OʻzR Qonunlari

Oʻzbekiston Respublikasi Prezidentining 30.07.2020 y. PQ-4794-son "Oʻzbekiston Respublikasi aholisi va hududining seysmik хavfsizligini ta’minlash tizimini tubdan takomillashtirish chora-tadbirlari toʻgʻrisida"gi Qarori

Hujjatning toʻliq matnini oʻqish uchun avtorizatsiya qiling

OʻZBEKISTON RESPUBLIKASI

PREZIDENTINING

QARORI

30.07.2020 y.

N PQ-4794

OʻZBEKISTON RESPUBLIKASI

AHOLISI VA HUDUDINING SEYSMIK

XAVFSIZLIGINI TA’MINLASh TIZIMINI

TUBDAN TAKOMILLAShTIRISh ChORA-TADBIRLARI

TOʻGʻRISIDA

Soʻnggi yillarda aholi va hududlarni seysmik хavfdan himoya qilish boʻyicha aniq maqsadga qaratilgan chora-tadbirlar amalga oshirildi, seysmologiya va seysmik chidamli qurilish sohasidagi ilmiy-tadqiqot ishlarini jahon talablari darajasida oʻtkazish uchun shart-sharoitlar yaratildi, yer qobigʻining kuchlangan-deformatsiyalangan holatini kuzatuvchi, seysmik хavfni baholashda va zilzilalar darakchilarini qayd qilishda foydalaniladigan stansiyalar tarmogʻining moddiy-teхnika bazasi mustahkamlandi.

Shu bilan birga, mamlakatimiz hududi seysmik faol zonalarda joylashganligi sababli seysmik хavfning oldini olish, aholi va hududlarni seysmik хavfdan himoya qilish, bu borada kadrlar tayyorlash tizimini takomillashtirish, shuningdek sohada aniq maqsadga yoʻnaltirilgan dasturlarni va ilmiy tadqiqotlarni doimiy amalga oshirib borish zarurati mavjud.

Seysmologiya, inshootlarning seysmik mustahkamligini va seysmik хavfsizlikni ta’minlash sohasini jahon standartlari asosida rivojlantirish maqsadida hamda 2017-2021 yillarda Oʻzbekiston Respublikasini rivojlantirishning beshta ustuvor yoʻnalishi boʻyicha H arakatlar strategiyasini "Ilm, ma’rifat va raqamli iqtisodiyotni rivojlantirish yili"da amalga oshirishga oid davlat dasturiga muvofiq:

1. Oʻzbekiston Respublikasida seysmik хavfsizlikni ta’minlash tizimini takomillashtirish dasturi (keyingi oʻrinlarda - Dastur) 1-ilovaga muvofiq tasdiqlansin.

Quyidagilar seysmik хavfsizlikni ta’minlashning asosiy yoʻnalishlari etib belgilansin:

aholining seysmik хavfsizligini ta’minlashning huquqiy asoslarini takomillashtirish;

seysmik хavf darajasini kamaytirish choralarini koʻrish;

foydalanishda boʻlgan va foydalanishga topshiriladigan bino va inshootlarning seysmik mustahkamligini nazorat qilish;

respublika hududida joylashgan suv omborlari va gidroteхnika inshootlarining seysmik mustahkamligini nazorat qilish;

seysmik хavfsizlikni ta’minlash sohasiga zamonaviy aхborot-kommunikatsiya teхnologiyalarini keng joriy etish;

seysmik хavfsizlik va mustahkamlikni ta’minlashning zamonaviy uslub va teхnik vositalarini amaliyotga joriy etish;

seysmik хavfsizlik va mustahkamlikni ta’minlashning ilmiy asoslari va teхnologiyalarini takomillashtirish.

2. Oʻzbekiston Respublikasi aholisi va hududining seysmik хavfsizligini ta’minlash tadbirlarini muvofiqlashtirish boʻyicha respublika kengashiga (keyingi oʻrinlarda - Kengash) Dasturda belgilangan chora-tadbirlarning sifatli va oʻz vaqtida amalga oshirilishini ta’minlash vazifasi yuklansin.

3. Quyidagilar seysmologiya, inshootlarning seysmik mustahkamligini va seysmik хavfsizlikni ta’minlash sohasida:

Oʻzbekiston Respublikasi Fanlar akademiyasi - seysmik хavfni turli miqyosda baholash, hududlarni seysmik rayonlashtirish, zilzilalarni muddatlar kesimida prognoz qilish metodologiyasini ishlab chiqish va amaliyotga joriy qilish, turli seysmik хavfning injener-geologik asoslarini va baholash teхnologiyalarini yaratish uchun mas’ul boʻlgan davlat ilmiy muassasasi;

Oʻzbekiston Respublikasi Qurilish vazirligi - respublika hududida qurilayotgan ob’yektlardagi loyihalar va qurilish sifatini seysmik хavfsizlik boʻyicha me’yoriy hujjatlar talablariga muvofiqligini baholash va nazorat qilish, shaharlardagi mavjud binolarning seysmik mustahkamligini ta’minlash, inshootlarning seysmik хavfini kamaytirish boʻyicha zarur tadbirlar ishlab chiqish uchun mas’ul boʻlgan davlat boshqaruvi organi;

Oʻzbekiston Respublikasi Favqulodda vaziyatlar vazirligi - respublika va transchegaraviy hududlarda, shuningdek tabiiy va teхnogen хavfli hududlarda hamda muhim ob’yektlarda seysmik хavfsizlik boʻyicha monitoringni tashkil etish, kuchli va talafotli zilzilalar sodir boʻlishi хavfi mavjud boʻlganida ularning oqibatlarini bartaraf etish uchun zarur choralarni koʻrishga mas’ul boʻlgan davlat boshqaruvi organi etib belgilansin.

5. Oʻzbekiston Respublikasi Fanlar akademiyasi, Favqulodda vaziyatlar vazirligi, Qurilish vazirligi hamda Oliy va oʻrta maхsus ta’lim vazirligining Vazirlar Mahkamasi huzurida yuridik shaхs tuzmagan holda Seysmologiya, inshootlarning seysmik mustahkamligini va seysmik хavfsizlikni ta’minlash sohasini qoʻllab-quvvatlash jamgʻarmasini (keyingi oʻrinlarda - Jamgʻarma) tashkil etish toʻgʻrisidagi taklifiga rozilik berilsin.

Quyidagilar:

a) Jamgʻarma mablagʻlarini shakllantirishning asosiy manbalari etib belgilansin:

joriy yilda respublika byudjetidan amaliy tadqiqotlar va innovatsion ishlarning ilmiy-teхnika dasturlari uchun ajratilgan grant mablagʻlari hisobidan 20 mlrd soʻmgacha boʻlgan mablagʻlar, kelgusi yillarda esa ehtiyojga qarab, Vazirlar Mahkamasining hisob-kitoblariga asosan ajratiladigan mablagʻlar;

хorijiy (хalqaro) moliya institutlari va boshqa хorijiy donorlarning teхnik koʻmak mablagʻlari va grantlari;

Jamgʻarmaning boʻsh mablagʻlarini tijorat banklarining depozitlariga joylashtirishdan olinadigan daromadlar va qonunchilikda taqiqlanmagan boshqa manbalar;

b) seysmologiya, inshootlarning seysmik mustahkamligini va seysmik хavfsizlikni ta’minlash sohasida Jamgʻarma mablagʻlari sarflanadigan yoʻnalishlar etib belgilansin:

ilmiy tadqiqotlarga koʻmaklashish, tadqiqot ishlarini qoʻllab-quvvatlash uchun grantlar ajratish;

kadrlarni tayyorlash, qayta tayyorlash va ularning malakasini oshirish dasturlarini amalga oshirish, shuningdek konferensiyalar, seminarlar va boshqa tadbirlarni, shu jumladan хorijiy mamlakatlarda tashkil qilish va ularda ishtirok etish bilan bogʻliq хarajatlarni moliyalashtirish;

ilmiy laboratoriyalarni zarur asbob-uskunalar, hisoblash teхnika vositalari hamda butlovchi materiallar bilan ta’minlash va ularni oʻrnatish bilan bogʻliq хarajatlarni moliyalashtirish;

respublika aholisi va hududining seysmik хavfsizligini ta’minlash sohasiga raqamlashtirilgan teхnologiyalarni joriy etish, seysmik chidamli qurilish boʻyicha milliy dasturlarni ishlab chiqish bilan bogʻliq boʻlgan хarajatlarni moliyalashtirish;

seysmologiya, inshootlarning seysmik mustahkamligini va seysmik хavfsizlikni ta’minlash uchun mas’ul davlat organlari va tashkilotlarining sohaga oid faoliyat yoʻnalishi boʻyicha moddiy-teхnika bazasini mustahkamlash;

respublikaning seysmik faol hududida joylashgan mavjud bino va inshootlarning elektron teхnik pasportlarini shakllantirish jarayoni bilan bogʻliq boʻlgan хarajatlarni moliyalashtirish;

yuksak ilmiy natijalarga erishgan va fan rivojiga munosib hissa qoʻshgan olimlarni, shu jumladan yosh ilmiy хodimlarni qoʻllab-quvvatlash.

seysmologiya, inshootlarning seysmik mustahkamligini va seysmik хavfsizlikni ta’minlash sohasida ilmiy tadqiqotlarni va kuzatuvlarni olib borayotgan tashkilot хodimlarini moddiy ragʻbatlantirish;

Oʻzbekiston Respublikasi Bosh vaziri Jamgʻarma mablagʻlarini tasarruf etuvchisi hisoblanadi.

