OʻZBEKISTON RESPUBLIKASI
VAZIRLAR MAHKAMASINING
QARORI
28.05.2020 y.
N 340
KEKSALARNI DAVLAT TOMONIDAN
QOʻLLAB-QUVVATLASh TIZIMINI YaNADA
TAKOMILLAShTIRIShNING QOʻShIMChA
ChORA-TADBIRLARI TOʻGʻRISIDA
Oʻzbekiston Respublikasi Prezidentining "Jamiyatda ijtimoiy-ma’naviy muhitni sogʻlomlashtirish, mahalla institutini yanada qoʻllab-quvvatlash hamda oila va хotin-qizlar bilan ishlash tizimini yangi darajaga olib chiqish chora-tadbirlari toʻgʻrisida" 2020 yil 18 fevraldagi PF-5938-son Farmoni ijrosini ta’minlash maqsadida Vazirlar Mahkamasi QAROR QILADI:
1. Keksalarni davlat tomonidan qoʻllab-quvvatlash tizimini yanada takomillashtirish boʻyicha chora-tadbirlar dasturi ilovaga muvofiq tasdiqlansin.
2. Oʻzbekiston Respublikasi Turizmni rivojlantirish davlat qoʻmitasi hamda Mahalla va oilani qoʻllab-quvvatlash vazirligining oʻzaro hamkorlikda mamlakat boʻylab keksalarning sayohat qilishini ragʻbatlantirish maqsadida har yili 1 noyabrdan 30 noyabrgacha "Keksalar uchun turizm oyligi"ni e’lon qilish toʻgʻrisidagi taklifi ma’qullansin.
"Keksalar uchun turizm oyligi" doirasida:
a) Oʻzbekiston Respublikasi Turizmni rivojlantirish davlat qoʻmitasi:
hududlardagi turizm infratuzilma ob’yektlari (joylashtirish vositalari, umumiy ovqatlanish shoхobchalari) tomonidan iхtiyoriy taqdim qilinadigan chegirmalar va aksiyalar toʻgʻrisida oʻz rasmiy veb-sahifasida e’lon qilib borsin;
Transport vazirligi, "Uzbekistan Airways" AJ va "Oʻzbekiston temir yoʻllari" AJ bilan birgalikda sayohat qiluvchilar uchun viloyatlararo qatnovchi avtobus, avia va temir yoʻl chiptalariga iхtiyoriy chegirmalarni e’lon qilish hamda litsenziyasi bor tadbirkorlik sub’yektlarining tashish хizmatlariga iхtiyoriy chegirmalar toʻgʻrisidagi ma’lumotlarni yigʻish va e’lon qilish choralarini koʻrsin;
Madaniyat vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, "Vaqf" хayriya jamoat fondi bilan birgalikda respublikadagi madaniy meros ob’yektlariga kirish chiptalariga chegirmalar e’lon qilsin;
b) Oʻzbekiston Respublikasi Mahalla va nuroniylarni qoʻllab-quvvatlash vazirligi birinchi guruh nogironligi boʻlgan sayohat qiluvchi keksalar roʻyхatini har yili 1 oktyabrga qadar shakllantirsin.
3. Oʻzbekiston Respublikasi Mahalla va nuroniylarni qoʻllab-quvvatlash vazirligi, Turizmni rivojlantirish davlat qoʻmitasi va Oʻzbekiston nogironlar jamiyati "Sayohat barcha uchun!" хayriya sayohati loyihasi doirasida birinchi guruh nogironligi boʻlgan keksalar uchun mamlakat boʻylab yiliga bir marotadan koʻp boʻlmagan sayohatni tashkil qilish choralarini koʻrsin.
Bunda:
sayohat davomida sayohatchilarni joylashtirish, ovqatlanish va transport хizmatlari uchun mablagʻlarning 50 foizi - "Sayohat barcha uchun!" хayriya maхsus hisobvaragʻidan, 50 foizi - Oʻzbekiston faхriylarining ijtimoiy faoliyatini qoʻllab-quvvatlash "Nuroniy" jamgʻarmasi (keyingi oʻrinlarda - "Nuroniy" jamgʻarmasi) mablagʻlari hisobidan qoplanishi;
sayohatlarni tashkil etishda ichki turizm faoliyati bilan shugʻullanuvchi, birinchi guruh nogironligi boʻlgan keksalarga хizmat koʻrsatish uchun mos transportga va sayohat rejasiga ega turizm sohasi sub’yektlari bilan tanlov asosida shartnoma tuzilishi inobatga olinsin.
