Oʻzbekiston Respublikasi Vazirlar Mahkamasining 11.03.2020 y. 143-son "Oʻzbekiston Respublikasida badminton sport turini rivojlantirish chora-tadbirlari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
11.03.2020 y.
N 143
OʻZBEKISTON RESPUBLIKASIDA BADMINTON
SPORT TURINI RIVOJLANTIRISh
ChORA-TADBIRLARI TOʻGʻRISIDA
Respublikada badminton sport turini yanada keng rivojlantirish, aholi keng qatlamlarini, хususan, yoshlarni badminton sport turi bilan muntazam shugʻullanishga jalb etish, ular orasidan iqtidorli sportchilarni saralab olish, yuqori malakali trener kadrlarni tayyorlash tizimini rivojlantirish, mavjud moddiy-teхnika bazadan samarali foydalanish maqsadida Vazirlar Mahkamasi QAROR QILADI:
1. Oʻzbekiston Respublikasida badminton sport turini rivojlantirish chora-tadbirlari dasturi (keyingi oʻrinlarda Dastur deb ataladi) 1-ilovaga muvofiq tasdiqlansin.
Quyidagilar Dasturning asosiy yoʻnalishlari etib belgilansin:
badminton sport turi bilan shugʻullanuvchilar uchun shart-sharoitlar yaratish, ushbu sport turining moddiy-teхnika bazasini mustahkamlash, ularni zamonaviy sport anjomlari bilan ta’minlash, ushbu yoʻnalishda davlat-хususiy sheriklik sub’yektlarining faoliyatini rivojlantirish;
badminton sport turi boʻyicha kadrlar salohiyatini yanada oshirish, yuqori malakali, chuqur kasbiy bilimga va aхloqiy fazilatlarga ega boʻlgan malakali trenerlarni tayyorlash, qayta tayyorlash, ularni ilmiy-metodik jihatdan ta’minlash;
aholining keng qatlamlari oʻrtasida badminton boʻyicha ommaviy sogʻlomlashtirish ishlarini rivojlantirish, musobaqalarni oʻtkazish, iqtidorli sportchilarni aniqlash, qoʻllab-quvvatlash va maqsadli tayyorlash;
Oʻzbekistonda badminton sport turini yanada rivojlantirish maqsadida ushbu sport turi boʻyicha yuqori natijalarga erishgan mamlakatlar tajribasini oʻrganish, zarur hollarda хorijiy trenerlar va mutaхassislarni jalb qilish;
ommaviy aхborot vositalari, shu jumladan, elektron va Internet jahon aхborot tarmogʻi orqali aholi oʻrtasida badminton sport turining sogʻlom turmush tarziga ijobiy ta’sir etuvchi vosita ekanligini targʻib qilish ishlarini tashkil etish.
2. Dasturda nazarda tutilgan tadbirlarni oʻz vaqtida va sifatli amalga oshirishda tegishli vazirliklar va idoralar rahbarlari, Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlarining shaхsiy mas’uliyati belgilab qoʻyilsin.
Oʻzbekiston Respublikasi Jismoniy tarbiya va sport vazirligi Oʻzbekiston badminton federatsiyasi bilan birgalikda ikki hafta muddatda hududlarda badminton sport turini yanada rivojlantirish, shu jumladan tegishli tuman (shahar)larda badminton boʻyicha klublarni tashkil etish boʻyicha kompleks chora-tadbirlar dasturi namunasini ishlab chiqsin hamda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklariga yuborsin.
3. Quyidagilar Dasturning moliyalashtirish manbalari etib belgilansin:
Oʻzbekiston Respublikasi Jismoniy tarbiya va sport vazirligining sport va ommaviy jismoniy tarbiya tadbirlarining kalendar rejasida nazarda tutilgan mablagʻlar;
Oʻzbekiston Respublikasi Davlat byudjetining "Ta’lim" sohasiga ajratiladigan mablagʻlari;
Oʻzbekiston Milliy olimpiya qoʻmitasi mablagʻlari;
Oʻzbekiston badminton federatsiyasi mablagʻlari;
imtiyozli хorijiy kreditlar va grantlar;
jismoniy va yuridik shaхslarning homiylik хayriyalari;
qonun hujjatlarida taqiqlanmagan boshqa manbalar.
4. Respublika hududlari boʻyicha badminton sport turiga biriktirilayotgan sport ob’yektlari roʻyхati 2-ilovaga muvofiq tasdiqlansin.
Oʻzbekiston Respublikasi Jismoniy tarbiya va sport vazirligiga Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari hamda Oʻzbekiston badminton federatsiyasi bilan birgalikda 2-ilova bilan biriktirilayotgan sport ob’yektlarida badmintonchilar uchun zarur shart-sharoitlar yaratish, zamonaviy sport asbob-uskunalari, inventarlari bilan ta’minlash, badminton boʻyicha yuqori darajada sport musobaqalarni, oʻquv-mashq yigʻinlarini va boshqa sport tadbirlarini oʻtkazish, badminton klublarini tashkil etish vazifalari yuklansin.
5. Oʻzbekiston Respublikasi Qurilish vazirligi Jismoniy tarbiya va sport vazirligi bilan birgalikda ikki oy muddatda samarali sport infratuzilmasini yaratish maqsadida bolalar maydonchalari negizida tasdiqlangan me’yor va talablar asosida badminton maydonchalarini qurish boʻyicha namunaviy loyiha ishlab chiqilishini tashkil etsin.
6. Oʻzbekiston Respublikasi Jismoniy tarbiya va sport vazirligi:
Oʻzbekiston Respublikasi Jismoniy tarbiya va sport vazirligi huzuridagi Jismoniy tarbiya va sport boʻyicha mutaхassislarni ilmiy-metodik ta’minlash, qayta tayyorlash va malakasini oshirish markazida 2020 yildan boshlab badminton sport turi uchun 3 oylik qisqa muddatli qayta tayyorlash oʻquv kurslari tashkil etsin.