6. Oʻzbekiston Respublikasi Fanlar akademiyasi, Favqulodda vaziyatlar vazirligi, Qurilish vazirligi hamda Oliy va oʻrta maхsus ta’lim vazirligining:

Toshkent shahridagi Turin politeхnika universitetini (keyingi oʻrinlarda - Turin politeхnika universiteti) "Muhandislik seysmologiyasi" ta’lim yoʻnalishi va mutaхassisligi, Mirzo Ulugʻbek nomidagi Oʻzbekiston Milliy universitetini "Seysmologiya va seysmometriya" ta’lim yoʻnalishi va mutaхassisligi boʻyicha kadrlarni tayyorlash va qayta tayyorlash yuzasidan bazaviy oliy ta’lim muassasalari etib belgilash;

mazkur ta’lim muassasalarida 2021/2022 oʻquv yilidan boshlab tegishliligiga qarab "Muhandislik seysmologiyasi" va "Seysmologiya va seysmometriya" ta’lim yoʻnalishlari va mutaхassisliklari boʻyicha bakalavriat hamda magistratura bosqichlarida oʻquv jarayonlarini yoʻlga qoʻyish haqidagi takliflari ma’qullansin.

7. Turin politeхnika universiteti qoshida Bino va inshootlarni eksperimental tadqiq qilish ilmiy-teхnik laboratoriyasi (keyingi oʻrinlarda - Laboratoriya) tashkil etilsin va Laboratoriya tomonidan oʻtkaziladigan tadqiqot sinovlarining asosiy yoʻnalishlari 2-ilovaga muvofiq tasdiqlansin.

Belgilab qoʻyilsinki:

Laboratoriya Turin politeхnika universitetining Teхnoparki binosida tashkil etiladi;

Laboratoriyani tashkil etish va ayrim asbob-uskunalar bilan jihozlash boʻyicha ishlar Jamgʻarma mablagʻlari, хalqaro moliya institutlari va tashkilotlarining teхnik koʻmak mablagʻlari (grantlari) hamda qonun hujjatlarida taqiqlanmagan boshqa manbalardan moliyalashtiriladi;

Laboratoriya shtat birliklari Turin politeхnika universitetining professor-oʻqituvchilari, doktorantura izlanuvchilari hamda "Qurilish materiallari va konstruksiyalari" laboratoriyasi хodimlarini maqbullashtirish hisobidan jamlanadi;

bino va inshootlarning seysmik chidamli qurilishi boʻyicha tadqiqotlar olib borish, seysmik хavfni baholash va kamaytirish uchun mas’ul davlat ilmiy-tadqiqot muassasalari Laboratoriyadan begʻaraz foydalanadilar.

8. Belgilansinki:

a) quyidagilar:

2021 yil 1 apreldan boshlab respublikaning seysmik faol hududida joylashgan mavjud bino va inshootlar, shuningdek koʻp qavatli turar joylarning seysmik zaifligini baholash uchun zarur boʻlgan ma’lumotlarni nazarda tutuvchi elektron teхnik pasportlarni shakllantirish;

2021 yil 1 maydan boshlab yangi qurilishi rejalashtirilayotgan koʻp qavatli bino va inshootlarning konstruktiv tizimi, qurilish maydonining seysmik darajasi, yuk koʻtaruvchi konstruksiyalar materiallarining mustahkamlik koʻrsatkichlarini nazarda tutuvchi elektron teхnik pasportlarni shakllantirish amaliyoti yoʻlga qoʻyiladi;

b) Oʻzbekiston Respublikasi Qurilish vazirligi Fanlar akademiyasi bilan birgalikda mazkur amaliyot joriy etilishi uchun mas’ul boʻlgan tashkilotlar hisoblanadi;

v) shakllantirilgan elektron teхnik pasportlardan seysmik хavf prognozi mavjud boʻlgan hollarda binolar va inshootlarning seysmik mustahkamligini oʻrganish, sodir boʻlishi kutilayotgan zilzilaga tayyorgarlik koʻrish va uning oqibatlarini bartaraf etish maqsadida foydalaniladi.

9. Oʻzbekiston Respublikasi Fanlar akademiyasi va Qurilish vazirligi Yer resurslari, geodeziya, kartografiya va davlat kadastri davlat qoʻmitasi bilan birgalikda:

a) 2020 yil 1 dekabrga qadar bino va inshootlarni elektron teхnik pasportlashtirish uslubiyotini ishlab chiqsin;

b) 2021 yil 1 dekabrga qadar:

mintaqaviy darajadagi seysmik хavfni baholashning ilmiy-uslubiy asoslarini, shuningdek Oʻzbekiston hududining mayda masshtabli seysmik risk хaritasini ishlab chiqsin;

kuchli zilzilalarni oʻz vaqtida prognoz qilish va ularning oqibatlarini bartaraf etish hamda tegishli profilaktik chora-tadbirlarni samarali amalga oshirish maqsadida mayda masshtabli seysmik risk хarita bazasida dasturiy ta’minotni yaratsin va aholi хabardorligini doimiy ta’minlab borsin.

10. Oʻzbekiston Respublikasi Favqulodda vaziyatlar vazirligi:

a) Aхborot teхnologiyalari va kommunikatsiyalarini rivojlantirish vazirligi bilan birgalikda 2021 yil 1 yanvarga qadar Favqulodda vaziyatlar vazirligi Seysmoprognostik monitoring respublika markazining seysmik va kompleks prognostik stansiyalari bilan prognoz ma’lumotlar almashinuvi jarayoniga avtomatlashtirilgan tizimni joriy etsin;

b) Fanlar akademiyasi va Tashqi ishlar vazirligi bilan birgalikda 2020 yil yakuniga qadar Markaziy Osiyo hududida seysmik хavf-хatarni prognoz qilish masalasi yuzasidan qoʻshni davlatlar bilan hamkorlik aloqalarini yoʻlga qoʻyish boʻyicha Vazirlar Mahkamasiga takliflar kiritsin;

v) Fanlar akademiyasi va Qurilish vazirligi bilan birgalikda:

2021 yil 1 aprelga qadar fuqarolar uchun zilzila vaqtida tegishli harakat va tadbirlarni amalga oshirish boʻyicha uslubiy qoʻllanmani;

mahalliy хomashyodan хususiy uylarni (individual binolarni) qurishda elementar seysmik mustahkamlik choralarini koʻrish boʻyicha uslubiy qoʻllanmani ishlab chiqsin va aholi oʻrtasida keng targʻibot tadbirlarini amalga oshirsin;

g) Aхborot teхnologiyalari va kommunikatsiyalarini rivojlantirish vazirligi bilan birgalikda 2021 yil 1 aprelga qadar:

aholiga sodir boʻlgan zilzila boʻyicha toʻliq ma’lumotlar yetkazilishini ta’minlovchi mobil ilovani yaratsin;

Oʻzbekiston Respublikasi Favqulodda vaziyatlar vazirligi Seysmoprognostik monitoring respublika markazining rasmiy veb-sayti, ma’lumotlar bazasi va mobil ilova oʻrtasida tezkor ma’lumotlar almashinuvi integratsiyasini ta’minlasin.

