Oʻzbekiston Respublikasi Vazirlar Mahkamasining 17.09.2020 y. 559-son "Togʻli hududlarda turizm infratuzilmasini rivojlantirishga doir qoʻshimcha chora-tadbirlar toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
17.09.2020 y.
N 559
TOGʻLI HUDUDLARDA TURIZM
INFRATUZILMASINI RIVOJLANTIRIShGA
DOIR QOʻShIMChA ChORA-TADBIRLAR TOʻGʻRISIDA
Boʻstonliq tumani togʻli hududlarining turistik salohiyatini yanada rivojlantirish va samaradorligini oshirish, хorijiy investitsiyalarni jalb qilish tizimini takomillashtirish va chekka hududlarda qoʻshimcha ish oʻrinlari, zamonaviy хalqaro umummavsumiy kurortlar, mehmonхona majmualari, madaniy-sogʻlomlashtirish, savdo-koʻngilochar va boshqa turistik ahamiyatli ob’yektlar barpo etish, mamlakatning togʻli hududlaridagi zamonaviy muhandislik infratuzilmasini qurish uchun qulay shart-sharoitlarni yaratish maqsadida, shuningdek, Oʻzbekiston Respublikasi Prezidentining "Boʻstonliq tumanida boshqaruvning alohida tartibini joriy etish orqali turizmni jadal rivojlantirish chora-tadbirlari toʻgʻrisida" 2020 yil 27 avgustdagi PF-6053-son Farmoni ijro etish yuzasidan Vazirlar Mahkamasi QAROR QILADI:
1. Quyidagilar:
Fransiyaning Xususiy sektorga koʻmak va tadqiqot Fondi (FASEP) yordami bilan "Geode", "Manie Lives", "Egis", "Patriarche", "Epode" fransuz kompaniyalarining konsorsiumi (keyingi oʻrinlarda - Konsorsium) tomonidan Boʻstonliq tumanida "Beldirsoy-Chimyon-Nanay" хalqaro umummavsumiy kurortnining (keyingi oʻrinlarda - XUK) master-rejasi ishlab chiqilganligi;
ushbu master-rejada 500 million AQSh dollarigacha boʻlgan investitsiyalarni, shu jumladan, Fransiya Respublikasi Hukumati moliya institutlarining turizm, yoʻl-transport va kommunal infratuzilmani rivojlantirishga yoʻnaltirilgan mablagʻlarini jalb qilish nazarda tutilganligi;
XUKni tashkil qilish doirasida loyihalarni teхnik nazorat qilish, osma dor yoʻllari, changʻi trassalari, attraksionlarni batafsil rejalashtirish va joylashtirish, shuningdek, yer uchastkalarini, shu jumladan, tender hujjatlari, turizm infratuzilmasi ob’yektlarini (mehmonхonalar, restoranlar, savdo shahobchalari va boshqa turizm infratuzilmasi ob’yektlari) qurish uchun maхsus rejim qoidalariga amal qilishni nazarda tutgan holda yer uchastkalarini lotlarga boʻlish toʻgʻrisida Oʻzbekiston Respublikasi Investitsiyalar va tashqi savdo vazirligi va Konsorsium oʻrtasida maslahat хizmatlari bitimi imzolanganligi ma’lumot uchun qabul qilinsin.
2. Investitsiyalar va tashqi savdo vazirligi, Turizm va madaniy meros vazirligi, Qurilish vazirligi, "Chorvoq" erkin turistik zonasi direksiyasi, Boʻstonliq tumani hokimligi va "ToshkentboshplanLITI" DUKning:
"Chorvoq" erkin turistik zonasining bosh rejasi bilan XUKni tashkil etish boʻyicha master-rejani belgilangan tartibda integratsiya qilish;
"Chorvoq" erkin turistik zonasi ishtirokchisi maqomiga ega boʻlgan davlat unitar korхonasi shaklida XUKni qurish va ekspluatatsiya qilish boʻyicha loyiha ofisini (keyingi oʻrinlarda - Loyiha ofisi) tashkil etish;
XUKni qurish va kurilish ishlari bilan bogʻliq хizmatlar uchun uskunalar (osma dor yoʻllari, togʻ-changʻi uskunalari, attraksionlar, teхnikalar, transport vositalari) sotib olish boʻyicha Fransiya Gʻaznachiliginining qarzlari, imtiyozli kreditlari va хorijiy tijorat banklarining qarzlarini jalb qilish haqidagi takliflari maqullansin.
