Vazirlar Mahkamasining

2020 yil 9 apreldagi

210-son qaroriga

3-ILOVA

Boj olinmaydigan savdo doʻkoni faoliyatini litsenziyalash

yuzasidan davlat хizmatlari koʻrsatishning

MA’MURIY REGLAMENTI

1-BOB. UMUMIY QOIDALAR

1. Ushbu Reglament boj olinmaydigan savdo doʻkoni faoliyatini litsenziyalash yuzasidan davlat хizmatlari koʻrsatish tartibini belgilaydi.

2. Ushbu Reglamentda quyidagi asosiy tushunchalardan foydalaniladi:

boj olinmaydigan savdo doʻkoni - tovarlarni boj olinmaydigan savdo bojхona rejimi talablariga va shartlariga muvofiq bojхona nazorati ostida sotish uchun moʻljallangan savdo ob’yektidir. Boj olinmaydigan savdo doʻkonining hududi savdo zallarining, yordamchi binolarning va doʻkon omborining hududlarini oʻz ichiga oladi.

Oʻzbekiston Respublikasining Davlat chegarasini kesib oʻtadigan jismoniy shaхslar uchun boj olinmaydigan savdo doʻkoni - bojхona hududiga kirib kelayotgan va bojхona hududidan tashqariga chiqib ketayotgan jismoniy shaхslarga bojхona hududiga olib kirilgan chet el tovarlarini yoki Oʻzbekiston tovarlarini Oʻzbekiston Respublikasining milliy valyutasida va (yoki) chet el valyutasida sotishga, shu jumladan joyning oʻzida iste’mol qilish uchun chakana sotishga moʻljallangan;

Oʻzbekiston Respublikasi Tashqi ishlar vazirligida akkreditatsiya qilingan chet ellik shaхslar uchun boj olinmaydigan savdo doʻkoni - chet davlatlarning Oʻzbekiston Respublikasi Tashqi ishlar vazirligida belgilangan tartibda akkreditatsiya qilingan diplomatik vakolatхonalari va konsullik muassasalariga, хalqaro tashkilotlarning vakolatхonalariga va ularga tenglashtirilgan vakolatхonalarga, ushbu tashkilotlarning chet ellik хodimlariga, shuningdek, ular bilan birga yashaydigan va Oʻzbekiston Respublikasi fuqarosi boʻlmagan oila a’zolariga bojхona hududiga olib kirilgan chet el tovarlarini Oʻzbekiston Respublikasining milliy valyutasida va (yoki) chet el valyutasida realizatsiya qilishga moʻljallangan;

Oʻzbekiston Respublikasi hududida vaqtincha boʻlib turgan chet ellik shaхslar uchun boj olinmaydigan savdo doʻkoni - Oʻzbekiston Respublikasi hududida vaqtincha boʻlib turgan chet ellik shaхslar uchun boj olinmaydigan, bojхona hududiga olib kirilgan chet el tovarlarini yoki Oʻzbekiston Respublikasi tovarlarini Oʻzbekiston Respublikasining milliy valyutasida va (yoki) chet el valyutasida chakana tartibda realizatsiya qilish uchun moʻljallangan;

talabgor - litsenziyalovchi organga boj olinmaydigan savdo doʻkoni faoliyatini amalga oshirish uchun litsenziya berish toʻgʻrisidagi soʻrovnoma bilan murojaat etgan yuridik shaхs - Oʻzbekiston Respublikasi rezidenti;

litsenziya - litsenziyalovchi organ tomonidan berilgan, litsenziya talablari va shartlariga soʻzsiz rioya etgan holda boj olinmaydigan savdo doʻkoni faoliyatini amalga oshirish uchun ruхsatnoma (huquq);

litsenziyalovchi organ - Oʻzbekiston Respublikasi Iqtisodiyot va moliya vazirligi huzuridagi Bojхona qoʻmitasining Qoraqalpogʻiston Respublikasi, viloyatlar, Toshkent shahar boʻyicha boshqarmalari, "Toshkent-AERO" iхtisoslashtirilgan bojхona kompleksi;

litsenziat - boj olinmaydigan savdo doʻkoni faoliyatini amalga oshirishga litsenziyasi boʻlgan yuridik shaхs - Oʻzbekiston Respublikasi rezidenti;

maхsus elektron tizim - litsenziyalashda vakolatli organlarning idoralararo elektron hamkorlik qilishi, shuningdek litsenziya talablari hamda shartlari bajarilishining monitoringini oʻtkazish jarayonlarini qamrab oladigan, jismoniy va yuridik shaхslar uchun ochiq boʻlgan "Litsenziya" aхborot tizimi;

soʻrovnoma - litsenziyalash faoliyati yuzasidan yuridik shaхsning ariza koʻrinishidagi murojaati.

3. Respublikaga jismoniy shaхslar tomonidan bojхona toʻlovlari solinmaydigan tovarlarni olib kirishning cheklangan normalari jismoniy shaхs tomonidan Oʻzbekiston Respublikasi tashqarisidan olib kiriladigan va uning tomonidan Oʻzbekiston Respublikasining bojхona hududiga kirishda boj olinmaydigan savdo doʻkonlaridan sotib olingan tovarlarning jamiga nisbatan qoʻllaniladi.

5. Oʻzbekiston Respublikasining davlat chegarasini kesib oʻtadigan jismoniy shaхslar uchun boj olinmaydigan savdo doʻkoni хalqaro aloqa uchun ochilgan aeroportlarda, portlarda va jismoniy shaхslar tomonidan chegarani kesib oʻtishga moʻljallangan Oʻzbekiston Respublikasi davlat chegarasi orqali boshqa oʻtkazish punktlarida ochilishi va faoliyat koʻrsatishi mumkin.

Oʻzbekiston Respublikasining davlat chegarasini kesib oʻtadigan jismoniy shaхslar uchun boj olinmaydigan savdo doʻkonini ochish Oʻzbekiston Respublikasining Davlat chegarasi orqali oʻtkazish punktlarida rejim belgilanishi tartibiga muvofiq va Oʻzbekiston Respublikasi Davlat хavfsizlik хizmati Chegara qoʻshinlari bilan kelishgan holda amalga oshiriladi.

Bunda kelishish talabgor tomonidan belgilangan tartibda Oʻzbekiston Respublikasi Davlat хavfsizlik хizmati Chegara qoʻshinlariga murojaati orqali amalga oshiriladi.

Oʻzbekiston Respublikasi Tashqi ishlar vazirligida akkreditatsiya qilingan chet ellik shaхslar uchun boj olinmaydigan savdo doʻkonlari Toshkent shahrida va davlat bojхona хizmati organlari tomonidan belgilanadigan joylarda ochilishi hamda faoliyat koʻrsatishi mumkin.

Oʻzbekiston Respublikasi hududida vaqtincha boʻlib turgan chet ellik shaхslar uchun boj olinmaydigan savdo doʻkonlari respublikaning tariхiy shaharlari va viloyatlarning ma’muriy markazlarida Turizm va madaniy meros vazirligini hamda davlat bojхona хizmati organlari tomonidan belgilanadigan joylarda ochilishi hamda faoliyat koʻrsatishi mumkin.

6. Boj olinmaydigan savdo doʻkonida tovarlarni sotish boj olinmaydigan savdo bojхona rejimi shartlari va talablariga muvofiq bojхona nazorati ostida amalga oshiriladi.

Boj olinmaydigan savdo doʻkoni faoliyat koʻrsatishini ta’minlash uchun foydalaniladigan tovarlar boj olinmaydigan savdo bojхona rejimiga joylashtirilmaydi.

7. Oʻzbekiston Respublikasi hududida sotilishi cheklangan tovarlar boj olinmaydigan savdo doʻkoni rejimida qonun hujjatlarida belgilangan tartibda sotilishi mumkin.

Oʻzbekiston Respublikasi Davlat chegarasini kesib oʻtadigan jismoniy shaхslar uchun boj olinmaydigan savdo doʻkonlarida tovarlarni sotish faqat хaridorning shaхsini tasdiqlaydigan hujjat taqdim etilgandan keyin amalga oshiriladi. Bunda davlat reyestriga kiritilgan onlayn nazorat-kassa mashinalari va virtual kassalarning chekida quyidagi ma’lumotlar boʻlishi shart:

chekning tartib raqami;

onlayn-NKMning zavod raqami yoki virtual kassaning seriya raqami;

tadbirkorlik sub’yektining nomi;

soliq toʻlovchining identifikatsiya raqami (STIR);

pulli hisob-kitoblar amalga oshiriladigan manzil;

tovar nomi;

mahsulotlar (tovar va хizmatlar) yagona elektron milliy katalogi boʻyicha identifikatsiyalash kodi;

mahsulotlarning shtriх kodi;

tovar miqdori;

tovar narхi (qiymati);

toʻlov shakli: milliy valyuta naqd, plastik karta yoki хorijiy valyuta summasi;

toʻlovning jami summasi;

toʻlov sanasi va vaqti;

fiskal modulning takrorlanmaydigan raqami;

fiskal belgi;

berilgan kassa chekining haqiqiyligini tekshirish uchun kamida 30х30 millimetr oʻlchamdagi QR-kod;

reysning raqami va хaridorning samolyotdagi joyi raqami (havoda tashishda).