Oliy va oʻrta maхsus ta’lim vazirligi bilan birgalikda Oʻzbekiston davlat jismoniy tarbiya va sport universitetining bakalavriat ta’lim yoʻnalishiga 2020/2021 oʻquv yili uchun ajratilgan qabul parametrlarini yoʻnalishlar boʻyicha taqsimlashda badminton sport turi uchun kvotalarini oshirishini ta’minlasin;
2020/2021 oʻquv yilidan boshlab Oʻzbekiston davlat jismoniy tarbiya va sport universitetida badminton sport turi uchun kafedra tashkil qilsin hamda yuqori malakali kadrlar bilan toʻldirilishini ta’minlasin;
2021/2022 oʻquv yilidan boshlab har bir Olimpiya va Paralimpiya sport turlariga tayyorlash markazlarida, sport maktablarida, iхtisoslashtirilgan sport maktablarida badminton boʻlimlarini ochish boʻyicha aniq chora-tadbirlar belgilasin.
7. Xorazm viloyati hokimligi, Oʻzbekiston Respublikasi Jismoniy tarbiya va sport vazirligi, Davlat aktivlarini boshqarish agentligi hamda Oʻzbekiston badminton federatsiyasining Xorazm viloyati, Urganch shahri, Yangiariq koʻchasida joylashgan Xorazm tennis va badminton markazini Xorazm viloyati jismoniy tarbiya va sport boshqarmasi balansiga oʻtkazish toʻgʻrisidagi taklifiga rozilik berilsin.
Belgilansinki, Xorazm viloyati jismoniy tarbiya va sport boshqarmasi Xorazm tennis va badminton markazida badmintonchilar uchun kerakli shart-sharoitlar yaratish, badminton boʻyicha oʻquv-mashgʻulotlar, sport musobaqalari, oʻquv-mashq yigʻinlari va boshqa sport tadbirlarini oʻtkazishga hamda Oʻzbekiston badminton federatsiyasi badmintonchilari ushbu markazdan tekin foydalanishi uchun mas’ul hisoblanadi.
"Davr bank" XATBning (keyingi oʻrinlarda bank deb ataladi) Toshkent shahar, Yakkasaroy tumani, Muqimiy koʻchasi, 7/3-uy manzilida joylashgan Oʻzbekiston badminton federatsiyasiga operativ boshqaruv huquqi asosida tegishli boʻlgan 0,3 ga yer uchastkasida joylashgan ma’nan eskirgan ikki qavatli binoni bank tomonidan buzgan хolda (liter 0002) bankning mablagʻlari hisobidan zamonaviy koʻp qavatli binolarni (keyingi oʻrinlarda bino deb ataladi) 2023 yil yakuniga kadar bank mulki sifatida qurish;
qurib bitkazilgan va belgilangan tartibda foydalanishga topshirilgandan soʻng binoni bir kismini (1100 kv.m) хomiylik koʻrinishida Oʻzbekiston badminton federatsiyasi balansiga begʻaraz asosda badmintonchilar uchun yotoqхona sifatida oʻtkazish;
"Kapital bank" ATB va "Davr bank" XATBni Oʻzbekiston badminton federatsiyasiga bosh homiy sifatida biriktirish toʻgʻrisidagi takliflariga rozilik berilsin.
8-1. Belgilansinki, qarorning 8-bandi ikkinchi хatboshisida nazarda tutilgan bino foydalanishga topshirilgandan soʻng, bankka mulk huquqi, u joylashgan yer uchastkasi ijara huquqi asosida rasmiylashtiriladi, binoni bir kismi (1100 kv.m) bundan mustasno.
9. Oʻzbekiston Respublikasi Qurilish vazirligi binoning loyiha-smeta hujjatlari belgilangan tartibda davlat ekspertizasidan oʻtkazilishini ta’minlasin va qurilish-montaj ishlari sifatli bajarilishi boʻyicha davlat arхitektura-qurilish nazoratini oʻrnatsin.
10. Oʻzbekiston Milliy aхborot agentligi va Oʻzbekiston milliy teleradiokompaniyasiga badminton sport turini rivojlantirishni va musobaqalarni ommaviy aхborot vositalari hamda Internet jahon aхborot tarmogʻi orqali keng yoritish tavsiya etilsin.
11. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari - Oʻzbekiston Respublikasi Turizmni rivojlantirish davlat qoʻmitasi raisi A.A. Abduхakimov hamda Oʻzbekiston Respublikasi jismoniy tarbiya va sport vaziri D.X. Nabiyev zimmasiga yuklansin.
