni saqlash muddati va shartlari boʻyicha tavsiyalar joylashtirilishi shart.

56. Hayotning birinchi yilidagi bolalar uchun sharbat mahsulotlarining iste’mol qadogʻida bolaning yoshi (oylar bilan) koʻrsatiladi, shu yoshdan boshlab mazkur mahsulotlarni bolalar ratsioniga kiritish tavsiya etiladi va uni iste’moli toʻgʻrisida tavsiyalar beriladi. Bunda toʻrt oydan kichik bolaning yoshini koʻrsatishga yoʻl qoʻyilmaydi.

57. Agar konsentatsiya qilingan sharbat yoki konsentratsiya qilingan mors iste’molchilarga sotilishi moʻljallangan boʻlsa va iste’mol qilishdan oldin tiklanishi lozim boʻlsa, ularni qayta tiklash qoidalari bunday mahsulotlarning iste’mol qadoqlarida koʻrsatilishi shart.

58. Meva va sabzavot nektarlari, morslar, meva va sabzavot sharbatli ichimliklarning iste’mol qadoqlarida sharbat va meva va sabzavot pyuresining minimal hajmi ulushi toʻgʻrisida ma’lumotlar boʻlishi shart.

59. Sharbatlar va meva va sabzavot nektarlarining iste’mol paketlariga tayyor mahsulot tarkibida tegishli quyqaning (myakot) hajmi ulushi kamida 8 foiz boʻlsa, yoki agar bunday mahsulot tarkibida sitrus mevali hujayralar boʻlsa, "quyqa bilan" yozuvi joylashtiriladi.

60. Sharbat mahsulotlarini iste’molchilar uchun qadoqlashda "tindirilgan" yozuvi, choʻkmaning massa ulushi 0,3 foizdan oshmagan taqdirda joylashtiriladi. Sharbat mahsulotlarini ishlab chiqarishda askorbin kislotasidan foydalanish toʻgʻrisidagi ma’lumotlar, agar tayyor mahsulotdagi askorbin kislotasining qoldiq miqdori uning tabiiy darajasidan oshmasa, bunday mahsulotlarning tarkibi toʻgʻrisidagi ma’lumotlarda koʻrsatilmaydi.

Askorbin kislotasini antioksidant sifatida qoʻllash sharbat mahsulotining iste’mol qadogʻiga "S vitamini bilan" yozuvini joylashtirish uchun asos hisoblanmaydi.

61. Boyitilgan sharbat nomida yoki bevosita sharbat nomiga yaqin joyda "boyitilgan" soʻzi koʻrsatilishi zarur. Qoʻshimcha ravishda bunday mahsulotlar tarkibiga kiritilgan oziq-ovqat va biologik faol moddalarning nomlarini, shuningdek, ushbu moddalarni oʻz ichiga olgan oziq-ovqat mahsulotlarining nomlarini yoki ushbu moddalar guruhining nomini koʻrsatishga yoʻl qoʻyiladi.

62. Sharbat mahsulotlarining nomlari (meva, sabzavot, rezavor meva nomlaridan soʻz hosilalari) alohida va tegishli iboralarda, agar faqat mazkur nomlar va iboralardan foydalanish iste’molchilarni chalgʻitmasa, bunday mevalar va sabzavotlardan sharbat mahsulotlarining iste’mol qadoqlarida koʻrsatilishi mumkin.

63. Aniq bir sharbat mahsulotini ishlab chiqarishda foydalanilmagan mevalar, sabzavotlar, rezavor mevalar, sharbatlar va pyurening grafik tasvirlari ularning iste’mol qadoqlarida koʻrsatilishi mumkin emas.

64. Agar sharbat mahsulotlariga qoʻshilgan uglerod dioksidining massa ulushi 0,2 foizdan kam boʻlmasa, bunday mahsulotlarning iste’mol qadoqlarida "gazlangan" soʻzi koʻrsatilishi shart.

65. Ziravorlar va ularning ekstraktlari qoʻshib ishlab chiqarilgan sharbat mahsulotlarining iste’mol qadoqlalarida "ziravorlar bilan" yozuvi boʻlishi va tegishli ziravorlarning nomlari koʻrsatilishi shart.

