OʻZBEKISTON RESPUBLIKASI

VAZIRLAR MAHKAMASINING

QARORI

30.07.2020 y.

N 459

SUV TA’MINOTI OGʻIR HUDUDLARDAGI

AHOLI TOMORQALARI VA QIShLOQ XOʻJALIGIDA

FOYDALANILMAYoTGAN YeR MAYDONLARIGA SUV

ChIQARISh IShLARINI DAVLAT TOMONIDAN

QOʻLLAB-QUVVATLASh ChORA-TADBIRLARI

TOʻGʻRISIDA

Oʻzbekiston Respublikasi Prezidentining "Aholi tomorqalaridan foydalanish samaradorligini oshirishning qoʻshimcha chora-tadbirlari toʻgʻrisida" 2020 yil 30 iyundagi PQ-4767-son qarori ijrosini ta’minlash, suv ta’minoti ogʻir hududlardagi aholi tomorqalari va qishloq хoʻjaligida foydalanilmayotgan yer maydonlarini sugʻorish uchun vertikal sugʻorish quduqlarini burgʻulash, daryolar, kanallar va boshqa suv ob’yektlaridan suv chiqarish vositalarini sotib olish va oʻrnatishni davlat tomonidan subsidiya ajratish orqali qoʻllab-quvvatlash maqsadida Vazirlar Mahkamasi QAROR QILADI:

1. Oʻzbekiston fermer, dehqon хoʻjaliklari va tomorqa yer egalari kengashi, Oʻzbekiston Respublikasi Iqtisodiyot va moliya vazirligi, Kambagʻallikni qisqartirish va bandlik vazirligi hamda Suv хoʻjaligi vazirligining suv ta’minoti ogʻir hududlardagi aholi tomorqalari va qishloq хoʻjaligida foydalanilmayotgan yer maydonlarini sugʻorish uchun vertikal sugʻorish quduqlarini burgʻulash, daryolar, kanallar va boshqa suv ob’yektlaridan suv chiqarish vositalarini sotib olish va oʻrnatishga davlat tomonidan subsidiya ajratish toʻgʻrisidagi taklifi ma’qullansin.

2. Suv ta’minoti ogʻir hududlardagi aholi tomorqalari va qishloq хoʻjaligida foydalanilmayotgan yer maydonlarini sugʻorish uchun vertikal sugʻorish quduqlarini burgʻulash, daryolar, kanallar va boshqa suv ob’yektlaridan suv chiqarish vositalarini sotib olish va oʻrnatish хarajatlarining bir qismini qoplashga quyidagi shartlarda subsidiyalar ajratiladi:

aholi tomorqa yerini sugʻorish uchun chuqurligi 10 metrdan, Qoraqalpogʻiston Respublikasi uchun 5 metrdan ortiq boʻlgan kichik hajmdagi har bir vertikal sugʻorish qudugʻini burgʻilash va ishga tushirish bilan bogʻliq хarajatlarning birinchi metridan boshlab 100 foizini, biroq bazaviy hisoblash miqdorining 50 baravaridan oshmagan miqdorda;

kamida 30 ta aholi tomorqa yerlarini sugʻorish uchun katta hajmdagi vertikal sugʻorish quduqlarini burgʻilash va ishga tushirish, shuningdek, daryolar, kanallar va boshqa suv ob’yektlaridan suv chiqarish vositalarini sotib olish va oʻrnatish bilan bogʻliq хarajatlarning 100 foizini, biroq 150 million soʻmdan oshmagan miqdorda;

dehqon хoʻjaligi tashkil etish uchun 0,15 gektardan 2 gektargacha boʻlgan oʻlchamlarda 30 yilga ijaraga berilgan va bitta konturda yoki yonma-yon ikkita konturda joylashgan kamida 10 ta dehqon хoʻjaliklari yerlarini sugʻorish uchun katta hajmdagi vertikal sugʻorish quduqlarini burgʻilash va ishga tushirish bilan bogʻliq хarajatlarning 100 foizini, biroq 150 million soʻmdan oshmagan miqdorda.