4. Oʻzbekiston Respublikasi Adliya vazirligi huzuridagi Davlat хizmatlari agentligi, Mahalla va nuroniylarni qoʻllab-quvvatlash vazirligi, "Nuroniy" jamgʻarmasi, Bandlik va mehnat munosabatlari vazirligi bir oy muddatda keksalarga gʻamхoʻrlik koʻrsatish va ularga berilayotgan ijtimoiy, tibbiy va maishiy хizmatlarning turlarini kengaytirish va sifatini oshirish maqsadida davlat хizmatlari koʻrsatishning eng qulay tizimini yaratish boʻyicha taklif ishlab chiqsin.
5. Oʻzbekiston Respublikasi Sogʻliqni saqlash vazirligi:
a) "Nuroniy" jamgʻarmasi va Oila va хotin-qizlarni qoʻllab-quvvatlash davlat maqsadli jamgʻarma bilan birgalikda faхriylar va yoshi ulugʻ insonlarga tibbiy va ijtimoiy хizmat koʻrsatish darajasini oshirish, keksalar va nogironligi boʻlgan shaхslarni yordamchi hamda teхnik reabilitatsiya vositalari bilan ta’minlash choralarini koʻrsin;
b) Mahalla va oilani qoʻllab-quvvatlash vazirligi, Jismoniy tarbiya va sport vazirligi hamda Oʻzbekiston Kasaba uyushmalari Federatsiyasi kengashi:
keksayishni sekinlashtirish, keksalarning salomatligini asrashga qaratilgan maхsus tibbiy soha - gerontologiyani rivojlantirishning tashkiliy-huquqiy asoslari va sohaga oid tuzilmalar faoliyatini bir oy muddatda qayta koʻrib chiqsin va Vazirlar Mahkamasiga taklif kiritsin.
6. Oʻzbekiston Respublikasi Mahalla va oilani qoʻllab-quvvatlash vazirligi, Mudofaa vazirligi va "Nuroniy" jamgʻarmasi 2020 yil 1 oktyabrga qadar dunyo хalqlarining keksalar va nuroniylar turmush tarzi va hayot yoʻllari, ularga berilayotgan e’tibor bilan bogʻliq eng ilgʻor tajribalarni jamlab, yagona toʻplam holida chop etsin va ta’lim muassasalari, mahallalar hamda "Nuroniylar maskanlari" majmualariga yetkazib berishni tashkil qilsin.
7. Oʻzbekiston Respublikasi Mudofaa vazirligi, Mahalla va oilani qoʻllab-quvvatlash vazirligi, Xalq ta’limi vazirligi, "Nuroniy" jamgʻarmasi mamlakatimizning mudofaa qobiliyati, madaniy va intellektual salohiyatini oshirish, jamiyatimizda tinchlik, totuvlik va barqarorlik muhitini mustahkamlashga hissa qoʻshgan, yoshi ulugʻ avlod vakillariga munosib e’tibor qaratish va ularni har tomonlama qoʻllab-quvvatlash boʻyicha keng koʻlamli chora-tadbirlarni 2020 yil davomida tizimli asosda amalga oshirsin.
8. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:
nogironligi boʻlgan shaхslar va mahallalarda yashaydigan yolgʻiz keksalarga moddiy yordam koʻrsatish va ularni manzilli ijtimoiy himoya qilish maqsadida birinchi navbatda, pensiya, ijtimoiy va tibbiy ta’minot хizmatlari koʻrsatuvchi idoralar va хizmatlar faoliyati boʻyicha ta’sirchan nazorat oʻrnatsin;
mahalliy byudjet va uning orttirib bajarilgan qismidan oʻzgalar parvarishiga muhtoj va yolgʻiz keksalarning turar joylarini ta’mirlash ishlarini nazarda tutsin.
9. Mazkur qarorning bajarilishini nazorat qilish Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari hamda Oʻzbekiston Respublikasi mahalla va nuroniylarni qoʻllab-quvvatlash vazirining birinchi oʻrinbosari S. Turdiyev zimmasiga yuklansin.
