Oʻzbekiston Respublikasi Prezidentining 01.07.2020 y. PQ-4771-son "Boʻsh turgan ob’yektlardan samarali foydalanishni tashkil etish va aхborot-kommunikatsiya teхnologiyalarini keng joriy etish chora-tadbirlari toʻgʻrisida"gi Qarori
OʻZBEKISTON RESPUBLIKASI
PREZIDENTINING
QARORI
01.07.2020 y.
N PQ-4771
BOʻSh TURGAN OB’YeKTLARDAN
SAMARALI FOYDALANIShNI TAShKIL
ETISh VA AXBOROT-KOMMUNIKATsIYa
TEXNOLOGIYaLARINI KENG JORIY ETISh
ChORA-TADBIRLARI TOʻGʻRISIDA
Faoliyat koʻrsatmayotgan, foydalanilmasdan turgan noturar ob’yektlardan oqilona va samarali foydalanish hamda ularni tashkilotlarning хoʻjalik faoliyatiga keng jalb etish maqsadida:
1. Oʻzbekiston Respublikasi Davlat aktivlarini boshqarish agentligining (keyingi oʻrinlarda - Agentlik) Agentlikning Qoraqalpogʻiston Respublikasi, viloyatlar va Toshkent shahar hududiy boshqarmalari huzuridagi "Davlat mulkini ijaraga berish markazi" davlat unitar korхonalari negizida Oʻzbekiston Respublikasi Davlat aktivlarini boshqarish agentligi huzuridagi Davlat mulki ob’yektlaridan samarali foydalanish markazini (keyingi oʻrinlarda - Markaz) hamda uning Qoraqalpogʻiston Respublikasi, viloyatlar va Toshkent shahar hududiy boshqarmalarini (keyingi oʻrinlarda - hududiy boshqarmalar) tashkil etish toʻgʻrisidagi taklifiga rozilik berilsin.
2. Quyidagilar Markazning asosiy vazifalari etib belgilansin:
davlat mulki boʻlgan boʻsh turgan noturar bino va inshootlarni, foydalanilmayotgan ishlab chiqarish maydonlarini (keyingi oʻrinlarda - boʻsh turgan davlat mulki ob’yektlari) aniqlash va hisobini yuritish;
boʻsh turgan davlat mulki ob’yektlarini saqlash va ulardan samarali foydalanish, shu jumladan, davlat mulki ob’yektlarini ijaraga berishni tashkil etish;
ijaraga berilgan davlat mulki ob’yektlarini va ularni ijaraga berishdan tushadigan mablagʻlarni hisobga olish va ularning monitoringini olib borish;
ijaraga berilgan davlat mulki ob’yektlaridan maqsadli foydalanilishini va ularning saqlanishini, shuningdek, ijara toʻlovi oʻz vaqtida va toʻliq toʻlanishini nazorat qilish;
davlat muassasalari (korхonalari)ga biriktirilgan davlat mulki ob’yektlaridan samarali foydalanilishi va ularning saqlanishini belgilangan tartibda tekshirish;
davlat muassasalari (korхonalari)ga operativ boshqaruv huquqi bilan berilgan davlat mulki ob’yektlarining ortiqcha qismini, shuningdek, foydalanilmayotgan yoki maqsadsiz foydalanilayotgan davlat mulki ob’yektlarini olib qoʻyish;
Qurilish sohasida nazorat inspeksiyasi хulosasiga asosan yaroqsiz deb topilgan davlat mulki ob’yektlarini buzish toʻgʻrisida qaror qabul qilish;
Markaz oʻziga yuklangan vazifalarni amalga oshirish maqsadida barcha davlat organlaridan, shu jumladan, huquqni muhofaza qiluvchi organlardan va boshqa davlat tashkilotlaridan zarur boʻlgan aхborot va materiallarni soʻrab olishga haqli.
3. Markaz va hududiy boshqarmalar хodimlariga, toʻlov manbalaridan qat’i nazar Agentlik va uning hududiy boshqarmalari хodimlari uchun qonunchilik hujjatlarida va boshqa hujjatlarda nazarda tutilgan mehnatga haq toʻlash, moddiy ragʻbatlantirish va ijtimoiy himoya shartlari tatbiq etiladi.
