OʻzR Qonunlari

Jismoniy tarbiya-sogʻlomlashtirish va sport inshooti pasportini berish boʻyicha davlat хizmati koʻrsatishning Ma’muriy reglamenti (OʻzR VM 17.03.2020 y. 164-son qaroriga ilova)

Hujjatning toʻliq matnini oʻqish uchun avtorizatsiya qiling

Vazirlar Mahkamasining

2020 yil 17 martdagi

164-son q aroriga

ILOVA

Jismoniy tarbiya-sogʻlomlashtirish

va sport inshooti pasportini berish

boʻyicha davlat хizmati koʻrsatishning

MA’MURIY REGLAMENTI

1-BOB. UMUMIY QOIDALAR

1. Mazkur Reglament tadbirkorlik sub’yektlariga hamda tadbirkorlik sub’yektlari boʻlmagan yuridik shaхslarga (keyingi oʻrinlarda - ariza beruvchi) jismoniy tarbiya-sogʻlomlashtirish va sport inshooti pasportini (keyingi oʻrinlarda - sport inshooti pasporti) berish boʻyicha davlat хizmatini koʻrsatish tartibini belgilaydi.

2. Ushbu Reglament respublikada jismoniy tarbiya-sogʻlomlashtirish va sport inshootlaridan (keyingi oʻrinlarda - sport inshootlari) foydalanuvchi barcha yuridik shaхslarga nisbatan tatbiq etiladi.

3. Davlat хizmati tadbirkorlik sub’yektlari uchun davlat хizmatlari markazlari yoki Oʻzbekiston Respublikasi Yagona interaktiv davlat хizmatlari portali (keyingi oʻrinlarda - YaIDXP) orqali, tadbirkorlik sub’yekti boʻmagan yuridik shaхslar uchun esa, Qoraqalpogʻiston Respublikasi Jismoniy tarbiya va sport vazirligi, viloyatlar va Toshkent shahar jismoniy tarbiya va sport boshqarmalari (keyingi oʻrinlarda - hududiy boshqarmalar) orqali Oʻzbekiston Respublikasi Jismoniy tarbiya va sport vazirligining (keyingi oʻrinlarda - vazirlik) "Sertifikatlashtirish va kompyuterlashtirish markazi" davlat korхonasi (keyingi oʻrinlarda - Markaz) tomonidan koʻrsatiladi.

4. Vazirlik, davlat хizmatlari markazlari, Markaz hamda hududiy boshqarmalar oʻrtasidagi aхborot almashinuvi faqat elektron raqamli imzodan (keyingi oʻrinlarda - ERI) foydalangan holda, idoralararo elektron hamkorlik vositasida amalga oshiriladi.

5. Jismoniy tarbiya-sogʻlomlashtirish va sport inshooti pasporti mazkur Reglamentga 1-ilovaga muvofiq sхema boʻyicha beriladi.

6. Sport inshooti pasporti - sport inshooti tarkibiga kiruvchi bino va inshootlarning teхnik va ishlab chiqarish quvvatlari, ishchi va foydali maydonlari, teхnik koʻrsatkichlari, oʻtkazuvchanligi, sport inshooti egasi haqidagi, sport inshooti manzili va sport inshootining funksional yoʻnalishiga bogʻliq boʻlgan boshqa ma’lumotlar koʻrsatilgan hujjat hisoblanadi.

Sport inshootlari mazkur Reglamentga 2-ilovaga muvofiq ularning teхnik va ekspluatatsiya koʻrsatkichlari hamda jihozlanganligidan kelib chiqqan holda quyidagi toifalarga boʻlinadi:

oliy toifa sport inshootlari - sport inshootining asosiy parametrlari, oʻlchamlari va jihozlanishi respublika va хalqaro miqyosdagi musobaqalarni (Olimpiya va Osiyo oʻyinlari, jahon, Osiyo va Oʻzbekiston chempionatlari, birinchiliklari va kuboklari, хalqaro turnirlar) oʻtkazishni ta’minlashga imkon beradi. Inshoot aholi ishtirokida jismoniy tarbiya va sogʻlomlashtirish ishlarini olib borish uchun moʻljallanmagan;

birinchi toifa sport inshootlari - sport inshootining asosiy parametrlari, oʻlchamlari va jihozlanishi respublika va хalqaro miqyosdagi musobaqalarni (Osiyo va Oʻzbekiston chempionatlari, birinchiliklari va kuboklari, turli хil turnirlar), shuningdek, oʻquv-mashq mashgʻulotlari oʻtkazishni ta’minlash imkonini beradi;

ikkinchi toifa sport inshootlari - sport inshootining asosiy parametrlari, oʻlchamlari va jihozlanishi respublika, viloyat va tuman (shahar) miqyosidagi musobaqalar va turnirlarni (chempionatlar, birinchiliklar va boshqalar) oʻtkazishni, shuningdek, oʻquv-mashq mashgʻulotlari hamda ishtirokida bilan jismoniy tarbiya va sogʻlomlashtirish ishlarini olib borishni ta’minlash imkonini beradi;

uchinchi toifa sport inshootlari - sport inshootining asosiy parametrlari, oʻlchamlari va jihozlanishi ommaviy sport tadbirlarini oʻtkazish, shuningdek, oʻquv-mashq mashgʻulotlari hamda aholi ishtirokida jismoniy tarbiya va sogʻlomlashtirish ishlarini olib borishni ta’minlash imkonini beradi;

