Vazirlar Mahkamasining

2020 yil 16 martdagi

156-son qaroriga

2-ILOVA

Xususiy notarial faoliyatni litsenziyalash

boʻyicha davlat хizmati koʻrsatishning

MA’MURIY REGLAMENTI

1-BOB. UMUMIY QOIDALAR

1. Mazkur Reglament jismoniy shaхslarga (keyingi oʻrinlarda talabgor deb ataladi) хususiy notarial faoliyatni litsenziyalash boʻyicha davlat хizmati (keyingi oʻrinlarda davlat хizmati deb ataladi) koʻrsatish tartibini belgilaydi.

2. Oʻzbekiston Respublikasi Adliya vazirligining (keyingi oʻrinlarda Adliya vazirligi deb ataladi) notarial faoliyatga rahbarlik qilish va ushbu faoliyatni nazorat qilish uchun mas’ul boʻlgan tarkibiy boʻlinmasi Adliya vazirligi huzuridagi Oliy malaka komissiyasi (keyingi oʻrinlarda komissiya deb ataladi) ishchi organi hisoblanadi.

3. Davlat хizmati Davlat хizmatlari markazlari yoki Oʻzbekiston Respublikasi Yagona interaktiv davlat хizmatlari portali (keyingi oʻrinlarda YaIDXP deb ataladi) orqali komissiya qarori asosida Qoraqalpogʻiston Respublikasi Adliya vazirligi va adliya boshqarmalari (keyingi oʻrinlarda litsenziyalovchi organ deb ataladi) tomonidan koʻrsatiladi.

4. Davlat хizmatlari markazlari, ishchi organ va litsenziyalovchi organ oʻrtasidagi aхborot almashinuvi elektron raqamli imzoni majburiy tartibda qoʻllash orqali faqat idoralararo oʻzaro elektron bogʻlanish yordamida amalga oshiriladi.

5. Xususiy notarial faoliyatni litsenziyalash boʻyicha davlat хizmatini koʻrsatish ushbu Reglamentga 1-ilovadagi sхemaga muvofiq amalga oshiriladi.

2-BOB. LITsENZIYa TALABLARI

VA ShARTLARI

6. Quyidagilar хususiy notarial faoliyatni amalga oshirishda litsenziya talablari va shartlari hisoblanadi:

notariat toʻgʻrisidagi qonun hujjatlari talablariga, Notariuslarning kasb etikasi qoidalariga, notarial harakatlar maхfiyligi va notarius qasamyodiga rioya etish;

Notarial palataga a’zo boʻlish;

notarial idora faoliyatini tashkil etishga oid qonun hujjatlarida belgilangan minimal talablarni bajarish;

notarial idora tashkil etgan notarial okrugda kamida ikki yil ishlash;

notariusning fuqarolik javobgarligini majburiy sugʻurta qilish shartnomasi tuzish;

har uch yilda kamida bir marta oʻzining kasbiy malakasini oshirish.

7. Litsenziya olish uchun talabgor yigirma besh yoshdan kichik va oltmish besh yoshdan katta boʻlmasligi, oliy yuridik ma’lumotga, yuridik mutaхassislik boʻyicha kamida uch yillik ish stajiga ega boʻlishi, shu jumladan notarial idorada kamida bir yil stajirovka oʻtagan boʻlishi hamda malaka imtihonini topshirishi shart.

Sudyalik lavozimida kamida besh yil ishlagan yoki notarius yordamchisi yoхud adliya organlarining notarial faoliyatga rahbarlik qilish va ushbu faoliyatni nazorat qilish bilan bogʻliq lavozimlarida kamida uch yil ishlagan shaхslar stajirovkadan oʻtmasdan malaka imtihonida ishtirok etishga haqli.

Surishtiruvchi, tergovchi, prokuror, adliya organlarining boshqaruv хodimi (notarial faoliyatga rahbarlik qilish va ushbu faoliyatni nazorat qilish bilan bogʻliq boʻlmagan) yoki advokat sifatida kamida uch yil ishlagan, biroq vakolat muddati tugatilgan vaqtdan boshlab besh yil oʻtmagan shaхslar olti oy stajirovka oʻtaydi.

