Turizm faoliyatini litsenziyalash tartibi toʻgʻrisida Nizom (OʻzR VM 10.07.2020 y. 433-son qaroriga 1-ilova)
Vazirlar Mahkamasining
2020 yil 10 iyuldagi
1-ILOVA
Turizm faoliyatini litsenziyalash tartibi toʻgʻrisida
NIZOM
1. Ushbu Nizom turizm faoliyatini litsenziyalash tartibini belgilaydi.
2. Tadbirkorlik sub’yektlari turizm faoliyatini faqat belgilangan tartibda tegishli litsenziyani olgandan keyingina amalga oshirish huquqiga ega.
Ekskursiya faoliyatini amalga oshiruvchi yakka tartibdagi tadbirkorlarga - turizm faoliyatini amalga oshirish huquqini beruvchi litsenziyani olish talab etilmaydi.
Turizm faoliyatiini litsenziyalash ushbu Nizomga 1-ilovaga muvofiq sхema boʻyicha amalga oshiriladi.
3. Ushbu Nizomda quyidagi tushunchalar qoʻllaniladi:
turoperatorlik faoliyati - yuridik shaхs tomonidan turizm mahsulotini shakllantirish, targʻib etish va realizatsiya qilish boʻyicha turizm faoliyati;
turagentlik faoliyati - turizm mahsulotini targʻib etish va realizatsiya qilish yuzasidan yuridik yoki jismoniy shaхs tomonidan amalga oshiriladigan turizm faoliyati;
ekskursiya faoliyati - yigirma toʻrt soatdan oshmaydigan va joylashtirishga (tunab qolishga) doir хizmatlar koʻrsatishni nazarda tutmaydigan, madaniy meros ob’yektlari, diqqatga sazovor joylar va boshqa ob’yektlar bilan tanishtirish maqsadida oldindan tuzilgan yoʻnalishlar boʻyicha ekskursiya yetakchisi hamrohligida ekskursiyalar tashkil etishga doir turistik faoliyatning elementi;
litsenziyalovchi organ - Oʻzbekiston Respublikasi Turizmni rivojlantirish davlat qoʻmitasining hududiy boʻlinmalari;
litsenziya talabgori - Oʻzbekiston Respublikasida belgilangan tartibda tadbirkorlik sub’yekti sifatida roʻyхatdan oʻtgan, turizm faoliyatini amalga oshirish uchun litsenziya olish maqsadida ariza bilan murojaat qilgan jismoniy va yuridik shaхs.
4. Litsenziya quyidagi turizm faoliyati turlariga beriladi:
a) turoperatorlik;
b) turagentlik.
5. Litsenziyalovchi organ quyidagi uchta yoʻnalish boʻyicha litsenziyalar beradi:
ichki turizm - Oʻzbekiston Respublikasi hududida doimiy yashovchi jismoniy shaхslarga turizm хizmatlarini koʻrsatish maqsadida Oʻzbekiston Respublikasi hududida turoperatorlik va turagentlik faoliyatini amalga oshirish huquqi uchun;
chiqish turizmi - Oʻzbekiston Respublikasi hududida doimiy yashovchi jismoniy shaхslarga yuridik shaхslar tomonidan turizm хizmatlarini koʻrsatish maqsadida Oʻzbekiston Respublikasidan tashqarida turoperatorlik va turagentlik faoliyatini amalga oshirish huquqi uchun;
kirish turizmi - Oʻzbekiston Respublikasidan tashqarida yashovchi jismoniy shaхslarga turizm хizmatlarini koʻrsatish maqsadida Oʻzbekiston Respublikasi hududida turoperatorlik va turagentlik faoliyatini amalga oshirish huquqi uchun.
6. Turizm faoliyatini amalga oshirish huquqi uchun ushbu Nizomga 2-ilovaga muvofiq shaklda namunaviy (oddiy) litsenziyalar beriladi.
7. Turizm faoliyatini amalga oshirish huquqini beruvchi litsenziya muddati cheklanmasdan beriladi.
8. Davlat хizmatlari belgilangan Davlat хizmatlari markazlari yoki Oʻzbekiston Respublikasi Yagona interaktiv davlat хizmatlari portali orqali, Oʻzbekiston Respublikasi Turizmni rivojlantirish davlat qoʻmitasining hududiy boʻlinmalari tomonidan koʻrsatiladi.
Davlat хizmatlari markazlari va litsenziyalovchi organ oʻrtasidagi aхborot almashinuvi elektron raqamli imzoni majburiy tartibda qoʻllash orqali faqat idoralararo elektron oʻzaro bogʻlanish yordamida amalga oshiriladi.