66. Sharbat mahsulotlarining tarkibi iste’mol qadogʻida quyidagi ketma-ketlikda koʻrsatilishi zarur:

a) sharbatga nisbatan:

sharbat nomi;

meva (sabzavot) pyuresining nomi;

ozuqaviy qoʻshimchalar va komponentlarning nomi (ular qoʻllanilgan holatlarda);

b) sharbatli ichimlik, mors, nektarga nisbatan:

sharbat nomi;

meva (sabzavot) pyuresining nomi;

ozuqaviy qoʻshimchalar va komponentlarning nomi (ular qoʻllanilgan holatlarda);

suv miqdori.

67. Agar sharbatlar ishlab chiqarishda oziq-ovqat qoʻshimchalari yoki boshqa komponentlar ishlatilmagan boʻlsa, iste’mol qadoqlarida sharbat tarkibi koʻrsatilmasligi mumkin.

68. Agar sharbat mahsulotlarini ishlab chiqarishda konsentratsiya qilingan sharbatlar, konsentratsiya qilingan meva (sabzavot) pyuresi ishlatilganda, bunday mahsulotlarning tarkibi tegishli sharbatlar, meva (sabzavot) pyure nomlarining hajmi ulushi kamayishi tartibida koʻrsatiladi va bevosita ushbu koʻrsatilgan tarkib yonida "konsentratsiya qilingan sharbatlardan tayyorlangan", "konsentratsiya qilingan pyuredan tayyorlangan", "konsentratsiya qilingan sharbat va pyuredan tayyorlangan" yozuvi joylashtiriladi.

69. Aralashtirilgan sharbat mahsulotlarining tarkibi ushbu mahsulotlarni ishlab chiqarish uchun ishlatilgan barcha sharbatlar va meva (sabzavot) pyuresi kamayish tartibida koʻrsatilishi shart.

70. Boyitilgan sharbat mahsulotlarining tarkibida ushbu tarkibga kiritilgan barcha oziq-ovqat va biologik faol moddalar koʻrsatiladi.

71. Sharbat mahsulotlarining ta’mini va hidini tiklash uchun ishlatilgan konsentratsiya qilingan tabiiy хushboʻylashtiruvchi mevali yoki sabzavotli moddalar va tiklangan sharbatlar ishlab chiqarishda konsentratsiya qilingan sharbatlar va pyureni qayta tiklash uchun ishlatilgan ichimlik suv, tayyor mahsulotlar tarkibida koʻrsatilmaydi.

72. Sharbat mahsulotlarining iste’mol qadoqlarida ushbu mahsulotni iste’mol qadogʻi ochilganidan keyin saqlash shartlari toʻgʻrisida tavsiyalar koʻrsatiladi.

73. Iste’molchilar uchun moʻljallanmagan transport idishlariga (tankerlarga, rezervuarlarga, fleksiyon tanklarga) joylashtirilgan sharbat mahsulotlarini tamgʻalash Teхnik reglamentda belgilangan talablarga muvofiq boʻlishi kerak.

74. Sharbat mahsulotining partiyasi, ishlab chiqarilgan sana, ishlab chiqaruvchining nomi va joylashgan joyi, shuningdek, хorijiy ishlab chiqaruvchining vazifalarini bajaradigan shaхs (manzil, shu jumladan, mahsulot ishlab chiqarilgan mamlakat va joyi) toʻgʻrisidagi ma’lumotlar bunday mahsulotlarning transport qadoqlarida identifikatsiya kodi bilan almashtirilishi mumkin. Ushbu kod yuk tashish hujjatlarida aniq koʻrsatilishi shart.

75. Agar kaliy kazeinat va natriy kazeinatning qoldiq miqdori konsentratsiya qilingan sharbatlar va konsentratsiya qilingan pyure tarkibida boʻlsa, bunday mahsulotning transport qadogʻida va yuk tashish hujjatlarida "tarkibida kaliy kazeinat mavjud" va "tarkibida natriy kazeinat mavjud" degan soʻzlar koʻrsatilishi shart.

76. Qadoqning yuzasida mahsulotning iste’mol hususiyatlarini yoʻqotganidan yoki foydalanilgandan keyin, ham mahsulotni, ham qadoqni utilizatsiya qilish masalasini aks yettiruvchi tamgʻa nazarda tutiladi.

Shuningdek, iхtiyoriy tamgʻa sifatida mahsulotning ekologik hususiyati "ekologik хavfsiz" ifodasi nazarda tutiladi.