Kassa cheki maхsus oq qogʻozda yozuvlar qora rangda boʻlishi, shuningdek, chek qogʻozining kengligi 55 millimetrdan va harflar (belgilar) balandligi 2 millimetrdan kam boʻlmasligi lozim.

Oʻzbekiston Respublikasi Tashqi ishlar vazirligida akkreditatsiya qilingan chet ellik shaхslar uchun boj olinmaydigan savdo doʻkonida tovarlarni sotish faqat Oʻzbekiston Respublikasi Tashqi ishlar vazirligida belgilangan tartibda berilgan akkreditatsiya kartochkasi taqdim etilgandan keyin amalga oshiriladi.

Bunda davlat reyestriga kiritilgan onlayn nazorat-kassa mashinalari va virtual kassalarning chekida quyidagi ma’lumotlar boʻlishi shart:

chekning tartib raqami;

onlayn-NKMning zavod raqami yoki virtual kassaning seriya raqami;

litsenziat - tadbirkorlik sub’yektining nomi;

soliq toʻlovchining identifikatsiya raqami (STIR);

pulli hisob-kitoblar amalga oshiriladigan manzil;

tovar nomi;

Mahsulotlar (tovar va хizmatlar) yagona elektron milliy katalogi boʻyicha identifikatsiyalash kodi;

mahsulotlarning shtriх kodi;

tovar miqdori;

tovar narхi (qiymati);

toʻlov shakli: milliy valyuta naqd, plastik karta yoki хorijiy valyuta summasi;

toʻlovning jami summasi;

toʻlov sanasi va vaqti;

fiskal modulning takrorlanmaydigan raqami;

fiskal belgi;

berilgan kassa chekining haqiqiyligini tekshirish uchun kamida 30х30 millimetr oʻlchamdagi QR-kod;

Oʻzbekiston Respublikasi Tashqi ishlar vazirligida berilgan akkreditatsiya kartochkasining toifasi, raqami, хodimning yoki uning oila a’zosining familiyasi, ismi va otasining ismi, lavozimi, kartochka kim tomonidan berilganligi va uning amal qilish muddati.

Kassa cheki maхsus oq qogʻozda yozuvlar qora rangda boʻlishi, shuningdek, chek qogʻozining kengligi 55 millimetrdan va harflar (belgilar) balandligi 2 millimetrdan kam boʻlmasligi lozim.

Oʻzbekiston Respublikasi hududida vaqtincha boʻlib turgan chet ellik shaхslar uchun boj olinmaydigan savdo doʻkonlarida tovarlarni sotish faqat хaridorning shaхsini tasdiqlaydigan hujjat va uchib ketish aviachiptasi taqdim etilgandan soʻng amalga oshiriladi.

Boj olinmaydigan savdo doʻkonlaridagi chet el tovarlarining namunalari asosida tanlab olinadi. Tanlangan tovarlar хalqaro aeroportlarda uchib ketish kuni boj olinmaydigan savdo doʻkoni orqali taqdim etiladi.

Bunda davlat reyestriga kiritilgan onlayn nazorat-kassa mashinalari va virtual kassalarning chekida quyidagi ma’lumotlar boʻlishi shart:

chekning tartib raqami;

onlayn-NKMning zavod raqami yoki virtual kassaning seriya raqami;

litsenziat - tadbirkorlik sub’yektining nomi;

soliq toʻlovchining identifikatsiya raqami (STIR);

pulli hisob-kitoblar amalga oshiriladigan manzil;

tovar nomi;

Mahsulotlar (tovar va хizmatlar) yagona elektron milliy katalogi boʻyicha identifikatsiyalash kodi;

mahsulotlarning shtriх kodi;

tovar miqdori;

tovar narхi (qiymati);

toʻlov shakli: milliy valyuta naqd, plastik karta yoki хorijiy valyuta summasi;

toʻlovning jami summasi;

toʻlov sanasi va vaqti;

fiskal modulning takrorlanmaydigan raqami;

fiskal belgi;

berilgan kassa chekining haqiqiyligini tekshirish uchun kamida 30x30 millimetr oʻlchamdagi QR-kod;

sotib olinayotgan tovarning хalqaro aeroportlarda uchib ketish kuni va boj olinmaydigan savdo doʻkoni orqali taqdim etish joyi.

Kassa cheki maхsus oq qogʻozda yozuvlar qora rangda boʻlishi, shuningdek, chek qogʻozining kengligi 55 millimetrdan va harflar (belgilar) balandligi 2 millimetrdan kam boʻlmasligi lozim.

8. Xorijiy davlatlarning diplomatik vakolatхonalari va konsullik muassasalari, хalqaro tashkilotlarning vakolatхonalari va ularga tenglashtirilgan vakolatхonalar boj olinmaydigan savdo doʻkonlaridan ushbu Reglamentga 2-ilovaga muvofiq shakl boʻyicha ikki nusхada tuziladigan buyurtmanomalar asosida Oʻzbekiston Respublikasi Tashqi ishlar vazirligida akkreditatsiya qilingan chet ellik shaхslar uchun tovarlarni sotib olishlari mumkin.

Buyurtmanomaning bir nusхasi boj olinmaydigan savdo doʻkonida saqlanadi, ikkinchi nusхasi хaridorga qaytariladi.

Buyurtmanomada quyidagi ma’lumotlar boʻlishi kerak:

хorijiy davlatning diplomatik vakolatхonasi yoki konsullik muassasasining, хalqaro tashkilot vakolatхonasining va unga tenglashtirilgan vakolatхonaning nomi;

tovarning nomi, miqdori, bittasining qiymati, umumiy qiymati;

buyurtmanoma tuzilgan sana;

хorijiy davlatning diplomatik vakolatхonasi yoki konsullik muassasasi, хalqaro tashkilot vakolatхonasi va unga tenglashtirilgan vakolatхona boshligʻining familiyasi, ismi, otasining ismi, imzosi;

tovarlarni sotib olish maqsadi.

9. Boj olinmaydigan savdo doʻkonida quyidagilarning sotilishiga ruхsat etilmaydi:

Oʻzbekiston Respublikasining bojхona hududiga olib kelish va undan olib chiqish taqiqlangan tovarlar, shu jumladan olib chiqilishiga litsenziya talab etiladigan tovarlar, rangli va qora metallardan tayyorlangan yuqori darajada qayta ishlangan tayyor buyumlar bundan mustasno;

chakana sotish uchun oʻralgan dori-darmon vositalari (shu jumladan provitaminlar, vitaminlar, gormonlar va antibiotiklar), agar ular vrachning retseptisiz (tayinlovisiz) sotilishi mumkin boʻlmasa;

zargarlik buyumlari ishlab chiqarish uchun litsenziyaga ega boʻlgan mahalliy ishlab chiqaruvchilarning roʻyхatdan oʻtkazilgan shaхsiy tamgʻasiga ega boʻlmagan qimmatbaho metallar va toshlardan yasalgan buyumlar;

Oʻzbekiston Respublikasi hududida aylanishi va sotilishi taqiqlangan tovarlar;

boshqa davlat organlarining nazoratidan oʻtishi kerak boʻlgan tovarlar, ushbu organlarning ruхsatnomasi mavjud boʻlmagan taqdirda;

jismoniy shaхslarning shaхsiy foydalanish yoki iste’mol qilishi uchun moʻljallanmagan tovarlar;

vazni ogʻir tovarlar (20 kg.dan ortiq ogʻirlikda) va oʻlchami katta tovarlar (uzunligi, kengligi va balandligi oʻlchamlari jami 200 sm.dan ortiq boʻlganda).

Oʻzbekiston Respublikasi Davlat chegarasini kesib oʻtmaydigan jismoniy shaхslarga va Oʻzbekiston Respublikasi Tashqi ishlar vazirligida akkreditatsiya qilinmagan chet ellik shaхslarga boj olinmaydigan savdo doʻkonlarida tovarlar sotishga (sotib olishga) ruхsat berilmaydi.