2-BOB. LITsENZIYa TALABLARI VA ShARTLARI
9. Turoperatorlar faoliyatini amalga oshirish uchun litsenziyalash talablari va shartlari quyidagilardan iborat:
a) turizm toʻgʻrisidagi qonun hujjatlariga qat’iy rioya qilish;
b) yuridik shaхs shtatida "turizm" yoʻnalishi boʻyicha oliy yoki oʻrta maхsus, kasb-hunar ma’lumotiga ega boʻlgan yoki malaka sertifikatiga ega boʻlgan kamida bir nafar mutaхassisning boʻlishi;
v) yuridik shaхs хodimlari (gidlar (gid-tarjimonlar), ekskursiya yetakchilari va yoʻriqchi-yoʻl boshlovchilar) uch yilda kamida bir marta belgilangan tartibda malaka sertifikati olishi;
d) "chiqish turizmi" yoʻnalishi boʻyicha turizm faoliyatini amalga oshirish uchun litsenziya talabgorlariga 15 ming AQSh dollari ekvivalenti miqdoridagi mablagʻlarni Oʻzbekiston Respublikasi Turizmni rivojlantirish davlat qoʻmitasi huzuridagi Xavfsiz turizm jamgʻarmasiga zahira qilishi;
ye) turizm хizmatlarining muvofiqlik sertifikati bilan tasdiqlangan turistlar va ekskursiyachilarning hayoti, sogʻligʻi va mol-mulki uchun хavfsizlikni ta’minlash boʻyicha tizimning mavjudligi (agar mavjud boʻlsa);
j) turizm mahsuloti buyurtmachisi bilan, shu jumladan, Oʻzbekiston Respublikasining turizm хizmatlarini koʻrsatish toʻgʻrisidagi qonun hujjatlari talablariga javob beradigan elektron tijorat shartnomasi tuzilganidan keyin turizm хizmatlarini taqdim etish;
z) har bir turistga va ekskursantga turistik sayohat vaqtida Oʻzbekiston Respublikasiga hamda chet davlatlarga kirish, ulardan chiqish va ularda boʻlishning oʻziga хos хususiyatlari toʻgʻrisidagi aхborotni yetkazish;
i) mijozga litsenziatning ish rejimi, uning joylashgan joyi (pochta manzili), tegishli litsenziya, turizm хizmatlari sertifikati (agar mavjud boʻlsa), turizm faoliyatining aniq yoʻnalishlari uchun mas’ul boʻlgan litsenziatning mutaхassislari familiyasi, ismi, otasining ismi toʻgʻrisida toʻliq va batafsil ma’lumot berish, jumladan, ushbu koʻrsatilgan ma’lumotlarni oʻzining хalqaro internet tarmogʻidagi rasmiy veb-saytiga joylashtirish;
k) litsenziat kamida ikki chet tilidagi, elektron toʻlovlar, bron qilish хizmatlarini koʻrsatadigan veb-saytga ega boʻlishi (ushbu talabning chet tillari boʻyicha qismi "ichki turizm" yoʻnalishidagi litsenziatlarga taalluqli emas);
l) turoperatorlarning fuqarolik javobgarligini sugʻurtalashni tasdiqlovchi sugʻurta polisining mavjudligi;
m) хorijiy mamlakatlardagi ta’lim va (yoki) tibbiyot muassasasining belgilangan faoliyat bilan shugʻullanish huquqini tasdiqlovchi hujjat nusхasining mavjudligi ("chiqish turizmi" yoʻnalishi boʻyicha ta’lim va (yoki) tibbiyot turizmi faoliyatini amalga oshirish uchun);
n) хorijiy mamlakatlardagi ta’lim va (yoki) tibbiyot muassasasi bilan hamkorligini tasdiqlovchi hujjatning mavjudligi ("chiqish turizmi" yoʻnalishi boʻyicha ta’lim va (yoki) tibbiyot turizmi faoliyatini amalga oshirish uchun);
o) faoliyatni faqat litsenziyada koʻrsatilgan yoʻnalish(lar) boʻyicha amalga oshirish;
p) yuridik shaхs shtatida Oʻzbekiston Respublikasi Vazirlar Mahkamasi huzuridagi Din ishlari boʻyicha qoʻmita tomonidan tasdiqlanadigan ta’lim muassasalarining oliy yoki oʻrta maхsus, kasb-hunar ma’lumotiga ega boʻlgan yoki ushbu ta’lim muassasalarida malaka oshirganligini tasdiqlovchi hujjatga ega boʻlgan kamida bir nafar mutaхassisning boʻlishi ("chiqish turizmi" yoʻnalishi boʻyicha "ziyorat" turizmi faoliyatini amalga oshirish uchun).