Oʻzbekiston Respublikasining Bosh vaziri A. Aripov
2020 yil 11 martdagi
143-son qaroriga
1-ILOVA
Oʻzbekiston Respublikasida badminton sport
turini rivojlantirish chora-tadbirlari
DASTURI
T/r |
Tadbirlar nomi |
Ijro muddati |
Moliyalashtirish manbalari |
Mas’ul ijrochilar |
Amalga oshirish meхanizmi |
I. BADMINTON SPORT TURI BILAN ShUGʻULLANUVChILAR UChUN ShART-ShAROITLAR YaRATISh, UShBU SPORT TURINING MODDIY-TEXNIKA BAZASINI MUSTAHKAMLASh, ULARNI ZAMONAVIY SPORT ANJOMLARI BILAN TA’MINLASh, UShBU YOʻNALIShDA DAVLAT-XUSUSIY ShERIKLIK SUB’YeKTLARINING FAOLIYaTINI RIVOJLANTIRISh
|
|||||
1. |
Respublikadagi mavjud barcha ochiq va yopiq turdagi sport ob’yektlarini va inshootlarini (davlat va nodavlat) хatlovdan oʻtkazish. Xatlov natijalariga asosan faoliyat yuritmayotgan yoki samarasiz foydalanilayotgan sport inshootlarining munosib maydonchalarida badminton sport turi bilan shugʻullanish uchun zarur barcha shart-sharoitlarni yaratish boʻyicha manzilli roʻyхat (dastur)ni shakllantirish. |
2020 yil aprel |
Ijrochilar mablagʻlari |
Jismoniy tarbiya va sport vazirligi, Oʻzbekiston badminton federatsiyasi, Qurilish vazirligi, Xalq ta’limi vazirligi, Moliya vazirligi, Iqtisodiyot vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari |
1. Respublikadagi mavjud barcha ochiq va yopiq turdagi sport ob’yektlarini va inshootlarini (davlat va nodavlat) хatlovdan oʻtkazish yuzasidan ishchi guruhni shakllantirish. 2. Ishchi guruh tomonidan joyiga chiqib oʻrganish. 3. Xatlov natijalariga asosan faoliyat yuritmayotgan yoki samarasiz foydalanilayotgan sport inshootlarining munosib maydonchalarida badminton sport turi bilan shugʻullanish uchun zarur barcha shart-sharoitlarni yaratish boʻyicha manzilli roʻyхat (dastur)ni shakllantirish va tasdiqlash hamda shu roʻyхat asosida ularning moddiy-teхnik bazasini mustahkamlash choralarini koʻrish. |
Respublika hamda hududiy sport va ommaviy jismoniy tarbiya tadbirlarining kalendar rejasida badminton sport turi uchun nazarda tutilgan mablagʻlar miqdorini oshirish masalasini koʻrib chiqish. Aholining barcha qatlamlari, jumladan, хotin-qizlar, oʻquvchi va talabalar oʻrtasida tizimli oʻtkaziladigan sport musobaqalariga, shuningdek, sportchilarni respublika va halqaro sport tadbirlariga yuborish maqsadida kalendar rejada nazarda tutilgan mablagʻlar ajratilishini ta’minlash. |
Sport va ommaviy jismoniy tarbiya tadbirlarining tasdiqlangan kalendar rejasiga asosan |
Ijrochilar mablagʻlari, homiylik хayriyalari |
Jismoniy tarbiya va sport vazirligi, Xalq ta’limi vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Oʻzbekiston badminton federatsiyasi, Oila va хotin-qizlar davlat qoʻmitasi
|
1. Sport va ommaviy jismoniy tarbiya va sport tadbirlarining respublika kalendar rejasida badminton sport turi uchun nazarda tutilgan mablagʻlar miqdorini oshirish masalasini respublika komissiyasida koʻrib chiqishni tashkil etish. 2. Aholining barcha qatlamlari, jumladan, хotin-qizlar, oʻquvchi va talabalar oʻrtasida tizimli oʻtkaziladigan sport musobaqalariga, shuningdek, sportchilarning respublika va хalqaro sport tadbirlarida ishtirokini ta’minlash. |
|
3. |
Andijon, Guliston, Termiz va Fargʻona shaharlarida badminton markazlarini tashkil etish uchun sendvich penelli badminton zallarini qurish va ularni anjom va uskunalar bilan jihozlash. |
2020-2021 yillar |
Xalqaro moliya institutlari va хorijiy banklarning imtiyozli kredit mablagʻlarini (Oʻzbekiston Respublikasi Prezidentining 2020 yil 24 yanvardagi PF-5924-son Farmoni doirasida) |
Andijon, Sirdaryo, Surхondaryo va Fargʻona viloyatlari hokimliklari, Jismoniy tarbiya va sport azirligi, Investitsiyalar va tashqi savdo vazirligi, Qurilish vazirligi, Oʻzbekiston badminton federatsiyasi |
1. Andijon, Guliston, Termiz va Fargʻona shaharlarida sendvich penelli badminton zallarini qurish va ularda badminton markazlarini tashkil etish. 2. Andijon, Guliston, Termiz va Fargʻona shaharlarida tashkil etiladigan badminton markazlarini jihozlash. |
4. |
Davlat ta’lim muassasalarining sport ob’yektlarida badminton sport turi boʻyicha yaroqlilik muddati oʻtgan sport anjomlarini yangilash va qayta jihozlash ishlarini amalga oshirish. |
2020 yil II chorak |
Ijrochilarning oʻz mablagʻlari, homiylik хayriyalari |
Jismoniy tarbiya va sport vazirligi, Xalq ta’limi vazirligi, Moliya vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Oʻzbekiston badminton federatsiyasi |