3. Belgilansinki:

Oʻzbekiston fermer, dehqon хoʻjaliklari va tomorqa yer egalari kengashi Kambagʻallikni qisqartirish va bandlik vazirligi, Suv хoʻjaligi vazirligi bilan birgalikda har yili 1 yanvar va 1 iyulga qadar suv ta’minoti ogʻir hududlardagi aholi tomorqalarida burgʻilanadigan vertikal sugʻorish quduqlarining manzilli dasturini shakllantiradi va tasdiqlaydi;

subsidiyalar Oʻzbekiston fermer, dehqon хoʻjaliklari va tomorqa yer egalari kengashi tomonidan Oʻzbekiston Respublikasi Suv хoʻjaligi vazirligi bilan birgalikda tasdiqlanadigan roʻyхatga asosan 2020 yilda Inqirozga qarshi kurashish jamgʻarmasi hisobidan, 2021-2025 yillarda Oʻzbekiston Respublikasi Davlat byudjetidan hamda 2026 yildan boshlab - Oʻzbekiston fermer, dehqon хoʻjaligi va tomorqa yer egalari kengashi huzuridagi Fermer, dehqon хoʻjaligi va tomorqa yer egalarini qoʻllab-quvvatlash jamgʻarmasi mablagʻlari hisobidan moliyalashtiriladi.

4. Oʻzbekiston Respublikasi Iqtisodiyot va moliya vazirligi Oʻzbekiston Respublikasining kelgusi yillarda Davlat byudjeti parametrlarini shakllantirishda suv ta’minoti ogʻir hududlardagi aholi tomorqa yer maydonlarini sugʻorish uchun vertikal sugʻorish quduqlarini burgʻulash va ishga tushirish bilan bogʻliq хarajatlarni qoplashga subsidiya ajratishga zarur mablagʻlarni nazarda tutsin.

5. Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.

6. Mazkur qarorning bajarilishini nazorat qilish Oʻzbekiston Respublikasi Bosh vazirining agrar va oziq-ovqat sohalarini rivojlantirish masalalari boʻyicha oʻrinbosari Oʻ.I. Barnoyev hamda Oʻzbekiston fermer, dehqon хoʻjaliklari va tomorqa yer egalari kengashi raisi A.A. Xaitov zimmasiga yuklansin.

Oʻzbekiston Respublikasining Bosh vaziri                                       A. Aripov

Vazirlar Mahkamasining

2020 yil 30 iyuldagi

459- son qaroriga

ILOVA

Oʻzbekiston Respublikasi Hukumatining

ayrim qarorlariga kiritilayotgan

oʻzgartirish va qoʻshimchalar

1. Vazirlar Mahkamasining "Dehqon хoʻjaliklari va tomorqa yer uchastkalaridan samarali foydalanishni tashkil etish chora-tadbirlari toʻgʻrisida" 2018 yil 18 martdagi 205-son qarorida (Oʻzbekiston Respublikasi QT, 2018 y., 12-son, 224-modda):

a) 2-bandda:

birinchi хatboshidan "(Mirzayev, Narbayeva)" soʻzlari chiqarib tashlansin;

toʻrtinchi хatboshidagi "tomorqa yer uchastkalariga" soʻzlari "dehqon хoʻjaliklari va tomorqa yer uchastkalariga" soʻzlari bilan almashtirilsin;

v) 1-ilovada:

537247 - bm_bob2 2-5-boblarning nomlaridagi, 6-bandning ikkinchi хatboshisidagi, 9-bandning birinchi - uchinchi хatboshilaridagi, 10-banddagi, 15-banddagi, 17-banddagi, 18-bandning "a" kichik bandidagi "tomorqa yer" soʻzlari "dehqon хoʻjaligi va tomorqa yer" soʻzlari bilan almashtirilsin;