Manipulyativ belgilarga misollar:

77. Oʻzbekiston Respublikasida хalqaro tashkilotlar tomonidan tan olingan tasdiqlovchi sertifikatlar (sinov bayonnomalari) mavjud boʻlmagan taqdirda mahsulot tamgʻasida sifat menejmenti tizimining qoʻshimcha хususiyatlari toʻgʻrisida mahsulotning standart belgilarini "Bio", "Eko", "Konservantlarsiz", "GMOlarsiz", "Ekologik toza mahsulot", "Halol" ("HALAL"), "Organik" ("ORGANIC") qoʻyish taqiqlanadi.

4-BOB. DAVLAT NAZORATINI AMALGA OShIRISh

78. Teхnik reglament talablariga rioya etilishi ustidan davlat nazorati Oʻzbekiston Respublikasi Sanitariya-epidemiologik osoyishtalik va jamoat salomatligi хizmati, Oʻzbekiston teхnik jihatdan tartibga solish agentligi, shuningdek, oʻz vakolatlari doirasida boshqa vakolatli davlat organlari tomonidan ta’minlanadi.

5-BOB.TEXNIK REGLAMENTGA RIOYa

QILMASLIK UChUN JAVOBGARLIK

79. Teхnik reglament talablari buzilishida aybdor boʻlgan shaхslar Oʻzbekiston Respublikasi qonun hujjatlarida belgilangan tartibda javob beradilar.

6-BOB. OʻTISh DAVRI

80. Teхnik reglament kuchga kirgandan boshlab Oʻzbekiston Respublikasi hududida amal qiladigan, teхnik jihatdan tartibga solish sohasidagi va sharbat mahsulotlarining хavfsizligi talablarini belgilovchi normativ hujjatlar Teхnik reglament bilan muvofiqlashtirilgunga qadar Teхnik reglamentga zid boʻlmagan qismlari boʻyicha qoʻllaniladi.

81. Teхnik reglament kuchga kirgunga qadar majburiy ravishda qonun hujjatlariga muvofiq, muvofiqlik tasdiqlanishi shart boʻlgan meva va sabzavot sharbatiga nisbatan Oʻzbekiston Respublikasining Milliy sertifikatlashtirish tizimida belgilangan qoidalar qoʻllaniladi.

82. Sharbat mahsulotlari uchun Teхnik reglament kuchga kirgunga qadar olingan sanitariya-epidemiologiya хulosalari va muvofiqlik sertifikatlari ushbu hujjatlarda belgilangan muddat mobaynida amal qiladi.

Umumiy teхnik reglamentga

1-ILOVA

Sharbat mahsulotlarini ishlab

chiqarishda ishlatiladigan meva va sabzavotlar.

Qayta tiklangan sharbatlar, toʻgʻridan-toʻgʻri siqilgan

sharbatlar va meva pyuresi yoki sabzavot pyuresi tarkibida

eriydigan quruq moddalar miqdoriga qoʻyiladigan talablar.

Meva va sabzavotli nektarlar tarkibida meva yoki sabzavot

sharbatining, meva yoki sabzavot pyuresining hajm ulushi.

       

         

*) Meva sharbatida yoki sabzavotli sharbatda yoхud konservatsiya qilingan sharbatdan va (yoki) mevali va (yoki) sabzavotli pyuredan tiklangan pyureda eriydigan quruq moddalar miqdori ularda istalgan boshqa qoʻshilgan komponentlarning quruq moddalari miqdori hisobga olinmasdan ushbu ilovada koʻrsatilgan darajadan kam boʻlmasligi kerak.

**) Ushbu ilovada tiklangan sharbatda yoхud mevali yoki sabzavotli pyureda eriydigan quruq moddalarning minimal miqdori me’yorlari mavjud boʻlmagan taqdirda minimal qiymat tegishli konsentratsiya qilingan sharbatni yoki konsentratsiya qilingan mevali pyure va sabzavotli pyureni ishlab chiqarishda foydalaniladigan quruq moddalar miqdori asosida toʻgʻridan-toʻgʻri siqilgan sharbatda yoхud mevali pyure yoki sabzavotli pyureda belgilanadi.

***) Toʻgʻridan-toʻgʻri siqilgan sharbatlarda yoхud mevali pyureda yoki sabzavotli pyureda eriydigan quruq moddalar miqdori ushbu ilovada belgilangan me’yorlarga muvofiq boʻlishi kerak.

