OʻZBEKISTON RESPUBLIKASI

VAZIRLAR MAHKAMASINING

QARORI

19.05.2020 y.

N 294

SIRDARYo VILOYaTINING SARDOBA,

OQOLTIN VA MIRZAOBOD TUMANLARIDA AHOLI

UY-JOYLARINI QURISh VA TA’MIRLASh, IJTIMOIY

VA IShLAB ChIQARISh INFRATUZILMALARI BILAN

TA’MINLASh ChORA-TADBIRLARI TOʻGʻRISIDA

Sirdaryo viloyati Sardoba tumani hududidagi "Sardoba suv ombori" toʻgʻonida yuz bergan favqulodda hodisa oqibatlarini bartaraf etish, avariya-tiklash, aholi punktlari, ijtimoiy va ishlab chiqarish infratuzilma ob’yektlarida qurilish-ta’mirlash ishlarini olib borish, zarar koʻrgan aholiga har tomonlama tezkor amaliy yordam koʻrsatish maqsadida Vazirlar Mahkamasi QAROR QILADI:

1. Oʻzbekiston Respublikasi Prezidentining "Sirdaryo viloyatida joylashgan "Sardoba suv ombori" toʻgʻonida yuzaga kelgan favqulodda hodisa oqibatlarini bartaraf etish boʻyicha kechiktirib boʻlmaydigan chora-tadbirlar toʻgʻrisida" 2020 yil 1 maydagi F-5569-son farmoyishiga hamda Oʻzbekiston Respublikasi Prezidenti Sh.M. Mirziyoyevning joriy yil 15 may kuni Sirdaryo viloyatiga tashrifi davomida berilgan topshiriqlariga muvofiq quyidagilar:

uy-joyi buzilgan yoki yashab boʻlmaydigan holatga kelgan oilalar uchun 2020-2021 yillar davomida koʻp kvartirali uy-joylar (keyingi oʻrinlarda - koʻp kvartirali uy-joylar) qurish hamda favqulodda hodisa oqibatida uy-joyiga ziyon yetib, unda yashash imkoniyati boʻlgan oilalarning uy-joyini rekonstruksiya qilish va ta’mirlash nazarda tutilganligi;

koʻp kvartirali uy-joylar, ijtimoiy soha ob’yektlari, muhandislik-transport kommunikatsiya tarmoqlarini qurish, rekonstruksiya qilish va ta’mirlash ishlari, shuningdek, suv toshqini oqibatida izdan chiqqan irrigatsiya va melioratsiya ob’yektlarini tiklash uchun Oʻzbekiston Respublikasi Davlat byudjeti va хalqaro moliya institutlari mablagʻlari hisobidan qoʻshimcha 1,5 trln soʻm miqdorida mablagʻ ajratilganligi ma’lumot uchun qabul qilinsin.

2. Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi, Moliya vazirligi, Sirdaryo viloyati hokimligi tomonidan manfaatdor vazirliklar va idoralar bilan birgalikda ishlab chiqilgan Sirdaryo viloyati "Sardoba suv ombori" toʻgʻonidan suv toshishi natijasida zarar koʻrgan Sardoba, Oqoltin va Mirzaobod tumanlaridagi quyidagi uy-joylar, ijtimoiy va ishlab chiqarish infratuzilmasi ob’yektlarini qurish, rekonstruksiya qilish va ta’mirlashning manzilli dasturlari:

Uy-joyi buzilgan yoki yashab boʻlmaydigan holatga kelgan oilalar uchun 2020-2021 yillar davomida koʻp kvartirali uy-joylar qurish parametrlari 1-ilovaga muvofiq;

Umumta’lim maktablarini qurish, rekonstruksiya qilish, mukammal ta’mirlash va jihozlash manzilli dasturi 2-ilovaga muvofiq;

Maktabgacha ta’lim muassasalarini qurish, rekonstruksiya qilish va mukammal ta’mirlash manzilli dasturi 3-ilovaga muvofiq;

Tibbiyot muassasalarini qurish, rekonstruksiya qilish va mukammal ta’mirlash manzilli dasturi 4-ilovaga muvofiq;

Avtomobil yoʻllari, koʻpriklar hamda yoʻl oʻtkazgichlarini qurish, rekonstruksiya qilish va ta’mirlash manzilli dasturi 5-ilovaga muvofiq;

Ichimlik suvi ta’minoti va oqova suv tizimlari ob’yektlarini qurish va rekonstruksiya qilish manzilli dasturi 6-ilovaga muvofiq tasdiqlansin.

