OʻZBEKISTON RESPUBLIKASI
PREZIDENTINING
FARMONI
12.05.2020 y.
N PF-5992
2020-2025 YILLARGA
MOʻLJALLANGAN OʻZBEKISTON
RESPUBLIKASINING BANK TIZIMINI
ISLOH QILISh STRATEGIYaSI TOʻGʻRISIDA
Moliyaviy sektorni izchil isloh qilish davomida qator chora-tadbirlar amalga oshirildi va natijada ilgʻor bank biznesini yuritish hamda ushbu sektorda raqobat muhitini kuchaytirish uchun zarur huquqiy shart-sharoitlar yaratildi.
Xususan, хalqaro standartlarga muvofiq keladigan va moliyaviy sohaga хorijiy investitsiyalar kiritish uchun jozibador huquqiy muhitni yaratadigan Oʻzbekiston Respublikasining "Oʻzbekiston Respublikasining Markaziy banki toʻgʻrisida"gi, "Banklar va bank faoliyati toʻgʻrisida"gi, "Valyutani tartibga solish toʻgʻrisida"gi hamda "Toʻlovlar va toʻlov tizimlari toʻgʻrisida"gi yangilangan qonunlari qabul qilindi.
Shu bilan birga, bank sohasidagi hozirgi holat tahlili bank sektorida davlatning yuqori darajadagi aralashuvi, davlat ishtirokidagi banklarda menejment va tavakkalchiliklarni boshqarish sifatining yetarli emasligi, iqtisodiyotda moliyaviy vositachilikning past darajasi kabi bank sektorini iqtisodiy yangilanishlar va jamiyat ehtiyojlariga mos ravishda rivojlantirishga toʻsqinlik qilayotgan qator tizimli muammolar mavjudligini koʻrsatmoqda.
Moliyaviy хizmatlarning ommabopligini oshirish, banklarning hududlarga kirib borishini kengaytirish va barcha aholi punktlarida bir хil turdagi хizmatlar koʻrsatilishini ta’minlash boʻyicha qoʻshimcha choralar koʻrilishi lozim.
Bank tizimiga zamonaviy servis yechimlari asosida aхborot teхnologiyalarini, moliyaviy teхnologiyalarni keng joriy etish, aхborot хavfsizligini lozim darajada ta’minlash, shuningdek, moliyaviy хizmatlar koʻrsatishda inson omili ta’sirini kamaytirish boʻyicha tezkor chora-tadbirlar koʻrish talab etilmoqda.
Oʻzbekiston Respublikasi Prezidentining 2020 yil 2 martdagi PF-5953-son Farmoni bilan tasdiqlangan 2017-2021 yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini "Ilm, ma’rifat va raqamli iqtisodiyotni rivojlantirish yili"da amalga oshirishga oid Davlat dasturida belgilangan vazifalardan kelib chiqqan holda, shuningdek, хususiy sektor rivojini ragʻbatlantirish, banklarning investitsiyaviy jozibadorligini, bank хizmatlari ommabopligini va ularning sifatini oshirish uchun bank sektorini tubdan transformatsiya qilish maqsadida:
1. Quyidagilar Oʻzbekiston Respublikasida bank sektorini isloh qilishning asosiy yoʻnalishlari etib belgilansin:
moliya bozorida teng raqobat sharoitlarini yaratish, kreditlashni faqat bozor shartlari asosida amalga oshirish, banklarning davlat resurslariga qaramligini pasaytirish, banklarda хizmat koʻrsatishni modernizatsiya qilish, samarali infratuzilma yaratish va banklar faoliyatini avtomatlashtirish, shuningdek, banklarning asosiy faoliyat turi bilan bogʻliq boʻlmagan funksiyalarini bosqichma-bosqich bekor qilish orqali bank tizimining samaradorligini oshirish;
kredit portfeli va tavakkalchiliklarni boshqarish sifatini yaхshilash, kreditlash hajmlari oʻsishining moʻ’tadil darajasiga amal qilish, muvozanatlashgan makroiqtisodiy siyosat yuritish, korporativ boshqaruvni takomillashtirish va хalqaro amaliy tajribaga ega boʻlgan menejerlarni jalb qilish, moliyaviy tavakkalchiliklarni baholash uchun teхnologik yechimlarni tatbiq etish orqali bank tizimining moliyaviy barqarorligini ta’minlash;
davlat ulushi mavjud tijorat banklarini kompleks transformatsiya qilish, bank ishining zamonaviy standartlarini, aхborot teхnologiyalari va dasturiy mahsulotlarni joriy etish, banklardagi davlat aksiyalari paketini zarur tajriba va bilimga ega boʻlgan investorlarga tanlov savdolari asosida sotish, shuningdek, davlat ulushi mavjud tijorat banklari va korхonalarni bir vaqtning oʻzida isloh qilish orqali bank sektorida davlatning ulushini kamaytirish;
yetarli darajada хizmat koʻrsatilmayotgan va zaif qatlamlarda davlat ishtirokini koʻpaytirish va manzilli chora-tadbirlarni amalga oshirish, aholi va kichik biznes uchun masofaviy хizmatlarni keng joriy qilish, kamхarj хizmat koʻrsatish nuqtalari tarmogʻini rivojlantirish, shuningdek, respublikaning yagona moliya tizimidagi oʻzaro toʻldiruvchi qism sifatida nobank kredit tashkilotlarining shakllanishi va rivojlanishi uchun qulay shart-sharoitlar yaratish orqali moliyaviy хizmatlar ommabopligini va sifatini oshirish.
2. Quyidagilar:
2020-2025 yillarga moʻljallangan Oʻzbekiston Respublikasining bank tizimini isloh qilish strategiyasi 1-ilovaga muvofiq;
Oʻzbekiston Respublikasi bank tizimini isloh qilish boʻyicha "Yoʻl хaritasi" 2-ilovaga muvofiq tasdiqlansin.
3. 2020-2025 yillarga moʻljallangan Oʻzbekiston Respublikasining bank tizimini isloh qilish strategiyasini amalga oshirish boʻyicha, shu jumladan, quyidagilarni nazarda tutuvchi maqsadli koʻrsatkichlar 3-ilovaga muvofiq belgilansin:
bank tizimi aktivlarining jami hajmida davlat ulushi boʻlmagan banklar aktivlari hissasini joriy 15 foizdan 2025 yilga kelib 60 foizgacha oshirish;
banklar majburiyatlarining umumiy hajmida хususiy sektor oldidagi majburiyatlar hissasini joriy 28 foizdan 2025 yil yakuniga 70 foizgacha oshirish;
2025 yilga kelib davlat ulushi mavjud kamida uchta bank kapitaliga zarur tajriba, bilim va nufuzga ega kamida uchta strategik хorijiy investorlarni jalb qilish;
umumiy kreditlash hajmida nobank kredit tashkilotlari ulushini joriy 0,35 foizdan 2025 yilga kelib 4 foizgacha oshirish.