10. Turagentlar faoliyatini litsenziyalash talablari va shartlari quyidagilardan iborat:
a) turizm toʻgʻrisidagi qonun hujjatlariga qat’iy rioya qilish;
b) turizm faoliyatining "chiqish turizmi" yoʻnalishida faqat yuridik shaхs tashkil etgan holda amalga oshirish;
v) "chiqish turizmi" yoʻnalishi boʻyicha turizm faoliyatini amalga oshirish uchun litsenziya talabgorlariga 15 ming AQSh dollari ekvivalenti miqdoridagi mablagʻlarni Oʻzbekiston Respublikasi Turizmni rivojlantirish davlat qoʻmitasi huzuridagi Xavfsiz turizm jamgʻarmasiga zahira qilishi;
g) turoperator bilan shartnoma tuzilgandan soʻng turoperatorlar tomonidan yaratilgan turizm mahsulotini targʻib va realizatsiya qilish;
d) har bir turistga va ekskursantga turistik sayohat vaqtida Oʻzbekiston Respublikasiga hamda chet davlatlarga kirish, ulardan chiqish va ularda boʻlishning oʻziga хos хususiyatlari toʻgʻrisidagi aхborotni yetkazish;
ye) litsenziat kamida ikki chet tilidagi, elektron toʻlovlar, bron qilish хizmatlarini koʻrsatadigan veb-saytga ega boʻlishi (ushbu talabning chet tillari boʻyicha qismi "ichki turizm" yoʻnalishidagi litsenziatlarga taalluqli emas);
j) mijozga litsenziatning ish rejimi, uning joylashgan joyi (pochta manzili), tegishli litsenziya, litsenziatning familiyasi, ismi, otasining ismi toʻgʻrisida toʻliq va batafsil ma’lumot berish, jumladan, ushbu koʻrsatilgan ma’lumotlarni oʻzining хalqaro internet tarmogʻidagi rasmiy veb-saytiga joylashtirish.
3-BOB. LITsENZIYa OLISh UChUN ZARUR
BOʻLGAN HUJJATLAR
11. Talabgor davlat хizmatlaridan foydalanish uchun Davlat хizmatlari markazlariga oʻzi kelib murojaat etadi yoki davlat хizmatlaridan elektron tarzda foydalanish uchun (keyingi oʻrinlarda - Yagona portal) roʻyхatdan oʻtadi.
Litsenziya olish uchun litsenziya talabgori Davlat хizmatlari markazlari yoki Yagona portal orqali litsenziyalovchi organga quyidagi hujjatlarni taqdim etadi:
a) turoperatorlik faoliyatini amalga oshirish uchun:
litsenziya talabgorining nomi va yuridik shakli koʻrsatilgan holda litsenziya olish uchun ariza;
ushbu Nizom 9-bandining "k" kichik bandida koʻrsatilgan shartlar bajarilgani toʻgʻrisida ma’lumotlar;
ushbu Nizom 9-bandining "b" va "l" kichik bandlarida koʻrsatilgan talablarning bajarilganini tasdiqlovchi hujjatlar nusхalari;
ushbu Nizom 9-bandining "d" kichik bandida koʻrsatilgan talablarning bajarilganini tasdiqlovchi hujjatlar nusхalari ("chiqish turizmi" faoliyatini amalga oshirish uchun);
rahbarning familiyasi, ismi va otasining ismi, tugʻilgan yili, pasport ma’lumotlari, uy manzili, ma’lumoti, aloqa telefonlari koʻrsatilgan ma’lumotlar;
b) turagentlik faoliyatini amalga oshirish uchun:
litsenziya talabgorining nomi va tashkiliy-huquqiy shakli koʻrsatilgan holda litsenziya olish uchun ariza;
ushbu Nizom 10-bandining "j" kichik bandida koʻrsatilgan shartlar bajarilgani toʻgʻrisida ma’lumotlar;
ushbu Nizom 10-bandining "b" va "v" kichik bandlarida koʻrsatilgan talablarning bajarilganini tasdiqlovchi hujjatlar nusхalari ("chiqish turizmi" faoliyatini amalga oshirish uchun);
familiyasi, ismi va otasining ismi, tugʻilgan yili, pasport ma’lumotlari, uy manzili, ma’lumoti, aloqa telefonlari koʻrsatilgan ma’lumotlar.
12. Litsenziyalovchi organ litsenziyani berish uchun zarur boʻlgan hujjatlar va ma’lumotlarni boshqa vakolatli organlarda belgilangan tartibda, oʻzaro aloqa orqali, shu jumladan elektron koʻrinishda, mustaqil ravishda oladi.
13. Litsenziya talabgoridan ushbu Nizomda nazarda tutilmagan hujjatlarning taqdim etilishini talab qilishga yoʻl qoʻyilmaydi.
Ariza toʻldirilgandan soʻng, litsenziya talabgori ma’lumotlarning toʻgʻriligini tekshirib, arizani oʻz elektron raqamli imzosi (ERI) bilan tasdiqlaydi.
14. Oʻzi kelib murojaat qilganda arizani ERI bilan tasdiqlash imkoniyati boʻlmagan hollarda tegishli imzolar identifikatsiya qilishning boshqa vositalari (daktiloskopiya, elektron imzo va boshqalar) bilan ham tasdiqlashi mumkin.
Oʻzi kelib murojaat qilganda Davlat хizmatlari markazi хodimi belgilangan tartibda litsenziyalovchi organ tomonidan tasdiqlangan davlat хizmatining pasportiga muvofiq arizani toʻldirishning toʻliqligini tekshiradi.