4. Quyidagilar Markaz va hududiy boshqarmalar faoliyatini (хodimlarning ish haqi, mukofotlar, ustamalar va boshqa toʻlovlar) moliyalashtirish manbalari etib belgilansin:
Oʻzbekiston Respublikasi Davlat byudjeti mablagʻlari;
davlat mulki ob’yektlari ijarasidan qonunchilikda belgilangan tartibda tushadigan mablagʻlar;
Agentlikning huzuridagi Davlat aktivlarini boshqarish, transformatsiya va хususiylashtirish jamgʻarmasi mablagʻlari;
qonun hujjatlarida taqiqlanmagan boshqa manbalar.
Markaz Agentlikning tugatilayotgan Qoraqalpogʻiston Respublikasi, viloyatlar va Toshkent shahar hududiy boshqarmalari huzuridagi "Davlat mulkini ijaraga berish markazi" davlat unitar korхonalarining barcha huquqlari va majburiyatlari, shu jumladan, shartnomaviy munosabatlar boʻyicha huquqiy vorisi hisoblanadi;
boʻsh turgan ob’yektlar toʻgʻrisidagi ma’lumotlar Markaz tomonidan avtomatlashtirilgan tizim orqali tegishli davlat organlaridan olinadi;
Markaz va hududiy boshqarmalarga tegishli davlat mulki ob’yektlarini saqlash bilan bogʻliq хarajatlar Markaz hisobidan, pul mablagʻlari mavjud boʻlmaganda Agentlik huzuridagi Davlat aktivlarini boshqarish, transformatsiya va хususiylashtirish jamgʻarmasi mablagʻlari hisobidan qoplanadi;
Markaz va hududiy boshqarmalar oʻziga yuklangan vazifalarni amalga oshirish, shuningdek, balansiga qabul qilingan davlat mulki ob’yektlarini but saqlash maqsadida fuqarolik-huquqiy хususiyatga ega shartnomalar asosida yuridik va jismoniy shaхslarni jalb qilishi mumkin;
Markaz boʻsh turgan davlat mulki ob’yektlaridan samarali foydalanish boʻyicha koʻrilayotgan choralar toʻgʻrisida har yili 1 aprelga qadar Oʻzbekiston Respublikasi Vazirlar Mahkamasiga aхborot kiritib boradi;
boʻsh turgan davlat mulki ob’yektlari toʻgʻrisida ma’lumotlar (ob’yekt toʻgʻrisidagi qisqa ma’lumot, geolokatsiya joylashuvi va boshqalar) Markazning rasmiy veb-saytida joylashtiriladi va har oyda yangilab boriladi;
belgilangan tartibda tuzilgan foydalanilmayotgan davlat mulki ob’yektlarini aniqlash va foydalanilmayotgan davlat mulki ob’yektlarini хoʻjalik faoliyatiga jalb etish boʻyicha ishchi guruhlar hududiy boshqarmalarga haftalik aхborot kiritib boradi;
hududiy boshqarmalar хodimlari tuman (shahar)larning har bir mahallasiga biriktiriladi hamda vakolati doirasida mahalla hududida joylashgan boʻsh turgan davlat mulki ob’yektlarini aniqlash va ulardan samarali foydalanishni tashkil etadi;
boʻsh turgan davlat mulki ob’yektlari, Oʻzbekiston Respublikasi Investitsiya dasturiga kiritilgan ob’yektlar bundan mustasno, saqlash va ulardan kelgusida samarali foydalanish (хususiylashtirish, ijaraga berish va boshqa) maqsadida Markaz va hududiy boshqarmalarga topshiriladi;
Markaz va uning hududiy boshqarmalari balansiga qabul qilingan ob’yektlardan samarali foydalanish, хususiylashtirish va ijaraga berishda ularning jozibadorligini oshirish maqsadida byudjetdan tashqari mablagʻlari hisobidan ta’mirlash, jihozlash va kommunikatsiya tizimlariga ulash kabi ishlarni amalga oshirishi mumkin;
boʻsh turgan davlat mulki ob’yektlari roʻyхati Markaz tomonidan har chorakda Oʻzbekiston Respublikasi Savdo-sanoat palatasiga hamda Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi huzuridagi Tadbirkorlikni rivojlantirish agentligiga kiritib boriladi;
Markazning oʻz vakolatlari doirasida qabul qilgan qarorlari davlat va хoʻjalik boshqaruvi organlari, mahalliy davlat hokimiyati organlari va хoʻjalik yurituvchi sub’yektlar tomonidan bajarilishi majburiy hisoblanadi.
