Oʻzbekiston Respublikasi Prezidentining 15.09.2020 y. PQ-4826-son "Xalqaro shartnomani tasdiqlash toʻgʻrisida"gi Qarori
OʻZBEKISTON RESPUBLIKASI
PREZIDENTINING
QARORI
15.09.2020 y.
N PQ-4826
XALQARO ShARTNOMANI
TASDIQLASh TOʻGʻRISIDA
1. Oʻzbekiston Respublikasi va Yaponiya oʻrtasida 2019 yil 19 dekabrda Tokio shahrida imzolangan Daromad soliqlari boʻyicha ikki yoqlama soliqqa tortishni bartaraf qilish hamda soliqlarni toʻlashdan bosh tortish va boʻyin tovlashning oldini olish toʻgʻrisidagi konvensiya tasdiqlansin.
2. Oʻzbekiston Respublikasi Tashqi ishlar vazirligi mazkur хalqaro shartnoma kuchga kirishi uchun zarur boʻlgan davlat ichki tartib-taomillari Oʻzbekiston Respublikasi tomonidan bajarilganligi toʻgʻrisida Yaponiya tomoniga tegishli хabarnoma yoʻllasin.
3. Oʻzbekiston Respublikasi Vazirlar Mahkamasi hamda tegishli vazirliklar va idoralarning rahbarlari mazkur хalqaro shartnoma kuchga kirgandan keyin Oʻzbekiston Respublikasining majburiyatlari bajarilishi ustidan belgilangan tartibda nazoratni ta’minlasin.
4. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. Mirziyoyev
Qonun hujjatlari ma’lumotlari milliy bazasi (www.lex.uz),
2020 yil 16 sentyabr
"Oʻzbekiston Respublikasi qonun hujjatlari toʻplami",
2020 yil 28 sentyabr, 37-38-son, 420-modda