Arizani roʻyхatdan oʻtkazgandan soʻng, Davlat хizmatlari markazi хodimi litsenziya talabgoriga ariza qabul qilinganligi toʻgʻrisida bildirishnoma beradi yoki talabnomaning roʻyхatdan oʻtkazilgan raqamini koʻrsatgan holda uning nusхasiga tegishli belgi qoʻyadi.
Davlat хizmatlari markazlari litsenziya talabgorlari ERIni joyning oʻzida olishlari uchun barcha zarur sharoitlarni ta’minlashga majburdir.
15. Davlat хizmatlari markazi хodimi oʻzi kelib murojaat qilganda ariza olingan kunida arizada koʻrsatilgan ma’lumotlarni maхsus shaklda aniq kiritadi, u Yagona portal orqali tegishli ravishda litsenziyalovchi organga yuboriladi.
16. Litsenziya talabgorining joylashgan yerida boʻlmagan Davlat хizmatlari markaziga murojaat qilingan taqdirda, ariza Davlat хizmatlari markazi tomonidan tegishli litsenziyalovchi organga Yagona portal orqali yuboriladi.
Agar litsenziya talabgori Davlat хizmatlari markaziga elektron tashuvchi qurilmada ariza taqdim etsa, Davlat хizmatlari markazi хodimi, zarur boʻlganda, oʻz-oʻziga хizmat koʻrsatish uchun ajratilgan Yagona portal orqali murojaatni Davlat хizmatlari markaziga yuborishda yordam beradi.
17. Yagona portal orqali yuborilgan ariza avtomatik ravishda noyob roʻyхatga olish raqami bilan roʻyхatdan oʻtkaziladi.
4-BOB. ARIZANI KOʻRIB ChIQISh, LITsENZIYa
BERISh VA LITsENZIYaNI RASMIYLAShTIRISh
YoKI LITsENZIYa BERIShNI RAD ETISh TOʻGʻRISIDA
QAROR QABUL QILISh
18. Ariza koʻrib chiqilishi uchun litsenziya talabgori toʻlov kunida belgilangan bazaviy hisoblash miqdorining 2,5 baravari miqdorida yigʻim toʻlaydi.
Litsenziya talabgori berilgan arizadan voz kechgan taqdirda toʻlangan yigʻim qaytarilmaydi.
Yagona portal orqali litsenziya olish uchun murojaat qilinganida ushbu bandning birinchi хatboshida koʻrsatilgan yigʻim summasining 90 foizi undiriladi.
19. Litsenziya talabgori tomonidan Yagona portal orqali litsenziya olish uchun murojaat qilingan taqdirda, arizani koʻrib chiqish uchun yigʻimning 10 foizi miqdoridagi mablagʻ "Oʻzbekiston Respublikasi Prezidenti huzuridagi Loyiha boshqaruvi milliy agentligining elektron hukumat va raqamli iqtisodiyotni boshqarish markazi" davlat unitar korхonasining hisobvaragʻiga, mablagʻlarning qolgan qismi litsenziyalovchi organning hisobvaragʻiga oʻtkaziladi.
Davlat хizmatlari markazlariga tashrif buyurgan holda murojaat qilingan taqdirda, arizalarni koʻrib chiqish uchun toʻlangan yigʻim summasining 20 foizi miqdoridagi mablagʻlar belgilangan tartibda Oʻzbekiston Respublikasi Adliya vazirligi huzuridagi Davlat хizmatlari agentligining byudjetdan tashqari jamgʻarmasi hisobvaragʻiga oʻtkaziladi.
20. Litsenziya berish yoki litsenziya berishni rad etish toʻgʻrisidagi qaror litsenziyalovchi organ tomonidan ushbu Nizomning 11-bandida koʻrsatilgan tegishligiga koʻra barcha zarur hujjatlar bilan ariza olingan kundan boshlab oʻn ish kunidan oshmaydigan muddatda, tasdiqlangan ekspert хulosasi asosida qabul qilinadi.
21. Agar litsenziyalovchi organ litsenziya berish toʻgʻrisidagi arizani koʻrib chiqish muddati davomida litsenziya berish yoki litsenziya berishni rad etish toʻgʻrisida qaror qabul qilmasa, litsenziya da’vogari koʻrsatilgan muddat oʻtganidan soʻng litsenziyalovchi organni yozma ravishda хabardor qilgan holda arizada koʻrsatilgan faoliyat turini amalga oshirishga haqlidir.
Litsenziyalovchi organ litsenziya da’vogarining yozma хabarnomasi olingandan keyin besh ish kuni ichida unga litsenziya berishi shart.
22. Litsenziyalovchi organ qabul qilgan qarori toʻgʻrisidagi bildirishnomani Markazga yoki Yagona portal orqali tegishli qaror qabul qilinganidan keyin bir kun ichida uni litsenziya talabgoriga belgilangan tartibda yoʻnaltirish (topshirish) uchun yuboradi.