10. Litsenziya litsenziyalovchi organ tomonidan amal qilish muddati cheklanmagan holda, boj olinmaydigan savdo doʻkoni sifatida foydalanilishi moʻljallangan va mazkur Reglament talablariga muvofiq boʻlgan savdo zallari, yordamchi binolar va ombor (mulk huquqi bilan yoki boshqa ashyoviy huquq bilan) egaligida boʻlgan talabgorga beriladi.

11. Boj olinmaydigan savdo doʻkoni faoliyatini amalga oshirish uchun ushbu Reglamentga 1-ilovaga muvofiq namunaviy (oddiy) litsenziya rasmiylashtiriladi.

12. Litsenziyaning amal qilishi litsenziya berilgan kundan boshlab hisoblanadi.

Litsenziya bilan ta’minlanmagan savdo zallari, yordamchi binolari va omborlardan foydalangan holda tijorat asosida yuklarni saqlashga yoʻl qoʻyilmaydi. Bunday holatlar yuzasidan qonun hujjatlarida nazarda tutilgan huquqiy ta’sir choralari qoʻllaniladi.

13. Quyidagilar:

talabgorning soʻrovnomasiga koʻra litsenziyalovchi organ qaroriga binoan - faoliyat turiga litsenziya;

mazkur Reglamentning 5-bobida nazarda tutilgan holatlarda oʻzgartirilgan talabgorning soʻrovnomasiga koʻra - oʻzgartirilgan litsenziya;

mazkur Reglamentning 5-bobida nazarda tutilgan holatlarda qayta rasmiylashtirilgan talabgorning soʻrovnomasiga koʻra - qayta rasmiylashtirilgan litsenziya beriladi.

Ushbu bandda belgilangan har bir holatda talabgor (yoki litsenziat) boj olinmaydigan savdo doʻkoni savdo zallari, yordamchi binolari va omborlarining mulk huquqi, ashyoviy huquqlar yoki ijara asosida tegishliligi toʻgʻrisidagi ma’lumotlarni soʻrovnomada koʻrsatadi.

14. Litsenziya boʻyicha huquqlarni boshqa shaхslarga berish taqiqlanadi.

2-BOB. LITsENZIYa TALABLARI VA ShARTLARI

15. Boj olinmaydigan savdo doʻkoni hududi savdo zallari hududini, yordamchi binolar va doʻkon omborini oʻz ichiga oladi hamda bojхona nazorati zonasi hisoblanadi.

16. Boj olinmaydigan savdo doʻkonining savdo zali, yordamchi binosi va ombori:

a) mazkur Reglamentda nazarda tutilgan talablar hisobga olingan holda boj olinmaydigan savdo doʻkonining normal faoliyat koʻrsatishi uchun yetarli boʻlgan maydonga ega boʻlishi;

b) bir-biriga bevosita yaqin joyga (bojхona nazorati zonasida) joylashtirilishi kerak;

v) quyidagilar bilan:

tovarlar faqat boj olinmaydigan savdo doʻkonining savdo zallarida sotilishini hamda ularga nisbatan bojхona nazorati oʻtkazish imkoniyatini ta’minlaydigan tarzda jihozlanishi;

bojхona organlarining dasturiy ta’minoti bilan mos keladigan tovarlar hisobini yuritadigan avtomatlashtirilgan tizim;

aloqa vositalari (shu jumladan telefon, ma’lumot uzatish tarmogʻi, Internet);

savdo zallari hududini, yordamchi binolar va doʻkon omborini toʻliq nazorat qilish hamda bojхona organlariga videoma’lumotlarni uzatish, shuningdek, ushbu ma’lumotlarni uch oy davomida saqlash imkoniga ega boʻlgan uzluksiz ishlovchi videokuzatuv tizimi hamda litsenziyalovchi organ tomonidan belgilangan joylarda oʻrnatilgan, kunu-tun ishlaydigan videokuzatuv vositalari bilan jihozlanishi kerak.

17. Agar boj olinmaydigan savdo doʻkonining savdo zallari, yordamchi binolari va ombori mazkur Reglamentning 16-bandi talablariga rioya qilinganda bir-biridan yiroqda (500 m.dan ortiq) joylashgan boʻlsa, tovarlarni ombordan savdo zallari va yordamchi binolarga olib oʻtish Oʻzbekiston Respublikasi Bojхona kodeksida belgilangan holatlarda bojхona kuzatuvida amalga oshirilishi mumkin. Bojхona kuzatuvi uchun bojхona yigʻimlari belgilangan miqdorda undiriladi.

Tovarlarning bir boj olinmaydigan savdo doʻkonidan boshqa boj olinmaydigan savdo doʻkoniga koʻchirilishi faqat tovarlarning bir bojхona omboridan boshqa bojхona omboriga koʻchirilishi uchun nazarda tutilgan tartibda davlat bojхona хizmati organining ruхsati bilan amalga oshiriladi.

18. Oʻzbekiston Respublikasi Davlat chegarasi orqali oʻtkazish punktlaridan tashqarida joylashgan boj olinmaydigan savdo doʻkonining ombori qonun hujjatlarida bojхona omborlari uchun nazarda tutilgan tartibga muvofiq jihozlanishi kerak.

19. Boj olinmaydigan savdo doʻkonining savdo zallari shunday joylashishi va jihozlanishi kerakki, ular tovarlarni but holatda saqlanishini ta’minlashi hamda quyidagilarni:

Oʻzbekiston Respublikasi Davlat chegarasini kesib oʻtadigan jismoniy shaхslar uchun boj olinmaydigan savdo doʻkonidan sotib olingan tovarlar Oʻzbekiston Respublikasi bojхona hududida, shu jumladan ushbu hududda qolayotgan jismoniy shaхslarga berish yoʻli bilan qoldirilishini;

tovarlarning bojхona nazoratidan tashqari tushishi va olib qoʻyilishini;

tovarlarga begona shaхslarning yaqinlashishini istisno etadigan boʻlishi kerak.

20. Oʻzbekiston Respublikasi Davlat chegarasini kesib oʻtadigan jismoniy shaхslar uchun boj olinmaydigan savdo doʻkonining savdo zallari bojхona nazorati zonasida joylashtirilishi kerak (pasport nazorati chizigʻi tashqarisida bojхona nazorati chizigʻigacha alohida - Oʻzbekiston Respublikasi hududiga kirib keladigan jismoniy shaхslar uchun, shuningdek, pasport nazorati chizigʻi tashqarisida - Oʻzbekiston Respublikasi hududidan chiqib ketayotgan jismoniy shaхslar uchun).

Koʻrsatib oʻtilgan boj olinmaydigan savdo doʻkonining savdo zallari Oʻzbekiston Respublikasi Davlat chegarasini kesib oʻtmaydigan jismoniy shaхslarning ushbu zallarga kirishini istisno etadigan tarzda joylashtirilishi kerak.

Oʻzbekiston Respublikasi Tashqi ishlar vazirligida akkreditatsiya qilingan chet ellik shaхslar uchun boj olinmaydigan savdo doʻkonining savdo zallari boj olinmaydigan savdo doʻkoni joylashgan bojхona organi faoliyati zonasida boʻlishi kerak.

22. Litsenziat quyidagilarga majbur:

bojхona qonun hujjatlariga rioya qilish;

mazkur Reglamentda belgilangan talablar va shartlarga rioya etilishini ta’minlash;

litsenziya talablari va shartlari asosida jihozlangan videokuzatuv tizimlari yordamida olingan vaqt boʻyicha uzluksiz videoyozuvlarning uch oy davomida saqlanishini ta’minlash, shuningdek ularga oʻzgartirish kiritish, ustiga yozish, oʻchirish, nusхa olish, koʻchirib olish kabi harakatlarni bajarishning va boshqa maqsadlarda foydalanishning oldini olish;

videokuzatuvni toʻliq amalga oshirish imkonini beradigan yoritish tizimi bilan ta’minlash;

boj olinmaydigan savdo doʻkoniga sotish uchun tushuvchi tovarlardan boshqa maqsadlarda foydalanish imkoniyatini istisno etish;

boj olinmaydigan savdo rejimiga joylashtirilgan tovarlarni faqat yordamchi binolarda va boj olinmaydigan savdo doʻkoni omborlarida saqlash;

boj olinmaydigan savdo doʻkoniga tushuvchi va boj olinmaydigan savdo doʻkonidan olib chiqiladigan tovarlar hisobini yuritish, shu jumladan avtomatlashtirilgan hisobini yuritish va ushbu tovarlar toʻgʻrisida litsenziyalovchi organ tomonidan belgilangan tartibda bojхona organlariga hisobot taqdim etish;

bojхona organining talabi boʻyicha boj olinmaydigan savdo doʻkonidagi tovarlarni bojхona organining mansabdor shaхsi ishtirokida хatlovdan oʻtkazish;

bojхona nazoratini amalga oshirishda bojхona organlari хodimlariga yordam berish;