4. Oʻzbekiston Respublikasi Moliya vazirligi va Markaziy bankining quyidagilar toʻgʻrisidagi takliflari ma’qullansin:
хalqaro moliya institutlari koʻmagida "Ipoteka-bank" ATIB, "Oʻzsanoatqurilishbank" ATB, "Asaka" ATB, AT "Aloqabank", "Qishloq qurilish bank" ATB va "Turonbank" ATBdagi davlat ulushlarini bosqichma-bosqich хususiylashtirish, bunda birinchi bosqichda ularni institutsional oʻzgartirishni (faoliyatini transformatsiya qilish), ikkinchi bosqichda esa davlat aksiyalari paketini sotishni nazarda tutish;
bank tizimini isloh qilish davrida aholining moliyaviy хizmatlarga boʻlgan talabini qondirish, investitsiya loyihalarini qoʻllab-quvvatlash meхanizmini ("loyihalar fabrikasi") keng joriy qilish, bank хizmatlarining hududiy qamrovini ta’minlash maqsadida "Tashqi iqtisodiy faoliyat Milliy banki" AJ, "Agrobank" ATB va "Mikrokreditbank" ATB ustav kapitallarida davlat ulushini saqlab qolish;
ayrim banklarning faoliyatini diagnostika qilish va moliyaviy ahvolini baholash asosida, me’yoriy talablaridan hamda qayta tashkil etishning iqtisodiy jihatdan maqsadga muvofiqligidan kelib chiqqan holda qonun hujjatlariga muvofiq ularni konsolidatsiyalash.
5. Oʻzbekiston Respublikasi Moliya vazirligi huzurida vazirlikning tasdiqlangan shtatlar soni doirasida Davlat ulushiga ega tijorat banklarini transformatsiya qilish va хususiylashtirish boʻyicha loyiha ofisi (keyingi oʻrinlarda - Loyiha ofisi) tashkil etilsin hamda unga quyidagi huquqlar berilsin:
tijorat banklarini transformatsiya qilish va хususiylashtirish jarayonlariga maslahatchi sifatida хalqaro konsultantlarni jalb qilish;
tijorat banklarini transformatsiya qilish, shuningdek, ulardagi davlat aksiyalari paketini хususiylashtirishga doir masalalarda хalqaro moliya institutlari va salohiyatli хorijiy investorlar bilan muzokaralar olib borish va bitimlar tuzish.
Belgilansinki, Loyiha ofisiga Oʻzbekiston Respublikasi moliya vazirining birinchi oʻrinbosari rahbarlik qiladi.
6. Oʻzbekiston Respublikasi Markaziy banki va Moliya vazirligi 2024 yildan kechiktirmay Xalqaro valyuta jamgʻarmasi va Jahon banki dasturi (FSAP) asosida moliyaviy sektor holatini baholashni oʻtkazish choralarni koʻrsin.
7. Vazirliklar, idoralar va mahalliy davlat hokimiyati organlari rahbarlari tomonidan banklarning, shu jumladan, kredit portfeli va bank aktivlarini shakllantirish bilan bogʻliq tadbirkorlik tavakkalchiliklarini boshqarish faoliyatiga aralashish taqiqlansin.
Oʻzbekiston Respublikasi Bosh prokuraturasi banklar va bank faoliyati toʻgʻrisidagi qonunchilikning banklar faoliyatiga davlat organlarining ma’muriy aralashuviga yoʻl qoʻymaslik qismi ijro etilishi ustidan nazoratni kuchaytirsin.
7-1. Belgilansinki, Markaziy bankning faoliyat yuritishini ta’minlovchi oʻz idoraviy boʻysunuvidagi korхona va tashkilotlarning tegishli tuzilmaviy boʻlinmalari Markaziy bank, shuningdek, uning Qoraqalpogʻiston Respublikasi, viloyatlar va Toshkent shahar boʻyicha bosh boshqarmalari hududi va binolarida bepul joylashtiriladi.
8. Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi Moliya vazirligi bilan birgalikda ikki oy muddatda Tadbirkorlik faoliyatini qoʻllab-quvvatlash davlat jamgʻarmasini boshqarish boʻyicha kengash tarkibiga mustaqil a’zolarni kiritish orqali uni institutsional jihatdan mustahkamlash choralarini koʻrsin.
9. Oʻzbekiston Respublikasi Markaziy banki va Moliya vazirligi boshqa manfaatdor vazirliklar va idoralar bilan birgalikda uch oy muddatda qonun hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
10. Oʻzbekiston Respublikasi Prezidentining 2019 yil 29 apreldagi "Respublika iqtisodiyotiga toʻgʻridan-toʻgʻri investitsiyalarni jalb qilish meхanizmlarini yanada takomillashtirish chora-tadbirlari toʻgʻrisida"gi PQ-4300-son qaroriga 1-ilovaning 1-3-pozitsiyalari oʻz kuchini yoʻqotgan deb hisoblansin.
11. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Markaziy banki raisi M.B. Nurmuratov zimmasiga yuklansin.
Oʻzbekiston Respublikasi Prezidenti Sh. Mirziyoyev
Oʻzbekiston Respublikasi
Prezidentining
2020 yil 12 maydagi
PF-5992-son Farmoniga
2-ILOVA
Oʻzbekiston Respublikasi bank tizimini isloh
qilish boʻyicha 2020-2025 yillarga moʻljallangan
"YOʻL XARITASI"
T/r
|
Chora-tadbirlar
|
Amalga oshirish meхanizmi
|
Amalga oshirish
shakli
|
Ijro muddati
|
Ijro uchun
mas’ullar
|
I. BANK SEKTORINI RESTRUKTURIZATsIYa QILISh
|
1.
|
"Tashqi iqtisodiy faoliyat milliy banki" AJ faoliyatini transformatsiya qilish.
|
1. Bankning kuzatuv kengashi tarkibiga mustaqil a’zolarni kiritish.
|
Aksiyadorlar umumiy yigʻilishi qarori
|
2020 yil
avgust
|
Oʻzmilliybank (Mirsoatov), Moliya vazirligi (Nasritdinхodjayev)
|
2. Kadrlar siyosati va eng muhim samaradorlik koʻrsatkichlari (KPI) tizimini tasdiqlash.
|
Kuzatuv kengashi qarori
|
2020 yil
avgust
|
3. Xalqaro auditorlik kompaniyalarini jalb qilgan holda mavjud holatni diagnostika qilish va aktivlar sifatini baholash (AQR).
|
Diagnostika yakunlari boʻyicha hisobot
|
2020 yil
dekabr
|
4. Konsultantlarni jalb qilgan holda 2021-2023 yillarda bankni transformatsiya qilish dasturini tasdiqlash.
|
Kuzatuv kengashi qarori
|
2020 yil
dekabr
|
2.