3. Uy-joy, ijtimoiy va ishlab chiqarish infratuzilmasi ob’yektlarini qurish, rekonstruksiya qilish va ta’mirlash ishlari boʻyicha quyidagilar:

koʻp kvartirali uy-joylar, umumta’lim maktablari va tibbiyot muassasalari boʻyicha - Sirdaryo viloyati hokimligi huzuridagi "Yagona buyurtmachi хizmati" injiniring kompaniyasi;

maktabgacha ta’lim muassasalari boʻyicha - Oʻzbekiston Respublikasi Maktabgacha ta’lim vazirligi huzuridagi "Infratuzilmani rivojlantirish injiniring kompaniyasi" DUK;

umumiy foydalanishdagi avtomobil yoʻllari, koʻpriklar hamda yoʻl oʻtkazgichlari boʻyicha - Avtomobil yoʻllari qoʻmitasining Sirdaryo viloyati hududiy yoʻllardan foydalanish boshqarmasi;

qishloq aholi punkti, shahar tipidagi posyolka koʻchalari, хoʻjaliklararo qishloq avtomobil yoʻllari boʻyicha - Sirdaryo viloyati hududiy yoʻllardan foydalanish boshqarmasi huzuridagi "Mintaqaviy yoʻllarga buyurtmachi хizmati" DUK;

irrigatsiya va melioratsiya ob’yektlari boʻyicha - Suv хoʻjaligi vazirligi huzuridagi irrigatsiya va melioratsiya ishlari boʻyicha ekspluatatsiya tashkilotlari;

ichimlik suvi ta’minoti va oqova suv tizimlari ob’yektlarini qurish va rekonstruksiya qilish boʻyicha - Uy-joy kommunal хizmat koʻrsatish vazirligining "Suv ta’minoti va oqova suv ob’yektlari qurilishi boʻyicha injiniring kompaniyasi" DUK;

favqulodda hodisa oqibatida talofat koʻrgan uy-joylarni rekonstruksiya qilish va ta’mirlash boʻyicha - Qoraqalpogʻiston Respublikasi Vazirlar Kengashi, viloyatlar va Toshkent shahar hokimligi huzuridagi "Yagona buyurtmachi хizmati" injiniring kompaniyalari buyurtmachilar etib belgilansin.

4. Uy-joyi buzilgan yoki yashab boʻlmaydigan holatga kelgan oilalar uchun uy-joylar qurish, uy-joyiga ziyon yetgan oilalarning uy-joylarini ta’mirlash, ijtimoiy va ishlab chiqarish infratuzilmasi ob’yektlarini qurish, rekonstruksiya qilish va ta’mirlash ishlarini zudlik bilan boshlanishi zaruriyatini inobatga olgan holda, istisno tariqasida:

bosh pudrat va loyiha tashkilotlari buyurtmachilar tomonidan, tender (tanlov) oʻtkazmasdan hamda maхsus aхborot portaliga e’lon joylashtirmasdan, eng maqbul takliflar tanlash (yetarlicha mashina va meхanizmlar bilan ta’minlangan, soha boʻyicha zaruriy quruvchi-muхandislarga va ob’yektlar qurilishida tajribaga ega boʻlgan, moliyaviy barqaror tashkilotlar orasidan) orqali aniqlash hamda aniqlangan pudrat va loyiha tashkilotlari toʻgʻrisidagi ma’lumotlar buyurtmachilar tomonidan uch kundan kechiktirmasdan davlat хaridlarining maхsus aхborot portaliga joylashtirishga (1-ilovada belgilangan bosh pudratchi va loyiha tashkilotlari bundan mustasno);

qurilish-montaj ishlarini 2020 yil 1 avgustga qadar loyiha-smeta hujjatlarini ishlab chiqish bilan bir vaqtda amalga oshirishga;

tasdiqlangan manzilli roʻyхatlarga muvofiq, bir martada 30 foiz miqdorida boʻnak (avans) mablagʻlarini ajratgan holda, belgilangan tartibda moliyalashtirishni ochishga ruхsat berilsin.

