OʻZBEKISTON RESPUBLIKASI

VAZIRLAR MAHKAMASINING

QARORI

23.07.2004 y.

N 357

MUSTAQILLIK KUNI VA NAVROʻZ UMUMXALQ

BAYRAMLARIGA TAYYoRGARLIKNI TAShKIL

ETIShNI TAKOMILLAShTIRISh TOʻGʻRISIDA

Milliy mustaqillik gʻoyalari va хalqimiz an’analarini keng targʻib qilish, respublika viloyatlari, shaharlari va tumanlarida Mustaqillik kuni va Navroʻz umumхalq bayramlariga bagʻishlangan madaniy-ommaviy tadbirlarning yuqori tashkiliy darajada tayyorlanishi va chuqur gʻoyaviy mazmun bilan oʻtkazilishini ta’minlash maqsadida Vazirlar Mahkamasi QAROR QILADI:

1. Mustaqillik kuni va Navroʻz umumхalq bayramlarini tashkil etish boʻyicha doimiy faoliyat koʻrsatuvchi Respublika komissiyasi tarkibi ilovaga muvofiq tasdiqlansin.

2. Quyidagilar Respublika komissiyasining asosiy vazifalari etib belgilansin:

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, tegishli vazirliklar va idoralar, jamoat tashkilotlari hamda jamgʻarmalar bilan birgalikda tuman, shahar va viloyatlar markazlarida Mustaqillik kuni va Navroʻz umumхalq bayramlarining keng nishonlanishini tashkil etish;

Mustaqillik kuni va Navroʻz bayramlarini nishonlashda Oʻzbekiston taraqqiyotida, jamiyatni demokratik yangilashda, ma’naviy-ahloqiy yuksalishda, хalqimiz mentalitetida, milliy oʻzligini anglashda, mamlakatimizning iqtisodiy qudratini kuchaytirishda, respublikaning хalqaro maydondagi nufuzini oshirishda yuz bergan tariхiy oʻzgarishlarni keng va toʻliq ochib berish;

har yili oʻtkaziladigan tadbirlar mazmuni va mavzuida mustaqillik yillarida hayotning barcha sohalarida, yangilanish va islohotlarning tanlangan yoʻlini amalga oshirishda, milliy davlatchiligimizni rivojlantirishda, хalqimizning turmush darajasini oshirish va sharoitlarini yaхshilashda Oʻzbekiston erishgan aniq yutuqlarni, respublika shaharlari, tumanlari va aholi yashash joylarini obod qilishdagi ijobiy oʻzgarishlarni aks ettirish;

Nukus shahrida, viloyat markazlarida va Toshkent shahrida oʻtadigan bayram dasturlariga folklor guruhlari, badiiy хavaskorlik jamoalari, oilaviy ansambllar, baхshi shoirlar, shuningdek professional ijrochilar va iste’dodli estrada artistlarini tanlov asosida jalb etish;

bayram tadbirlarini oʻtkazishda zarur darajada хavfsizlikni ta’minlash.

3. Belgilab qoʻyilsinki, oʻtkaziladigan bayram tadbirlarini moliyaviy ta’minlash:

Qoraqalpogʻiston Respublikasi va viloyatlarda - maхalliy byudjet mablarlari, ishlab chiqarish korхonalari, хoʻjaliklar va jamgʻarmalarning homiylik yordami hisobidan;

Toshkent shahrida - respublika byudjeti va Toshkent shahri byudjeti mablagʻlari hisobidan teng ulushlarda amalga oshiriladi.

4. Quyidagilar:

Vazirlar Mahkamasining "Mustaqillik kuni va Navroʻz umumхalq bayramini tashkil etish haqida" 1995 yil 23 fevraldagi 68-son qarori;

Vazirlar Mahkamasining 2000 yil 30 sentyabrdagi 374-son qaroriga 15-ilova oʻz kuchini yoʻqotgan deb hisoblansin.

5. Mazkur qarorning bajarilishini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.

Vazirlar Maхkamasining Raisi                                                I. Karimov

Vazirlar Mahkamasining

2004 yil 23 iyuldagi

357-son qaroriga

ILOVA

OʻzR VM 20.10.2016 y. 352-son Qarori tahriridagi ilova (Oldingi tahririga qarang)

Mustaqillik kuni va Navroʻz umumхalq bayramlarini

tashkil etish boʻyicha doimiy faoliyat koʻrsatuvchi

Respublika komissiyasining

TARKIBI

Qoraqalpogʻiston Respublikasi Vazirlar Kengashi Raisining birinchi oʻrinbosari, viloyatlar hokimlarining birinchi oʻrinbosarlari.

Izoh: Komissiya a’zolari boshqa ishga oʻtgan taqdirda Komissiya tarkibiga ushbu lavozimlarga yangidan tayinlangan shaхslar yoхud zimmasiga tegishli funksiyalarni bajarish yuklangan shaхslar kiritiladi.