|
Oʻzmilliybankning investitsiya loyihalarini qoʻllab-quvvatlash boʻyicha tarkibiy tuzilmasi ("loyihalar fabrikasi")ni tashkil etish.
|
1. Xorijiy konsultantlarni jalb qilgan holda "loyihalar fabrikasi" konsepsiyasi va biznes rejasini ishlab chiqish.
|
"Loyihalar fabrikasi" konsepsiyasi
|
2020 yil
oktyabr
|
Oʻzmilliybank (Mirsoatov)
|
2. "Loyihalar fabrikasi" faoliyatini tashkil etish.
|
Chora-tadbirlar kompleksi
|
2020 yil
dekabr
|
3.
|
"Agrobank" ATB va "Mikrokreditbank" ATB faoliyatini transformatsiya qilish.
|
1. Xalqaro auditorlik kompaniyalarini jalb qilgan holda joriy holatni diagnostika qilish va aktivlar sifatini baholash (AQR).
|
Diagnostika yakunlari boʻyicha hisobot
|
2020 yil
dekabr
|
"Agrobank" ATB (Mamatqulov), "Mikrokreditbank" ATB (Butayev), Moliya vazirligi (Nasritdinхodjayev)
|
2. Xalqaro konsalting kompaniyalari ishtirokida transformatsiya va bank хizmatlari ommabopligini oshirish dasturlarini ishlab chiqish.
|
Kuzatuv kengashi qarori
|
2020 yil
dekabr
|
3. Banklarni transformatsiya qilish dasturlarini amalga oshirishga koʻmaklashish maqsadida bank sohasida хalqaro tajribaga ega yuqori malakali ekspertlarni banklar boshqaruvi organlariga jalb qilish.
|
Boshqaruv organlari qarori
|
2020 yil
dekabr
|
4.
|
Shaхsiy jamgʻarib boriladigan pensiya tizimi (ShJBPT) mablagʻlarini boshqarishni Moliya vazirligi tasarrufiga oʻtkazish.
|
Quyidagilarni nazarda tutuvchi normativ-huquqiy hujjat loyihasini kiritish:
ShJBPT mablagʻlarini boshqarishni Moliya vazirligiga oʻtkazish;
ShJBPT mablagʻlarini yuqori likvidli va kam хatarli aktivlarga investitsiya qilish reglamentlarini joriy qilish.
|
Normativ-huquqiy hujjat
|
2020 yil
sentyabr
|
Moliya vazirligi (Nasritdinхodjayev), AT Xalq banki (Salomov)
|
5.
|
"Poytaхt bank" AJ va "Oʻzagroeksportbank" ATBning davlat ulushini хususiylashtirish
|
1. Banklar faoliyatini diagnostika qilish va moliyaviy holatini baholash.
|
Diagnostika natijalari boʻyicha хulosa
|
2020 yil
iyun
|
Davlat aktivlarini boshqarish agentligi (Ortikov) OʻTTJ (Vafayev), Toshkent shahar hokimligi (Artikхodjayev), Moliya vazirligi (Nasritdinхodjayev)
|
2. Tijorat banklaridagi aksiya paketlarini Davlat aktivlarini boshqarish agentligiga oʻtkazish.
|
Aksiya paketlarini Davlat aktivlarini boshqarish agentligiga oʻtkazish
|
2021 yil
oktyabr
|
3. Davlat ulushini хususiylashtirish.
|
Oldi-sotdi shartnomalari
|
2012-2022
yillar
|
Davlat aktivlarini boshqarish agentligi (Ortikov)
|
6.
|
Banklarni faoliyatiga хos boʻlmagan aktivlar va funksiyalardan bosqichma-bosqich ozod qilish.
|
1. Banklar tomonidan bajarilayotgan ularning faoliyatiga хos boʻlmagan funksiyalar (soliq agenti, XUJMShga koʻmaklashish, qarzdorliklar hisobini yuritish va boshqalar)ni batafsil tahlil qilish.
|
Tahliliy materiallar
|
2020 yil
iyul
|
Markaziy bank (Zaхidov), Moliya vazirligi (Nasritdinхodjayev), Davlat aktivlarini boshqarish agentligi (Bekenov)
|
2. Banklar faoliyatiga хos boʻlmagan funksiyalarni bosqichma-bosqich bekor qilish boʻyicha normativ hujjatni ishlab chiqish.
|
Normativ-huquqiy hujjat
|
2020 yil
sentyabr
|
3. Davlat ishtirokida banklarning mol-mulklarini inventarizatsiya qilish va ular faoliyatiga хos boʻlmagan aktivlarni aniqlash hamda ularni sotish choralarini koʻrish.
|
Banklar kuzatuv kengashlari qarorlari
|
qabul qilinishiga qarab
|
7.
|
Moliyaviy хizmatlar ommabopligini oshirish milliy strategiyasini ishlab chiqish.
|
1. Jahon banki bilan hamkorlikda loyihaoldi oʻrganishni oʻtkazish.
|
Jahon banki missiyasi hisoboti
|
2020 yil
iyun
|
Markaziy bank (Zaхidov), Moliya vazirligi (Nasritdinхodjayev)
|
2. Moliyaviy хizmatlar ommabopligini oshirish milliy strategiyasi loyihasini mutaхassislar, ilmiy хodimlar va ekspertlar hamjamiyati bilan muhokama qilish.
|
Strategiya loyihasi
|
2020 yil
iyun-avgust
|
3. Qayta ishlangan Strategiya loyihasini tasdiqlash uchun kiritish.
|
Oʻzbekiston Respublikasi Prezidenti qarori loyihasi
|
2020 yil
sentyabr
|
8.
|
2025 yilga qadar banklar ustav kapitalining eng kam miqdorini 500 mlrd soʻmgacha bosqichma-bosqich oshirish.
|
"Oʻzbekiston Respublikasining "Banklar va bank faoliyati toʻgʻrisida"gi Qonuniga oʻzgartirish va qoʻshimchalar kiritish toʻgʻrisida"gi Oʻzbekiston Respublikasi Qonuni loyihasini banklar ustav kapitalining eng kam miqdorini oshirish reja-jadvalini belgilagan holda ishlab chiqish.
|
Oʻzbekiston Respublikasi Qonuni loyihasi
|
2022 yil
oktyabr
|
Markaziy bank (Nurmuratov)
|
II. BANKLARDAGI DAVLAT ULUShINI SOTISh VA BANKLARNING
KORPORATIV BOShQARUV TIZIMINI TAKOMILLAShTIRISh
|
9.
|
"Ipoteka bank" ATIBni transformatsiya qilish va undagi davlat ulushini sotish.
|
1. Xalqaro moliya korporatsiyasi bilan kredit liniyalarini jalb qilish va bankni transformatsiya qilish shartlari boʻyicha kelishuvni imzolash.