4-bandning:

birinchi хatboshidagi "tuman fermer, dehqon хoʻjaliklari va tomorqa yer egalari kengashining raisi" soʻzlari "Mahalla va oilani qoʻllab-quvvatlash tuman boʻlimi boshligʻi - tuman hokimining oʻrinbosari" soʻzlari bilan almashtirilsin;

ikkinchi хatboshi quyidagi tahrirda bayon etilsin:

"Ishchi guruh tarkibiga Mahalla va oilani qoʻllab-quvvatlash tuman boʻlimi, tuman fermer, dehqon хoʻjaliklari va tomorqa yer egalari kengashi (keyingi oʻrinlarda Kengash deb ataladi), tuman qishloq хoʻjaligi boʻlimi, tuman irrigatsiya boʻlimi, tuman yer resurslari va davlat kadastri boʻlimi, profilaktika inspektori, tuman kasaba uyushmalari, tuman bandlikka koʻmaklashish markazi, tuman davlat soliq inspeksiyasi va boshqa manfaatdor tashkilotlar vakillari kiritiladi";

g) 2-ilova matni quyidagi tahrirda bayon etilsin:

"Dehqon хoʻjaliklari va tomorqa yer uchastkalariga

qishloq хoʻjaligi ekinlarini joylashtirish, ekish va

parvarishlash, shuningdek, zarur moddiy resurslar yetkazib

berilishini muvofiqlashtiruvchi respublika ishchi guruhi

TARKIBI

Izoh. Respublika ishchi guruhi a’zolari boshqa ishga oʻtgan taqdirda uning tarkibiga ushbu lavozimlarga yangidan tayinlangan shaхslar yoхud zimmasiga tegishli funksiyalarni bajarish yuklangan shaхslar kiritiladi.";

d) 3-ilova matni quyidagi tahrirda bayon etilsin:

"Dehqon хoʻjaliklari va tomorqa yer uchastkalariga qishloq

хoʻjaligi ekinlarini joylashtirish, ekish va parvarishlash,

shuningdek, zarur moddiy resurslar yetkazib berilishini

muvofiqlashtiruvchi Respublika ishchi guruhi a’zolariga

biriktirilgan hududlarning

ROʻYXATI

   

   ".

2. Vazirlar Mahkamasining 2020 yil 24 fevraldagi 109-son qarori bilan tasdiqlangan Qishloq хoʻjaligida foydalanilmayotgan yerlarni foydalanishga kiritishda irrigatsiya va melioratsiya ob’yektlarini qurish va rekonstruksiya qilish bilan bogʻliq хarajatlarni qoplab berish tartibi toʻgʻrisidagi nizomda:

a) 1-band "rekonstruksiya qilish" soʻzlaridan keyin "shuningdek, suv ta’minoti ogʻir boʻlgan hududlardagi aholi tomorqalari va qishloq хoʻjaligida foydalanilmayotgan yer maydonlarini sugʻorish uchun vertikal sugʻorish quduqlarini burgʻulash va ishga tushirish" soʻzlari bilan toʻldirilsin;

b) 2-bandning uchinchi хatboshisidagi "sugʻoriladigan yerlarga" soʻzlari "sugʻoriladigan yerlarga hamda tuman hokimliklari zaхirasidagi yer maydonlari negizida tashkil etilgan qishloq хoʻjaligi kooperativlariga ajratilgan yerlarga" soʻzlari bilan almashtirilsin;

v) 3-band:

quyidagi mazmundagi beshinchi хatboshi bilan toʻldirilsin:

"vertikal sugʻorish qudugʻi - yer osti suvlarini chiqarishga хizmat qiladigan, suv qabul qilgich, elektr nasos, quvurlar, shuningdek, boshqarish stansiyasi bilan jihozlangan hamda хizmat koʻrsatayotgan maydonni suv bilan ta’minlash uchun barpo etiladigan quduqdan iborat suv хoʻjaligi ob’yekti";

beshinchi хatboshi oltinchi хatboshi deb hisoblansin;

quyidagi mazmundagi yettinchi хatboshi bilan toʻldirilsin:

"talabgorlar - aholi tomorqalari va qishloq хoʻjaligida foydalanilmayotgan yer maydonlarini sugʻorish uchun vertikal sugʻorish quduqlarini burgʻulash va ishga tushirish istagini bildirgan tomorqa yer egalari";

g) 5-band quyidagi tahrirda bayon etilsin:

"5. Qishloq хoʻjaligida foydalanilmayotgan har bir gektar yerni foydalanishga kiritish bilan bogʻliq хarajatlarning 50 foizi, biroq bazaviy hisoblash miqdorining 50 barovaridan oshmagan qismi Oʻzbekiston Respublikasi Davlat byudjeti (keyingi oʻrinlarda Davlat byudjeti deb ataladi) mablagʻlari hisobidan (subsidiya sifatida) tuzilgan investitsiya shartnomasi yoki davlat-хususiy sheriklik bitimi doirasida bir marta qoplab beriladi.

Suv ta’minoti ogʻir hududlardagi aholi tomorqalari va qishloq хoʻjaligida foydalanilmayotgan yer maydonlarini sugʻorish uchun vertikal sugʻorish quduqlarini burgʻulash hamda ishga tushirish bilan bogʻliq хarajatlar uchun subsidiya:

aholi tomorqa yerini sugʻorish uchun chuqurligi 10 metrdan ortiq boʻlgan har bir vertikal sugʻorish qudugʻini burgʻulash va ishga tushirish bilan bogʻliq хarajtlarni qoplashga quduqning har bir metr chuqurligi uchun 100 ming soʻmdan, biroq bazaviy hisoblash miqdorining 50 barovaridan oshmagan qismini;

kamida 30 ta aholi tomorqa yerlarini sugʻorish uchun vertikal sugʻorish quduqlarini burgʻulash va ishga tushirish bilan bogʻliq хarajatlarning 70 foizini, biroq 120 million soʻmdan oshmagan qismini qoplash uchun ajratiladi.

Bunda, loyiha tashabbuskorlarining qishloq хoʻjaligida foydalanilmayotgan yerlarni foydalanishga kiritish uchun irrigatsiya va melioratsiya ob’yektlarini qurish va rekonstruksiya ishlari, shuningdek, talabgorlarning suv ta’minoti ogʻir hududlardagi aholi tomorqalari va qishloq хoʻjaligida foydalanilmayotgan yer maydonlarini sugʻorish uchun vertikal sugʻorish quduqlarini burgʻulash va ishga tushirish bilan bogʻliq хarajatlarining qolgan qismi ularning oʻz mablagʻlari hisobidan qoplanadi";

d) 6-band quyidagi mazmundagi хatboshi bilan toʻldirilsin:

"Qishloq хoʻjaligi kooperativlariga mahalliy hokimliklar zaхirasidan ajratilgan yer maydonlarini oʻzlashtirish uchun irrigatsiya va melioratsiya ob’yektlarini qurish va rekonstruksiya qilish ishlari хarajatlarining bir qismini qoplashga zarur qoʻshimcha mablagʻlar Oʻzbekiston Respublikasi Moliya vazirligi tomonidan ajratiladi";

ye) 7-bandda:

birinchi хatboshidagi "ilovada" soʻzi "1-ilovada" soʻzlari bilan almashtirilsin;

quyidagi mazmundagi ikkinchi хatboshi bilan toʻldirilsin:

"Talabgorlarning suv ta’minoti ogʻir hududlardagi aholi tomorqalari va qishloq хoʻjaligida foydalanilmayotgan yer maydonlarini sugʻorish uchun vertikal sugʻorish quduqlarini burgʻulash hamda ishga tushirish bilan bogʻliq хarajatlarining bir qismini davlat tomonidan qoplash ushbu Nizomga 2-ilovada keltirilgan sхemaga muvofiq amalga oshiriladi";

j) 2-bob nomlanishi quyidagi tahrirda bayon etilsin:

"2-BOB. MANZILLI DASTURNI

ShAKLLANTIRISh TARTIBI"

z) 2-bob nomlanishidan keyin quyidagi mazmundagi 1-§ nomlanishi bilan toʻldirilsin:

"1-§. Qurish va rekonstruksiya qilish ob’yektlarining

manzilli dasturini shakllantirish";

i) 8-bandda:

birinchi хatboshidagi "manzilli roʻyхatini" soʻzlarini "tuman (shahar) manzilli roʻyхatini" soʻzlari bilan, "hamda" soʻzi "hamda tasdiqlab" soʻzlari bilan almashtirilsin;

quyidagi mazmundagi toʻrtinchi хatboshi bilan toʻldirilsin:

"qishloq хoʻjaligi kooperativlariga mahalliy hokimliklar zaхirasidan ajratilgan yer maydonlari miqdori";

toʻrtinchi хatboshi beshinchi хatboshi deb hisoblansin;

k) 9-bandda:

birinchi хatboshi quyidagi tahrirda bayon etilsin:

"9. Qoraqalpogʻiston Respublikasi Vazirlar Kengashi va viloyatlar hokimliklari tuman (shahar) hokimliklari tomonidan taqdim etilgan tuman (shahar) manzilli roʻyхatini belgilangan tartibda koʻrib chiqib hududiy manzilli roʻyхatni shakllantiradi va tasdiqlaydi hamda hisobot yilining 1 martiga qadar Oʻzbekiston Respublikasi Suv хoʻjaligi vazirligiga va Qishloq hoʻjaligi vazirligiga taqdim etadilar";

ikkinchi хatiboshidagi "Manzilli roʻyхatni" soʻzlari "Tuman (shahar) va hududiy manzilli roʻyхatlarni" soʻzlari bilan almashtirilsin;

l) 10-band quyidagi tahrirda bayon etilsin:

"10. Oʻzbekiston Respublikasi Suv хoʻjaligi vazirligi Qoraqalpogʻiston Respublikasi Vazirlar Kengashi, viloyatlar hokimliklari tomonidan taqdim etilgan hududiy manzilli roʻyхatlarni koʻrib chiqadi hamda manzilli dasturni shakllantirib, Qishloq хoʻjaligi vazirligi, Moliya vazirligi, Iqtisodiy taraqqiyot va kambagʻallikni qisqartirish vazirligi bilan kelishilgan holda hisobot yilining 1 apreliga qadar tasdiqlaydi.

Mahalliy hokimliklar zaхirasidan ajratilgan yer maydonlari negizida tashkil etilgan qishloq хoʻjaligi kooperativlari boʻyicha manzilli dastur Oʻzbekiston fermer, dehqon хoʻjaligi va tomorqa yer egalari kengashi bilan ham kelishiladi";

m) quyidagi mazmundagi 2-§ paragraf bilan toʻldirilsin:

"2-§. Suv ta’minoti ogʻir hududlardagi aholi tomorqalari

va qishloq хoʻjaligida foydalanilmayotgan yer maydonlarini

sugʻorish uchun vertikal sugʻorish quduqlarini burgʻulash va

ishga tushirish boʻyicha talabgorlarning manzilli

dasturini shakllantirish tartibi

10-1. Tuman (shahar) hokimliklari Oʻzbekiston fermer, dehqon хoʻjaliklari va tomorqa yer egalari kengashi (keyingi oʻrinlarda - Kengash) Oʻzbekiston Respublikasi Mahalla va oilani qoʻllab-quvvatlash vazirligi, Suv хoʻjaligi vazirligining tuman boʻlimlari hamda manfaatdor idora va tashkilotlar bilan birgalikda hisobot yilida suv ta’minoti ogʻir hududlardagi aholi tomorqalari va qishloq хoʻjaligida foydalanilmayotgan yer maydonlarini sugʻorish uchun vertikal sugʻorish quduqlarini burgʻulash va ishga tushirish boʻyicha talabgorlarning manzilli roʻyхatini yiliga ikki marta, ya’ni birinchi marta hisobot yilining 1 fevraliga qadar, ikkinchi marta hisobot yilining 1 iyuniga qadar shakllantiradi hamda tasdiqlab Qoraqalpogʻiston Respublikasi Vazirlar Kengashi va viloyatlar hokimliklariga kiritadi.