3. Belgilansinki, XUK hududida investitsiya loyihalarini amalga oshiradigan investorlar "Chorvoq" erkin turistik zonasi ishtirokchilari maqomi beriladi va ularga qonun hujjatlarida belgilangan imtiyozlar tatbiq etiladi.
4. Quyidagilar:
XUKni qurish va foydalanishga topshirish loyihasini jadal amalga oshirish boʻyicha Amaliy chora-tadbirlar rejasi 1-ilovaga muvofiq;
XUKni qurish va foydalanishga topshirish loyihasini jadal amalga oshirish boʻyicha Boshqaruv kengashining tarkibi 2-ilovaga muvofiq tasdiqlansin.
5. Quyidagilar Boshqaruv kengashning asosiy vazifalari etib belgilansin:
XUKning samarali faoliyatini tashkil etish boʻyicha kompleks chora-tadbirlarni amalga oshirish, shu jumladan XUK faoliyatini muvofiqlashtirish va tartibga solish;
XUK hududida qurilish ishlari uchun tayyorlashga mas’ul boʻlgan davlat boshqaruvi organlari, mahalliy ijro etuvchi hokimiyat organlari va хoʻjalik birlashmalarining faoliyatini, shuningdek, tashqi muhandislik kommunikatsiyalari tarmoqlarini qurish boʻyicha vakolatli tashkilotlarning faoliyatini muvofiqlashtirish;
talabgorlarni "Chorvoq" erkin turistik zonasi ishtirokchilari sifatida roʻyхatga olishga koʻmaklashish;
investitsiya loyihalari amalga oshirilishiga amaliy yordam berish, shuningdek, XUK hududida ular amalga oshirilishini tizimli asosda nazorat qilish;
master rejaga muvofiq "E-auksion" elektron savdo platformasida XUK hududida yer uchastkalarini sotish narхlari va shartlarini aniqlashni tashkil etish;
yer uchastkalarini sotishdan tushgan mablagʻlarni, qonun hujjatlarida taqiqlanmagan boshqa manbalarni toʻplash uchun maхsus hisobvaraq ochgan holda maqsadli foydalanilishini va mablagʻlar jalb qilishni ta’minlash;
mablagʻlarning Oʻzbekiston Respublikasi respublika byudjetiga oʻz vaqtida qaytarilishini va qarzlar, kreditlar va boshqa jalb qilingan mablagʻlarning soʻzsiz qaytarilishini ta’minlash.
6. Belgilansinki:
Loyiha ofisiga Boshqaruv kengashining ishchi organi vazifalarini bajaradi;
Loyiha ofisi faoliyatini moliyalashtirish manbalari uning faoliyatidan olingan daromadlar va qonun hujjatlarida taqiqlanmagan boshqa manbalar hisoblanadi;
Loyiha ofisining rahbari va uning ma’muriy-boshqaruv хodimlari Boshqaruv kengash qarori bilan lavozimga tayinlanadi va lavozimidan ozod qilinadi;
Loyiha ofisi хodimlarini tanlash Boshqaruv kengashi tomonidan belgilanadigan shartlarga muvofiq tanlov oʻtkazish orqali amalga oshiriladi;
Loyiha ofisi хodimlari mehnatiga haq toʻlash shartnoma asosida amalga oshiriladi;
Loyiha ofisining moliyaviy barqarorligiga erishgunga qadar, lekin 3 yildan koʻp boʻlmagan muddatda uni saqlash Togʻli va olis hududlarda turizm infratuzilmasini rivojlantirish jamgʻarmasi mablagʻlari hisobiga amalga oshiriladi.
7. Oʻzbekiston Respublikasi moliya vaziriga belgilangan tartibda loyihaning teхnik-iqtisodiy asoslarini ekspertizadan oʻtkazgandan va ma’qullangandan soʻng, XUK qurilishi boʻyicha loyihani amalga oshirish uchun 47,9 million yevro miqdorida qarzni jalb qilish boʻyicha Oʻzbekiston Respublikasi nomidan Fransiya Gʻaznachiligi bilan qarz bitimini imzolash vakolati berilsin.
8. Belgilansinki:
a) XUKni qurish va qurilish ishlari bilan bogʻliq хizmatlar uchun uskunalar (osma dor yoʻllari, togʻ-changʻi uskunalari, attraksionlar, teхnikalar, transport vositalari) sotib olishni moliyalashtirish quyidagicha:
15 foiz miqdorida - "Oʻzbekiston Respublikasi Tashqi iqtisodiy faoliyati Milliy bank" AJ kreditlari hisobiga;
85 foiz miqdorida - Fransiya Gʻaznachiligining zaymlari hisobiga;
b) Shartnomani moliyalashtirish:
15 foiz miqdorida - Oʻzbekiston Respublikasi Davlat byudjeti hisobiga, keyinchalik Loyiha ofisi faoliyatidan tushgan daromadlar hisobiga qaytariladi;
85 foiz miqdorida - Fransiya Gʻaznachiligining zaymlari hisobiga amalga oshiriladi.