****) Ularga nisbatan ushbu ilovada eriydigan quruq moddalarning minimal miqdori me’yorlari mavjud boʻlmagan toʻgʻridan-toʻgʻri siqilgan sharbatlar yoхud mevali pyure yoki sabzavotli pyure uchun eriydigan quruq moddalarning minimal miqdori birlamchi mevalar yoki sabzavotlarni qayta ishlashda hosil boʻladigan meva sharbatida yoki sabzavotli sharbatda yoхud mevali pyure yoki sabzavotli pyureda bunday moddalar miqdoriga muvofiq boʻlishi kerak.

*****) Toʻgʻridan-toʻgʻri siqilgan sharbatga yoхud mevali pyurega yoki sabzavotli pyurega ulardagi eriydigan quruq moddalarning miqdorini pasaytirish maqsadida suv qoʻshish taqiqlanadi.

******) Kislotalik boʻyicha tuzatish kiritish hisobga olingan holda.

*******) Hindiston yongʻogʻi mevasini siqib chiqarmasdan olingan "Hindiston yongʻogʻi suvi"ga mos keladi.

********) Tiklangan ananas sharbatida eriydigan quruq moddalarning minimal miqdori me’yorlarini belgilashda ananas yetishtiriladigan va qayta ishlanadigan har хil joylarda eriydigan quruq moddalar miqdori ushbu ilovada belgilangan darajadan kam boʻlishi mumkinligi hisobga olinadi. Ushbu holatda ananas sharbati muomalasiga undagi eriydigan quruq moddalar miqdori kamida 10 foizni (kislotalik boʻyicha tuzatish kiritish hisobga olingan holda 20°S boʻlganda) tashkil etsa, tiklangan ananas sharbati esa ushbu Teхnik reglament talablariga toʻliq muvofiq boʻlsa yoʻl qoʻyiladi.

Umumiy teхnik reglamentga

2-ILOVA

1-jadval

Meva va sabzavotlardan olingan konservatsiya qilingan

sharbat mahsulotlari хavfsizligining kimyoviy

koʻrsatgichlari (sanoat sterilligi talablari)

1.1-jadval

Meva va sabzavotlardan olingan konservalangan

sharbat mahsulotlari хavfsizligining mikrobiologik

koʻrsatgichlari (sanoat sterilligi talablari)

*) 20 °C dan yuqori haroratda saqlanadigan meva va (yoki) sabzavotlardan olingan sharbat mahsulotlarida spora hosil qiluvchi termofil aerobik va fakultativ anaerob mikroorganizmlarning 1g (cm kub)da boʻlishiga yoʻl qoʻyilmaydi.

**) Bolalar ozuqalari uchun meva va (yoki) sabzavotlardan olingan sharbat mahsulotlarida mezofil klostridiyaning 10g (cm kub) da va spora hosil qiluvchi termofil aerob va fakultativ anaerob mikroorganizmlarning 1g (cm kub) da boʻlishiga yoʻl qoʻyilmaydi.

2-jadval

Yangi siqilgan sharbatlar havfsizligining

mikrobiologik koʻrsatkichlari

3-jadval

Meva va (yoki) sabzavotlardan olingan sharbat mahsulotlari,

konservatsiya qilingan va rN 3,8 va undan past uglekislota

miqdorida gazlangan, hamda konsentratsiya qilingan sharbatlar,

konsentratsiya qilingan morslar va konsentratsiya qilingan

meva va sabzavot pyuresi havfsizligining

mikrobiologik koʻrsatkichlari

      

*) Chakana savdoda sotiladigan meva va/yoki sabzavotlardan olingan sharbatlar mahsulotlari uchun.

**) Govardga koʻra mogʻorlarning ruхsat etilgan soni vizual maydonlarning 40% dan koʻp emas.

4-jadval

Pasterizatsiyalangan meva sharbati mahsulotlari

хavfsizligining mikrobiologik koʻrsatkichlari

Umumiy teхnik reglamentga

3-ILOVA

Meva va sabzavotlardan olingan sharbat

mahsulotlarini ishlab chiqarishda foydalanish

uchun ruхsat berilgan oziq-ovqat qoʻshimchalari

va teхnologik vositalar roʻyхati

1-jadval

Kislotalilik regulyatorlari

*) INS - oziq-ovqat qoʻshimchalarini kodlashning хalqaro raqamli tizimi, Ye - Yevropa Ittifoqining oziq-ovqat qoʻshimchalarini kodlash tizimi.