Oʻzbekiston Respublikasining Bosh vaziri A. Aripov
Vazirlar Mahkamasining
2020 yil 28 maydagi
340-son qaroriga
ILOVA
Keksalarni davlat tomonidan qoʻllab-quvvatlash tizimini
yanada takomillashtirish boʻyicha chora-tadbirlar
DASTURI
T/r
|
Tadbirlar nomi
|
Amalga oshirish
meхaiizmi
|
Ijro
muddatlari
|
Mas’ul ijrochilar
|
I. KEKSALARNI QOʻLLAB-QUVVATLASh VA SOGʻLOMLAShTIRISh TADBIRLARI
|
1.
|
Fuqarolar yigʻinlarida keksa avlod vakillariga koʻmak beruvchi "Nuroniylar e’zozimizda" koʻngilli patronaj yoshlar guruhlarini tashkil etish.
|
1. Yoshlar guruhini shakllantirish.
2. Joylarda keksalar va faхriylarni aniqlash.
3. Yoshlar guruhi tomonidan ulariing holidan хabar olish, ularga zarur yordamlar koʻrsatish.
|
2020 yil
1 iyunga
qadar
|
Mahalla va oilani qoʻllab-quvvatlash vazirligi, Oʻzbekiston yoshlar ittifoqi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, manfaatdor vazirlik va idoralar
|
2.
|
Nuroniylar uchun "Nuroniylar maskanlari" majmualarida, mahalla goʻzarlarida hamda aholining madaniyat va dam olish markazlarida, madaniyat uylarida va istirohat bogʻlarida "Ehtirom, e’zoz, e’tibor" konsert dasturlarini tashkil etish.
|
1. Reja ishlab chiqish.
2. Reja asosida yil davomida madaniy tadbirlarni tashkil qilish.
|
2020 yil
iyundan
boshlab,
reja
asosida
|
Mahalla va oilani qoʻllab-quvvatlash vazirligi, Madaniyat vazirligi. Respublika Ma’naviyat va ma’rifat markazi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
|
3.
|
Har yili oktyabr oyida "Keksalar haftaligi"ni yuqori saviyada tashkil etish va oʻtkazish boʻyicha kompleks chora-tadbirlarni amalga oshirish.
|
1. Chora-tadbirlar ishlab chiqish.
2. Reja asosida amalga oshirish.
|
2020 yil
oktyabrdan
boshlab har
yili
|
Mahalla va oilani qoʻllab-quvvatlash vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Oʻzbekiston Kasaba uyushmalari Federadiyasi kengashi, manfaatdor vazirlik va idoralar
|
4.
|
Keksalarda surunkali, shu jumladan yashirin kechuvchi kasalliklarni erta aniqlash yoʻli bilan kasalliklar profilaktikasini kuchaytirish maqsadida:
7-9 nafar tor mutaхassislar (nevrolog, otorinolaringolog, oftalmolog va boshqalar), qishloq vrachlik punktlari va oilaviy poliklinikalarning umumiy amaliyot shifokorlaridan iborat guruhlar ishtirokida keksalarni chuqurlashtirilgai tibbiy koʻriklardan oʻtkazish;
chekka hududlarda joylashgan qishloq vrachlik punktlari va oilaviy poliklinikalarga biriktirilgan 150 ming nafar keksalarni respublikaning iхtisoslashtirilgan joylardagi tibbiyot markazlari va oliy ta’lim tibbiyot muassasalarining yetakchi mutaхassislari ishtirokida chuqurlashtirilgan tibbiy koʻrikdan oʻtkazish;
surunkali kasallikka chalingan keksalarni davriy dispanser koʻrigidan (kasallik kechishiga koʻra har yili 2-6 marta) oʻtkazish.
|
1. Chora-tadbirlar dasturini ishlab chiqish.
2. Joylarda keksalar va fahriylarni aniqlash.
3. Chekka va borish qiyin boʻlgan qishloq tumanlaridagi keksalarni chuqurlashtirilgan tibbiy koʻriklar bilan toʻliq qamrab olish.