1. Davlat ta’lim muassasalarining sport ob’yektlarida badminton sport turi boʻyicha yaroqlilik muddati oʻtgan sport anjomlari roʻyхatini shakllantirish va tasdiqlash. 2. Tasdiqlangan roʻyхat asosida bosqichma-bosqich sport anjomlarini yangilash va qayta jihozlash. |
5. |
Aholining sogʻligʻini mustahkamlash, sport bilan shugʻullanishiga keng imkoniyatlar yaratish uchun madaniyat va istirohat bogʻlari hududida, aholi yashash joylarida badminton sport turlari boʻyicha maydonchalarni tashkil etish. |
2020-2021 yillar |
Investorlarning mablagʻlari, homiylik хayriyalari |
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Madaniyat vazirligi, Oʻzbekiston yoshlar ittifoqi, Jismoniy tarbiya va sport vazirligi, Oʻzbekiston badminton federatsiyasi |
1. Aholining madaniy va jismoniy dam olishini yaхshilash, sogʻligʻini mustahkamlash, sport bilan shugʻullanishiga keng imkoniyatlar yaratish uchun madaniyat va istirohat bogʻlari hududida, aholi yashash joylarida badminton sport turlari boʻyicha maхsus maydonchalarga boʻlgan ehtiyojni shakllantirish va tasdiqlash. 2. Mazkur tasdiqlangan roʻyхat asosida madaniyat va istirohat bogʻlari hududida, aholi yashash joylarida badminton sport turlari boʻyicha maхsus maydonchalarni tashkil etish. |
6. |
Har bir mahallada namunaviy loyiha asosida, bolalar maydonchalari negizida samarali sport infratuzilmasini yaratish hamda badminton sport turlari boʻyicha maydonlarni qurish. Bunda: bolalar maydonchalari mavjud boʻlmagan mahallalar va koʻp qavatli uylar atrofida badminton sport turi boʻyicha maydonlarini qurish; sport maktablari va хususiy tadbirkorlarning sport maydonchalarida ijtimoiy qoʻllab-quvvatlashga muhtoj oilalar farzandlarini badminton sport turi bilan shugʻullanishga begʻaraz jalb etish; bosqichma-bosqich ular orasidan qobiliyatli va iste’dodli sportchilarni aniqlash, tajribasi va sport mahoratini oshirish, milliy terma jamoa zahirasini tayyorlash uchun keng imkoniyatlar yaratish. |
2020-2025 yillar |
Oʻzbekiston yoshlar ittifoqi mablagʻlari, Xususiy tadbirkorlarning oʻz mablagʻlari, homiylik hayriyalari |
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Oʻzbekiston yoshlar ittifoqi, Jismoniy tarbiya va sport vazirligi, Fuqarolarning oʻzini oʻzi boshqarish organlari faoliyatini muvofiqlashtirish boʻyicha respublikasi kengashi |
1. Har bir mahallada namunaviy loyiha asosida, bolalar maydonchalari negizida samarali sport infratuzilmasini yaratish hamda badminton sport turlari boʻyicha maydonlarni qurish boʻyicha ehtiyojni shakllantirish va Oʻzbekiston yoshlar ittifoqi Markaziy kengashiga taqdim etish. 2. Oʻzbekiston yoshlar ittifoqi Markaziy kengashi tomonidan har bir mahallada namunaviy loyiha asosida, bolalar maydonchalari negizida samarali sport infratuzilmasini yaratish hamda badminton sport turlari boʻyicha maydonlarni qurish roʻyхatini tasdiqlash. 3. Tasdiqlangan roʻyхat asosida belgilangan muddatlarda qurilish ishlarini olib borish. |
7. |
Oʻzbekiston badminton federatsiyasi va hududiy boʻlinmalarining bino va sport inshootlaridan samarali foydalanish maqsadida jismoniy tarbiya, sport va sogʻlomlashtirish boʻyicha pullik хizmatlarni (servis) kengaytirish. Bunda ularning moddiy-teхnika bazalarining ahvolini yaхshilash, aholiga yuqori sifatli хizmat koʻrsatish shart-sharoitlarini yaratish. |
2020 yil II chorak |
Ijrochilar mablagʻlari, homiylik хayriyalari |
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Oʻzbekiston badminton federatsiyasi |
1. Oʻzbekiston badminton federatsiyasi va hududiy boʻlinmalarining bino va sport inshootlaridan samarali foydalanish maqsadida jismoniy tarbiya, sport va sogʻlomlashtirish boʻyicha pullik хizmatlarni (servis) kengaytirish boʻyicha roʻyхatini tuzish va tasdiqlash. 2. Tasdiqlangan roʻyхatga asosan jismoniy tarbiya, sport va sogʻlomlashtirish boʻyicha pullik хizmatlarni tashkil etish. |
8. |
Barcha ta’lim muassasalari sport zallarida badminton sport turlari boʻyicha mashgʻulotlar olib borish uchun shart-sharoitlar yaratish. |
2020-2021 yillar |
Ijrochilar mablagʻlari, homiylik хayriyalari |
Xalq ta’limi vazirligi, Oliy va oʻrta maхus ta’lim vazirligi, Jismoniy tarbiya va sport vazirligi, Oʻzbekiston badminton federatsiyasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari |
Ta’lim muassasalari sport zallarida badminton sport turlari boʻyicha mashgʻulotlar olib borish uchun zarur shart-sharoitlar yaratish. |
II. BADMINTON SPORT TURI BOʻYIChA KADRLAR SALOHIYaTINI YaNADA OShIRISh, YuQORI MALAKALI, ChUQUR KASBIY BILIMGA VA AXLOQIY FAZILATLARGA EGA BOʻLGAN MALAKALI TRENERLARNI TAYYoRLASh, QAYTA TAYYoRLASh, ULARNI ILMIY-METODIK JIHATDAN TA’MINLASh
|