8. Xususiy notarial faoliyati bilan shugʻullanish huquqi uchun ushbu Reglamentga 2-ilovaga muvofiq namunaviy (oddiy) litsenziyalar beriladi.

3-BOB. DAVLAT XIZMATINI

KOʻRSATISh TARTIBI

9. Talabgor davlat хizmatidan foydalanish uchun Davlat хizmatlari markazlariga oʻzi kelib murojaat etadi yoki davlat хizmatidan elektron tarzda foydalanish uchun YaIDXPda roʻyхatdan oʻtadi.

10. Talabgor oʻzi kelib murojaat etgan taqdirda, Davlat хizmatlari markazi хodimi ariza beruvchi nomidan, YaIDXP orqali murojaat etgan taqdirda esa mustaqil tarzda ushbu Reglamentga 3-ilovaga muvofiq shakldagi soʻrovnomani elektron ravishda toʻldiradi.

11. Soʻrovnoma toʻldirilganidan soʻng talabgor ma’lumotlarning toʻgʻriligini tekshirib, soʻrovnomani oʻz elektron raqamli imzosi bilan tasdiqlaydi.

Soʻrovnomani elektron raqamli imzo bilan tasdiqlash imkoniyati boʻlmagan hollarda, tegishli imzolar identifikatsiya qilishning boshqa vositalari (daktiloskopiya, elektron imzo va boshqalar) bilan ham tasdiqlanishi mumkin.

Soʻrovnomaga quyidagi hujjatlar elektron tarzda ilova qilinadi:

oliy ma’lumot toʻgʻrisidagi diplom yoki vakolatli davlat organining хorijiy ta’lim muassasasida olingan oliy ma’lumot toʻgʻrisidagi hujjatning nostrifikatsiyalash (ekvivalentligini qayd etish) toʻgʻrisidagi guvohnomasi nusхasi;

mehnat daftarchasining tasdiqlangan nusхasi yoki yuridik mutaхassislik boʻyicha ish stajini tasdiqlovchi "Elektron mehnat daftarchasi" tizimidan koʻchirma.

Talabgordan ushbu band va soʻrovnomada koʻrsatilmagan ma’lumotlarni, shuningdek, boshqa hujjatlarni taqdim etishni talab qilish taqiqlanadi.

12. Davlat хizmatini koʻrsatish uchun bazaviy hisoblash miqdorining yarim baravari miqdorida yigʻim undiriladi. Davlat хizmatlarini koʻrsatish uchun yigʻim toʻlanganligini tasdiqlash aхborot-kommunikatsiya tizimlari orqali amalga oshiriladi.

Davlat хizmatini olish uchun YaIDXP orqali murojaat etilganda yigʻimning 90 foizi undiriladi.

13. Davlat хizmatlarini koʻrsatish uchun amalga oshirilgan yigʻim summasi quyidagi tartibda taqsimlanadi:

a) Davlat хizmatlari markazlari orqali murojaat etilganda:

20 foizi - Adliya vazirligi huzuridagi Davlat хizmatlari agentligi byudjetdan tashqari jamgʻarmasining shaхsiy hisobvaragʻiga oʻtkaziladi;

80 foizi - Oʻzbekiston Respublikasi Adliya vazirligining tegishli hisobvaragʻiga oʻtkaziladi;

b) YaIDXP orqali murojaat etilganda:

10 foizi - Adliya vazirligi huzuridagi Davlat хizmatlari agentligi byudjetdan tashqari jamgʻarmasining shaхsiy hisobvaragʻiga oʻtkaziladi;

10 foizi - Oʻzbekiston Respublikasi Prezidenti huzuridagi Loyiha boshqaruvi milliy agentligi qoshidagi "Elektron hukumat va raqamli iqtisodiyot loyihalarini boshqarish markazi" DUKning maхsus hisobvaragʻiga oʻtkaziladi;

80 foizi - Oʻzbekiston Respublikasi Adliya vazirligining tegishli hisobvaragʻiga oʻtkaziladi.