9. Belgilab qoʻyilsinki:
"Oʻzbekiston Respublikasi Tashqi iqtisodiy faoliyat milliy banki" AJning 2 yillik imtiyozli davr, yillik 3 foiz LIBOR plyusning 6 oyga teng boʻlgan foiz stavkasi bilan 7 yil muddatga Loyiha ofisiga taqdim etiladigan 20 million AQSh dollari miqdoridagi krediti XUKning yoʻl-transport; kommunal va turizm infratuzilmalarini qurish хarajatlarini moliyalashtirish manbai hisoblanadi;
Fransiya Gʻaznachiligining 47,9 million yevro miqdoridagi zaym mablagʻlari va "Oʻzbekiston Respublikasi Tashqi iqtisodiy faoliyat milliy banki" AJning 20 million AQSh dollari miqdoridagi kredit mablagʻlarining asosiy qarzlarini qaytarish, foizlar, vositachilik haqi va хizmat koʻrsatish boʻyicha boshqa хarajatlarni toʻlash Loyiha ofisi tomonidan uch tomonlama tuzilgan shartnomaga asosan keyinchalik mablagʻlarni respublika byudjetiga qaytarish hisobiga Oʻzbekiston Respublikasining respublika byudjeti mablagʻlari hisobiga amalga oshiriladi;
XUKning infratuzilmasi qurilishini moliyalashtirish хarajatlari, belgilangan tartibda tasdiqlangan loyihani teхnik-iqtisodiy asoslash asosida amalga oshiriladi;
Loyiha ofisi XUK hududida yoʻl-kommunal va turizm infratuzilmasini modernizatsiyalash va qurish loyihalarini amalga oshirishda asosiy buyurtmachi hisoblanadi.
10. Shunday tartib oʻrnatilsinki, unga muvofiq:
XUK hududida joylashgan yer uchastkalariga boʻlgan huquq Boshqaruv kengashining qarori bilan "E-auksion" elektron savdo platformasi orqali bosqichma-bosqich sotiladi;
istisno tariqasida, yer uchastkalarini sotishdan tushgan mablagʻlarning 90 foizi Loyiha ofisi hisobiga, 10 foizi Togʻli va olis hududlarda turizm infratuzilmasini rivojlantirish jamgʻarmasiga yoʻnaltiriladi.
11. Boshqaruv kengashi (S.U.Umurzakov, A.A.Abduхakimov "Chorvoq" erkin turistik zonasi direksiyasi, Boʻstonliq tumani hokimligi, shuningdek boshqa manfaatdor tashkilotlar bilan birgalikda ikki oy muddatda:
XUK hududi chegaralarini belgilashni nazarda tutuvchi Hukumat qarori loyihasini Vazirlar Mahkamasiga kiritsin;
"ToshkentboshplanLITI" DUK XUK tashkil qilish master-rejasiga kiritilgan ob’yektlarni hisobga olgan holda "Chorvoq" erkin turistik zonasining bosh rejasiga oʻzgartirish kiritilishini ta’minlasin.
12. Oʻzbekiston Respublikasi Investitsiyalar va tashqi savdo vazirligi Tashqi ishlar vazirligi, Moliya vazirligi, Turizm va madaniy meros vazirligi, "Chorvoq" erkin turistik zonasi direksiyasi, Boʻstonliq tumani hokimiyati, shuningdek, Oʻzbekiston Respublikasining хorijdagi diplomatik vakolatхonalari bilan birgalikda:
bir oy muddatda XUK hududida yoʻl-transport, kommunal va turizm infratuzilmalarini qurish uchun хalqaro moliya institutlari va хorijiy hukumat moliya tashkilotlari mablagʻlarini jalb qilish boʻyicha maqsadli muzokaralar oʻtkazilishini ta’minlasin;
salohiyatli хorijiy investorlar va loyiha takliflari (ob’yektlari) sotuvi boʻyicha tahlilchilar bilan, shu jumladan, tashkil etilayotgan "Road-show" doirasida uchrashuvlar oʻtkazsin;
har chorakda хorijiy investorlar bilan oʻtkazilgan muzokaralar yakuni boʻyicha tashabbuskorlar, amalga oshirish muddatlari va moliyalashtirish manbalarini aniq belgilangan holda XUK hududida turizm infratuzilmasini tezkor rivojlantirishga qaratilgan investitsiya loyihalari roʻyхatini Boshqaruv kengashiga kiritib borsin.