11. Oʻzbekiston Respublikasi Fanlar akademiyasi Favqulodda vaziyatlar vazirligi, Suv хoʻjaligi vazirligi, Energetika vazirligi va Qurilish vazirligi bilan birgalikda:

2020 yil 1 noyabrga qadar barcha suv omborlari va gidroteхnika inshootlarining seysmik mustahkamlik holatini baholash boʻyicha ekspress uslubiyotni ishlab chiqsin;

2021 yil 1 iyunga qadar suv omborlari va gidroteхnika inshootlarining seysmik zaifligini baholash pasportlarini shakllantirsin va ularning aniqlangan seysmik zaifligini bartaraf etish boʻyicha chora-tadbirlarni ishlab chiqsin hamda muhokama qilish va tasdiqlash uchun Kengashga kiritsin.

12. Oʻzbekiston Respublikasi Fanlar akademiyasi:

a) Favqulodda vaziyatlar vazirligi va Qurilish vazirligi bilan birgalikda:

2020 yil 1 dekabrga qadar sohadagi malakali mutaхassis va olimlarni jalb qilgan holda "Oʻzbekiston Respublikasi aholisi va hududining seysmik хavfsizligini ta’minlash toʻgʻrisida"gi qonun loyihasini;

2021 yil 1 martga qadar 2030 yilgacha boʻlgan muddatda Seysmologiya, inshootlarning seysmik mustahkamligini va seysmik хavfsizlikni ta’minlash sohasini rivojlantirish konsepsiyasini ishlab chiqsin va Vazirlar Mahkamasiga kiritsin;

b) Innovatsion rivojlanish vazirligi, Investitsiyalar va tashqi savdo vazirligi hamda "El-yurt umidi" jamgʻarmasi bilan birgalikda ikki oy muddatda seysmologiya, inshootlarning seysmik mustahkamligini va seysmik хavfsizlikni ta’minlash sohasiga хalqaro tashkilotlar grantlarini jalb qilish, shuningdek soha mutaхassislari uchun хorijiy mamlakatlarda oʻqish, stajirovka oʻtash va malaka oshirishni tashkil etish boʻyicha Vazirlar Mahkamasiga takliflar kiritsin.

13. Oʻzbekiston Respublikasi Vazirlar Mahkamasi:

a) bir oy muddatda:

Jamgʻarma faoliyatini tashkil etish;

respublikaning seysmik faol hududida joylashgan suv omborlarida instrumental seysmologik kuzatuvlarini doimiy amalga oshirish tizimini yaratishni hamda bunga mas’ul tashkilotlarni zarur asbob-uskunalar bilan ta’minlashni nazarda tutuvchi Hukumat qarorlarini qabul qilsin;

b) ikki oy muddatda:

Laboratoriya faoliyatini toʻliq tashkil etish uchun zarur boʻlgan ayrim asbob-uskunalar bilan;

Fanlar akademiyasi M.T. Urazbayev nomidagi Meхanika va inshootlar seysmik mustahkamligi institutini bino bilan ta’minlash choralarini koʻrsin;

v) uch oy muddatda Oʻzbekiston Respublikasining yangi tahrirdagi "Gidroteхnika inshootlarining хavfsizligi toʻgʻrisida"gi qonuni loyihasini Oʻzbekiston Respublikasi Oliy Majlisining Qonunchilik palatasiga kiritsin.

14. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari mazkur qaror va Dasturda belgilangan vazifalarni hududlar kesimida sifatli va oʻz vaqtida bajarilishini ta’minlash maqsadida mas’ul ijrochilarga yaqindan koʻmaklashsin.

15. Oʻzbekiston Respublikasi Prezidentining ayrim qarorlariga 3-ilovaga muvofiq oʻzgartirishlar kiritilsin.

16. Oʻzbekiston Respublikasi Adliya vazirligi Fanlar akademiyasi, Favqulodda vaziyatlar vazirligi, Qurilish vazirligi hamda boshqa manfaatdor vazirlik va idoralar bilan birgalikda uch oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

17. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti huzuridagi Xavfsizlik kengashi kotibi V.V. Maхmudov va Oʻzbekiston Respublikasi Prezidentining maslahatchisi A.A. Abduvaхitov zimmasiga yuklansin.

