Oʻzbekiston Respublikasi Vazirlar Mahkamasining 04.06.2020 y. 351-son "Paxtasanoat ilmiy markazi" aksiyadorlik jamiyatining moddiy-teхnik bazasini yanada mustahkamlash toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
04.06.2020 y.
N 351
"PAXTASANOAT ILMIY MARKAZI"
AKSIYaDORLIK JAMIYaTINING
MODDIY-TEXNIK BAZASINI YaNADA
MUSTAHKAMLASh TOʻGʻRISIDA
Ilova. Moddiy madaniy merosning koʻchmas mulk ob’yektlari
milliy roʻyхatiga kiritilayotgan oʻzgartirish
"Paxtasanoat ilmiy markazi" aksiyadorlik jamiyati faoliyatini yanada samarali tashkil etish uchun zarur infratuzilma yaratish hamda uning moddiy-teхnik bazasini mustahkamlash maqsadida Vazirlar Mahkamasi QAROR QILADI:
1. Toshkent shahar, Yakkasaroy tumani, Shota Rustaveli koʻchasi, 8-uy manzilida joylashgan bino va inshootlarning 15 973 m.kv qismi (keyingi oʻrinlarda - ob’yekt) moddiy madaniy meros sifatida oʻz qimmatini yoʻqotganligi sababli Oʻzbekiston Respublikasi Madaniyat vazirligi tomonidan ob’yekt Moddiy madaniy meros ob’yektlarining davlat kadastridan chiqarilganligi ma’lumot uchun qabul qilinsin.
2. Oʻzbekiston Respublikasi Davlat aktivlarini boshqarish agentligining ob’yektni "Paxtasanoat ilmiy markazi" aksiyadorlik jamiyatiga (keyingi oʻrinlarda - "Paxtasanoat ilmiy markazi" AJ) uning ustav kapitalida davlat ulushini shakllantirish hisobiga berish toʻgʻrisidagi taklifiga rozilik berilsin.
3. Oʻzbekiston Respublikasi Davlat aktivlarini boshqarish agentligi uch oy muddatda ob’yekt baholangan qiymatda "Paxtasanoat ilmiy markazi" AJ ustav kapitaliga berilishini ta’minlasin.
4. Vazirlar Mahkamasining 2019 yil 4 oktyabrdagi 846-son qarori bilan tasdiqlangan Moddiy madaniy merosning koʻchmas mulk ob’yektlari milliy roʻyхatiga ilovaga muvofiq oʻzgartirish kiritilsin.
5. Mazkur qarorning bajarilishini nazorat qilish Oʻzbekiston Respublikasi Davlat aktivlarini boshqarish agentligi direktori S.X. Bekenov zimmasiga yuklansin.
Oʻzbekiston Respublikasining Bosh vaziri A. Aripov
2020 yil 4 iyundagi
351-son qaroriga
ILOVA
Moddiy madaniy merosning koʻchmas mulk ob’yektlari
milliy roʻyхatiga kiritilayotgan oʻzgartirish
309-pozitsiya quyidagi tahrirda bayon etilsin:
309. |
"Paxtasanoat ilmiy markazi" AJ ma’muriy binosi (6 723 m.kv) |
XX asr |
Shota Rustaveli koʻchasi, 8-uy |
Davlat mulki. "Paxtasanoat ilmiy markazi" AJ operativ boshqaruv huquqi asosida |
Qonun hujjatlari ma’lumotlari milliy bazasi (www.lex.uz),
2020 yil 4 iyun