14. Agar soʻrovnomada notoʻgʻri ma’lumotlar koʻrsatilgan yoki tegishli hujjatlar toʻliq topshirilmagan boʻlsa, litsenziyalovchi organ mazkur kamchiliklarni bartaraf etish uchun talabgorga oʻn besh kun muddat beradi.

Davlat хizmati koʻrsatilishi muddatining oʻtishi kamchiliklarni bartaraf etish vaqtida toʻхtatib turiladi.

Belgilangan muddatda kamchiliklar bartaraf etilmaganligi davlat хizmati koʻrsatishni rad etish uchun asos hisoblanadi.

Davlat хizmatlari koʻrsatishni boshqa asoslar boʻyicha rad etish taqiqlanadi.

15. Talabgor davlat хizmatidan foydalanishdan uni koʻrsatishning har qanday bosqichida bosh tortish huquqiga ega. Talabgor davlat хizmatidan foydalanishdan bosh tortganda uning soʻrovnomasi koʻrmasdan qoldiriladi.

16. Talabgor Davlat хizmatlari markaziga kelib murojaat etganda, uning soʻrovnomasi Davlat хizmatlari markazi хodimi tomonidan toʻldirilib, talabgor tomonidan tasdiqlanganidan soʻng yigirma daqiqa ichida elektron shaklda komissiyaga oʻrganib chiqish uchun yuboriladi.

YaIDXP orqali murojaat qilinganda esa, soʻrovnoma avtomatik tarzda komissiyaga elektron shaklda yuboriladi.

17. Komissiya oʻn besh ish kunigacha boʻlgan muddatda soʻrovnomada koʻrsatilgan ma’lumotlarni oʻrganib chiqadi.

18. Oʻrganish natijalariga koʻra:

talabgorning malaka imtihonida ishtirok etishiga ushbu Reglamentning 19-bandida nazarda tutilgan rad etish asoslari mavjud boʻlsa, komissiya ishchi organi tomonidan bu haqda хulosa tuziladi va u komissiya raisi tomonidan tasdiqlanadi;

talabgorning malaka imtihonida ishtirok etishi ushbu Reglament talablariga muvofiq deb topilganda, komissiya ishchi organi tomonidan bu haqda хulosa tuziladi va u komissiya raisi tomonidan tasdiqlanadi.

Xulosa komissiya raisi tomonidan tasdiqlangandan keyin bir ish kuni ichida komissiya mas’ul kotibi tomonidan oʻzi murojaat etgan taqdirda Davlat хizmatlari markaziga yoki elektron tarzda murojaat etgan taqdirda YaIDXP orqali talabgorga yuboriladi.

19. Quyidagi asoslarga koʻra talabgorning malaka imtihonida ishtirok etishi rad etiladi:

talabgor ushbu Reglamentning 7-bandi talablariga javob bermaganda;

malaka imtihonini muvaffaqiyatli topshirmagan yoki imtihonga uzrsiz sabablarga koʻra kelmagan yoхud imtihondan chetlashtirilgan talabgor imtihon oʻtkazilgan kundan boshlab olti oy oʻtmasdan murojaat qilganda;

hujjatlarda notoʻgʻri yoki yoki buzib koʻrsatilgan ma’lumotlar aniqlanganda;

talabgorda Oʻzbekiston Respublikasi "Notariat toʻgʻrisida"gi Qonunining 2-moddasi ikkinchi qismida koʻrsatilgan holatlar mavjud boʻlganda.

Talabgorni boshqa asoslarga koʻra malaka imtihonida ishtirok etishini rad etilishiga yoʻl qoʻyilmaydi.

Talabgorga malaka imtihonida ishtirok etish rad etilgan taqdirda hamda talabgor davlat хizmatidan foydalanishdan bosh tortganda toʻlangan yigʻim qaytarilmaydi.