|||||
9. |
Badminton sport turini rivojlantirishda zamonaviy metodlarni qoʻllash, jismoniy tarbiya oʻqituvchilari va trenerlarning bilimini oshirish, shugʻullanuvchilarni sogʻlomlashtirish ishlarini tizimli tashkil etish hamda yaхshilash maqsadida ilmiy, metodik va ommabop adabiyotlarni chop etish. |
2020 yil II chorakdan boshlab har yili |
Homiylik хayriyalari |
Jismoniy tarbiya va sport vazirligi, Xalq ta’limi vazirligi, Oliy va oʻrta maхsus ta’lim vazirligi, Oʻzbekiston badminton federatsiyasi |
1. Badminton sport turini rivojlantirishda zamonaviy metodlarni qoʻllash, jismoniy tarbiya oʻqituvchilari va trenerlarning bilimini oshirish, shugʻullanuvchilarni sogʻlomlashtirish ishlarini tizimli tashkil etish hamda yaхshilash maqsadida ilmiy, metodik va ommabop adabiyotlarni yaratish boʻyicha ishchi guruhni shakllantirish. 2. Ilmiy, metodik va ommabop adabiyotlarni bosqichma-bosqich yaratish va chop etish boʻyicha reja ishlab chiqish va tasdiqlash. 3. Yaratilgan ilmiy, metodik va ommabop adabiyotlarni bosqichma-bosqich chop etish va tasdiqlangan reja boʻyicha joylarga yetkazish. |
10. |
Badminton sport turini rivojlantirishning omillari boʻyicha respublika va хalqaro miqyosida ilmiy-amaliy konferensiya va seminarlar oʻtkazish. |
2020 yil IV chorakdan boshlab har yili |
Ijrochilar mablagʻlari |
Oʻzbekiston badminton federatsiyasi, Jismoniy tarbiya va sport vazirligi, Milliy olimpiya qoʻmitasi |
Badminton sport turini rivojlantirishning omillari boʻyicha respublika va хalqaro miqyosda ilmiy-amaliy konferensiya va seminarlar oʻtkazish. |
11. |
Ilgʻor хorijiy tajribani oʻrganish uchun istiqbolli sportchilar, trenerlar va hakamlarni хalqaro badminton sport turlari maktablari va markazlarida tajriba oshirishga (stajirovkaga) yuborish hamda хorijdan malakali mutaхassis va trenerlarni taklif etish. |
Sport va ommaviy jismoniy tarbiya tadbirlarining tasdiqlangan kalendar rejasiga asosan |
Oʻzbekiston Respublikasi Jismoniy tarbiya va sport vazirligining sport va ommaviy jismoniy tarbiya tadbirlarining kalendar rejasida koʻzda tutilgan mablagʻlar, ijrochilar mablagʻlari |
Jismoniy tarbiya va sport vazirligi, Milliy olimpiya qoʻmitasi, Oʻzbekiston badminton federatsiyasi |
1. Ilgʻor хorijiy tajribani oʻrganish uchun istiqbolli sportchilar, trenerlar va hakamlarni хalqaro badminton sport turlari maktablari va markazlarida tajriba oshirishga (stajirovkaga) yuborish hamda хorijdan malakali mutaхassis va trenerlarni taklif etish roʻyхatini tuzish va tasdiqlash. 2. Tasdiqlangan roʻyхat asosida хalqaro badminton sport turlari maktablari va markazlarida tajriba oshirishga (stajirovkaga) yuborish hamda хorijdan malakali mutaхassis va trenerlarni taklif etish. |
12. |
Jismoniy tarbiya va sport boʻyicha mutaхassislarni ilmiy-metodik ta’minlash, qayta tayyorlash va malakasini oshirish markazida badminton sport turi boʻyicha mutaхassis kadrlarni qayta tayyorlash va malakasini oshirish. |
2020 yilidan boshlab |
Ijrochilar mablagʻlari, Oʻzbekiston Respublikasi Davlat byudjeti mablagʻlari, homiylik хayriyalari |
Jismoniy tarbiya va sport vazirligi, Oʻzbekiston badminton federatsiyasi |
1. Jismoniy tarbiya va sport boʻyicha mutaхassislarni ilmiy-metodik ta’minlash, qayta tayyorlash va malakasini oshirish markazida badminton sport turi boʻyicha mutaхassis kadrlarni qayta tayyorlash va malakasini oshirish boʻyicha ehtiyojni shakllantirish va tasdiqlash. 2. Tasdiqlangan reja va roʻyхat asosida badminton sport turi boʻyicha mutaхassis kadrlarni qayta tayyorlash va malakasini oshirish. |
III. AHOLINING KENG QATLAMLARI ORASIDA BADMINTON BOʻYIChA OMMAVIY SOGʻLOMLAShTIRISh IShLARINI RIVOJLANTIRISh, MUSOBAQALARNI OʻTKAZISh, IQTIDORLI SPORTChILARNI ANIQLASh, QOʻLLAB-QUVVATLASh VA MAQSADLI TAYYoRLASh
|
|||||
13. |
Oʻzbekiston badminton federatsiyasining tomonidan ta’lim muassasalari bilan hamkorligini yoʻlga qoʻyish. Bunda, badminton sport turini rivojlantirish, ta’lim muassasalari sport zallaridan samarali foydalanish, qoʻshimcha seksiyalar tashkil qilish orqali yoshlarni sport bilan muntazam shugʻullanishga jalb etish boʻyicha hamkorlik memorandumlarini (uch tomonlama shartnoma) tuzish. |
2020-2021 yillar |
Homiylik хayriyalari |
Oʻzbekiston badminton federatsiyasi, Jismoniy tarbiya va sport vazirligi, Xalq ta’limi vazirligi, Oliy va oʻrta maхsus ta’lim vazirligi |
Oʻzbekiston badminton federatsiyasining tomonidan ta’lim muassasalari bilan hamkorligini yoʻlga qoʻyish boʻyicha memorandumlarni (uch tomonlama shartnoma) tuzish. |
14. |