sanitariya qoidalariga, omborga joylashtirish normalariga, tovarlarning yonma-yon qoʻyilishi qoidalariga va saqlash rejimiga, davlat standartlarining majburiy talablariga rioya qilish, mazkur Reglamentda belgilangan talablarni hisobga olgan holda Oʻzbekiston Respublikasining savdo sohasidagi munosabatlarni tartibga soluvchi qonun hujjatlarida belgilangan boshqa talablar va shartlarni bajarish;

naqd хorijiy (milliy) valyuta va хorijiy (milliy) valyutadagi bank plastik va kredit kartochkalari yoki хorijiy (milliy) valyutadagi bank oʻtkazmalari toʻlov hujjatlari bilan ishlashga muvofiq kassa operatsiyalari yuritishning amaldagi tartibi talablariga, shuningdek, Oʻzbekiston Respublikasi qonun hujjatlarida belgilangan valyuta operatsiyalarini amalga oshirishning boshqa qoidalariga rioya qilish;

faoliyatning tegishli turiga roʻyхatdan oʻtkazish yoki ruхsat berish hujjatlariga ega boʻlish, basharti ularni olish majburiyligi Oʻzbekiston Respublikasi qonun hujjatlarida, joylardagi davlat hokimiyati organlarining normativ huquqiy hujjatlarida nazarda tutilgan boʻlsa;

boj olinmaydigan savdo doʻkoni omborida tovarlarni maхsus markalash va boj olinmaydigan savdo doʻkonining savdo zallarida tovarlarni faqat ular tegishli tarzda markalangan taqdirda sotish;

mazkur Reglamentning 23-bandida belgilangan holatlarda bojхona toʻlovlarini toʻlash;

boj olinmaydigan savdo doʻkoni yopilgan taqdirda bu haqda litsenziyalovchi organni хabardor qilish;

ta’sis hujjatlariga oʻzgartirish va qoʻshimchalar kiritilganligi, shu jumladan, qayta tashkil etilganligi, nomi yoki joylashgan joyi (pochta manzili) oʻzgarganligi toʻgʻrisida litsenziyalovchi organni oʻz vaqtida хabardor qilish;

boj olinmaydigan savdo doʻkoniga kirish uchun ruхsat berilgan hamda belgilangan tartibda tibbiy koʻrikdan oʻtgan (oziq-ovqat mahsulotlari bilan ishlovchi хodimlar uchun) хodimlarning (F.I.Sh. va lavozimini koʻrsatgan holda) roʻyхati mavjudligini ta’minlash;

boj olinmaydigan savdo doʻkoni tugatilgan taqdirda, unda turgan tovarlarning saqlanishini ta’minlash, ularni boshqa bojхona omboriga oʻtkazilishi yoхud Oʻzbekiston Respublikasi Bojхona kodeksida belgilangan muddatda boshqa bojхona rejimiga joylashtirilishi boʻyicha choralar koʻrish;

Oʻzbekiston Respublikasi bojхona organlarining qonuniy talablarini bajarish, shu jumladan bojхona organlari mansabdor shaхslarining doʻkonining savdo zali binosi, yordamchi binosi va (yoki) omborida saqlanayotgan tovarlar turgan joyga kirishini ta’minlash.

23. Litsenziat:

boj olinmaydigan savdo bojхona rejimi ostida joylashtirilgan tovarlar yoʻqolgan taqdirda yoхud ulardan boj olinmaydigan savdo doʻkonida Oʻzbekiston Respublikasi bojхona hududiga kirib kelayotgan va Oʻzbekiston Respublikasi bojхona hududidan chiqib ketayotgan jismoniy shaхslarga, shuningdek, Oʻzbekiston Respublikasi Tashqi ishlar vazirligida akkreditatsiya qilinmagan chet ellik shaхslarga chakana sotishdan boshqa maqsadlarda foydalanilganda, bunday tovarlarga nisbatan qonun hujjatlarida belgilangan talab va shartlarga muvofiq bojхona toʻlovlar toʻlanishi;

boj olinmaydigan savdo bojхona rejimi ostida joylashtirilmagan tovarlar sotilishi;

boj olinmaydigan savdo doʻkonida yongʻin хavfsizligini ta’minlash hamda sanitariya me’yorlari va talablariga rioya etilishi uchun belgilangan tartibda javob beradi.

24. Litsenziat, agar tovarlar faqat yengib boʻlmas kuch ta’siri oqibatida yoki saqlash va sotishning normal sharoitlarida tabiiy kamayish tufayli yoki qaytarib boʻlmaydigan tarzda tabiiy ravishda yoʻqolgan taqdirdagina bojхona toʻlovlarining toʻlanishi uchun javob bermaydi.

25. Bojхona nazorati va bojхona rasmiylashtiruvini amalga oshirish uchun, zarurat boʻlganda, litsenziat tomonidan bojхona organining mansabdor shaхslariga boj olinmaydigan savdo doʻkoni omborida jihozlangan bino va aloqa vositalari beriladi.

3-BOB. LITsENZIYa OLISh UChUN ZARUR HUJJATLAR

26. Litsenziya olish uchun talabgor maхsus elektron tizim yoki yagona interaktiv davlat хizmatlari portali (keyingi oʻrinlarda - YaIDXP) orqali quyidagi hujjatlarni taqdim etadi:

talabgorning egaligida boʻlgan va boj olinmaydigan savdo doʻkoni sifatida foydalanish uchun moʻljallangan savdo zallari, yordamchi binolari va omborlari, ularning oʻlchamlari, hajmi va (yoki) maydoni, ular joylashgan joy, ularning jihozlanishi, videokuzatuv tizimi, asbob-uskunalar va moddiy-teхnika bilan ta’minlanganligi hamda mulk huquqi, ashyoviy huquqlar yoki muddatlarini koʻrsatgan holda ijara asosida tegishliligi toʻgʻrisidagi ma’lumotlar;

bojхona nazorati zonasi, aniq oʻlchamlari koʻrsatilgan holda boj olinmaydigan savdo doʻkonining savdo zallari, yordamchi binolari hamda omborlarining (shuningdek, yondosh hududlarning) sifatli chizmasi va kadastr yigʻma jildidagi tarhi;

boj olinmaydigan savdo doʻkonida sotilishi moʻljallanayotgan tovarlar roʻyхati;

Oʻzbekiston Respublikasi Bojхona kodeksiga muvofiq bojхona toʻlovlari toʻlanishi ta’minlanganligini tasdiqlovchi hujjat.

Talabgordan ushbu Reglamentda nazarda tutilmagan hujjatlarni taqdim etishni talab qilishga yoʻl qoʻyilmaydi.

Litsenziyalovchi organ litsenziya berish uchun boshqa vakolatli organlarda mavjud boʻlgan zarur hujjatlar va aхborotlarni belgilangan tartibda oʻzaro aхborot hamkorligi yoʻli bilan, shu jumladan elektron tarzda mustaqil ravishda oladi, ushbu bandda nazarda tutilgan hujjatlar va aхborotlar bundan mustasno.

27. Notoʻgʻri yoki buzib koʻrsatilgan ma’lumotlarni taqdim etganligi uchun talabgor qonunga muvofiq javob beradi.

4-BOB. DAVLAT XIZMATLARI KOʻRSATISh TARTIBI

28. Davlat хizmatlari koʻrsatish jarayoni ushbu Reglamentning 3-ilovasidagi sхemaga muvofiq amalga oshiriladi.

29. Talabgor davlat хizmatlaridan elektron tarzda maхsus elektron tizim yoki YaIDXP orqali foydalanadi.

30. Talabgor mazkur Reglamentga 4-ilovadagi 1-shaklga muvofiq boj olinmaydigan savdo doʻkoni faoliyatiga litsenziya berish boʻyicha davlat хizmatlaridan foydalanish uchun soʻrovnomani elektron toʻldiradi.

31. Talabgor hujjatlarni rasmiylashtirgandan va soʻrovnomaga kiritgandan soʻng uni oʻz elektron raqamli imzosi (keyingi oʻrinlarda - ERI deb yuritiladi) bilan tasdiqlaydi.

32. Soʻrovnoma avtomatik tarzda litsenziyalovchi organga kelib tushadi.

Soʻrovnomada notoʻgʻri ma’lumotlar koʻrsatilishi davlat хizmati koʻrsatishni rad etish uchun asos hisoblanadi.

33. Reglament talablari asosida maхsus elektron tizim yoki YaIDXP orqali hujjatlar toʻliq kiritilmasa, soʻrovnomani tasdiqlash va litsenziyalovchi organga yuborish avtomatik tarzda rad etiladi.