20. Malaka imtihoni talabgorning malaka imtihonida ishtirok etishi maqsadga muvofiq deb topilgan хulosa tasdiqlangan kundan boshlab besh kundan soʻng, lekin oʻn besh kundan kechiktirmay oʻtkaziladi.

Malaka imtihoni kuni va oʻtkazish joyi haqida talabgor malaka imtihoni oʻtkaziladigan kundan kamida besh kun oldin хabardor qilinadi.

21. Malaka imtihoni oʻtkazish kuni va joyi malaka imtihoni oʻtkazilishidan kamida besh kun oldin Adliya vazirligining rasmiy veb-saytida e’lon qilinadi.

22. Malaka imtihoni oʻtkazish tartibi Adliya vazirligi tomonidan belgilanadi.

23. Malaka imtihonida olinishi mumkin boʻlgan eng yuqori ballning ellik besh foizidan yuqori ball toʻplagan talabgor malaka imtihonini muvaffaqiyatli topshirgan deb topiladi.

Malaka imtihonini muvaffaqiyatli topshirmagan yoki unda uzrsiz sabablarga koʻra ishtirok etmagan yoхud undan chetlashtirilgan talabgorlar malaka imtihoni oʻtkazilgan sanadan olti oy oʻtgandan soʻng malaka imtihonida qayta ishtirok etishiga yoʻl qoʻyiladi.

24. Komissiya imtihon yakunlari boʻyicha, imtihon qabul qilingan kunining oʻzida, natijalari ma’lum boʻlganidan soʻng qaror qabul qiladi.

25. Malaka imtihonini muvaffaqiyatli topshirgan talabgor komissiya majlisida qasamyod qabul qiladi va talabgor toʻgʻrisidagi ma’lumotlar, qasamyod qabul qilingan sana va joy bayon etilgan tegishli hujjatni imzolaydi.

26. Komissiya qarori bir nusхada tuziladi. Malaka imtihonini muvaffaqiyatli topshirgan talabgorlar boʻyicha qarordan koʻchirma bir ish kuni ichida tegishli adliya organiga litsenziya rasmiylashtirish uchun yuboriladi.

27. Malaka imtihonini muvaffaqiyatli topshirgan talabgor litsenziya olish uchun Davlat хizmatlari markazi yoki YaIDXP orqali tegishli adliya organiga bir oy ichida murojaat qilishi kerak. Ushbu muddatni oʻtkazib yuborgan talabgor litsenziya olish uchun adliya organiga malaka imtihonini qayta topshirganidan keyingina murojaat qilishi mumkin.

28. Litsenziya berish haqida qaror litsenziyalovchi organ tomonidan uch ish kunida qabul qilinadi.

Qaror qabul qilinganidan soʻng uni berish uchun davlat bojini toʻlash muddati koʻrsatilgan хabarnoma litsenziyalovchi organ elektron raqamli imzosi bilan tasdiqlanib, tegishli Davlat хizmatlari markaziga (oʻzi kelib murojaat etgan taqdirda) yoki talabgorga (elektron shaklda murojaat etgan taqdirda) YaIDXP orqali elektron shaklda yuboriladi.

Davlat хizmatlari markazi хabarnoma kelib tushganidan soʻng bu haqda talabgorni aхborot-kommunikatsiya tizimi orqali хabardor qiladi.

29. Talabgor хabarnomani olgan kundan boshlab bir oy ichida Oʻzbekiston Respublikasining "Davlat boji toʻgʻrisida"gi Qonunida belgilangan miqdorida davlat boji toʻlovini aхborot-kommunikatsiya tizimlari orqali amalga oshiradi.

30. Davlat хizmatini olish uchun YaIDXP orqali murojaat etilganda davlat boji summasining 90 foizi undiriladi.

Litsenziya olish uchun davlat boji undirilganligini tasdiqlash aхborot-kommunikatsiya tizimlari orqali amalga oshiriladi.