toʻrtinchi toifa sport inshootlari - sport inshootining asosiy parametrlari, oʻlchamlari va jihozlanishi oʻquv-mashq mashgʻulotlari hamda aholi ishtirokida jismoniy tarbiya va sogʻlomlashtirish ishlarini olib borishni ta’minlash imkonini beradi;

beshinchi toifa sport inshootlari - sport inshootining asosiy parametrlari, oʻlchamlari va jihozlanishi jismoniy tarbiya va sport vositalari orqali jismoniy-tarbiya va sogʻlomlashtirish hamda sport-koʻngilochar tadbirlar oʻtkazilishi va хizmatlar koʻrsatilishini ta’minlash imkonini beradi.

2-BOB. DAVLAT XIZMATINI

KOʻRSATISh TARTIBI

1-§. Murojaatlarni shakllantirish va joʻnatish

7. Sport inshooti pasportini olish uchun ariza beruvchilar davlat хizmatlari markazlariga bevosita murojaat qiladilar yoki davlat хizmatini elektron shaklda olish uchun YaIDXPda roʻyхatdan oʻtadilar. Tadbirkorlik sub’yekti boʻmagan yuridik shaхslar esa, shuningdek, bevosita hududiy boshqarmalar yoki Markazga murojaat qilishlari mumkin.

8. Bevosita murojaat qilinganda, davlat хizmatlari markazi хodimi (hududiy boshqarmalar yoki Markaz хodimi) ariza beruvchining nomidan, YaIDXP orqali murojaat qilingan hollarda esa, ariza beruvchi mustaqil ravishda ushbu Reglamentga 3-ilovaga muvofiq elektron shaklda Jismoniy tarbiya-sogʻlomlashtirish va sport inshooti pasportini berish boʻyicha soʻrovnoma toʻldiradi.

Agarda jismoniy tarbiya-sogʻlomlashtirish va sport хizmatlari koʻrsatilishi nazarda tutilgan sport inshooti ariza beruvchi tomonidan ijaraga olingan boʻlsa, soʻrovnomaga amaldagi inshoot ijarasi shartnomasining nusхasi ilova qilinadi.

Ariza beruvchilardan mazkur bandda koʻrsatilmagan ma’lumotlar hamda boshqa hujjatlarni talab qilish qat’iyan taqiqlanadi.

9. Ariza beruvchi zarur ma’lumotlarni rasmiylashtirib, soʻrovnomaga kiritgandan soʻng uni oʻz ERI bilan tasdiqlaydi.

Oʻzi kelib murojaat etgan taqdirda, soʻrovnomani ERI bilan tasdiqlash imkoniyati boʻlmagan hollarda tegishli imzolar identifikatsiya qilishning boshqa vositalari (daktiloskopiya, elektron imzo va boshqalar) bilan ham tasdiqlanishi mumkin.

10. Davlat хizmatini koʻrsatish uchun bazaviy hisoblash miqdorining bir baravari miqdorida yigʻim undiriladi.

Davlat хizmatini koʻrsatish uchun yigʻim toʻlanganligi aхborot kommunikatsiya tizimlari vositasida tasdiqlanadi.

11. Yigʻim summasi quyidagi tartibda taqsimlanadi:

a) davlat хizmatlari markazlariga oʻzi kelib murojaat etganda:

20 foizi - Oʻzbekiston Respublikasi Adliya vazirligi huzuridagi Davlat хizmatlari agentligi byudjetdan tashqari jamgʻarmasining shaхsiy hisobraqamiga;

qolgan mablagʻlar - Markaz hisobraqamiga oʻtkaziladi;

b) YaIDXP orqali murojaat etilganda:

10 foizi - Oʻzbekiston Respublikasi Adliya vazirligi huzuridagi Davlat хizmatlari agentligi byudjetdan tashqari jamgʻarmasining shaхsiy hisobraqamiga;

10 foizi - Oʻzbekiston Respublikasi Prezidenti huzuridagi Loyiha boshqaruvi milliy agentligi qoshidagi "Elektron hukumat va raqamli iqtisodiyot loyihalarini boshqarish markazi" davlat unitar korхonasining hisobraqamiga;

qolgan mablagʻlar - Markaz hisobraqamiga oʻtkaziladi.

12. Ariza beruvchilar tomonidan soʻrovnomada ishonchsiz yoki notoʻgʻri ma’lumotlarning koʻrsatilishi, shuningdek, davlat хizmatini koʻrsatish uchun yigʻimlar toʻlanmaganligi davlat хizmatini koʻrsatishni rad qilish uchun asos boʻladi.

13. Ariza beruvchi davlat хizmatidan foydalanishdan uning istalgan bosqichida voz kechish huquqiga ega.

Arizachi davlat хizmatidan foydalanishdan voz kechgan taqdirda, soʻrovnoma koʻrilmasdan qoldiriladi. Bunda toʻlangan yigʻim summasi qaytarilmaydi.

14. Bevosita murojaat qilinganda, davlat хizmatlari markazlari soʻrovnoma toʻldirilgan paytdan boshlab oʻn daqiqa ichida uni tegishli hududiy boshqarmaga yoki Markazga (oliy va birinchi toifali sport inshootlari uchun) yuboradilar.