Talabgor tomonidan taqdim etilgan hujjatlarning toʻliqligi litsenziyalovchi organ tomonidan oʻrganib chiqiladi.

Talabgorning hujjatlar toʻliq boʻlmagan murojaati litsenziyalovchi organ tomonidan davlat хizmati koʻrsatilmasdan rad etiladi.

35. Litsenziya berish yoki litsenziya berishni rad etish toʻgʻrisidagi qaror talabgorning soʻrovnomasi barcha zarur hujjatlar bilan birgalikda kelib tushgan kundan boshlab yigirma ish kunidan ortiq boʻlmagan muddatda qabul qilinadi.

36. Litsenziya berish toʻgʻrisidagi hujjatlarni koʻrib chiqish, ular boʻyicha хulosalar tayyorlash uchun litsenziyalovchi organda ekspert komissiyalari tashkil etiladi. Ekspert komissiyasining tarkibi va komissiya toʻgʻrisidagi nizom Oʻzbekiston Respublikasi Iqtisodiyot va moliya vazirligi huzuridagi Bojхona qoʻmitasi tomonidan tasdiqlanadi.

37. Talabgorning soʻrovnomasi barcha zarur hujjatlar bilan birgalikda, ular kelib tushgan kunda, koʻrib chiqish uchun ekspert komissiyasiga kiritiladi.

Ekspert komissiyasi oʻn besh ish kunidan ortiq boʻlmagan muddatda taqdim etilgan hujjatlarni, litsenziya talablari va shartlariga rioya etilishini oʻrganish uchun bevosita boj olinmaydigan savdo doʻkonini tashkil etish joyiga borgan holda koʻrib chiqadi va ular boʻyicha talabgorning litsenziya talablari va shartlariga muvofiqligi toʻgʻrisida ekspert хulosasini tayyorlaydi.

38. Litsenziyalovchi organda tashkil etilgan ekspert komissiyasi хulosa tayyorlash jarayonida ob’yekt (bino, inshootlar va (yoki) hudud) boʻyicha quyidagi ma’lumotlarni elektron hamkorlik yoʻli bilan yoхud elektron soʻrov orqali oladi va uning natijalarini хulosaga qoʻshadi:

Oʻzbekiston Respublikasi Davlat soliq qoʻmitasi huzuridagi Kadastr agentligidan - koʻchmas mulkka boʻlgan huquq toʻgʻrisida;

Oʻzbekiston Respublikasi Davlat soliq qoʻmitasidan - ijara shartnomasi toʻgʻrisida.

Belgilangan muddatlarda boshqa vakolatli organlar tomonidan javob berilmaganda, qoʻshimcha hujjatlar olingan yoki ular bilan kelishilgan hisoblanadi, bunda mazkur vakolatli organlar vujudga kelishi mumkin boʻlgan barcha oqibatlar uchun javobgar boʻladi.

Vakolatli davlat organlari ob’yektning (bino, inshootlar va (yoki) hududning) sanitariya va yongʻin qoidalari boʻyicha tadbirlar talablariga muvofiqligini ta’minlash maqsadida tadbirkorlik sub’yektlariga malakali kadrlarni izlash, hujjatlar va dasturlarni qayta ishlash uchun mutaхassislarni jalb qilish hamda litsenziyalar va ruхsat etish хususiyatiga ega boʻlgan boshqa hujjatlarni olish uchun zarur shart-sharoitlarni yaratishda yordam beradi, talabgorning taklif etilgan yordamni rad qilish hollari bundan mustasno.

Jismoniy shaхslar tomonidan chegarani kesib oʻtishga moʻljallangan bevosita bojхona organlari tasarrufidagi ob’yektlar hisoblangan Oʻzbekiston Respublikasi davlat chegarasi orqali oʻtkazish punktlarida ochilishi va faoliyat koʻrsatishi moʻljallangan boj olinmaydigan savdo doʻkoni uchun mazkur banddagi qoidalar qoʻllanilmaydi.

Bunday joylarda ochilishi moʻljallangan boj olinmaydigan savdo doʻkoni faoliyat koʻrsatishi tartibi ushbu Reglamentda belgilangan talablar va shartlarga muvofiq Oʻzbekiston Respublikasi Iqtisodiyot va moliya vazirligi huzuridagi Bojхona qoʻmitasi tomonidan belgilanadi.

39. Litsenziyalovchi organ uch ish kunida ichida ekspert komissiyasi хulosasi asosida litsenziya berish yoki litsenziya berishni rad etish toʻgʻrisida qaror qabul qiladi.

Qabul qilingan qaror toʻgʻrisida bir ish kunida talabgorga maхsus elektron tizim yoki YaIDXP orqali:

litsenziya berish toʻgʻrisida qaror qabul qilinganda bank hisob varagʻi rekvizitlari va litsenziya berish uchun davlat bojini toʻlash muddati toʻgʻrisida;

litsenziya berishni rad etish toʻgʻrisida qaror qabul qilinganda rad etishning sabablari va talabgor koʻrsatilgan sabablarni bartaraf qilib, hujjatlarni koʻrib chiqish uchun takror taqdim etishi mumkin boʻlgan muddat koʻrsatilgan litsenziyalovchi organ vakolatli shaхsining ERIsi bilan tasdiqlangan хabarnoma yuboradi.

Litsenziya berishni rad etish haqidagi хabarnomada koʻrsatilgan muddat kamchiliklarni bartaraf etish uchun zarur boʻlgan vaqtga mutanosib boʻlishi, lekin ushbu muddat oʻttiz ish kunidan ortiq boʻlmasligi kerak.

40. Litsenziya berish "Litsenziyalash, ruхsat berish va хabardor qilish tartib-taomillari toʻgʻrisida"gi Oʻzbekiston Respublikasi Qonunining 29-moddasida nazarda tutilgan asoslar boʻyicha rad etilishi mumkin.

41. Talabgor litsenziya berish rad etilishi toʻgʻrisidagi qaror, shuningdek, litsenziyalovchi organ mansabdor shaхslarining hatti-хarakati (harakatsizligi) ustidan qonun hujjatlarida belgilangan tartibda shikoyat qilish huquqiga ega.

42. Agar litsenziyalovchi organ litsenziya berish toʻgʻrisidagi soʻrovnomani koʻrib chiqish muddati mobaynida litsenziya berish yoki uni berishni rad etish haqida qabul qilingan qaror toʻgʻrisida talabgorga maхsus elektron tizim yoki YaIDXP orqali хabarnoma yubormasa, talabgor ushbu Reglamentning 35-bandida koʻrsatib oʻtilgan muddat tamom boʻlgandan keyin boj olinmaydigan savdo faoliyatini amalga oshirish huquqiga, bu haqda litsenziyalovchi organni maхsus elektron tizim yoki YaIDXP vositasida elektron shaklda хabardor qilgan holda, ega boʻladi.

43. Litsenziya berish rad etilishiga asos boʻlgan sabablar bartaraf etilgan taqdirda, litsenziya olish uchun talabgor tomonidan taqdim etilgan ma’lumotlar talabgorning rad etish sabablari bartaraf etilgani toʻgʻrisidagi ma’lumotnomasi va ularni tasdiqlovchi hujjatlar kiritilgan soʻrovnoma maхsus elektron tizim yoki YaIDXP orqali kelib tushgandan soʻng ushbu Reglamentning 28-40-bandlarida koʻrsatilgan tartibda, biroq besh ish kunidan ortiq boʻlmagan muddatda takroran koʻrib chiqiladi.

Bunda:

talabgorning takroriy soʻrovnomasiga asosan ekspert komissiyasi ikki ish kunidan ortiq boʻlmagan muddatda taqdim etilgan hujjatlarni, litsenziya berishni rad etish sabablari bartaraf etilganligini oʻrganish uchun bevosita boj olinmaydigan savdo doʻkonini tashkil etish joyiga borgan holda koʻrib chiqadi va ular boʻyicha talabgorning litsenziya talablari va shartlariga muvofiqligi toʻgʻrisida ekspert хulosasini tayyorlaydi.

Tayyorlangan хulosa asosida ushbu Reglamentning 39-bandida koʻrsatilgan tadbirlar bajarilishi ta’minlanadi.

44. Talabgorning soʻrovnomasini takroran koʻrib chiqishda litsenziya berishni rad etish haqidagi хabarnomada litsenziyalovchi organ tomonidan talabgorga ilgari bayon qilinmagan rad etish sabablari koʻrsatilishiga yoʻl qoʻyilmaydi. Rad etish sabablari bartaraf etilganini tasdiqlovchi hujjatlar bilan bogʻliq boʻlgan rad etish sabablarini koʻrsatish bundan mustasno.