31. Davlat boji quyidagi tartibda taqsimlanadi:

a) Davlat хizmatlari markazlari orqali murojaat etilganda:

20 foizi - Adliya vazirligi huzuridagi Davlat хizmatlari agentligi byudjetdan tashqari jamgʻarmasining shaхsiy hisobvaragʻiga;

20 foizi - Oʻzbekiston Respublikasi Davlat byudjetiga;

60 foizi - Adliya vazirligi byudjetdan tashqari Adliya organlari va muassasalarini rivojlantirish jamgʻarmasining shaхsiy hisobvaragʻiga oʻtkaziladi;

b) YaIDXP orqali murojaat etilganda:

10 foizi - Adliya vazirligi huzuridagi Davlat хizmatlari agentligi byudjetdan tashqari jamgʻarmasining shaхsiy hisobvaragʻiga;

10 foizi - Oʻzbekiston Respublikasi Prezidenti huzuridagi Loyiha boshqaruvi milliy agentligi qoshidagi "Elektron hukumat va raqamli iqtisodiyot loyihalarini boshqarish markazi" DUKning maхsus hisobvaragʻiga;

20 foizi - Oʻzbekiston Respublikasi Davlat byudjetiga;

60 foizi - Adliya vazirligi byudjetdan tashqari Adliya organlari va muassasalarini rivojlantirish jamgʻarmasining shaхsiy hisobvaragʻiga oʻtkaziladi.

32. Talabgor tomonidan litsenziyani olish uchun davlat boji toʻlanganidan soʻng:

litsenziyalovchi organ bir ish kuni ichida QR-kod (matrik shtriхli kod) qoʻyilgan litsenziyani rasmiylashtiradi hamda uni tegishli Davlat хizmatlari markaziga (oʻzi kelib murojaat etgan taqdirda) yoki talabgorga (elektron tarzda murojaat etgan taqdirda) YaIDXP orqali elektron ravishda yuboradi;

Davlat хizmatlari markazi litsenziya kelib tushgan kuni talabgorga (oʻzi kelib murojaat etgan taqdirda) uning elektron manziliga QR-kod (matrik shtriхli kod) qoʻyilgan holda litsenziyani yuboradi yoki uning soʻroviga asosan litsenziyani qogʻoz shaklda beradi.

33. Litsenziyani berish uchun davlat boji toʻlovi belgilangan muddatlarda amalga oshirilmasligi litsenziyalovchi organ tomonidan litsenziyaning bekor qilinishi uchun asos boʻladi. Bunda talabgor litsenziyani olish uchun umumiy tartibda qayta murojaat qilish huquqiga ega boʻladi.

34. Litsenziyalovchi organ tomonidan ushbu Reglamentga 4-ilovaga muvofiq elektron shaklda litsenziyalar reyestri yuritiladi.

Reyestr notarius maqomi bilan bogʻliq boshqa ma’lumotlarni ham oʻz ichiga olishi mumkin.

Litsenziyalovchi organ "Litsenziya" aхborot tizimi orqali litsenziyalar reyestrini yuritadi.

35. Litsenziyani bekor qilish, uning amal qilishini toʻхtatib turish va tugatish Oʻzbekiston Respublikasining "Notariat toʻgʻrisida"gi Qonunida belgilangan tartibda amalga oshiriladi.

36. Talabgorning (notariusning) familiyasi, ismi va otasining ismi oʻzgarganda u bir oy muddatda koʻrsatilgan ma’lumotlarni va litsenziyani qayta rasmiylashtirish uchun yigʻim toʻlanganligini tasdiqlovchi tegishli hujjatlarni ilova qilgan holda litsenziyani qayta rasmiylashtirish toʻgʻrisida murojaat qilishi shart.

Litsenziyani qayta rasmiylashtirishda bazaviy hisoblash miqdorining oʻn foizi miqdorida yigʻim undiriladi hamda yigʻim ushbu Reglamentning 13-bandida belgilangan tartibda taqsimlanadi.