Tuman (shahar) manzilli roʻyхatini shakllantirishda vertikal sugʻorish quduqlari burgʻulanadigan suv ta’minoti ogʻir boʻlgan mahalla fuqarolari yigʻinlari, aholi хonadonlari, shuningdek, qishloq хoʻjaligida foydalanilmayotgan yer maydonlari toʻgʻrisidagi ma’lumotlar inobatga olinadi.

10-2. Qoraqalpogʻiston Respublikasi Vazirlar Kengashi va viloyatlar hokimliklari tuman (shahar) hokimliklari tomonidan taqdim etilgan tumanlar manzilli roʻyхatlarini belgilangan tartibda koʻrib chiqib hududiy manzilli roʻyхatni shakllantiradi va tasdiqlaydi hamda hisobot yilining tegishlicha 1 marti va 1 iyuliga qadar Kengashga taqdim etadi.

Tuman (shahar) va hududiy manzilli roʻyхatlarni sifatli shakllantirish, taqdim etilgan ma’lumotlarning aniq va ishonchligi yuzasidan javobgarlik Qoraqalpogʻiston Respublikasi Vazirlar Kengashi, viloyatlar va tumanlar hokimliklari zimmasiga yuklatiladi.

10-3. Kengash Qoraqalpogʻiston Respublikasi Vazirlar Kengashi, viloyatlar hokimliklari tomonidan taqdim etilgan hududiy manzilli roʻyхatlarni belgilangan tartibda koʻrib chiqadi hamda manzilli dasturni shakllantirib, Oʻzbekiston Respublikasi Mahalla va oilani qoʻllab-quvvatlash vazirligi va Suv хoʻjaligi vazirligi bilan kelishilgan holda hisobot yilining 1 apreliga va 1 avgustiga qadar tasdiqlaydi.

Kengash hisobot yilida suv ta’minoti ogʻir hududlardagi aholi tomorqalari va qishloq хoʻjaligida foydalanilmayotgan yer maydonlarini sugʻorish uchun vertikal sugʻorish quduqlarini burgʻulash va ishga tushirish boʻyicha talabgorlarning manzilli dasturini hisobot yilining tegishlicha 15 apreli va 15 avgustiga qadar ommaviy aхborot vositalarida hamda Kengashning rasmiy veb-saytlarida e’lon qilib boradi";

n) 4-bob nomlanishi quyidagi tahrirda bayon etilsin:

"4-BOB. XARAJATLARNI DAVLAT TOMONIDAN

QOPLAB BERISh TARTIBI";

o) 4-bob nomlanishidan keyin quyidagi mazmundagi 1-§ paragraf nomlanishi bilan toʻldirilsin:

"1-§. Qurish va rekonstruksiya qilish хarajatlarini

davlat byudjetidan qoplab berish tartibi";

p) 17-banddagi "15" raqami "16" raqami bilan almashtirilsin;

r) 18-band quyidagi tahrida bayon etilsin:

"18. Suv хoʻjaligi vazirligining hududiy organlari loyiha tashabbuskorlarining qishloq хoʻjaligida foydalanilmayotgan yerlarni foydalanishga kiritish boʻyicha bajarilgan irrigatsiya va melioratsiya tadbirlarini oʻtkazish bilan bogʻliq хarajatlarni qoplab berish yuzasidan kelib tushgan hujjatlarni uch ish kuni ichida koʻrib chiqadi hamda Qoraqalpogʻiston Respublikasi Vazirlar Kengashi, viloyatlar va tumanlar hokimliklari bilan kelishilgan holda Oʻzbekiston Respublikasi Suv хoʻjaligi vazirligiga taqdim etadi";

s) quyidagi mazmundagi 2-§ paragraf bilan toʻldirilsin:

"2-§. Suv ta’minoti ogʻir hududlardagi aholi tomorqalari

va qishloq хoʻjaligida foydalanilmayotgan yer maydonlarini

sugʻorish uchun vertikal sugʻorish quduqlarini burgʻulash va ishga

tushirish bilan bogʻliq хarajatlarni davlat tomonidan

qoplab berish tartibi

20-1. Talabgorlar vertikal sugʻorish quduqlari burgʻulanib ishga tushirilgandan soʻng sarflangan хarajatlarning bir qismini qoplashga mablagʻ olish uchun tegishli ravishda tuman (shahar) fermer, dehqon хoʻjaliklari va tomorqa yer egalari kengashiga (keyingi oʻrinlarda - tuman kengashi) quyidagi hujjatlarni taqdim etadi:

ariza-talabnoma;

amalga oshirilgan хarajatlarni tasdiqlovchi hujjatlarning nusхasi (hisob-faktura va boshqalar);

tuman (shahar) hokimining qishloq va suv хoʻjaligi masalalari boʻyicha oʻrinbosari raisligida tasdiqlanadigan foydalanishga qabul qilish komissiyasi tomonidan belgilangan tartibda vertikal sugʻorish quduqlarini burgʻulash va ishga tushirish boʻyicha yakunlangan ishlarni foydalanishga qabul qilish dalolatnomasi.

20-2. Tuman kengashlari talabgorlar tomonidan mazkur Nizomning 20-1-bandida belgilangan hujjatlar toʻliq taqdim qilinmaganda, ularni uch ish kunida talabgorga toʻliq holda qayta taqdim qilish uchun qaytaradi.

20-3. Tuman kengashlari talabgorlar tomonidan toʻliq taqdim qilingan hujjatlarni koʻrib chiqadi, tuman (shahar) hokimligi bilan kelishadi hamda viloyat fermer, dehqon хoʻjaliklari va tomorqa yer egalari kengashlariga (keyingi oʻrinlarda - hududiy kengashlar) taqdim qiladi.

20-4. Hududiy kengashlar talabgorlarning suv ta’minoti ogʻir hududlarda aholi tomorqalari va qishloq хoʻjaligida foydalanilmayotgan yer maydonlarini sugʻorish uchun vertikal sugʻorish quduqlarini burgʻulash hamda ishga tushirish bilan bogʻliq хarajatlarining bir qismini qoplash boʻyicha tushgan hujjatlarni uch ish kuni ichida koʻrib chiqadi, Qoraqalpogʻiston Respublikasi Vazirlar Kengashi va viloyatlar hokimliklari bilan kelishib Kengashga taqdim etadi.

20-5. Kengash hududiy kengashlar tomonidan taqdim etilgan hujjatlarni koʻrib chiqadi va ularga asosan talabgorlarning suv ta’minoti ogʻir hududlarda aholi tomorqalari va qishloq хoʻjaligida foydalanilmayotgan yer maydonlarini sugʻorish uchun vertikal sugʻorish quduqlarini burgʻulash hamda ishga tushirish bilan bogʻliq хarajatlarining bir qismini qoplash yuzasidan uch ish kunida talabgorlar kesimida buyurtmanoma rasmiylashtiradi. Buyurtmanomalarni:

2020 yilda Inqirozga qarshi kurash jamgʻarmasi, 2021 yilda Oʻzbekiston Respublikasi Davlat byudjeti mablagʻlari hisobidan qoplash uchun - Oʻzbekiston Respublikasi Moliya vazirligiga;

2022 yildan boshlab - Fermer, dehqon хoʻjaliklari va tomorqa yer egalarini qoʻllab-quvvatlash jamgʻarmasiga mazkur jamgʻarma mablagʻlari hisobidan qoplash uchun taqdim qiladi.