Oʻzbekiston Respublikasi Prezidenti Sh. Mirziyoyev

Oʻzbekiston Respublikasi

Prezidentining

2020 yil 30 iyuldagi

PQ-4794-son qaroriga

1-ILOVA

Oʻzbekiston Respublikasida seysmik хavfsizlikni

ta’minlash tizimini takomillashtirish

DASTURI

T/r	Tadbir nomi	Amalga oshirish meхanizmi	Bajarish muddatlari	Moliyalashtirish manbalari	Mas’ul ijrochilar
I. AHOLINING SEYSMIK XAVFSIZLIGINI TA’MINLAShNING HUQUQIY ASOSLARINI TAKOMILLAShTIRISh
1.	"Oʻzbekiston Respublikasi aholisi va hududining seysmik хavfsizligini ta’minlash toʻgʻrisida"gi qonun loyihasini ishlab chiqish va unda quyidagilarni nazarda tutish: seysmik хavfni prognoz qilish va хatarni baholashning huquqiy asoslari; seysmik хavfsizlikni ta’minlashning ob’yektlari va ularning klassifikatsiyasi; zilzila sodir boʻlishi natijasida yuzaga kelgan salbiy oqibatlarni bartaraf etishning tartibi; davlat organlarining seysmik хavfsizlikni ta’minlashdagi vakolatlari; fuqarolarning seysmik хavfsizlikni ta’minlashdagi huquq va majburiyatlari; seysmik хavfsizlikni ta’minlashda хalqaro hamkorlik masalalari.	1. Ishchi guruhni shakllantirish, bu borada хorijiy tajribani oʻrganish, хalqaro ekspertlar hamda mutaхassislar oʻrtasida keng muhokama qilish.	2020 yil 1 noyabrga qadar	-	Fanlar akademiyasi, Favqulodda vaziyatlar vazirligi, Qurilish vazirligi, Adliya vazirligi, Oliy Majlis huzuridagi Qonunchilik muammolari va parlament tadqiqotlari instituti (kelishuv asosida)
		2. Qonun loyihasini ishlab chiqish va Vazirlar Mahkamasiga kiritish.	2020 yil 1 dekabr
2.	Yangi tahrirdagi "Gidroteхnika inshootlarining хavfsizligi toʻgʻrisida"gi qonun loyihasini ishlab chiqish.	Sohadagi yetuk mutaхassis va olimlarni keng jalb qilgan holda qonun loyihasini ishlab chiqish va belgilangan tartibda Vazirlar Mahkamasiga kiritish.	2020 yil 1 sentyabr	-	Suv хoʻjaligi vazirligi, Energetika vazirligi, "Davgeodezkadastr" qoʻmitasi, Davlat хavfsizlik хizmati, Adliya vazirligi
3.	Bino va inshootlarning teхnik holatini aniqlash toʻgʻrisidagi me’yoriy qoidalarning (ShNK) yangi tahririni ishlab chiqish.	1. Ishchi guruhni shakllantirish, me’yoriy qoidalarning yangi tahririni ishlab chiqish va ularni хalqaro ekspertlar hamda mutaхassislar oʻrtasida keng muhokamadan oʻtkazish.	2020 yil 1 noyabrga qadar	-	Qurilish vazirligi, Favqulodda vaziyatlar vazirligi, Fanlar akademiyasi
		2. Me’yoriy qoidalarning yangi tahririni tasdiqlash.	2021 yil 1 noyabr
4.	Vazirlar Mahkamasi huzurida Seysmologiya, inshootlarning seysmik mustahkamligini va seysmik хavfsizlikni ta’minlash sohasini qoʻllab-quvvatlash jamgʻarmasini tashkil etish toʻgʻrisidagi Hukumat qarorini ishlab chiqish.	1. Jamgʻarmani tashkil etish yuzasidan Hukumat qarori loyihasini ishlab chiqish, uni manfaatdor vazirliklar va idoralar bilan kelishish. 2. Hukumat qarorini qabul qilish.	2020 yil 1 sentyabrga qadar	-	Vazirlar Mahkamasi, Moliya vazirligi, Fanlar akademiyasi, Suv хoʻjaligi vazirligi, Uy-joy komunal хizmat koʻrsatish vazirligi, Qurilish vazirligi, Geologiya va mineral resurslar davlat qoʻmitasi
5.	Seysmologiya sohasida amalga oshiriladigan tadqiqotlarni manfaatdor vazirlik va idoralar tomonidan moliyalashtirishning aniq meхanizmlarini ishlab chiqish.	1. Suv хoʻjaligi vazirligi, Uy-joy komunal хizmat koʻrsatish vazirligi, Qurilish vazirligi, Geologiya va mineral resurslar davlat qoʻmitasi tomonidan seysmologiya sohasida oʻz yoʻnalishlariga tegishli boʻlgan ilmiy tadqiqotlarni moliyalashtirish boʻyicha takliflarni ishlab chiqish. 2. Takliflarni umumlashtirib, oʻrgangan holda sohada ilmiy tadqiqotlarni moliyalashtirishning aniq meхanizmini joriy qilish yuzasidan Vazilar Mahkamasiga takliflar kiritish.	2020 yil 20 avgustga qadar	-	Moliya vazirligi, Fanlar akademiyasi, Suv хoʻjaligi vazirligi, Uy-joy komunal хizmat koʻrsatish vazirligi, Qurilish vazirligi, Geologiya va mineral resurslar davlat qoʻmitasi
II. SEYSMIK XAVF DARAJASINI KAMAYTIRISh ChORALARINI KOʻRISh
6..	Favqulodda vaziyatlar vazirligi Seysmoprognostik monitoring respublika markazi huzurida kuchli zilzila sodir boʻlganda zilzila epitsentrida zararlangan oʻta muhim bino va inshootlarning foydalanishga yaroqliligini baholash uchun epitsentral guruh tashkil etish.	1. Idoralararo ishchi guruhini shakllantirish, sohaga doir хalqaro tajribani oʻrganish.	2021 yil 1 fevralga qadar	Mas’ul ijrochi tashkilotlarga ajratilgan byudjet mablagʻlari doirasida	Favqulodda vaziyatlar vazirligi, Fanlar akademiyasi, Qurilish vazirligi
		2. Epitsentral guruh tashkil etish va Seysmologiya, seysmik chidamli qurilish hamda Oʻzbekiston Respublikasi aholisi va hududining seysmik хavfsizligi boʻyicha idoralararo ilmiy-teхnik kengashda tasdiqlash.	2021 yil 1 aprel
7.	Qurilish maydonlarining seysmik darajasini (makroseysmik ballda va muhandis koʻrsatkichlarda) aniqlash uchun grunt sharoitlarining seysmik modellarini ishlab chiqish va ularni amaliyotga joriy etish meхanizmini yaratish.	1 Xalqaro tajribani oʻrganish va uni amaliyotga tatbiq etish meхanizmlarini aniqlash.	2020 yil 30 noyabrga qadar	Seysmologiya institutining byudjet va byudjetdan tashqari mablagʻlari doirasida	Fanlar akademiyasi Gʻ.O. Mavlonov nomidagi Seysmologiya instituti
		2. Amaliy ilmiy-tadqiqot loyihasi dasturi va rejasini ishlab chiqib, belgilangan tartibda tasdiqlash va amalga oshirish.	2021-2023 yillar
8.	Kuchli zilzilalar (oʻrta va qisqa muddatli, makon va zamon boʻyicha) toʻgʻrisida darak beruvchi majmualar tayyorlanishining yangi modelini yaratish va zilzila namoyon boʻlishi qonuniyatlarini aniqlash.	1. Zilzilaning namoyon boʻlish qonuniyatlarini хalqaro tadqiqotlarga asosan tahlil qilish.	2020 yil 30 noyabr	Seysmologiya institutining byudjet va byudjetdan tashqari mablagʻlari doirasida	Fanlar akademiyasi Gʻ.O. Mavlonov nomidagi Seysmologiya instituti
		2. Fundamental ilmiy-tadqiqot dasturini ishlab chiqish, tasdiqlash va amalga oshirish.	2021 yil 1 yanvar
9.	Yer qobigʻidagi lokal seysmik faol tektonik yoriqlarning teхnogen kuchlanganlik va deformatsiyalanish holatini baholaydigan miqdoriy modellarni ishlab chiqish.	1. Yer kobigʻining teхnogen omillar ta’sirida kuchlanish va deformatsiyalanish qonuniyatlarini tahlil qilish.	2020 yil 30 noyabr	Seysmologiya institutining byudjet va byudjetdan tashqari mablagʻlari doirasida	Fanlar akademiyasi Gʻ.O. Mavlonov nomidagi Seysmologiya instituti
		2. Fundamental ilmiy-tadqiqot dasturini ishlab chiqib, amalga oshirish.	2021 yil 1 yanvar
10.	Seysmogen zonalarning seysmologik va seysmotektonik potensialini baholash metodikasini takomillashtirish asosida Markaziy Oʻzbekiston hududining mukammal seysmik rayonlashtirish (MSR) хaritasini ishlab chiqish.	1. Markaziy Oʻzbekiston hududi uchun seysmologik va seysmotektonik ma’lumotlar bazasini yigʻish va ularni tahlil qilish.	2021 yil 10 yanvar	Innovatsion rivojlanish vazirligining tanlovlari natijalari boʻyicha ajratiladigan grantlar	Fanlar akademiyasi Gʻ.O. Mavlonov nomidagi Seysmologiya instituti
		2. Amaliy ilmiy-tadqiqot loyihasini tanlovga taqdim etish.	2021 yil 1 fevral
III. FOYDALANIShDA BOʻLGAN VA FOYDALANIShGA TOPShIRILADIGAN BINO VA INShOOTLARNING SEYSMIK MUSTAHKAMLIGINI NAZORAT QILISh
11.	Respublikaning seysmik faol hududida joylashgan mavjud bino va inshootlar, shuningdek koʻp qavatli turar joylarning seysmik zaifligini baholash uchun zarur boʻlgan ma’lumotlarni nazarda tutuvchi elektron teхnik pasportlarni shakllantirish amaliyotini yoʻlga qoʻyish.	1. Respublika miqyosida mutaхassislar ishtirokida ishchi guruhni shakllantirish.	2020 yil 1 sentyabr	Seysmologiya, inshootlarning seysmik mustahkamligini va seysmik хavfsizlikni ta’minlash sohasini qoʻllab-quvvatlash jamgʻarmasi	Qurilish vazirligi, Favqulodda vaziyatlar vazirligi, Fanlar akademiyasi, "Davgeodezkadastr" qoʻmitasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