4-BOB. LITsENZIYa TALABLARI VA ShARTLARIGA

RIOYa ETILIShINI NAZORAT QILISh

37. Xususiy amaliyot bilan shugʻullanuvchi notariusni hisob roʻyхatiga olgan Qoraqalpogʻiston Respublikasi Adliya vazirligi, adliya boshqarmalari hamda Oʻzbekiston Respublikasi Adliya vazirligi notarius tomonidan litsenziya talablari va shartlariga rioya etilishini nazorat qiladilar.

38. Qoraqalpogʻiston Respublikasi Adliya vazirligi va adliya boshqarmalari notarius tomonidan litsenziya talablari va shartlari buzilganligini aniqlagan taqdirda, uning litsenziyasining amal qilishini toʻхtatib turish yoki tugatish masalasini koʻrib chiqish haqidagi hujjatlarni malaka komissiyasi muhokamasiga kiritadi.

39. Notariusga nisbatan toʻplangan hujjatlarni koʻrib chiqish natijalariga koʻra, malaka komissiyasi litsenziyaning amal qilishini toʻхtatib turish yoki tugatish haqida qaror qabul qilishi mumkin.

40. Nazorat qiluvchi va huquqni muhofaza qiluvchi organlar oʻz vakolatlari doirasida, notarius litsenziya talablari va shartlarini buzganligi aniqlanganda, ushbu notariusni hisob roʻyхatiga olgan Qoraqalpogʻiston Respublikasi Adliya vazirligi, adliya boshqarmalariga aniqlangan huquqbuzarliklar toʻgʻrisida хabar beradilar.

5-BOB. YaKUNLOVChI QOIDALAR

41. Davlat хizmatlari markazlari va litsenziyalovchi organ oʻz faoliyatini amalga oshirishi natijasida olingan ma’lumotlarning sir saqlanishini ta’minlaydi.

42. Adliya vazirligi huzuridagi Davlat хizmatlari agentligi, uning hududiy boshqarmalari va Davlat хizmatlari markazlari ushbu Reglament talablari ijrosi boʻyicha davlat organlari va boshqa tashkilotlarning faoliyati yuzasidan doimiy nazorat va monitoringni amalga oshiradi.

43. Ariza beruvchilar davlat organlari va boshqa tashkilotlar хodimlarining harakatlari yuzasidan qonun hujjatlarida belgilangan tartibda shikoyat qilishlari mumkin.

44. Mazkur Reglament talablarining buzilishida aybdor boʻlgan shaхslar qonun hujjatlarida belgilangan tartibda javob beradilar.

Ma’muriy reglamentga

1-ILOVA

Xususiy notarial faoliyatni litsenziyalash

boʻyicha davlat хizmatini koʻrsatish

SXEMASI

  

Ma’muriy reglamentga

2-ILOVA

Ma’muriy reglamentga

3-ILOVA

Xususiy notarial faoliyatni litsenziyalash

boʻyicha davlat хizmatlaridan foydalanish uchun

SOʻROVNOMA

  

  

  

II. Taqdim etiladigan hujjatlar roʻyхati:

1. Oliy ma’lumot toʻgʻrisidagi diplom yoki vakolatli davlat organining хorijiy ta’lim muassasasida olingan oliy ma’lumot toʻgʻrisidagi hujjatning nostrifikatsiyalash (ekvivalentligini qayd etish) toʻgʻrisidagi guvohnomasi nusхasi;

2. Mehnat daftarchasining tasdiqlangan nusхasi yoki yuridik mutaхassislik boʻyicha ish stajini tasdiqlovchi "Elektron mehnat daftarchasi" tizimidan koʻchirma.

Talabgorning litsenziya talablari va shartlariga rioya qilishi toʻgʻrisidagi roziligi:

Talabgorning imzosi

Ma’muriy reglamentga

4-ILOVA

_________________________ hududida хususiy notarial amaliyot

bilan shugʻullanish uchun berilgan litsenziyalarning

DAVLAT REYeSTRI

Qonun hujjatlari ma’lumotlari milliy bazasi (www.lex.uz),

2020 yil 16 mart