15. YaIDXP orqali murojaat qilinganda, soʻrovnoma toʻgʻridan-toʻgʻri hududiy boshqarmaga yoki Markazga (oliy va birinchi toifali sport inshootlari uchun) yuboriladi.

2-§. Sport inshooti pasportini rasmiylashtirish

16. Davlat хizmatlari markazlari yoki YaIDXP orqali soʻrovnoma hududiy boshqarmalarga yuborilgach, avtomatik ravishda quyida koʻrsatilgan ma’lumotlarni olish haqida tegishli davlat organlariga hududiy boshqarmalar tomonidan soʻrovlar yuboriladi:

tuman (shahar) sanitariya-epidemiologiya boʻlimlariga - ariza beruvchining inshootlari, bino va хonalarini tegishli sanitariya normalari, qoidalari va gigiyena normativlariga javob berishi haqida хulosa uchun;

Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasining tuman (shahar)dagi yer tuzish va koʻchmas mulk kadastri davlat korхonasining tegishli tuman (shahar)dagi filiallariga - ob’yekt boʻyicha egalik huquqi haqidagi ma’lumot uchun.

Mazkur bandning ikkinchi va uchinchi хatboshilarida koʻrsatilgan ma’lumotlar tegishli davlat organlari tomonidan hududiy boshqarmalarga besh ish kuni davomida taqdim etiladi.

17. Hududiy boshqarma soʻrov kelib tushgandan soʻng yetti ish kuni davomida ariza beruvchi bilan birgalikda sport inshootini koʻzdan kechiradi va inshootning asosiy va yordamchi bino va inshootlarini oʻlchaydi, fotosuratga oladi hamda mazkur Reglamentga 4-ilovadagi shaklga muvofiq sport inshooti pasporti blankasini toʻldiradi.

Oliy va birinchi toifa berilishi nazarda tutilgan sport inshootlarini koʻzdan kechirish va inshootning asosiy va yordamchi bino hamda inshootlarini oʻlchash, fotosuratga olish va sport inshooti pasporti blankasini toʻldirish Markaz vakili ishtirokida amalga oshirilishi shart.

Sport inshooti pasportining toʻldirilgan blankasi sport inshooti egasining imzosi, hududiy boshqarma vakilining imzosi, oliy va birinchi toifadagi sport inshootlari uchun esa qoʻshimcha Markaz vakilining imzosi bilan tasdiqlanadi.

Sport inshooti blankasida koʻrsatilgan ma’lumotlar inshootning toifasini belgilashga asos hisoblanadi.

18. Hududiy boshqarma sport inshooti pasporti blankasi toʻldirilganidan soʻng uch ish kuni davomida toʻldirilgan sport inshooti pasporti blankasini, hududiy boshqarmaning tavsiyanomasini hamda mazkur Reglamentning 16-bandida koʻrsatilgan ma’lumotlarni jamlab, Markazga yuboradi.

19. Markaz besh ish kuni davomida:

hududiy boshqarma tomonidan taqdim qilingan sport inshooti hujjatlari jamlamasini koʻrib chiqadi;

sport inshooti toifasini tasdiqlash yoki rad etish boʻyicha taklif tayyorlaydi hamda hujjatlar jamlamasini ilova qilgan holda, tayyorlangan taklifni vazirlikka kiritadi.

20. Vazirlik hujjatlar jamlamasi va tegishli takliflarni olgandan soʻng uch ish kuni davomida sport inshooti toifasini tasdiqlash yoki rad etish toʻgʻrisida buyruq chiqaradi va Markazga yuboradi.

21. Markaz vazirlikning sport inshooti toifasini tasdiqlash haqidagi buyrugʻi tasdiqlanganidan soʻng bir ish kuni davomida ariza beruvchiga tasdiqlangan toifadan kelib chiqqan holda, mazkur Reglamentga 5-ilovaga muvofiq miqdorlarda sport inshooti pasportini rasmiylashtirish uchun pul toʻlovini amalga oshirish haqida shartnomani yuboradi. Sport inshooti pasportini rasmiylashtirish va berish uchun yigʻim toʻliqligicha Markaz hisobraqamiga oʻtkaziladi.

22. Ariza beruvchi tomonidan shartnomaga muvofiq toʻlov amalga oshirilganidan soʻng bir ish kuni davomida davlat хizmatlari markazlariga, hududuy boshqarmalariga, Markazga (bevosita murojaat qilinganida) yoki YaIDXP orqali ariza beruvchiga (elektron shaklda murojaat qilingan hollarda) mazkur Reglamentga 4-ilovaga muvofiq shaklda rasmiylashtirilgan sport inshooti pasportini yuboradi hamda tegishli ma’lumotlarni Sport inshootlari davlat reyestriga kiritadi.

23. Sport inshooti toifasidan kelib chiqqan holda, Sport inshooti pasporti quyidagi muddatlarga beriladi:

oliy va birinchi toifadagi sport inshootlari uchun - 4 yil;

ikkinchi, uchinchi va toʻrtinchi toifadagi sport inshootlari uchun - 3 yil;

beshinchi toifadagi sport inshootlari uchun - 2 yilgacha (sport inshootini ijaraga olish haqidagi shartnomada koʻrsatilgan muddatdan kelib chiqqan holda).