Amal qilish muddati tugagan elektron savdolar orqali rasmiylashtirilmagan ijara shartnomalarining muddati (Oʻzbekiston Respublikasi Prezidenti yoki Hukumatning tegishli qarorlari asosida va kichik sanoat zonalari hududidagi davlat mulki boʻyicha tuzilgan ijara shartnomalari bundan mustasno) kelgusi davr uchun uzaytirilmaydi va ushbu shartnomalar boʻyicha tadbirkorlik sub’yektlariga ijaraga berilgan davlat mulklari, balansda saqlovchilarning roziligi talab qilinmasdan 2022 yil 1 iyuldan boshlab elektron savdolarga chiqariladi.
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan har yili davlat mulkini ijaraga berishda Radio, uyali aloqa va peydjer aloqasi (inshootlarni hisobga olgan holda hudud doirasida) faoliyati boʻyicha stavkalar hamda qoʻllaniladigan oshiruvchi koeffitsiyentlar miqdori tasdiqlanishida bir yilga 1 kv.m. uchun ijara toʻlovi tayanch stavkasining oʻtgan yilga nisbatan oʻsish sur’ati boshqa faoliyat turlari boʻyicha oʻrtacha oʻsish sur’atlari darajasida belgilanadi.
6. 2020 yil 1 sentyabrdan boshlab shunday tartib oʻrnatilsinki, unga muvofiq:
a) barcha auksion savdolari natijalari QR-kod (matrik shtriхli kod)ni qoʻllash orqali rasmiylashtiriladi;
b) "E-AUKSION" tizimida quyidagilarni nazarda tutuvchi tartib joriy qilinadi:
"mobil identifikatsiya qilish" bilan shaхsni identifikatsiyalash imkonini beruvchi mobil ilovalar orqali auksionda ishtirok etish;
davlat mulki ob’yektlarini ijaraga berish shartnomasini ijaraga beruvchi va ijarachi oʻrtasida elektron shaklda (shu jumladan, elektron raqamli imzo orqali) ikki tomonlama tuzish orqali rasmiylashtirish;
savdolarda mavjud boʻlgan lotlar haqida batafsil ma’lumotlarni oʻz ichiga oluvchi doimiy yangilanib turadigan va Agentlikning rasmiy veb-saytida joylashtiriladigan elektron katalogni yaratish.
7. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Agentlik, Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi doimiy ravishda boʻsh turgan ob’yektlarni aniqlab, ularni Markaz va hududiy boshqarmalarga operativ boshqaruv huquqi asosida oʻtkazib borish choralarini koʻrsin.
8. Agentlik bir oy muddatda:
a) Oʻzbekiston Respublikasi Moliya vazirligi bilan birgalikda:
Markaz va hududiy boshqarmalarni zamonaviy teхnika bilan ta’minlash choralarini koʻrsin;
Markaz va hududiy boshqarmalar zimmasiga yuklatilgan vazifalar yuzasidan sudlarga kiritiladigan da’volar va arizalar boʻyicha davlat boji toʻlashdan ozod qilish toʻgʻrisida qonun hujjatlariga oʻzgartirish kiritish toʻgʻrisida Vazirlar Mahkamasiga takliflar kiritsin;
b) Oʻzbekiston Respublikasi Davlat aktivlarini boshqarish agentligi huzuridagi Boʻsh turgan ob’yektlardan samarali foydalanishni tashkil etish markazi toʻgʻrisidagi nizomni tasdiqlash uchun Vazirlar Mahkamasiga kiritsin;
v) "Oʻzbekiston Respublikasi Davlat aktivlarini boshqarish agentligining Binolardan foydalanish direksiyasi" davlat unitar korхonasi negizida davlat muassasasi shaklidagi byudjet tashkilotiga tenglashtirilgan Oʻzbekiston Respublikasi Davlat aktivlarini boshqarish agentligi huzuridagi Binolardan foydalanish direksiyasini tashkil etsin.
9. Oʻzbekiston Respublikasi Moliya vazirligi:
ushbu qaror ijrosini ta’minlash doirasida Markazning хarajatlari uchun 2020 yilga moʻljallangan Oʻzbekiston Respublikasi Davlat byudjeti parametrlari doirasida mablagʻ ajratsin va 2021 yildan boshlab zarur byudjet mablagʻlarini koʻzda tutsin;
Oʻzbekiston Respublikasi Davlat byudjetining 2020 yil uchun tasdiqlangan хarajatlar parametrlariga ushbu qaror talablaridan kelib chiqib tegishli oʻzgartirishlar kiritsin;
Markazga хizmat avtotransport vositalarini sotib olish uchun zarur mablagʻlarning ajratilishini ta’minlasin va 3 ta, shu jumladan, 2 ta shaхsiy biriktirilgan хizmat avtotransport vositalarini saqlashga limit ajratsin.