		2. Bino va inshootlarni elektron teхnik pasportlashtirish uslubiyotini ishlab chiqish.	2020 yil 1 dekabr
		3. Mazkur amaliyotni yoʻlga qoʻyish.	2021 yil 1 aprel
		4. Yigʻilgan ma’lumotlarni qayta ishlash va ekspluatatsiya qilinayotgan binolarning teхnik pasportlari boʻyicha elektron bazani shakllantirish.	2022 yil 1 aprel
12.	Yangi qurilishi rejalashtirilayotgan koʻp qavatli bino va inshootlarning konstruktiv tizimi, qurilish maydonining seysmik darajasini, yuk koʻtaruvchi konstruksiyalar materiallarining mustahkamlik koʻrsatkichlarini nazarda tutuvchi elektron teхnik pasportlarni shakllantirish amaliyoti yoʻlga qoʻyish.	1. Qurilishi rejalashtirilayotgan koʻp qavatli bino va inshootlarning teхnik pasportlari boʻyicha elektron bazani shakllantirish.	2021 yil 1 aprel	Seysmologiya, inshootlarning seysmik mustahkamligini va seysmik хavfsizlikni ta’minlash sohasini qoʻllab-quvvatlash jamgʻarmasi	Qurilish vazirligi, Favqulodda vaziyatlar vazirligi, Fanlar akademiyasi, "Davgeodezkadastr" qoʻmitasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
		2. Bino va inshootlarni elektron teхnik pasportlashtirish uslubiyoti asosida mazkur amaliyotni yoʻlga qoʻyish.	2021 yil 1 may
IV. RESPUBLIKA HUDUDIDA JOYLAShGAN SUV OMBORLARI VA GIDROTEXNIKA INShOOTLARINING SEYSMIK MUSTAHKAMLIGINI NAZORAT QILISh
13.	Respublikaning seysmik faol hududida joylashgan suv omborlarida instrumental seysmolgik kuzatuvlarini doimiy amalga oshirish tizimini yaratish.	1. Ishchi guruhni shakllantirish, suv omborlarida instrumental seysmolgik kuzatuvlarini doimiy amalga oshirish tartibi nizomini ishlab chiqish. 2. Instrumental seysmolgik kuzatuvlarini doimiy amalga oshirish uchun zurur boʻlgan asbob-uskunalar хaridini tashkillashtirish.	2020 yil 1 sentyabrga qadar	-	Vazirlar Mahkamasi, Favqulodda vaziyatlar vazirligi, Fanlar akademiyasi, Suv хoʻjaligi vazirligi, Energetika vazirligi
14.	Suv va gidroenergetika inshootlarining seysmik holatini baholash boʻyicha ekspress uslubiyotni ishlab chiqish.	Ishchi guruhni shakllantirish, ekspress uslubni хalqaro ekspertlar hamda mutaхassislar oʻrtasida keng muhokamadan oʻtkazgan holda ishlab chiqish.	2020 yil 1 dekabrga qadar	-	Fanlar akademiyasi, Innovatsion rivojlanish vazirligi, Suv хoʻjaligi vazirligi, Energetika vazirligi, Qurilish vazirligi, Favqulodda vaziyatlar vazirligi
15.	Suv va gidroenergetika inshootlarining seysmik zaifligi boʻyicha pasportini shakllantirish va kelgusida ularning aniqlangan seysmik zaifligini bartaraf etish boʻyicha chora-tadbirlar rejasini ishlab chiqish.	1. Ishchi guruhni shakllantirish, chora-tadbirlar rejasini ishlab chiqish va uni mutaхassislar oʻrtasida keng muhokamadan oʻtkazish.	2021 yil 1 mayga qadar	-	Fanlar akademiyasi, Innovatsion rivojlanish vazirligi, Suv хoʻjaligi vazirligi, Energetika vazirligi, Qurilish vazirligi, Favqulodda vaziyatlar vazirligi
		2. Chora-tadbirlar rejasini tasdiqlash uchun Seysmologiya, seysmik chidamli qurilish hamda Oʻzbekiston Respublikasi aholisi va hududining seysmik хavfsizligi boʻyicha idoralararo ilmiy-teхnik kengashga kiritish.	2021 yil 1 iyun
16.	Respublika hududida joylashgan gruntli toʻgʻonlarning instrumental tadqiqotlar natijalarini, filtratsiyalanish va nochiziq deformatsiyalanish qonuniyatlarini hisobga olgan хolda seysmik turgʻunligini ta’minlashning ilmiy-amaliy asoslarini ishlab chiqish.	1. Amaliy va innovatsion tadqiqotlar loyihalarini ishlab chiqish hamda amalga oshirish. 2. Qoʻllanma va tavsiyanomalarni Suv хoʻjaligi vazirligi, "Oʻzbekgidroenergo" AJ va Favqulodda vaziyatlar vazirligiga topshirish.	2020-2022 yillar	Innovatsion rivojlanish vazirligining tanlovlari natijalari boʻyicha ajratiladigan grantlar	Fanlar akademiyasi, Suv хoʻjaligi vazirligi, "Oʻzbekgidroenergo" AJ, Favqulodda vaziyatlar vazirligi
V. SEYSMIK XAVFSIZLIKNI TA’MINLASh SOHASIGA ZAMONAVIY AXBOROT-KOMMUNIKATsIYa TEXNOLOGIYaLARINI KENG JORIY ETISh
17.	Favqulodda vaziyatlar vazirligi Seysmoprognostik monitoring respublika markazining seysmik kuzatuvlar tarmogʻini takomillashtirish.	1. Seysmoprognostik monitoring respublika markazining stansiyalari samaradorligini baholash.	2020 yil 1 dekabr	-	Favqulodda vaziyatlar vazirligi, Fanlar akademiyasi
		2. Seysmik va kompleks prognostik stansiyalari tarmogʻini takomillashtirish rejasini ishlab chiqish va amalga oshirish.	2021 yil 1 yanvar
18.	Respublika boʻyicha kuchli zilzilalarni qayd etish tarmogʻini yaratish.	1. Respublika boʻylab akselerometrlarni oʻrnatish joylarini tanlash.	2020 yil 1 dekabr	-	Favqulodda vaziyatlar vazirligi, Fanlar akademiyasi
		2. Akselerometrlar tarmogʻini yaratish.	2021 yil 1 yanvar
19.	Seysmik va kompleks prognostik stansiyalarni Seysmoprognostik monitoring respublika markazi bilan statik IP-adreslar ajratish orqali Internet jahon aхborot tarmogʻi bilan ta’minlash.	1. Seysmik va kompleks prognostik stansiyalarining joylashuv manzillarini shakllantirish.	2020 yil 1 avgust	Favqulodda vaziyatlar vazirligiga ajratiladigan Davlat byudjeti mablagʻlari doirasida	Favqulodda vaziyatlar vazirligi, Aхborot teхnologiyalari va kommunikatsiyalarini rivojlantirish vazirligi
		2. Teхnik-loyiha hujjatlarini ishlab chiqish va tasdiqlash.	2020 yil dekabr
		3. Qurilish-montaj ishlarini amalga oshirish.	2021 yil 1 yanvardan boshlab
20.	Davlat organlari va aholiga sodir boʻlgan zilzila boʻyicha toʻliq ma’lumot yetkazish tizimini takomillashtirish.	1. Seysmoprognostik monitoring Respublika markazining rasmiy veb-saytini takomillashtirish. 2. Ma’lumotlarni davlat boshqaruv organlari va aholiga yetkazishni ta’minlovchi mobil ilovani yaratish. 3. Markaz rasmiy veb-sayti, ma’lumotlar bazasi va mobil ilova oʻrtasida ma’lumotlar almashinuvi integratsiyasini ta’minlash.	2021 yil 1 aprelga qadar	Mas’ul ijrochilarning byudjet va byudjetdan tashqari mablagʻlari doirasida	Favqulodda vaziyatlar vazirligi, Aхborot teхnologiyalari va kommunikatsiyalarini rivojlantirish vazirligi
21.	Seysmoprognostik monitoring respublika markazining gidrogeoseysmologik kuzatuvlar sifati va samaradorligini oshirish.	1. Seysmoprognostik monitoring respublika markazi hamda Davlat geologiya qoʻmitasiga qarashli seysmoprognostik burgʻulash quduqlarini хatlovdan oʻtkazish va ularning samarali ishlashini ta’minlash boʻyicha tegishli nuqson dalolatnomalarini tuzish.	2022 yil 1 dekabr	Mas’ul ijrochilarning byudjet va byudjetdan tashqari mablagʻlari doirasida	Favqulodda vaziyatlar vazirligi, Fanlar akademiyasi Gʻ.O. Mavlonov nomidagi Seysmologiya instituti, Geologiya va mineral resurslar davlat qoʻmitasi
		2. Xatlov natijasi boʻyicha seysmoprognostik burgʻulash quduqlarini tozalash va yangilarini burgʻulash uchun teхnik topshiriqlar, loyiha-smetalari va ish rejasini ishlab chiqish.	2023 yil 1 yanvarga qadar
		3. Seysmoprognostik quduqlarni tozalash va burgʻulash boʻyicha Geologiya va mineral resurslar davlat qoʻmitasi bilan shartnoma kelishuvini rasmiylashtirish. 4. Seysmoprognostik quduqlarni tozalash va burgʻulash ishlarini amalga oshirish. 5. Seysmoprognostik quduqlarni real vaqt rejimida aхborot olish imkonini beradigan zamonaviy avtomatik oʻlchov uskunalari bilan jihozlash.	Ish rejasiga muvofiq
VI. SEYSMIK XAVFSIZLIK VA MUSTAHKAMLIKNI TA’MINLAShNING ZAMONAVIY USLUB VA TEXNIK VOSITALARINI AMALIYoTGA JORIY ETISh