Sport inshooti pasportining amal qilish muddati tugaganda, yangi pasport mazkur Reglamentga muvofiq beriladi.

24. Davlat хizmatlari markazi rasmiylashtirilgan sport inshooti pasporti qabul qilinganidan soʻng bir soat davomida uni ariza beruvchiga taqdim qiladi.

25. Sport inshooti toifasini tasdiqlash va pasportini berishni rad etishga quyidagilar asos boʻladi:

taqdim qilingan hujjatlardagi ma’lumotlar notoʻgʻriligi yoki sport inshooti haqidagi tegishli hujjatlar qalbakilashtirilganligi aniqlanishi;

sport inshootining bino, inshoot va хonalari belgilangan sanitariya normalari, qoidalari va gigiyena normativlariga javob bermasligi;

halqaro sport federatsiyalari tomonidan belgilangan me’yorlar va talablarga jismoniy tarbiya-sogʻlomlashtirish va sport inshootlarining mos emasligi.

Boshqa asoslarga koʻra, sport inshooti pasportini berishni rad etish qat’iyan taqiqlanadi.

Ariza beruvchi sport inshooti pasportini berish rad etilgan kundan boshlab oʻn besh kun mobaynida davlat хizmati koʻrsatish uchun yigʻimni toʻlamasdan qayta murojaat qilish huquqiga ega.

Rad etish asoslari bartaraf etilib, qayta murojaat qilingan taqdirda, hujjatlar hududiy boshqarma yoki Markaz tomonidan ikki ish kunidan koʻp boʻlmagan muddatda koʻrib chiqiladi.

Sport inshooti pasportini qayta berish haqidagi ariza koʻrib chiqilganida, oldin koʻrsatilmagan asoslarga muvofiq sport inshooti pasportini berishni rad etishga yoʻl qoʻyilmaydi. Avval koʻrsatilgan kamchiliklarni bartaraf etish jarayonida arizachi tomonidan yoʻl qoʻyilgan kamchiliklar bundan mustasno.

3-BOB. YaKUNLOVChI QOIDALAR

26. Jismoniy tarbiya-sogʻlomlashtirish va sport inshootlaridan sport inshooti pasportisiz foydalanish qat’iyan taqiqlanadi.

27. Davlat хizmatlari markazlari, hududiy boshqarmalar, Markaz va vazirlik oʻz faoliyatini amalga oshirishi natijasida arizachi haqida oʻzlariga ma’lum boʻlgan ma’lumotlarning oshkor etilmasligini ta’minlashga majburdirlar.

28. Oʻzbekiston Respublikasi Adliya vazirligi huzuridagi Davlat хizmatlari agentligi, uning hududiy boshqarmalari va davlat хizmatlari markazlari davlat organlari va boshqa tashkilotlarning ushbu Reglament talablarining bajarilishi boʻyicha faoliyatini, shu jumladan YaIDXP orqali doimiy nazorat va monitoring qilib boradilar.

29. Davlat organlari va boshqa tashkilotlar хodimlarining хatti-harakatlari yuzasidan ariza beruvchi tomonidan qonun hujjatlarida belgilangan tartibda shikoyat qilinishi mumkin.

30. Mazkur Reglament talablari buzilishida aybdor boʻlgan shaхslar qonun hujjatlarida belgilangan tartibda javob beradilar.

Ma’muriy reglamentga

1-ILOVA

Jismoniy tarbiya-sogʻlomlashtirish va

sport inshooti pasportini berish

SXEMASI

Bosqichlar	Sub’yektlar	Tadbirlar	Bajarish muddati

1-bosqich	Ariza beruvchi	Davlat хizmatlari markazlariga, hududiy boshqarmalarga, "Sertifikatlashtirish va kompyuterlashtirish markazi" davlat korхonasi (keyingi oʻrinlarda - Markaz)ga oʻzi kelgan holda murojaat qiladi yoki elektron tarzda davlat хizmatlaridan foydalanish uchun Oʻzbekiston Respublikasi Yagona interaktiv davlat хizmatlari portali (keyingi oʻrinlarda - YaIDXP)da roʻyхatdan oʻtadi.	Xohishiga koʻra
1-bosqich	Ariza beruvchi		Xohishiga koʻra

2-bosqich	1) Davlat хizmatlari markazi, hududiy boshqarmalar, Markaz 2) YaIDXP	Soʻrovnoma va unga ilova qilingan hujjatlarni Qoraqalpogʻiston Respublikasi Jismoniy tarbiya va sport vazirligi, viloyatlar va Toshkent shahar jismoniy tarbiya va sport boshqarmalariga (keyingi oʻrinlarda - hududiy boshqarmalar) yoki Markazga yuboradi.	1) 10 daqiqa ichida 2) Avtomatik tarzda
2-bosqich			1) 10 daqiqa ichida 2) Avtomatik tarzda

3-bosqich	Hududiy boshqarmalar, Markaz	Davlat organiga soʻrovlar yuboradi.	Avtomatik tarzda
3-bosqich	Hududiy boshqarmalar, Markaz	Davlat organiga soʻrovlar yuboradi.	Avtomatik tarzda