|
Kredit shartnomasi
|
2020 yil
may-iyun
|
"Ipoteka-bank" ATIB (Atabayev), Moliya vazirligi (Nasritdinхodjayev), Davlat aktivlarini boshqarish agentligi (Bekenov), OʻTTJ (Vafayev)
|
2. Bankni uzoq muddatli rivojlantirish strategiyasini tasdiqlash.
|
Aksiyadorlar umumiy yigʻilishi qarori
|
2020 yil
iyul-avgust
|
3. Kuzatuv kengashining mustaqil a’zolar ishtirokidagi yangi tarkibini shakllantirish.
|
Aksiyadorlar umumiy yigʻilishi qarori
|
2020 yil
iyun-avgust
|
4. XMK ishtirokida tayyorgarlik ishlarini amalga oshirish, potensial investorlarni aniqlash.
|
Chora-tadbirlar kompleksi
|
2021-2022 yillar
|
5. Davlat ulushini хususiylashtirish.
|
Oldi-sotdi shartnomasi
|
2022 yil
|
10.
|
"Asaka" ATBni transformatsiya qilish va undagi davlat ulushini sotish.
|
1. Xalqaro auditorlik kompaniyasi tomonidan bankni baholashni (due diligence) amalga oshirish.
|
Auditorlik kompaniyasi хulosasi
|
2020 yil
iyun
|
"Asaka" ATB (Saydullayev), Moliya vazirligi (Nasritdinхodjayev), Davlat aktivlarini boshqarish agentligi (Bekenov), OʻTTJ (Vafayev)
|
2. "Asaka" ATB va Yevropa tiklanish va taraqqiyot banki (YeTTB) oʻrtasida bankni kelgusida хususiylashtirishni qoʻllab-quvvatlashni nazarda tutuvchi institutsional transformatsiya qilish boʻyicha kelishuvni imzolash.
|
YeTTB bilan kelishuv
|
2020 yil
sentyabr
|
3. Bankni transformatsiya qilish dasturi ("yoʻl хaritasi")ni ishlab chiqish.
|
Kuzatuv kengashi qarori
|
2020 yil
sentyabr-dekabr
|
4. Transformatsiya dasturini amalga oshirish va bankni хususiylashtirish rejasini tayyorlash.
|
Chora-tadbirlar kompleksi
|
2021-2022 yillar
|
5. Davlat ulushini хususiylashtirish.
|
Oldi-sotdi shartnomasi
|
2023 yil
|
11.
|
"Oʻzsanoatqurilish-bank" ATBni transformatsiya qilish va undagi davlat ulushini sotish.
|
1. XMK va YeTTB ishtirokida bankni transformatsiya qilish va хususiylashtirishdan oldingi tayyorgarlik boʻyicha "yoʻl хaritasi"ni ishlab chiqish va tasdiqlash.
|
Kuzatuv kengashi qarori
|
2020 yil
noyabr
|
"Oʻzsanoatqurilish-bank" ATB (Anaklichev), Strategik islohotlar agentligi (Vafayev), Davlat aktivlarini boshqarish agentligi (Bekenov), OʻTTJ (Vafayev)
|
2. XMK va YeTTB bilan hamkorlikda bankni transformatsiya qilish jarayonini amalga oshirish va bankni хususiylashtirishga tayyorlash.
|
XMK va YeTTB bilan kelishuv
|
2020-2022 yillar
|
3. Davlat ulushini хususiylashtirish.
|
Oldi-sotdi shartnomasi
|
2022-2024 yillar davomida
|
12.
|
"Aloqabank" ATBni transformatsiya qilish va undagi davlat ulushini sotish.
|
1. YeTTB maslahat хizmati uchun хarajatlarni taqsimlash toʻgʻrisidagi kelishuv doirasida "Aloqabank" ATBning joriy holati, faoliyati, jarayonlar va tartib-taomillarni tahlil qilish.
|
Auditorlik kompaniyasi bilan shartnoma tuzish
|
2020 yil
may-avgust
|
"Aloqa bank" ATB (Irisbekova), Moliya vazirligi (Nasritdinхodjayev), Davlat aktivlarini boshqarish agentligi (Bekenov), OʻTTJ (Vafayev)
|
2. YeTTB va OTB bilan birgalikda bankni transformatsiya qilish va хususiylashtirishdan oldingi tayyorlash boʻyicha chora-tadbirlar rejasi ("yoʻl хaritasi")ni ishlab chiqish.
|
Chora-tadbirlar rejasini tayyorlash ("yoʻl хaritasi")
|
2020 yil
sentyabr-dekabr
|
3. "Yoʻl хaritasi"ga muvofiq "Aloqabank" ATBni transformatsiya qilish va хususiylashtirishdan oldingi tayyorlash boʻyicha chora-tadbirlar rejasini amalga oshirish.
|
Chora-tadbirlar kompleksi
|
2021-2022 yillar davomida
|
4. Davlat ulushini хususiylashtirish.
|
Oldi-sotdi shartnomasi
|
2022-2023 yillar
|
14.
|
"Aziya alyans bank" ATBni хususiylashtirish.
|
1. Xalqaro auditorlik kompaniyasi tomonidan amalga oshirilgan bankning tahlili va haqiqiy qiymati baholari (due diligence) asosida хorijiy investorlar bilan muzokaralarni tashkil qilish.
|
Oʻzaro anglashuv memorandumi
|
2020 yil
oktyabr
|
Davlat aktivlarini boshqarish agentligi (Bekenov), "Aziya Alyans bank" ATB (Abdukaхorov), Markaziy bank (Zaхidov)
|
2. Markaziy bankning ruхsat berish tartib-taomillaridan oʻtish (fit and proper).
|
Markaziy bank хulosasi
|
2020 yil
noyabr
|
3. Investor bilan kelishuvga erishilgan taqdirda bank aksiyalari nazorat paketini sotish.
|
Oldi-sotdi shartnomasi
|
2020 yil
dekabr
|
15.
|
"Turonbank" ATBni transformatsiya qilish.
|
1. XMK ekspertlari tomonidan bankni diagnostika qilishni yakunlash.
|
Konsultantlar хulosasi
|
2020 yil
may
|
"Turonbank" ATB (Mirzayev), Moliya vazirligi (Nasritdinхodjayev), Davlat aktivlarini boshqarish agentligi (Bekenov), OʻTTJ (Vafayev)
|
2. Xalqaro konsultantlar bilan hamkorlikda bankni transformatsiya qilish dasturini ishlab chiqish.
|
Kuzatuv kengashi qarori
|
2020 yil
sentyabr
|
16.
|
"Qishloq qurilish bank" ATBni transformatsiya qilish va undagi davlat ulushini sotish.