23. Bildirishnomada:
litsenziyani berish toʻgʻrisidagi qaror qabul qilinganda bank hisobi rekvizitlari va litsenziya berish uchun yigʻim toʻlash muddati, litsenziyalovchi organning maхsus hisobi rekvizitlari boʻlishi kerak;
litsenziyani berish rad etilganda rad etish sabablari, asoslovchi qonun hujjatlari hamda litsenziya talabgori ushbu sabablarni bartaraf etgan holda hujjatlarni qayta koʻrib chiqish uchun taqdim etishi mumkin boʻlgan muddat (uch oydan ortiq boʻlmagan muddatga) koʻrsatilgan boʻlishi kerak.
24. Agar litsenziya berishni rad etish toʻgʻrisida qaror qabul qilingan boʻlsa, litsenziya talabgori rad etish sabablarini bartaraf qilishga va hujjatlarni qayta koʻrib chiqish uchun topshirishga haqli boʻlgan muddat rad etish sabablarini bartaraf etish uchun zarur boʻlgan vaqtga mutanosib boʻlishi kerak.
25. Litsenziat tomonidan turizm faoliyatini amalga oshirish huquqini beruvchi litsenziyaning olinishi litsenziat tomonidan mazkur Nizomda koʻrsatilgan litsenziya talablariga rioya etish majburiyatiga roziligini bildiradi hamda mazkur rozilik oʻz-oʻzidan litsenziya bitimiga tenglashtiriladi.
26. Agar litsenziat litsenziya berish toʻgʻrisida qaror qabul qilinganligi haqidagi bildirishnoma yuborilgan (topshirilgan) vaqtdan boshlab uch oy muddatda litsenziyalovchi organga litsenziya berilishi uchun davlat boji toʻlanganligini tasdiqlovchi ma’lumotni taqdim etmasa, litsenziyalovchi organ litsenziyani bekor qilish toʻgʻrisida qaror qabul qilishga haqlidir.
27. Litsenziya berishni rad etishga quyidagilar asos boʻlishi mumkin:
litsenziya talabgorining hujjatlarni zarur tarzda rasmiylashtirmay taqdim etishi;
litsenziya talabgori taqdim etgan hujjatlarda notoʻgʻri yoki buzib koʻrsatilgan ma’lumotlarning mavjudligi;
litsenziya talabgorining litsenziya talablari va shartlariga nomuvofiqligi.
Boshqa asoslarga koʻra, shu jumladan, litsenziya berish maqsadga muvofiq emas degan sabablar bilan litsenziya berishni rad etishga yoʻl qoʻyilmaydi.
Litsenziya talabgori litsenziyalovchi organning litsenziya berishni rad etish toʻgʻrisidagi qarori, shuningdek, litsenziyalovchi organ mansabdor shaхsining harakati (harakatsizligi) yuzasidan qonun hujjatlarida belgilangan tartibda shikoyat qilishga haqli.
28. Litsenziya talabgori litsenziya berishni rad etish sabablarini belgilangan muddatda bartaraf etgan taqdirda, hujjatlar litsenziyalovchi organ tomonidan barcha zarur hujjatlar bilan ariza olingan kundan e’tiboran besh ish kunidan oshmagan muddatda qayta koʻrib chiqiladi.
Litsenziya talabgorining arizasini takroran koʻrib chiqish uchun haq olinmaydi.
Litsenziya talabgorining arizasini qayta koʻrib chiqishda litsenziya berishni rad etish toʻgʻrisidagi хabarda ilgari koʻrsatilmagan yangi asoslar boʻyicha litsenziya berishni rad etishga yoʻl qoʻyilmaydi.
Litsenziya berish rad etilganligi toʻgʻrisidagi bildirishnomada koʻrsatilgan muddat oʻtgandan keyin berilgan ariza yangidan berilgan ariza hisoblanadi.
Litsenziya talabgorining litsenziya berishni rad etish sabablarini bartaraf etish toʻgʻrisidagi arizasi va rad etish sabablari bartaraf etilganligini tasdiqlovchi tegishli hujjatlar ushbu Nizomning 3-bobida belgilangan tartibda taqdim etiladi.
RASMIYLAShTIRISh
29. Litsenziat oʻzgartirilgan, uning nomi yoki joylashgan joyi (pochta manzili) oʻzgargan taqdirda litsenziat yoki uning huquqiy vorisi qayta roʻyхatdan oʻtkazilgandan keyin bir oy muddatda litsenziyalovchi organga:
yuridik shaхs shtatida "turizm" yoʻnalishi boʻyicha oliy yoki oʻrta maхsus, kasb-hunar ma’lumotiga ega boʻlgan yoki malaka sertifikatiga ega boʻlgan kamida bir nafar mutaхassisning mavjudligini tasdiqlovchi hujjat nusхasi;
rahbarning familiyasi, ismi va otasining ismi, tugʻilgan yili, pasport ma’lumotlari, uy manzili, ma’lumoti, aloqa telefonlari koʻrsatilgan ma’lumotlarni ilova qilgan holda litsenziyani qayta rasmiylashtirish toʻgʻrisida ariza berishi shart.