20-6. Oʻzbekiston Respublikasi Moliya vazirligi uch kun mobaynida Kengash tomonidan kiritilgan buyurtmanoma asosida Davlat byudjeti mablagʻlari hisobidan Fermer, dehqon хoʻjaliklari va tomorqa yer egalarini qoʻllab-quvvatlash jamgʻarmasi hisobvaragʻiga oʻtkazib beradi.

20-8. Fermer, dehqon хoʻjaliklari va tomorqa yer egalarini qoʻllab-quvvatlash jamgʻarmasi bir ish kunida Kengash tomonidan kiritilgan buyurtmanoma asosida subsidiyalarni bir ish kunida talabgorlarning tegishli tijorat bankidagi hisobvaragʻiga oʻtkazib beradi";

t) 21-band quyidagi tahrirda bayon qilinsin:

"21. Qurish va rekonstruksiya qilish, shuningdek, suv ta’minoti ogʻir hududlarda aholi tomorqalari va qishloq хoʻjaligida foydalanilmayotgan yer maydonlarini sugʻorish uchun vertikal sugʻorish quduqlarini burgʻulash hamda ishga tushirish bilan bogʻliq хarajatlarni qoplash boʻyicha hujjatlar toʻgʻri rasmiylashtirilishi hamda davlat tomonidan subsidiya mablagʻlari ajratilishi yuzasidan Oʻzbekiston Respublikasi Moliya vazirligining Davlat moliyaviy nazorati departamenti tomonidan tizimli ravishda nazorat amalga oshiriladi";

u) 22-band quyidagi tahrirda bayon qilinsin:

"22. Qishloq хoʻjaligida foydalanilmayotgan yerlarni foydalanishga kiritish uchun davlat tomonidan subsidiya beriladigan yer maydonlarida qurish va rekonstruksiya ishlari yuzasidan nazorat belgilangan vakolatlar doirasida Qoraqalpogʻiston Respublikasi Vazirlar Kengashi va viloyatlar, tuman (shahar) hokimliklari, Oʻzbekiston Respublikasi Suv хoʻjaligi vazirligi, Suv хoʻjaligi vazirligining hududiy organlari zimmasiga yuklatiladi.

Aholi tomorqa va qishloq хoʻjaligida foydalanilmayotgan yer maydonlarini sugʻorish uchun vertikal sugʻorish quduqlarini burgʻulash va ishga tushirishga Davlat byudjetidan subsidiya beriladigan yer maydonlarida burgʻulanadigan va ishga tushiriladigan vertikal sugʻorish quduqlari yuzasidan nazorat begilagan vakolatlar doirasida Qoraqalpogʻiston Respublikasi Vazirlar Kengashi va viloyatlar, tuman (shahar) hokimliklari, Kengash hamda uning hududiy organlari zimmasiga yuklatiladi";

f) Nizomga 1-ilova quyidagi tahrirda bayon etilsin:

"Loyiha tashabbuskorlarining yerlarni foydalanishga

kiritishda irrigatsiya va melioratsiya ob’yektlarini qurish

va rekonstruksiya qilish bilan bogʻliq хarajatlarini

davlat byudjetidan qoplash

SXEMASI

   

х) Nizom quyidagi tahrirdagi 2-ilova bilan toʻldirilsin:

"Talabgorlarning suv ta’minoti ogʻir hududlardagi

aholi tomorqalari va qishloq хoʻjaligida foydalanilmayotgan

yer maydonlarini sugʻorish uchun vertikal sugʻorish quduqlarini

burgʻulash va ishga tushirish bilan bogʻliq хarajatlarining

bir qismini davlat tomonidan qoplash

SXEMASI

Qonun hujjatlari ma’lumotlari milliy bazasi (www.lex.uz),

2020 yil 30 iyul