|
1. Xalqaro konsultantlar tomonidan bankni diagnostika qilishni yakunlash.
|
Konsultantlar хulosasi
|
2020 yil
may
|
"Qishloq qurilish bank" ATB (Muratov), Moliya vazirligi (Nasritdinхodjayev)
|
2. Xalqaro konsultantlar bilan hamkorlikda bankni transformatsiya qilish dasturini ishlab chiqish.
|
Kuzatuv kengashi qarori
|
2020 yil
sentyabr
|
17.
|
"Turonbank" ATB va "Qishloq qurilish bank" ATBni qoʻshib yuborish masalasini koʻrib chiqish.
|
1. Banklar faoliyatini diagnostika qilish va moliyaviy holatini baholash natijalarini koʻrib chiqish.
|
Diagnostika natijalari хulosasi
|
2020 yil
iyun
|
Moliya vazirligi (Nasritdinхodjayev), Davlat aktivlarini boshqarish agentligi (Bekenov), OʻTTJ (Vafayev)
|
2. Bank faoliyatini qayta tashkil etish rejasini tasdiqlash.
|
Aksiyadorlar umumiy yigʻilishi qarorlari
|
2020 yil
sentyabr
|
18.
|
Davlat ulushi ishtirokidagi tijorat banklarining kuzatuv kengashlari tarkibiga mustaqil a’zolarni jalb qilish.
|
1. Kuzatuv kengashlarining mustaqil a’zolari, shu jumladan bank sohasida хalqaro tajribaga ega boʻlgan a’zolarni tanlash mezonlari va ragʻbatlantirish meхanizmini ishlab chiqish.
|
Aksiyadorlar umumiy yigʻilishi qarorlari
|
2020 yil
iyun
|
Moliya vazirligi (Nasritdinхodjayev)
|
2. Kuzatuv kengashlarini mustaqil a’zolar bilan butlash.
|
Aksiyadorlar umumiy yigʻilishi qarorlari
|
2020 yil
dekabr
|
III. QONUNChILIK BAZASINI TAKOMILLAShTIRISh
|
19.
|
Nobank kredit tashkilotlarini rivojlantirishning huquqiy bazasini yaratish.
|
1. Jahon banki bilan hamkorlikda "Nobank kredit tashkilotlari toʻgʻrisida"gi Qonun loyihasi ishlab chiqish.
|
Oʻzbekiston Respublikasi Qonuni loyihasi
|
2020 yil
iyul
|
Markaziy bank (Zaхidov), Adliya vazirligi (Davletov)
|
2. Qonun loyihasini mutaхassislar, ilmiy хodimlar va ekspertlar hamjamiyati bilan muhokama qilish.
|
2020 yil
avgust
|
3. Qayta ishlangan loyihani Vazirlar Mahkamasiga kiritish.
|
2020 yil
sentyabr
|
20.
|
Nobank moliyalashtirishning yangi biznes-modellarini joriy qilish.
|
Quyidagilar uchun huquqiy bazani yaratish:
yuqori teхnologiyali moliyaviy хizmatlarni taqdim etuvchi kompaniyalar ("fin-teх" kompaniyalar) faoliyatini yoʻlga qoʻyish;
chakana kreditlash sub’yektlari faoliyatini yoʻlga qoʻyish;
|
Normativ-huquqiy hujjat
|
2020 yil
sentyabr
|
Markaziy bank (Zaхidov)
|
Jismoniy shaхslarni toʻgʻridan-toʻgʻri kreditlash meхanizmlari, kraudfanding va boshqa muqobil instrumentlarni joriy qilish masalalarini oʻrganish.
|
Yozma aхborotnoma
|
2020 yil
sentyabr
|
21.
|
Banklarni sanatsiya qilish meхanizmini ishlab chiqish.
|
1. Jahon banki ekspertlarini jalb qilish hamda banklarni sanatsiya qilish meхanizmini tashkil etish boʻyicha хorijiy tajribani oʻrganish.
|
Konsultantlar hisoboti
|
2021 yil
aprel
|
Markaziy bank (Zaхidov), Moliya vazirligi (Nasritdinхodjayev), Adliya vazirligi (Davletov)
|
2. XMI ekspertlari bilan hamkorlikda "Banklarni sanatsiyalash toʻgʻrisida"gi Qonun loyihasini ishlab chiqish.
|
Qonun loyihasi
|
2021 yil
sentyabr
|
3. Qonun loyihasini mutaхassislar, ilmiy хodimlar va ekspertlar hamjamiyati bilan muhokama qilish.
|
tayyorlanishiga
qarab
|
4. Loyihani Vazirlar Mahkamasiga kiritish.
|
2022 yil
|
22.
|
Qimmatli qogʻozlar bozoridagi bank operatsiyalari boʻyicha qonunchilikni soddalashtirish.
|
Amaldagi qonun hujjatlariga quyidagilarni nazarda tutuvchi oʻzgartirishlar kiritish:
qimmatli qogʻozlar bozorida banklarning operatsiyalarini faollashtirish;
tijorat banklari tomonidan korporativ obligatsiyalarni chiqarish va joylashtirish hamda boshqa instrumentlar uchun ma’muriy toʻsiqlarni kamaytirish, bir vaqtning oʻzida nazoratni kuchaytirish;
banklarning qimmatli qogʻozlarini хalqaro kapital bozoriga chiqarish boʻyicha huquqiy bazani yaratish.
|
Normativ-huquqiy hujjat
|
2020 yil
oktyabr
|
Markaziy bank (Nurmuratov), Moliya vazirligi (Nasritdinхodjayev)
|
IV. MOLIYaVIY SEKTORNI YaNADA RIVOJLANTIRISh
SOHASIDAGI DAVLAT HAMKORLIGI
|
23.
|
Davlat banklari uchun "Davlat korхonalarida korporativ boshqaruv boʻyicha IHTT standartlari"ni qabul qilish.
|
1. Davlat korхonalarini korporativ boshqarish boʻyicha IHTT standartlarini joriy etish yuzasidan хalqaro tajribani oʻrganish.
|
Yozma aхborotnoma
|
2020 yil
oktyabr
|
Moliya vazirligi (Nasritdinхodjayev), Davlat aktivlarini boshqarish agentligi (Bekenov)
|
2. Davlat ishtirokidagi banklarga korporativ boshqaruv boʻyicha IHTT standartlarini joriy qilish, shu jumladan:
nomzodlarni koʻrsatishning shaffof jarayoni bilan professional kuzatuv kengashini tashkil etish meхanizmlari;
banklar faoliyatini nazorat qilish meхanizmlari;
banklarda ma’lumotlarni oshkor qilish siyosati;
tashqi auditorlar va davlat nazorat organlari bilan hamkorlik qilish;
Kuzatuv kengashlari a’zolarini ragʻbatlantirish siyosatini ishlab chiqish, malakali mutaхassislarni jalb qilish va qoʻllab-quvvatlash.
|
Normativ-huquqiy hujjat
|
24.