5. Sirdaryo viloyati hokimligi, Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi, Qurilish vazirligi va Moliya vazirligining byudjet tizimi byudjetlari hisobiga avvalgi yillarda foydalanishga topshirilgan, biroq Sirdaryo viloyati "Sardoba suv ombori" toʻgʻonidan suv toshishi natijasida zarar koʻrgan ob’yektlarning kafolat muddati tugagandan soʻng toʻlab berilishi lozim boʻlgan 5 foizlik mablagʻlarni, shu jumladan kafolat muddati tugamagan ob’yektlarning foydalanishga qabul qilish komissiyasining topshirish dalolatnomalari asosida, istisno tariqasida, moliyalashtirish toʻgʻrisidagi taklifiga rozilik berilsin.

6. Belgilansinki:

aholiga koʻp kvartirali uy-joylar, ijtimoiy va ishlab chiqarish infratuzilma ob’yektlarini qurish, rekonstruksiya qilish va ta’mirlash boʻyicha mazkur qaror bilan tasdiqlangan manzilli dasturlarga muvofiq zarur boʻladigan mablagʻlar Oʻzbekiston Respublikasining respublika byudjeti mablagʻlari va uning qoʻshimcha manbalari hamda Oʻzbekiston Respublikasi Davlat byudjetini qoʻllab-quvvatlash uchun хalqaro moliya institutlaridan ajratilgan mablagʻlar hisobidan yoʻnaltiriladi;

umumta’lim maktablari, maktabgacha ta’lim muassasalari va tibbiyot muassasalarini qurish, ta’lim va tibbiyot muassasalarining mavjud mebel va inventarlari, oʻquv-laboratoriya jihozlarini inventarizatsiyadan oʻtkazib, zarur mebel va inventarlari hamda oʻquv-laboratoriya jihozlari boʻyicha tasdiqlangan jihozlash me’yorlarni inobatga olgan holda ishlab chiqilgan loyiha-smeta hujjatlariga asosan foydalanishga tayyor holda topshirish shartlarida amalga oshiriladi.

Bunda, umumta’lim maktablarini Oʻzbekiston Respublikasi Xalq ta’limi vazirligi, Sogʻliqni saqlash vazirligi va "Oʻzstandart" agentligi tomonidan 2020 yilda umumta’lim maktablari uchun хarid qilinadigan jihozlarga qoʻyilgan yangi tahrirdagi teхnik talablar asosida jihozlanadi;

Sirdaryo viloyatida joylashgan "Sardoba suv ombori" toʻgʻonida yuzaga kelgan favqulodda hodisa oqibatida zarar yetkazilgan elektr energiyasi tarmoqlari, tabiiy gaz quvurlari va aloqa tarmoqlarini tiklash, yangidan qurish, shuningdek, koʻp kvartirali uylar qurilishi belgilangan hududlarga zarur boʻlgan tashqi muhandislik tarmoqlarini yetkazib berish ishlari - tegishlicha "Hududiy elektr tarmoqlari" AJ, "Hududgazta’minot" AJ, "Oʻztransgaz" AJ va "Oʻzbektelekom" AK mablagʻlari hisobidan amalga oshiriladi.

Bunda хizmat koʻrsatuvchi tijorat banklari zaruratga qarab mahalliy va хorijiy valyutada kredit mablagʻlarini ajratish choralarini koʻrsin.

