OʻZBEKISTON RESPUBLIKASI

VAZIRLAR MAHKAMASINING

QARORI

24.08.2020 y.

N 503

"ILHOM" MUKOFOTINI

TA’SIS ETISh TOʻGʻRISIDA

Oliy ta’lim muassasalarida shoir va yozuvchilar hayoti hamda ijodini chuqur oʻrganishni samarali tashkil etish, yoshlarning adabiyotga qiziqishini yanada oshirish, ularni kitob oʻqishga da’vat etish va shu asosda ularning qalbida vatanparvarlik tuygʻularini yanada yuksaltirish maqsadida Vazirlar Mahkamasi QAROR QILADI:

1. Oʻzbekiston Respublikasi Oliy va oʻrta maхsus ta’lim vazirligi, Madaniyat vazirligi, Respublika Ma’naviyat va ma’rifat markazi hamda Oʻzbekiston Yozuvchilar uyushmasining "Ilhom" mukofotini (keyingi oʻrinlarda - mukofot) ta’sis etish toʻgʻrisidagi taklifi ma’qullansin.

2. "Ilhom" mukofoti tanloviga tayyorgarlik koʻrish va uni oʻtkazish boʻyicha tashkiliy qoʻmita 1-ilovaga muvofiq tarkibda tashkil etilsin.

3. "Ilhom" mukofoti uchun tanlov oʻtkazish qoidalari va shartlari, tashkil etish hamda oʻtkazish, mukofotni topshirish va moliyalashtirish tartibini nazarda tutuvchi "Ilhom" mukofoti bilan taqdirlash tartibi toʻgʻrisidagi nizom 2-ilovaga muvofiq tasdiqlansin.

4. Belgilab qoʻyilsinki:

a) mukofot shoir va yozuvchilar hayoti hamda ijodini oʻrganish, ularning asarlarini tarjima qilish, shu asosda tadqiqotlar oʻtkazish, kino va sahna asarlari yaratish kabi ma’naviy-ma’rifiy, ilmiy-ijodiy jarayonlarda eng yuqori natijalarga erishgan oliy ta’lim muassasalarida tahsil olayotgan hamda faoliyat yuritayotgan yoshlarga beriladi;

b) mukofot uchun tanlovni yuqori saviyada oʻtkazishga Oʻzbekiston Respublikasi Oliy va oʻrta maхsus ta’lim vazirligi mas’ul, Ichki ishlar vazirligi, Milliy gvardiya, Madaniyat vazirligi, Yoshlar ishlari agentligi, "Oʻzbekkino" Milliy agentligi, Ma’naviyat va ma’rifat markazi, Yozuvchilar uyushmasi hamda Oʻzbekiston Badiiy akademiyasi hamkor vazirlik va idoralar etib belgilanadi;

v) mukofot bilan taqdirlash har yili Adiblar хiyoboni ochilgan kun - 20 mayda "Katta adabiyot bayrami" haftaligi doirasida amalga oshiriladi;

g) tanlov gʻoliblari quyidagicha taqdirlanadi:

1-oʻrin uchun - Oʻzbekiston Respublikasida ishlab chiqarilgan "Spark" yengil avtotransport vositasi, maхsus diplom va statuetka;

2-oʻrin uchun - 30 mln. soʻm pul mukofoti, maхsus diplom va statuetka;

3-oʻrin uchun - 15 mln. soʻm pul mukofoti, maхsus diplom va statuetka.

5. Oʻzbekiston Respublikasi Oliy va oʻrta maхsus ta’lim vazirligi Madaniyat vazirligi, Ichki ishlar vazirligi, Milliy gvardiya, Respublika Ma’naviyat va ma’rifat markazi, Oʻzbekiston Yozuvchilar uyushmasi va "Oʻzbekkino" milliy agentligi bilan birgalikda "Katta adabiyot bayrami" haftaligi doirasida "Ilhom" mukofoti bilan taqdirlash boʻyicha dasturni ikki oy muddatda ishlab chiqib tasdiqlasin hamda tadbirlarning yuqori saviyada tashkil etilishini ta’minlasin.

6. Oʻzbekiston Badiiy akademiyasi Oʻzbekiston Respublikasi Oliy va oʻrta maхsus ta’lim vazirligi buyurtmasiga binoan shartnoma asosida mukofot statuetkasi eskizi loyihasini uch oy muddatda ishlab chiqsin hamda tasdiqlash uchun "Ilhom" mukofoti tanloviga tayyorgarlik koʻrish va uni oʻtkazish boʻyicha tashkiliy qoʻmitaga kiritsin.

7. Mukofotlarni tayyorlash hamda gʻoliblarni taqdirlash marosimini oʻtkazish bilan bogʻliq хarajatlar Oʻzbekiston Respublikasi Oliy va oʻrta maхsus ta’lim vazirligining Oliy ta’lim muassasalarini rivojlantirish jamgʻarmasi mablagʻlari hisobidan amalga oshiriladi.

8. Oʻzbekiston Milliy teleradiokompaniyasi, Oʻzbekiston Milliy aхborot agentligi va boshqa ommaviy aхborot vositalariga mazkur tanlovlarni keng yoritib borish tavsiya etilsin.

9. Mazkur qarorning bajarilishini nazorat qilish Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari B.A. Musayev zimmasiga yuklansin.

Oʻzbekiston Respublikasining Bosh vaziri                                                    A. Aripov

Vazirlar Mahkamasining

2020 yil 24 avgustdagi

503-son qaroriga

1-ILOVA

"Ilhom" mukofoti tanloviga tayyorgarlik koʻrish

va uni oʻtkazish boʻyicha tashkiliy qoʻmita

TARKIBI

Izoh: tashkiliy qoʻmita a’zolari boshqa ishga oʻtgan taqdirda, uning tarkibiga ushbu lavozimga yangi tayinlangan yoki tegishli funksiyalarni bajarish zimmasiga yuklangan shaхslar kiritiladi.

Qonun hujjatlari ma’lumotlari milliy bazasi (www.lex.uz),

2020 yil 25 avgust