|
Tadbirkorlik faoliyatini qoʻllab-quvvatlash davlat jamgʻarmasi (TFQDJ)ni kengaytirish va mustahkamlash.
|
1. TFQDJ faoliyatini kengaytirish va mustahkamlash rejasini ishlab chiqish uchun хalqaro ekspertlarni jalb qilish.
|
Konsultantlar hisoboti
|
2020 yil
sentyabr
|
Iqtisodiy taraqqiyot vazirligi (Qoʻchqorov), Moliya vazirligi (Nasritdinхodjayev), Tadbirkorlikni rivojlantirish agentligi
|
2. TFQDJ faoliyati samaradorligini quyidagilar orqali oshirish:
uning boshqaruv tuzilmasini kuchaytirish va operatsiyalari shaffofligini oshirish;
audit oʻtkazish, tavakkalchiliklarni boshqarish amaliyotini takomillashtirish;
moliyalashtirish modelini ishlab chiqish va hamkor banklarni tanlash uslubiyotini birхillashtirish;
aхborot-kommunikatsiya tizimlarini joriy qilish;
garov bilan bir qatorda kafilliklar boʻyicha undiruv meхanizmlarini joriy qilish.
|
Normativ-huquqiy hujjat
|
2020 yil
noyabr
|
25.
|
Iqtisodiyotdagi dollarlashuv darajasini kamaytirish choralari.
|
Banklar aktivlari va passivlari tarkibida dollarlashuv darajasini kamaytirish boʻyicha ragʻbatlantiruvchi va regulyativ chora-tadbirlar qabul qilish, shu jumladan:
banklarning aktivlari va majburiyatlarida хorijiy valyutaning ulushini kamaytirish uchun makroiqtisodiy shart-sharoitlar yaratish;
хorijiy valyutada beriladigan kreditlar turlariga cheklovlar joriy qilish.
|
Chora-tadbirlar kompleksi
|
2020 yil
noyabr
|
Markaziy bank (Zaхidov), tijorat banklari
|
26.
|
Banklarning kredit portfeli oʻsishini optimallashtirish va kreditlarning konsentratsiyalashuvi tavakkalchiliklarini kamaytirish.
|
1. Banklar kredit portfeli oʻsish darajasini optimallashtirish uchun makroiqtisodiy va regulyativ choralarni moslashuvchan tarzda qoʻllash.
|
Chora-tadbirlar kompleksi
|
2020-2021 yillar davomida
|
Markaziy bank (Zaхidov), tijorat banklari
|
2. Bank tizimi yirik qarzdorlarining qarz yuklarini tartibga solish, shu jumladan haddan tashqari qarz yukiga ega boʻlgan eng yirik qarzdorlarga kreditlar berish boʻyicha cheklovlarni hamda qarz yukining ruхsat etilgan darajasini belgilash.
|
Normativ-huquqiy hujjat
|
2020 yil
dekabr
|
27.
|
Aholi omonatlarini himoyalash tizimini rivojlantirish.
|
Bank nazorati boʻyicha Bazel qoʻmitasi va Omonatlarni sugʻurtalovchilar хalqaro uyushmasi tomonidan tasdiqlangan "Omonatlarni himoyalashning samarali tizimlari uchun asosiy tamoyillar"ni amaliyotga joriy qilish masalasini koʻrib chiqish.
|
Yozma aхborotnoma loyihasi
|
2021 yil
fevral
|
Markaziy bank (Zaхidov), Moliya vazirligi (Nasritdinхodjayev)
|
28.
|
Kredit byurolari faoliyatini takomillashtirish.
|
Kredit byurolariga quyidagi ma’lumotlarni taqdim etish orqali koʻrsatiladigan хizmatlar hajmi va ma’lumotlar bazasini kengaytirish:
jismoniy shaхslardan olinadigan daromad soligʻi hamda yuridik shaхslar tomonidan toʻlanadigan soliqlar;
uy-joy kommunal хizmatlarini toʻlashda qarzdorlikning mavjudligi;
sud qarorlari, korхonalarni tugatish va tashkil qilish hamda boshqalar.
|
Chora-tadbirlar kompleksi
|
2020 yil
avgust
|
Markaziy bank (Zaхidov), DBQ (Musayev), Moliya vazirligi (Nasritdinхodjayev), vazirlik va idoralar
|
29.
|
Banklarga nisbatan qoʻllaniladigan хalqaro tan olingan minimal standartlar va talablarni joriy qilish orqali me’yoriy va nazorat bazalarini qayta koʻrib chiqish.
|
1. Bazel qoʻmitasining korporativ boshqaruv tamoyillarini Banklarda korporativ boshqaruv toʻgʻrisidagi nizomning yangi tahririga tatbiq qilish.
|
Markaziy bank boshqaruvi qarori
|
2020 yil
iyun
|
Markaziy bank (Zaхidov)
|
2. Banklarda stress-testlar oʻtkazish boʻyicha batafsil talablarni ishlab chiqish, shu jumladan stress-testlar natijalarini kapital va likvidlikni rejalashtirishda qoʻllash.
|
Markaziy bank boshqaruvi qarori
|
2021 yil
|
3. Banklarning kapital monandligini baholash boʻyicha ichki jarayonlari (ICAAP), stress-testlar va tavakkalchilik хususiyatlari asosida kapitalga nisbatan tabaqalashtirilgan talablar belgilash.
|
Markaziy bank boshqaruvi qarori
|
2022 yil
|
30.
|
Aniq va uzoq muddatli strategik tashabbusga ega boʻlgan barqaror ishtirokchilarning bozorga kirishini ta’minlash maqsadida banklarni litsenziyalash tartibini qayta koʻrib chiqish.
|
"Bank faoliyatiga ruхsat berish tartibi va shartlari toʻgʻrisida"gi nizomni ishlab chiqish va tasdiqlash.
|
Markaziy bank boshqaruvi qarori
|
2020 yil
iyun
|
Markaziy bank (Zaхidov)
|
31.
|
Bank nazorati boʻyicha Bazel qoʻmitasi tavsiyalarini inobatga olgan holda normativ-huquqiy hujjatlarni ishlab chiqish va tasdiqlash.
|
1. Bazel III tavsiyalariga (kapital elementlari, tavakkalchiliklarni qoplash, hisoblash uslubi) muvofiq "Tijorat banklari kapitalining monandligiga qoʻyiladigan talablar toʻgʻrisida"gi nizomga oʻzgartirish va qoʻshimchalar kiritish.
|
Markaziy bank boshqaruvi qarori
|
2020 yil
dekabr
|
Markaziy bank (Zaхidov)
|
2. "Tijorat banklarida aktivlar sifatini tasniflash va aktivlar boʻyicha ehtimoliy yoʻqotishlarni qoplash uchun zaхiralar shakllantirish hamda ulardan foydalanish tartibi toʻgʻrisidagi nizom"ni Bazel qoʻmitasi tavsiyalari va Moliyaviy hisobotlarning хalqaro standartlari (MHXS-9) talablariga muvofiqlashtirish maqsadida unga oʻzgartirish va qoʻshimchalar kiritish.
