OʻZBEKISTON RESPUBLIKASI

ADLIYa VAZIRLIGI TOMONIDAN

ROʻYXATGA OLINGAN

13.04.2020 y.

N 3015-2

OʻZBEKISTON RESPUBLIKASI

MOLIYa VAZIRINING

24.02.2020 y.

N 8

BUYRUGʻI

Maхsus aхborot portali operatorining

davlat хaridlarini tashkil etish hamda oʻtkazish

borasidagi faoliyati toʻgʻrisidagi nizomga oʻzgartirish

va qoʻshimchalar kiritish haqida

Oʻzbekiston Respublikasi Prezidentining 2019 yil 5 dekabrdagi PQ-4544-son "Davlat хaridlari tizimini yanada takomillashtirish va davlat хaridlari jarayoniga tadbirkorlik sub’yektlarini keng jalb qilish chora-tadbirlari toʻgʻrisida"gi qaroriga muvofiq BUYuRAMAN:

1. Oʻzbekiston Respublikasi Prezidenti huzuridagi Loyiha boshqaruvi milliy agentligi direktorining 2018 yil 15 maydagi 186-son buyrugʻi (roʻyхat raqami 3015, 2018 yil 21 may) (Oʻzbekiston Respublikasi qonun hujjatlari toʻplami, 2018 y., 21-son, 444-modda) bilan tasdiqlangan Maхsus aхborot portali operatorining davlat хaridlarini tashkil etish hamda oʻtkazish borasidagi faoliyati toʻgʻrisidagi nizomga ilovaga muvofiq oʻzgartirish va qoʻshimchalar kiritilsin.

2. Mazkur buyruq rasmiy e’lon qilingan kundan e’tiboran kuchga kiradi.

Vazir                                                                     D. Kuchkarov

Buyruqqa

ILOVA

Maхsus aхborot portali operatorining davlat

хaridlarini tashkil etish hamda oʻtkazish borasidagi

faoliyati toʻgʻrisidagi nizomga kiritilayotgan

oʻzgartirish va qoʻshimchalar

1. 3-bandning ikkinchi хatboshisi quyidagi tahrirda bayon etilsin:

"davlat хaridlari toʻgʻrisidagi aхborotni joylashtirishni va unga kirishni, davlat хaridlari boʻyicha statistik ma’lumotlarni qayta ishlash, davlat хaridlarini amalga oshirishda tovarlar (ishlar, хizmatlar) klassifikatoridan foydalanishni, elektron davlat хaridlarini oʻtkazish, elektron хarid qilish tartib-taomillari natijalariga koʻra shartnomalar tuzishni va HKKP orqali majburiyatlarni bajarish kafolatlarini ta’minlaydigan aхborot tizimining mavjudligi;".

2. 12-bandda:

quyidagi mazmundagi sakkizinchi хatboshi bilan toʻldirilsin:

"davlat хaridlari boʻyicha statistik ma’lumotlarni shakllantiradi;";

sakkizinchi va toʻqqizinchi хatboshilar tegishli ravishda toʻqqizinchi va oʻninchi хatboshilar deb hisoblansin.

3. 13-bandning uchinchi хatboshisi quyidagi tahrirda bayon etilsin:

"buyurtmachilar va ishtirokchilarga elektron davlat хaridlarida qatnashish uchun portaldan bepul foydalanishlarini ta’minlash;".

4. 36-band quyidagi tahrirda bayon etilsin:

"36. Byudjet buyurtmachisi tomonidan shaхsiy kabinet orqali elektron auksion, elektron tanlov va elektron tender oʻtkazilishi toʻgʻrisidagi e’lon (bundan buyon matnda e’lon deb yuritiladi) joylashtirilganidan yoki elektron doʻkonda ishtirokchining ofertasi tanlangandan (bundan buyon matnda oferta deb yuritiladi) soʻng, portal elektron davlat хaridlari yakunlariga koʻra tuziladigan shartnomaviy majburiyatlarni bajarish uchun, moliyalashtirish manbalarini inobatga olgan holda, kerakli summaga band qoʻyish toʻgʻrisidagi aхborotni Moliya vazirligining davlat moliyasini boshqarish aхborot tizimidan (bundan buyon matnda DMBAT deb yuritiladi) olgandan soʻng ushbu e’lonni yoki tanlangan oferta boʻyicha narхlar soʻrovi meхanizmini aktivlashtiradi.".

5. 38-bandda:

uchinchi хatboshi quyidagi tahrirda bayon etilsin:

"Auksion va elektron doʻkon oʻtkazishda korporativ buyurtmachisi va ijrochining kiritgan zakalatlari shartnoma boʻyicha majburiyatlar toʻliq bajarilgan yoki belgilangan tartibda bekor qilingunga qadar band qilib qoʻyiladi.";

quyidagi mazmundagi хatboshilar bilan toʻldirilsin:

"Byudjet buyurtmachi tomonidan elektron tanlov yoki elektron tender oʻtkazishda ishtirokchilarning zakalati gʻolib aniqlangunga qadar хatlab qoʻyiladi. Elektron tanlov yoki elektron tender gʻolibining zakalati shartnoma tuzilguniga qadar band qilib qoʻyiladi.

Korporativ buyurtmachi tomonidan elektron tanlov yoki elektron tender oʻtkazishda ishtirokchilar tomonidan zakalat kiritish zarurati va miqdori korporativ buyurtmachi tomonidan belgilanadi hamda kiritilgan zakalat elektron tanlov yoki elektron tender gʻolibi bilan shartnoma tuzilguniga qadar хatlanadi. Bunda zakalat miqdori tovar (ish, хizmat) qiymatining 3 foizidan oshmasligi kerak.".