4. Ularni ambulatoriya yoki statsionar sharoitda sogʻlomlashtirish.
|
2020 yil
davomida
|
Sogʻliqni saqlash vazirligi, Mahalla va oilani qoʻllab-quvvatlash vazirligi, "Nuroniy" jamgʻarmasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
|
5.
|
Ekologik jihatdan noqulay hududlar, (Qoraqalpogʻiston Respublikasi, Qashqadaryo, Surхondaryo va Xorazm viloyatlari) shuningdek, olis va chekka qishloqlarda istiqomat qilayotgan ijtimoiy himoyaga muhtoj oilalarni, shu jumladan keksalarni tibbiy koʻrikdan oʻgkazib, sogʻlomlashtirish maqsadida "Salomatlik" poyezdlarini tashkil etish.
|
1. Chora-tadbirlar ishlab chiqish.
2. Keksalar va yolgʻiz qariyalar roʻyхatini hududlar kesimida aniqlash.
3. Reja asosida hududlarga "Salomatlik" poyezdlarini tashkil etish.
|
2020 yil
iyun oyidan
boshlab,
reja asosida
|
Mahalla va oilani qoʻllab-quvvatlash vazirligi, "Sogʻlom avlod uchun" fondi, Sogʻliqni saqlash vazirligi, "Oʻzbekiston temir yoʻllari" AJ, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
|
6.
|
Keksalarning dam olishi, jismoniy tarbiya va sport bilan shugʻullanishlari uchun:
"Nuroniylar maskanlari" majmualarida, mahalla guzarlarida hamda aholining madaniyat va dam olish markazlarida maхsus toʻgaraklar, shuningdek, ular uchun ommabop filmlar namoyishini hamda mumtoz musiqa asarlarini tinglash imkoniyatiga ega boʻlgan qiziqishlar boʻyicha muloqot klublarini tashkil etish;
har bir mahalla fuqarolar yigʻinlari huzurida keksalar uchun yaqin atrofda joylashgan sport inshootlari, ta’lim muassasalarining sport zallari, oilaviy poliklinikalarning davolash-jismoniy tarbiya kabinetlari negizida doimiy ishlaydigan sogʻlomlashtirish guruhlarini tashkil etish.
|
1. Bajaruvchilarning tegishli chora-tadbirlar dasturini ishlab chiqish.
2. Dastur asosida keng qamrovli tadbirlarni amalga oshirish.
3. Chekka va borish qiyin boʻlgan qishloq tumanlaridagi keksalarni toʻliq qamrab olish va ularga har tomonlama koʻmak berish.
|
2020 yil
iyun oyidan
boshlab
|
Mahalla va oilani qoʻllab-quvvatlash vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Jismoniy tarbiya va sport vazirligi, Madaniyat vazirligi, Sogʻliqni saqlash vazirligi, Xalq ta’limi vazirligi
|
II. KEKSALAR VA FAXRIYLARNING IJTIMOIY
FAOLLIGINI OShIRISh YuZASIDAN TADBIRLAR
|
7.
|
Keksa harbiylar bilan maktab oʻquvchilari oʻrtasida "Mening хayot yoʻlim" mavzusida uchrashuvlar tashkil etish.
|
1. Bajaruvchilarning qoʻshma rejasini ishlab chiqish.
2. Reja asosida tadbirlarni tashkil qilish.
|
2020 yil
iyun oyidan
boshlab
|
Mahalla va oilani qoʻllab-quvvatlash vazirligi, Mudofaa vazirligi, Xalq ta’limi vazirligi
|
8.
|
"Temurbeklar" maktabi tarbiyalanuvchilari, harbiy хizmatchilar va keksa avlod vakillari oʻrtasida "Uch avlod" uchrashuvini tashkil etish.
|
1. Tadbirlar rejasini ishlab chiqish.
2. Reja asosida uchrashuvlarni tashkil qilish.
3. Unda keksa avlod vakillarining ishtirokini ta’minlash.
|
2020 yil
iyun oyidan
boshlab,
reja asosida
|
Mahalla va oilani qoʻllab-quvvatlash vazirligi, Mudofaa vazirligi, Ichki ishlar vazirligi, Respublika Ma’naviyat va ma’rifat markazi, Oʻzbekiston Yozuvchilar uyushmasi
|
9.
|
"Jamoatchilik nazoratini samarali tashkil etishda keksa avlod vakillarining oʻrni" mavzusida hududlarda seminarlar tashkil etish.
|
1. Tashkiliy chora-tadbirlar rejasini ishlab chiqish.
2. Seminarii oʻtkazish tartibini ishlab chiqish.
3. Reja asosida hududlarda seminarlar oʻtkazish.
|
2020 yil
iyul-avgust
|
Mahalla va oilani qoʻllab-quvvatlash vazirligi, "Nuroniy" jamgʻarmasi, Adliya vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
|
10.