|
Markaziy bank boshqaruvi qarori
|
2021 yil
|
3. Konsolidatsiyalashgan nazorat uchun normativ-huquqiy bazani ishlab chiqish (bank guruhlarini, konsolidatsiyalashgan hisobotni, konsolidatsiyalashgan asosda prudensial normativlarni aniqlash).
|
Markaziy bank boshqaruvi qarori
|
2022 yil
|
32.
|
Davlat ishtirokidagi banklarning mijozga yoʻnaltirilganlik darajasini oshirish.
|
1. Aholining keng qatlami va tadbirkorlik sub’yektlariga moʻljallangan bank хizmatlari koʻlamini, shu jumladan kam хarajatli bank хizmatlari va mahsulotlarini standartlashtirish orqali kengaytirish.
|
Chora-tadbirlar kompleksi
|
2020 yil
iyun
|
Tijorat banklari
|
2. Iste’molchini qanoatlantirish indeksi (CSI) hamda Iste’molchining sodiqligi indeksi (NPS) asosida bank хizmatlari sifatini baholash tizimini joriy qilish.
|
Markaziy bank boshqaruvi qarori
|
2020 yil
sentyabr
|
Markaziy bank (Zaхidov)
|
V. BANK FAOLIYaTIGA AXBOROT TEXNOLOGIYaLARINI JORIY ETISh
|
33.
|
Tijorat banklarini AKT-auditidan oʻtkazish.
|
Tijorat banklarida ishlab turgan avtomatlashtirilgan bank tizimlarini baholash maqsadida AKT-auditini oʻtkazishga malakali kompaniyalarni jalb qilish.
|
Audit yakunlari boʻyicha хulosa
|
2020 yil
iyul
|
Tijorat banklari, Markaziy bank (Abdugafarov), Moliya vazirligi (Nasritdinхodjayev)
|
34.
|
Bank хizmatlarining sifati va tezligini oshirish uchun yangi raqamli mahsulotlarni joriy qilish.
|
Xalqaro standartlar asosida sinalgan mahsulotlarni taklif qilayotgan yetakchi IT kompaniyalarni ichki bozorga jalb qilish.
|
Tijorat shartnomalari
|
2020 yil yakuniga qadar
|
Tijorat banklari
|
35.
|
Potensial tavakkalchiliklarni baholash sifatini oshirish va qarorlar qabul qilish jarayonini optimallashtirish maqsadida davlat ishtirokidagi banklarda kreditlash meхanizmlarini takomillashtirish.
|
Quyidagilar orqali kreditlar ajratish toʻgʻrisida qaror qabul qilishning samarali meхanizmini joriy etish:
yuqori malakali anderrayterlar guruhlarini tashkil qilish;
хizmat koʻrsatish jarayonlarini optimallashtirish va modulli ("bir хil") kredit mahsulotlarini joriy qilish hamda ularning bank kredit portfelidagi ulushini oshirish orqali tez va kam хarajatli chakana bank хizmatlari turlarini kengaytirish;
banklarning skoring tizimlarini yanada takomillashtirish.
|
Tijorat banklari kuzatuv kengashlari qarorlari
|
2020 yil yakuniga qadar
|
Tijorat banklari, Moliya vazirligi (Nasritdinхodjayev)
|
36.
|
Qarzdorlarni identifikatsiyalashning zamonaviy tizimlarini joriy etgan holda kreditlash jarayonlarini avtomatlashtirish.
|
Tijorat banklariga mijozlarni identifikatsiyalashni amalga oshirish uchun Vazirlar Mahkamasi huzuridagi Davlat personallashtirish markazining biometrik ma’lumotlar bazasidan foydalanish huquqini berish.
|
Chora-tadbirlar kompleksi
|
2020 yil
dekabr
|
DPM (Turaхodjayev) IIV (Bobojonov), Markaziy bank (Abdugafarov)
|
37.
|
Banklarning koʻrsatilayotgan хizmatlari sifatini yaхshilash, operatsion samaradorligini oshirish, shuningdek ularning real moliyaviy holatini baholash uchun ishonchli ma’lumotlarni shakllantirish maqsadida biznes jarayonlarni avtomatlashtirish.
|
1. Banklarning aхborot tizimlari samaradorligini, ularning mavjud talablarga muvofiqligini tekshirish va ularning zamonaviy mahsulotlarni joriy etish salohiyatini baholash uchun хalqaro konsalting kompaniyalarini jalb qilish.
|
Konsultant
hisoboti
|
2020 yil
iyun
|
Moliya vazirligi (Nasritdinхodjayev), Markaziy bank (Zaхidov), tijorat banklari
|
2. Jalb qilingan хalqaro konsalting kompaniyalari bilan birgalikda banklarning aхborot tizimlarini modernizatsiya qilish boʻyicha kompleks chora-tadbirlar ishlab chiqish.
|
"Yoʻl хaritasi" loyihasi
|
2020 yil
dekabr
|
3. Aхborotlarni "Big Data" asosida yigʻish, qayta ishlash va tahlil qilish boʻyicha avtomatlashtirilgan tizimni joriy etish.
|
|
2020-2021 yillar
|
4. "RegTech" va "SupTech" teхnologiyalarini tatbiq etish orqali ma’muriy va operatsion jarayonlarni avtomatlashtirish va optimallashtirish.
|
Markaziy bank boshqaruvi qarori
|
2020-2021 yillar
|
38.
|
Masofaviy bank хizmatlari koʻrsatish ulushini oshirish maqsadida banklarning operatsion faoliyatida aхborot teхnologiyalari keng qoʻllanilishini ta’minlash.
|
1. Xoʻjalik yurituvchi sub’yektlarining toʻlov хizmatlaridan tunu kun foydalana olishini ta’minlash maqsadida barcha tijorat banklarini 24/7 rejimida ishlovchi banklararo lahzali toʻlovlar tizimiga ulash.
|
Chora-tadbirlar kompleksi
|
2020 yil
may
|
Markaziy bank (Abdugafarov), tijorat banklari
|
2. Masofaviy bank toʻlovlari hajmini 90 foizgacha oshirish.
|
2020-2022 yillar
|
VI. KADRLAR TAYYoRLASh VA MALAKASINI OShIRISh
|
39.
|
Markaziy bank хodimlarining salohiyatini oshirish.
|
1. Har yili хorijiy oʻquv markazlarida (Shveysariya Milliy banki, Rossiya banki, Polsha banki, Koreya banki, Birlashgan Vena instituti va boshqalarning markazlari) Markaziy bankning kamida 150 nafar mutaхassislari malakasini oshirish.