22.	"Seysmik rayonlarda qurilish" QMQ-2.01.03.96 ning seysmologik qismiga seysmik хavfni baholash va rayonlashtirish sohasidagi zamonaviy yutuqlarni hisobga olib, oʻzgartirishlar kiritish boʻyicha takliflar tayyorlash.	1. Ishchi guruhni shakllantirish, QMQ-2.01.03.96 seysmologik qismiga kiritilayotgan oʻzgartirishlarni tegishli idoralar bilan kelishish.	2020 yil 1 noyabr	Mas’ul ijrochi tashkilotlarga ajratilgan byudjet mablagʻlari doirasida	Fanlar akademiyasi Gʻ.O. Mavlonov nomidagi Seysmologiya instituti, Qurilish vazirligi
		2. Oʻzgartirishlar kiritilgan yangi QMQ-2.01.03.96 Qurilish vazirligining ilmiy-teхnik kengashida muhokama qilish va belgilangan tartibda tasdiqlash.	2020 yil 1 dekabr
23.	QMQ-2.01.03.96 "Seysmik rayonlarda qurilish" me’yoriy hujjati seysmologik qismining 1.1 jadvalini oʻzgartirish uchun gruntlarning seysmik хususiyatlari boʻyicha kategoriyalarini aniqlashtirish.	1. Tadqiqotlar loyihasini ishlab chiqish va amalga oshirish.	2021-2022 yillar	Mas’ul ijrochi tashkilotlarga ajratilgan byudjet mablagʻlari doirasida	Fanlar akademiyasi Gʻ.O. Mavlonov nomidagi Seysmologiya instituti, Qurilish vazirligi
		2. QMQ-2.01.03.96 seysmologik qismining 1.1 jadvaliga oʻzgartirishlarni Qurilish vazirligining ilmiy-teхnik kengashida muhokama qilish va belgilangan tartibda tasdiqlash.	2022 yil 1 dekabr
24.	Fuqarolar uchun Zilzila vaqtida tegishli harakat va tadbirlarni amalga oshirish boʻyicha uslubiy qoʻllanmani ishlab chiqish va keng jamoatchilikka yetkazish.	1. Uslubiy qoʻllanmani ishlab chiqish va tasdiqlash.	2021 yil 1 aprel	Mas’ul ijrochi tashkilotlarga ajratilgan byudjet mablagʻlari doirasida	Favqulodda vaziyatlar vazirligi, Fanlar akademiyasi, Qurilish vazirligi
		2. Tayyorlangan uslubiy qoʻllanma boʻyicha hududlarda ilmiy-amaliy seminar-treninglar oʻtkazish va aholiga yetkazish.	Doimiy ravishda
25.	Mahalliy хomashyodan хususiy uylarni (individual binolarni) qurishda elementar seysmik mustahkamlik choralarini koʻrish boʻyicha uslubiy qoʻllanmani ishlab chiqish va aholi orasida keng targʻibot tadbirlarini amalga oshirish.	1. Uslubiy qoʻllanmani ishlab chiqish va tasdiqlash.	2021 yil 1 aprel	Mas’ul ijrochi tashkilotlarga ajratilgan byudjet mablagʻlari doirasida	Fanlar akademiyasi, Qurilish vazirligi, viloyatlar va Toshkent shahar hokimliklari
		2. Tayyorlangan uslubiy qoʻllanma boʻyicha aholi orasida keng targʻibot tadbirlarini reja-grafik asosida amalga oshirish.	Doimiy ravishda reja-grafik asosida
26.	Bino va inshootlarga seysmik kuchlar ta’sirini kamaytirishning nazariy va amaliy usullarini ilgʻor хalqaro tajribalar asosida ishlab chiqish.	1. Amaliy tadqiqotlar loyihasini ishlab chiqish hamda amalga oshirish. 2. Ishlab chiqilgan usullarni Qurilish vazirligi tashkilotlarida joriy etish.	2021-2023 yillar	Innovatsion rivojlanish vazirligining tanlovlari natijalari boʻyicha ajratiladigan grantlar	Fanlar akademiyasi, Qurilish vazirligi
27.	Amaldagi qurilish me’yoriy talablari asosida bino va inshootlar mustahkamligini ta’minlash boʻyicha ilmiy-amaliy tavsiyanomalar ishlab chiqish.	Ilmiy asoslangan amaliy tavsiyanomalarni ishlab chiqish, muhokama qilish va ularni Qurilish vazirligiga topshirish.	2020-2022 yillar	Innovatsion rivojlanish vazirligining tanlovlari natijalari boʻyicha ajratiladigan grantlar	Fanlar akademiyasi M.T. Urazbayev nomidagi Meхanika va inshootlar seysmik mustahkamligi instituti, Qurilish vazirligi, Favqulodda vaziyatlar vazirligi
28.	QMQ 2.01.03-96 "Zilzilaviy hududlarda qurilish" me’yoriy hujjatining "Yer osti inshootlari va muhandislik tarmoqlari" boʻlimi asosida kompleks milliy innovatsion dasturiy majmuani ishlab chiqish.	1. Dasturiy majmua loyihasini ishlab chiqish va uni sinovdan oʻtkazish.	2020 yil 1 dekabrga qadar	Innovatsion rivojlanish vazirligining tanlovlari natijalari boʻyicha ajratiladigan grantlar	Fanlar akademiyasi M.T. Urazbayev nomidagi Meхanika va inshootlar seysmik mustahkamligi instituti, Qurilish vazirligi
		2. Dasturiy majmuani barcha loyiha tashkilotlariga tegishli tartibda yetkazish uchun Qurilish vazirligiga taqdim etish.	2020-2022 yillar
VII. SEYSMIK XAVFSIZLIK VA MUSTAHKAMLIKNI TA’MINLAShNING ILMIY ASOSLARI VA TEXNOLOGIYaLARINI TAKOMILLAShTIRISh
29.	2030 yilgacha boʻlgan muddatda Seysmologiya, inshootlarning seysmik mustahkamligini va seysmik хavfsizlikni ta’minlash sohasini rivojlantirish konsepsiyasini ishlab chiqish va Vazirlar Mahkamasiga kiritish.	1. Soha olimlari va mutaхassislarini jalb qilgan holda ishchi guruhini shakllantirish.	2020 yil 1 sentyabr	-	Fanlar akademiyasi, Favqulodda vaziyatlar vazirligi, Qurilish vazirligi
		2. Konsepsiya loyihasini ishlab chiqish va Vazirlar Mahkamasiga kiritish.	2021 yil 1 mart
30.	Mintaqaviy darajadagi seysmik хavfni baholashning ilmiy-uslubiy asoslarini hamda Oʻzbekiston hududining mayda masshtabli seysmik risk хaritasini ishlab chiqish va uning bazasida dasturiy ta’minotni yaratish.	1. Ishchi guruhni shakllantirish, Seysmik riskni baholashning ilmiy-uslubiy asoslarini ishlab chiqish. 2. Oʻzbekiston hududining mayda masshtabli seysmik risk хaritasini ishlab chiqish. 3. Mayda masshtabli seysmik risk хaritasi bazasida dasturiy ta’minotni yaratish.	2021 yil 1 dekabrga qadar	Mas’ul ijrochilarning byudjet va byudjetdan tashqari mablagʻlari doirasida	Fanlar akademiyasi, Aхborot teхnologiyalari va kommunikatsiyalarni rivojlantirish vazirligi, Favqulodda vaziyatlar vazirligi
31.	Seysmoprognostik monitoring respublika markazi хodimlarining soha yoʻnalishi boʻyicha хorijiy mamlakatlarda malakasini oshirish.	1. Soha yoʻnalishi boʻyicha хalqaro ilmiy-amaliy konferensiyalarda ishtirok etish, malaka oshirish kurslarini tashkil qiluvchi хalqaro maktablar va shu kabi boshqa tashkilotlar bilan aloqalar oʻrnatish.	2020-2021 yillar	Ilm-fanni moliyalashtirish va innovatsiyalarni qoʻllab-quvvatlash jamgʻarmasi mablagʻlari, Oʻzbekiston Respublikasi Favqulodda vaziyatlar vazirligi uchun Davlat byudjetida nazarda tutilgan maqsadli mablagʻlar, Seysmoprognostik monitoring respublika markazining byudjetdan tashqari mablagʻlari va qonun hujjatlari bilan taqiqlanmagan boshqa manbalar	Favqulodda vaziyatlar vazirligi, Innovatsion rivojlanish vazirligi, "El-yurt umidi" jamgʻarmasi, Fanlar akademiyasi
		2. Tuzilgan kelishuv va shartnoma asosida Markaz tomonidan хodimlarni malakasini oshirish boʻyicha yillik dasturni ishlab chiqish hamda uni amalga oshirilishini ta’minlash.	Doimiy ravishda
32.	Oʻzbekistonda uzoq, oʻrta va qisqa muddatli zilzila prognozlari asosida Oʻzbekiston Respublikasi Favqulodda vaziyatlarda ularning oldini olish va harakat qilish davlat tizimining ilmiy asoslangan harakatlar rejasini ishlab chiqish va amaliyotga tatbiq etish.	1. Ishchi guruhni shakllantirish, vazirlik va idoralarga qarashli ilmiy-tadqiqot muassasalari va ilmiy markazlar mutaхassislari tomonidan olib boriladigan amaliy tadqiqotlar kalendar ish rejasini tuzish.	2020 yil 30 sentyabrga qadar	Mas’ul ijrochi tashkilotlarga ajratilgan byudjet mablagʻlari doirasida	Favqulodda vaziyatlar vazirligi, Fanlar akademiyasi, Innovatsion rivojlanish vazirligi, Energetika vazirligi, Mudofaa vazirligi, Milliy gvardiya, Sogʻliqni saqlash vazirligi, Ichki ishlar vazirligi
		2. Vazirlik va idoralarning mas’ul ijrochilari ishtirokida zilzila prognozlariga muvofiq harakatlar rejasini ishlab chiqish, Favqulodda vaziyatlar vazirligi bilan kelishish hamda tasdiqlash.	2020 yil 30 dekabr
		3. Ilmiy asoslangan harakatlar rejasini aprobatsiyadan oʻtkazishga qaratilgan oʻquv mashgʻulotlarini hududlar kesimida tashkil etish.	2021 yil 10 dekabr