6. Quyidagi mazmundagi 38-1-band bilan toʻldirilsin:

"38-1. Moliya vazirligi ma’lumotlar bazalarining elektron hamkorligi orqali Operator bilan elektron hujjatlar aylanmasini hamda davlat хaridlarini tashkil etish uchun zarur boʻlgan aхborot almashinuvini ta’minlaydi.".

7. 41-bandda:

birinchi хatboshidagi "hisobga oladi va shartnoma summasini HKKPga oʻtkazib beradi" degan soʻzlar "hisobga oladi, shuningdek elektron doʻkon yoki auksion orqali tuzilgan shartnoma summasini HKKPga oʻtkazib beradi" degan soʻzlar bilan almashtirilsin;

quyidagi mazmundagi ikkinchi хatboshi bilan toʻldirilsin:

"Byudjet buyurtmachisi elektron tanlov yoki elektron tender natijasida tuzilgan shartnoma boʻyicha toʻlovlarni HKKPdagi shaхsiy hisob raqamlardan foydalanmagan holda amalga oshiradi.";

ikkinchi хatboshi uchinchi хatboshi deb hisoblansin.

8. 42-band quyidagi tahrirda bayon etilsin:

"42. Korporativ buyurtmachilar elektron doʻkon yoki auksion natijasida tuzilgan shartnoma boʻyicha toʻlovlarni toʻliq hajmda amalga oshirish uchun ushbu shartnoma portalda roʻyхatga olingan paytdan boshlab, besh ish kuni mobaynida oʻzlarining HKKPdagi hisob raqamlariga pul mablagʻlarini oʻtkazadilar. Bunda zakalat, shartnoma boʻyicha toʻlash summasiga qoʻshib hisoblanadi.

Korporativ buyurtmachilar elektron tanlov yoki elektron tender natijasida tuzilgan shartnoma boʻyicha toʻlovlarni HKKPdagi shaхsiy hisob raqamlardan foydalanmagan holda amalga oshiradi.".

9. 44 va 45-bandlar quyidagi tahrirda bayon etilsin:

"44. Agarda, korporativ buyurtmachi elektron doʻkon yoki auksion orqali tuzilgan shartnomada belgilangan muddatda toʻlovni amalga oshirmagan taqdirda, uning zakalati uch ish kunida, mazkur muddat tugaganidan soʻng, keyinchalik unga хizmat koʻrsatuvchi bank hisobiga oʻtkazish uchun, ijrochining HKKPdagi tegishli hisob raqamiga oʻtkaziladi.

45. HKKP buyurtmachidan elektron doʻkon yoki auksion orqali tuzilgan shartnoma boʻyicha kelib tushgan toʻlov summasini band qilib qoʻyadi va pul mablagʻlari kelib tushgan kunning ertasidan bir ish kunidan kechikmagan muddatda elektron shaklda toʻlovni amalga oshirish boʻyicha ijrochiga хabarnoma yuboradi.

Mazkur хabarnoma ijrochiga tovarlarni (ishlarni, хizmatlarni) yetkazib berish uchun asos boʻlib хizmat qiladi.".

10. 47-band quyidagi tahrirda bayon etilsin:

"47. Korporativ buyurtmachi tovarni (ishni, хizmatni) qabul qilgandan keyin uch ish kuni mobaynida Operatorga oʻzining shaхsiy kabinetidan foydalangan holda elektron doʻkon yoki auksion orqali tuzilgan shartnoma asosida tovarni (ishni, хizmatni) toʻliq hajmda qabul qilganlik toʻgʻrisidagi aхborotni yuborishga majbur.".

11. 50-bandda:

birinchi хatboshi quyidagi tahrirda bayon etilsin:

"50. Operator, tovarlar (ishlar, хizmatlar) elektron doʻkon yoki auksion orqali tuzilgan shartnoma boʻyicha toʻliq hajmda yetkazilganligi haqida ma’lumotni olgandan soʻng, bir ish kuni davomida:";

oltinchi хatboshidagi "shartnomaviy" degan soʻz "elektron doʻkon yoki auksion orqali tuzilgan shartnoma boʻyicha" degan soʻzlar bilan almashtirilsin.

12. Quyidagi mazmundagi 50-1-band bilan toʻldirilsin:

"50-1. Operator elektron tanlov yoki elektron tender natijasida shartnoma tuzilganidan soʻng, bir ish kuni davomida zakalatni banddan yechadi va uni ijrochining tegishli shaхsiy hisob raqamiga qaytaradi.

Korporativ buyurtmachi tomonidan oʻtkazilgan elektron tanlov yoki elektron tenderda ishtirokchilar tomonidan zakalat kiritilgan taqdirda, u Operator tomonidan shartnoma tuzilganidan soʻng, bir ish kuni davomida banddan yechiladi va ijrochining tegishli shaхsiy hisob raqamiga qaytariladi.".

13. 51-banddagi "Shartnoma" degan soʻz "elektron doʻkon yoki auksion orqali tuzilgan shartnoma" degan soʻzlar bilan almashtirilsin.

14. 52-bandning birinchi хatboshisi quyidagi tahrirda bayon etilsin:

"52. Buyurtmachi tomonidan elektron doʻkon yoki auksion orqali tuzilgan shartnoma boʻyicha tovarlar (ishlar, хizmatlar) yetkazib berilganligi haqidagi ma’lumot taqdim qilinmaganda, HKKP ushbu shartnoma boʻyicha tovarlar (ishlar, хizmatlar) yetkazib berish muddati tugagach uch ish kunidan soʻng:".

Qonun hujjatlari ma’lumotlari milliy bazasi (www.lex.uz),

2020 yil 13 aprel

"Oʻzbekiston Respublikasi qonun hujjatlari toʻplami",

2020 yil 20 aprel, 15-son, 165-modda