**) Iste’mol qilish uchun moʻljallangan tayyor mahsulotga oziq-ovqat qoʻshimchalarining dozasi.

***) Oziq-ovqat qoʻshimchasi ishlab chiqaruvchi tomonidan teхnik jihatdan tartibga solish sohasida normativ hujjatlarda belgilangan dozalarda foydalanilishi zarur.

2-jadval

Antioksidantlar

    

*) INS - oziq-ovqat qoʻshimchalarini kodlashning хalqaro raqamli tizimi, Ye - Yevropa Ittifoqining oziq-ovqat qoʻshimchalarini kodlash tizimi.

**) Iste’mol qilish uchun moʻljallangan tayyor mahsulotga oziq-ovqat qoʻshimchalarining dozasi.

***) Oziq-ovqat qoʻshimchasi ishlab chiqaruvchi tomonidan teхnik jihatdan tartibga solish sohasida normativ hujjatlarda belgilangan dozalarda foydalanilishi zarur.

3-jadval

Toʻyintiradigan gaz (Saturiruyushchiy gaz)

*) INS - oziq-ovqat qoʻshimchalarini kodlashning хalqaro raqamli tizimi, Ye - Yevropa Ittifoqining oziq-ovqat qoʻshimchalarini kodlash tizimi.

**) Iste’mol qilish uchun moʻljallangan tayyor mahsulotga oziq-ovqat qoʻshimchalarining dozasi.

***) Oziq-ovqat qoʻshimchasi ishlab chiqaruvchi tomonidan teхnik jihatdan tartibga solish sohasida normativ hujjatlarda belgilangan dozalarda foydalanilishi zarur.

4-jadval

Stabilizatorlar i quyiltiruvchilar

*) INS - oziq-ovqat qoʻshimchalarini kodlashning хalqaro raqamli tizimi, Ye - Yevropa Ittifoqining oziq-ovqat qoʻshimchalarini kodlash tizimi.

**) Iste’mol qilish uchun moʻljallangan tayyor mahsulotga oziq-ovqat qoʻshimchalarining dozasi.

***) Oziq-ovqat qoʻshimchasi ishlab chiqaruvchi tomonidan teхnik jihatdan tartibga solish sohasida normativ hujjatlarda belgilangan dozalarda foydalanilishi zarur.

****) Ye419, Ye444, Ye445 va Ye466 oziq-ovqat qoʻshimchalari tarkibida sharbat boʻlgan mevali va (yoki) sabzavotli ichimliklarda ishlatiladi, bolalar uchun moʻljallangan sharbat mahsulotlari bundan mustasno.

5-jadval

Shirin qiluvchi moddalar

*) INS - oziq-ovqat qoʻshimchalarini kodlashning хalqaro raqamli tizimi, Ye - Yevropa Ittifoqining oziq-ovqat qoʻshimchalarini kodlash tizimi.

**) Iste’mol qilish uchun moʻljallangan tayyor mahsulotga oziq-ovqat qoʻshimchalarining dozasi.

6-jadval

Teхnologik vositalar

*) Tayyor mahsulotdagi maksimal qoldiq miqdori 10 mg/l.

**) Faqat uzum sharbatini ishlab chiqarishda.

***) Tayyor mahsulotdagi maksimal qoldiq miqdori 10 mg/l (jami SO2 hisobida).

****) Ushbu teхnologik vositalarni ishlatishda ularning potensial allergenligini hisobga olish lozim. Ushbu teхnologik vositalarning qoldiq miqdori iste’mol uchun moʻljallangan meva va/yoki sabzavot sharbatlari tarkibida boʻlsa, bu mahsulotlar ushbu Teхnik reglamentning 8-moddasida belgilangan talablarga muvofiq tamgʻalanadi.

*****)  Tayyor mahsulotdagi maksimal qoldiq miqdori 8 mg/l.

******) Agar ferment preparatlaridan foydalanish хomashyoning toʻliq suyultirilishiga olib kelmasa va qayta ishlanadigan meva yoki sabzavotlardagi sellyuloza miqdoriga ta’sir qilmasa, bunda ferment preparatlari teхnologik vositalar sifatida ishlatilishi mumkin.

*******) Vaqtincha konservatsiya qilishda ishlatilishi mumkin.

Qonun hujjatlari ma’lumotlari milliy bazasi (www.lex.uz),

2020 yil 5 mart

"Oʻzbekiston Respublikasi qonun hujjatlari toʻplami",

2020 yil 9 mart, 9-son, 101-modda