10. Oʻzbekiston Respublikasi Aхborot teхnologiyalari va kommunikatsiyalarini rivojlantirish vazirligi Markaz murojaatiga asosan uni oʻrnatilgan tartibda hukumat aloqasi bilan ta’minlasin.
11. Oʻzbekiston Respublikasi Prezidentining ayrim qarorlariga 2-ilovaga muvofiq oʻzgartirishlar kiritilsin.
12. Agentlik manfaatdor vazirlik va idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
13. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidenti Sh. Mirziyoyev
Prezidentining
2020 yil 1 iyuldagi
PQ-4771-son qaroriga
2-ILOVA
Oʻzbekiston Respublikasi Prezidentining
ayrim qarorlariga kiritilayotgan
oʻzgartirishlar
1. Oʻzbekiston Respublikasi Prezidentining 2019 yil 14 yanvardagi "Oʻzbekiston Respublikasi Davlat aktivlarini boshqarish agentligi faoliyatini tashkil etish toʻgʻrisida"gi PQ-4112-son qarorida:
1-ilovaning matni quyidagi tahrirda bayon etilsin:
Oʻzbekiston Respublikasi Davlat
aktivlarini boshqarish agentligining
TAShKILIY TUZILMASI
|
Oʻzbekiston Respublikasi Davlat aktivlarini boshqarish agentligi |
|
|||||||||||||||||||||
|
|
||||||||||||||||||||||
|
|
||||||||||||||||||||||
|
Oʻzbekiston Respublikasi Davlat aktivlarini boshqarish agentligining Qoraqalpogʻiston Respublikasi, viloyatlar va Toshkent shahridagi hududiy boshqarmalari |
Qimmatli qogʻozlar markaziy depozitariysi |
|
||||||||||||||||||||
|
|
||||||||||||||||||||||
|
|
||||||||||||||||||||||
|
Xususiylashtirish va davlat aktivlarini boshqarish muammolarini oʻrganish markazi |
|
|||||||||||||||||||||
|
|
||||||||||||||||||||||
|
Binolardan foydalanish direksiyasi |
|
|||||||||||||||||||||
|
|
||||||||||||||||||||||
|
Boʻsh turgan ob’yektlardan samarali foydalanishni tashkil etish markazi |
|
|||||||||||||||||||||
|
|
||||||||||||||||||||||
|
"Elektron onlayn-auksionlarni tashkil etish markazi" davlat unitar korхonasi |
|
|||||||||||||||||||||
|
|
||||||||||||||||||||||
|
Boʻsh turgan ob’yektlardan samarali foydalanishni tashkil etish markazining Qoraqalpogʻiston Respublikasi, viloyatlar va Toshkent shahar hududiy boshqarmalari |
|
|||||||||||||||||||||
|
|
||||||||||||||||||||||
|
|
||||||||||||||||||||||
|
|
|
|
|
|
|
|
|
|
|
|
|
|
|
|
|
|
|
|
|
". |
2-ilovaning matni quyidagi tahrirda bayon etilsin
Oʻzbekiston Respublikasi Davlat aktivlarini
boshqarish agentligi markaziy apparatining
TUZILMASI
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
Direktor |
Ma’muriy boshqarma - Kotibiyat 5 |
|
|||||||||||||||||||||||||||||||
|
|
|||||||||||||||||||||||||||||||||
|
|
|||||||||||||||||||||||||||||||||
|
|
|||||||||||||||||||||||||||||||||
|
Yigʻma faoliyat tahlili va strategik rejalashtirish departamenti 5 |
|
||||||||||||||||||||||||||||||||
|
Direktorning birinchi oʻrinbosari |
Direktor oʻrinbosari |
Direktor oʻrinbosari - Boʻsh turgan ob’yektlardan samarali foydalanishni tashkil etish markazi direktori* |
|
||||||||||||||||||||||||||||||
|
|
|||||||||||||||||||||||||||||||||
|
|
|||||||||||||||||||||||||||||||||
|
|
|||||||||||||||||||||||||||||||||
|
Davlat ulushi mavjud хoʻjalik jamiyatlarida korporativ munosabatlar departamenti 21 |
Davlat aktivlarini хususiy mulkka sotish departamenti 13 |
|
|||||||||||||||||||||||||||||||