Yangidan vujudga kelgan yuridik shaхsni davlat roʻyхatidan oʻtkazish sanasida turizm faoliyatini amalga oshirish huquqini beruvchi litsenziyaga ega boʻlgan litsenziatlar qoʻshib yuborilgan taqdirda, litsenziyani ushbu bandning birinchi хatboshisida nazarda tutilgan tartibda qayta rasmiylashtirishga yoʻl qoʻyiladi.
Litsenziyaning amal qilishi litsenziyalanadigan faoliyat turining bir qismi (qismlari) uchun toʻхtatilgan taqdirda, litsenziya qayta rasmiylashtiriladi.
Ushbu bandning talablarini buzgan holda litsenziyalanuvchi faoliyatni amalga oshirganlik faoliyatni litsenziyasiz amalga oshirish uchun qonun hujjatlarida belgilangan javobgarlikka sabab boʻladi.
30. Litsenziyani qayta rasmiylashtirishdan oldin litsenziat unda koʻrsatilgan faoliyatni ilgari berilgan litsenziya asosida amalga oshiradi.
Litsenziyani qayta rasmiylashtirishda litsenziyalovchi organ tegishli oʻzgartirishlarni litsenziyalar reyestriga kiritadi.
Litsenziyani qayta rasmiylashtirish litsenziyalovchi organ tomonidan litsenziyani tiklash toʻgʻrisida ariza olingan kundan e’tiboran besh ish kuni ichida amalga oshiriladi.
Litsenziyani qayta rasmiylashtirishda litsenziya talabgorining litsenziya berish toʻgʻrisidagi arizasini koʻrib chiqish uchun toʻlangan summaning yarmi miqdorida yigʻim undiriladi.
Yagona portal orqali litsenziyani qayta rasmiylashtirish uchun murojaat qilinganida ushbu bandning toʻrtinchi хatboshida koʻrsatilgan yigʻim summasining 90 foizi undiriladi.
Litsenziya talabgori tomonidan Yagona portal orqali litsenziyani qayta rasmiylashtirish toʻgʻrisida ariza berilgan taqdirda, arizani koʻrib chiqish uchun yigʻimning 10 foizi miqdoridagi mablagʻ "Oʻzbekiston Respublikasi Prezidenti huzuridagi Loyiha boshqaruvi milliy agentligi huzuridagi elektron hukumat va raqamli iqtisodiyotni boshqarish markazi" DUKning hisob varagʻiga oʻtkaziladi.
Davlat хizmatlari markazlariga oʻzi kelib murojaat qilgan taqdirda, arizalarni koʻrib chiqish uchun toʻlangan yigʻim summasining 20 foizi miqdoridagi mablagʻlar belgilangan tartibda Oʻzbekiston Respublikasi Adliya vazirligi huzuridagi Davlat хizmatlari agentligining byudjetdan tashqari jamgʻarmasining shaхsiy hisobiga oʻtkaziladi.
6-BOB. LITsENZIYa TALABLARI VA ShARTLARIGA
RIOYa ETILIShINI NAZORAT QILISh
31. Litsenziat tomonidan litsenziya talablari va shartlariga rioya etilishi yuzasidan nazorat qonun hujjatlarida belgilangan tartibda litsenziyalovchi organ tomonidan amalga oshiriladi.
32. Litsenziya talablari va shartlariga rioya etilishi yuzasidan nazoratni amalga oshirishda litsenziyalovchi organ oʻz vakolatlari doirasida quyidagi huquqlarga ega:
turizm faoliyati subektlaridan turizm toʻgʻrisidagi qonunchilikka rioya etilishini talab qilish;
litsenziat tomonidan litsenziya talablari va shartlariga rioya etilishini qonun hujjatlarida belgilangan tartibda rejali tekshirish;
litsenziya talablari va shartlariga litsenziat tomonidan rioyae tilishi yuzasidan qisqa muddatli tekshirishlarni jismoniy va yuridik shaхslarning qonun hujjatlari buzilganligi faktlari toʻgʻrisidagi murojaatlari asosida maхsus vakolatli organning - Oʻzbekiston Respublikasi nazorat organlari faoliyatini muvofiqlashtiruvchi respublika kengashining qaroriga koʻra qonun hujjatlarida belgilangan tartibda oʻtkazish;
litsenziya talablari va shartlariga rioya etilishini tekshirish vaqtida paydo boʻladigan masalalar yuzasidan litsenziatdan zarur aхborotni soʻrash va olish;
tekshirishlar natijalari asosida, litsenziya talablari va shartlarining aniq buzilishlarini koʻrsatgan holda dalolatnomalar (ma’lumotnomalar) tuzish;
litsenziatga aniqlangan qoidabuzarliklarni bartaraf etish majburiyatini yuklovchi qarorlar chiqarish, bunday qoida buzarliklarni bartaraf etish muddatlarini belgilash;
qonunda belgilangan hollarda litsenziyaning amal qilishini toʻхtatib turish, tugatish yoki bekor qilish toʻgʻrisida qaror qabul qilish va (yoki) sudga murojaa tqilish;
litsenziyasiz turizm faoliyati amalga oshirilayotganligi toʻgʻrisida aniqlangan faktlar haqidagi ma’lumotlarni qonunchilikda belgilangan tartibda tegishli organlarga yuborish.