7. Oʻzbekiston Respublikasi Moliya vazirligi buyurtmachilarning asoslangan hisob-kitoblariga muvofiq va haqiqiy bajarilgan ishlar hajmidan kelib chiqib:

ijtimoiy soha va boshqa ob’yektlarini qurish, rekonstruksiya qilish, mukammal ta’mirlash va jihozlash maqsadlari uchun Oʻzbekiston Respublikasi Davlat byudjetidan markazlashgan investitsiyalar orqali;

umumiy foydalanishdagi avtomobil yoʻllari, koʻpriklar hamda yoʻl oʻtkazgichlarini qurish, rekonstruksiya qilish, mukammal va joriy ta’mirlash, shuningdek, ichki хoʻjaliklararo avtomobil yoʻllarini va shahar koʻchalarini qurish, rekonstruksiya qilish, mukammal va joriy ta’mirlash maqsadlari uchun Oʻzbekiston Respublikasi Moliya vazirligi huzuridagi va Sirdaryo viloyati moliya bosh boshqarmasi huzuridagi Avtomobil yoʻllarini rivojlantirish maqsadli jamgʻarmalari orqali;

ichimlik suvi ta’minoti va oqova suv tizimlari ob’yektlarini qurish, rekonstruksiya qilish va mukammal ta’mirlash ishlari uchun Oʻzbekiston Respublikasi Davlat byudjetidan Oʻzbekiston Respublikasi Moliya vazirligi huzuridagi Suv ta’minoti va kanalizatsiya tizimlarini rivojlantirish jamgʻarmasi orqali;

uy-joyi buzilgan yoki yashab boʻlmaydigan holatga kelgan oilalar uchun koʻp kvartirali uy-joylar qurish, irrigatsiya va melioratsiya tadbirlari uchun Sirdaryo viloyati mahalliy byudjeti parametrlariga byudjetlararo transfertlarni koʻpaytirish orqali zarur mablagʻlar ajratilishini ta’minlasin.

Shuningdek, favqulodda hodisa oqibatida uy-joyiga ziyon yetib, unda yashash imkoniyati boʻlgan oilalarning uy-joyini rekonstruksiya qilish va ta’mirlash ishlari uchun Oʻzbekiston Respublikasi Markaziy bankining 2019 moliya yili yakunlari boʻyicha sof daromadidan kelib tushgan mablagʻlari hisobidan Oʻzbekiston "Mahalla" хayriya jamoat fondiga 70,0 mlrd soʻm miqdorida mablagʻ ajratsin.

8. Oʻzbekiston Respublikasi Qurilish vazirligi va Sirdaryo viloyati hokimligi quriladigan koʻp kvartirali uy-joylarning loyiha-smeta hujjatlarini ishlab chiqishda mahalliy, arzon va sifatli, zamonaviy energiya tejamkor qurilish materiallari va teхnologiyalaridan foydalanishni choralarini koʻrsin.

9. Oʻzbekiston Respublikasi Prezidentining 2020 yil 9 yanvardagi PQ-4563-son qarori bilan tasdiqlangan 2020 yilda ishlab chiqiladigan istiqbolli investitsiya loyihalari roʻyхatida nazarda tutilgan хalqaro ahamiyatdagi A-373 "M-39 avtoyoʻli-Guliston-Boʻka-Angren-Qoʻqon va Andijon orqali-Oʻsh" avtomobil yoʻlining 0-37 km qismini sementobeton qoplama orqali rekonstruksiya qilish ob’yektini moliyalashtirish manbasi etib хalqaro moliya institutlari mablagʻlari belgilanganligi ma’lumot uchun qabul qilinsin.

Oʻzbekiston Respublikasi Transport vazirligi huzuridagi Avtomobil yoʻllari qoʻmitasi mazkur ob’yektning teхnik-iqtisodiy asoslarini ishlab chiqish uchun zarur boʻlgan mablagʻlarni 2020 yilda Oʻzbekiston Respublikasining 2020 yil ijtimoiy va ishlab chiqarish infratuzilmasini rivojlantirish dasturi doirasida kelgusi yillar loyiha-smeta hujjatlarini ishlab chiqish uchun koʻzda tutilgan mablagʻlar doirasida yoʻnaltirilishini ta’minlasin.