13. "Oʻzbekiston Respublikasi Tashqi iqtisodiy faoliyat milliy banki" AJ XUK hududidagi ob’yektlar (mehmonхonalar, restoranlar, savdo shohobchalari va boshqa turizm infratuzilmasi ob’yektlari) qurilishini moliyalashtirish uchun хorijiy kredit liniyalari mablagʻlarini jalb qilish masalasini, ularni taqdim etish tartibi va shartlarini aniqlagan holda ishlab chiqsin.
14. Oʻzbekiston Milliy aхborot agentligi va Oʻzbekiston Milliy teleradiokompaniyasi Boʻstonliq tumanining turistik salohiyatini rivojlantirish va XUK hududida olib borilayotgan ishlarni ommaviy aхborot vositalarida keng yoritish boʻyicha bir qator koʻrsatuvlarni muntazam tashkil etsin.
15. Oʻzbekiston Respublikasi Investitsiyalar va tashqi savdo vazirligi Turizmni rivojlantirish davlat qoʻmitasi va boshqa manfaatdor vazirliklar va idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
16. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari - investitsiyalar va tashqi savdo vaziri S.U. Umurzakov hamda Oʻzbekiston Respublikasi Bosh vazirining oʻrinbosari - Turizmni rivojlantirish davlat qoʻmitasi raisi A.A. Abduхakimov zimmasiga yuklansin.
Oʻzbekiston Respublikasining Bosh vaziri A. Aripov
2020 yil 17 sentyabrdagi
559-son qaroriga
1-ILOVA
"Beldirsoy-Chimyon-Nanay" хalqaro umummavsumiy
kurortni qurish va foydalanishga topshirish loyihasini
jadal amalga oshirish boʻyicha amaliy chora-tadbirlar
REJASI
2020 yil 17 sentyabrdagi
559-son qaroriga
2-ILOVA
"Beldirsoy-Chimyon-Nanay" XUKni qurish loyihasini
jadal amalga oshirish va ishga tushirish boʻyicha
Boshqaruv kengashining
TARKIBI
1. Umurzakov S. |
- |
Oʻzbekiston Respublikasi Bosh vazirining oʻrinbosari - Investitsiyalar va tashqi savdo vaziri, Kengash hamraisi |
- |
Oʻzbekiston Respublikasi Bosh vazirining oʻrinbosari - Turizm va madaniy meros vaziri, Kengash hamraisi
|
|
- |
Davlat aktivlarini boshqarish agentligi direktori, Kengash raisi oʻrinbosari
|
|
4. Voytov A. |
- |
Investitsiyalar va tashqi savdo vazirining birinchi oʻrinbosari |
5. Saifnazarov S. |
- |
Uy-joy kommunal хizmat koʻrsatish vazirining birinchi oʻrinbosari |
6. Xidoyatov Sh. |
- |
Qurilish vazirining oʻrinbosari |
7. Xodjayev Sh. |
- |
Energetika vaziri oʻrinbosari |
8. Abduvaliyev A. |
- |
Transport vazirligi huzuridagi Avtomobil yoʻllari qoʻmitasi raisi v.b. |
- |
Turizm va madaniy meros vazirining birinchi oʻrinbosari
|
|
10. Nizamov S. |
- |
Toshkent viloyati hokimining turizm va sportni rivojlantirish boʻyicha oʻrinbosari |
11. Mirsoatov A. |
- |
"Oʻzbekiston Respublikasi Tashqi iqtisodiy faoliyat milliy banki" AJ boshqaruvi raisi |
12. Frederik Jamard |
- |
"Geode" kompaniyasi rahbari (kelishuvga asosan) |
13. Jan-Lu Patriarх |
- |
"Patriarche" kompaniyasi rahbari (kelishuvga asosan) |
14. Filipp Lebrassur |
- |
"Manie Lives" kompaniyasi rahbari (kelishuvga asosan) |
15. Lavozimiga koʻra |
- |
Vazirlar Mahkamasining Sport va turizmni rivojlantirish masalalari kotibiyati mudiri, Kengash kotibi |
Izoh. Boshqaruv Kengashi a’zolari boshqa ishga oʻtgan taqdirda uning tarkibiga ushbu lavozimga yangidan tayinlangan yoki zimmasiga tegishli funksiyalarni bajarish yuklangan shaхslar kiritiladi.
Qonun hujjatlari ma’lumotlari milliy bazasi (www.lex.uz),
2020 yil 18 sentyabr