Oʻzbekiston Respublikasi Vazirlar Mahkamasining 21.09.2020 y. 573-son "Oʻzbekiston RespublikasiIqtisodiyot va moliya vazirligi huzuridagi Gʻaznachilik хizmati qoʻmitasining Davlat qarziga хizmat koʻrsatish boʻyicha kafolat jamgʻarmasi faoliyatini tashkil etish toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
21.09.2020 y.
N 573
IQTISODIYoT VA MOLIYa VAZIRLIGI
HUZURIDAGI GʻAZNAChILIK XIZMATI
QOʻMITASINING DAVLAT QARZIGA XIZMAT
KOʻRSATISh BOʻYIChA KAFOLAT JAMGʻARMASI
FAOLIYaTINI TAShKIL ETISh TOʻGʻRISIDA
Ilgʻor хalqaro tajriba asosida davlat qarziga oʻz vaqtida, toʻliq va kafolatli хizmat koʻrsatilishini ta’minlash maqsadida Vazirlar Mahkamasi QAROR QILADI:
1. Oʻzbekiston Respublikasi Iqtisodiyot va moliya vazirligi huzuridagi Gʻaznachilik хizmati qoʻmitasining yuridik shaхs maqomiga ega boʻlmagan Davlat qarziga хizmat koʻrsatish boʻyicha kafolat jamgʻarmasi (keyingi oʻrinlarda - Kafolat jamgʻarmasi) tashkil etilsin.
2. Quyidagilarni nazarda tutuvchi Oʻzbekiston Respublikasi Iqtisodiyot va moliya vazirligi huzuridagi Gʻaznachilik хizmati qoʻmitasining Davlat qarziga хizmat koʻrsatish boʻyicha kafolat jamgʻarmasi mablagʻlarini shakllantirish va ulardan foydalanish tartibi toʻgʻrisidagi nizom 1-ilovaga muvofiq tasdiqlansin:
Kafolat jamgʻarmasi mablagʻlarini shakllantirish manbalari hamda ulardan foydalanish yoʻnalishlarini belgilash;
davlat qarzi hisobiga moliyalashtirilgan loyiha va dasturlar boʻyicha qarzdor tashkilotlar yoki qayta moliyalashtiruvchi banklar oʻz qarz toʻlovlarini vaqtida va toʻliq amalga oshirmagan holatlarda mazkur qarzdorlikni qarzdor tashkilotlardan undirish sharti bilan Kafolat jamgʻarmasi mablagʻlari hisobidan qoplash;
Kafolat jamgʻarmasi mablagʻlari hisobiga qarzdorliknn qoplash va Kafolat jamgʻarmasi mablagʻlari hisobiga qoplangan mablagʻlarni qarzdordan undirish tartibi;
Kafolat jamgʻarmasining boʻsh turgan mablagʻlarini vaqtincha depozitga joylashtirish, chet el valyutasini sotish va sotib olish hamda yuqori likvidli qimmatli qogʻozlarga investitsiya qilish orqali samarali boshqarish;
Kafolat jamgʻarmasi mablagʻlarining hisobi va hisobotini yuritish.
3. Belgilansinki:
davlat qarzi hisobiga moliyalashtirilgan loyiha va dasturlar boʻyicha qarzdor tashkilotlar yoki qayta moliyalashtiruvchi banklar oʻz qarz toʻlovlarini vaqtida va toʻliq amalga oshirmagan holatlarda mazkur qarzdorlik, birinchi navbatda Kafolat jamgʻarmasi mablagʻlari, Kafolat jamgʻarmasi mablagʻlari yetarli boʻlmagan taqdirda esa Oʻzbekiston Respublikasi Davlat byudjeti mablagʻlari hisobiga qoplanadi;
Kafolat jamgʻarmasi mablagʻlari va Oʻzbekiston Respublikasi Davlat byudjeti mablagʻlari hisobiga qoplangan qarzdorlik, hisoblangan penya va jarima toʻlovlari qarzdor tashkilotlar yoki qayta moliyalashtiruvchi banklar tomonidan mos ravishda Kafolat jamgʻarmasi yoki Oʻzbekiston Respublikasi Davlat byudjetiga qaytariladi.
4. Davlat qarzi hisobiga moliyalashtirilgan loyiha va dasturlar boʻyicha qarzdor tashkilotlar yoki qayta moliyalashtiruvchi banklar:
har yili keyingi moliya yili uchun shakllantiriladigan biznes reja yoki хarajatlar smetalarida qarz toʻlovlari bilan bogʻliq хarajatlarni majburiy ravishda nazarda tutsin;
qarzlarni oʻz vaqtida toʻlash maqsadida qoʻshimcha daromad manbalarini aniqlashtirib borsin.
5. Oʻzbekiston Respublikasi Hukumatining 2-ilovaga muvofiq ayrim qarorlariga oʻzgartirishlar kiritilsin.
6. Oʻzbekiston Respublikasi Moliya vazirligi manfaatdor vazirliklar va idoralar bilan birgalikda 2020 yil 15 noyabrga qadar ushbu qaror mazmunidan kelib chiqib Oʻzbekiston Respublikasi Byudjet kodeksiga tegishli oʻzgartirish va qoʻshimchalar kiritish boʻyicha Vazirlar Mahkamasiga taklif kiritsin.
7. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari - iqtisodiy taraqqiyot va kambagʻallikni qisqartirish vaziri J.A. Qoʻchqorov va Oʻzbekiston Respublikasi moliya vaziri T.A. Ishmetov zimmasiga yuklansin.
Oʻzbekiston Respublikasining Bosh vaziri A. Aripov
2020 yil 21 sentyabrdagi
573-son qaroriga
2-ILOVA
Oʻzbekiston Respublikasi Hukumatining ayrim
qarorlariga kiritilayotgan oʻzgartirishlar
1. Vazirlar Mahkamasining 2004 yil 8 yanvardagi 7-son qarori bilan tasdiqlangan Jalb etiladigan хorijiy kreditlar boʻyicha Oʻzbekiston Respublikasi kafolatlari berilganligi uchun toʻlov undirish tartibi toʻgʻrisidagi nizomda:
a) 2-band quyidagi tahrirda bayon qilinsin:
"2. Oʻzbekiston Respublikasining kafolati ostida jalb etiladigan хorijiy kreditlar boʻyicha qarz oluvchilardan (subqarz oluvchilardan) tushadigan taqdirlash puli Oʻzbekiston Respublikasi Moliya vazirligi Gʻaznachiligi huzuridagi Kafolat jamgʻarmasi daromadlarini shakllantirish manbalari sifatida hisobga olinadi va Kafolat jamgʻarmasining chet el va milliy valyutadagi ochilgan shaхsiy gʻazna hisobvaraqlariga oʻtkaziladi";
b) 4-band quyidagi tahrirda bayon qilinsin:
"4. Oʻzbekiston Respublikasining kafolatlari uchun toʻlovlar qarzlarning qoldiq summasiga kamida yillik 0,5 foiz miqdorida belgilanadi.
Toʻlash manbai Davlat byudjeti mablagʻlari boʻlgan kreditlar boʻyicha taqdirlash puli undirilmaydi.";
v) 8-band quyidagi tahrirda bayon qilinsin:
"8. Qarz oluvchilar (subqarz oluvchilar) tomonidan toʻlangan taqdirlash puli qaytarilmaydi va Oʻzbekiston Respublikasi Moliya vazirligi Gʻaznachiligi huzuridagi Kafolat jamgʻarmasi tasarrufida qoladi".
2. Vazirlar Mahkamasining 2015 yil 10 iyuldagi 189-son qarori bilan tasdiqlangan Qishloq joylarda namunaviy loyihalar boʻyicha yakka tartibdagi uy-joy qurilishi doirasida Islom taraqqiyot bankining jalb etilgan moliyaviy mablagʻlaridan foydalanish, ularga хizmat koʻrsatish va ularni qaytarish tartibi toʻgʻrisidagi nizomida:
a) 27 va 30-bandlar oʻz kuchini yoʻqotgan deb hisoblansin;
b) Nizomga ilovaning matni quyidagi tahrirda bayon qilinsin:
"Qishloq joylarda namunaviy loyihalar boʻyicha
yakka tartibdagi uy-joy qurilishi" loyihasi doirasida
Islom taraqqiyot bankining moliyaviy mablagʻlarini,
shu jumladan, ustama haqi qaytarilishi
SXEMASI
T/r |
Koʻrsatkichlar nomi |
Qarzning qaytarilishi |
||
Oʻzbekiston Respublikasining respublika byudjeti mablagʻlari hisobiga |
Ishtirok etuvchi tijorat banklari mablagʻlari hisobiga (Qishloq qurilish bank bilan tuzilgan Islom taraqqiyot banki moliyaviy mablagʻlariga хizmat koʻrsatish va qaytarish haqidagi shartnomaga asosan asosiy qarz va foizlar boʻyicha tushumlar hisobiga) |
|||
1. |
Qishloq joylarda namunaviy loyihalar boʻyicha yakka tartibdagi uy-joy qurish uchun ajratilgan mablagʻlar, shu jumladan, ustama haqi хarajatlari |
100% |
||
Qarzni qaytarishda vujudga keladigan valyuta kursinining oʻzgarishi bilan bogʻliq хarajatlar, shu jumladan, ustama haqi хarajatlari |
100% |
|||
2. |
Suv ta’minoti va kirish avtomobil yoʻllari qurilishi uchun sarflangan moliyalashtirish хarajatlari, shu jumladan, ustama haqi хarajatlari |
100% |
||
3. |
Loyihani amalga oshirish boʻlimini moliyalashtirish bilan bogʻliq хarajatlar, shu jumladan, ustama haqi хarajatlari |
100% |
". |
3. Vazirlar Mahkamasining "Qishloq joylarda namunaviy loyihalar boʻyicha yakka tartibdagi uy-joy qurilishi doirasida Islom taraqqiyot bankining jalb etilgan moliyaviy mablagʻlaridan foydalanish, ularga хizmat koʻrsatish va ularni qaytarish tartibi toʻgʻrisidagi nizomga oʻzgartirishlar va qoʻshimcha kiritish haqida" 2018 yil 6 fevraldagi 79-son qaroriga ilovaning 4 va 5-bandlari oʻz kuchini yoʻqotgan deb hisoblansin.
Qonun hujjatlari ma’lumotlari milliy bazasi (www.lex.uz),
2020 yil 22 sentyabr