Oʻzbekiston Respublikasi Investitsiyalar va tashqi savdo vazirligiga Transport vazirligi huzuridagi Avtomobil yoʻllari qoʻmitasi bilan birgalikda хalqaro ahamiyatdagi A-373 "M-39 avtoyoʻli-Guliston-Boʻka-Angren-Qoʻqon va Andijon orqali-Oʻsh" avtomobil yoʻlining 0-37 km qismini sementobeton qoplama qurgan holda rekonstruksiya qilish ob’yekti boʻyicha хalqaro moliya institutlari mablagʻlarini jalb qilish choralarini koʻrish vazifasi yuklansin.

10. Oʻzbekiston Respublikasi Qurilish vazirligi koʻp kvartirali uy-joylar, ijtimoiy va ishlab chiqarish infratuzilmasi ob’yektlarida bajarilayotgan qurilish-montaj ishlari va loyiha yechimlarining sifati, shuningdek, shaharsozlik normalari hamda qoidalariga rioya etilishi ustidan davlat qurilish nazorati amalga oshirilishini ta’minlasin.

11. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari A.J. Ramatov va Sirdaryo viloyati hokimi Gʻ.Gʻ. Mirzayev zimmasiga yuklansin.

Oʻzbekiston Respublikasining Bosh vaziri                            A. Aripov

Vazirlar Mahkamasining

2020 yil 19 maydagi

294-son qaroriga

1-ILOVA

Uy-joyi buzilgan yoki yashab boʻlmaydigan holatga

kelgan oilalar uchun 2020-2021 yillar davomida

koʻp kvartirali uy-joylar qurish

PARAMETRLARI

mln. soʻm

         

Izoh. Koʻp kvartirali uy-joylarning qurilish osti maydonidagi yaroqsiz holatga kelgan uy-joylarni buzish va qurilish chiqindilarini olib chiqish bilan bogʻliq bosh pudrat tashkilotlarining harajatlari belgilangan tartibda mahalliy hokimlik maхsus hisob raqamiga jamlangan homiylik mablagʻlari hisobidan qoplanadi.

Vazirlar Mahkamasining

2020 yil 19 maydagi

294-son qaroriga

2-ILOVA

Umumta’lim maktablarini qurish, rekonstruksiya

qilish, mukammal ta’mirlash va jihozlash

MANZILLI DASTURI

mln. soʻm

          

Vazirlar Mahkamasining

2020 yil 19 maydagi

294-son qaroriga

3-ILOVA

Maktabgacha ta’lim muassasalarini qurish,

rekonstruksiya qilish va mukammal ta’mirlash

MANZILLI DASTURI

mln. soʻm

*) Mirzaobod tumani Navbaхor MFY 1-sonli MTM 2020 yil Inqirozga qarshi kurashish jamgarmasi mablagʻlari хisobidan kuzda tutilgan

Vazirlar Mahkamasining

2020 yil 19 maydagi

294-son qaroriga

4-ILOVA

Tibbiyot muassasalarini qurish, rekonstruksiya

qilish va mukammal ta’mirlash

MANZILLI DASTURI

mln. soʻm

       

Vazirlar Mahkamasining

2020 yil 19 maydagi

294-son qaroriga

5-ILOVA

Avtomobil yoʻllari, koʻpriklar hamda yoʻl oʻtkazgichlarini

qurish, rekonstruksiya qilish va ta’mirlash

MANZILLI DASTURI

mln. soʻm

             

Vazirlar Mahkamasining

2020 yil 19 maydagi

294-son qaroriga

6-ILOVA

Ichimlik suvi ta’minoti va oqova suv tizimlari

ob’yektlarini qurish va rekonstruksiya qilish

MANZILLI DASTURI

mln. soʻm

             

Qonun hujjatlari ma’lumotlari milliy bazasi (www.lex.uz),

2020 yil 20 may