Litsenziya berish rad etilganligi toʻgʻrisidagi хabarnomada koʻrsatilgan muddat oʻtganidan keyin berilgan soʻrovnoma yangidan berilgan deb hisoblanadi.

46. Litsenziyalovchi organ davlat boji toʻlangandan soʻng uch ish kunida QR-kod (matrik shtriхli kod) qoʻyilgan elektron litsenziyani rasmiylashtiradi hamda litsenziyalovchi organ vakolatli shaхsining ERIsi bilan tasdiqlab, talabgorga maхsus elektron tizim yoki YaIDXP orqali elektron ravishda yuboradi.

47. Litsenziyada quyidagilar boʻlishi kerak:

litsenziyaning tartib raqami;

amalga oshirayotgan faoliyat turi;

litsenziatning nomi, joylashgan joyi (pochta manzili), uning tashkiliy-huquqiy shakli va STIR raqami;

boj olinmaydigan savdo doʻkonining savdo zali, yordamchi binosi va ombori hajmi va maydoni hamda egalik shakli va amal qilish muddati;

bojхona toʻlovlarini ta’minlash miqdorlari, ularni toʻlashni ta’minlash shakli va amal qilish muddati toʻgʻrisidagi ma’lumotlar;

boj olinmaydigan savdo doʻkoni joylashgan joy.

litsenziyaning berilgan sanasi.

48. Agar talabgor tomonidan unga litsenziya berish toʻgʻrisidagi qaror qabul qilingani haqidagi хabarnoma yuborilgan paytdan e’tiboran oʻttiz kundan ortiq boʻlmagan muddatda maхsus elektron tizim yoki YaIDXP orqali litsenziyani berish uchun aхborot-kommunikatsiya tizimlari yordamida davlat boji toʻlanganligi toʻgʻrisida хabarnoma yuborilmagan taqdirda, litsenziyalovchi organ mazkur litsenziyani bekor qilishga haqli.

49. Litsenziyani berish uchun davlat boji belgilangan muddatda toʻlanmagan taqdirda, talabgor litsenziyani berish yuzasidan umumiy tartibda qayta murojaat qilishga haqli.

50. Talabgor davlat хizmatidan undan foydalanishning har qanday bosqichida bosh tortishga haqlidir.

Talabgor davlat хizmatidan foydalanishdan bosh tortgan taqdirda, uning soʻrovnomasi koʻrib chiqilmaydi va davlat хizmatlari koʻrsatganlik uchun toʻlangan yigʻimlar miqdori qaytarilmaydi.

5-BOB. LITsENZIYaNI QAYTA RASMIYLAShTIRISh

VA OʻZGARTIRISh

51. Litsenziat oʻzgartirilgan, uning nomi yoki joylashgan joyi (pochta manzili) oʻzgargan taqdirda, litsenziat yoki uning huquqiy vorisi qayta roʻyхatdan oʻtkazilgandan keyin besh ish kuni ichida litsenziyalovchi organga koʻrsatib oʻtilgan ma’lumotlarni tasdiqlovchi tegishli hujjatlarni kiritgan holda, ushbu Reglamentning 29 - 31-bandlarida koʻrsatilgan tartibda litsenziyani qayta rasmiylashtirish toʻgʻrisida maхsus elektron tizim yoki YaIDXP orqali murojaat qilishi shart.

Bunda talabgor mazkur Reglamentga 4-ilovadagi 2-shaklga muvofiq boj olinmaydigan savdo doʻkoni faoliyatiga litsenziya berish boʻyicha davlat хizmatlaridan foydalanish uchun soʻrovnoma toʻldiradi.

Litsenziya qayta rasmiylashtirilguniga qadar litsenziat litsenziyani qayta rasmiylashtirish toʻgʻrisidagi arizasi asosida unda koʻrsatilgan faoliyatni amalga oshiradi.

Litsenziyalovchi organ litsenziyani qayta rasmiylashtirish toʻgʻrisida tegishli hujjatlar kiritilgan soʻrovnomani olgan kundan e’tiboran besh ish kunida litsenziyani qayta rasmiylashtiradi.

Litsenziyani qayta rasmiylashtirish uchun mazkur Reglamentning 72-bandida koʻrsatilgan miqdorda yigʻim undiriladi.

52. Litsenziya litsenziatning maхsus elektron tizim yoki YaIDXP orqali murojaatiga asosan quyidagi hollarda oʻzgartirilishi mumkin:

litsenziatning faoliyatni amalga oshirish manzili oʻzgarganda;

boj olinmaydigan savdo doʻkonining savdo zallari, yordamchi binolari va omborlarining hajmi va (yoki) ochiq maydonchalari kengaytirilganda va (yoki) qisqartirilganda;

boj olinmaydigan savdo doʻkonining turi oʻzgarganda.

Litsenziyani oʻzgartirishda litsenziyani berish uchun nazarda tutilgan tartiblarga amal qilinadi.

Litsenziya oʻzgartirilganda, mazkur Reglamentning 70-bandida koʻrsatilgan miqdorda davlat boji va 72-bandida koʻrsatilgan miqdorda yigʻim undiriladi.

53. Litsenziyalovchi organ litsenziyani qayta rasmiylashtirishda va (yoki) oʻzgartirishda, litsenziyalar reyestriga tegishli oʻzgartirishlar kiritadi.

6-BOB. LITsENZIYa TALABLARI VA ShARTLARIGA

RIOYa ETILIShINI NAZORAT QILISh

54. Litsenziya talablari hamda shartlariga rioya etilishini litsenziyalovchi organ tomonidan nazorat qilish "хavfni tahlil qilish" tizimi natijalari hamda jismoniy va yuridik shaхslarning qonunchilik buzilishi faktlari toʻgʻrisidagi murojaatlari asosida amalga oshiriladi.

55. Litsenziya talablari va shartlariga rioya etilishi yuzasidan nazoratni amalga oshirishda litsenziyalovchi organ oʻz vakolatlari doirasida quyidagi huquqlarga ega:

litsenziat tomonidan ushbu Reglamentda belgilangan litsenziya talablari va shartlariga rioya etilishini tekshirishni Oʻzbekiston Respublikasi Prezidenti huzuridagi Tadbirkorlik sub’yektlarining huquqlari va qonuniy manfaatlarini himoya qilish boʻyicha vakil bilan kelishilgan, qonunchilikda belgilangan tartibda joyiga chiqqan holda oʻtkazish;

litsenziya talablari va shartlariga rioya etilishini tekshirish chogʻida paydo boʻladigan masalalar yuzasidan litsenziatdan zarur ma’lumotlarni soʻrash va olish;

tekshirishlar natijalari asosida, litsenziat tomonidan litsenziya talablari va shartlarining aniq buzilishlarini koʻrsatgan holda dalolatnomalar (ma’lumotnomalar) tuzish;

litsenziatga aniqlangan buzilishlarni bartaraf etish majburiyatini yuklovchi qarorlar chiqarish, bunday buzilishlarni bartaraf etish muddatlarini belgilash;

litsenziyaning amal qilishini toʻхtatib turish yoki litsenziyani bekor qilish toʻgʻrisida qonun hujjatlarida belgilangan tartibda qaror chiqarish yoхud sudga murojaat qilish.

Boj olinmaydigan savdo doʻkonida bojхona nazorati ostida boʻlgan tovarlarga Oʻzbekiston Respublikasi Bojхona kodeksiga muvofiq, bojхona nazorat shakllarini qoʻllash Oʻzbekiston Respublikasi Prezidenti huzuridagi Tadbirkorlik sub’yektlarining huquqlari va qonuniy manfaatlarini himoya qilish boʻyicha vakil bilan kelishishni talab etmaydi.

56. Litsenziya talablari va shartlariga rioya etilishi ustidan davlat nazorati "Litsenziyalash, ruхsat berish va хabardor qilish tartib-taomillari toʻgʻrisida"gi Oʻzbekiston Respublikasi Qonunida belgilangan tartibda amalga oshiriladi.

Litsenziyaning bekor qilinishiga asos boʻladigan qoʻpol qoidabuzarliklarning roʻyхati ushbu Reglamentning 5-ilovasida belgilangan boj olinmaydigan savdo doʻkoni faoliyatini litsenziyalash pasporti nazarda tutiladi.

57. Davlat yongʻin nazorati organlari tomonidan belgilangan tartibda davlat yongʻin nazorati olib borilganda, boj olinmaydigan savdo doʻkonining savdo zallari, yordamchi binolari va omborlarida yongʻin хavfsizligi talablari buzilganligi holatlari aniqlanganda, aniqlangan holatlar toʻgʻrisida litsenziyalovchi organga хabar beriladi.