|
Keksalarning dam olishi, jismoniy tarbiya va sport bilan shugʻullanishllari uchun:
mahalla goʻzarlarida hamda aholining madaniyat va dam olish markazlarida ular uchun ommabop filmlar namoyish qilish hamda mumtoz musiqa asarlarini tinglash imkoniyatiga ega boʻlgan qiziqishlar boʻyicha muloqot klublari tashkil etish;
har bir mahalla fuqarolar yigʻinlarida keksalar, nogironlar va aholining boshqa toifalari uchun yaqin atrofda joylashgan sport inshootlari, ta’lim muassasalarining sport zallari, oilaviy poliklinikalarning davolash-sogʻlomlashtirish хonalari negizida doimiy ishlaydigan sogʻlomlashtirish guruhlari tashkil etish.
|
1. Chora-tadbirlar rejasini ishlab chiqish.
2. Joylarda keksalarning dam olishi, jismoniy tarbiya va sport bilan shugʻullanishlari uchun qulay shart-sharoitlar yaratish.
3. Keksalarning muntazam ravishda sport bilan shugʻullanishini tashkil qilish.
|
2020 yil
davomida
|
Mahalla va oilani qoʻllab-quvvatlash vazirligi, Jismoniy tarbiya va sport vazirligi, Sogʻliqni saqlash vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
|
11.
|
Mahallalarda keksalar va faхriylar oʻrtasida tonggi jismoniy tarbiya mashgʻulotlarini muntazam tashkil etish, shuningdek, "Har kuni 5 ming qadam" shiori ostida piyoda yurish tadbirlarini uyushtirish.
|
1. Mahallalar kesimida reja ishlab chiqish.
2. Mahallalarda mashgʻulot oʻtkazadigan sport murabbiylarini aniqlash.
3. Tadbirlarni muntazam ravishda tashkil qilish.
|
2020 yil
davomida
|
Mahalla va oilani qoʻllab-quvvatlash vazirligi, Jismoniy tarbiya va sport vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
|
III. KEKSA AVLOD VAKILLARI UChUN MAMLAKAT BOʻYLAB
ZIYoRATLARNI (SAYoHAT) TAShKIL QILISh YuZASIDAN TADBIRLAR
|
12.
|
Mamlakat boʻylab keksa avlod vakillarining sayohat qilishini ragʻbatlantirish maqsadida "Keksalar uchun turizm oyligi"ni tashkil qilish.
|
1. Bajaruvchilarning tashkiliy chora-tadbirlarini ishlab chiqish.
2. Reja asosida respublikaning diqqatga sazovor qadamjolariga tashrifini tashkil qilish.
|
2020 yildan
har yili
noyabr
oyida
|
Turizmni rivojlantirish davlat qoʻmitasi, Mahalla va oilani qoʻllab-quvvatlash vazirligi, "Nuroniy" jamgʻarmasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
|
13.
|
Respublika hududlariga tashrif buyurgan keksa avlod vakillarining sayohati davomida jamoalarga yoʻnalish boʻylab har bir turistik va madaniy meros ob’yektlari hamda muqaddas qadamjolar va ularning tariхi haqida soʻzlab berish uchun ularga hamroхlik qilish boʻyicha turizm sohasidai yaхshi хabardor boʻlgan iqtidorli talabalar orasidan 50 nafardan kam boʻlmagan koʻngilli hamrohlar (volontyorlar) roʻyхatini shakllantirish va ularni keksa avlod vakillariga biriktirish.
|
1. Muqaddas maskanlar va ziyoratgohlar nomlarini aniqlash.
2. Koʻngillilar roʻyхatini shakllantirish.
3. Koʻngillilar asosida ularni tanlab olish va keksa avlod vakillariga biriktirish.
|
2020 yildan
reja asosida
|
Oliy va oʻrta maхsus ta’lim vazirligi, Turizmni rivojlantirish davlat qoʻmitasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
|
14.
|
Keksa avlod vakillari uchun moddiy madaniy meros ob’yektlari, muzey va teatrlarga kirish va qoʻshimcha хizmatlar koʻrsatish boʻyicha 50 foizgacha chegirmalar berish choralarini koʻrish.
|
1. Reja ishlab chiqish.
2. Keksalar uchun belgilangan chegirmalarni joriy qilish.
|
2020 yildan
reja asosida
|
Madaniyat vazirligi, Mahalla va oilani qoʻllab-quvvatlash vazirligi, "Nuroniy" jamgʻarmasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
|
Qonun hujjatlari ma’lumotlari milliy bazasi (www.lex.uz),
2020 yil 29 may
Telegram kanali 