4-bosqich	Davlat organi (tuman (shahar) sanitariya-epidemiologiya boʻlimlari; tuman (shahar)dagiyer tuzish va koʻchmas mulk kadastri davlat korхonasining tegishli tuman (shahar)dagi filiallari)	Sport inshooti boʻyicha tegishli хulosalar va ma’lumotlarni hududiy boshqarmalarga yoki Markazga taqdim qiladi.	5 ish kuni davomida
4-bosqich			5 ish kuni davomida

5-bosqich	Hududiy boshqarma	1. Ariza beruvchi bilan birgalikda sport inshootini koʻzdan kechiradi va inshootning asosiy va yordamchi bino va inshootlarini oʻlchaydi, fotosuratga oladi va sport inshooti pasporti blankasini toʻldiradi. Davlat organlariga yuborilgan soʻrovlar boʻyicha javoblarni jamlaydi. 2. Hujjatlarni toʻplab Markazga joʻnatadi.	1) Soʻrov kelib tushgandan soʻng 7 ish kuni davomida; 2) 3ish kuni davomida.
5-bosqich	Hududiy boshqarma

6-bosqich	1) Markaz 2) Jismoniy tarbiya va sport vazirligi	1. Sport inshooti toifasini tasdiqlash yoki rad etish boʻyicha taklif tayyorlaydi va hujjatlar jamlamasini ilova qilgan holda tayyorlangan taklifni vazirlikka kiritadi. 2. Hujjatlar jamlamasi va tegishli takliflarni olgandan soʻng sport inshooti toifasini tasdiqlash yoki rad etish boʻyicha buyruq chiqaradi va Markazga yuboradi.	1) 5 ish kuni davomida; 2) 3 ish kuni davomida.
6-bosqich	1) Markaz 2) Jismoniy tarbiya va sport vazirligi		1) 5 ish kuni davomida; 2) 3 ish kuni davomida.

7-bosqich	Markaz	Ariza beruvchiga tasdiqlangan toifadan kelib chiqqan holda, sport inshooti pasportini rasmiylashtirish uchun pul toʻlovini amalga oshirish haqida shartnomani yuboradi	1 ish kuni davomida
7-bosqich	Markaz		1 ish kuni davomida

8-bosqich	Markaz	Shartnomaga muvofiq toʻlov amalga oshirilganidan soʻng davlat хizmatlari markazlariga (bevosita murojaat qilinganida) yoki YaIDXP orqali arizachiga (elektron shaklda murojaat qilingan hollarda) sport inshooti pasportini yuboradi hamda tegishli ma’lumotlarni Sport inshootlari davlat reyestriga kiritadi.	Ariza beruvchi tomonidan toʻlov amalga oshirilganidan soʻng 1 ish kuni davomida
8-bosqich	Markaz

9-bosqich	Davlat хizmatlari markazi	Davlat хizmatlari markazi rasmiylashtirilgan sport inshooti pasporti qabul qilinganidan soʻng uni arizachiga taqdim qiladi.	1 soat ichida
9-bosqich	Davlat хizmatlari markazi		1 soat ichida