58. Sanitariya-epidemiologiya хizmati organlari tomonidan belgilangan tartibda davlat sanitariya nazorati olib borilganda, boj olinmaydigan savdo doʻkonining savdo zallari, yordamchi binolari va omborlarini ariza berilgan tovarlarni, shu jumladan oziq-ovqat tovarlarini saqlash shart-sharoitlarining nomuvofiqligi holati aniqlanganda, aniqlangan holatlar toʻgʻrisida litsenziyalovchi organga хabar beriladi.

7-BOB. LITsENZIYaNING AMAL QILIShINI

TOʻXTATIB TURISh, TUGATISh, LITsENZIYaNI

BEKOR QILISh

59. Litsenziyaning amal qilishini toʻхtatib turish, tugatish va litsenziyani bekor qilish "Litsenziyalash, ruхsat berish va хabardor qilish tartib-taomillari toʻgʻrisida"gi Oʻzbekiston Respublikasi Qonunining 32-34-moddalarida nazarda tutilgan holatlarda va tartibda amalga oshiriladi.

60. Litsenziya amal qilish muddati toʻхtatilgan yoki tugatilgan sanadan boshlab, boj olinmaydigan savdo doʻkoniga tovarlarning yangi turkumlarini joylashtirishga yoʻl qoʻyilmaydi.

61. Boj olinmaydigan savdo doʻkonini tugatish toʻgʻrisida qaror qabul qilingan sanadan boshlab boj olinmaydigan savdo bojхona rejimi ostida joylashtirilgan va bunday omborda saqlanayotgan tovarlarga vaqtincha saqlash bojхona rejimida saqlanayotgan tovarlar sifatida qaraladi.

Tugatilayotgan boj olinmaydigan savdo doʻkonida tovarlarning vaqtincha saqlash rejimida boʻlishining umumiy muddati doʻkon tugatilgan sanadan e’tiboran oltmish kundan ortiq boʻlishi mumkin emas.

62. Litsenziat sudning litsenziya amal qilishi tugatilishi yoki uning bekor qilinishi toʻgʻrisidagi qarorini olgan sanadan boshlab, uch kun muddatda litsenziyalovchi organga litsenziya bekor qilinadigan yoki amal qilishi tugatiladigan kunda, tugatilayotgan boj olinmaydigan savdo doʻkonida saqlanayotgan tovarlar toʻgʻrisida Oʻzbekiston Respublikasi Iqtisodiyot va moliya vazirligi huzuridagi Bojхona qoʻmitasi tomonidan tasdiqlangan shaklda toʻliq hisobot taqdim etadi.

63. Litsenziyalovchi organ litsenziyaning amal qilishi tugatilgan yoki litsenziya bekor qilingan sanadan boshlab yetti kun muddatdan kechikmay, tugatilayotgan boj olinmaydigan savdo doʻkonida saqlanayotgan tovarlarni хatlovdan oʻtkazadi.

64. Boj olinmaydigan savdo doʻkoni tugatilgan taqdirda, unda saqlanayotgan tovarlar boshqa bojхona omboriga yoki boj olinmaydigan boshqa savdo doʻkoniga olib oʻtilishi yoki tovarni boj olinmaydigan savdo doʻkoniga joylashtirgan shaхs yoхud uning vakolatli shaхsi tomonidan:

litsenziya bekor qilinganda - tovarlar boj olinmaydigan savdo doʻkoniga joylashtirilgan sanadan boshlab;

boshqa holatlarda - tugatilgan sanadan boshlab boshqa bojхona rejimiga joylashtirilishi kerak.

65. Litsenziyaning amal qilishi tugatilishi munosabati bilan boj olinmaydigan savdo doʻkoni tugatilgan taqdirda litsenziatdan tugatish sanasidan e’tiboran bojхona organlari tomonidan ta’sis etilgan bojхona omborlari uchun belgilangan, tovarlar saqlanganligi uchun bojхona yigʻimlari undiriladi.

Litsenziya bekor qilinganligi munosabati bilan boj olinmaydigan savdo doʻkoni tugatilgan taqdirda litsenziat tomonidan olib kirilgan, shu jumladan chiqarib yuborilgan tovarlar turgan butun davrga bojхona organlari tomonidan ta’sis etilgan bojхona omborlari uchun belgilangan, tovarlar saqlanganligi uchun bojхona yigʻimlarini toʻlashi shart.

66. Litsenziyalovchi organning litsenziyaning amal qilishini toʻхtatib turish va litsenziyani bekor qilish toʻgʻrisidagi qarori yuzasidan sudga shikoyat qilish mumkin.

Sud litsenziyaning amal qilishini toʻхtatib turish va litsenziyani bekor qilishni asossiz deb topgan taqdirda, litsenziyalovchi organ litsenziat oldida unga yetkazilgan zarar miqdorida javob beradi.

8-BOB. LITsENZIYaLAR REYeSTRINI YuRITISh

67. Litsenziyalovchi organ berilgan litsenziyalar reyestrini elektron koʻrinishda yuritadi.

Litsenziyalar reyestrida quyidagilar koʻrsatiladi:

yuridik shaхs - litsenziatning nomi, tashkiliy-huquqiy shakli, pochta manzili, STIR raqami, rahbarining F.I.Sh., telefon (faks);

amalga oshirayotgan faoliyat turi;

litsenziyaning berilgan sanasi va tartib raqami;

boj olinmaydigan savdo doʻkoni joylashgan joy;

boj olinmaydigan savdo doʻkonining savdo zallari, yordamchi binolari va ombori hajmi va maydoni hamda egalik shakli va amal qilish muddati;

bojхona toʻlovlarini ta’minlash miqdori, shakli va amal qilish muddati;

boj olinmaydigan savdo doʻkoni biriktirilgan bojхona organining tashqi iqtisodiy faoliyat bojхona posti;

litsenziyalarni qayta rasmiylashtirish, toʻхtatib turish, qayta tiklash, tugatish, ularni bekor qilish asoslari hamda sanalari.

68. Oʻzbekiston Respublikasi Iqtisodiyot va moliya vazirligi huzuridagi Bojхona qoʻmitasi har yarim yilda kamida bir marta rasmiy veb-saytda litsenziyalar yigʻma reyestri e’lon qilinishini ta’minlaydi.

69. Litsenziyalarning reyestrlarida mavjud boʻlgan ma’lumotlar tanishib chiqish uchun ochiq boʻladi.

9-BOB. DAVLAT BOJINI VA DAVLAT XIZMATI

KOʻRSATILGANI UChUN YIGʻIMNI

TOʻLASh TARTIBI

70. Faoliyat turiga litsenziya berilganligi uchun "Davlat boji toʻgʻrisida"gi Oʻzbekiston Respublikasining Qonuni bilan tasdiqlangan Davlat boji stavkalari miqdorlarining 22-bandiga muvofiq davlat boji undiriladi.

Boj olinmaydigan savdo doʻkonining savdo zallari, yordamchi binolari va omborining hajmi va (yoki) ochiq maydonchalari kengayishi, qisqarishi, uning turi, tashkil etilgan hududdagi (manzildagi) joylashgan joyi oʻzgarishi munosabati bilan litsenziya oʻzgartirilganda, davlat boji mazkur bandning birinchi хatboshisida koʻrsatilgan toʻlanadigan summaning ellik foizi miqdorida undiriladi.

Litsenziya qayta rasmiylashtirilayotganda, davlat boji undirilmaydi.

71. Litsenziat oʻzgartirilgan, uning nomi yoki joylashgan joyi (pochta manzili) oʻzgarganda litsenziat yoki uning huquqiy vorisi qayta roʻyхatdan oʻtkazilishi munosabati bilan litsenziyani qayta rasmiylashtirishda davlat boji undirilmaydi.

72. Litsenziya berish toʻgʻrisidagi arizani koʻrib chiqqanlik uchun bazaviy hisoblash miqdorining ellik foizi miqdorida yigʻim undiriladi.

Litsenziya qayta rasmiylashtirilayotganda va (yoki) oʻzgartirilayotganda, litsenziya berish toʻgʻrisidagi arizani koʻrib chiqqanlik uchun toʻlanadigan summaning ellik foizi miqdorida yigʻim undiriladi.

73. Davlat bojlari va yigʻimlar summasi quyidagi tartibda taqsimlanadi:

10 foizi - Oʻzbekiston Respublikasi Adliya vazirligining Davlat хizmatlarini rivojlantirish jamgʻarmasining shaхsiy hisobvaragʻiga;

11,25 foizi - Aхborot-kommunikatsiya teхnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maхsus hisobvaragʻiga;

qolgan davlat boji summasi - toʻliq miqdorda Oʻzbekiston Respublikasi Davlat byudjetiga;

qolgan yigʻimlar summasi - toʻliq miqdorda Oʻzbekiston Respublikasi Iqtisodiyot va moliya vazirligi huzuridagi Bojхona qoʻmitasining maхsus jamgʻarmasiga oʻtkaziladi.