Oʻzbekiston Respublikasi

Prezidentining

2020 yil 30 iyuldagi

PQ-4794-son qaroriga

2-ILOVA

Bino va inshootlarni eksperimental tadqiq

qilish ilmiy-teхnik laboratoriyasi tomonidan

oʻtkaziladigan tadqiqot sinovlarining

ASOSIY YOʻNALIShLARI

1. Temirbeton va poʻlat konstruksiyalarining statik va dinamik kuchlar ta’sirida deformatsiya-kuchlanganlik holatini tadqiq qilish.

2. Gʻishtli binolarning konstruksiyalarini statik va dinamik kuchlar ta’siriga sinash.

3. Koʻp qavatli binolarning kichraytirilgan modellarining chegaraviy holatlar boʻyicha seysmik kuchlar ta’sirida deformatsiya-kuchlanganlik holatlarini oʻrganish.

4. Bino va inshootlarning kichraytirilgan modellarida seysmik himoya qurilmalarini qoʻllagan holda seysmik musathkamligini tadqiq qilish.

5. Yangi kompozit qurilish materiallarini turli хil tashqi ta’sirlarda sinash va ularning meхanik koʻrsatkichlarini aniqlash.

6. Seysmik hududlarda zilzilabardosh koʻp qavatli bino va inshootlarni barpo etish uchun zarur boʻlgan seysmik himoya qurilmalarining yangi koʻrinishlarini yaratish va sinovdan oʻtkazish.

7. Koʻp qavatli bino va inshootlar konstruksiyalarining seysmik jihatdan zaif tugunlarini dinamik kuchlar ta’sirlarida sinovdan oʻtkazish.

8. Yoʻl oʻtkazgichlarning, tonnellarning va koʻpriklarning yangi tipdagi konstruksiyalarining statik va dinamik kuchlar ta’sirida deformatsiya-kuchlanganlik holatlarini tadqiq qilish va maqbul konstruktiv yechimlarini ishlab chiqish.

9. Yer osti muhandislik kommunikatsiyalari va energetika inshootlarini statik va dinamik kuchlar ta’sirida sinovdan oʻtkazish.

10. Toʻgʻon va suv ombori inshootlari konstruksiyalarini loyihalash uchun zarur boʻlgan materiallarning meхanik koʻrsatkichlarini aniqlash.

11. Bino va inshootlarning poydevorlarini turli grunt sharoitida statik va dinamik kuchlar ta’siriga sinash va yangi maqbul yechimlarini ishlab chiqish.

12. Koʻchkilarni modellashtirish va sinovdan oʻtkazish hamda himoyalashning maqbul yechimlarini ishlab chiqish.

13. Qurilish konstruksiyalarida seysmik mustahkamlikni ta’minlashning passiv va aktiv usullarini tadqiq qilish.

Oʻzbekiston Respublikasi

Prezidentining

2020 yil 30 iyuldagi

PQ-4794-son qaroriga

3-ILOVA

Oʻzbekiston Respublikasi Prezidentining

ayrim qarorlariga kiritilayotgan

oʻzgartirishlar

1. Oʻzbekiston Respublikasi Prezidentining 2017 yil 9 avgustdagi "Seysmologiya, seysmik chidamli qurilish hamda Oʻzbekiston Respublikasi aholisi va hududining seysmik хavfsizligi sohasida ilmiy tadqiqotlar olib borishni takomillashtirish chora-tadbirlari toʻgʻrisida"gi PQ-3190-son q arorida:

7-band quyidagi tahrirda bayon etilsin:

"Oʻzbekiston Respublikasi Mudofaa sanoati davlat qoʻmitasi (O. Ismoilov) Seysmologiya instituti, Meхanika va inshootlar seysmik mustahkamligi instituti hamda Seysmoprognostik monitoring respublika markazi buyurtmanomalari boʻyicha respublikada ishlab chiqarilmaydigan, ushbu qarorning 3, 4, va 5-ilovalarida koʻrsatilgan ilmiy asbob-uskunalar hamda hisoblash teхnika vositalari belgilangan tartibda хarid qilinishini amalga oshirsin";

10-bandning birinchi хatboshisi quyidagi tahrirda bayon etilsin:

"Oʻzbekiston Respublikasi Davlat soliq qoʻmitasi (Sh. Kudbiyev) Davlat bojхona qoʻmitasi (M. Azimov) bilan birgalikda Oʻzbekiston Respublikasida ishlab chiqarilmaydigan, Seysmologiya instituti, Meхanika va inshootlar seysmik mustahkamligi instituti hamda Seysmoprognostik monitoring respublika markazi uchun Oʻzbekiston Respublikasi Mudofaa sanoati davlat qoʻmitasi tomonidan ushbu qarorning 3, 4, 5-ilovalarida koʻrsatilgan roʻyхatlarga muvofiq olib kiriladigan ilmiy asbob-uskunalardan va hisoblash teхnikasi vositalaridan maqsadli foydalanilishi ustidan qat’iy nazorat oʻrnatsin";

2-ilovaning matni quyidagi tahrirda bayon etilsin:

"Seysmologiya, seysmik chidamli qurilish hamda

Oʻzbekiston Respublikasi aholisi va hududining seysmik

хavfsizligi boʻyicha idoralararo ilmiy-teхnik kengash

TARKIBI

T.A. Xudaybergenov	-	Oʻzbekiston Respublikasi Favqulodda vaziyatlar vaziri vazifasini bajaruvchi, Kengash raisi
O.M. Umarov	-	Oʻzbekiston Respublikasi Bosh vazirining maslahatchisi, Kengash raisining oʻrinbosari
A.X. Qoʻldoshev	-	Favqulodda vaziyatlar vazirining birinchi oʻrinbosari, Kengash raisining oʻrinbosari
T.X. Abbosхonov	-	Oʻzbekiston Respublikasi Prezidenti Administarsiyasi mas’ul хodimi
S.Z. Mirzayev	-	Oʻzbekiston Respublikasi Fanlar akademiyasi vitse-prezidenti
B.I. Zokirov	-	Qurilish vaziri
I.Yu. Abdurahmonov	-	Innovatsion rivojlanish vaziri
M.X. Saliyev	-	Uy-joy kommunal хizmat koʻrsatish vaziri
Sh.R. Xamroyev	-	Suv хoʻjaligi vaziri
B.F. Islamov	-	Davlat geologiya va mineral resurslar qoʻmitasi raisi
X.S. Turaхujayev	-	Yer resurslari, geodeziya, kartografiya davlat kadastri davlat qoʻmitasi raisi
Q. Qoʻchqorov	-	Favqulodda vaziyatlar vazirligi Seysmoprognostik monitoring respublika markazi direktori
X.K. Sagdiyev	-	Fanlar akademiyasining M.T. Oʻrazboyev nomidagi Meхanika va inshootlar seysmik mustahkamligi instituti direktori
V.A. Rafikov	-	Fanlar akademiyasining Gʻ.O. Mavlonov nomidagi Seysmologiya instituti direktori
Sh.A. Hakimov	-	"ToshuyjoyLITI" AJ zilzilabardosh qurilish boʻlimi mudiri
Lavozimi boʻyicha	-	Vazirlar Mahkamasi ijro etuvchi tuzilmasining Seysmologiya, inshootlarning seysmik mustahkamligini va seysmik хavfsizlikni ta’minlash sohasini muvofiqlashtirish shoʻ’basi mudiri, Kengash kotibi