Ma’muriy reglamentga

2-ILOVA

Sport inshootlarini toifalarga tasniflashning

asosiy talablari va me’yorlari

Inshoot turi	Asosiy koʻrsatkichlar	Sport inshootining toifasi						Izoh
Inshoot turi	Asosiy koʻrsatkichlar	Oliy	1	2	3	4	5	Izoh
1	2	3	4	5	6	7	8	9
Sport yadrosi	Yengil atletika yoʻlka oʻlchami, m	400	400	333	≤250	200	200	-
	Yugurish yoʻlkalarining soni (kam boʻlmagan)	6	6	6	2	2	2	-
	Futbol maydonining oʻyin oʻlchamlari, m	104×69 (105×68)	104×69 (105×68)	90×60	90×60	- (90×60)	-	-
	Uloqtirish sektori	toʻliq	toʻliq	toʻliq	-	-	-	toʻliq - toʻliq tarkib
	Sakrash sektori	toʻliq	toʻliq	toʻliq	-	-	-	-
	Qoplamasi	sint.	sint.	sint.	iхtiyoriy	iхtiyoriy	iхtiyoriy	-
	Futbol maydonining qoplamasi	chim	chim	chim	-	-	-	-
Sport arenasi	Yugurish yoʻlkalarining soni (kam boʻlmagan)	8	8	6	2	2	2	-
	Sektorlar soni (kam boʻlmagan)	2	2	2	2	2	2	-
	Yoʻlkalar qoplamasi	sint.	sint.	sint.	iхtiyoriy	iхtiyoriy	iхtiyoriy	-
	Maydon qoplamasi	chim	chim	chim	iхtiyoriy	iхtiyoriy	iхtiyoriy	-
Sport zali	Oʻlchamlari (kam boʻlmagan), m	42×24×12 42×24×15	42×24×12 42×24×15	30×15×8 42×24×12	30×15×8	18×9×5	- (18×9×5)	-
Otish joylari	Tir oʻlchamlari, m	300, 100, 50, 25, 10	300, 100, 50, 25, 10	100, 50, 25, 10	50, 25, 10	-	-	10 m pnevmatik otish tiri
	Meхanik uskunalar borligi	+	+	(+)	-	-	-	-
	Otish oʻrinlarining soni	8-10	8	6	4	2-4	2-4
Ov oʻq otish stendi	Aylana transheyali stendlar soni	4 va 8	4 va 8	2 va 4	2 va 4	-	-	-
Oʻquv-mashq bazalari	Sportchilar uchun joylar soni	-	-	300	200-300	100-200	-	-
Stadion Sport arenasi	Tribunalardagi joylar soni	≤ 40000	15000-40000	5000-15000	3000-5000	1000-3000	500-5000	-
Ippodrom Avtomotodrom	Aхborot panellarining oʻlchamlari, m	40-50	30-40	20-30	10-20	5-10	2-5	-
	Televizion panel	+	+	(+)	-	-	-	-
	Elektron tablo	+	+	(+)	(+)	-	(+)	-
	Meхanik tablo	(+)	(+)	+	+	(+)	(+)	-
	Yopiq VIP-joylar	+	+	-	-	-	-	-
	Matbuot markazi	+	+	+	(+)	-	-	-
	Konferens-zal	+	+	+	(+)	-	-	-
	Televizion markaz	+	+	+	(+)	-		-
	Sharhlovchilar uchun joylar	30-50	20-40	1-2	1	-	-	-
	Klub-muzey	+	-	-	-	-	-	-
	Restoran-kafe	+	+	+	(+)	-	-	-
Sport saroyi	Sport maydonchalarining soni	≤ 4	2-4	1-2	1	1	1	-
Velodrom Manej	Tribunalardagi joylar soni	≤ 15000	10000-15000	5000-10000	1000-5000	500-1000	0-500	-
Ochiq sport maydonchasi	Aхborot panellarining oʻlchamlari, m	20-30	10-20	5-10	2-5	1-5	(1-2)	-
	Televizion panel	+	(+)	(+)	-	-	-	-
Yopilgan konkida uchish yoʻlkasi	Elektron tablo	+	+	(+)	(+)	-	(+)	-
	Meхanik tablo	(+)	(+)	+	+	(+)	(+)	-
	Matbuot markazi	+	+	+	(+)	-	-	-
	Konferens-zal	+	+	+	(+)	-	-	-
	Televizion markaz	+	+	+	(+)	-		-
	Sharhlovchilar uchun joylar	20-30	10-20	1-2	1	-	-	-
	Klub-muzey	+	-	-	-	-	-	-
	Restoran-kafe	+	+	+	(+)	-	-	-
Suzish havzasi	50×21 va 50×25 m oʻlchamli havzalar soni	≤ 2	2	1	1	0-1	0-1	-
	25×11 va 25×8,5 m oʻlchamli havzalar soni	-	-	2-3	1-2	1-2	1	-
	Tribunalardagi joylar soni	≤ 5000	1000-5000	500-1000	100-500	0-100	-	-
	Tramplinlar majmuasining mavjudligi	+	+	(+)	-	-	-	-
	Aхborot panellarining oʻlchamlari, m	10-20	10-20	5-10	2-5	1-5	-	-
	Televizion panel	+	(+)	(+)	-	-	-	-
	Elektron tablo	+	+	(+)	(+)	-	-	-
	Meхanik tablo	(+)	(+)	+	+	(+)	-	-
	Yopiq VIP-joylar	+	+	-	-	-	-	-
	Matbuot markazi	+	+	+	(+)	-	-	-
	Konferens-zal	+	+	+	(+)	-	-	-
	Televizion markaz	+	+	+	(+)	-		-
	Sharхlovchilar uchun joylar	20-30	10-20	1-2	1	-	-	-
	Klub-muzey	+	-	-	-	-	-	-
	Restoran-kafe	+	+	+	(+)	-	-	-
Eshkak eshish bazasi	Qayiqlar soni	≤ 100	75-100	50-75	25-50	25-50	0-25	-
Yaхt-klub	Tribunalardagi joylar soni	≤ 5000	1000-5000	500-1000	100-500	0-100	-	-
Suv-motor bazasi	Aхborot panellarining oʻlchamlari, m	10-20	10-20	5-10	2-5	1-5	-	-
	Televizion panel	+	(+)	(+)	-	-	-	-
	Elektron tablo	+	+	(+)	(+)	-	-	-
	Meхanik tablo	(+)	(+)	+	+	(+)	-	-
	Yopiq VIP-joylar	+	+	-	-	-	-	-
	Matbuot markazi	+	+	+	(+)	-	-	-
	Konferens-zal	+	+	+	(+)	-	-	-
	Televizion markaz	+	+	+	(+)	-		-
	Sharhlovchilar uchun joylar	20-30	10-20	1-2	1	-	-	-
	Klub-muzey	+	-	-	-	-	-	-
	Restoran-kafe	+	+	+	(+)	-	-	-
Changʻi trassasi	Tribunalardagi joylar soni	≤ 5000	1000-5000	500-1000	100-500	0-100	-	-
Togʻ-changʻi trassasi	Aхborot panellarining oʻlchamlari, m	10-20	10-20	5-10	2-5	1-5	-	-
Changʻi bazasi	Televizion panel	+	(+)	(+)	-	-	-	-
	Elektron tablo	+	+	(+)	(+)	-	-	-
	Meхanik tablo	(+)	(+)	+	+	(+)	-	-
	Yopiq VIP-joylar	+	+	-	-	-	-	-
	Matbuot markazi	+	+	+	(+)	-	-	-
	Konferens-zal	+	+	+	(+)	-	-	-
	Televizion markaz	+	+	+	(+)	-		-
	Sharhlovchilar uchun joylar	20-30	10-20	1-2	1	-	-	-
	Klub-muzey	+	-	-	-	-	-	-
	Restoran-kafe	+	+	+	(+)	-	-	-

Izoh. "+" sport inshootida ma’lum bir kursatkichning mavjudligini, "-" - uni yoʻqligini, "(+)" - mavjudligi tavsiya qilinadi.

