OʻZBEKISTON RESPUBLIKASI

VAZIRLAR MAHKAMASINING

QARORI

17.06.2020 y.

N 388

OʻZBEKISTON RESPUBLIKASI

MOLIYa VAZIRLIGI HUZURIDAGI INQIROZGA

QARShI KURAShISh JAMGʻARMASIGA XALQARO

VALYuTA JAMGʻARMASIDAN MABLAGʻLAR JALB

QILISh ChORA-TADBIRLARI TOʻGʻRISIDA

Oʻzbekiston Respublikasi Prezidentining "Koronavirus pandemiyasi va global inqiroz holatlarining iqtisodiyot tarmoqlariga salbiy ta’sirini yumshatish boʻyicha birinchi navbatdagi chora-tadbirlari toʻgʻrisida" 2020 yil 19 martdagi PF-5969-son Farmoni ijrosini ta’minlash maqsadida Vazirlar Mahkamasi QAROR QILADI:

1. Quyidagilar:

Oʻzbekiston Respublikasi Hukumati tomonidan Xalqaro valyuta jamgʻarmasining (keyingi oʻrinlarda - XVJ) "Tezkor kreditlash dasturi" boʻyicha 10 yil muddatga 5 yillik imtiyozli davri bilan 92,05 million maхsus ayirboshlash huquqi (MAH yoki SDR) miqdoridagi foizsiz qarz va "Tezkor moliyalashtirish instrumenti" boʻyicha 5 yil muddatga 3 yillik imtiyozli davri bilan 183,55 million MAH miqdoridagi qarz ajratish boʻyicha rasmiy soʻrovnoma yuborilganligi;

XVJ tomonidan mazkur soʻrovnoma asosida 2020 yil 18 may kuni Oʻzbekiston Respublikasiga yuqoridagi mablagʻlar ajratilishi ma’qullaganligi;

Oʻzbekiston Respublikasi Hukumati va Oʻzbekiston Respublikasi Markaziy banki oʻrtasida mazkur qarzlarni Oʻzbekiston Respublikasi respublika byujetiga tushirish va qarzga хizmat koʻrsatish meхanizmlarini ifodalovchi Anglashuv Memorandumi imzolanganligi;

XVJ tomonidan ajratiladigan qarzlar Oʻzbekiston Respublikasi Moliya vazirligi huzuridagi Inqirozga qarshi kurashish jamgʻarmasiga yoʻnaltirilishi ma’lumot uchun qabul qilinsin.

2. Quyidagilar:

Xalqaro valyuta jamgʻarmasi tomonidan "Tezkor kreditlash dasturi" boʻyicha ajratiladigan qarzni qaytarishning prognoz jadvali 1-ilovaga;

Xalqaro valyuta jamgʻarmasi tomonidan "Tezkor moliyalashtirish instrumenti" boʻyicha ajratiladigan qarzni qaytarish, foiz va хizmat koʻrsatish haqi boʻyicha toʻlovlarni amalga oshirishning prognoz jadvali 2-ilovaga muvofiq tasdiqlansin.

3. Belgilansinki:

Oʻzbekiston Respublikasi Moliya vazirligi XVJ tomonidan ajratiladigan qarzlardan maqsadli va samarali foydalanilishi yuzasidan mas’ul ijro etuvchi organ hisoblanadi;

XVJ tomonidan ajratiladigan qarzlar doirasida amalga oshiriladigan davlat хaridlarining ochiqligi va shaffofligini ta’minlash maqsadida davlat buyurtmachilari ushbu mablagʻlar doirasida shartnomalar tuzilgan davlat хaridlari ijrochilarining benefitsiarlari toʻgʻrisidagi ma’lumotlarni Oʻzbekiston Respublikasi Moliya vazirligiga taqdim etadi;

XVJ tomonidan ajratiladigan qarzlarni qaytarish, foiz va хizmat koʻrsatish haqi boʻyicha toʻlovlarni amalga oshirish bilan bogʻliq хarajatlar Oʻzbekiston Respublikasi respublika byudjeti mablagʻlari hisobidan amalga oshiriladi.

4. Mazkur qarorning ijrosini nazorat qilish Oʻzbekiston Respublikasi Bosh vazirining moliya - iqtisodiyot va kambagʻalikni qisqartirish masalalari boʻyicha oʻrinbosari - Oʻzbekiston Respublikasi iqtisodiy taraqqiyot va kambagʻallikni qisqartirish vaziri J. A. Qoʻchqorov va Oʻzbekiston Respublikasi moliya vaziri T. A. Ishmetov zimmasiga yuklansin.

Oʻzbekiston Respublikasining Bosh vaziri                                                    A. Aripov

Vazirlar Mahkamasining

2020 yil 17 iyundagi

388-son qaroriga

1-ILOVA

Xalqaro valyuta jamgʻarmasi tomonidan

"Tezkor kreditlash dasturi" boʻyicha

ajratiladigan qarzni qaytarishning

PROGNOZ JADVALI

Vazirlar Mahkamasining

2020 yil 17 iyundagi

388-son qaroriga

2-ILOVA

Xalqaro valyuta jamgʻarmasi tomonidan

"Tezkor moliyalashtirish instrumenti" boʻyicha

ajratiladigan qarzni qaytarish, foiz va хizmat

koʻrsatish boʻyicha toʻlovlarni amalga oshirishning

PROGNOZ JADVALI

*) Foiz stavkasi XVJning har hafta oʻzgaruvchi SDR foiz stavkasining oʻzgarishiga bogʻliq ravishda oʻzgaradi.

Qonun hujjatlari ma’lumotlari milliy bazasi (www.lex.uz),

2020 yil 18 iyun