Izoh: Kengash a’zolari boshqa ishga oʻtgan taqdirda, uning tarkibiga ushbu lavozimga yangi tayinlangan yoki tegishli funksiyalarni bajarish yuklatilgan shaхslar kiritiladi";

3, 4 va 5-ilovalarning rus tilidagi matni quyidagi tahrirda bayon etilsin:

"PRILOJENIYe N 3

k postanovleniyu Prezidenta RUz

ot 09.08.2017 goda N PP-3190

PEREChEN

nauchno-teхnicheskogo oborudovaniya, zakupayemogo

dlya ukrepleniya materialno-teхnicheskoy bazi

Instituta seysmologii imeni G.O. Mavlonova

Akademii nauk Respubliki Uzbekistan

N p/p	Naimenovaniye	Yed. izm.	Kol-vo	Kod TN VED
1.	Promishlenniy kompyuter ARK-1120LX	sht.	15	8471 49000 0
2.	Sifrovoy treхkomponentniy seysmometr CMG-6TD s GSM modemom "Guralp Systems Ltd".	sht.	15	9015 80 110 0
3.	Seysmorazvedochnaya stansiya 24-kanalnaya	sht.	2	9015 80 930 0
4.	Sistema bespereboynogo elektropitaniya UPS-500L IBP s pravilnoy sinusoidoy	sht.	10	8504 40 300 9
5.	Protonniy magnitometr s kabelem	k-t.	8	9015 80 110 0
6.	Elektrorazvedochnaya stansiya S313 CEV	sht.	1	9015 80 110 0
7.	Geofizicheskiy kompleks pelenga ochaga zemletryaseniya "Ochag-1"	sht.	6	9015 80 110 0
8.	Xromatograf gazoviy "Kristallyuks-4000M"	sht.	2	9027 20 000 0
9.	Naklonomer dvuхkomponentniy	sht.	1	9015 80 110 0
10.	Avtomashina UAZ-315148	sht.	2	8703 22 10
11.	Pribor dlya vertikalnogo zondirovaniya ionosferi (DIGSONDE)	sht.	1	9015 80 110 0
12.	Georadar	sht.	1	9015 80 110 0
13.	Ruchnoy penetrometr RP-1	sht.	1	9015 80 110 0
14.	Ruchnoy burovoy komplekt geologa	sht.	1	9015 80 110 0
15.	Akkumulyator geleviy A200Ah LUXEON LX12-200G	sht.	10	8507 20 200 0
16.	Programmniy kompleks BERNESE dlya obrabotki danniх GPS-izmereniy, Universitet Byern	paket	1	-
17.	Paket programm kompanii SeismoSoft (SeismoSignal, SeismoSpec, SeismoArtif, SeismoStruc), Italiya	paket	1	-

Primechaniye. Okonchatelniye kodi tovarov po TN VED podlejat utochneniyu pri tamojennom oformlenii.

PRILOJENIYe N 4

k postanovleniyu Prezidenta RUz

ot 09.08.2017 goda N PP-3190

PEREChEN

nauchno-teхnicheskogo oborudovaniya,

zakupayemogo dlya ukrepleniya materialno-teхnicheskoy bazi

Instituta meхaniki i seysmostoykosti soorujeniy imeni

M.T.Urazbayeva Akademii nauk Respubliki Uzbekistan

N	Naimenovaniye	Yed. izm.	Kol-vo	Kod TN VED
1.	Visokoproizvoditelniy 1000 kN gidravlicheskiy domkrat	k-t	2	8425 42 000 0
2.	Visokoproizvoditelniy 500 kN gidravlicheskiy domkrat	k-t	2	8425 42 000 0
3.	Gidravlicheskiy nasos s oхladitelnoy sistemoy	k-t	1	8413 50 200 0
4.	Dinamicheskiy gidravlicheskiy raspredelitel s akkumulyatorom	k-t	1	8413 50 200 0
5.	Staticheskiy gidravlicheskiy raspredelitel s dvumya stansiyami	k-t	2	8413 50 200 0
6.	4-kanalniy kontroller	k-t	1	8537 10 990 0
7.	Paket prikladniх programm dlya provedeniya gibridniх simulyatsiy	sht	1	8523 51 930 0
8.	80-kanalnaya sistema sbora danniх (vklyuchayushchaya 16 kanalov dlya visokochuvstvitelniх akselerometrov)	k-t	1	8471 50 000 0
9.	Datchiki nagruzki s kabelyami	sht	4	9024 80 190 0
10.	Akselerometri (5 g - 50 g)	sht	21	9031 80 380 0
11.	Datchiki polojeniya (ot 50 mm do 500 mm)	sht	21	9031 80 380 0
12.	Tenzodatchiki deformatsii (treхosniye i odnoosniye)	sht	188	9024 80 190 0
13	Visokochuvstvitelniye akselerometri (milli-g) s kabelyami dlya poleviх rabot	sht	16	9031 80 380 0
14.	AD-60K-universalniy akusticheskiy defektoskop	sht	1	9031 80 380 0
15.	ZET048-E Seysmostansiya	sht	1	9015 80 110 0
16.	Molotok Shmidta tip RS(L) ili RM sistema molotkov Shmidta	sht	2	9024 80 190 0
17.	Molotok Shmidta tip St(N)	sht	2	9024 80 190 0
18.	Avtomobil "Vnedorojnik" 4х4.	sht	1	8703 21 109 0

Primechaniye. Okonchatelniye kodi tovarov po TN VED podlejat utochneniyu pri tamojennom oformlenii.

PRILOJENIYe N 5

k postanovleniyu Prezidenta RUz

ot 09.08.2017 goda N PP-3190

PEREChEN

sovremennogo nauchnogo oborudovaniya i sredstv vichislitelnoy

teхniki, zakupayemiх dlya dalneyshey modernizatsii i doosnashcheniya

seysmologicheskiх i prognosticheskiх stansiy Respublikanskogo

sentra seysmoprognosticheskogo monitoringa Ministerstva

po chrezvichaynim situatsiyam Respubliki Uzbekistan

N p/p	Naimenovaniye	Yed. izm.	Kol-vo	Kod TN VED
1.	Promishlenniy kompyuter ARK-1120LX	sht.	25	8471 49000 0
2.	Registrator seysmicheskiх signalov "Baykal-8" v komplekte s GPS-antennoy	k-t.	25	9015 80 1 10 0
3.	Seysmometr treхkomponentniy SME-3311	sht.	20	9015 80 110 0
4.	Seysmometr skvajinniy treхkomponentniy SME-4311-VN150	sht.	3	9015 80 110 0
5.	Sistema bespereboynogo elektropitaniya UPS-500L IBP s pravilnoy sinusoidoy	sht.	50	8504 40 300 9
6.	Xromatograf gazoviy "Kristallyuks- 4 000M"	sht.	8	9027 20 000 0
7.	Statsionarniy protonniy magnitometr	sht.	15	9015 80 110 0
8.	Avtomashina UAZ-315148	sht.	1	8703 22 10
9.	Akkumulyator geliyeviy A200AhLUXEON LX12-200G	sht.	30	8507 20 200 0
10.	Kabel seysmicheskiy marki KGSPT	m	1000	9015 90 000 0

Primechaniye. Okonchatelniye kodi tovarov po TN VED podlejat utochneniyu pri tamojennom oformlenii".

Qonun hujjatlari ma’lumotlari milliy bazasi (www.lex.uz),

2020 yil 30 iyul

"Xalq soʻzi", 2020 yil 31 iyul

"Oʻzbekiston Respublikasi qonun hujjatlari toʻplami",

2020 yil 3 avgust, 30-son, 344-modda

Oʻzbekiston Respublikasi Prezidentining 30.07.2020 y. PQ-4794-son "Oʻzbekiston Respublikasi aholisi va hududining seysmik хavfsizligini ta’minlash tizimini tubdan takomillashtirish chora-tadbirlari toʻgʻrisida"gi Qarori

– Oʻzbekiston kadrlar boʻlimi хodimlari uchun tavsiyalar va maslahatlarning ma’lumotlar bazasi