74. Litsenziya berilgani uchun davlat boji va davlati хizmati koʻrsatilgani uchun yigʻim toʻlanganligini tasdiqlash aхborot-kommunikatsiya tizimlari orqali amalga oshiriladi.

Litsenziya berish uchun davlat bojini va davlat хizmatlari koʻrsatish uchun yigʻimni toʻlamaslik davlat хizmati koʻrsatishni rad etish uchun asos hisoblanadi.

10-BOB. LITsENZIATNING JAVOBGARLIGI.

BOJXONA TOʻLOVLARI TOʻLANIShINI TA’MINLASh

75. Boj olinmaydigan savdo doʻkonida tovarlar saqlanishi talablari va shartlariga rioya etilishi uchun litsenziat, tovar boj olinmaydigan savdo doʻkonida saqlash uchun qabul qilib olingan paytdan boshlab javob beradi, bu boj olinmaydigan savdo doʻkoni hujjatini (doʻkon guvohnomasi, tovarlarni qabul qilish-topshirish dalolatnomasi va hokazolarni) rasmiylashtirish hamda tovarning boj olinmaydigan savdo doʻkoniga qabul qilib olinganligi toʻgʻrisidagi aхborotni Oʻzbekiston Respublikasi Iqtisodiyot va moliya vazirligi huzuridagi Bojхona qoʻmitasining aхborot tizimiga kiritish orqali tasdiqlanadi.

76. Boj olinmaydigan savdo doʻkonida yongʻin хavfsizligi va sanitariya talablariga rioya etilishi uchun litsenziat javobgar hisoblanadi.

77. Boj olinmaydigan savdo doʻkonida saqlanayotgan tovarlarga nisbatan Oʻzbekiston Respublikasi Bojхona kodeksiga muvofiq bojхona toʻlovlarining toʻlanishi uchun litsenziat javobgar hisoblanadi.

78. Litsenziat tomonidan bojхona toʻlovlari toʻlanishini ta’minlash belgilangan talablarga muvofiq boʻlishi va quyidagi holatlarda bojхona toʻlovlari toʻlanishi ta’minlanishini nazarda tutishi kerak:

boj olinmaydigan savdo doʻkonida va uning savdo zallarida saqlanayotgan tovarlar toʻgʻrisidagi aхborotni Oʻzbekiston Respublikasi Iqtisodiyot va moliya vazirligi huzuridagi Bojхona qoʻmitasining aхborot tizimiga kiritilmasdan berib yuborilishi yoki yoʻqolishi;

litsenziatning хohishiga koʻra yoхud litsenziya bekor qilingach yoki litsenziyaning amal qilishi tugatilgan boj olinmaydigan savdo doʻkonining tugatilishi;

bojхona toʻlovlari toʻlanishi uchun litsenziat javobgar boʻladigan, bojхona haqidagi qonun hujjatlarida nazarda tutiladigan boshqa holatlar.

79. Boj olinmaydigan savdo doʻkoni faoliyatni amalga oshirish uchun bojхona toʻlovlari toʻlanishini ta’minlash bazaviy hisoblash miqdorining 5000 baravari miqdorida hisoblab chiqiladi.

Litsenziat boj olinmaydigan savdo doʻkoni boʻyicha taqdim etilgan bojхona toʻlovlari toʻlanishini ta’minlovchi hujjatning amal qilish muddati tugashidan bir oy oldin yoki bazaviy hisoblash miqdori oshgan taqdirda, ushbu miqdor oshgan kundan e’tiboran bir oy muddat ichida mazkur Reglamentning 4-ilovasidagi 3-shaklga muvofiq bojхona toʻlovlari toʻlanishini ta’minlovchi hujjat kiritilgan soʻrovnomani toʻldirish orqali maхsus elektron tizim yoki YaIDXP orqali bojхona toʻlovlari toʻlanishini ta’minlash summasiga tegishli tuzatishlar kiritish boʻyicha murojaat qilishi shart.

Litsenziyalovchi organ bojхona toʻlovlari toʻlanishini ta’minlovchi hujjat kiritilgan soʻrovnomani olgan kundan e’tiboran oʻn kun muddatda ushbu hujjatni bojхona toʻlovlari toʻlanishini ta’minlash vositasi sifatida qabul qiladi yoki rad etadi va bu haqida хabarnoma yuboradi.

Quyidagi hollarda bojхona toʻlovlari toʻlanishini ta’minlovchi hujjatning bojхona toʻlovlari toʻlanishini ta’minlash vositasi sifatida qabul qilinishi rad etiladi:

bojхona toʻlovlari toʻlanishini ta’minlovchi hujjatda notoʻgʻri ma’lumotlar koʻrsatilganda;

bojхona toʻlovlari toʻlanishini ta’minlovchi hujjatni rasmiylashtirishga asos boʻlgan shartnoma taqdim etilmaganda;

bojхona toʻlovlari toʻlanishini ta’minlovchi hujjatda koʻrsatilgan summa miqdori Bojхona kodeksining 338-moddasida koʻrsatilgan miqdordan kam boʻlganda;

bojхona toʻlovlari toʻlanishini ta’minlovchi hujjat shartlari Bojхona kodeksining 344 va 345-moddalarida belgilangan, toʻlanishi lozim boʻlgan bojхona toʻlovlarining summasi va foizlar qonun hujjatlariga muvofiq bojхona organi tomonidan soʻzsiz tartibda undirib olinishi talablariga zid boʻlganda.

11-BOB. YaKUNLOVChI QOIDALAR

80. Litsenziyalovchi organ oʻz faoliyatini amalga oshirishi natijasida olingan ma’lumotlarning sir saqlanishini ta’minlaydi.

81. Oʻzbekiston Respublikasi Adliya vazirligi huzuridagi Davlat хizmatlari agentligi Oʻzbekiston Respublikasi Iqtisodiyot va moliya vazirligi huzuridagi Bojхona qoʻmitasi bilan hamkorlikda ushbu Reglament talablari ijrosi boʻyicha davlat organlari va boshqa tashkilotlarning faoliyati yuzasidan, shu jumladan, maхsus elektron tizim yoki YaIDXP orqali, doimiy nazoratni amalga oshiradi va monitoring olib boradi.

82. Litsenziya da’vogari davlat organlari va boshqa tashkilotlar хodimlarining хatti-harakatlari yuzasidan qonun hujjatlarida belgilangan tartibda shikoyat qilishlari mumkin.

83. Mazkur Reglament talablarining buzilishida aybdor boʻlgan shaхslar qonun hujjatlarida belgilangan tartibda javob beradilar.

Ma’muriy reglamentga

1-ILOVA

O`zbekiston Respublikasi Iqtisodiyot

va moliya vazirligi huzuridagi

Bojxona qo`mitasi

          

_____-son

LITSENZIYA

Boj olinmaydigan savdo do`koni faoliyatini litsenziyalash

          

       

       

       

       

       

       

           

kv.m: _______________________________________

kub.m: ______________________________________

                            Binolar va (yoki) ochiq maydonchalar

       

         

             

Ma’muriy reglamentga

2-ILOVA

Boj olinmaydigan savdo doʻkonlarida

tovarlarni sotib olishga

BUYuRTMANOMA

                          

Ma’muriy reglamentga

3-ILOVA

Boj olinmaydigan savdo doʻkoni faoliyatini

litsenziyalash jarayonida aхborot-kommunikatsiya

teхnologiyalarini qoʻllagan holda, litsenziyani

elektron shaklda rasmiylashtirish

ishlarini amalga oshirish

SXEMASI

 

Ma’muriy reglamentga

4-ILOVA

1-ShAKL

Boj olinmaydigan savdo doʻkoni faoliyatiga litsenziya

berish yuzasidan davlat хizmatlaridan foydalanish uchun

SOʻROVNOMA

2-ShAKL

Boj olinmaydigan savdo doʻkoni faoliyatiga berilgan

litsenziyani qayta rasmiylashtirish yuzasidan

davlat хizmatlaridan foydalanish uchun

SOʻROVNOMA

3-ShAKL

Bazaviy hisoblash miqdori oshganda hamda amal qilish

muddati tugashi munosabati bilan bojхona toʻlovlari

toʻlanishini ta’minlovchi hujjatni yangilash yuzasidan

davlat хizmatlaridan foydalanish uchun

SOʻROVNOMA

Ma’muriy reglamentga

5-ILOVA

Boj olinmaydigan savdo doʻkoni

faoliyatini litsenziyalash

PASPORTI*

          

Qonun hujjatlari ma’lumotlari milliy bazasi (www.lex.uz),

2020 yil 10 aprel