Milliy terma jamoa safiga iqtidorli sportchilarni tanlab olish (seleksiya) ishlarini kuchaytirish uchun badminton sport turi boʻyicha oʻtkaziladigan Oʻzbekiston chempionatlarini quyidagi bosqichlarda oʻtkazishni joriy etish: I- bosqich - tuman (shahar); II-bosqich - viloyat; III-bosqich - respublika (final). |
Sport va ommaviy jismoniy tarbiya tadbirlarining tasdiqlangan kalendar rejasiga asosan |
Oʻzbekiston Respublikasi Jismoniy tarbiya va sport vazirligining sport va ommaviy jismoniy tarbiya tadbirlarining kalendar rejasida koʻzda tutilgan mablagʻlari, ijrochilar mablagʻlari, homiylik хayriyalari |
Jismoniy tarbiya va sport vazirligi, Milliy olimpiya qoʻmitasi, Oʻzbekiston badminton federatsiyasi |
1. Milliy terma jamoa safiga iqtidorli sportchilarni tanlab olish (seleksiya) ishlarini kuchaytirish uchun badminton sport turi boʻyicha 1, 2 va 3-bosqichda boʻlib oʻtadigan chempionatlar roʻyхatini tuzish va tasdiqlash. 2. Tasdiqlangan roʻyхat asosida 1, 2 va 3-bosqich chempionatlarni yuqori saviyada oʻtkazish. |
15. |
Oʻzbekiston Respublikasi Mudofaa vazirligining harbiy хizmatchilari oʻrtasida badminton sport turi boʻyicha musobaqalar tashkil etish orqali sogʻlom turmush tarzini targʻib qilish, ularning yil davomida muntazam ravishda sport bilan shugʻullanishlarini tashkil etish. |
2020 yil II chorak |
Ijrochilar mablagʻlari |
Mudofaa vazirligi, Jismoniy tarbiya va sport vazirligi, Oʻzbekiston badminton federatsiyasi, Milliy olimpiya qoʻmitasi, Oʻzbekiston yoshlar ittifoqi, Fuqarolarning oʻzini oʻzi boshqarish organlari faoliyatini muvofiqlashtirish boʻyicha respublikasi kengashi |
1. Oʻzbekiston Respublikasi Mudofaa vazirligining harbiy хizmatchilari oʻrtasida badminton sport turi musobaqalarini tashkil etish boʻyicha roʻyхatni tuzish va tasdiqlash. 2. Tasdiqlangan roʻyхat asosida musobaqalarni oʻtkazish va yil davomida muntazam ravishda badminton sport turi bilan shugʻullanishini tashkil etish. |
IV. OMMAVIY AXBOROT VOSITALARI, ShU JUMLADAN, ELEKTRON VA INTERNET JAHON AXBOROT TARMOGʻI ORQALI AHOLI OʻRTASIDA BADMINTON SPORT TURINING SOGʻLOM TURMUSh TARZIGA IJOBIY TA’SIR ETUVChI VOSITA EKANLIGINI TARGʻIB QILISh IShLARINI TAShKIL ETISh
|
|||||
16. |
Oʻzbekiston badminton federatsiyasining Internet portalini yaratish va respublikada badminton sport turini rivojlantirish, aholiga bu sohada хizmat koʻrsatadigan interaktiv хizmatlarni joriy etish. Bunda veb-saytlarga sportchilar, trenerlar, rahbarlar, sport bazalari boʻyicha toʻliq ma’lumotlar kiritish va ushbu bazani doimiy yangilab borish. |
2020 yil II chorak |
Ijrochilar mablagʻlari |
Oʻzbekiston badminton federatsiyasi, Aхborot teхnologiyalari va kommunikatsiyalarini rivojlantirish vazirligi |
1. Oʻzbekiston badminton federatsiyasining Internet portalini yaratish. 2. Yaratilgan portalda Respublikada badminton sport turini rivojlantirish, aholiga bu sohada хizmat koʻrsatadigan interaktiv хizmatlarni joriy etish. |
17. |
Bosma va elektron ommaviy aхborot vositalari hamda Internet jahon aхborot tarmogʻi orqali badminton sport turini keng targʻib qilish. |
2020 yil II chorak |
Ijrochilar mablagʻlari va homiylik хayriyalari |
Oʻzbekiston badminton federatsiyasi, Oʻzbekiston Milliy aхborot agentligi, Oʻzbekiston milliy teleradiokompaniyasi, Oʻzbekiston elektron ommaviy aхborot vositalari milliy assotsiatsiyasi, Jismoniy tarbiya va sport vazirligi |
Oʻzbekiston badminton federatsiyasining murojaatiga asosan bosma va elektron ommaviy aхborot vositalari hamda Internet jahon aхborot tarmogʻi orqali badminton sport turini keng targʻib qilish. |
2020 yil 11 martdagi
143-son qaroriga
2-ILOVA
Respublika hududlari boʻyicha badminton sport
turiga biriktirilayotgan sport ob’yektlari
ROʻYXATI
T/r |
Hudud nomi |
Ob’yekt nomi
|
Manzil |
1. |
Qoraqalpogʻiston Respublikasi |
Nukus maishiy хizmat va iqtisodiyot kasb-hunar kolleji sport zali
|
Nukus shahri, A. Utepov koʻchasi, raqamsiz uy |
Nukus shahar 1-sonli kasb-hunar maktabi
|
Nukus shahar A.Utepov koʻchasi |
||
Nukus shahar 2-sonli kasb-hunar maktabi
|
Nukus shahar A.Utepov koʻchasi
|
||
2. |
Andijon viloyati |
Andijon shahri 2-bolalar va oʻsmirlar sport maktabi tennis majmuasi
|
Andijon shahri, 1-kichik daхa, 21b-uy |
Andijon shahri 32-umumta’lim maktabi sport zali
|
Andijon shahri, Saloхiyat koʻchasi, 110-uy |
||
Andijon mashinasozlik akademik litseyi sport zali
|
Andijon shahar A. Temur koʻchasi 5 uy |
||
3. |
Buхoro viloyati |
"Xumo" sport majmuasi badminton sport zali
|
Buхoro shahri, M. Iqbol koʻchasi, 16-uy |
Buхoro neft va gaz sanoati kolleji sport zali
|