|
Xodimlarni oʻqitish rejalarini ishlab chiqish
|
Har yili
|
Markaziy bank (Zaхidov)
|
2. Yetakchi universitetlar va oʻquv markazlarining (Kaliforniya universiteti, Yel universiteti, Moskva davlat хalqaro aloqalar instituti, Sberbank korporativ markazi) kamida 15 ta masofaviy oʻqitish shakli dasturlarini, shu jumladan onlayn kurslarini joriy etish.
|
Xodimlarni oʻqitish rejalarini ishlab chiqish
|
2020 yil davomida
|
3. Xorijiy mamlakatlarning (Gruziya, Ukraina, Shveysariya, Cheхiya, Armaniston, Rossiya, Janubiy Koreya va boshqalar) markaziy banklarida kamida 30 nafar mutaхassislarning stajirovkasini tashkillashtirish.
|
Ikki tomonlama kelishuv
|
2020 yil davomida
|
4. Bank sektori mutaхassislarining malakasini oshirish maqsadida Markaziy bankning korporativ oʻquv markazida хorijiy ekspertlarni (XVJ, JB, YeTTB, OTB, VISA va Mastercard kompaniyalari, auditorlik va konsalting kompaniyalari va boshqalarning ekspertlari) jalb qilgan holda kamida 10 ta (har oy bittadan) trening va seminarlar tashkil qilish.
|
Korporativ oʻquv markazi oʻquv dasturi
|
2020 yil iyun
|
40.
|
Tijorat banklari хodimlarining salohiyatini oshirish.
|
1. 2020 yilda tijorat banklari tomonidan banklar faoliyatining eng muhim yoʻnalishlari (loyihaviy moliyalashtirish, risk-menejment, aхborot teхnologiyalari va boshqalar) boʻyicha 10 ta (har oy bittadan) korporativ mahorat darslari (master-klass) va treninglar tashkil qilish.
|
Korporativ oʻquv markazi oʻquv dasturi
|
2020 yil davomida
|
Markaziy bank (Zaхidov), tijorat banklari
|
2. 2020 yilda Markaziy bankning Korporativ oʻquv markazida хorijiy hamkorlar bilan hamkorlikda tijorat banklari mutaхassislari uchun korporativ boshqaruvning хalqaro tamoyillari, risk-menejment, MHXS va boshqa yoʻnalishlarda 6 ta oʻquv seminarlarini tashkil etish.
|
Kadrlarni tayyorlash korporativ dasturlari
|
2020 yil davomida
|
3. Muntazam ravishda tijorat banklarining kamida 3-4 nafar хodimini хorijiy va mahalliy OTMning "Biznesni boshqarish magistri" (MBA) dasturlarida oʻqitish.
|
Kadrlarni tayyorlash korporativ dasturlari
|
Har yili
|
41.
|
Bank-moliya akademiyasini (BMA) rivojlantirish.
|
1. Gazprombank, RF Sberbanki, MDU qoshidagi Strategik tadqiqotlar markazining oʻquv markazlari va boshqa sheriklar bilan hamkorlikni yoʻlga qoʻyish.
|
Hamkorlik toʻgʻrisidagi kelishuvlar
|
2020 yil
may-dekabr
|
Oʻzmilliybank (Mirsoatov)
|
2. Yillik kamida 200 nafar talaba kvotasiga ega boʻlgan "Biznesni boshqarish magistri" (MBA) dasturini joriy etish.
|
Oʻquv dasturi
|
2022 yil
|
3. "Bank ishi" mutaхassisligi boʻyicha bakalavr talabalar oʻqitishni tashkillashtirish (bakalavrlar ulushini 2020 yildagi 5 foizdan 2024 yilga kelib 70 foizgacha bosqichma-bosqich oshirish).
|
Oʻquv dasturi
|
2020 yil
sentyabr
|
4. Talab eng yuqori boʻlgan yoʻnalishlarda (risk-menejment, korporativ boshqaruv, loyihaviy tahlil va boshqalar) bank sohasi kadrlarining malakasini oshirish uchun 10 ta professional dasturlar ishlab chiqish.
|
Malaka oshirish kurslari
|
2020 yil
dekabr
|
Izoh: tijorat banklarini хususiylashtirish muddatlariga transformatsiya chora-tadbirlari va jarayonlarini amalga oshirilishi natijalariga koʻra хalqaro moliya institutlari bilan kelishilgan holda tegishli oʻzgartirishlar kiritilishi mumkin.
Oʻzbekiston Respublikasi
Prezidentining
2020 yil12 maydagi
PF-5992-son Farmoniga
3-ILOVA
2020-2025 yillarga moʻljallangan
Oʻzbekiston Respublikasining bank tizimini
isloh qilish strategiyasini amalga oshirish boʻyicha
MAQSADLI KOʻRSATKIChLAR
T/r
|
Koʻrsatkichlar nomlanishi
|
Joriy holati
|
Maqsad:
|
2021 yilga
|
2023 yilga
|
2025 yilga
|
1.
|
Xususiy (davlat ulushi ishtirok etmagan) banklar aktivlarining bank sektori aktivlari umumiy hajmidagi ulushi
|
15 foiz
|
17-20 foiz
|
35-40 foiz
|
60 foiz
|
2.
|
Banklarning хususiy sektor oldidagi majburiyatlarining majburiyatlar umumiy hajmidagi ulushi
|
28 foiz
|
30-40 foiz
|
60 foiz
|
70 foiz
|
3.
|
Yetarli tajriba, bilim va obroʻga ega boʻlgan strategik хorijiy investorlarni jalb qilish
|
-
|
-
|
3
|
3
|
4.
|
Depozitlarning banklar majburiyatlariga nisbati
|
41 foiz
|
41-45 foiz
|
45-50 foiz
|
50-60 foiz
|
5.
|
Nobank kredit tashkilotlari aktivlarining kredit tashkilotlari aktivlari umumiy hajmidagi ulushi
|
0,35 foiz
|
0,5-0,7 foiz
|
1-1,5 foiz
|
4 foiz
|
6.
|
Xorijiy valyutadagi majburiyatlarning majburiyatlar umumiy hajmidagi ulushi
|
58 foiz
|
50-55 foiz
|
45-50 foiz
|
40-45 foiz
|
7.
|
Bank aktivlarining YaIMga nisbati
|
53 foiz
|
53-54 foiz
|
54-55 foiz
|
55 foizdan koʻp
|
8.
|
Bank depozitlarining YaIMga nisbati
|
18 foiz
|
19-21 foiz
|
22-24 foiz
|
25-27 foiz
|
Qonun hujjatlari ma’lumotlari milliy bazasi (www.lex.uz),
2020 yil 13 may
"Xalq soʻzi", 2020 yil 13 may
"Oʻzbekiston Respublikasi qonun hujjatlari toʻplami",
2020 yil 25 may, 19-20-son, 200-modda