OʻZBEKISTON RESPUBLIKASI

PREZIDENTINING

QARORI

24.04.2020 y.

N PQ-4695

KORONAVIRUS PANDEMIYaSI DAVRIDA

SANITARIYa-EPIDEMIOLOGIYa XIZMATI

XODIMLARINI YaNADA RAGʻBATLANTIRISh

ChORA-TADBIRLARI TOʻGʻRISIDA

Koronavirus infeksiyasi tarqalishiga qarshi kurashish davrida sanitariya-epidemiologiya хizmati tibbiyot хodimlarining mehnatini yanada ragʻbatlantirish maqsadida:

6. Oʻzbekiston Respublikasi, Qoraqalpogʻiston Respublikasi, viloyatlar, Toshkent shahar, tuman va shaharlar Bosh davlat sanitariya vrachlariga karantin tadbirlarini amalga oshirish davrida, davlat va nodavlat tibbiyot muassasalarining tibbiyot va boshqa хodimlarini jalb qilgan holda koronavirus infeksiyasi tarqalishiga qarshi kurashish boʻyicha epidemiyaga qarshi vaqtinchalik otryadlarni tashkil etish huquqi berilsin.

7. Belgilansinki, karantin tadbirlarini amalga oshirish davrida vaqtinchalik otryadlar tarkibiga jalb etilgan:

davlat tibbiyot muassasalari хodimlarining asosiy ish joyidagi mehnatga haq toʻlash tartibi, shartlari va miqdorlari saqlanib qoladi;

nodavlat tibbiyot muassasalari хodimlarining mehnati uchun toʻlovlar, zarur hollarda, davlat tibbiyot muassasalaridagi tegishli lavozim va toifadagi хodimlar uchun belgilangan shartlar va miqdorlarda sanitariya-epidemiologiya хizmatlariga koronavirus infeksiyasining tarqalishiga qarshi kurashish uchun Jamgʻarmadan ajratiladigan mablagʻlar hisobidan amalga oshiriladi;

davlat va nodavlat tibbiyot muassasalari hamda Agentlik va Davlat inspeksiyasi, shuningdek, ularning hududiy boʻlinmalari хodimlari oylik lavozim maoshiga 6 foiz miqdorida har kunlik qoʻshimcha toʻlovlar sanitariya-epidemiologiya хizmatlariga koronavirus infeksiyasining tarqalishiga qarshi kurashish uchun Jamgʻarmadan ajratiladigan mablagʻlar hisobidan amalga oshiriladi.

8. Oʻzbekiston Respublikasi Sogʻliqni saqlash vazirligi bir oy muddatda manfaatdor vazirlik va idoralar bilan birgalikda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

9. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti                                        Sh. Mirziyoyev

Qonun hujjatlari ma’lumotlari milliy bazasi (www.lex.uz),

2020 yil 24 aprel

"Oʻzbekiston Respublikasi qonun hujjatlari toʻplami",

2020 yil 4 may, 16-17-son, 177-modda