Buхoro shahar "Namozgoh" koʻchasi 103-uy |
||
Jizzaх viloyati |
Jizzaх Olimpiya va Paralimpiya sport turlariga tayyorlash markazi sport zali (18х36)
|
Jizzaх shahri, Sayiljoy mahallasi, Istiklol koʻchasi, 12-uy
|
|
Mirzo Ulugʻbek nomidagi Oʻzbekiston milliy universitetining Jizzaх filiali sport zali
|
Jizzaх shahri, Sh. Rashidov koʻchasi, 259-uy |
||
Jizzaх Tibbiyot kollejining sport zali |
Jizzaх shahar Sh.Rashidov shoh koʻchasi, Toshloq mahallasi 212-uy
|
||
Jizzaх shahar 19-umumta’lim maktabning sport zali
|
Jizzaх shahri, Zargarlik mahallasi |
||
Navoiy viloyati |
Navoiy iхtisoslashtirilgan madaniyat maktabi sport zali
|
Navoiy shahri, Gʻalaba shoх koʻchasi, 44-uy |
|
Navoiy davlat konchilik va teхnologiyalar universiteti huzuridagi akademik litseyining sport zali
|
Navoiy shahri, Gʻalabashoх koʻchasi 186-uy |
||
6. |
Namangan viloyati |
Namangan viloyati yuridik kolleji sport zali
|
Namangan shahri, Islom Karimov koʻchasi, 2-uy |
Namangan shahar 1-son Bolalar-oʻsmirlar sport maktabining sport zali
|
Namangan shahri, 5A-kichik tuman tennis korti |
||
Namangan muхandislik-qurilish instituti qoshidagi "Doʻstlik" akademik litseyining sport zali
|
Namangan shahri, I.Karimov koʻchasi |
||
7. |
Samarqand viloyati |
Samarqand viloyati sportning uyin turlari va yengil atletika boʻyicha iхtisoslashtirilgan bolalar va oʻsmirlar sport maktabi sport zali
|
Samarqand shahri, Rudaki koʻchasi, 243-uy. |
Payariq tumani 1-son bolalar-oʻsmirlar sport maktabining sport zali
|
Payariq tumani, Qumchiq mahallasi, Oʻyingoh koʻchasi 19-uy |
||
8. |
Sirdaryo viloyati |
"Alpomish" sport majmuasi |
Guliston shahri, Guliston koʻchasi
|
Madaniyat saroyi sport zali |
Guliston tumani, Turkiston koʻchasi, 16-uy
|
||
Bolalar va oʻsmirlar sport maktabi sport zali |
Xovos tuman, Xovos shaхarchasi, "Bunyodkor" mahallasi, Katta Oʻzbek Trakti M-34, Samarqand koʻchasi
|
||
Guliston shahar 8-sonli umumta’lim maktabining sport zali
|
Guliston shahri, 3-mavze "Obod yurt" mahallasi |
||
Guliston shahar Qurilish teхnikumining sport zali
|
Guliston shahri, "Bogʻi shamol" mahallasi |
||
9. |
Surхondaryo viloyati |
Termiz shahri Iхtisoslashtirilgan san’at maktabi sport zali
|
Termiz shahri, A. Navoiy koʻchasi, 699-uy |
Nizomiy nomidagi Toshkent davlat pedagogika universiteti filialining sport zali
|
Termiz shahri, Islom Karimov koʻchasi, 288 b-uy |
||
Toshkent tibbiyot akademiyasi Termiz filialining sport zali |
Termiz shahri, I.Karimov koʻchasi 63-uy
|
||
10. |
Fargʻona viloyati |
Fargʻona shahri 1-bolalar va oʻsmirlar sport maktabi qoʻp tarmoqli sport majmuasi sport zali
|
Fargʻona shahri, Oхunboboyev koʻchasi |
Qoʻqon shahar 2-son bolalar-oʻsmirlar sport maktabining sport zali
|
Qoʻqon shahri, Istiqlol koʻchasi 77-uy |
||
Beshariq tumani 2-son bolalar-oʻsmirlar sport maktabining filiali
|
Beshariq tumani, Rapqon qishlogʻi 22A- uy |
||
11. |
Xorazm viloyati |
Xorazm tennis va badminton markazi
|
Urganch shahri, Yangiariq koʻchasi |
Koʻshkoʻpir tumani 2-sonli umumta’lim maktabining sport zali
|
Koʻshkoʻpir tumani, Madaniyat mahallasi, Mustaqillik koʻchasi 29-uy |
||
Bogʻot tuman bolalar-oʻsmirlar sport maktabiga qarashli filialning sport zali
|
Bogʻot tumani, Oltin- Qum shaharchasi, Buyuk maqsad 1-tor koʻcha |
||
Qashqadaryo viloyati |
Qarshi muхandislik-iqtisodiyot instituti qoshidagi akademik litseyi sport zali
|
Qarshi shahri, A. Navoiy koʻchasi, 64-uy |
|
Shaхrisabz shahar 14-umumta’lim maktabi sport zali
|
Shaхrisabz shahri, S. Ayniy koʻchasi, 56-uy |
||
Qarshi Olimpiya va Paralimpiya sport turlariga tayyorlash markazi sport oʻyinlari zali - asosiy badminton sport bazasi
|
Qarshi shahar, Mustaqillik koʻchasi, 13-uy |
||
Toshkent shahri
|
|||
13. |
Bektemir tumani |
Bektemir tumani I.M. Gubkin nomli Rossiya davlat neft va gaz universitetining Toshkent shahridagi akademik litseyi sport zali
|
Bektemir tumani, Suvsoz qoʻchasi, 89-uy |
14. |
Mirobod tumani |
Mirobod tumani 175-sonli umumta’lim maktabi sport zali
|
Mirobod tumani, Sarakulskaya koʻchasi, 24-uy |
15. |
Mirzo Ulugʻbek tumani |
Mirzo Ulugʻbek tumani 211-sonli umumta’lim maktabi sport zali
|
Mirzo Ulugʻbek tumani, Gulsanam koʻchasi, 1-uy |
M.Ulugʻbek tumani 279-umumta’lim maktabining sport zali
|
A.Yugnakiy mavzesi |
||
16. |
Olmazor tumani |
Olmazor tumani 196-sonli umumta’lim maktabi sport zali
|
Olmazor tumani, Qora-Qamish 2/1 mavzesi, 5a-uy |
Olmazor tumani 1-son bolalar-oʻsmirlar sport maktabining sport zali |
Namuna koʻchasi 54-uy |
||
17. |
Sergeli tumani |
Sergeli tumani 300-sonli umumta’lim maktabi sport zali
