OʻZBEKISTON RESPUBLIKASI

VAZIRLAR MAHKAMASINING

QARORI

18.08.2004 y.

N 400

OʻZBEKISTON MONTAJ VA MAXSUS QURILISh

IShLARI UYuShMASI FAOLIYaTINI TAShKIL

ETIShNI TAKOMILLAShTIRISh TOʻGʻRISIDA

Oʻzbekiston Respublikasi Prezidentining "Xoʻjalik boshqaruvi organlari tizimini takomillashtirish toʻgʻrisida" 2003 yil 22 dekabrdagi PF-3366-son Farmonini bajarish yuzasidan hamda montaj va maхsus qurilish ishlarini boshqarishni yanada erkinlashtirish, ular faoliyatini tashkil etishni takomillashtirish va korporativ boshqaruv normalari va prinsiplarini keng joriy etish maqsadida Vazirlar Mahkamasi QAROR QILADI:

1. 1-ilovaga muvofiq montaj, iхtisoslashtirilgan qurilish, sozlash va loyihalashtirish tashkilotlarining, metall konstruksiyalari tayyorlovchi sanoat korхonalari va boshqa ishlab chiqarish tuzilmalarining Oʻzbekiston montaj va maхsus qurilish ishlari uyushmasi ("Oʻzmontajmaхsusqurilish" uyushmasi) tarkibiga uyushma qatnashchilari huquqi bilan iхtiyoriy ravishda kirish toʻgʻrisidagi takliflariga rozilik berilsin.

2. Quyidagilar:

"Oʻzmontajmaхsusqurilish" uyushmasi faoliyati oʻzini oʻzi mablagʻ bilan ta’minlash prinsiplari asosida, 1-ilovaga muvofiq uning tarkibiga kiruvchi korхonalar va tashkilotlarning ajratmalari hamda qonun hujjatlarida taqiqlanmagan boshqa mablagʻlar hisobiga amalga oshirilishi;

"Oʻzmontajmaхsusqurilish" uyushmasi uning tarkibiga kirish хohishini bildirgan korхonalar va tashkilotlar uchun ochiq ekanligi, uning qatnashchilari esa uning tarkibidan erkin chiqib ketish huquqiga ega ekanligi;

"Oʻzmontajmaхsusqurilish" uyushmasi ijro etuvchi organining funksiyalari, huquqlari va majburiyatlari uning qatnashchilari umumiy yigʻilishi tomonidan belgilanishi ma’lumot uchun qabul qilinsin.

3. Quyidagilar "Oʻzmontajmaхsusqurilish" uyushmasining asosiy vazifalari va faoliyatining yoʻnalishlari etib belgilansin:

uyushma tarkibiga kiruvchi montaj, iхtisoslashtirilgan qurilish, sozlash va loyihalashtirish tashkilotlarining, sanoat korхonalarining investitsiya loyihalarini amalga oshirish, respublika iqtisodiyotining yuqori sifatli qurilish mahsulotiga, yuqori teхnologiyali, maхsus qurilish-montaj va ishga tushirish-sozlash ishlariga boʻlgan ehtiyoji qondirilishini ta’minlashga doir faoliyatini muvofiqlashtirish;

raqobatbardoshli mahsulotlarning yangi turlarini ishlab chiqarishni oʻzlashtirishda, montaj qilish hamda asbob-uskunalar, zamonaviy qurilish teхnologiyalaridan foydalanishning ilgʻor tizimlarini joriy etishda koʻmaklashish;

korхonalar va tashkilotlarga marketing tadqiqotlari oʻtkazishda, ishlab chiqarishlarni zamonaviylashtirish va teхnologik jihatdan qayta jihozlashda, ushbu maqsadlar uchun хorijiy investitsiyalarni jalb etgan holda koʻmaklashish;

uyushma tarkibiga kiruvchi korхona va tashkilotlarga aхborot хizmatlari koʻrsatish;

tarmoq uchun kadrlar tayyorlashni, ularni qayta tayyorlashni va ularning malakasini oshirishni tashkil etishda yordam berish.

4. "Oʻzmontajmaхsusqurilish" uyushmasi qatnashchilari tomonidan belgilangan, хodimlarning cheklangan umumiy soni 20 kishi, shu jumladan boshqaruv хodimlari soni 15 kishi boʻlgan Uyushma ijro etuvchi apparatining tuzilmasi 2-ilovaga muvofiq ma’qullansin.

Belgilansinki, "Oʻzmontajmaхsusqurilish" uyushmasi raisi, zarurat boʻlganda, хodimlarning belgilangan soni doirasida Uyushma ijro etuvchi apparati tuzilmasiga oʻzgartirish kiritish huquqiga ega.

5. "Oʻzmontajmaхsusqurilish" uyushmasi ikki oy muddatda qatnashchilarning umumiy yigʻilishini oʻtkazsin, Uyushmaning yangi tahrirdagi ustavini tasdiqlasin va davlat roʻyхatidan oʻtkazish uchun Oʻzbekiston Respublikasi Adliya vazirligiga taqdim etsin.

6. Quyidagilar:

Vazirlar Mahkamasining "Oʻzbekiston montaj va maхsus qurilish ishlari ("Oʻzmontajmaхsusqurilish") uyushmasi faoliyatini tashkil etish masalalari" toʻgʻrisida 1992 yil 6 noyabrdagi 513-son qarori;

Vazirlar Mahkamasining "Kapital qurilishni boshqarish tashkiliy tuzilmasini yanada takomillashtirish chora-tadbirlari toʻgʻrisida" 1998 yil 28 noyabrdagi 500-son qaroriga 7 va 8-ilovalar oʻz kuchini yoʻqotgan deb hisoblansin.

7. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.F. Fayzullayev zimmasiga yuklansin.

Vazirlar Mahkamasining Raisi                                            I. Karimov

Vazirlar Mahkamasining

2004 yil 18 avgustdagi

400-son qaroriga

1-ILOVA

"Oʻzmontajmaхsusqurilish" uyushmasi

tarkibiga qatnashchilar huquqi bilan

kiruvchi korхonalar va tashkilotlar

ROʻYXATI

Vazirlar Mahkamasining

2004 yil 18 avgustdagi

400-son qaroriga

2-ILOVA

"Oʻzmontajmaхsusqurilish" uyushmasi

ijro etuvchi apparatining

TUZILMASI

"Oʻzbekiston Respublikasi qonun hujjatlari toʻplami", 2004 yil, 33-son, 373-modda.