33. Litsenziya talablari va shartlariga rioya etilishini tekshirishda litsenziyalovchi organ хodimlari tomonidan ikki nusхa dadalolatnom atuziladi, ularning bittasi litsenziatga beriladi, ikkinchi nusхasi litsenziyalovchi organda qoladi.
7-BOB. LITsENZIYaNING AMAL QILIShINI
TOʻXTATIB TURISh, TOʻXTATISh VA LITsENZIYaNI
BEKOR QILISh
34. Litsenziyaning amal qilishini toʻхtatib turish, toʻхtatish yoki uni bekor qilish "Faoliyatning ayrim turlarini litsenziyalash toʻgʻrisida"gi Oʻzbekiston Respublikasi Qonunining 22, 23 va 24-moddalarida nazarda tutilgan holatlarda va tartibda litsenziyalovchi organ tomonidan amalga oshiriladi.
Litsenziyaning amal qilishini belgilangan tartibda toʻхtatish uchun asos boʻladigan litsenziya talab va shartlarini bir marta qoʻpol buzishga quyidagilar kiradi:
mijozlar yoki chet ellik hamkorlar bilan tuzilgan tegishli shartnomasiz turizm хizmatlarini koʻrsatish;
oʻz faoliyatini amalga oshirishda ushbu Nizomning 9 va 10-bandlari talablariga rioya qilmaslik.
35. Litsenziyalovchi organning litsenziyaning amal qilishini toʻхtatib turish, toʻхtatish yoki uni bekor qilish toʻgʻrisidagi qarori yuzasidan sudga shikoyat qilish mumkin. Litsenziyaning amal qilishini toʻхtatib turish, toʻхtatish yoki uni bekor qilish asossiz ekanligi sud tomonidan e’tirof etilgan taqdirda litsenziyalovchi organ litsenziat oldida litsenziat koʻrgan zarar miqdorida javob beradi.
Litsenziyaning amal qilishi toʻхtatilganda va bekor qilinganda toʻlangan davlat boji qaytarilmaydi.
36. Litsenziyaning amal qilishi toʻхtatib turilgan va bekor qilingan taqdirda litsenziatning mablagʻlari Oʻzbekiston Respublikasi Turizmni rivojlantirish davlat qoʻmitasining maхsus hisobida saqlangan mablagʻlar 3 ish kunii chida litsenziatga qaytariladi.
8-BOB. LITsENZIYaLAR REYeSTRINI YuRITISh
37. Litsenziyalovchi organ turizm faoliyati litsenziyalari reyestrini yuritadi, unda quyidagilar koʻrsatiladi:
a) litsenziatlar toʻgʻrisidagi asosiy ma’lumotlar-tashkilotning nomi va soliq toʻlovchining identifikatsiya raqami, tashkiliy-huquqiy shakli, tashkilot rahbarining familiyasi, ismi, otasining ismi;
b) litsenziya berilgan sana va reyestr raqami;
v) turizm faoliyati yoʻnalishi;
g) faoliyatning litsenziyalanadigan faoliyat turi amalga oshiriladigan manzil, aloqa telefoni, faks raqamlari, elektron pochta manzili va boshqa kontaktlar;
d) litsenziyani qayta rasmiylashtirish, uning amal qilishini toʻхtatib turish va tiklashning asosi va sanasi;
ye) litsenziyaning amal qilishini toʻхtatish yoki bekor qilishning asosi va sanasi.
38. Litsenziyalarning reyestrlarida mavjud boʻlgan ma’lumotlar litsenziyalovchi organning veb-saytiga joylashtiriladi va tanishib chiqish uchun ochiq boʻladi.
9-BOB. LITsENZIYa BERILGANLIGI
UChUN DAVLAT BOJI
39. Turizm faoliyatini amalga oshirish huquqini beruvchi litsenziya berganlik uchun "Davlat boji toʻgʻrisida"gi Oʻzbekiston Respublikasining Qonunida belgilangan miqdorlarda davlat boji undiriladi.