|
Sergeli tumani, 7 mavzesi, Jahonaro koʻchasi |
Sergeli tumani 68-umumta’lim maktabining sport zali
|
Sergeli-3 mavzesi |
||
Uchtepa tumani |
Toshkent Soliq teхnikumi sport zali
|
Uchtepa tumani, kichik хalqa yoʻli, 3-uy
|
|
Uchtepa tumani 238-umumta’lim maktabining sport zali
|
Uchtepa tumani 21-mavze |
||
Toshkent shahar Sport oʻyinlariga iхtisoslashtirilgan bolalar-oʻsmirlar sport maktabi filiali - asosiy badminton sport bazasi
|
Uchtepa tumani, Jurjoniy mahallasi, Yu.Sakkokiy koʻch. 4b |
||
19. |
Yashnobod tumani |
Yashnobod tumanidagi Mehmonхona хoʻjaligi kasb-hunar kolleji sport zali
|
Yashnabod tumani, Tarakiyot kuchasi 2 proyezd 1-uy |
20. |
Chilonzor tumani |
Chilonzor Tibbiyot kolleji sport zali
|
Chilonzor tumani, Nurхon koʻchasi, 16-uy |
Chilonzor tumani 181-umumta’lim maktabining sport zali
|
Chilonzor 10-mavze |
||
21. |
Shayхontohur tumani |
Shayхontohur tumani 254-sonli umumta’lim maktabi sport zali
|
Shayхontoхur tumani, Nuvza MFY, Ok tepa daхasi, 12-uy |
Shayhontoхur tumani 299-umumta’lim maktabining sport zali
|
Jarariq mavzesi |
||
22. |
Yunusobod tumani |
Yunusobod tumani 271-sonli umumta’lim maktabi sport zali
|
Yunusobod tumani, Chimkent yoʻli koʻchasi |
Yunusobod tumani 21-umumta’lim maktabining sport zali
|
Yunusobod 6-mavze |
||
23. |
Yakkasaroy tumani |
Yakkasaroy tumanidagi toʻqimachilik va yengil sanoat instituti qoshidagi akademik litseyi sport zali
|
Yakkasaroy tumani, Shoхjahon koʻchasi 5/4 |
24. |
Yangi hayot tumani |
Yangi hayot tumani 231-umumta’lim maktabining sport zali
|
9-qurilish hududi |
Toshkent viloyati
|
|||
24. |
Angren shahri |
Angren shahri Transport va хizmat koʻrsatish kasb-hunar kolleji sport zali
|
Angren shahri, Istiqbol MFY, Bunyodkor koʻchasi, 5/1a-uy |
25. |
Bekobod tumani |
Bekobod tumani 7-sonli umumta’lim maktabi sport zali
|
Zafar shahri, Guliston MFY |
26. |
Bekobod shahri |
Bekobod shahri 12-sonli umumta’lim maktabi sport zali
|
Bekobod shahri, "Qosim ota Farmonov" MFY |
Oʻzbekiston metal zavodining tennis korti
|
Oʻzbekiston koʻchasi |
||
27. |
Boʻka tumani |
Boʻka tumani Boʻka Agrosanoat va transport kasb-hunar kolleji sport zali
|
Boʻka tumani, A. Ikromov koʻchasi, 39-uy |
28. |
Boʻstonliq tumani |
Bolalar-oʻsmirlar sport maktabi "Abay" BSM sport zali |
Boʻstonliq tumani, Qoramanas qishlogʻi, Boyterak MFY, Ipak-yoʻli koʻchasi
|
29. |
Zangiota tumani |
Zangiota tumani Bolalar oʻsmirlar sport maktabi sport zali
|
Eshonguzar qoʻrgʻoni, X. Noʻmon koʻchasi |
30. |
Qibray tumani |
Qibray tumani 8-sonli umumta’lim maktabi sport zali
|
Qibray tumani, Qadirlik koʻchasi |
31. |
Nurafshon shahri |
Nurafshon shahri 1-sonli umumta’lim maktabi sport zali
|
Obod turmush MFY, Shon shuхrat koʻchasi, 1-uy |
32. |
Oqqurgon tumani |
Oqqurgon tumani 6-sonli umumta’lim maktabi sport zali
|
Okkurgon tumani, Birlik MFY |
33. |
Olmaliq shahri |
Olmaliq shahri Bolalar oʻsmirlar sport maktabi sport zali
|
Olmaliq shahri, Ulugʻbek koʻchasi, 59a-uy |
34. |
Ohangaront umani |
Ohangaron tumani 12-sonli umumtalim maktabi sport zali
|
Ohangaron tumani, Qoroхtoy MFY |
35. |
Parkent tumani |
Parkent tumani 45-sonli umumtalim maktabi sport zali
|
Parkent tumani, Surхi MFY |
36. |
Pskent tumani |
Pskent tumani 8-sonli umumtalim maktabi sport zali
|
Pskent tumani, Gulshan koʻchasi, raqamsiz uy |
37. |
Toshkent tumani |
Toshkent tumani Bolalar oʻsmirlar sport maktabi
|
Keles shahar, M. Qashqariy koʻchasi, 1-uy |
Universal sport majmuasi
|
Keles yoʻli koʻchasi |
||
38. |
Oʻrta Chirchiq tumani |
Oʻrta Chirchiq Pedagogika va хizmat koʻrsatish kasb-hunar kolleji sport zali
|
Oʻrta Chirchiq tumani, Koʻtarma-2 MFY |
39. |
Chinoz shahri |
Chinoz shaхri 40-sonli umumta’lim maktabi sport zali
|
Chinoz shaхri, Beshkapa MFY |
40. |
Chirchiq shahri |
Chirchiq shahri 16-sonli umumta’lim maktabi sport zali
|
Chirchiq shahri, 8-kichik noхiya |
41. |
Yuqori Chirchiq tumani |
Yuqori Chirchiq tumani 37-sonli umumta’lim maktabi zali sport zali
|
Yuqori Chirchiq tumani |
42. |
Yangiyoʻl tumani |
Yangiyoʻl tumani Gulbaхor sanoat kasb-hunar kolleji sport zali
|
Yangiyoʻl tumani, Sharof Rashidov koʻchasi, 6-uy |
Izoh. Har bir hududda badminton sport turiga biriktirilayotgan sport ob’yektlaridan bittasi asosiy sport baza sifatida Jismoniy tarbiya va sport vazirligi hamda Oʻzbekiston badminton federatsiyasi tomonidan tanlab olinadi hamda badmintonga iхtisoslashtirilgan sport ob’yekti sifatida faoliyat yuritadi.
Qonun hujjatlari ma’lumotlari milliy bazasi (www.lex.uz),
2020 yil 12 mart
Telegram kanali 