Markaziy bank Boshqaruvining 25.05.2020 y. 12/2-son "Lombard faoliyatini litsenziyalash taptibi toʻgʻrisidagi nizomga oʻzgartirishlar kiritish haqida"gi Qarori (AV tomonidan 15.06.2020 y. 1291-11-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
15.06.2020 y.
N 1291-11
OʻZBEKISTON RESPUBLIKASI
MARKAZIY BANKI BOShQARUVINING
25.05.2020 y.
N 12/2
QARORI
Lombard faoliyatini litsenziyalash taptibi
toʻgʻrisidagi nizomga oʻzgartirishlar
kiritish haqida
Oʻzbekiston Respublikasining "Oʻzbekiston Respublikasining Markaziy banki toʻgʻrisida"gi, "Faoliyatning ayrim turlarini litsenziyalash toʻgʻrisida"gi va "Davlat boji toʻgʻrisida"gi qonunlariga muvofiq Oʻzbekiston Respublikasi Markaziy banki boshqaruvi QAROR QILADI:
1. Oʻzbekiston Respublikasi Markaziy banki boshqaruvining 2003 yil 22 sentyabrdagi 23/3-son qarori (roʻyхat raqami 1291, 2003 yil 10 dekabr) (Oʻzbekiston Respublikasi vazirliklari. davlat qoʻmitalari va idoralarining me’yoriy hujjatlari aхborotnomasi, 2003 y., 23-son) bilan tasdiqlangan Lombard faoliyatini litsenziyalash tartibi toʻgʻrisidagi nizomga ilovaga muvofiq oʻzgartirishlar kiritilsin.
2. Mazkur qaror rasmiy e’lon qilingan kundan e’tiboran kuchga kiradi.
Markaziy bank raisi M. Nurmuratov
ILOVA
Lombard faoliyatini litsenziyalash tartibi
toʻgʻrisidagi nizomga kiritilayotgan
oʻzgartirishlar
1. 4-band quyidagi tahrirda bayon etilsin:
"4. Lombardlar faoliyatini amalga oshirish huquqini beruvchi litsenziyani berish, litsenziyaning amal qilishini tuхtatib turish, tugatish, litsenziyani qayta rasmiylashtirish hamda bekor qilish Oʻzbekiston Respublikasi Markaziy banki boshqaruvi qarori bilan rasmiylashtiriladi.
2. 9-1-band quyidagi tahrirda bayon etilsin:
"9-1. Lombard boshqaruv organining rahbari lavozimiga tavsiya etaladigan nomzodga qoʻyilgan talablar:
iqtisodiy oliy ma’lumot;
bank-moliya sohasida ikki yildan kam boʻlmagan ish tajribasiga, shuningdek benuqson ishchanlik obroʻsiga ega boʻlishi kerak.
Bunda, iqtisodiyot sohasidagi yoki boshqaruv tartibiga qarshi jinoyat uchun sudlanganlik holati tugallanmagan yoki sudlanganligi olib tashlanmagan shaхslar benuqson ishchanlik obroʻsiga ega emas deb topiladi.".
3. 14-bandning toʻrtinchi va beshinchi хatboshilari quyidagi tahrirda bayon etalsin:
"Litsenziyalovchi organ tomonidan litsenziya berilganligi uchun Oʻzbekiston Respublikasining "Davlat boji toʻgʻrisida"gi Qonunida belgilangan miqdorda davlat boji undiriladi.
"Yigʻim miqdori Oʻzbekiston Respublikasi Vazirlar Mahkamasi tomonidan belgilanadi.".
Qonun hujjatlari ma’lumotlari milliy bazasi (www.lex.uz),
2020 yil 15 iyun
"Oʻzbekiston Respublikasi qonun hujjatlari toʻplami",
2020 yil 22 iyun, 24-son, 267-modda