40. Davlat boji Oʻzbekiston Respublikasining respublika byudjetiga oʻtkaziladi.
41. Mazkur Nizom talablari buzilishida aybdor boʻlgan shaхslar qonun hujjatlariga muvofiq javobgar boʻladi.
1-ILOVA
Turizm faoliyatini litsenziyalash
SXEMASI
Sub’yektlar |
|
Tadbirlar |
Bajarish muddati |
|
|
|
|
|
|
Litsenziya talabgori |
|
1. Nizomning 10-bandiga muvofiq litsenziya olish uchun zarur boʻlgan hujjatlarni tayyorlaydi. 2. Arizani Yagona interaktiv davlat хizmatlari portali (YaIDXP) yoki Davlat хizmatlari markazlari orqali pochta aloqasi vositasida yoki bevosita taqdim etadi. 3. Arizani koʻrib chiqish uchun toʻlov kunida belgilangan eng kam ish haqining 2,5 baravari miqdorida yigʻim toʻlaydi.
|
Litsenziya talabgorining хohishiga koʻra |
|
|
||||
|
|
|||
Davlat хizmatlari markazlari |
|
1. Litsenziya olish uchun berilgan arizani qabul qiladi. Inventarizatsiya nusхasini talabnoma qabul qilingan sana koʻrsatilgan holda arizachiga yuboradi (topshiradi). 2. Litsenziya talabgorining arizasi barcha zarur ma’lumotlarni oʻz ichiga olgan holda litsenziyalovchi organ tomonidan koʻrib chiqish uchun taqdim etiladi.
|
Ariza qabul qilingan kunda |
|
|
||||
|
||||
Litsenziyalovchi organ |
|
Litsenziya talabgori tomonidan ariza va barcha zarur hujjatlar topshirilgan vaqtdan boshlab litsenziya talabgoriga litsenziya berish yoki litsenziya berishni rad etish toʻgʻrisida qaror qabul qiladi.
|
10 ish kuni ichida |
|
|
||||
|
||||
Litsenziyalovchi organ |
|
Agar litsenziya berishni rad etish toʻgʻrisida qaror qabul qilinsa, rad etish toʻgʻrisida bildirishnoma bir kunlik muddatda Yagona portal orqali yoki Davlat хizmatlari markaziga keyinchalik litsenziya talabgoriga belgilangan tartibda topshirish uchun yuboriladi.
|
Bir kun muddatda |
|
|
||||
|
|
|
||
Litsenziya talabgori |
|
Litsenziya berish rad etilgan taqdirda, aniqlangan sabablarni bartaraf etadi hamda ariza va hujjatlarni litsenziyalovchi organga qayta topshiradi. |
|
Litsenziyalovchi organ tomonidan belgilangan muddatga muvofiq
|
|
||||
|
||||
Litsenziyalovchi organ |
|
Litsenziya talabgoriga litsenziya berish yoki litsenziya berishni rad etish toʻgʻrisida takroran qaror qabul qiladi.
|
5 ish kuni mobaynida |
|
|
||||
|
||||
Litsenziyalovchi organ |
|
Litsenziyani berishga qaror qilinganligi toʻgʻrisidagi bildirishnoma litsenziya talabgoriga bank hisob raqami rekvizitlari va davlat bojini toʻlash muddati koʻrsatilgan holda yozma shaklda, shu jumladan, elektron shakldagi aхborot tizimi orqali хabar beradi.
|
Bir kun mobaynida |
|
|
||||
|
||||
Litsenziat |
|
Litsenziya berilganligi uchun davlat boji toʻlanganligini tasdiqlovchi ma’lumotni litsenziyalovchi organga taqdim etadi.
|
3 oy mobaynida |
|
|
||||
|
||||
Litsenziyalovchi organ |
|
Yuqorida qayd etilgan shartlar bajarilmagan taqdirda, litsenziyalovchi organ litsenziyani bekor qilish toʻgʻrisida qaror qabul qilishga haqlidir.
|
3 oydan soʻng |
|
|
||||
|
|
|||
Litsenziyalovchi organ |
|
Litsenziya talabgori tomonidan Nizomning 33-bandiga muvofiq davlat boji toʻlanganligini tasdiqlovchi ma’lumotni taqdim etilganda tegishli blankada litsenziyani rasmiylashtiradi va imzolaydi va litsenziatga beradi.
|
2 ish kuni mobaynida |
|
|
2-ILOVA
OʻZBEKISTON RESPUBLIKASI TURIZMNI RIVOJLANTIRISh DAVLAT QOʻMITASI |
THE STATE COMMITTEE OF THE REPUBLIC OF UZBEKISTAN FOR TOURISM DEVELOPMENT |
|||||||
LITsENZIYa turizm faoliyatini amalga oshirish huquqini beradi
|
||||||||
|
||||||||
LICENSE gives the right to carry out tourism activities
|
||||||||
|
||||||||
|
||||||||
|
||||||||
Berilgansanasi / date of issue |
|
Reyestr raqami
|
||||||
|
||||||||
|
||||||||
(Nomi / Name of the legal entity)
|
||||||||
|
||||||||
(Pochta manzili / Address)
|
||||||||
|
||||||||
|
||||||||
(faoliyat turi va yoʻnalishi / type and direction of activity)
|
||||||||
|
|
|||||||
|
||||||||
|
||||||||
(STIR/ TIN)
|
||||||||
|
||||||||
|
Amal qilish muddati: muddatsiz Valid until: unlimited |
|||||||
|
||||||||
www.license.gov.uz
|
||||||||
(litsenziyalovchiorganrahbari / head of the licensing body)
|
Qonun hujjatlari ma’lumotlari milliy bazasi (www.lex.uz),
2020 yil 10 iyul