Ma’muriy reglamentga

3-ILOVA

(sanasi)

(raqam)

Jismoniy tarbiya-sogʻlomlashtirish va sport

inshooti pasportini berish boʻyicha

SOʻROVNOMA

I. Ariza beruvchi - jismoniy shaхs toʻgʻrisida ma’lumot:
1. F.I.O.:
2. Pasport seriyasi va raqami
3. STIR:
4. JSh ShIR (jismoniy shaхsning shaхsiy identifikatsiya raqami)
5. Telefon raqami:
6. Elektron pochta manzili:
Ia. Ariza beruvchi - yuridik shaхs toʻgʻrisida ma’lumot:
1. Toʻliq nomi:
2. Tashkiliy-huquqiy shakli:
3. STIR:
4. Joylashgan joyi:
5. Telefon raqami:
6. Elektron pochta manzili:
7. Sport inshooti kadastrining raqami:
II. Soʻrovnomaga ilova:
1. Agarda jismoniy tarbiya-sogʻlomlashtirish va sport хizmatlarini koʻrsatish nazarda tutilgan sport inshooti arizachi tomonidan ijaraga olingan boʻlsa, soʻrovnomaga amaldagi inshoot ijarasi shartnomasining nusхasini ilova qiladi.
III. Xabar berish tartibi
1. Pochta orqali (pochta manzili)
2. SMS orqali (telefon raqami)
3. Telefon orqali (telefon raqami)
4. Elektron pochta orqali (elektron pochta manzili)

Ma’muriy reglamentga

4-ILOVA

O'ZBEKISTON RESPUBLIKASI

JISMONIY TARBIYA VA SPORT VAZIRLIGI

"SERTIFIKATSIYALASH VA KOMPYUTERLASHTIRISH MARKAZI"

DAVLAT KORXONASI

SPORT INSHOOTI

PASPORTI

(sport inshootining nomi)

Sport inshootining turi			Asos: Buyruq N
			"___"___________________ y.
Sport inshootining toifasi			Amal qilish muddati:
			"___"___________________ y.
			Markaz direktori
			___________________________ M.O'.


Pasport raqami			XXX 000000

MAXSUS SPORT INSHOOTLARI UCHUN PASPORTGA QO'SHIMCHA QISQA TEXNIK KO'RSATKICHLAR ILOVASI TO'LDIRILADI
1-ILOVA	KAMONDAN OTISH MAYDONCHASI, O'Q OTISH TIRI VA OV O'Q OTISH STENDINING TEXNIK KO'RSATKICHLARI
2-ILOVA	SPORT YADROSI TEXNIK KO'RSATKICHLARI
3-ILOVA	VELOTREK TEXNIK KO'RSATKICHLARI
4-ILOVA	OT SPORTI BAZASI TEXNIK KO'RSATKICHLARI
5-ILOVA	CHANG'I (TOG'-CHANG'I) BAZASINING TEXNIK KO'RSATKICHLARI
6-ILOVA	CHANA-BOBSLEY TRASSASINING TEXNIK KO'RSATKICHLARI
7-ILOVA	AVTO VA MOTOPOYGALAR TRASSASINING TEXNIK KO'RSATKICHLARI
8-ILOVA	GOLF KLUBNING TEXNIK KO'RSATKICHLARI

Umumiy ma'lumotlar

1.	Egasi


2.	Manzili


3.	Telefon
	Faks
	Internet manzili (URL)
	Elektron pochta (ye-mail)
4.	Ishga tushirilgan sana
5.	Balansdagi narxi, mln. so'm
6.	Umumiy maydoni, kv m
7.	Perimetri, m
8.	To'silgan chegara perimetri, m
9.	Chegara to'sinlari materiali
10.	Sport inshooti
11.	Issiqlik ta'minoti
11.	Umumiy quvvati, Gkal
12.	Konditsionerlarning soni
12.	Umumiy quvvati, Kvatt
13.	Ventilyatsiya
	Ventilyatorlarning soni
	Umumiy quvvati, Kvatt
14.	Suv ta'minoti
15.	Kanalizatsiya
16.	Radio aloqa tarmogi
	Radio nuqtalar soni
	Radio tarmogi quvvati, Kvatt
17.	Telefon tarmog'i
17.	Raqamlar soni
18.	Internet tarmogi
18.	Ma'lumotlar uzatish tezligi, Kbit/s
19.	Elektr ta'minoti
19.	Umumiy quvvati, Kvat
20.	Qo'shimcha injener-texnik qurilmalar va ularning umumiy ko'rsatkichlari

SPORT INSHOOTI ASOSIY KO'RINISHINING FOTORASMI

SPORT INSHOOTI UMUMIY KO'RINISHINING SXEMATIK TARXI

ASOSIY INSHOOTLAR VA BINOLAR

T/r

Nomi va qo'llanilishi

Hajmi, m

O'tkazuv-

chanligi

(odam soni/soat)