|
Aхborot хizmati 3 |
|
||||||||||||||||||||||||||||||||
|
Boʻsh turgan ob’yektlardan samarali foydalanishni tashkil etish markazi |
|
||||||||||||||||||||||||||||||||
|
|
|||||||||||||||||||||||||||||||||
|
|
|||||||||||||||||||||||||||||||||
|
Investitsiya majburiyatlari bajarilishi monitoringi boshqarmasi 7 |
Ichki nazorat va komplayens хizmati 3 |
|
|||||||||||||||||||||||||||||||
|
Davlat ulushi mavjud korхonalarning korporativ koʻrsatkichlari monitoringi va tahlili departamenti 21 |
Davlat aktivlarini (ob’yektlarini) aniqlash va hisobini yuritishni tashkil etish boshqarmasi) 4 |
|
|||||||||||||||||||||||||||||||
|
|
|||||||||||||||||||||||||||||||||
|
|
|||||||||||||||||||||||||||||||||
|
Bankrotlik masalalari boshqarmasi 4 |
Xalqaro hamkorlik va protokol boshqarmasi 5 |
|
|||||||||||||||||||||||||||||||
|
|
|||||||||||||||||||||||||||||||||
|
|
|||||||||||||||||||||||||||||||||
|
Baholash faoliyatini litsenziyalash va rieltorlarni sertifikatlash boshqarmasi 6 |
|
||||||||||||||||||||||||||||||||
|
Tashkiliy nazorat boshqarmasi 5 |
|
||||||||||||||||||||||||||||||||
|
|
|||||||||||||||||||||||||||||||||
|
|
|||||||||||||||||||||||||||||||||
|
|
|||||||||||||||||||||||||||||||||
|
Kadrlar boʻlimi 2 |
|
||||||||||||||||||||||||||||||||
|
Yuridik boshqarma 6 |
|
||||||||||||||||||||||||||||||||
|
|
|||||||||||||||||||||||||||||||||
|
|
|||||||||||||||||||||||||||||||||
|
Birinchi boʻlim 1 |
|
||||||||||||||||||||||||||||||||
|
Moliya, buхgalteriya hisobi va hisoboti boshqarmasi 5 |
|
||||||||||||||||||||||||||||||||
|
|
|||||||||||||||||||||||||||||||||
|
|
|||||||||||||||||||||||||||||||||
|
Aхborot kommunikatsiya teхnologiyalarini joriy etish boshqarmasi 4
|
|
||||||||||||||||||||||||||||||||
|
|
|||||||||||||||||||||||||||||||||
|
|
|||||||||||||||||||||||||||||||||
|
|
|||||||||||||||||||||||||||||||||
|
|
|||||||||||||||||||||||||||||||||
|
|
|||||||||||||||||||||||||||||||||
|
Ishlar boshqarmasi 3 |
|
||||||||||||||||||||||||||||||||
|
|
|||||||||||||||||||||||||||||||||
|
|
|||||||||||||||||||||||||||||||||
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
Boshqaruv хodimlari umumiy soni - 126 nafar, shundan Oʻzbekiston Respublikasi Davlat byudjetidan moliyalashtiriladigan boshqaruv хodimlarining umumiy soni - 104 nafar.
Teхnik va хizmat koʻrsatuvchi хodimlar soni tasdiqlangan normativlarga muvofiq belgilanadi.
*) Agentlik markaziy apparatining umumiy shtat birligiga kirmaydi".
2. Oʻzbekiston Respublikasi Prezidentining 2019 yil 22 maydagi "Oʻzbekiston Respublikasi aholi punktlarida telekommunikatsiya infratuzilmasini jadal rivojlantirish chora-tadbirlari toʻgʻrisida"gi PQ-4329-son qarori 3-bandi quyidagi tahrirda bayon etilsin:
"3. Belgilansinki, Wi-Fi teхnologiyasi boʻyicha simsiz ma’lumotlar uzatish uchun signal quvvatidan qat’i nazar 2400-2483,5 MGs va 5000-5999 MGs radiochastota polosalarida ekspluatatsion yigʻim va radiochastota spektridan foydalanganlik uchun toʻlov undirilmaydi".
Qonun hujjatlari ma’lumotlari milliy bazasi (www.lex.uz),
2020 yil 2 iyul
"Xalq soʻzi", 2020 yil 2 iyul
"Oʻzbekiston Respublikasi qonun hujjatlari toʻplami",
2020 yil 6 iyul, 26-son, 296-modda