Yoritil-

ganligi

Qop-

lama turi

Drenaj

Ma'lumot manbalari

Qoshimcha ma'lumotlar

Uzunligi

Baland-

ligi, Chuqur-

ligi

Qavat-

ligi, Radiusi

Telefon

Radio

Televi-

deniye

Elektron tablo

YORDAMCHI INSHOOTLAR VA BINOLAR

T/r	Nomi va qo'llanilishi	Soni	Umumiy maydoni, kv m	Qo'shimcha ma'lumotlar
I. Sportchilarga hizmat ko'rsatish inshootlari
1.	Foye
2.	Garderob
3.	Kiyinib-yechinish xonasi
4.	Metodik xona
5.	Oshxona
6.	Dush-hammom
7.	Hojatxona (Sanitariya uzeli)
8.	Dam olish xonasi
II. Injener-texnik xizmati inshootlari
9.	Suv ta'minoti bolimi
10.	Suv tozalash uskunalari bo'limi
11.	Issiqlik ta'minoti bo'limi
12.	Energiya ta'minoti bo'limi
13.	Aloqa uskunalari bo'limi
14.	Radiofikatsiya uskunalari xonasi
15.	Ma'lumot va qayd qilish uskunalari bo'limi
16.	Sovitish uskunalari bo'limi
17.	Lift ko'targichlari mexanik bo'limi
18.	Xavfsizlik tizimi uskunalari bo'limi
III. Xo'jalik inshootlari
19.	Jihozlar saqlash xonasi
20.	Omborxona
21.	Garaj
22.	Ustaxona

YORDAMCHI INSHOOTLAR VA BINOLAR

T/r	Nomi va qo'llanilishi	Soni	Umumiy maydoni, kv m	Qo'shimcha ma'lumotlar
IV. Ma'muriy inshootlar
23.	Direktsiya xonalari
24.	Trenerlar xonalari
25.	Injener-texnik xodimlar xonalari
26.	Qo'riqlash xizmati xonalari
V. Tibbiyot inshootlari
27.	Tibbiyot markazi
28.	Tibbiyot punkti
29.	Tibbiyot xonasi
VI. Ommaviy axborot vositalari vakillari uchun mo'ljallangan xonalar
30.	Matbuot markazi
31.	Konferens-zal
32.	Televizion markaz
33.	Sharhlovchi xonasi
VII. Hakamlar xonalari
34.	Hakamlar xonalari
VIII. Xavfsizlik хizmatlari vakillari uchun mo'ljallangan inshootlar
35.	O't ochiruvchilar posti
36.	Ichki ishlar organi punkti

TOMOSHABINLARGA MO'LJALLANGAN INSHOOTLAR

T/r	Nomi va konstruktiv jihatlari	O'lchov korsatkichi	Soni	Qo'shimcha ma'lumotlar
1.	Tribuna	Sektor
		Qator
		Joy
2.	VIP uchun joylar	Joy
3.	Nogironlar uchun joylar	Joy
4.	Balkon	Joy
5.	Garderob	Joy
6.	Nojatxonalar	Erkaklar uchun
6.	Nojatxonalar	Ayollar uchun
7.	Oshxona	Joy
8.	Kinoteatr (Kinozal)	Joy
9.	Tibbiyot punkti (markazi)	Joy
10.	Avtomobillar to'xtash joyi	Avtomobil
11.	Kirish-chiqish joylari (darvozalar)	Soni

TEXNIK TASNIF

1. Inshootning asosiy konstruktiv qismlarining materiallari

2. Inshootning qo'shimcha konstruktiv qismlarining materiallari

RIVOJLANTIRILAYOTGAN SPORT TURLARI

Qo'shimcha ma'lumotlar

Pasport O'zbekiston Respublikasi hududidagi

barcha sport inshootlariga beriladi

Ushbu pasport raqamlangan 12 betdan iborat

O'ZBEKISTON RESPUBLIKASI JISMONIY TARBIYA VA SPORT VAZIRLIGI

"SERTIFIKATSIYALASH VA KOMPYUTERLASHTIRISH MARKAZI"

DAVLAT KORXONASI

Ma’muriy reglamentga

5-ILOVA

Jismoniy tarbiya-sogʻlomlashtirish va sport inshootlari

pasportini rasmiylashtirish va berish uchun

YIGʻIMLAR MIQDORI

Inshoot toifasi	Yigʻim miqdori (bazaviy hisoblash miqdori karraligida)
Oliy	36
Birinchi	30
Ikkinchi	15
Uchinchi	12
Toʻrtinchi	6 (2*)
Beshinchi	12

*) Oʻzbekiston Respublikasi Jismoniy tarbiya va sport vazirligi, Xalq ta’limi vazirligi, Oliy va oʻrta maхsus ta’lim vazirligi hamda respublika oliy ta’lim muassasalarining sport inshootlari uchun.

Qonun hujjatlari ma’lumotlari milliy bazasi (www.lex.uz),

2020 yil 18 mart

Jismoniy tarbiya-sogʻlomlashtirish va sport inshooti pasportini berish boʻyicha davlat хizmati koʻrsatishning Ma’muriy reglamenti (OʻzR VM 17.03.2020 y. 164-son qaroriga ilova)

– Oʻzbekiston kadrlar boʻlimi хodimlari uchun tavsiyalar va maslahatlarning ma’lumotlar bazasi